सागर संगम ठाकुर, रौतहट, भदौ ४ गते
रौतहटको प्रसिद्ध धार्मिक स्थल शिवनगरमा पहिलोपटक सावन सोमवारी महोत्सव २०८० आयोजना गरिएको छ ।
जिल्लाको चर्चित एवं पर्यटकीय स्थलको रुपमा रहेको शिवनगरमा पहिलोपटक सावन सोमवारी महोत्सव २०८० आयोजना गरिएको हो ।
गरुडा नगरपालिकाको आर्थिक सहयोग र समाज बिकास केन्द्र गरुडा नगरपालिका वडा नं।१ र सह–आयोजक निराला जेनरल स्टोरको आयोजनामा शिवनगरमा महोत्सव हुदै आएको छ ।
टिकटकका शुःप्रसिद्ध कलाकार राजकुमार साह र एमएल पटेलका टिमले प्रत्येक सोमवारको दिन सावन सोमवारी महोत्सवमा आफ्नो प्रस्तुतिहरु प्रस्तुत गर्दै आएका छन ।
सावन महिनाको प्रत्यक सोमबार कुमारी कन्याले भगवान शिवको पुजा अराधना गरिदै आएको छ । सावन महिनाको सोमवार शिव जीको र्बत बस्नाले चाहे जसो बर मिलने र मनोभाकल पुरा हुने धार्मिक बिश्वास रहेको बताउन छन ।
गतेको हिसावले सोमवारी बर्त सकिएपछि तिथिको अनुसारले अझ पनि एउटा सोमवारी र्बत बाकीँ नै रहेकाले सो अन्तिम सोमबारको दिन पनि कार्यक्रम आयोजना गरिएको छ ।
आयोजकले आउदो भदौ ८ गते हुने महोत्सवमा चर्चित कलाकार पिर्ती पास्वान अन्य ख्याती प्राप्त कलाकारहरु आउने कार्यक्रम रहेको आयोजकले जनाएको छ ।
सातौं दिन जारी रहेको महोत्सवमा प्रमुख अतिथी गरुडा नगरपालिकाका नगर प्रमुख कन्थमणी प्रसाद जयसवाल रहनु भएको थियो भने बिशिष्ट अतिथीको रुपमा भोजपुरी फिल्म कब होई मिलनवा हमारको निर्माता एव निर्देशक नन्दु श्रीवास्तव रहनु भएको थियोे ।
कार्यक्रममा प्रमुख अतिथि जयसवाल र बिशिष्ट अतिथि श्रीवास्तवले बिभिन्न कलाकारहरुलाई गम्छा ओढाई प्रशंसा पत्रले संम्मान गरेको थियो ।
सोही क्रममा बिभिन्न राजनितिक दलका नेताहरुलाई पनि सम्मान पत्रले सम्मान गरिएको थियो । सम्मानित हुनेमा युवा नेता राजकुमार दास,कौशल खान मिथिला,सोभी सहनी,गरुडा नगरपालिका वडा नं। १ जयनगरका पुर्व वडा अध्यक्ष सरोज यादव लगाएत अन्य नेताहरु थियो । टिकटकका प्रसिद्ध कलाकार सोमिया पोखरेल, रचना सिवाकोटी, राजकुमार साह र अन्य कलाकारहरुले अ–आफ्नो प्रस्तुति प्रस्तुत गरेकोे थियोे ।
टिक टक कलाकारहरुले सभ्य र भब्य तरिकाले मधेशबाट लोप हुन लागेको आफ्नो कला र साँस्कृतिलाई जोगाउन ती कलाकारहरु सक्रिय हुन थालेका छन।
कुनै बेला मधेशमा निकै चर्चित रहेकोे समाचकेवा, झिझिया,जर जटिन लगाएत अन्य धार्मिक खेलहरु समाजबाट लोप हुन थालेका छन ।
अहिलेको एक्काइसौं सतावधिमा युवाहरू शिक्षा र काममा बढी अग्रसरता देखाए पछि मधेसका कला र साँस्कृतिक लोप हुने अवस्थामा पुगेका छन । कलालाई जोगाउन झाकी मार्फत प्रस्तुत गरेको थियोे ।
सो कार्यक्रममा टिकटकका कलाकाहरुले शिव लिला सम्बन्धि झाकी प्रस्तुती देखाएका थिए ।
आजको कार्यक्रममा गरुडा नगरपालिका भित्रका बिभिन्न राजनितिकदलका प्रतिनिधीहरु र मौलापुर एफएमका समाचार प्रमुखलाई पनि गम्छा र मयाँको चिन्होले सम्मान गरेका थियो ।

आरके श्रीवास्तव,रौहतट,भदौ ०४ गते ।
आफू नेशनल प्याबसन रौतहटको जिम्मेवार पाएदेखि सक्रिय रुपमा काम गर्दै आएको अध्यक्ष बिगन राय यादवले बताउनु भएको छ । आज पत्रकारहरु सँग कुराकानी गर्नु हुँदै वहाँले यस्तो बताउनु भएको छ । आफूले २०७८ सालको पुष महिनामा यो संस्था हाँक्ने जिम्मेवारी पाए । त्यस पछि अहिले सम्म मैले विभिन्न कार्यक्रमहरु र क्रियाकलापहरु गराएको छु ।
वादविवाद प्रतियोगिता,हाजिरी जवाफ प्रतियोगिता र सांस्कृतीक कार्यक्रम लगायतका विभिन्न कार्यक्रमहरु गराए । त्यस्तै नेशनल प्याबसनमा आबद्ध बिधालयहरु लाइ देशभित्र र बाहिर भ्रमणमा पनि लगे । केही दिन अघि हाजिरी जवाफ प्रतियोगीता पनि गराएको छु ।
जिल्लामा करिब ३७ वटा बिधालयहरु छन् । त्यसमा धेरै जसो ग्रामीण क्षेत्रका निजी बिधालयहरु बन्द भइसकेको र बन्द हुने अवस्थामा पुगेको बताउनु भयो । त्यस्ता बिधालयहरुको हकमा हामी लुम्बीनी विकास बैंक सँग सहकार्य गरी ६ प्रतिशत ब्याजदरमा सहुलियत ऋणको पनि व्यवस्था गराएको छु । यसमा कुनै प्रकारको धितो नराखीकन त्यस्ता बिधालयहरुले सहज ढंगले ऋण पाउन सक्ने छन् । बन्द भएको र बन्दको कागारमा पुगको बिधालयहरु पुनः सञ्चालन गर्न सहज होस् भन्ने उदेश्यले आफूले पहल गरी यस्तो व्यवस्था गराएको बताए ।
पछिल्लो समय सरकारले ल्याउन लागेको नयाँ ऐन निजी बिधालयहरुको हितविपरीत भएको बताएका छन् । कम्पनी ऐनमा भएको बिधालय लाइ फरफारक गरी गुठिमा जानु पर्छ भनि भनेको छ । त्यो अन्था भएको छ । हामी सरोकारवालाहरु सँग कुनै किसिमको छलफल र सल्लाह नगरीकन यो बिधेयक ल्याउन लागेको थियो । जसको हामीले विरोध गरेका छौं । यसको लागि हामीले जेगर्नु पर्ने भए हामी गर्न तयार छौं ।
निजी बिधालयमा अध्ययन गर्ने र सामुदायिक बिधालय बाट गएर जाँच दिने चलन नेपाल सरकारको कानुनले गर्दा भएको आरोप लगाएका छन् । केही ठाउँमा निजी बिधालयमा पढेका बिधार्थीहरुलाइ सुविधा बाट बञ्चित गरिएकोले यस्तो प्रवृति बढेको उनको भनाइ ।
न्यू डिभाइन लाइट बोर्डीङ्ग स्कूलका सञ्चालक समेत रहनु भएका यादव निजी बिधालय सञ्चालनमा धेरै चुनौती रहेको सुनाउँछन् । वि.स.२०४२ सालमा स्थापना भएको न्यू डिभाइन लाइट बोर्डीङ्ग स्कूल धेरै पुरानो स्कूल हो । नेपाल सरकार बाट २०५५।०५६ मा अनुमती लिएका हौं । त्यसबेला देखि अहिले सम्म विभिन्न प्रकारका समस्याहरुको सामना गर्नु परेको सुनाउनु भयो । कहिलेकाँही बिधार्थीहरुलाइ पढाएको तर त्यहाँ बाट फि नमिलेको,शिक्षकलाइ तलब दिन समस्या,ऋण लिन पनि समस्या लगायत धेरै समस्याहरुको सामना गर्नु पर्यो ।
ती सबै चुनौतीहरुको सामना गर्दै हाम्रो स्कूलको जुन हुनुपर्ने गुणस्तरीयता छ । त्यसमा हामीले कुनै पनि कमी गरेका छैनौ । यहाँ पढेका त्रिधार्थीहरु धेरै ठाउँमा पुगि सकेका छन् । २०७२ र २०७४ मा यहाँ पढेका बिधार्थीहरु जिल्ला टप गरेका हुन् । यहाँ पढेका बिधार्थीहरु डाक्टर,इन्जिनियर भइसेको छन् । उच्च ओहदामा पुगेका छन् । यो बिधालयलाइ सबैले जान्ने गरेको छ । किनकी यहाँ फि कम छ ।
राम्रो पढाए छ । शिक्षकहरुलाइ पनि राम्रो सुविधा दिने गरेका छौ । ३० वर्ष देखि पढाउने शिक्षकहरु पनि रहेको बताए । स्रोत केन्द्र बाट हुने क्रियाकलापहरुमा यहाँका बिधार्थीहरु राम्रो गर्दै आएका थिए ।
अन्त्यमा वहाँले सम्पूर्ण अभिभावहरु लाइ ठुक्क भएर न्यू डिभाइन लाइट बोर्डीङ्ग स्कूलमा पठाउन आग्रह गर्नु भयो । बच्चाको पढाइ र भविष्यको ग्यारेन्टी आफूहरुले लिने आश्वासन दिनु भयो ।

आरके श्रीवास्तव,रौतहट,भदौ ०४ गते ।

रौतहटमा भारतबाट नेपाल भित्राउँदै गरेका १२ सय कुखुराका चल्ला नष्ट गरिएको छ ।

ईलाका प्रहरी कार्यालय गरुडा र कटहरियाको टोलीले सोमवार अवैध रूपमा नेपाल भित्रिँदै गरेको कुखुराको चल्ला पक्राउ गरि नष्ट गरेको हो । देवाहीगोनाही नगरपालिका वडा नम्बर ६ कर्कच कर्मैयाको बाटो हुँदै नेपाल छिर्दै गरेको सुराकीको आधारमा सोमबार बिहान ९ बजे आज पक्राउ गरि खाल्डो खनेर नष्ट गरिएको हो ।
अवैध चल्लाको मूल्य ४० हजार रहेको इप्रका गरुडाका डिएसपी ओमप्रकाश खनालले जानकारी गराउनु भयो । पशु शाखाका कर्मचारी,स्थानियहरु लगायतका व्यक्तीहरुको रोहबरमा कुखुराको चल्ला नष्ट गरिएको छ ।

अवैध रूपमा भारत बाट भित्रिएको ब्रोइलर कुखुराको चल्ला बरामद गरी नष्ट गरिएको छ । चोरी निकासी भएको सूचना पाएपछि गस्ती टोली पठाएर बरामद गरेको इलाका प्रहरी कार्यालय गरुडाका प्रमुख खनालले बताउनुभयो । प्रहरीको गस्ती टोली देखेपछि तस्कर भागेको बताइएको छ ।

भारतमा चल्लाको मूल्य नेपाल भन्दा सस्तो पर्ने भएको हुँदा सीमावर्ती क्षेत्रबाट तस्करी हुँदै आएको छ । साइकल र मोटरसाइकिलमा राखेर सुरक्षाकर्मीलाई छक्याउँदै तस्करहरूले नेपाल भित्राउने गरेका छन् । त्यसरी भित्राइएको चल्ला सोझै कुखुरा उत्पादक कृषकलाई बिक्री गरिँदै आएको छ ।

काठमाडौं,भदौ ४ गते ।

आज नागपञ्चमी । परम्पराअनुसार आज नागको पूजाअर्चना गरी घरका मूलढोकामा नागको फोटो टाँसेर मनाइँँदै छ ।

यो पर्व प्रत्येक वर्ष श्रावण शुक्ल पञ्चमीको दिन मनाइन्छ । यस वर्ष साउनमा अधिकमास परेका कारण सौरमासअनुसार भदौमा यो पर्व परेको हो । यसरी नागको तस्बिर टाँस्दा वर्षभर घरमा नाग, सर्प र बिच्छीलगायतका जीवले दुःख नदिनुका साथै अग्नि, मेघ र चट्याङको भयबाट पनि बच्न सकिन्छ भन्ने धार्मिक विश्वास रहेको धर्मशास्त्रविद् एवं नेपाल पञ्चाङ्ग निर्णायक समितिका सदस्य प्रा डा देवमणि भट्टराईले जानकारी दिए ।

नाग पूजाको प्रचलन वैदिककालदेखि नै सुरु भएको हो । वैदिक मान्यताअनुसार नागलाई सर्पको राजा मानिन्छ । नाग रिसाए भने पानीको अभाव हुने भएकाले पानीका लागि पनि नागलाई खुसी पार्न पूजा गर्ने परम्परा बसेको हो । बराहपुराणमा उल्लेख भएअनुसार श्रावण शुक्ल पञ्चमीमा नागराजसँग ब्रह्माको संवाद भएकाले पनि आजको दिनमा नागपूजाका लागि प्रसिद्ध मानिन्छ ।

रामप्रवेश बैठा,मौलापुर,भदौ ०३ गते ।
रौतहटको मौलापुर नगरपालिकामा “हाम्रो मौलापुर” पुस्तक बिधार्थीको हाथ हाथमा पुगेको छ । मौलापुर नगरपालिकाको स्थानीय पाठयपुस्तक “हाम्रो मौलापुर” प्रत्येक बिधालयमा वितरण कार्य शुरू गरिएको छ ।
मौलापुरको हरेक पक्ष समेटीएको उक्त पुस्तकले बिधार्थीहरु वृद्धि बिकासमा ठुलो सहयोग पुगने बिश्वास लिएको नगर प्रमुख रिना कुमारी साहले बताउनु भयो । उक्त पुस्तक कक्षा १ देखि कक्षा ८ सम्म पढ़ाई हुने उनले जानकारी गराइन् । सो पुस्तकको लेखनको काम हेम प्रसाद साहले गरेका छन् ।

आरके श्रीवास्तव,रौतहट,भदौ ०३ गते ।
रौतहटको मध्य भाग गरुडामा रहेको श्रीराम सुगर मिल्स लिमिटेड लाइ पुनः सञ्चालन गराउन संघर्ष समिति गठन गरिएको छ । शनिवारको बृहत् किसान आमसभापछि आज गरुडा नगर उधोग वाणिज्य संघको सभाकक्षमा बसेको बैठकले यस्तो निर्णय गरेको हो ।
बैठक बाट उँखु उत्पादन संघ रौतहटका अध्यक्ष अशोक प्रसाद यादवको अध्यक्षतामा १०१ सदसीय संघर्ष समिति गठन गरिएको छ । गठित समितिको सदस्यहरुमा संतोष कुमार साह,ब्रिजकिशोर यादव,मो.कलिमुलाह,रामभरोस यादव,दिपक यादव,राजकुमार दास लगायतका व्यत्तीहरु रहेका छन् ।
बैठक बाट मिल सञ्चालनका लागि उधोग मन्त्रालय,अर्थ मन्त्रालय र प्रधामन्त्रीको कार्यालयमा डेलिगेशन लिएर जाने र पछि संघर्षको थप कार्यक्रम घोषणा गर्ने निर्णय भएको उँखु उत्पादन संघ रौतहटका अध्यक्ष यादवले बताए ।
शनिवार गरुडा चिनी मिल बचाउनका लागि उँखु उत्पादक संघ रौतहटले बृहत् किसान आम भेला गरेको थियो ।
उखु उत्पादक संघ रौतहटले आयोजना गरेको बृहद आम सभामा सहभागी भएका सतारुढ दल तथा प्रतिपक्षी दलका नेताहरुले बन्द रहेको चिनी उद्योग संचालनका लागि एकबद्ध भएर लाग्ने प्रतिबद्धता जनाएका थियो । गरुडा बाट चिनी मिल हटाउन खोजे प्रतिकार गर्ने चेतावनी समेत दिएका थिए ।

प्रदीप कुमार दास, रौतहट भदौ ०२ गते,शनिबार ।

रौतहटको गढीमाई नगरपालिकाका निर्वाचित १८ जना महिला जनप्रतिनिधिहरुलाई महिला नेतृत्व सम्बन्धि ३ दिने मध्यवर्ती तालिम आज गरुडाको आशिर्वाद होटलमा सम्पन्न भएको छ । माण्डवी रौतहटको आयोजना तथा IFES सहकार्यमा ‘ शी लिड्स : महिला नेतृत्व कार्यक्रम अन्तर्गत विगत वर्ष देखि नै यस्ता तालिमहरु विभिन्न सत्रमा सञ्चालन गर्दै आइरहेको छ । कार्यक्रमको उदघाटन तथा समापन सत्रमा माण्डवीका अनुगमन तथा मुल्याँकन अधिकृत सुविन्द्र कुमार दासको उपस्थिति रहेको थियो ।

२०२२ को जनवरी-फेब्रुअरी सम्म नेपालको मधेश प्रदेशका २८ नगरपालिकामा स्थानीय सरकारमा प्रभावकारी ढंगले आफ्नो भूमिका निर्वाह गर्नका लागि निर्वाचित महिला जनप्रतिनिधिहरूलाई चाहिने सीप र ज्ञान प्रदान गर्नुका साथै राजनीतिक संवादमा सहभागी हुनका लागि निर्वाचित महिला प्रतिनिधिहरू र अन्य नेतृत्व भूमिकामा भएका महिलाहरूको आत्मविश्वास बढाउने उदेश्यले माण्डवीले यो कार्यक्रम सँचालन गर्दै आईरहेको छ , यस तालिमबाट महिला जनप्रतिनिधिहरुले सिकेका ज्ञानहरुलाई अवश्य नै व्यवहारमा लागु गरी समग्र नगरपालिकाको विकासमा नै सहयोग पुर्याउनेमा आफु विश्वसत रहेको बताए ।

यस कार्यक्रम अन्तर्गत गढीमाई नगरपालिकाका निर्वाचित महिला जनप्रतिनिधिहरुलाई पहिलो, दोस्रो, तेस्रो तथा चौथो सत्र गरी तालिमहरु दिई सकेको माण्डवीका अनुगमन तथा मुल्याँकन अधिकृत सुविन्द्र कुमार दासले जानकारी गराउनु भएको थियो । मध्यावर्ती तालिममा नैतिकवान नेतृत्व, समस्याको विशलेषण, तथ्याँक सँकलन आवधिक तथा व्यवस्थापन र दुस्प्रचार तथा द्धेषपूर्ण अभिव्यक्तिको बारेमा छलफल गरिएको थियो ।

महिला जनप्रतिनिधिहरुमा पहिलाको भन्दा अझ यस तालिमले नेतृत्व क्षमताको विकास गरेको तालिममा सहभागि महिला जनप्रतिनिधिहरुले जानकारी गराउनु भयो । मध्यवर्ती तालिममा गरुडा नगरपालिकाको १८ जना निर्वाचित महिला जनप्रतिनिधहरुको सहभागिताको साथै पत्रकार , माण्डवीका अनुगमन अधिकृत सुविन्द्र दास, प्रशिक्षकद्धय पुनम ठाकुर र सँजय कुमार यादव, सामाजिक परिचालक सुरेन्द्र यादव तथा ममता सिँहको समेत उपस्थिति रहेको थियो ।

आरके श्रीवास्तव,रौतहट,भदौ ०२ गते ।
गरुडा चिनी मिल बचाउनका लागि उँखु उत्पादक संघ रौतहटले आज भदौ २ गते बृहत् किसान आम भेला गरेको छ ।
श्रीराम सुगर मिल्स लिमिटेड गरुडा रौतहटका संचालनको लागि आयोजना गरिएको बृहद किसान आम सभा कार्यक्रम शनिवार मिल्सको मैदानमा सम्पन्न भएको छ ।

उखु उत्पादक संघ रौतहटले आयोजना गरेको बृहद आम सभामा सहभागी भएका सतारुढ दल तथा प्रतिपक्षी दलका नेताहरुले बन्द रहेको चिनी उद्योग संचालनका लागि एकबद्ध भएर लाग्ने प्रतिबद्धता जनाएका छन् ।

कार्यक्रमको प्रमुख आतिथिको रौतहट निर्वाचन क्षेत्र नम्बर ३ का संघिय सांसद देव प्रसाद तिमल्सिनाले उद्योग संचालन गराउनको लागि संघिय सस्कारबाट रकम व्यवस्थापन गराउन पहल गर्ने प्रतिबद्धता व्यक्त गरेका छन् ।
त्यस्तै रौतहट निर्वाचन क्षेत्र नम्बर २ का संघिय सांसद किरण साहले बन्द रहेको चिनी उद्योगको लिलामी प्रक्रियाबाट जोगाउन कानुनी प्रक्रिया अपनाउनु पर्ने बताए। । यसको लागि सडक देखी सदन सम्म आवाज उठाउनु पर्ने जोड दिए ।
रौतहटको धरोहरको रूपमा रहेको चिनी मिलको जग्गा बिक्रि गर्न कसैले चाहे रौतहटका जनता त्यसको प्रतिकार्य गर्न पछि नहट्ने बताए ।

आम सभामा मधेश प्रदेश सरकारका उर्जा सिचाई तथा खानेपानी राज्यमन्त्रि अब्बुल कलाम अजाद उर्फ फुलबाबुले प्रदेश सरकार, संघ सरकार र स्थानीय सरकारको सहयोग गर्नु पर्ने बताए ।

चिनी मिल संचालनको लागि पटक पटक आवाज र संघर्ष गर्दै आएका संघका अध्यक्ष अशोक यादवको सभापतित्वमा सम्पन्न भएको आम सभामा पुर्ब संबिधान सभा सदस्य राम कुमार भट्टराई, पूर्व राजदुत डाक्टर बंशीधर मिश्र, पूर्व कृषि राज्य मन्त्रि योगेन्द्र यादव, प्रदेश सांसद कनिश पटेल, सुनिल यादव, गरुडा नगर पालिकाका मेयर कन्थ मुनि जयसवाल, बौद्धिमाई नगर पालिकाका मेयर प्रदिप यादव, बृन्दा बन नगर पालिकाका नगर प्रमुख बिनोद पटेल, पुर्ब मेयर राम स्नेही यादव नगर प्रत्यासी बृज किशोर यादव, अनिल यादव, दिपक यादव, सुनिल यादव, विजय यादव लगायतका बक्ताहरुले आ आफ्नो मन्तव्य राखेका थिए ।

गरुडाको चिनी मिल बचाउन सिडियो मार्फत प्रधानमन्त्रीलाई बुझाइएको थियो ज्ञापनपत्र

गरुडाको चिनी मिल बचाउन प्रर्दशन सहित ज्ञापनपत्र बुझाइएको थियो । श्रीराम सुगर मिलको उपकरण लिलाम भएछि उखु उत्पादक संघको अगुवाईमा गौरमा प्रदर्शन भएको थियो । साथै प्रमुख जिल्ला अधिकारी धर्मेन्द्र कुमार मिश्र मार्फत प्रधानमन्त्रीलाई ज्ञापनपत्र बुझाइएको थियो ।
रौतहटका प्रमुख जिल्ला अधिकारी मिश्रले उखु उत्पादक संघद्धारा ज्ञापन पत्र बुझाएको र सम्बन्धीत निकायमा पठाइसकेको जानकारी दिएका थिए ।

 गरूडा,भदौ ०१ गते ।

गरुडा नगरपालिकाको वार्ड नं.४ गरुडा स्थित रहेको श्री बंशीराम जयसवाल अनाथालयलाई खेलकुद समाग्री हस्तान्तरण गरिएकाे छ । सोहि नगरपालिकाको वार्ड नं.६ अमरपट्टी निवासि युवा नेता रबिन्द्र प्रसाद यादवले आफ्नो निजि लगानीमा करिब १५ हजार बाराबरको खेलकुद समाग्री अनाथालयलाई एक कार्यक्रम बिच हस्तान्तरण गर्नु भएको हो ।

युवा नेता यादवले आफ्नो लगानीमा ३ थान क्यारमबोर्ड ,पिंङ्ग ,फुटबल ,भलिबल ,ब्याट ,बल ,ब्याडमिन्टन,चेस लगायतकाे र खेलकुद समाग्रीहरु हस्तान्तरण गरेको बताउनु भयो । पढाई लेखाईको साथसाथै खेलकुद पनि जिवनमा अति नै आवश्यक रहेको बताउदैं यादबले भने खेलले पनि मानिसको शरिरलाई गतिलो,फ्रुतिलो ,दिमागलाई चलायामान बनाउने उदेश्यले अनाथालयका अनाथ बालबालिकालाई हस्तान्तरण गरेको बताउनु भयो ।

उनले यति मात्र नभएर समाज वहाँले १ सय भन्दा बढि बालबालिकालाई फ्रि टिउसन पढाउने ,किसानलाई औषधी छर्न टंकी ,छाता ,कम्बल जस्ता अनेकौं समाग्री बितरण गदै आईरहेका छन् ।

 रमेश कुमार यादव,रौतहट, ०१ गते भदौ ।

देशको छैठौं राष्ट्रिय भाषाको रुपमा रहेको बज्जिका भाषामा रौतहट जिल्लाको कटहरिया बाट नियमित रुपमा प्रकाशित हुँदै आएको विश्व बज्जिकाको एक मात्र दैनिक पत्रिका बज्जिकाञ्चल दैनिक पत्रिकाले आज आफनो बार्षिकोत्सव मनाएको छ । बज्जिकाञ्चल दैनिक पत्रिकाले तेस्रो वार्षिकोत्सव कार्यक्रम भव्य रुपमा सम्पन गरेको छ ।

पत्रीका प्रकाशक राजु कुमार श्रीवास्तवको अध्यक्षतामा कटहरिया नगरपालिका वडा नम्बर ५ स्थित रहेको विवाह मण्डप भवनमा आयोजना गरिएको पत्रीका तेस्रो वार्षिक उत्सव कार्यक्रम धुमधामको साथ सम्पन भएको छ । सो कार्यक्रमको प्रमुख अतिथीको रुपमा कटहरिया नगरपालिकाको नगर उपप्रमुख रिता देबि यादव रहनु भएको थियो भने कार्यक्रमको बिशिष्ट अतिथीको रुपमा देवाहिगोनाही नगरपालिकाका नगर प्रमुख प्रेमलाल साह कानु रहनु भएको थियो ।

कार्यक्रममा साहित्यकार रेणु गुप्ताले स्वागत मन्तब्य राख्नु भएको थियो । भने कार्यक्रम सञ्चालन पत्रकिाका प्रकाशक श्रीवास्तवले गर्नु भएको थियो । स्वागत मन्तव्य राख्नु गुप्ताले बाज्जिका भाषा हाम्रो मातृभाषा रहेको कारण यसलाई बचाउन आवश्यक रहेको बताउनु भएको थियो । त्यस्तै कार्यक्रममा शुभकामना मन्तव्य राख्नु हुँदै बाज्जिका साहित्कार किशुनदयाल प्रसाद यादवले भने, हाम्रो रौतहटबाट नै प्रकाशित हुने बाज्जिका भाषाको दैनिक पत्रिका एक मात्र रहेको पत्रिका हो । त्यस कारण यस भाषा र पत्रिकालाई संरक्षण गर्न हामी सबैजनाको सहयोग अति नै आवश्यक रहेको छ ।

उनले भने कि यो भाषा हाम्रो मातृभाषा समेत रहेकोले यसलाई विलय हुन नदिन एकजुट भई ब्यवहारमा उतार्न पनि सबैलाई आग्रह समेत गर्नु भएको थियो । अरु कुरा त परै जाओस, तर हामि आफ्नो आमाबाट पहिलो पल्ट सिक्ने भाषा रहेको बाज्जिका भाषा नै रहेको हो । त्यसैले हरेक मानिस हरेक तहतप्काबाट आ–आफ्नो तवरबाट सहयोग आवश्यक रहेको पनि बताउनु भयो । यस्तै कार्यक्रममा शुभकामना मन्तव्य राख्दै बाज्जिका भाषका संरक्षक, विज्ञ,साहित्यकार एवम् शिक्षक संजय साह मित्रले दोस्रो बर्ष पार गरि तेस्रो बर्षमा प्रबेश गरेकोमा बाज्जिकाञ्चल दैनिक पत्रिकालाई बधाइ तथा शुभकामना दिदै भने कटहरियाबाट बाज्जिका भाषामा प्रकाशित हुने रौतहटको एक मात्र पत्रिका रहेको छ ।

जुन हामी आफ्नो आमाको कोखबाट नै सिक्ने भाषा बाज्जिका नै रहेको छ र यो भाषामा प्रकाशित हुने पत्रिका सबै खाले ब्यतिmले बुझने गरि पढने पत्रिका रहेको हुँदा यसलाई अझै प्रोत्साहन गर्नेमा जोड दिएका थिए । साथै उनले भने कि मधेश प्रदेशमा बोल्ने अन्य भाषाहरु मध्येबाट भोजपुरी भाषा भन्दा अगाडी बज्जिका भाषा रहेको पनि जिकिर गर्नु भएको थियो । मधेश प्रदेशको तेस्रो भाषाको रुपमा रहेको बजिजका भाषा २०७८ सालको जनगणनामा हाम्रो मधेश प्रदेशमा बाज्जिका बोल्ने भाषाको संख्या ११ लाख भन्दा बढी रहेको समेत दावी गर्नु भएको थियो ।

त्यसमा पनि रौतहट सबभन्दा अगाडी र सर्लाहि दोस्रो स्थानमा रहेको समेत बताउनु भएको थियो । शिक्षक साहको अनुसार मधेश प्रदेशको अधिकाशं जिल्लामा हाम्रो बाज्जिाका भाषा बोल्ने गरेको समेत जानकारी दिनु भयो । त्यस्तै कार्यक्रममा बोल्दै देवाही गोनाही नगरपालिकाका नगरप्रमुख प्रेमलाल साह कानुले पत्रिकाको उतरोतर प्रगतीको लागि शुभकामना व्यक्त गर्नु भएको थियो । साथै पत्रिकाको विकासको लागि चौतर्फी रुपमा सहयोग गर्नु पर्नेमा जोड दिनु भएको थियो । आउँदो दिनमा हाम्रो बाज्जिका भाषा अरु भाषा भन्दा अगाडी रहने दावी समेत गर्नु भएको थियो ।

कार्यक्रमको प्रमुख अतिथि कटहरिया नगरपालिकाको नगर उपप्रमुख रिता देवी यादवले यो बाज्जिका भाषामा हाम्रै नगरपालिकाबाट प्रकाशित हुने पत्रिकालाई संरक्षण गर्न सबैजनालाई हातेमालो गर्न आवश्यक रहेको बताउनु भएको थियो । साथै हाम्रो मातृभाषामा पनि प्रकाशित भईरहेको र यो पत्रिका बालबालिका,बृद्धबृद्धा कर्मचारीहरुले पनि आफ्नो भाषामा रहेको पत्रिका प्रष्टसंग बुझने भएकोले यसलाई गत बर्ष झै यस बर्षमा पनि सहयोग गर्न अति आवश्यक रहेको बताउनु भयो ।

यो पत्रिकालाई आफुबाट हुने सम्पुर्ण सहयोग लगायत पालिकाबाट हुने सहयोग समेत गर्ने आश्वासन समेत दिनु भएको थियो । कार्यक्रममा पत्रिकाको विकासका लागि अमूल्य सहयोग गर्नु हुने अतिथीहरु लगायतका व्यत्तीहरु पनि पत्रिकाको तर्फ बाट प्रशंसापत्र प्रदान गरिएको थियो । लाइ सो कार्यक्रममा कटहरिया वडा नम्बर ३ का पूर्व वार्ड अध्यक्ष उमेश यादव,वर्तमान वडा अध्यक्ष श्यामाकान्त यादव,इप्रका कटहरियाका प्रतिनिधी,मौलापुर एफएमका समाचारबाचक सागर ठाकुर ,पत्रकार दिपेन्द्र रजक ,रामप्रबेश बैठाले आफ्नो मन्तब्य समेत राख्नु भएका थिए भने मधेश जनअवाज एफएमका समाचार बाचक एवम् रिपोर्टर रमेश कुमार यादब ,हनुमत यादब ,नागरिक समाज ,बुद्धजिवि ,भद्रभलादमी मानिसहरुको उल्लेखनिय सहभागिता रहेको थियो ।