आरके श्रीवास्तव,रौतहट,१० गते असोज ।
नेपाल शिक्षक संघ रौतहटको विस्तारित बैठक सम्पन्न भएको छ । जिल्लाको मध्य भाग गरुडामा रहेको श्री नमूना मावि गरुडामा आज(बुधवार) सम्पन्न भएको हो । जिल्ला अध्यक्ष रामकृपाल यादवको अध्यक्षतामा भएको कार्यक्रममा प्रमुख अतिथीको रुपमा नेपाल शिक्षक संघ मधेश प्रदेशका निवर्तमान उपाध्यक्ष राममंगल यादव रहनु भएको थियो ।
बैठकमा नेपाल शिक्षक माहासंघद्वारा असोज ०३ गते देखि भएको काठमाडौं केन्द्रित सडक आन्दोलन ,सरकारसँग भएको ७ बुँदे सम्झौताको समीक्षा तथा बाँकी उपल्ब्धीको लागि भइरहेको आन्दोलनको बारेमा अन्तरक्रिया भएको थियो । बैठकमा सहभागी शिक्षकहरु बाट पनि सुझाव संकलन गरिएको संघले जनाएको हो ।

बैठक बाट विभिन्न निर्णयहरु पारित पनि गरिएको संघका रौतहट अध्यक्ष रामकृपाल यादवले जानकारी गराउनु भयो । बैठकमा काठमाडौंमा चलिरहेको शिक्षक आन्दोलन प्रति ऐकयबद्धता जनाउँदै समर्थन गर्ने तथा माहासँगमा आवध पेशागत संस्थाहरुलाइ सहयोग गर्न अनुरोध गर्ने,प्रहरी दमनको भर्तसना गर्ने तथा घाइते शिक्षकको स्वास्थ्य लाभको कामना तथा प्रहरी दमनको विरोधमा असाोज ११ गते विहिवारको दिन रौतहट जिल्लाको सम्पुर्ण विद्यालय बन्द गर्ने निर्णय गरेको छ ।

त्यस्तै रौतहट जिल्लामा कार्यरत अस्थायी प्रकृतिको (राहत ,उमाशी,प्राविधिक ,वालविकाश,अनुदान आदि ) शिक्षक,विद्यालय कर्मचारी तथा पेन्सन बन्चित शिक्षहरुलाइ काठमाडौ केन्द्रित आन्दोलनमा असोज ११ गतेदेखि बाढी भन्दा बढि सहभागी गराउन सहजीकरण गर्ने, असोज १२ गते देखि शुक्रवारसम्म आन्दोलित शिक्षकहरुको समस्या समाधान नभए रौतहट माहासंघ पेशागत संस्थासँग सहकार्य गरि कडा भन्द कडा आन्दोलन गर्ने रहेको छ ।
त्यसैगरी नेपाल शिक्षक माहासंघको अहवानमा रौतहटको १८ वटा पालिकाबाट उल्लेखनीय सहभागी भएकोमा सम्पुर्णमा धन्यवाद तथा अभार,नेपाल शिक्षक माहसंघको नेतृत्वको आन्दोलनबाट भएको ऐतिहासिक उपलब्धि संस्थागत गर्न पहल गर्ने तथा बाकी उपलब्धि को लागि र पीडित शिक्षकको आन्दोलनमा सक्रिय भुमिका निर्वाह गर्ने निर्णय गरिएको छ ।
सो अवसरमा नेपाल शिक्षक संघ रौतहटमा आबद्ध शिक्षकहरुको उल्लेखनिय सहभागिता रहेको थियो ।

आरके श्रीवास्तव,रौतहट,१० गते असोज
असोज १४ देखि एकीकृत समाजवादीको सुरु हुने ‘समाजवाद जागरण यात्रा’ आउँदो असोज १८ गते रौतहटमा पुग्ने भएको छ । जिल्लाको मध्य भाग गरुडामा भएको नेकपा (एकीकृत समाजवादी) को जिल्ला कमिटिको बैठकमा सो जानकारी गराइएको हो ।
समाजवाद जागरण यात्राले असोज १७ गते बेलुका चन्द्रनिगाहपुरमा विषयगत छलफल, १० देखि १ बजेसम्म गरुडामा सभा र २ बजे हरनहियाबाट बारा जिल्ला लाइ हस्तान्तरण गरि बिदा हुने कार्यक्रम तय गरिएको छ ।

एसमाजवादी पार्टीले आगामी असोज १४ देखि २८ गतेसम्म दुई साता लामो मेची–महाकाली राष्ट्रिय अभियान गर्ने भएको छ । ‘समाजवाद जागरण यात्रा’ झापाको काँकडभिटा स्थित मेची नदीबाट सुरु गर्ने भएको छ । उक्त यात्रा असोज २९ गते पश्चिम महाकाली पुगेर सकिनेछ ।

पार्टीको निति एवम् विचारलाइ देशव्यापीरूपमा प्रचारप्रसार गर्ने उद्देश्यले यात्रा सुरु आयोजन हुन लागेको जिल्ला अध्यक्ष कमल यादवले जानकारी गराएका हुन् । जागरण यात्रालाई व्यवस्थित र सफल बनाउन अध्यक्ष यादवको संयोजकत्वमा ‘समाजवाद जागरण यात्रा’ व्यवस्थापन समिति रौतहट गठन समेत गरिएको छ ।

बैठकलाइ सम्बोधन गर्दै वक्ताहरुले यात्राको क्रममा देशमा उत्पन्न राजनीति अवस्था बारे जानकारी गराउने,आर्थिक मनदीमा पार्टीको निति लगायतका बारेमा जानकारी गराइने जनाएका थिए । साथै उनीहरुले नेकपा (एमाले) सँग विद्रोह गरेर अलग हुनुको औचित्य बारे पनि जानकारी गराइने बताएका थिए ।
सो अवसरमा संविधानसभा सदस्य रामकुमार भट्टराइ, प्रदेश सांसद कनिस पटेल,बौधिमाई नगरपालिकाको नगर प्रमुख प्रदिप यादव,गौर नगरपालिकाको मेयर शम्भु साह,बृन्दावन नगरपालिकाको मेयर बिनोद पटेल,जिल्ला इन्चार्ज सारला यादव,पूर्व प्रदेश सांसद नागेन्द्र यादव,गरुडा नपाका मेयर प्रत्यासी बृजकिशोर यादव, वडा अध्यक्ष तुरन्त नरायण यादव,लक्ष्मी नरायण यादव लगायत एसमाजवादीका नेता कार्यकर्ताहरुको उपस्थिति रहेको थियो ।

रौतहट,१० गते असोज ।
रौतहटमा कालोपत्र भएको तीन महिना नबित्दै उप्किन थालेको छ । जिल्लाको देवाही गोनाही नगरपालिका अन्तर्गत मलंग चौक देखि देवाही जाने बाटोमा ह्युम पाइप निर यस्तो भएको हो ।
सडक डिभिजन चन्द्रनिगाहपुरको बजेटमा धन्सर कटहरिया कर्कच सडकमा कालोपत्रे,नाला र कल्भर्ट निर्माण कार्य काम भएको हो । यो सडक विस्तारको ठेक्का साहु कन्सट्रक्सन पतौरा ५ ले लिएको छ । करिब ४ करोड ९८ लाख ५५ हजार ५६८ रुपैयामा ठेक्का सम्भौता भइ काम भइरहेको छ ।

सो काम २०८० भदौ १४ गते सम्म निर्माण कार्य सम्पन्न गर्नु पर्ने समझौता पत्रमा उल्लेख रहेको छ । उक्त कालोपत्र सडक डिभिजनको प्राविधिकको मिलोमतोमा गुणस्तरहिन बनेको कारण उप्किन थालेको सरोकारवालाहरुको भनाइ छ । सडक गुणस्तरहीन बन्दा चाँडै भत्किन थालेको स्थानिय रुपेश पटेलले आरोप लगाएका छन् ।

कालोपत्र उप्केको र प्वाल भएको कारण सो सडक खण्डमा दुर्घटनाको उच्च जोखिम रहेको छ । जुनसुकै बेला दुर्घटना हुन सक्ने सम्भावना बढेको छ । त्यसैले सम्बन्धि निकायले चासो देखाउनु पर्ने स्थानियले माग गरेका छन् । निर्वाचन क्षेत्र रणनैतिक सडक विकास कार्यक्रम अन्तर्गत सो सडक कालोपत्र भएको हो ।

सो विकास निर्माणको काममा गुणस्तरीय काम गर्न स्थानीयहरुले बारम्बार आवाज उठाउँदै आएका थिए । तर पनि निर्माण कम्पनीले स्थानियको कुरालाइ वेवास्ता गर्दै धमाधम काम सकाएका थिए । स्थानियहरुले स्टीमेट अनुसार काम नभएको भन्दै विरोध समेत जनाएका थिए ।
यता सडक डिभिजनका इन्जिनियर प्रभु साह सँग सोध्दा साहु कन्सट्रक्सन लाइ कालोपत्र उप्केकोे ठाउँमा मर्मत गर्न निर्देशन दिइसकेको जानकारी गराए । प्वाल भएको र उखडेको ठाउँमा छिट्टै मर्मत हुने उनको भनाइ छ । भदौ १४ गते काम सम्पन्न गर्नुपने भएपनि अहिले सम्म काम नसकेको जनाए । काम भने अहिले पनि जारी रहेको उनले भने ।

बिरगञ्ज, १० असोज । बारामा गए राती गोली हानी एक भारतीय युवकको हत्या गरिएको छ ।

मोतिहारी जिल्ला दर्पाथाना सुक्लहियाका २२ वर्षीय अजितकुमार सिंहलाइ बारामा गोली प्रहार गरी हत्या गरिएको हो । उनको हत्या पचरौता नगरपालिका ६ लक्ष्मिनियामा भएको हो ।

मंगलवार बेलुकी सवा ६ बजे उनको हत्या भएको बाराका प्रहरी प्रवक्ता डिएसपी ददिराम न्यौपानेले जानकारी दिए । उनका अनुसार मृतक सिंह साथीहरुसँग मोटरसाइकल चढेर नेपाल आएको बेला उनको हत्या भएको हो । प्रारम्भिक अनुसन्धान अनुसार उनका साथीले उनी माथी गोली चलाएकाे देखिएकाे छ ।

यद्दपी मृतकको शव नारायणी अस्पताल बिरगञ्ज ल्याईएको छ भने सो घटनाको बारेमा थप अनुसन्धान भईरहेको प्रहरीले जनाएको छ ।

रौतहट, ०८ असोज । रौतहट जिल्लाको राजदेवी नगरपालिकामा नागरिक वडा पत्र राख्न जनमत पार्टी द्धारा ज्ञपान पत्र बुझाइएको छ । आज जनमत पार्टीका रौतहट राजदेवी नगर कार्य समितिद्धारा नगरपालिकामा ज्ञापन पत्र बुझाइएको छ । नगर कार्यसमितिका अध्यक्ष प्रभु राय यादवको अध्यक्षतामा राजदेवी नगरपालिकाका प्रमुख प्रशासकिय अधिकृत प्रल्लव कायस्थलाई सो ज्ञापन पत्र बुझाइएको छ ।

हरेक सरकारी निकाय वा कार्यालयहरुमा सेवाग्राही लाई सुविधाका लागि नागरिक वडा पत्र अनिवार्य राख्ने नियम हुदाँ हुदैँ पनि राजदेवी नगरपालिकाले नराखेको देखिएकोले यस नगरपालिका भित्र रहेका सम्पूर्ण स्वास्थ्य चौकी, प्रसुतिगृह, आर्युवेद, स्वास्थय केन्द्र र पशु स्वास्थय केन्द्रहरुमा प्रदान गरिने सेवा÷हुने उपचार, निशुल्क प्रदान गरिने औषधी लगायत स्वास्थय समाग्रीहरुको पुर्ण विवरण सहितको सेवा ग्राहीले सजिलै तथा सहज रुपले हेर्न सक्ने ठाँउमा वडा पत्र एक हप्ता भित्र अनिवार्य रुपमा लगाउनु पर्ने मागँ रहेको ज्ञापन पत्रमा उल्लेख रहेको छ ।

गरिएको माँग लाई एक हप्ता भित्र सम्बोधन गरिएन र अनुगमन तथा निरिक्षणमा जादाँ वडा पत्र देखिएन भने थप संघर्ष गर्ने बाध्य हुने कुरा तथा संघर्ष गरिने परिवेशमा भएको सम्पूर्ण क्षतिको जिम्मेवार नगरपालिका स्वेम हुने कुरा उक्त ज्ञापन पत्रमा जनाइएको छ ।

उक्त ज्ञापन पत्र बुझाउने क्रममा जनमत पार्टीका केन्द्रीय सदस्य बिकास कुमार यादव, अशोक कुमार सिंह, जिल्ला सदस्य शिवशरण यादव, वडा प्रत्यासी सुरेन्द्र ठाकुर, जामुन दास, शषिभुषण राउत, कृषनन्दन तिवारी, नितेश झा लगायत जनमत पार्टीका विभिन्न नेता तथा कार्यकर्ताहरुको सहभागिता रहेको थियो ।

हनुमत यादव,गौर, ०८ असोज । रौतहट जिल्लाको सदरमुकाम गौरमा अव्यवस्थित फोहरले वातावरण दुर्गन्धित बन्दै गएको छ । गौरमा प्रवेश गर्ने मुख्य सड़क छेउमा नगरपालिकाले अव्यवस्थित रुपमा फोहरमैला थुपार्ने गरेका कारण वातावरण दुर्गन्धित भएको छ । गौर समनपुर सड़क खण्ड अन्तर्गत गौर नगरपालिका वड़ा नम्बर ५ स्थित हनुमान मंदिर देखि पूर्वमा सड़क किनारमा फोहर थुपार्ने काम भइरहेको हुँदा वातावरण खराब भई स्वास्थमा असर पर्ने अवस्था बनेको र आवतजावत गर्नेलाई नाक थुन्नु पर्ने अवस्था उत्पन्न भएको छ ।

गौरदेखि सिरसिया, गंगा पिपरा, समनपुर जाने मुख्य सड़क रहेकोले सड़क किनारमा नगरपालिकाले अव्यवस्थित रुपमा भण्डारण गर्ने गरेको फोहर मैलाको दुर्गन्धले स्वास्थ्यमा नकारात्मक प्रभाव पार्ने जोखिम बढेको छ । पुलदेखि करिब ५० मीटरसम्म नगर भित्रबाट दैनिक रुपमा निस्कने फोहर अव्यवस्थित तरिकाले फालिने कार्य गरिएको छ । बाटोको छेउमा सड़ने तथा नसड़ने फोहर अव्यवस्थित रुपमा फालिएकोले बिहान र बेलुका बढी दुर्गन्ध दिने गरेको स्थानीयहरुले बताएका छन ।

फोहर फालिएको ठाउँमा नाक थुनेर हिड्नु पर्ने बाध्यता सृजना भएको बाटो हिड्ने बटुवाहरुको भनाइ रहेको छ । कुहिने र नकुहिने फोहर
फरकफरक ठाउँमा व्यवस्थापन गर्नु पर्ने अवधारणा ल्याउन नसकेका गौर नगरपालिकाले अव्यवस्थित रुपमा फोहर फाल्ने गरेकोले त्यसको असर स्वास्थ्यमा पर्ने चिकित्सकहरुको कथन रहेको छ । सडको वस्तुको दुर्गन्धले स्वास्थ्यमा असर गर्नुको साथै विभिन्न किसिमको रोगको
संक्रमण हुने खतरा बढेको छ ।

स्वच्छ साफा नगर बनाउने गौर नगरपालिकाका नगर प्रमुख शम्भु साहको यस्तो कार्यले दुर्गन्धित नगरको रुपमा पहिचान हुने अवस्था आउन सकिन्छ । सडक किनार सफा हुनुपर्नेमा अनावश्यक रुपमा फोहर थुपार्नुले नगर कुरुप हुने भएकोले फोहरको उचित व्यवस्थापन गर्ने तरफ नगर प्रमुखले ध्यान दिनु पर्ने आवश्यकता रहेको जनमानसको भनाई रहेको छ ।

जनकपुरधाम, ८ असोज । राष्ट्रपति रामचन्द्र पौडेलले   जानकी मन्दिरको दर्शन एवं पूजाआजा गरेका छन् ।

सोमबार जनकपुरधामस्थित जानकी मन्दिरमा उनले अखण्ड दीप प्रज्ज्वलन गर्नुका साथै सीता माताको माइतीघर दर्शन, अखण्ड कीर्तन दर्शन एवं प्रसाद ग्रहण गरे ।

मन्दिरमा राष्ट्रपति पौडेललाई जानकी मन्दिरमा मूल महन्त रामतपेश्वर दासले स्वागत गरे ।

सोमबार दिउँसो राष्ट्रपति पौडेलले जनकपुरधाममा निर्मित महेन्द्रनारायण निधि मिथिला संस्कृति केन्द्र सभाहलक उद्घाटन गर्ने कार्यक्रम रहेको छ ।

इन्दीप कोइराला,बारा, ८ असाेज ।

दुधौरा खोलाबाट बालुवा उत्खनन गरेर जादै गरेको १० ट्याक्टरलाई प्रहरीले आईतबार नियन्त्रणमा लिएको छ । बाराको जीतपुरसिमरा उपमहानगरपालिका वडा नं. ३ बजनीस्थित खटिएको प्रहरी टोलीले दुधौरा खोलाबाट बालुवा उत्खनन गरी जीतपुर तर्फ जाँदै गरेको अवस्थामा ट्याक्टरलाई प्रहरीले नियन्त्रणमा लिएको हो ।

प्रहरीले साँझ ८ वटा र दिउँसो दुई वटा गरी १० वटा ट्याक्टरलाई प्रहरीले नियन्त्रणमा लिएको जिल्ला प्रहरी कार्यालय बाराले जनाएको छ । जिल्ला प्रहरी कार्यालय, बारा, कलैयाका प्रवक्ता प्रहरी नायव उपरीक्षक दधिराम न्यौपानेका अनुसार प्रहरीले ना.२.त.५९९७, ना.२.त.९७१३, ना.२.त.९९४४, ना.२.त.९८७९, ना.३.त.४४१२, ना.४.त.७१५८, ना.४.त.४३७१, ना.५.त.४५४० लाई साँझ साढे ५ बजे पक्राउ गरेको हो ।

त्यसैगरि जीतपुरसिमरा ४ स्थित दुधौरा खोलामा ना.७.प.४५३६, प्र.०३–००१.त.३९२१ न.गरी जम्मा १० वटा ट्रयाक्टरलाई दिउँसो नियन्त्रणमा लिएको हो । बालुवा लोड भएका ट्रयाक्टरलाई रोकी चेकजाँच गर्दा कुनै पनि आधिकारिक पत्र तथा सिफारिस नभएकोले आवश्यक कारवाहीको लागि बालुवा सहित ट्रयाक्टर नियन्त्रणमा लिई कानूनी कारवाहीको प्रकृया अगाडी बढाईएको प्रवक्ता न्यौपानेले प्रेस नोट मार्फत जानकारी गराएका छन् ।

काठमाडौं, ८ असोज । धारिलो हतियार प्रहार गरेर हत्या गरिएको अवस्थामा बाराको दशगजा क्षेत्रमा एक नेपालीको शव फेला परेको छ।

पचरौता नगरपालिका-१ पिपरपातीका ३३ वर्षीय अमरेश कुमार सिंहको शव हत्या गरिएको अवस्थामा फेला परेको बारा प्रहरीले जनाएको छ।

अमरेश कुमारको शरीरमा पछाडिबाट धारिलो हतियारले प्रहार गरेको अवस्थामा शव फेला परेको बाराका प्रहरी उपरीक्षक सुरेश प्रसाद काफ्लेले बताए।

सिंहले सशस्त्र प्रहरी बल, नेपालको सशस्त्र प्रहरी जवानमा पाँच वर्ष जागिर गरी छोडेका थिए सशस्त्रको जागिर छोडे पछि उनले केही महिना भारतको बरहर्वा र नेपालको पिपरपाती नाकामा रक्सी पसल समेत सञ्चालन गरेका थिए।

सिंह रक्सी पसललाई छोडेर अहिले गाउँमै खेतीपाती गर्दै आएका थिए। सिंहको हत्याको अनुसन्धानको सिलसिलामा भारतीय नागरिक राहुल साह र सामलाल महतोलाई नियन्त्रणमा लिइएको प्रहरीको भनाइ छ।

काठमाडौ, ९ असोज । नेपाल राष्ट्र बैंकले मंगलबारका लागि विदेशी मुद्राको विनिमय दर तोकेको छ।

जस अनुसार भारतीय रूपैयाँ एक सयको खरिद दर १६० रूपैयाँ रहेको छ भने बिक्री दर १६० रूपैयाँ १५ पैसा रहेको छ ।

नेपाल राष्ट्र बैंकका अनुसार आज अमेरिकी डलरको खरिद दर १३२ रुपैयाँ ७४ पैसा र बिक्री दर १३३ रुपैयाँ ३४ पैसा रहेको छ भने युरो एकको खरिद दर १४१ रुपैयाँ २५ पैसा र बिक्री दर १४१ रुपैयाँ ८९ पैसा कायम भएकाे  छ।

बेलायती पाउण्ड एकको खरिद दर १६२ रुपैयाँ ४९ पैसा र बिक्री दर १६३ रुपैयाँ २२ पैसामा कायम हुदाँ अस्ट्रेलियन डलर एकको खरिद दर ८५.४३ रुपैयाँर बिक्री दर ८५.८२ रुपैयाँ तथा क्यनेडियन डलर खरिदमा ९८ रुपैयाँ ६८ पैसा र बिक्रीदर ९९ रुपैयाँ ९ पैसामा काराेबार गर्न सकिनेछ  ।

जापानिज येन १० को खरिदमा ८ रुपैयाँ ९३ पैसा र बिक्रीदर ८ रुपैयाँ ९७ पैसाले भाउँ पाउँदा दक्षिण काेरिया वन १०० को खरिदमा ९ रूपैयाँ ९१ पैसा र बिक्री दर ९ रूपैयाँ ९६ पैसा कायम गरिएकाे छ ।

कतारी रियालको मूल्य एकको खरिद दर ३६ रुपैयाँ ४१ पैसा र बिक्री दर ३६ रुपैयाँ ५७ पैसा रहेको जनाएकाे राष्ट्र बैंकले साउदी रियाल एकको खरिद दर ३५.३९ रुपैयाँ रहेको छ भने बिक्री दर ३५.५५ रुपैयाँ रहेको तथा मलेसियन रिंगिट एकको खरिद दर २८.३३ रुपैयाँ रहेको छ भने बिक्री दर २८.४६ रुपैयाँमा खरिदबिक्रीकाे अनुमति दिएकाे छ ।

साथै, कुवेती दिनार १ को खरिदमूल्य ४२९.४४ पैसा  विक्रीदर ४३१.३८ पैसा रहेको छ ।