इस्लामबाद, २३ फागुन ।
पाकिस्तानका दुर्गम क्षेत्रहरूमा गएको सप्ताहन्तमा जमेको चिसो वर्षा र अप्रत्याशित हिमपातका कारण कम्तीमा ३५ जनाको मृत्यु भएको छ ।
सो हिमपातमा परी दर्जनौं बढी घाइते भएको र उनीहरूको स्थानिय अस्पतालमा उपचार भइरहेको छ ।
मृत्यु हुनेहरूमध्ये २२ जना बालबालिका रहेको र ती मध्ये धेरैजसो हिम पहिरोमा परेर घरमा पुरिएका विपद् व्यवस्थापन अधिकारीहरूले भनेका छन ।
चरम मौसमले पाकिस्तानको उत्तरी र पश्चिमी क्षेत्रहरूलाई असर गरेको तथा सडक अवरुद्ध र सयौं घरहरूलाई क्षति पुरयाएको पाकिस्तानी सुरक्षा अधिकारीले जानकारी दिएका छन् ।
हिम विज्ञहरू यस्तो हिउँ देखेर छक्क परेका थिए किनभने मार्चमा पाकिस्तान सामान्यतया हिउँ पर्दैन, यसले स्थानीयलाई आश्चर्यमासमेत पारेको स्थानिय सञ्चारमाध्यमले जनाएका छन ।
जसअनुसार उत्तर पश्चिमी खैबर पख्तुनख्वा प्रान्तको किर्क जिल्लाका बासिन्दा हाजित शाहले आफ्नो छिमेकमा पहिले एक पटक मात्रै हिउँ परेको बताएका छन् । उनले बीबीसीलाई भने, ‘जहाँसम्म मलाई याद छ, २५–३० वर्षअघि केही मिनेटको लागि यहाँ हल्का हिमपात भएको थियो।’
भारी हिमपात र वर्षाले कम्तिमा १५० घरहरू पूर्ण रूपमा ध्वस्त भएको छ भने ५०० अन्य घरलाई आंशिक रूपमा क्षति भएको छ, मुख्यतयाः खैबर पख्तुनख्वा र दक्षिण पश्चिमी बलुचिस्तान प्रान्तमा । केही जिल्लामा केही दिनदेखि विद्युत् अवरुद्ध हुन पुगेकाे छ ।
खैबर पख्तुनख्वाको प्रान्तीय सरकारले प्रभावित क्षेत्रहरूमा राहत सामग्री उपलब्ध गराएको छ र घाइते र मृत्यु भएकाहरूको परिवारलाई आर्थिक सहयोग गर्ने घोषणा गरेको छ।न्युज करखाना ा
काठमाडौं, २३ फागुन ।
त्रिशूली नदीमा बस खस्दा चार जनाको ज्यान गएकव छ। प्रहरीका अनुसा बसमा सवार ३३ जनाको जिवितै उद्धार गरिएको छ।
धादिङको गजुरी गाउँपालिका ५ घाटबेसीस्थित पृथ्वी लोकमार्गमा कपिलबस्तुबाट काठमाडौंतर्फ आउँदै गरेको लु २ ख २१२१ नम्बरको यात्रुबहाक बस त्रिशुली नदीमा खसेको थियो।
सशस्त्र प्रहरीका सहायक प्रवक्ता डीएसपी शैलेन्द्र थापाका अनुसार घाइतेलाई उपचारका लागि गजुरी अस्पताल पठाइएको छ। उद्धारका लागि विपद ब्यबस्थापन तालिम शिक्षालय कुरिनटारबाट प्रहरी निरीक्षकको कमान्डमा ६ जना गोताखोरसहित २० जनाको टोली खटिएको छ।
बिस्तृत विवरण आउन बाँकी रहेको प्रहरीले जनाएको छ। बसमा कति यात्रु सवार थिए भन्ने खुलेकाे छैन। न्युज करखाना ा
ताइपेइ, २३ फागुन ।
संकटमा परेको श्रम बजारलाइ पुर्ति गर्न ताइवानले भारतीय कामदारहरू लैजाने भएको छ ।
तर, आप्रवासी कामदारको रूपमा भारतीयहरूलाइ आफनो देशमा भर्ती गर्ने सम्भावित तयारी हुदैँ गर्दा भारतीयहरूको छालाको रंग, धर्म र आहारको बारेमा विवादास्पद टिप्पणी गरेपछि ताइवान बिबादमा परेको छ ।
गत हप्ता याहू टिभीसँगको अन्तर्वार्तामा ताइवानका श्रम मन्त्री सु मिङ चुनले भनेका थिए, ‘ताइवानले भारतको उत्तरपूर्वी क्षेत्रबाट आप्रवासी कामदारहरू भर्ती गर्न चाहेकाे छ, जहाँ मानिसहरूको हाम्रै जस्तै छालाको रंग र खानपीन पनि उस्तै रहेकाे छ ।’ उनले अगाडी यो पनि भने, “यसबाहेक त्यस क्षेत्रका अधिकांश मानिसहरू इसाई धर्मालम्बी रहेका छन, तिनीहरू उत्पादन, कृषि र निर्माण जस्ता क्षेत्रहरूमा साँच्चै राम्रा छन् ।’
मुख्यतयाः भारतको उत्तरपुर्वका बासिन्दालाइ मात्रै ताइवानमा श्रमका लागि छनौंट गरेर भेदभाव गरेको भन्दै ताइवानका श्रममन्त्री बिबादमा परेका हुन ।
श्रम मन्त्री हुसुले ठूलो श्रम अभावका बिचमा द्रुत रूपमा बढदो जनसंख्याको सामना गरिरहेको दक्षिण एसियाली राष्ट्रबाट कामदारहरू ताइवानमा ल्याउन गत महिना भारत र ताइवानले हस्ताक्षर गरेको थिए, सो सम्झौताको बारेमा प्रश्नको जवाफ दिँदै उनले छालाको रंग, खानपिन र धर्मका कुरा जोडेका हुन् ।
तर, भारत विश्वको सबैभन्दा धेरै जनसंख्या भएको देश हो, जसको विविध संस्कृति, धर्म र जातीय पृष्ठभूमिको मिश्रणको लागि परिचित छ । जसले कहिलेकाहीं समूहहरू बीचको द्वन्द्व निम्त्याएको छ। चीन, बंगलादेश र म्यानमारको सिमाना जोडिएको देशको विशाल उत्तरपूर्वी क्षेत्रका भारतीयहरू अन्यत्र आफ्ना देशबासीहरू भन्दा बढी पूर्वी एसियाली रूप र रंगका हुने गरेको उनले जनाएका थिए।
सुको टिप्पणीलाई ताइवानका सत्ताधारी र विपक्षी दलका सांसदहरूले आलोचना गरेका छन्। सो बिबादस्पद टिप्पणी पछि ताइवानको विदेश मन्त्रालयले भने हुसुकाे बिबादस्पद भनाइलाइ लिएर ईमानदारी पुर्वक माफी मागेको ताइवानी सञ्चारमाध्यमले जनाएका छन ।
‘ताइवानले कुनै पनि भारतीय कामदारलाई स्वागत गर्नेछ, जसले भर्तीका लागि सर्तहरू पूरा गर्दछ र उद्योगको माग पूरा गर्दछ, तिनीहरूको जातीय पृष्ठभूमिलाई पर्वाह नगरी स्वागत गरिनेछ’ बिदेश मन्त्रालयले एक विज्ञप्तिमार्फत भनेको छ, ‘ताइवानले भारतको विविध र समृद्ध संस्कृतिलाई सम्मान गर्दछ र भविष्यमा यसलाई दुई पक्षबीच श्रम सहयोग प्रवर्द्धन गर्न आधारको रूपमा प्रयोग गर्नेछ ।’
यसैबिच ताइवानको श्रम मन्त्रालयले सुले अन्तर्वार्तामा ‘उस्तै छालाको रङ’ उल्लेख गरे पनि भेदभावको कुनै मनशाय नभएको स्पष्टीकरण दिएको छ ।न्युज करखाना
काठमाडौं, २३ फागुन ।
पिएसजी युइएफए च्याम्पियन्स लिगको क्वाटरफाइनलमा पुगेको छ।
च्याम्पियन्स लिगको राउण्ड १६ अन्तर्गतको दोस्रो लिगमा रियल सोसियडाडलाई २-१ गोल अन्तरले पराजित गर्दै समग्रमा ४-१ को नतिजा सहित पिएसजी क्वाटरफाइनलमा पुगेको हो।
पिएसजीको जितमा किलियन एम्बाप्पेले दुवै गोल गरेका थिए। उनले खेलको १६औं र ५६औं मिनेटमा गोल गरेका थिए। त्यस्तै रियल सोसियडाडका लागि एक गोल मिकेल मेरिनोले गरेका थिए।
यसअघि पहिलो लिगमा पिएसजीले २-० को जित निकालेको थियो। न्युज करखाना
काठमाडौं, २३ फागुन ।
लुम्बिनीबाट काठमाडौं आउँदै गरेको यात्रुबाहक बस त्रिशुली नदीमा खसेको छ। काठमाडौं आउँदै गरेको बस आज बिहान धादिङको गजुरीको घाटबेशीस्थित त्रिशुली खोलामा खसेको प्रहरीले जनाएको हो।
उद्दारका लागि सशस्त्र प्रहरीबलको टोली घटनास्थल पुगिसकेको छ। टोलीले १३ जनाको जिवितै उद्धार गरेको छ। उनीहरूलाई उपचारका लागि गजुरी अस्पताल पठाइएको छ। थप विवरण आउन बाँकी छ।न्युज करखाना
महोत्तरी, २३ फागुन ।
नवलपरासीको कावासोतीबाट ४ किलोमिटर भित्र ‘जटायु रेष्टुरेन्ट’ संचालनमा छ ।
पिठौलीस्थित नमुना मध्यवर्ती सामुदायिक वनमा झन्डै १४ बर्षदेखि सञ्चालनमा रहेको उक्त रेष्टुरेन्टमा गिद्धका लागि आहार जुटाइन्छ । जसले गर्दा एकातिर संसारवाट लोपोन्मुख अवस्थामा रहेको यो पंक्षीको संरक्षण भएको छ भने अर्कोतिर महत्वपूर्ण पर्यटन केंन्द्रकोरुपमा विकास हुदा स्थानियहरुको आयआर्जनमा समेत वृद्धि भएको छ ।
तर महोत्तरीको उत्तरी क्षेत्र राईमंडल डाडामा ठुलो संख्यामा बस्दै आएका गिद्ध भने संरक्षणको अभावमा लोप हुने अवस्थामा पुगेका छन् ।
बर्दिवास नगरपालिकाको उपल्लो क्षेत्र राईमंडल डाडामा प्राकृतिक बासस्थान बनाएका हजारौ गिद्धहरु आहाराको छटपट्टीमा रहेका छन् भने जंगल क्षेत्रमा फ्याकिएका विषाक्त मृत जनावरहरु खादा मर्ने क्रम समेत बढेको स्थानीयहरू बताउछन । राईमंडल डाडाको सेतो भिरमा अहिलेपनि जुनसुकै समयमा सयौ गिद्धहरु देख्न सकिन्छ अझ विहानको समयमा त आकाशभरी हजारौ गिद्धहरु देख्न सकिने स्थानीय बासिन्दा बल बहादुरको भनाई छ ।
‘दुई देखी तिन प्रकारका गिद्धहरु आकाशमा बाक्लै देखिन्छन ।’ उनले भने । ‘विशेषगरी सेतो भिर वरपर नै उनीहरुको बासस्थान रहेको देखिन्छ ।’
जंगल क्षेत्र सिन्धुली-बर्दिवास सडक खण्डमा कहिलेकाँही मरेको गाई-भैसी फ्याक्दा आहारको लागी बाक्लै संख्यामा जम्मा भएतापनि फरक-फरक प्रजातिका गिद्ध भने विस्तारै लोप हुदै गएको स्थानीय बासिन्दाको भनाई छ । ‘हामि कुन जाति हो भन्ने त चिन्दैनौ तर याँहा ४ देखि ५ थरिका गिद्ध देख्न सकिन्छ ।’ स्थानीय विजय पोखरेलले भने । ‘यस्को उचित संरक्षण भएन भने कुनैपनि गिद्ध हाम्रा पाखामा देख्न नसकिने अवस्था बन्दै गएको छ ।’
अध्यनअनुसार नेपालमा गिद्धका ९ प्रजाति पाइएको छ । यसमध्ये पहाडी भूभागमा ९ वटै प्रजाति, तराईमा ८ र हिमाली क्षेत्रमा ४ प्रजाति भेटिएको छ । राईमंडलका स्थानियहरुले वताएअनुसार यही क्षेत्रमा मात्र ४ देखि ५ थरिका गिद्ध देखिन्छन जुन फरकफरक रुपरंगका छन् ।
महोत्तरीका पुराना पत्रकार रविन्द्र उप्रेती वास्तव मै महोत्तरीको उत्तरी क्षेत्र गिद्धहरुको ठुलो बासस्थान भएको वताउछन । सरकारले गिद्ध सरक्षणको लागी ‘गिद्ध कन्जर्भेसन एक्सन प्लान फर नेपाल (सन् २०१५–२०१९)’ भन्ने कार्यक्रम लागु गर्दैदेखी याँहाको बिषयमा कलम चलाएको स्मरण गर्दै त्यतिवेलाको संख्या अहिले निक्कै कम भएको पत्रकार उप्रेतीको भनाइ छ । ‘पहिले त पुरा आकाश नै गिद्धले ढाकेका हुन्थे ।’ उन्ले भने ।
पशु उपचारमा डाइक्लोफेनेकको पहिले-पहिले व्यापक प्रयोग हुनु र नासिनु, उचित हेरचाहको अभावमा स्तान्तरण हुनु जस्ता कारणले बर्दिवासको आकाशमा पहिलेजस्तो गिद्धको संख्या कम हुदै गएको उन्को तर्क छ ।
अहिलेको अवस्थामा पनि स्थानीय सरकारले गिद्ध संरक्षण क्षेत्र घोषणा गरेर पर्यटकीय केंद्रकोरुपमा विकास गर्न सकिने कतिपयको सुझाव छ । उधोग बाणिज्य संघ बर्दिवासका अध्यक्ष बिष्णु वहादुर खडकाले राईमंडल आकाशमा देखिने गिद्ध र बासस्थानलाई सुरक्षित गर्न नवलपरासीको जस्तै जटायु रेष्टुरेन्ट खोल्न सकिने आधार देखिएको वताए । त्यस्तै होटल तथा पर्यटन व्यवसायी संघ महोत्तरीका अध्यक्ष गुन्ज कार्कीले गिद्ध हेर्नको लागी स्थलगत अनुगमन नै गरेको वताउदै वास्तवमा नै उक्त स्थललाई चराचुरुङ्गीहरुसँग जोडेर पर्यापर्यटनको रुपमा विकास गर्न सकिने महत्वपूर्ण आधार रहेको र यस्को लागी स्थानीय सरकारले तत्काल नै नेतृत्व गर्नुपर्ने वताउँछन ।
अहिले चरिचरणका लागी स्थानियहरुले जंगलमा छाडेका पशुचौपायालाई बन्यजन्तुले कहिलेकाँही मार्ने र त्यसैलाई उनीहरुले आहार वनाउने हुदा बासस्थान समेत यतै वनाएको स्थानीय राजन मगर बुझाइ छ । ‘बडो रमाइलो लाग्नेगरी आकाशभरी गिद्ध घुम्दा मन नै उत्साहित हुन्छ, एकैछिन भएपनि सारा थकान मेटिन्छ ।’ उनि खुसी हुदै भन्छन ।
तर सरोकारवाला निकायले ध्यान नदिदा गिद्ध कै कारण मनोरम वनेको राईमंडलको अस्तित्व नै समाप्त हुने त हैन भन्ने स्थानियहरुमा चिन्ता थपिएको छ । ‘कतिपय मानिस त वाहिरवाट समेत गिद्ध हेर्न कै लागी राईमंडल आउने गर्दछन जसले यो ठाँउको महत्वलाई अनौपचारिकरुपमा प्रचारप्रसार भईरहेको छ ।’ बर्दिवास-३ का रमेश खत्रीले भने । ‘स्थानीय सरकारले यस्मा भूमिका खेलिदिनु पर्ने देखिन्छ ।’
स्थानीय पत्रकारहरुले स्थानीय र मुलधारका मिडियावाट समाचार सम्प्रेषण गरेपछी यो ठाँउको चर्चा बढ्दै गएको देखिएको छ । यसैको परिणामस्वरुप विभिन्न सरकारी र गैरसरकारी संस्थाहरुले राईमंडल डाडामा पदयात्रा नै आयोजना गरेका छन् । उधोग बाणिज्य संघ बर्दिवासको टिम यस क्षेत्रमा भएका सम्भावनाहरुलाई लिएर संघिय मन्त्रालयमा डेलिगेसन नै गएका थियो । गिद्ध लगायत राइमंडलको पर्यटकीय सम्भावनाहरुको सम्भाव्यता अध्यन गर्न मन्त्रालयवाट केहीदिन भित्रै विज्ञ टोली नै पठाउने आस्वासन भएको संघका अध्यक्ष खड्काले जानकारी दिए ।
अहिले पछिल्लो समय पशुचौपायाको उपचारमा प्रयोग हुदै आएको एसिक्लोफेनेक, किटोप्रोफेन, निम्सुलाइड औषधि प्रचलनमा प्रचलनमा देखिएका छन् यी औषधि पनि गिद्धका निम्ति केही मात्रामा हानिकारक नै भएको विज्ञहरु वताउछन ।न्युज कारखाना
पेरिस, २३ फागुन ।
फ्रान्स संविधानमा नै गर्भपतन अधिकारहरू समावेश गर्ने विश्वको पहिलो देश बनेको छ ।
फ्रान्सेली संसदको दुवै सदनका सांसदहरूले मापनको पक्षमा ७८० मत परेको छ भने बिपक्षमा २८ मत परेकाे छ, जुन फ्रान्सेली संविधान संशोधन गर्न आवश्यक दुइ तिहाइ भन्दा बढी मत परेको छ ।
पेरिसको दक्षिणपश्चिममा रहेको प्यालेस अफ भर्साइल्समा सांसदहरूको विशेष भेलामा सोमबारको मतदान विधायी प्रक्रियाको अन्तिम चरण पार गरेका थिए भने फ्रान्सेली सिनेट र राष्ट्रिय सभाले यस वर्षको सुरुमा संशोधनलाई व्यापक रूपमा अनुमोदन गरेको जनाइएको छ ।
सो संशोधनले फ्रान्समा गर्भपतन ‘ग्यारेन्टेड स्वतन्त्रता’ हुन पुगेको छ । केही समूह र सांसदहरूले स्पष्ट रूपमा गर्भपतनलाई ‘अधिकार’ भन्न कडा भाषाको लागि आह्वान गरेका थिए।
सांसदहरूले यस कदमलाई फ्रान्सको लागि प्रजनन अधिकारमा समर्थनको स्पष्ट संकेत पठाउनको लागि इतिहास बनाउने तरिकाको रूपमा स्वागत गरेका अन्तराष्ट्रिय सञ्चारमाध्यमले जनाएका छन् ।
अत्याधिक बहुमत मतदान पछि एफिल टावरमा ‘मेरो शरीर मेरो रोजाई’ उल्लेख गरिएर उत्सव मनाइएको थियो ।
प्रधानमन्त्री गेब्रियल एटलले मतदान अघि भनेका थिए कि विगतमा गैरकानूनी गर्भपतन सहन बाध्य पारिएका महिलाहरूप्रति सांसदहरूको ‘नैतिक ऋण’ थियो।
‘सबैभन्दा पहिला हामी सबै महिलाहरूलाई सन्देश पठाउँदैछौं, तपाईको शरीर तपाईको हो,’ संसोधन पछि अटलले भने।
फ्रान्सेली राष्ट्रपति इमानुएल म्याक्रोनले सरकारले शुक्रबार अन्तर्राष्ट्रिय महिला अधिकार दिवसमा संशोधन पारित भएकोमा औपचारिक समारोह आयोजना गर्ने जनाएको छ ।न्युज करखाना
काठमाडौं, २३ फागुन ।
नेकपा एकीकृत समाजवादीको सचिवालय बैठक बस्दैछ।
नेकपा एमाले र नेकपा माओवादी केन्द्रले नयाँ गठबन्धन बनाए पछि त्यसमा सामेल हुने वा नहुने भन्ने निर्णय लिन सचिवालय बैठक बोलाएको हो ।
बैठक बिहान ११ बजे देखि सुरू हुनेछ ।
सोही सचिवालय बैठकले सरकारमा जाने वा नजाने भन्ने विषयमा पनि निर्णय लिइने बताइएको छ।न्युज करखाना
काठमाडौं, २३ फागुन ।
महिला युरोपियन च्याम्पियनसिप छनोट २०२५ को लागि ड्र गरिएको छ ।
जसअनुसार ५१ फुटबल टोलीहरू अर्को वर्ष शोपीसको लागि छनोटको लागि प्रतिस्पर्धा गर्दै छन्।
स्विट्जरल्याण्ड समूह बी १ मार्फत आउनको लागि कुनै पनि दबाब हटाएर प्रतियोगिताको आयोजकको रूपमा प्रतियोगिताको लागि स्वतः योग्य हुन्छ।
साविकको च्याम्पियनसिपमा इङ्ल्यान्ड समूहबाट छनोट भएर आफ्नो ताज जोगाउन चाहन्छ ।
लिग चरण अप्रिल देखि जुलाई सम्म चल्नेछ, जहाँ टोलीहरूले आ-आफ्नो समूहमा ६ खेल खेल्छन्, जसमा उनीहरूको समूहमा सबै विपक्षीहरू विरुद्ध एक घरेलु खेल र एक अवे खेल समावेश छ।
प्रत्येक लिग ए समूहका शीर्ष दुई टोलीले जुलाई २०२५ को फाइनलमा आफ्नो स्थान प्राप्त गर्नेछन्, जबकि बाँकी सात स्थानहरू अक्टोबर र नोभेम्बर र डिसेम्बरमा प्लेअफमा तय हुनेछन्।
महिला यूरो २०२ का क्वालिफायरहरू:
पूर्ण समूहहरू:
लिग ए समूह ए १ : नेदरल्याण्ड, इटाली, नर्वे, फिनल्याण्ड
समूह ए २ : स्पेन, डेनमार्क, बेल्जियम, चेकिया
समूह ए ३: फ्रान्स, इंग्ल्याण्ड, स्वीडेन, आयरल्याण्ड गणतन्त्र
समूह ए ४: जर्मनी, अस्ट्रिया, आइसल्याण्ड, पोल्याण्ड
लीग बि समूह
बि १ : स्विट्जरल्याण्ड, हंगेरी, टर्की, अजरबैजान
बी २: स्कटल्याण्ड, सर्बिया, स्लोभाकिया, इजरायल समूह
बी ३: पोर्चुगल, बोस्निया र हर्जगोभिना, उत्तरी आयरल्याण्ड, माल्टा
बी ४: वेल्स, क्रोएसिया, युक्रेन, कोसोभो
लीग सी समूह
सी १: बेलारुस, लिथुआनिया, साइप्रस, जर्जिया समूह
सी २: स्लोभेनिया, लाटभिया, उत्तरी म्यासेडोनिया, मोल्डोभा
सी ३: ग्रीस, मोन्टेनेग्रो, एन्डोरा, फारो टापु
सी ४: रोमानिया, बुल्गेरिया, काजाकिस्तान, आर्मेनिया
सी ५: अल्बानिया, इस्टोनिया, लक्जमबर्ग
न्युज करखाना
काठमाडौं, २३ फागुन ।
हाल नेपालमा पश्चिमी न्यून चापीय प्रणालीको आंशिक प्रभाव रहेको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार हाल सुदुर पश्चिम प्रदेशको केहि भू-भाग लगायत देशका पहाडी भू-भागमा आंशिक बदली रही बाँकी भू-भागको मौसम मुख्यतया सफा रहेको छ ।
दिउँसो गण्डकी, लुम्बिनी, कर्णाली र सुदूरपश्चिम प्रदेशमा आंशिक देखि साधारणतया बदली रही बाँकी भू-भागमा आंशिक बदली देखि मौसम मुख्यतया सफा रहने छ। गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू-भागका थोरै स्थानहरूमा साथै कोशी र बागमती प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
राती भने सुदूरपश्चिम प्रदेश लगायत देशका पहाडी भू-भागमा आंशिक देखि साधारणतया बदली रही बाँकी भू-भागमा मौसम मुख्यतया सफा रहने छ। गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेको छ।
गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेकाले त्यस क्षेत्रमा दैनिक जनजीवन लगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेकोले आवश्यक सतर्कता अपनाउन महाशाखाले अनुरोध गरेको छ ।न्युज करखाना
