काठमाडाैं, १ चैत ।
नेपाली गजलको विकास र विस्तारका लागि स्थापित नेपाल गजल प्रतिष्ठानले यही चैत १७ गते ‘साझ्गीतिक गजल गुञ्जन’ गर्ने भएको छ ।
राष्ट्रिय नाचघर, जमलको मुख्य प्रेक्षालयमा गरिने उक्त कार्यक्रममा आधा दर्जन गजलहरू स्थापित र नवपुस्ताका गायक/गायिकाले प्रस्तुत गर्ने छन् ।
प्रतिष्ठानले जनाएअनुसार उक्त कार्यक्रमले नेपाली गजललाई गायनमा ल्याउन सहयोग पुग्ने छ । प्रतिष्ठानका अध्यक्ष लालकाजी श्रेष्ठ भन्छन्, ‘नेपालमा गजल भनेर लेख्न थालिएको सवा सय वर्ष नाघेको छ । गजलका नाममा अनेक प्रयोग भइसकेका छन् तर वास्तविक गजलको लेखन र गायनमा कमी देखिन्छ । यसलाई पूरा गर्ने हाम्रो प्रयास हो ।’
नेपाली गजललाई शास्त्रीय धारमा परिष्कृत गर्न प्रतिष्ठानले बहस, छलफल र पाठशालाहरू चलाइरहेको उनको भनाइ छ ।
प्रतिष्ठानले हरेक २ महिनामा ‘गजल मुशायरा’ पनि गर्दै आएको छ । काठमाडौँमा ३ वटा मुशायरा सम्पन्न गरिसकेको छ भने झापामा एउटा साङ्गीतिक मुशायरा सम्पन्न गरेको प्रतिष्ठानका सचिव अनजान यात्रीले जानकारी दिए । यस अगाडि गत वर्षको मोती जयन्तीका अवसरमा पनि प्रतिष्ठानले यस्तै गजल गुञ्जन कार्यक्रम गरेको थियो ।
‘गजललाई जबसम्म गायनमा ल्याउन सकिँदैन, यसले आमजनमा अस्तित्व देखाउन नसक्ने रहेछ’, यात्री भन्छन्, ‘नेपाली गजललाई अब तीव्र रूपमा गायनमा ल्याउन आवश्यक छ ।’
कार्यक्रममा प्रवेश खुला गरिएको जनाइएको छ । अध्यक्ष श्रेष्ठका अनुसार सोही अवसरमा नेपाली गजल उन्नयननमा लामो सेवा गरेका एक जना वरिष्ठ गजल साधकलाई पद्मिल र एक जना नवोदित सर्जकलाई ‘के लत बस्यो मलाई’ पुरस्कारले समेत सम्मान गर्ने कार्यक्रम छ । पुरस्कार राशि क्रमश: ३५ हजार र १५ हजार रुपैयाँ छ !न्युज कारखाना
मुम्बइ, १ चैत ।
फ्यानले केजीएफको दुनियाँलाई निकै मन पराएपछि पुष्पाको राज पनि फ्यान माझ लोकप्रिय भए । यति मात्र होइन कान्ताराको रहस्यमय संसार पनि फ्यानको मनमा बस्यो ।
तर २०२४ मा साउथबाट एउटा फिल्म आउन लागेको छ जसमा पुष्पा, केजीएफ र कान्तारा जस्ता फिल्मलाई कडा टक्कर दिने देखिन्छ । केही समयअघि जब यो फिल्मको पहिलो झलक रिलिज भएको थियो, तब केही ठुलो हुने संकेत देखिएको थियो ।
यति मात्र होइन, अब यो डरलाग्दो फिल्ममा साउथकी एक ठूला अभिनेत्री देखिने छिन् । यी हुन् बाहुबली फिल्ममा काम गर्ने नायिका । त्यसयता फिल्मलाई लिएर दर्शकमाझ उत्साह छाएको छ ।
अनुष्काले सन् २००५ मा आफ्नो फिल्मी करियर सुरु गरेकी थिइन् । उनले तमिल र तेलुगु सिनेमामा काम गरेकी छिन् तर मलयालम फिल्ममा काम गर्ने यो पहिलो पटक हुनेछ । यस फिल्मको नाम ‘कटनार–द वाइल्ड सोर्सर’ हो । फिल्ममा अनुष्का शेट्टीका साथै जयसूर्या र विनीत पनि देखिने छन् । यसरी फिल्म कटानारको स्टारकास्ट निकै बलियो बनेको छ ।
आफ्नो इन्स्टाग्राममा एक तस्बिर सेयर गर्दै अनुष्का शेट्टीले लेखेकी छिन्, ‘कटनारको संसारमा प्रवेश, द वाइल्ड सोर्सर।’ यसरी फेरि एकपटक अनुष्का शेट्टीको उत्कृष्ट अभिनय कौशल देख्न सकिनेछ ।
‘कटानार’ मलयालम फिल्म हो, जसलाई रोजिन थॉमसले निर्देशन गर्दैछन्। कटनार १४ भाषामा रिलिज हुने तयारीमा छ, जसअनुसार अंग्रेजी, तमिल, तेलुगु, हिन्दी, बंगाली, कन्नड, चाइनिज, फ्रेन्च, कोरियन, इटालियन, रुसी, इन्डोनेसियाली र जापानीज। यसका लागि विशेष तयार पारिएको ४५ हजार स्क्वायर फुटको स्टुडियोमा यो फिल्मको छायांकन गरिएको हो । कटानारको बजेट करिब ९० करोड रुपैयाँ रहेको बताइएको छ ।
फिल्मको पहिलो झलकमा देखिएका ग्राफिक्स साँच्चै शानदार छन्।न्युज कारखाना
काठमाडौं, १ चैत ।
हिन्द महासागरमा एक बंगलादेशी कार्गो जहाज समुद्री डाकूहरूले अपहरण गरेका छन ।
सोमालियाका डाकुहरूले अपहरण गरेका जहाजमा रहेका करिब २३ जनालाई बन्धक बनाइएको छ ।
सो जहाजका मालिकका अनुसार ‘एमभी अब्दुल्लाह’ नामको सो कार्गो जहाजले ५५ हजार टन कोइला बोकेर सोमालियाको दिशातर्फ गएको थियो । गत मंगलबार हिडेको सो कार्गो जहाज अचानक सोमालिया नजिक पुगे पछि समुद्री डाकुहरूले आक्रमण गरेका हुन ।
‘१५–२० सोमाली समुद्री डाकुहरूको समूहले जहाज अपहरण गरेका छन,’ सो जहाजका मालिक कबीर स्टिल रि–रोलिङ मिल्सका प्रमुख कार्यकारी अधिकृत मेहरुल करीमले भने।
उनका अनुसार बल्क कमोडिटी क्यारियर मोजाम्बिकबाट संयुक्त अरब इमिरेट्सको लागि यात्रा गरिरहेको थियो र सोमालियाको राजधानी मोगादिसुबाट करिब ८ सय समुद्री माइल पूर्वमा हिन्द महासागरमा आक्रमण भएको समुद्री सुरक्षा फर्म एम्ब्रेले जनाएको छ ।
कबीर स्टिल रि-रोलिङ मिल्सले बन्धक बनाइएका चालक दलका एक सदस्यको अडियो सन्देश जारी गरेको छ। बन्दुकधारीहरू दुईवटा स्पीड बोटमा आएर जहाजमा चढ्ने क्रममा गोली चलाएको उनले बताए।न्युज कारखाना
नयाँदिल्ली, १ चैत ।
अरब सागरस्थित भारतीय सीमामा ४८० करोड भारतीय रुपैयाँको लागुऔषध बरामद भएको छ।
गुजरात एटीएस, नौसेना र केन्द्रीय एजेन्सीको संयुक्त अपरेशन अन्तर्गत टोलीले ६ विदेशी लागुऔषध तस्करलाइ पनि पक्राउ गरेको छ । यी सबै ड्रग्स भरियाहरू पाकिस्तानी नागरिक रहेको भारतीय सञ्चारमाध्यमले जनाएका छन ।
समाचार अनुसार यी औषधिहरू एउटा डुङ्गामा ल्याइएको थियो, जसमा पाकिस्तानी प्याडलरहरू पनि सवार रहेका थिए।
एनसीबीका अपरेसनका डीजीबी ज्ञानेश्वर सिंहले भने, ‘यो पाकिस्तानको कम लागतको युद्ध हो। पाकिस्तानले लागुऔषधको सहारा लिएर युवाहरूलाई खोक्रो बनाउने षड्यन्त्र गरिरहेको छ।’
उनले अगाडी भने, ‘अपरेसन सागर मन्थनको पहिलो चरण सफल भयो। अब दोस्रो चरणमा ठूलो कारबाही गरिएको छ। टोलीले ६ पाकिस्तानी भरियालाई पक्राउ गरेको छ ।’
उनका अनुसार यो पूरै खेप पाकिस्तानबाट हाजी सलिम सिन्डिकेटले पठाएको थियो। यसअघि पनि भारतमा पठाइएका धेरै ठूला कन्साइनमेन्टमा हाजी सलीम सिन्डिकेटको हात परेको थियो। हाजी सलीम पाकिस्तानको ठूलो लागुऔषध आपूर्तिकर्ता हो, जसका धेरै मोड्युल रहेका छन्। यसमार्फत उनले श्रीलंका, मरिसस लगायत धेरै देशमा आफ्नो सिन्डिकेट फैलाइरहेका छन् ।
अभियुक्तहरु पाकिस्तानको ग्वादर बन्दरगाहबाट लागुऔषधको खेप डुंगामा लोड गरेर फरार भएका थिए ।उनीहरु भारतका केही व्यक्तिहरुको सम्पर्कमा पनि छन् ।
हाजी सलीमले विशेष तरिकाले औषधि आपूर्ति गर्छन्। उनी प्रायः समुद्री मार्ग प्रयोग गर्छन्। उनले समुन्द्रका विभिन्न मार्गबाट लागुऔषध भारत र अन्य देशका विभिन्न बन्दरगाहमा पठाउने गरेका छन् । आईएसआईका यो ‘नयाँ दाउद’ हाजी अली अहिले भारतीय एजेन्सीको रडारमा पनि रहेको भारतीय सञ्चारमाध्यमले जनाएका छन ।न्युज कारखाना
काठमाडौं,०१ चेत्र ।
कालीमाटी फलफूल तथा तरकारी बजार विकास समितिले बिहिबार लागि तरकारी तथा फलफूलको मूल्य सार्वजनिक गरेको छ।
जसअनुसार हरियो अंगुरको न्यूनतम मूल्य प्रतिकेजी १२०, कालो अंगुर २००, केरा १२० रुपैयाँ दर्जन, अनार २८०, अम्बा २५०, भारतीय सुन्तला ९०, आभोकाडो ५०० र स्ट्रबेरी भुईऐसेलु २५० रुपैयाँमा खरिदबिक्री भइरहेको छ।
समितिका अनुसार नेपाली ठूलो गोलभेडा ६०, भारतीय ठूले गोलभेडा ७०, अदुवा २००, रातो आलु ३५ र रातो भारतिय आलु ३७ रूपैयामा कारोबार हुदाँ स्थानीय काउली २५, लौका ६०, कागती २२०, लोकल काक्रो १००, सुकेको खुर्सानी ४००, हरियो खुर्सानी १८० रुपैयाँ प्रतिकेजी कायम भएको छ।
लोकल गाजरको न्यूनतम मूल्य प्रतिकेजी २५ रुपैयाँमा कारोबार हुदाँ लोकल बन्दा २५, हाइब्रीड सेतो मूला २५ र रातो मूला ५० रुपैयाँमा कारोबार हुदाँ लोकल घिउ सिमी ७० रुपैयाँ, राजमा घिउ सिमी ११० रुपैयाँ र टाटे सिमी ९० रुपैयाँ, हरियो फर्सी लाम्चो र हरियो डल्लो फर्सी ४० रूपैयामा खरिदबिक्र हुदैछ भने तोरीको साग र रायोको साग ३० रुपैयाँमा खरिदबिक्री हुँदा उता चमसूर, पालूगो, मेथी, सौफको साग र जिरीको साग ६० रुपैयाँमा कारोबार हुनेछ।
गुन्द्रुक २५०, भारतीय सुकेको प्याज ७५, हरियो प्याज ३० र पुदीना २५० रुपैयाँ केजी कायम गरेको कालिमाटी बजारले ब्रोकाउली ४०, चाइनिज सुकेको लसुन २२०, हरियो लसुन ९० रुपैयाँमा कारोबारको अनुमति दिएको छ भने लाम्चो भान्टा ६०, भिण्डी १०० र हरियो धनिया ५० रुपैयाँ पाइने समितले जनाएको छ।
उता, ताजा छडी माछा २६० रुपैयाँमा कारोबार हुदाँ बचुवा माछा २६०, रहु माछा ३४० र मंगुरी माछा ३५० रुपैयाँमा किनबेच भइरहेको छ।न्युज कारखाना
काठमाडौं,०१ चेत्र ।
नेपाल राष्ट्र बैंकले बिहिबारका लागि विदेशी मुद्राको विनिमयदर सार्वजनिक गरेको छ।
जसअनुसार भारतीय रूपैयाँ १०० को खरिद दर १६० रूपैयाँ हुदाँ बिक्री दर १६०.१५ पैसा कायम गरिएको छ। आज अमेरिकी डलरको भाउ १५ पैसाले बढेको छ।
नेपाल राष्ट्र बैंकले सार्वजनिक गरेको विनिमय दर अनुसार बिहिबार अमेरिकी डलर एकको खरिददर १३२ रूपैयाँ २९ पैसा र बिक्रीदर १३२ रूपैयाँ ८९ पैसा कायम गरिएको छ। बुधबार यसको खरिददर १३२ रूपैयाँ १४ पैसा र बिक्रीदर १३२ रूपैयाँ ७४ पैसामा कारोबार भएको थियो।
बिहिबार एक युरोको खरिददर १४४ रूपैयाँ ७१ पैसा र बिक्रीदर १४५ रूपैयाँ ३७ पैसा तोकिएको छ। यो मूल्य अघिल्लो दिनको तुलनामा २१ पैसाले बढेको हो। बुधबार युरोको खरिददर १४४ रूपैयाँ ५० पैसा र बिक्रीदर १४५ रूपैयाँ १५ पैसामा कारोबार भएको थियो।
त्यस्तै, बेलायती पाउण्ड सटर्लिङ २५ पैसाले बढेर एकको खरिददर १६९ रूपैयाँ ३० पैसा र बिक्रीदर १७० रूपैयाँ ०७ पैसा कायम गरिएको छ। बुधबार बेलायती पाउण्ड सटर्लिङ एकको खरिददर १६९ रूपैयाँ ०५ पैसा र बिक्रीदर १६९ रूपैयाँ ८१ पैसा तोकिएको थियो।
यता, अष्ट्रेलियन डलर एकको खरिददर भने ८७ रूपैयाँ ४८ र बिक्रीदर ८७ रूपैयाँ ८७ पैसा र क्यानेडियन डलर एकको खरिददर भने ९८ रूपैयाँ ०६ पैसा र बिक्रीमा ९८ रूपैयाँ ५१ पैसा कायम गरिएको छ।
उता, जापानी येन १० को खरिददर ८ रूपैयाँ ९४ पैसा कायम हुदाँ बिक्री दर भने ८ रूपैयाँ ९८ पैसा रहेको छ। चाइनिज युआन एकको खरिददर १८ रूपैयाँ ३९ पैसा तथा बिक्री दर १८ रूपैयाँ ४८ पैसा तथा दक्षिण कोरिया वन १०० को खरिददर १० रूपैयाँ ०६ पैसा तथा बिक्री दर १० रुपैयाँ १० पैसा कायम गरेको जनाइएको छ।
यसैगरी, बिहिबार कतारी रियाल एकको खरिदमूल्य ३६ रूपैयाँ २८ पैसा र बिक्रीमूल्य ३६ रूपैयाँ ४४ पैसा कायम गरेको राष्ट्र बैंकले साउदी अरेबियन रियाल एकको खरिददर ३५ रूपैयाँ २७ पैसा र बिक्रीमूल्य ३५ रूपैयाँ ४३ पैसा, युएई दिराम एकको खरिददर ३६ रूपैयाँ ०२ पैसा र बिक्रीदर ३६ रूपैयाँ १८ पैसा तथा मलेसियन रिंगिट एकको खरिददर बिहिबार २८ रूपैयाँ २२ पैसा र बिक्रीदर २८ रूपैयाँ ३५ पैसा कायम गरेको छ।
साथै, कुवेती दिनार एकको खरिददर ४३० रूपैयाँ ६३ पैसा र बिक्रीदर ४३२ रूपैयाँ ५८ पैसा र बहराइन दिनार एकको खरिददर ३५१ रूपैयाँ २७ पैसा र बिक्रीदर ३५२ रूपैयाँ ८७ पैसा तोकिएको राष्ट्र बैंकले जनाएको छ।न्युज कारखाना
मस्को, १ चैत ।
राष्ट्रपति भ्लादिमिर पुटिनले रुसको राज्यसत्तालाई खतरा भएमा आणविक हतियार प्रयोग गर्ने चेतावनी दिएका छन्।
बुधबार रुसी सञ्चारमाध्यमले प्रसारण गरेको रेकर्डड अन्तर्वार्तामा क्रेमलिन प्रमुखले रूस सैन्य प्राविधिक दृष्टिकोणबाट आणविक युद्धका लागि तयार रहेको बताएका हुन ।
उनका टिप्पणीहरूले आणविक ‘सब्रे रट्टलिंग’ को पुनः सुरु हुने सङ्केत गरेको अन्तराष्ट्रिय सञ्चारमाध्यमले जनाएका छन ।
दुई हप्ता अघि पनि राष्ट्रपति पुटिनले राष्ट्रलाई वार्षिक सम्बोधन गर्दै पश्चिमी देशहरूले युक्रेनमा लड्न सेना पठाएमा आणविक युद्ध हुन सक्ने खतरा औल्याएका थिए । बुधवार पनि उनले यो जोड दिए कि रूसको आणविक हतियार र सेनाले पश्चिमा देशलाइ हानी पुर्याउन सक्छ ।
‘सैन्य–प्राविधिक दृष्टिकोणबाट हामी पक्कै पनि तयार छौं। तिनीहरू रूसी सेनाहरूे निरन्तर लडाई तयारीको अवस्थामा छन्,’ पुटिनले रसिया–१ राज्य टिभी च्यानलसँगको अन्तर्वार्तामा भने।
‘हाम्रो ट्रायड, परमाणु ट्रायड, यो कुनै पनि अन्य ट्रायड भन्दा धेरै आधुनिक छ,’ उनले भने, ‘केवल हामी र अमेरिकासँग मात्रै त्यस्ता ट्रायडहरू छन् तर हामी उनीहरू भन्दा धेरै अगाडि बढेका छौं।’
पुटिन र अन्य रुसी अधिकारीहरूले फेब्रुअरी २०२२ मा युक्रेनमा आक्रमण गरेपछि र कीभलाई समर्थन गर्न पश्चिमको प्रतिक्रियालाई नियमित रूपमा देशको आणविक क्षमताहरू सन्दर्भमा सो कुरा गरेका हुन । यद्यपि, मस्कोले यो अस्वीकार गरेको छ कि यो कुराहरू धम्की मात्रै भने होइनन् ।
पुटिनले आफ्नो भर्खरको टिप्पणीहरूमा जोड गरे कि रूसी–अमेरिकी सम्बन्धको क्षेत्रमा र रणनीतिक संयमको क्षेत्रमा जोखिमहरू बुझ्नको लागि पर्याप्त विशेषज्ञता छ। न्युज कारखाना
न्युयोर्क, १ चैत ।
करिब ७० वर्षसम्म ‘फलामको फोक्सो’ को सहारामा बाँचिरहेका पल अलेक्जेन्डरले अन्ततः संसारबाट बिदा भएका छन् ।
पावलले ७८ वर्षको उमेरमा अन्तिम सास फेरेको अन्तराष्ट्रिय सञ्चारमाध्यमले जनाएका छन ।
तपाईलाई यो थाहा पाउँदा छक्क पर्नुहुनेछ कि पाउल अलेक्जेन्डर १९५२ मा ६ वर्षको उमेरमा नै पोलियोबाट पीडित भएका थिए । जसका कारण उनले आफ्नो जीवन जिउन झण्डै ७ दशकसम्म ‘फलामको फोक्सो’को सहारामा बिताउनु परेको थियो ।
अमेरिकाबाट आएका पल अलेक्जेन्डरलाई ‘पोलियो पल’ पनि भनिन्छ । बाल्यकालमा पलको रोग पत्ता लागेपछि उनका आमाबाबुले उनलाई टेक्सासको अस्पतालमा लगेका थिएँ, जहाँ उपचारका क्रममा उनको फोक्सो पूरै बिग्रिएको खुलासा भएको थियो । त्यसपछि बाध्यतामा उनलाई फलामको बक्समा आधुनिक फोक्सो जोडेर ७० बर्ष देखी जीवित राखिएको थियो ।
पल अलेक्जेन्डरको सन १९४६ मा अमेरिकामा जन्म भएको थियो। जब पाउलको जन्म भयो, पोलियोले अमेरिकामा विनाश मच्चाइरहेको थियो। पाल पनि यस प्रकोपको पकडबाट उम्कन सकेनन्। स्थिति यस्तो थियो कि पोलियोबाट पीडित भएपछि उनको घाँटीको तल्लो भागले सन् १९५२ मा काम गर्न छोड्यो । त्यसपछि उनी एक्लै सास फेर्न पनि असमर्थ भएका थिए ।
पलको यो अवस्था देखेर डाक्टरहरूले उनको लागि फलामको मेसिनबाट बनेको फोक्सो आविष्कार गरे। यही मेसिनका कारण उनी आफ्नो जीवनलाई अगाडि बढाउन सफल भए । उनको मृत्यु अघि पावलको सम्पूर्ण शरीर मेसिन भित्र थियो, जबकि उनको अनुहार भने बाहिर देखिन्थ्यो।
पावलको मृत्युमा उनका भाइ फिलिपले मानिसहरूका लागि विशेष सन्देश लेखेका छन्। उनले भने, ‘म ती सबै मानिसहरूप्रति आभारी छु। जसले मेरो भाइको उपचारको लागि चन्दा दिनुभएको थियो ।’न्युज कारखाना
काठमाडौँ , १ चैत ।
एटलेटिको म्याड्रिड र बोरुसिया डोर्टमण्ड युइएफए च्याम्पियन्स लिगको क्वाटरफाइनलमा पुगेका छन् ।
गएराती सम्पन्न राउण्ड १६ को दोस्रो लिगमा एटलेटिको म्याड्रिडले इन्टर मिलानलाई पेनाल्टी सुटआउटमा ३-२ गोल अन्तरले पराजित गर्दै च्याम्पियन्स लिगको क्वाटरफाइनलमा पुगेको हो ।
यस अघि निर्धारित ९० मिनेटको खेलमा एटलेटिकोले २-१ को नतिजा निकालेपछि खेल २-२ गोलको बराबरी भएको थियो । राउण्ड १६ को पहिलो लिगमा इन्टर मिलान १-० ले विजयी भएको थियो । त्यसपछि ३० मिनेटको अतिरिक्त समय खेलाइएकोमा सो समयमा कुनै गोल नभएपछि खेलको निर्णय पेनाल्टी सुटआउटबाट भएको थियो ।
त्यस्तै गएराती नै सम्पन्न अर्को खेलमा बोरुसिया डोर्टमण्डले पिएसभीलाई २-० गोल अन्तरले पराजित गर्दै च्याम्पियन्स लिगको क्वाटरफाइनलमा आफ्नो स्थान सुरक्षित गरेको थियो ।
योसँगै क्वाटरफाइनलमा पुग्ने ८ टिमको टुंगो लागेको छ । एटलेटिको म्याड्रिड र डोर्टमण्डसहित आर्सनल, बार्सिलोना, पिएसजी, बायर्न म्युनिख, म्यानचेस्टर सिटी र रियल म्याड्रिड यस सिजनको च्याम्पियन्स लिगको अन्तिम ८ मा पुगेका छन् । अब क्वाटरफाइनलको ड्र शुक्रबार हुने युइएफएले जनाएको छ ।न्युज कारखाना
जर्जिया, १ चैत ।
जर्जियाका एक अदालतले अमेरिकन पुर्व राष्ट्रपति डोनाल्ड ट्रम्पका चुनावी हस्तक्षेप सबन्धीमा मुद्दाका ६ वटा आरोप खारेज गरेको छ ।
अमेरिकन सञ्चारमाध्यमका अनुसार जर्जियाको अदालतले ट्रम्प र उनका सहयोगीहरू विरुद्धका लगाइएका केही आरोप मध्ये ६ वटालाइ भने खारेज गरिदिएको हो ।
ट्रम्पसहित उनका समर्थकहरूले दक्षिणपूर्वी राज्यमा भएको राष्ट्रपति चुनावमा अनावश्यक हस्तक्षेप गरेको भन्दै लगाइएको आरोपमा फौजदारी अभियोगको सामना गरिरहेका थिए ।
बिरोधीहरूले ९ पृष्ठ लामो अदालतमा दायर गरिएको मुद्दा मध्ये ४१ वटा अभियोग मध्ये ६ वटालाइ पेशीमा नै नराखिएको अदालतले जनाएको छ।
यसमा ट्रम्पको बिरूद्ध तीन गणनाहरू सामेल छन् यद्यपि उनले अझै पनि १० अन्य गणनाहरूको सामना गरिरहेका छन्।
ट्रम्प र उनका सह प्रतिवादीहरूले सन २०२० राष्ट्रपतिको दौडको नतिजालाई उल्टाउने कथित प्रयासमा निर्वाचित अधिकारीहरूलाई डिस्टर्ब गरेका थिए ।
फुल्टन काउन्टी सुपीरियर कोर्टका न्यायाधीश स्कट म्याकफीका अनुसार लिखित रूपमा ६ वटा गणनाले अपराधका सबै आवश्यक तत्वहरू समावेश गरेको छैन, त्यसले पर्याप्त विवरण दिन नसकेकाले आरोप लगाउन असफल भएको छ ।न्युज कारखाना
