काठमाडौं । इन्डोनेसियन नेशनल प्रहरीका हेड अफ इन्टरनेशनल रिलेसन्स् डिभिजन प्रमुख आइजीपी कृष्ण मुर्ती ५ दिने भ्रमणका सिलसिलामा मंगलबार नेपाल आएका छन् ।

६ सदस्यीय टोलीको नेतृत्व गरी आउनुभएका आइजीपी कृष्ण मुर्ती समेतको टोलीलाई प्रहरी नायव महानिरीक्षक जनक भट्टराई लगायतका प्रहरी अधिकृतहरूले त्रिभुवन अन्तर्राष्ट्रिय विमानस्थल गौचरमा हार्दिक स्वागत गरेका थिए ।

भ्रमणको क्रममा आइजीपी कृष्ण मुर्ती सहितको टोली नेपाल प्रहरी प्रधान कार्यालय, राष्ट्रिय प्रहरी प्रशिक्षण प्रतिष्ठान महाराजगंज र नेपाल प्रहरी केन्द्रीय विशेष कार्यदल कपन लगायतका स्थानमा आयोजना हुने समारोहमा सहभागी हुने कार्यक्रम रहेको छ ।

विशेषत उनीहरू नेपाल प्रहरी र सशस्त्र प्रहरी बल नेपालका तालिम केन्द्रहरूको अवलोकन र संयुक्त राष्ट्र संघको शान्ति मिसनसँग सम्बन्धित विषयमा केन्द्रीत हुनेछन् ।न्युज कारखाना

काठमाडौँ । आइपिएल टिम कोलकाता नाइट राइडर्सका फास्ट बलर हर्षित राणालाई एक खेलको प्रतिबन्ध लागेको छ ।

आईपीएल अन्तर्गतको इडेन गार्डेनमा दिल्ली क्यापिटल्सविरुद्धको खेलमा आचारसंहिता उल्लङ्घन गरेको भन्दै उनलाई प्रतिबन्धसँगै म्याच शुल्कको शतप्रतिशत जरिवाना पनि लगाइएको छ ।

आईपीएल एडभाइजरीका अनुसार राणाले आईपीएल आचार संहिताको धारा २.५ अन्तर्गत लेभल १ को अपराध गरेका छन् । उनले अपराध स्वीकार गरेका छन् र म्याच रेफ्रीको अनुमोदन स्वीकार गरेकाले यस विषयमा थप सुनुवाई नहुने भएको छ ।

हर्षित रानालाई यो सिजन दोस्रो पटक जरिवाना गरिएको छ । यसअघि केकेआरको पहिलो घरेलु खेलमा सनराइजर्स हैदरावादका ब्याट्सम्यान मयंक अग्रवाललाई आउट गरेपछि चिढाउन फ्लाइङ किस गरेका थिए । यसका लागि उनलाई म्याच फीको ६० प्रतिशत जरिवाना गरिएको थियो ।न्युज कारखाना

काठमाडौं, १९ बैशाख । काठमाडौं महानगरपालिकाले क्लब, दोहोरी तथा बारहरुलाई मनोरञ्जन कर तिर्न आग्रह गरेको छ ।

महानगरले ३५ दिनभित्र मनोरञ्जन कर तिर्न आग्रह गरेको हो। महानगरको राजस्व विभागले बुधबार एक सूचना प्रकाशित गरेर ग्यारेज इन्टरटेन्मेन्ट, एनएम प्रोडक्सन, गोपीकृष्ण मुभीज, एलओडी डिस्कोगायतलाई ३५ दिनभित्र मनोरञ्जन कर तिर्न आग्रह गरेको छ । सोे अवधिभित्र कर नतिरे आर्थिक ऐन, २०८० को दफा २१ बमोजिम कारबाही गरिने महानगरले चेतावनी समेत दिएको छ ।न्युज कारखाना

काठमाडौं, १९ बैशाख । क्रेष्ट माइक्रो लाइफ इन्स्योरेन्सले आइपीओ निष्कासन गर्ने भएको छ ।

आइपीओ निष्कासनको लागि यस कम्पनीले बिक्री प्रबन्धकको रुपमा एनआइएमबि एस क्यापिटललाई नियुक्त गरेको छ । यस सम्बन्धी सम्झौतापत्रमा क्रेष्ट माइक्रो लाइफको तर्फबाट प्रमुख कार्यकारी अधिकृत प्रतापमान श्रेष्ठ र एनआइएमबि एसको तर्फबाट प्रमुख कार्यकारी अधिकृत शिवान्तबहादुर पाँडेले हस्ताक्षर गरेका हुन् ।

यसैगरी, कम्पनीले आफ्नो जारी पुँजीको ३० प्रतिशत अर्थात् २२ लाख ५० हजार कित्ता सेयरा जारी गर्न लागेको हो । यसले १ सय अंकित मूल्यामा आइपीओ जारी गर्न लागेको हो ।

कम्पनीमा संयुक्त लगानीकर्ताहरुमा नेपाली प्रतिष्ठित व्यवसायी समूहहरुको संस्थापक लगानी ७० प्रतिशत रहेको छ र यस सार्वजनिक निष्काशन पश्चात् सर्वसाधारण लगानीकर्ताहरुको लगानी ३० प्रतिशत रहनेछ ।न्युज कारखाना

काठमाडौं । नेपाली बजारमा सुनचाँदीको मुल्य घटेको छ ।

नेपाल सुन–चाँदी व्यवसायी महासंघका अनुसार आज छापावाल सुनको मुल्य तोलामा २७ सयले घटेर १ लाख ३४ हजार ५०० मा कारोबार भइरहेको छ । त्यस्तै तेजावी सुनको मूल्य तोलाको १ लाख ३३ हजार ८५० रुपैयाँमा कारोबार भइरहेको छ ।

यसअघि मंगलबार छापावाल सुन तोलाको एक लाख ३७ हजार २०० मा कारोबार भएको थियो भने तेजावी सुन तोलाको एक लाख ३६ हजार ५५० मा कारोबार भएको थियो ।

त्यसैगरी आज चाँदीको मुल्य पनि घटेको छ । महासंघका अनुसार आज चाँदीको मुल्य तोलामा २० रुपैयाँले घटेर प्रतितोला १६ सय ३० रुपैयाँमा कारोबार भइरहेको छ । यस अघि मंगलबार चाँदी तोलाको १६ सय ५० मा कारोबार भएको थियो ।न्युज कारखाना

मुम्बइ, १९ बैशाख । थालापथी विजयको फिल्म ‘घिल्ली’ २० अप्रिल २०२४ मा पुनः थिएटरमा रिलिज भएको थियो।

यो फिल्मले आफ्नो मूल रिलिजको २० वर्ष पूरा गरेको उपलक्ष्यमा पुनः रिलिज गरिएको थियो । पुनः रिलिज भए पछि पनि यो फिल्मले विश्वव्यापी रूपमा १८.५० करोड भन्दा बढी कमाउन सफल भएएको छ।

फिल्मको इन्डिया कलेक्सन २०.२५ करोड रुपैयाँ छ । योसँगै ‘घिल्ली’ले कमाईको मामिलामा शोले, टाइटानिक र अवतार जस्ता फिल्मलाई पछाडि पारेको छ । यसका साथै पुनः रिलिज भएपछि यो २१ औं शताब्दीको सबैभन्दा धेरै कमाउने फिल्म पनि बनेको छ ।

‘घिल्ली’ले यी सबै फिल्मलाई पछाडि छोडेको छ । सन् २००४ मा पहिलो पटक रिलिज भएको ‘घिल्ली’ले टिकट विन्डोबाट ५० करोड कमाएको थियो । त्यति बेला पनि यो तमिल फिल्महरूमध्ये सबैभन्दा बढी कमाइ गर्ने फिल्म थियो। तर पुनः रिलिज भएपछि यसले तहल्का मच्चाएको छ। यो फिल्मले ९ दिनमा देशभरबाट २०.२५ करोड कमाएको भारतीय सञ्चारमाध्यमले जनाएका छन् ।

समाचार अनुसार सो फिल्म पुनः रिलिज भएका चलचित्रहरूको इतिहासमा सबैभन्दा धेरै कमाउने चलचित्र बनेको छ । यति मात्र होइन, २०२४ मा पनि ‘घिल्ली’ वर्षको चौथो सर्वाधिक कमाउने तमिल फिल्म बनेको छ।  यो वर्ष  ‘क्याप्टेन मिलर’, ‘आयलान’ र ‘लाल सलाम’ले मात्र ‘घिल्ली’ भन्दा बढी कमाइ गरेका छन् ।

‘घिल्ली’ एक रोमान्टिक एक्शन फिल्म हो, जसमा अलिकति खेलकुदको टच पनि रहेको छ । यो २००३ मा महेश बाबु स्टारर तेलुगु फिल्म ‘ओक्काड’ को तमिल रिमेक हो। तृषा कृष्णन, प्रकाश राज र आशिष विद्यार्थी जस्ता कलाकारले थलापथी विजयसँग ‘घिल्ली’ मा काम गरेका छन । यो चलचित्रलाई धरानीले निर्देशन गरेका हुन् । ‘घिल्ली’को पुनः रिलिजमा भएको कमाईलाई थालपथी विजयको स्टारडमसँग जोडिएको छ ।न्युज कारखाना

ब्रसेल्स, १९ बैशाख । युरोपेली आयोग (इयु) ले सामाजिक सञ्जालको विशाल कम्पनी मेटाको बिरूद्ध गलत सूचना अनुसन्धान सुरु गरेको छ।

इयुले मंगलबारबाट फेसबुक र इन्स्टाग्रामको अपरेटरमाथि अनुसन्धानको घोषणा गरेको छ ।

अमेरिकी कम्पनीले ब्लकको अनलाइन सामग्री नियमहरू उल्लङ्घन गरेको आशंका गरे पछि सो अनुसन्धान सुरू गरेको हो । ब्रसेल्सले जुनमा इयुको चुनाव हुनु अघि गलत सूचनालाई रोक्नको लागि आफ्नो प्रयास बढाएको जनाएको छ।

आयोगका अनुसार सामग्रीको मध्यस्थतामा मेटाको प्रयासहरू अपर्याप्तू र भ्रामक विज्ञापन र विकृतिलाई सम्बोधन गर्न असफल भएको बताएको छ ।

डिजिटल सेवा ऐन जुन गत वर्ष प्रभावकारी रूपमा कार्यान्वयन आएको थियो । बिग टेकलाई सामाजिक मिडिया प्लेटफर्महरूमा गैरकानूनी र हानिकारक सामग्रीहरू रोक्न थप गर्न आवश्यक रहेको जनाएको छ ।

‘हामीलाई शंका छ कि मेटाको मध्यस्थता अपर्याप्त छ, यसले विज्ञापन र सामग्री मध्यस्थता प्रक्रियाहरूको पारदर्शिताको अभाव छ,’ इयु डिजिटल प्रमुख मार्गरेट वेस्टेजरले एक विज्ञप्तिमार्फत भने।

‘त्यसैले आज हामीले डिजिटल सेवा ऐनसँग उनीहरूको अनुपालनको मूल्याङ्कन गर्न मेटा विरुद्ध कार्यवाही खोलेका छौं,’ उनले भनिन ।
न्युज कारखाना

काठमाडौँ । अमेरिकी पूर्व राष्ट्रपति डोनाल्ड ट्रम्पको समस्या लगातार बढ्दै गएको छ । मंगलबार एक अमेरिकी अदालतले उनलाई अवहेलनाको अभियोगमा दोषी ठहर गरेको छ ।

बारम्बार ग्याग आदेश उल्लंघन गरेको भन्दै अदालतले उनलाई नौ हजार अमेरिकी डलर जरिवाना गरेको छ । ग्यागले उनलाई साक्षीहरू, न्यायाधीशहरू र गोप्य पैसा मुद्दासँग सम्बन्धित अन्य चीजहरूको बारेमा सार्वजनिक बयान गर्न प्रतिबन्ध लगाएको थियो । यस वर्षको अन्त्यमा अमेरिकामा राष्ट्रपतिको निर्वाचन हुँदैछ । पूर्व राष्ट्रपति ट्रम्प र वर्तमान राष्ट्रपति जो बाइडेनबीच प्रत्यक्ष प्रतिस्पर्धा छ ।

मिडिया रिपोर्टका अनुसार अभियोजकहरूले ट्रम्पलाई १० काउन्ट उल्लङ्घन गरेको आरोप लगाएका थिए । यो अदालतको जरिवाना ट्रम्पको लागि कडा हप्क हो किनभने उनले सधैं आफ्नो अभिव्यक्ति स्वतन्त्रताको अधिकारको प्रयोग गरिरहेको बताएका थिए ।

हालै नेशनल इन्क्वायररका प्रकाशक डेभिड पेकरले पूर्व अमेरिकी राष्ट्रपतिविरुद्ध मुद्दामा बयान दिएका छन् । पेकरले ट्रम्पको राष्ट्रपतिको उम्मेदवारलाई सहयोग गर्न आफ्नो ट्याब्लोइड प्रयोग गर्न २०१६ मा गोप्य सम्झौता गरेका थिए । पेकर आपराधिक सम्पत्ति शुद्धीकरण मुद्दामा पहिलो साक्षी हुन्। पेकरले न्यूयोर्कको अदालतलाई २०१५ मा उनले ट्रम्पलाई एन्क्वायररले उनको बारेमा सकारात्मक समाचार प्रकाशित गर्ने सहमति भएको बताए ।

पेकरले ट्रम्पलाई २०१६ को चुनावमा कथित बाहिरका महिलासँगको सम्बन्धलाई दबाउन मद्दत गरेका थिए । पेकरले ट्रम्पले पोर्न स्टार डेनियललाई १ लाख ३० हजार डलरको भुक्तान लुकाउन आपराधिक रूपमा व्यापार रेकर्ड झूटा बनाएको आरोप लगाएका छन् । तर, वकिलहरूले ट्रम्पले कुनै अपराध नगरेको तर्क गर्छन् ।

ट्रम्पका पूर्व वकिल माइकल कोहेनले स्टर्मी डेनियललाई १ लाख ३० हजार डलर तिरेका थिए । स्टर्मी डेनियल ट्रम्पसँगको अवैध सम्बन्ध बाहिर नल्याउन सो रकम दिइएको थियो । यस मामिलामा ट्रम्पले डेनियलसँगको सम्बन्धलाई अस्वीकार गर्दै आएका छन् ।

यसअघि सुनुवाइका क्रममा वकिल म्याथ्यू कोलान्जेलोले ट्रम्पले २०१६ को राष्ट्रपतीय चुनावमा भ्रष्टाचार गर्ने आपराधिक योजना बनाएको बताएका थिए । अमेरिकामा राष्ट्रपति चुनाव अघि सुनुवाइ हुने ट्रम्पको चार आपराधिक मुद्दामध्ये यो एक मात्र केस हुन सक्छ । यस मामिलामा ट्रम्प दोषी ठहर भएमा उनको उम्मेदवारी खतरामा पर्न सक्छ । पूर्व राष्ट्रपतिले आफ्ना समर्थकहरूलाई देशभरका अदालतहरूमा शान्तिपूर्ण विरोध प्रदर्शन गर्न आह्वान गरेका छन् ।

यस मुद्दामा यसअघि अदालतले ट्रम्पको याचिका खारेज गरिदिएको थियो, जसमा उनले गोप्य पैसाको मुद्दाको सुनुवाइका लागि अदालत परिवर्तन गर्न माग गरेका थिए । पूर्व राष्ट्रपति ट्रम्पका वकिलहरूले अदालतलाई मुद्दाको सुनुवाइ स्थगित गर्न आग्रह गरेका थिए तर न्यायमूर्ति लिजाबेथ गोन्जालेजले उनीहरूको अपील अस्वीकार गरे ।न्युज कारखाना

बैशाख १९ रौतहट । राैतहट जिल्ला स्थित लाल वकैया नदि लगायत स-साना खाेला नाला  शुक्न थालेपछि चाैपाया र चारा चुरुङ्गी मर्न थालेका छन ।

करिब दुई महिना आगाडी  देखि लाल बकैया नदि सुकेका छन । पछिल्लो पटक २०८९ साल फाल्गुन महिनामा पानी परेका थिए । त्यस पछि लागातार तापक्रम दैनिक वढोतरी हुँदै आएका छन । हिजो ( मंगलबार ) राैतहटकोअधिकतम तापक्रम ४४ डिग्री सेल्सिएस रेकर्ड गरिएको थियो ।

तापक्रम बढे संगै पश्चिमी वायुको तेज गतिले समान्य मानिसको जनजिवन लगायत सवै  सजिव प्राणी-  वोट विरवाको साथै वाली नालीमा समेत असर परेका छन । यसै बिच पानी खान नपाएर जिल्लाका देवाही गाेनाही नगरपालिका वडा नम्बर २  स्थित एउटा जंगली चाैपाया घाेड गदहा मृत अवस्था फेला परेकाे पत्रकार कमल यादवले वताए ।

प्रकृतिक खाेला नदि सुकि सकेका कारण जंगली जनावर छाडा पशु पंक्षि पानी खान नपाएर मर्न थालेको पत्रकार यादवले बताए । सम्बन्धित निकायलाई कृत्रिम पोखरी स्थापना गरि पशुपक्षीलाई पानी खाने व्यवस्था मिलाउन पत्रकार यादवले मध्यान्ह दैनिक मार्फत सम्बन्धित निकायको ध्यानाकर्षण गराएका छन । लाल बकैया नदिको दायाँ बायाँ करिब ५ /५ किलो मिटर दुबै तर्फ दुरीमा निजी तथा  सार्बजनिक पोखरी नरहेका कारण जंगली तथा छाडा चाैपायालाई पानी खान समस्या भएको देवाही गाेनाही नगरपालिकाका नगर प्रमुख प्रेमलाल साहले बताए ।

पानीको समस्या मधेशमै बढदै गएको बताउदै नगरप्रमुख साहले यस्तै गर्मी रहे प्राय जसाे हैण्पाईप सुक्ने र मानिसलाई पानी खान समेत समस्या हुने बताए । चाैपाया तथा  जंगली जनाबर चराचुरुङ्गीलाई आफुले स्थानिय स्तरबाट जन श्रमदान गरि सुकि सकेको  लाल वकैया नदिमा पाेखरी खनेर पानी खानका लागि व्यवस्था मिलाउन प्रयास गर्ने पुर्व नगर प्रमुख धर्मेन्द्र पटेलले बताए ।न्युज कारखाना

ब्रसेल्स, १९ बैशाख । युरोपमा हरेक दिन करिब ४७ आप्रावासी बालबालिका हराउने गरेको नयाँ तथ्यांक सार्बजनिक भएको छ ।

क्रस बोर्डर जर्नलिज्म कलेक्टिभ लस्ट इन यूरोपको नयाँ अनुसन्धान अनुसार विगत तीन वर्षमा ५० हजार भन्दा बढी बाल आप्रवासीहरू बेपत्ता भएको देखिएको छ ।

अस्ट्रिया, जर्मनी र इटाली लगायत ३१ युरोपेली देशहरूमा भएको तथ्याङ्क अनुसार सन २०२१ र २०२३ को अन्त्यसम्ममा कम्तीमा ५१ हजार ४३३ शरणार्थी नाबालिग बेपत्ता भएको देखिएको हो । अझ केही देशहरूमा अपर्याप्त कागजातका कारण वास्तविक संख्या पत्ता नलागेकाले अझै बढी संख्या हुन सक्ने जनाइएको छझ ।

यो अनुसन्धान सन् २०२१ मा जारी गरिएको निष्कर्षमा आधारित छ, जसमा जनवरी २०१८ देखि डिसेम्बर २०२० सम्मको तीन वर्षमा कम्तिमा १८ हजार बाल आप्रवासी युरोप आइपुगे पछि बेपत्ता भएका थिए ।

अग्जे इभेन, जो मिसिङ चिल्ड्रेन युरोपका महासचिव हुन, उनले भने कि अनुसन्धानबाट खुलासा गरिएका घटनाहरूको बढ्दो संख्याले अझै पत्ता नलागेका धेरै घटनाहरू रहेका हुन सक्छन ।

बेल्जियम, जर्मनी र स्विजरल्याण्ड क्रमशः २२ हजार ८९९ र २० हजार ७७ मामिलासहित बेपत्ता बेपत्ता नाबालिगहरूको दर्तामा इटाली र अस्ट्रिया अग्रणी छन्, त्यसपछि लगभग २२ सय र १२०० को बीचमा रिपोर्ट गरिएको घटनाहरू छन्।न्युज कारखाना