काठमाडौँ । श्रीलंकामा राष्ट्रपतीय निर्वाचन नजिकिँदै छ र त्यसलाई लिएर राजनीतिमा हलचल मच्चिएको छ । यसैबीच राष्ट्रपति रनिल विक्रमासिङ्घेले पनि निर्वाचनमा उम्मेदवार बन्ने बताइएको छ । यदि विक्रमासिङ्घेले आफ्नो दाबी प्रस्तुत गरे भने उनले आफ्नै मन्त्रीमण्डलका सहकर्मी विजयादास राजापाक्षेबाट चुनौती सामना गर्न सक्ने मिडिया रिपोर्टमा बताइएको छ । राजापाक्षे हाल श्रीलंकाको कानून मन्त्रीको पदमा छन् ।
श्रीलंका फ्रिडम पार्टी (एसएलएफपी) का अध्यक्ष तथा पूर्व राष्ट्रपति मैत्रीपाला सिरिसेनाले नोभेम्बर १५ अघि हुने राष्ट्रपति चुनावमा ६५ वर्षीय विजयादास राजापाक्षे आफ्नो पार्टीको उम्मेदवार हुने बताएका छन् । सिरिसेनाले राजापाक्षे एसएलएफपीका लागि उपयुक्त उम्मेदवार भएको बताए ।
यसअघि राजपाक्षे श्रीलंका पोदुजाना पेरामुना (एसएलपीपी) पार्टीको सदस्य थिए, जुन अहिले फुटेको छ । यो पार्टी महिन्दा राजापाक्षेप्रति वफादार युनाइटेड पिपुल्स फ्रिडम एलायन्सका नेताहरूको भेला थियो । ७५ वर्षीय विक्रमासिङ्घे एसएलपीपी नेताहरूको टोलीको नेतृत्व गरिरहेका छन् । यसबाहेक, पार्टीका अन्य सदस्यहरू विपक्षी नेता सजित प्रेमदासको नेतृत्वमा रहेको समगी जन बलवेगया (एसजेबी) राजनीतिक गठबन्धनमा आवद्ध छन्। विशेष कुरा के छ भने यो निर्वाचनमा एसएलपीपीले उम्मेदवार दिने सम्भावना देखिँदैन । वास्तवमा, पार्टीले २०२२ मा ठूलो विरोधको सामना गर्यो, जब प्रदर्शनकारीहरूले श्रीलंकाको आर्थिक संकटको लागि राजपक्षे परिवारलाई दोष दिए ।
अर्कोतर्फ, विक्रमासिङ्घेले आफ्नो उम्मेदवारी घोषणा गरेका छैनन्, यद्यपि उनी देशलाई दिवालियापनबाट बाहिर ल्याउनका लागि पुन: चुनावका लागि क्रसपार्टी समर्थनमा भरोसा गरिरहेका छन् । अर्कोतर्फ प्रमुख प्रतिपक्षी दलका नेता सजिथ प्रेमदासा र माक्र्सवादी जनता विमुक्ति पेरामुना (जेभीपी) पार्टीकी नेतृ अनुरा कुमारा दिसानायकेले उम्मेदवारी घोषणा गरिसकेका छन् ।
सिरिसेनाको पार्टी एसएलएफपी अप्रिलको सुरुदेखि नै अस्तव्यस्त रहेको देखिन्छ । यस अवधिमा उनले राजापाक्षेलाई पार्टीको कार्यवाहक अध्यक्षको रूपमा मनोनयन गरे तर अदालतको आदेशले सिरिसेनालाई नेताको रूपमा प्रतिबन्ध लगाइदिएको थियो ।
यति मात्र होइन, अदालतले राजापाक्षेलाई काम गर्नबाट रोक्न पनि आदेश दिएको थियो । समग्रमा सिरिसेना र पूर्व राष्ट्रपति चन्द्रिका कुमारतुंगा नेतृत्वको दुई समूह गम्भीर कानुनी विवादमा फसेका छन् ।
श्रीलंकाको आगामी राष्ट्रपतिको निर्वाचन सेप्टेम्बरदेखि अक्टोबरको बीचमा हुदै छ । न्युज कारखाना
काठमाडौँ । इण्डियन प्रिमियर लिग (आइपिएल) अन्तर्गत आज एक खेल हुदै छ ।
आज सनराइजर्स हैदरावाद र राजस्थान रोयल्सबीच खेल हुदै छ । हैदरावादमा हुने यो खेल नेपाली समय अनुसार राति ७: ४५ बजेदेखि शुरु हुने छ ।
जारी आइपिएलमा सनराइजर्सले ९ खेलमा ५ जित र ४ हार बेहोरेको छ । १० अंकसहित सनराइजर्स पाँचौं स्थानमा रहेको छ ।
त्यसैगरी राजस्थान रोयल्स भने ९ खेलमा ८ खेल जितेर अंक तालिकामा १६ अंकसहित शिर्ष स्थानमा रहेको छ ।
सनराइजर्स हैदरावाद अस्ट्रेलियाका पाट कमिन्सको नेतृत्वमा आइपिएल खेल्दै छ । सनराइजर्स भारतीय भन्दा विदेशी चर्चित खेलाडीलाई लिएर यो सिजन खेल्दै छ । सनराइजर्स अभिषेक शर्मा टी नटरञ्जन, राहुल त्रिपाठी, वाशिंटन सुन्दर, भुवनेश्वर कुमार जस्ता भारतीय खेलाडीमाथि बढी भर पर्नुपर्ने देखिन्छ भने कप्तान कमिन्स, ट्राभिस हेड, ग्लेन फिलिप, हेइनरिक क्लासेन जस्ता विदेशी खेलाडी महत्वपूर्ण हुने देखिन्छन् ।
त्यसैगरी यस सिजनमा पनि सन्जु सामसनको कप्तानीमा खेल्दै छ । राजस्थान रोयल्स आइपिएलको पहिलो सिजनको विजेता हो भने २०२२ को उपविजेता टिम हो । राजस्थानमा कप्तान सामसनका अलावा आर आश्विन, युजवेन्द्र चहल, यशस्वी जैसवाल, आवेश खान, ध्रुव जुरेल, रियान पराग जस्ता भारतीय खेलाडी यस सिजनमा महत्वपूर्ण हुने छन् भने जोस बटलर, शिमरोन हेटमायर, ट्रेन्ट बोल्ट जस्ता विदेशी खेलाडीको भूमिका बढी हुने देखिन्छ ।
न्युज कारखाना
काठमाडौँ । हाल देशमा पश्चिमी वायु र स्थानीय वायुको आंशिक प्रभाव कायम रहेको जनाउँदै जल तथा मौसम विज्ञान विभागले अहिले मुलुकका पहाडी भूभागमा आंशिक बदली रही बाँकी भागमा मौसम सफा रहेको बताएको छ ।
विभागका अनुसार आज दिउँसो कोशी, बागमती र गण्डकी प्रदेशका पहाडी भागमा आंशिक बदली भई बाँकी भागमा आंशिक मौसम सफा रहने छ । कोशी र गण्डकी प्रदेशका पहाडी भागका एक–दुई स्थानमा एक–दुई स्थानमा मेघगर्जन र चट्याङसहित हल्का वर्षाको सम्भावना छ । कोशी प्रदेशको उच्च पहाडी तथा हिमाली भागका एक–दुई स्थानमा हल्का हिमपातको पनि सम्भावना छ । कोशी, मधेश र लुम्बिनी प्रदेशका केही स्थानमा हुरी बतासको सम्भावना छ ।
आज राति कोशी प्रदेशका पहाडी भेगमा आंशिक बदली हुने तथा बाँकी भागमा मौसम सफा रहने छ । आगामी २४ घण्टामा कोशी र गण्डकी प्रदेशका पहाडी भागका एक–दुई स्थानमा मेघगर्जन र चट्याङसहित हल्का वर्षाको सम्भावना छ । कोशी प्रदेशको उच्च पहाडी तथा हिमाली भागका एक–दुई स्थानमा हल्का हिमपातको पनि सम्भावना छ ।
कोशी, मधेस र लुम्बिनी प्रदेशका केही स्थानमा हुरीबतासको सम्भावना रहेको जनाउँदै विभागले क्षेत्रमा दैनिक जनजीवनलगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेकाले आवश्यक सतर्कता अपनाउन अनुरोध गरेको छ ।न्युज कारखाना
काठमाडौँ । बलिवुडका निर्देशक सञ्जय लीला भन्साली वेब सिरिज ‘हिरामण्डीः द डायमण्ड बजार’ मार्फत ओटीटीमा डेब्यु गरेका छन् । यो शृङ्खला १९४० को दशकको लाहोर हिरामण्डीका वेश्याहरूको कथा हो । जसमा देशलाई स्वतन्त्र गराउनमा उनीहरुको कति ठूलो योगदान थियो भन्ने देखाइएको छ । तर मितिहरू रेकर्ड गरिएको छैन । यस सिरिजलाई क्रिटिक्सले राम्रो रेटिंग दिएका छन् । यस रिपोर्टमा ‘हिरामाण्डीः द डायमण्ड बजार’ सिरिज कस्तो बनेको भन्ने बारे चर्चा गर्दै छौ ।
सिरिजको कथा शाही इलाका हिरामण्डीको हो, जहाँ वेश्याहरुको शक्ति हुन्छ । सिरिजको कथा मल्लिकाजन नामक एक वेश्याको वरिपरि घुम्छ । यो पात्र मनिषा कोइरालाले निभाएकी छिन् । मल्लिकाजनको भतिजी फरीदानसँग फरक झगडा भइरहेको छ । मल्लिकाजानकी छोरी आलमजेबलाई कविता लेख्न निकै मन पर्छ । उनी यो पेशाबाट टाढा जान चाहन्छिन् । तर मल्लिकाजन कवितालाई घृणा गर्छन् । आलमजेब पनि त्यही क्षेत्रमा आउन चाहन्छिन् । मल्लिकाजनकी दोस्रो छोरी बिब्बोजनले स्वतन्त्रताको लागि लडिरहेका मानिसहरूलाई मद्दत गर्छिन् । सिरिजले वफादारी, अवफादारी र घृणाका कथाहरू बीचको स्वतन्त्रताको लडाइलाई चित्रण गरेको पाइन्छ ।
सञ्जय लीला भन्सालीको विशेषता भनेको उनका फिल्महरूमा महिला पात्रहरू प्रमुख हुने गर्दछन् । यो सिरिजमा पनि त्यस्तै देखिएको छ । सिरिजमा पनि महिला पात्रलाई निकै सशक्त ढंगले प्रस्तुत गरिएको छ । मनिषा कोइराला मल्लिकाजनजस्तै शक्तिशाली छिन् । त्यस्तै, लज्जोको चरित्रमा ऋचा चड्डाको दर्दनाक चरित्र देखाइएको छ । सच्चा प्रेम टुटेका प्रेमीहरूले उनको चरित्रसँग आफूलाई जोड्नेछन् ।
त्यस्तै अभिनेत्री सोनाक्षी सिन्हाले फरीदानको भूमिका निभाएकी छिन् । यो उनको करियरको अहिलेसम्मकै उत्कृष्ट प्रदर्शन भन्न सकिन्छ । सोनाक्षी सिन्हाले सिरिजमा मनिषा कोइरालालाई कडा टक्कर दिएकी छिन् । मल्लिकाजानकी छोरी बिब्बोजानको भूमिकामा अदिती राव हैदरी निकै सुन्दर र गम्भीर देखिएकी छिन् । मल्लिकाजानकी दोस्रो छोरी आलमजेबको भूमिकामा सञ्जय लीला भन्सालीकी भान्जी शरमिन सहगल अलि कमजोर देखिएकी छिन् । वहिदाको चरित्रमा सञ्जीदा शेखको मेहनत देखिन्छ ।
महिला पात्रबाहेक शृङ्खलाका पुरुष पात्रको कुरा गर्ने हो भने ताजदारको भूमिकामा ताह शाह बदुशाले सकारात्मक भूमिका निर्वाह गरेका छन् । उनी स्वतन्त्रता संग्राममा पनि संलग्न छन् । ताह शाह बदुशाले आफ्नो भूमिका राम्रोसँग निभाएका छन् ।
फरदीन खान लामो समयपछि यस सिरिजबाट अभिनयमा कम्ब्याक गरेका छन् । उनले वली मोहम्मदको भूमिका निभाएका छन् । फरदीनले पनि आफ्नो भूमिका राम्रोसँग निभाएका छन् । शेखर सुमन र अध्यायन सुमनको कुरा हो भने जुल्फिकारको भूमिका शेखर सुमनले र जोरावरको भूमिका अध्यायन सुमनले निभाएका छन् । दुवैको भूमिका सानो र कमजोर देखिन्छ ।
सञ्जय लीला भन्सालीको निर्देशन गजबको छ । भन्साली आफ्नो भव्य सेट र वेशभूषाका साथ उत्कृष्ट कथाहरू स्क्रिनमा ल्याउनका लागि परिचित छन्। यो कुरालाई उनले सिरिजमा कायम राखेका छन् । धेरै हदसम्म उनी आफूले देखाउन चाहेको अवधि देखाउन सफल भएका छन् । आठ एपिसोडको यो सिरिज ४५ मिनेटदेखि एक घण्टासम्मको छ । पहिलो पाँच एपिसोडमा पटकथा अलि कमजोर भए पनि पाँच एपिसोडपछि सिरिजले आफ्नो पकड राख्छ । जब हरेक पात्रको रहस्य खुल्छ । तर सिरिजका पुरुष पात्रहरू महिला पात्रको ओझेलमा परेको महसुस हुन्छ ।
सञ्जय लीला भन्सालीको फिल्मको बिशेषता भनेको उनको फिल्मका गीतहरु निकै राम्रा छन् । एक पटक सुन्दा मनमा गीत आउँछन् । तर यो सिरिजमा यस्तो कुनै गीत छैन जुन सुनेर याद आउँछ । सिरिजका संगीत निर्देशक भन्साली आफै हुन् । यो सिरिजमा राम्रो सङ्गीतको कमी छ। हो, सिरिजको ब्याकग्राउन्ड म्युजिक निकै राम्रो छ । जसले दृश्यलाई प्रभावकारी बनाउन निकै सहयोग गरेको छ ।
यस सिरिज मार्फत भन्सालीले इतिहासको इतिहासमा स्थान पाउन नसकेको योद्धाको कथा ल्याएका छन् । हिरामण्डीका दरबारहरूले देशको स्वतन्त्रताका लागि आफ्नो जीवन बलिदान दिए । समयले उनको त्याग बिर्सिसकेको छ । यदि तपाई सञ्जय लीला भन्सालीको फ्यान हुनुहुन्छ भने । यदि तपाईलाई उनका फिल्महरू मन पर्छन् भने यो सिरिज नेटफ्लिक्समा एक पटक अवश्य हेर्न सकिन्छ । न्युज कारखाना
काठमाडौँ । अल नासर साउदी किङ कपको फाइनलमा पुगेको छ ।
गएराती सम्पन्न सेमिफाइनलमा अल नासरले अल खालीजलाई ३-१ गोल अन्तरले पराजित गर्दै फाइनलमा पुगेको हो ।
अल नासरको जितमा क्रिस्टियानो रोनाल्डोले २ गोल गरेका थिए । २ खेलको प्रतिबन्धपछि खेलमा फर्किएका रोनाल्डोले दुई गोल गर्दै अल नासरलाई फाइनलमा पुर्याएका हुन् । त्यस्तै अल नासरको लागि अर्को गोल साडियो मानेले गरेका थिए ।
त्यसैगरी अल खालीजका लागि एक गोल फवाज टोराल्सले गरेका थिए ।
यस अघि पहिलो सेमिफाइनलमा अल हिलालले अल इतिहादलाई २-१ ले पराजित गर्दै फाइनलमा पुगेको थियो ।
अब किङ कपको फाइनल खेल मे ३१ मा हुने छ र फाइनलमा अल नासर र अल हिलाल भिड्ने छन् । अल हिलाल किङ कपको डिफेन्डिङ च्याम्पियन समेत हो । न्युज कारखाना
काठमाडौँ । इन्डियन प्रिमियर लिग (आइपिएल) अन्तर्गत पञ्जाव किंग्सले चेन्नई सुपर किंग्सलाई पराजित गरेको छ ।
गएराती सम्पन्न खेलमा पञ्जावले चेन्नईलाई ७ विकेटले पराजित गरेको हो ।
चेन्नईले दिएको १६३ रनको लक्ष्य पछाएको पञ्जावले १७.५ ओभरमा ३ विकेट गुमाएर लक्ष्य पुरा गरेको थियो ।
यसअघि चेन्नईले पहिला ब्याटिंग गर्दै २० ओभरमा ७ विकेट गुमाएर १६२ रन बनाएको थियो ।
यो यस सिजनमा पञ्जावको चौथो जित हो । १० खेलमा ४ जित र ६ हारसहित पञ्जाव ८ अंक हासिल गरेर सातौं स्थानमा रहेको छ ।
त्यसैगरी चेन्नईको भने यो यस सिजनमा पाँचौं हार हो । १० खेलमा ५ जित र ५ हार बेहोरेको चेन्नई १० अंकसहित चौथो स्थानमा रहेको छ ।न्युज कारखाना
काठमाडौँ । नेपाल र वेस्ट इन्डिज ए बीचको सिरिजको चौथो खेल आज हुदै छ । टियु मैदानमा हुने यो खेल अपराह्न्न १२: १५ बजेदेखि शुरु हुने छ ।
सिरिजमा अहिलेसम्म वेस्ट इन्डिज ए २-१ ले अगाडी रहेको छ । पहिलो खेल ४ विकेटले जितेको नेपाल त्यसपछिका दुवै खेलमा हार बेहोरेको थियो । नेपालले दोस्रो खेल १० रनले हारेको थियो भने तेस्रो खेल ७६ रनले हारेको थियो ।
यस सिरिजका लागि नेपालले २० सदस्यीय टिम छानेको छ । नेपाली टिममा कप्तान रोहितसहित आसिफ सेख, कुशल भुर्तेल, अनिल शाह, आरिफ सेख, सन्दीप जोरा, दिपेन्द्र सिंह ऐरी, कुशल मल्ल, गुलशन झा, ललित राजबंशी, करण केसी, सोमपाल कामी, प्रतिस जिसी, अविनाश बोहोरा, बिबेक यादव, आकास चन्द, विनोद भण्डारी, सागर ढकाल, कमलसिंह ऐरी र लोकेश बम रहेका छन् ।
त्यस्तै नेपाल टुरमा आएको वेस्ट इन्डिज ए टिममा रोस्टन चेस (कप्तान), एलिक एथानाजे (उपकप्तान), फेबियन एलन, कादिम एलीने, जोशुआ बिशप, केसी कार्टी, जोनसन चार्ल्स, मार्क देयल, आन्द्रे फ्लेचर, म्याथ्यू फोर्ड, ओबेद म्याककोय, गुडाकेश मोटी, किमो पल, ओशाने थोमस र हेडेन वाल्श रहेका छन् ।
नेपालले सिरिजको पाँचौं तथा अन्तिम खेल मे ४ मा हुने छ । न्युज कारखाना
आजमिति २०८० साल वैशाख २० गते गुरुवार तदअनुसार मे २ तारिख, नेपाल संवत ११४४ (चिल्लागा) उत्तरायणं वसन्त ऋतु कृष्ण पक्ष नवमी तिथी, धनीष्ठा नक्षत्र, । सुक्ल योग छ । चन्द्र राशि मकर । यो शुभ योग हो ।
अभिजित् मुहूर्त: बिहान ११:३५ देखि १२:२७ सम्म,
• काठमाण्डौंमा सुर्योदय: बिहान ०५:२४
• सुर्यास्त: बेलुका ०६:३८ बजे
वैदिक ज्योतिषमा आधारित तपाँईको आजको राशिफल यसप्रकार रहनेछ ।
मेष (चु, चे, चो, ला, लि, लु, ले, लो, अ)
आज समय ठिक छ । आँट र साहस बढ्नेछ । कार्य पुर्ण हुनसक्छ । बौद्धिकताको प्रशंसा हुनेछ । प्रेम तथा परिवारमा शान्ती मिल्नेछ ।
शुभ रगं ः पहेलो
शुभ अंक ः २
बृष (इ, उ, ए, ओ, बा, बि, बु, बे, बो)
आज समय राम्रो छ । मिहेनतको फल मिल्नेछ । पारिवारिक सुख मिल्नेछ । प्रेम तथा साथिभाईबाट सहयोग मिल्न सक्छ । स्वास्थ सुधार हुने छ ।
शुभ रगं ः रातो
शुभ अंक ः ४
मिथुन (का, कि, कु, घ, ङ, छ, के, को, ह)
आज समय शुभ छ । पारिवारिक सम्बन्ध सुदृढ बन्नेछ । व्यापार र व्यवसायका क्षेत्रमा उन्नति प्रगतिको वातावरण बन्नेछ । जग्गा जमिनको कारोबार गर्दा राम्रो प्रतिफल आउन सक्छ । सामाजिक क्षेत्र र नोकरीबाट मानसम्मान मिल्नेछ । विदेशको काममा सफलता मिल्नसक्छ । खर्च भने बढ्न सक्छ ।समय शुभ छ उपयोग गर्नुहोला ।
शुभ रगं ः हरियो
शुभ अंक ः ४
कर्कट (हि, हु, हे, हो, डा, डि, डु, डे, डो)
आज समय मध्यम छ । नयाँ ठाउँमा आर्थिक लगानी गर्दा ध्यान दिनुहोला । काममा ढिलाई हुनसक्छ । प्रेममा अनावश्यक मनमुटावबाट बच्नुहोला । पारिवारलाई समय दिनुहोला । दिँउसोबाट तपाइमा उर्जा थपिनेछ । हतारमा निर्णय नगर्नुहोला ।
शुभ रगं ः चाँदी
शुभ अंक ः ७
सिंह (मा, मि, मु, मे, मो, टा, टि, टु, टे)
आज समय राम्रो छ । पराक्रम बढ्नेछ । श्रमको उचित मूल्याङ्कन हुनेछ । पढाइमा प्रगति हुनेछ । मिष्ठान्न भोजनको अवसर प्राप्त हुने योग छ । प्रेममा सफलता हुनेछ । समग्रमा दिन राम्रो छ ।
शुभ रगं ः सुन्तला
शुभ अंक ः ७
कन्या (टो, प, पि, पु, ष, ण, ठ, पे, पो)
आज समय ठिकै छ । शरिरमा आलस्यता आउनसक्छ । सङ्कटको सामना गर्दै उपलब्धी हासिल गर्नु पर्नेछ । कडा मिहिनेतपछि गरिएको कामबाट लाभ हुने सम्भावना छ । शत्रुपक्ष सकृय हुनेछन् । प्रेम तथा परिवारमा अनावश्यक जिद्धी नगर्नुहोला ।
शुभ रगं ः सुन्तला
शुभ अंक ः ७
तुला (र, रि, रु, रे, रो, ता, ति, तु, ते)
आज समय शुभ छ । परिवारजनको साथले नयाँ आशा पलाउनेछ । प्रेम तथा दाम्पत्य सुखमा रमाउने समय छ । रमाइलो यात्रा गर्ने अवसर प्राप्त हुनेछ । एउटै कामबाट दोहोरो लाभ मिल्नसक्छ । खुशि मिल्नसक्ने समय छ ।
शुभ रगं ः पहेलो
शुभ अंक ः १
वृश्चिक (तो, ना, नि, नु, ने, नो, या, यि, यु)
आज समय मध्यम छ । स्वास्थ्यमा सामान्य समस्या आउन सक्छ । बोल्दा विचार पुर्याउनुहोला । मनमा चिन्ता रहनेछ । प्रेम तथा परिवारमा विवाद हुन सक्छ, सतर्क हुनुहोला ।
शुभ रगं ः पहेलो
शुभ अंक ः ९
धनु (ये, यो, भ, भि, भु, ध, फा, ढ, भे)
आज समय मध्यम छ । परिवारिक माहोल राम्रो रहनेछ । प्रेममा अनावश्यक झगडा हुनसक्छ । शिक्षामा मन नजान सक्छ । स्वास्थ्यमा ध्यान दिनुहोला ।
शुभ रगं ः खैरो
शुभ अंक ः २
मकर (भो, ज, जि, खि, खु, खे, खो, गा, गि)
आज समय ठीकै छ । मनमा उत्साह र उमङ्गको कमी देखिन सक्छ । सवारी चलाउँदा ध्यान दिनुहोला । अ राज्यपक्ष र सरकारी काममा विलम्ब हुनेछ । सामाजिक प्रतिष्ठा कायम राख्न थोरै बोलेको राम्रो हुन्छ । प्रेम तथा परिवारमा विवादबाट बच्नुहोला ।
शुभ रगं ः रातो
शुभ अंक ः ८
कुम्भ (गु, गे, गो, सा, सि, सु, से, सो, द)
आज समय राम्रो छ । प्रतिस्पर्धामा विजयी हुने योग छ । कार्यक्षेत्रमा अरुले गरे भनेका कुरामा चित्त नबुझ्न सक्छ, प्रेम तथा पढाईमा आज राम्रो छ । रमाइलो यात्राको छ । स्वास्थ्य सबल रहने छ । काममा संघर्ष हुनेछ । खर्च बढ्न सक्छ ।
शुभ रगं ः निलो
शुभ अंक ः ७
मीन (दि, दु, थ, झ, ञ, दे, दो, च, चि)
आज समय राम्रो छ । मनमा सामान्य चिन्ता भएतापनि दाम्पत्य जीवन सुखद् तथा समृद्ध बन्ने देखिन्छ । आम्दानी प्रशस्तै बढ्नसक्छ । सन्तानबाट सुख प्राप्त हुनसक्छ । विपरीत लिङ्गी मित्रसँग मन फुकाएर आफ्ना कुरा राख्न सकिने समय छ ।
शुभ रगं ः सेतो
शुभ अंक ः ८
राशिफलमा राम्रो नराम्रो जे लेखेको भएका पनि तपाई आफ्नो नियमित कार्यबाट विचलित नहुनुहोला । राशिफल भनेको तपाईँको जन्मकुण्डलीमा रहेको चन्द्रमाको राशिलाई लिएर हाल भएका ग्रहहरूको अबस्थालाई हेरेर तयार गरीएको हुन्छ । जन्मकुण्डलीको अन्य आठ ग्रहको अवस्था युती, दृष्टि, भाव, उच्च, नीच, आदि कुराहरूले फरक पर्न सक्छ । निर्णय गर्दा तपाईंको आफ्नै अन्तर्ज्ञान र निर्णय प्रयोग गर्न सधैं महत्त्वपूर्ण छ।
राशिफल लेखक युवा ज्योतिष जनक खड्का, ज्योतिष परामर्श केन्द्रको सञ्चालक समेत हुन्। उनि वैदिक ज्योतिषका विज्ञ मानिन्छन् ।न्युज कारखाना
काठमाडौँ । ओमानले टी-२० विश्वकप खेल्ने टिमको घोषणा गरेको छ ।
आगामी जुन १ देखि २९ सम्म अमेरिका र वेस्ट इन्डिजमा हुने टी-२० विश्वकपका लागि ओमानले आकिब इलियासको कप्तानीमा १५ सदस्यीय टिमको घोषणा गरेको हो । ओमानले विश्वकपमा जिशानको ठाउमा इलियासलाई कप्तान बनाएको छ ।
विश्वकप खेल्ने ओमानको टोलीमा आकिब इलियास (कप्तान), जिशान मकसुद, कश्यप प्रजापति, प्रतीक आठवले (विकेट), अयान खान, शोएब खान, मोहम्मद नदीम, नसीम खुशी (विकेट), मेहरान खान, बिलाल खान, रफिउल्लाह, कलीमुल्लाह, फय्याज बट, शकील अहमद रहेका छन् । त्यस्तै रिजर्व खेलाडीमा जतिन्दर सिंह, समय श्रीवास्तव, सुफयान महमूद र जय ओडेद्रा रहेका छन् ।
ओमान विश्वकपको समुह बी मा रहेको छ । यस समुहमा ओमानसहित इङल्याण्ड, अस्ट्रेलिया, नामिबिया र स्कटल्याण्ड रहेका छन् ।
ओमानले पहिलो खेल जुन २ मा नामिबियासँग खेल्ने तालिका रहेको छ ।
न्युज कारखाना
काठमाडौँ । क्रिप्टोकरेन्सी एक्सचेन्ज बिनान्सका संस्थापक तथा पूर्व सीईओ चाङपेङ झाओलाई चार महिनाको जेल सजाय सुनाइएको छ ।
झाओलाई अमेरिकी सम्पत्ति शुद्धीकरण विरोधी कानूनको उल्लङ्घन गरेको आरोपमा दोषी ठहर गरिएको छ । अमेरिकी जिल्ला अदालतका न्यायाधीश रिचर्ड जोन्सले यो सजाय सुनाएका हुन् ।
अदालतले क्रिप्टोकरेन्सी एक्सचेन्जमा ४.३२ बिलियन डलर जरिवाना पनि लगाएको छ। जबकि, झाओले ५० मिलियन डलर जरीवानाका साथै युएस कमोडिटी फ्युचर्स ट्रेडिङ कमिसनलाई ५० मिलियन डलर तिरिसकेका छन् ।
विनान्सलाई अपराधीहरूलाई फाइदा हुने ‘वाइल्ड वेस्ट’ मोडल अपनाएको आरोप लागेको थियो । यस मोडल मार्फत हमास, अल-कायदा र इस्लामिक स्टेट लगायतका ठूला आतंकवादी संगठनहरूको एक लाख संदिग्ध लेनदेन रिपोर्ट गरिएका थिए ।
झाओको एक्सचेन्जले बाल यौन दुर्व्यवहार सामग्रीको व्यापारलाई समर्थन गरेको आरोप लगाइएको छ ।
झाओले अदालतमा भनेका थिए- ‘मलाई माफ गर्नुहोस्, म विश्वास गर्छु कि जिम्मेवारी लिने पहिलो चरण गल्तीहरू पूर्ण रूपमा पहिचान गर्नु हो । यहाँ म एन्टि मनी लान्ड्रिङ ऐन लागू गर्न असफल भएँ, त्यो गल्तीको गम्भिरता महसुस गरेको छु ।’
झाओ क्रिप्टो बजारमा CZ को रूपमा चिनिन्छन् । झाओ जेल जाने अमेरिका र सम्भवतः संसारकै सबैभन्दा धनी व्यक्ति हुन् । ब्लूमबर्गका अनुसार झाओको कुल सम्पत्ति करिब ४३ अर्ब डलर रहेको छ ।
गत वर्ष नोभेम्बरमा अमेरिकी महान्यायाधिवक्ता मेरिक गारल्यान्डले विश्वको सबैभन्दा ठूलो क्रिप्टोकरेन्सी एक्सचेन्ज बिनान्सलाई ४.३ अर्ब डलर जरिवाना लगाएका थिए । त्यसपछि झाओले आफ्नै कम्पनीबाट राजीनामा दिनुपरेको थियो । साथै आगामी ३ वर्षसम्म कम्पनीमा कुनै पनि व्यवस्थापकीय पदमा बस्न प्रतिबन्ध लगाइएको छ ।
बिनान्स २०१७ मा सुरु भएको थियो । बिनान्ससँग यसको इकोसिस्टममा धेरै क्रिप्टो एक्सचेन्जहरू छन् जुन यसले अधिग्रहण र निर्माण गरेको छ । यस बाहेक, यसको आफ्नै क्रिप्टोकरेन्सी, धेरै क्रिप्टो वालेटहरू र नयाँ क्रिप्टोकरन्सीहरू सुरू गर्न लन्चप्याड पनि छ ।न्युज कारखाना
