काठमाडौँ । इङलिश प्रिमियर लिग अन्तर्गत म्यानचेस्टर सिटीले वोल्भ्समाथि फराकिलो जित हासिल गरेको छ । गएराती सम्पन्न खेलमा म्यानचेस्टर सिटीले वोल्भ्सलाई ५-१ गोल अन्तरले पराजित गरेको हो ।
म्यानचेस्टर सिटीको जितमा इर्लिंग हालाण्डले ४ गोल गरेका थिए । त्यस्तै एक गोल जुलियन अल्भारेजले गरेका थिए । त्यसैगरी वोल्भ्सका लागि एक गोल ह्वांग ही चानले गरेका थिए ।
यो जितपछि म्यानचेस्टर सिटी यस सिजनको लिग विजेताको दौडमा प्रबल दाबेदारको रुपमा कायम रहेको छ । शिर्ष स्थानमा रहेको आर्सनलभन्दा एक खेल कम खेलेको म्यानचेस्टर सिटीको ३५ खेलमा ८२ अंक रहेको छ भने आर्सनलको ३६ खेलमा ८३ अंक रहेको छ ।
त्यसैगरी वोल्भ्सको भने ३६ खेलमा ४६ अंक रहेको छ र लिगमा ११औं स्थानमा छ ।न्युज कारखाना
काठमाडौँ । अमेरिकन लिग सकर अन्तर्गत इन्टर मियामीले एनवाइ रेड बुल्सलाई फराकिलो अन्तरले पराजित गरेको छ ।
आइतबार बिहान सम्पन्न खेलमा इन्टर मियामीले एनवाई रेड बुल्सलाई ६-२ गोल अन्तरले पराजित गरको हो ।
इन्टर मियामीको जितमा लुइस स्वरेजले ह्याट्रिक गरेका थिए । त्यस्तै यस खेलमा माटियास रोजासले २ तथा लियोनेल मेसीले एक गोल गरेका थिए । त्यस्तै यस खेलमा मेसीले ५ गोल असिस्ट गरेका थिए । त्यस्तै रेड बुल्सका लागि दान्टे फोर्सबर्ग र एमिल फोर्सबर्गले एक एक गोल गरेका थिए ।
यो जितपछि लिगको इस्टर्न कन्फेरेन्समा इन्टर मियामीको १२ खेलमा २४ अंक भएको छ र शिर्ष स्थानमा रहेको छ । त्यस्तै एनवाई रेड बुल्सको ११ खेलमा १७ अंक रहेको छ र चौथो स्थानमा छ ।न्युज कारखाना
काठमाडौँ । सरकारले एक सय रुपैयाँ नोटमा नयाँ चुच्चे नक्सा राख्ने निर्णय गरेपछि भारतका विदेशमन्त्री एस जयशंकरको टिप्पणी बाहिर आएको छ ।
भारतीय मिडियाहरुका अनुसार विदेशमन्त्री जयशंकरले सीमा विवादको विषयमा वार्ता गरिरहेको बेलामा एकपक्षीय रूपमा प्रक्रिया अगाडी बढाएर धरातलीय यथार्थ परिवर्तन नहुने टिप्पणी गरेका छन् ।
इण्डियन एक्सप्रेसले जयशंकरलाई उदृत गर्दै लेखेको छ- ‘मैले त्यो रिपोर्ट देखेँ । यसलाई मैले विस्तृत रूपमा हेरिनँ । मलाई लाग्छ हाम्रो अडान धेरै प्रष्ट छ । नेपालसँग हाम्रो सीमाबारेमा हामी स्थापित मान्यताअनुसार कुरा गरिरहेका छौँ । यसको बीचमा उनीहरूले एकतर्फी रूपमा केही प्रक्रिया अघि बढाएका छन् । तर, उनीहरूको तर्फबाट गरिने कामले हामीबीचको धरातलको यथार्थ र हामीबीचको अवस्थालाई परिवर्तन गर्दैन ।”
गत विहिबार बसेको मन्त्रिपरिषद्को बैठकले सय रुपैयाँको नोटमा चुच्चे नक्शाको तस्वीर राख्ने निर्णय गरको थियो । न्युज कारखाना
२३ बैशाख, महोत्तरी, महाेत्तरीका वरिष्ट पत्रकार गाेपालप्रसाद बराललाई ‘प्रेस स्वतन्त्रता सेनानि’ सम्मान प्रदान गरिएकाे छ ।
काठमाण्डाैमा सम्पन्न नेपाल पत्रकार महासंघकाे २७ औं राष्ट्रिय महाधिवेशनमा बराललाई शुक्रबार प्रधानमन्त्री पुष्पकमल दाहालले ‘प्रेस स्वतन्त्रता सेनानि’ सम्मान प्रदान गरेका हुन ।
महासंघकाे २७ औं महाधिवेशन शुक्रबार सुरु भएर आज शनिबार सम्पन्न भएकाे थियो । प्रेस स्वतन्त्रता सेनानि सम्मान नेपाली पत्रकारितामा लामो समयसम्म प्रेस स्वतन्त्रताकाे पक्षमा कलम चलाएवापत प्रदान गरिने विशिष्ट सम्मान मानिन्छ ।
महाेत्तरीमा याे सम्मान पाउने बराल चाैथाे पत्रकार हुन । यसअघि जिल्लाकै वरिष्ट पत्रकार विन्देश्वरीप्रसाद मण्डल, कुँवरकान्त झा र रविन्द्र उप्रेतिले याे सम्मान पाइसकेका छन । न्युज कारखाना
काठमाडौँ । बेलायतको लण्डनको मेयरमा सादिक खान पुनः निर्वाचित भएका छन् । सादिक खानले तेस्रो कार्यकालका लागि जित हासिल गरेका हुन् ।
लेबर पार्टीका उम्मेदवार सादिक खान ४३ प्रतिशतभन्दा बढी मत ल्याएर विजयी भएको बिबिसीले जनाएको छ । उनका निकटतम प्रतिद्वन्द्वी सत्तारुढ कन्जरभेटिभ पार्टीकी उम्मेदवार सुसान हलले ३२ प्रतिशत मत प्राप्त गरेकी थिइन् ।
बेलायतको राजधानी लण्डनमा तीन वर्षअघि भएको मेयरको निर्वाचनको तुलनामा सादिक खानले यसपटक सात प्रतिशत बढी मत प्राप्त गरेका छन् । बेलायतमा भएको स्थानीय निकायको निर्वाचनमा लेबर पार्टीका उम्मेदवारले राम्रो प्रदर्शन गरेका छन् ।
अबको केही महिनामा बेलायतमा पनि आम निर्वाचन हुन लागेको छ । अधिकांश सर्वेक्षणमा लेबर पार्टीले अग्रता लिएको छ ।
न्युज कारखाना
मकवानपुर
श्रमिक दिवस हरेक वर्ष मे १ मा मनाइन्छ। यस दिनमा देशभरका श्रमिकहरूको सम्मान, सम्झना र कदर गरिन्छ। तर कतिपयको घरायसी परिस्थिति र सङ्घर्षकै कारण उनीहरू मेलापात मनाउन असक्षम छन्। आज हामीले केही श्रमिकसँग कुरा गरेर उनीहरूको जीवन, सङ्घर्ष र सपनाका बारेमा जान्ने प्रयास गरेका छौँ। मकवानपुरका श्रमिकहरूले आफ्नो कष्टमय जीवन र अनुत्तरित सपनाहरू बयान गरेका छन्। श्रमिक दिवसको अवसरमा उनीहरूले निर्माण क्षेत्रमा देखिएका समस्या र चुनौतीहरू राखेका छन्।
देशको आधारशिला खडा गर्न योगदान पुर्याएका श्रमिकहरूको जीवन कष्टकर छ। घर खर्चका लागि दिनहुँ सङ्घर्ष गर्नुपर्ने उनीहरूले श्रमिक दिवसको अवसरमा आफ्ना छोटा कथा सुनाएका छन्। श्रमबाट उम्कन नसकेका श्रमिकहरूको जीवन स्तर कमजोर छ। परिवारका लागि बलिदान गर्नुपर्ने उनीहरूले अझै धेरै सपना पूरा गर्न बाँकी रहेको बताएका छन्। सङ्घर्षकै बिच सपना बोकेर हिँडिरहेका उनीहरूले श्रमका लागि सम्मान माग बसन्त भण्डारी गरेका छन्। मेहनत गरेको पसिनाको कदर नगरिए पनि देशलाई अगाडि बढाउन श्रमिकहरूले योगदान पुर्याएको उनीहरूको गुनासो छ। श्रमिक दिवसको अवसरमा आफ्नो कथा सुनाउँदै उनीहरूले समस्या र आकाङ्क्षा राखेका छन्। ४८ वर्षीय जीवन खत्री आफ्नै जिल्लामा श्रम गरिरहेका छन् ।
निर्माण स्थलमा जीवनयापन गरिरहेका उनी विगत २० वर्षदेखि निर्माण क्षेत्रमा काम गरिरहेको बताउँछन् । “मलाई थाहा छैन म कहिलेसम्म यसरी नै श्रम गरिरहनुपर्नेछ,” उनले भने, “मेरो परिवारलाई टिकाउनकै लागि काम गर्नुपर्छ।” उनको आवाजमा एउटा निराशाको भावना पाइन्थ्यो। “मैले आफ्नो जीवनभर श्रम गरिसकेको छु तर मेरा छोराछोरीलाई पनि श्रमिकको जीवनबाट उम्कनु परेको छैन,” उनले गुनासो गरे, “बच्चाहरूले राम्रो शिक्षा पाएनन्, हामीलाई राम्रो बासस्थान छैन, हामी अझै पनि निर्माण क्षेत्रमा मजदुरी गरिरहनुपरेको छ।” जीवनकी श्रीमती ४० वर्षीया पूर्णिमा खत्री पनि एक श्रमिक हुन्। उनी पनि निर्माण क्षेत्रमा झन्डै एक दशकदेखि काम गरिरहेकी छिन्। “हामीलाई के गर्ने, यो नै हाम्रो निर्यातिको जीवन रहेछ”, उनले भनिन्, “बिहानदेखि बेलुकासम्म काम गर्नुपर्छ, घरमा फर्केपछि पनि घरायसी काममा लाग्नुपर्छ। कहिलेकाहीँ लाग्छ, हामी मानिसहरू होइनौँ।” श्रमिक परिवारका लागि जिन्दगी कहिल्यै सहज हुँदैन। जीवन र पूर्णिमाको परिवार उदाहरण हो। उनीहरूसँग तीन जना सन्तान छन्, जसमध्ये ठुलो छोरा १५ वर्षका छन् ।
“हाम्रो ठुलो छोरालाई पनि निर्माण क्षेत्रमा काममा लगाउन बाध्य भएका छौँ,” पूर्णिमाले भनिन्, “उसले पनि यसरी नै श्रमिकको जीवन बिताउनुपर्नेछ कि भन्ने डर लागेको छ।” जीवन सँगै काम गर्ने अर्का श्रमिक २८ वर्षीय प्रभात खड्का भन्छन् “श्रमिकको जीवनमा सुरक्षाको कुनै प्रबन्ध छैन। काम गर्दा घाइते हुनु, डरलाग्दो दुर्घटना हुनु सामान्य कुरा हो हाम्रा लागि।” उनले भने, “श्रम गरेर कमाएको रकमले घर खर्च चलाउनै मुस्किल हुन्छ, केही बचत गर्न सम्भव छैन।” मजदुरहरूले पनि सपना देख्छन्, उनीहरूसँग पनि आकाङ्क्षाहरू हुन्छन्। तर साधनको अभावले उनीहरू आफ्नो सपना पूरा गर्न सक्दैनन्। जीवन र पूर्णिमा आफ्नो छोराछोरीहरूलाई बसन्त भण्डारी राम्रो शिक्षा दिन चाहन्छन्, राम्रो घरमा बस्न चाहन्छन्। तर कमजोर आर्थिक अवस्थाले उनीहरू त्यसबाट वञ्चित छन्। प्रभात भन्छन्, “मलाई ठुलो व्यवसाय गर्ने सपना छ, राम्रो जागिर खोज्ने सपना छ। तर यी सपनाहरू कहिल्यै पूरा हुनेछन् भन्ने लाग्दैन।” त्यस्तै, “हामी श्रमिकहरूले नै यो देशको आधारशिला खडा गरेका छौँ,” निर्माण क्षेत्रमै मजदुरी गरिरहेका अर्का श्रमिक ४५ वर्षीय दामोदर श्रेष्ठले भने, “हाम्रा अझै धेरै सपना र लक्ष्यहरू पूरा गर्न बाँकी नै छन्।” उनले जुनसुकै अवस्थामा पनि मेहनत नछोड्ने बताए। “मैले आफ्नो परिवार र छोराछोरीको पढाई लेखाइमा ध्यान दिनुपर्छ,” उनले थपे। करिब दुई दशकदेखि निर्माण क्षेत्रमा काम गरिरहेका श्रेष्ठले पारिश्रमिक बढेको भए राम्रो हुने बताए।
“हामीले गरेको पसिनाको कदर नगरिए पनि हामी श्रमिकले नै देशलाई अगाडि बढाएका छौँ,” उनको गुनासो छ। श्रमिकलाई सरकारले पनि ध्यान दिनुपर्ने उनको मत छ। यता अर्की ३५ वर्षीया श्रमिक पुष्पा विश्वकर्मा पनि श्रमिकको जीवन कष्टकर भएकै कारणले चुनौतीपूर्ण रहेको बताउँछिन्। “बिहानदेखि बेलुकासम्म काममा नै रहियो,” उनले भनिन्, “गर्मी पनि हुन्छ, जाडो पनि हुन्छ, वर्षा पनि हुन्छ तर हाम्रो श्रम कहिल्यै रोकिँदैन।” यसरी, श्रमिकहरूको जीवनमा निरन्तर सङ्घर्षले घेरिएको हुन्छ। तर उनीहरूको अथक मेहनत र पसिनाले नै देशको विकासमा महत्त्वपूर्ण भूमिका खेलेको छ।
यस अवसरमा श्रम र मजदुरलाई सम्मान गर्दै उनीहरूको जीवनस्तर उकास्नका लागि सरकारले आवश्यक कदम चाल्न जरुरी छ । किनभने सङ्घर्ष र कष्टमयता पसिनाभित्रका आँसु हुन् जसले नयाँ आशाहरूलाई जन्माउँछ।नै रहियो,” उनले भनिन्, “गर्मी पनि हुन्छ, जाडो पनि हुन्छ, वर्षा पनि हुन्छ तर हाम्रो श्रम कहिल्यै रोकिँदैन।” यसरी, श्रमिकहरूको जीवनमा निरन्तर सङ्घर्षले घेरिएको हुन्छ। तर उनीहरूको अथक मेहनत र पसिनाले नै देशको विकासमा महत्त्वपूर्ण भूमिका खेलेको छ। यस अवसरमा श्रम र मजदुरलाई सम्मान गर्दै उनीहरूको जीवनस्तर उकास्नका लागि सरकारले आवश्यक कदम चाल्न जरुरी छ । किनभने सङ्घर्ष र कष्टमयता पसिनाभित्रका आँसु हुन् जसले नयाँ आशाहरूलाई जन्माउँछ।न्युज कारखाना
काठमाडौँ । इण्डियन प्रिमियर लिग (आइपिएल) अन्तर्गत आज दुई खेल हुदै छन् ।
आज आपिएलमा पहिलो खेल पञ्जाव किंग्स र चेन्नई सुपरकिंग्सबीच हुदै छ । धर्मशालामा हुने यो खेल नेपाली समय अनुसार अपराहन्न ३: ४५ बजेदेखि शुरु हुदै छ ।
जारी आइपिएलमा पञ्जाव किंग्सले १० खेलमा ४ खेल जितेको छ भने ६ खेलमा हार बेहोरेको छ । ८ अंकसहित पञ्जाव छैटौं स्थानमा रहेको छ । त्यसैगरी चेन्नईले भने १० खेलमा ५ जित र ५ हार बेहोरेको छ । १० अंकसहित चेन्नई अंक तालिकामा चौथो स्थानमा रहेको छ ।
त्यसैगरी दोस्रो खेल लखनउ सुपर जाइन्ट र कोलकोता नाइट राइडर्सबीच हुदै छ । लखनउमा हुने यो खेल नेपाली समय अनुसार राति ७: ४५ बजेदेखि शुरु हुने छ ।
जारी आइपिएलमा लखनउले १० खेलमा ६ जित र ४ हार बेहोरेको छ । १२ अंकसहित लखनउ अंक तालिकामा तेस्रो स्थानमा रहेको छ । त्यस्तै कोलकोताले १० खेलमा ७ जित र ३ हार बेहोरेको छ । १४ अंकसहित कोलकोता दोस्रो स्थानमा रहेको छ ।न्युज कारखाना
काठमाडौँ । साउदी प्रो लिग अन्तर्गत अल नासरले अल वेहडालाई फराकिलो अन्तरले पराजित गरेको छ । गएराती सम्पन्न खेलमा अल नासरले अल वेहडालाई ६-० गोल अन्तरले अपराजित गरेको हो ।
अल नासरको जितमा क्रिस्टियानो रोनाल्डोले ह्याट्रिक गरेका थिए । त्यस्तै ओटाभियो, सडियो माने र मोहमद अल फाटिलले एक एक गोल गरेका थिए ।
रोनाल्डोले यस सिजनको लिगमा अहिलेसम्म कुल ३२ गोल गर्दै लिगमा सबैभन्दा बढी गोल गर्ने खेलाडी बनेका छन् । उनले यस सिजनको लिगमा सबैभन्दा बढी ४ ह्याट्रिक गरेका छन् ।
योजितसँगै अल नासरको ३० खेलमा ७४ अंकसहित दोस्रो स्थानमा रहेको छ । यस सिजनमा अल हिलाल अपराजित रहदै शिर्ष स्थानमा रहेको छ । त्यसैगरी अल वेहडाको भने ३० खेलमा ३२ अंक रहेको छ र लिगमा १२औं स्थानमा रहेको छ ।न्युज कारखाना
काठमाडौँ । स्पेनिस ला लिगाको उपाधि रियल म्याड्रिडले जितेको छ । लिगमा चार खेल अघि नै रियल म्याड्रिड ला लिगाको उपाधि जितेको हो ।
गएराती सम्पन्न खेलमा जिरोनाले बार्सिलोनालाई ४-२ गोल अन्तरले पराजित गरेसँगै रियल म्याड्रिडको लिगको उपाधि जित सुनिश्चित भएको हो ।
गएराती नै सम्पन्न खेलमा रियल म्याड्रिडले काडिजलाई ३-० ले पराजित गरेको थियो ।
ला लिगामा रियल म्याड्रिडको ३४ खेलमा ८७ अंक रहेको छ भने दोस्रो स्थानमा रहेको जिरोनाको ३४ खेलमा ७४ अंक रहेको छ ।
४ खेल खेल्न बाँकी हुदै रियल म्याड्रिडले १३ अंकको अग्रता बनाएपछि जित सुनिश्चित बनेको हो ।
योसँगै रियल म्याड्रिडले ३६ पटक ला लिगाको उपाधि जितेको छ । रियल म्याड्रिड सबैभन्दा बढी पटक ला लिगाको उपाधि जित्ने क्लब हो । उसले पछिल्लो पटक २०२१-२२ सिजन जितेको थियो ।
त्यस्तै बार्सिलोनाले अहिलेसम्म २७ पटक यो उपाधि जितेको छ भने एटलेटिको म्याड्रिडले ११ पटक लिग जितेको छ ।
न्युज कारखाना
काठमाडौँ । स्पेनिस ला लिगा अन्तर्गत रियल म्याड्रिडले काडिजमाथि सहज जित हासिल गरेको छ । गएराती सम्पन्न खेलमा रियल म्याड्रिडले ३-० गोल अन्तरले पराजित गरेको हो ।
रियल म्याड्रिडको जितमा ब्राहिम डियाज, जुडे बेलिङघम र जोसेलुले एक एक गोल गरेका थिए ।
यो जितपछि रियल म्याड्रिडको ३४ खेलमा ८७ अंक भएको छ र लिगमा शिर्ष स्थानमा कायम रहेको छ र अब लिगको यस सिजनको उपाधि जितको नजिक पुगेको छ ।
त्यस्तै काडिजको ३४ खेलमा २६ अंक रहेको छ र लिगमा १८औं स्थानमा रहेको छ ।न्युज कारखाना
