बज्जिकाञ्चल संवाददाता,कटहरिया,१६ गते मंसिर ।
रौतहट जिल्लाको कटहरिया नगरपालिकामा ३७ औँ विश्व एड्स दिवस मनाइएको छ । एक कार्यक्रमका बिच आज साे दिवस मनाइएको हाे । बिश्वमा एड्स अन्त्यका लागि सबैको अधिकार सुनिश्चित गरौँ’ नाराका साथ आज ३७ औँ विश्व एड्स दिवस मनाइएको हाे ।
कटहरिया नगरपालिकाका नगर प्रमुख अजय प्रकाश जयसवालको प्रमुख आतिथ्यतामा साे कार्यक्रम गरिएको हाे । जसमा महिला स्वास्थ्य संवमसेवीकाहरु लगायतका स्वास्थ्यकर्मीहरूकाे सहभागीता रहेको थियो । कटहरिया नगरपालिकाको सभाहलमा जनचेतनामूलक कार्यक्रम आयोजना गरी यो दिवस मनाईएको छ । कार्यक्रमलाई सम्बोधन गर्दै मेयर जयसवालले एचआइभी सङ्क्रमण बाट सबैलाई सल्लाह सुझाव दिनु भएको थियो ।
साे कार्यक्रममा नगरपालिकाका योजना प्रमुख रामनरेश राय यादव,स्वास्थ्य संयोजन दिनेश यादव , शिक्षा शखा प्रमुख अनिल कुमार निधी,स्वास्थ्य चौकी कटहरियाका प्रमुख, छात्रछात्रा स्वास्थ्यकर्मिहरुको समेत उपस्थिती रहेको थियो ।
जिल्लाकाे गढीमाई नगरपालिका -८ काे मतदान केन्द्र श्री मावि विरनगरा मतदान केन्द्रमा शान्तिपूर्ण अवस्थामा मतदान भइरहेको छ ।
अहिलेसम्म २ बजे सम्म २ हजार १ सय भन्दा बढी मत खसिसकेको निर्वाचन अधिकृत महमद मुनाले जानकारी गराएका हुन् ।
प्रहरीको कडा सुरक्षा र निगरानीले निकै शान्त तथा भयरहित वातावरणमा मतदान भइरहेको देखिएको छ । 
आज बिहानैदेखि वडा अध्यक्ष पदका लागि उपनिर्वाचनमा ईप्रका गरुडाको प्रमुख राजन कार्की, सशस्त्र प्रहरीका कमान्डर अमरब्रामुको कमान्डमा शान्तिपूर्ण तरिकाले मतदान सुरु भएको थियोे । साे वडामा २ हजार ७ सय मतदाता रहेको छ । 
यता जिल्लाकाे राजपुर नगरपालिका वडा नम्बर ६ र ईशनाथ ७ मा पनि शान्तिपूर्ण रूपमा पनि चुनाव भइरहेको स्थानीय पत्रकार माेहम्द माेजिबुलाहसे जानकारी गराएका हुन् । ईशनाथ ७ मा १६३३ मत खसेको उनले बताएका हुन् । 
२ हजार ८ सय मतदाता रहेको साे ठाउँमा माेतीगंज प्रावि मतदान केन्द्रमा ६००,विपि काेईराला मावि मतदान केन्द्रमा १०३३ मत खसेको छ ।
काठमाडौं, मंसिर १५ गते ।
मधेशी एकता समाजका अन्तर्राष्ट्रिय समिति संयोजक डा.रविन्द्र कुमार यादवले नेपालका मधेशी जनताको माग र समस्या संयुक्त राष्ट्र संघको माइनोरिटी फोरममा राख्नुभएको छ ।
स्वीट्जरल्याण्डको जेनेभामा स्थित संयुक्त राष्ट्र संघको माइनोरिटी फोरमको सत्रौं बैठकमा शुक्रबार आफ्नो धारणा राख्दै डा. यादवले संविधानसभाबाट नयाँ संविधान जारी भएर कार्यान्वयन भइसकेको अवस्थामा पनि नेपालका मधेशीलगायतका अल्पसंख्यक समुदायहरुले समुचित न्याय र अधिकार नपाएको धारणा राख्नुभयो ।
विदेशमा बस्ने मधेशीहरुको छाता संगठन मधेशी एकता समाजका संस्थापक समेत रहनुभएका डा. यादवले नेपाल बहुजातीय र बहुसांस्कृतिक मुलुक भएपनि एक तिहाइ जनसंख्या रहेको मधेशी समुदायमाथि राज्यबाट अन्याय र भेदभाव जारी नै रहेको बताउनुभयो ।
उहाँले मधेशीहरुलाई आवाजविहीन बनाएर राजनीति, व्यापार, सुरक्षा निकाय र मिडियासहितका क्षेत्रमा खसआर्य समुदायको नियन्त्रण कायम रहेको बताउनुभयो ।
आधुनिक नेपाल राज्य स्थापना भएदेखि नै मधेशीहरुले कठोर नागरिकता कानुन, अन्यायपूर्ण राजनीतिक प्रतिनिधित्व र आफ्नो सम्पति जफत हुने भूमिसुधार व्यवस्थाको सामना गर्नुपरेको धारणा राख्दै डा. यादवले निजामति सेवाको परीक्षामा मात्र खसआर्यहरुको भाषाको प्रयोगले मधेशीहरु सरकारी सेवाबाट वञ्चित हुनुपरेको जिकीर गर्नुभयो ।
शिक्षा र प्रशासनमा मधेशी भाषाहरुको बहिष्करणले मधेशका बालबालिकाहरुको विद्यालय छाड्ने दर उच्च रहेको र यसले मधेशीहरुको निरक्षरता दर बढाएको डा. यादवको तर्क थियो ।
उहाँले अगाडि भन्नुभयो, ‘राज्यको विभेदपूर्ण नीतिका कारण निजामित सेवा, सेनालगायतका सुरक्षा निकाय र न्यायपालिकामा मधेशीहरुको प्रतिनिधित्व अत्यन्तै न्युन छ ।’
नेपालको कृषि उत्पादनमा ७० प्रतिशत योगदान र विदेशबाट अत्यधिक रेमिट्यान्स भित्र्याउँदा पनि मधेशीहरुले राज्यको बजेट र राजश्वमा न्यायोचित हिस्सेदारी नपाएको उहाँले गुनासो गर्नुभयो ।
नेपालको कुनै पनि संग्रहालय वा राष्ट्रिय संस्थाले मधेशको इतिहास, संस्कृति र योगदानलाई न्यायेचित स्थान र मान्यता नदिएको चर्चा गर्दै डा. यादवले मुलुकका सिनेमा र टीभी कार्यक्रमहरुमा मधेशीहरुलाई नकारात्मक रुपमा चित्रण गरिएको बताउनुभयो ।
त्यस अवसरमा डा. यादवले राज्यका निकायहरुमा मधेशी समुदायका लागि समानुपातिक प्रतिनिधित्व, समान अवसर, सांस्कृतिक मान्यता र भेदभावपूर्ण कानुनको अन्त्यको माग गर्नुभयो ।
त्यसैगरी उहाँले नेपालमा मधेशीहरुको न्यायोचित अधिकार, पहिचान, न्याय र मर्यादा स्थापनाका लागि सार्थक पहलका साथै दवाव सृजना गरिदिनका लागि अन्तर्राष्ट्रिय समुदायसँग आह्वान पनि गर्नुभयो ।
यसअघि गत बिहिबार स्वीट्जरल्याण्डको जेनेभामै अल्पसंख्यक मुद्दासम्बन्धी अर्को साइडलाइन कार्यक्रममा बोल्दै डा. यादवले नेपालमा शताब्दीयौंदेखि सिमान्तकृत र अन्याय परेको मधेशी समुदायका माग, समस्या र मुद्दाहरुबारे आफ्नो धारणा राख्नुभएको थियो ।
सरिता कुमारी श्रीवास्तव,राैतहट,१४ गते मंसिर ।
आम जनता पार्टीका अध्यक्ष एवम् राैतहट क्षेत्र नम्बर ३ का सांसद प्रभु साहले नेपाल विधुत प्राधिकरण माैलापुर वितरण केन्द्रमा अनुगमन-निरीक्षण गर्नु भएको छ । बिधुत प्रसारण भरपर्दों एवं नियमित गराउन आज मौलापुर सब-स्टेशनको अनुगमन-निरीक्षण तथा वितरण केन्द्रमा भेटघाट गरेकाे सांसद साहले बताउनु भएको हाे ।
अनुगमनकाे क्रममा मौलापुर नगरपालिकाकी नगर प्रमुख रिना कुमारी साह र नगरपालिकाका प्रमुख प्रशासकीय अधिकृत रामबाबु साह तथा अन्य कर्मचारी पनि सहभागी रहेका थिए ।
मौलापुर वितरण केन्द्रबाट हुने सेवा प्रवाह र आगामी दिनहरुमा सेवा प्रवाह लाई अझ बढी प्रभावकारी बनाउनेबारे छलफल तथा कार्यालयको अवलोकन भएको माैलापुर वितरण केन्द्रका प्रमुख ई.दिनेश यादवले जानकारी गराउनु भएको हाे । यसरी सेवा प्रवाहबारे समसामयिक छलफल गर्नुभएकोमा वहाँले हार्दिक धन्यवाद ज्ञापन गरेका छन् ।
ओमप्रकाश यादव,राैतहट,१४ गते मंसिर ।
रौतहटको माधवनारायण नगरपालिका मेयर बैजनाथ प्रसाद यादवले दश कोठे विद्यालय भवनको शिलान्यास गरेका छन् ।
नगर प्रमुख यादवले माधवनारायण नगरपालिका वडा न. ८ रजवडामा रहेको प्राथमिक विद्यालयको एक तले दश कोठे भवनको शुक्रबार शिलान्यास गरेका हुन् ।
मेयर बैजनाथ प्रसाद यादवले सो वडामा यसअघि वडा कार्यालय भवन र स्वास्थ्य चौकीको जीर्ण भवनलाई भत्काएर नयाँ भवन निर्माण गरिसकेका छन्।
अब उपरान्त कक्षाकाेठा अभावकाे समस्या समाधान हुने भएको छ ।
गुडु यादव,रौतहट,१४ गते मंसिर ।
रौतहटको प्रसिद्ध र एसियाको दोस्रो पञ्चवर्षीय गिढिमाई मेलामा पूर्वगृहमन्त्री बिमलेन्द्र निधीलाई नेवता दिइएको छ। गढिमाई नगरपालिका वडा नम्बर २ शुन्दरपुर बरियारपुरमा सदियो देखि लागदै आइरहेको गढिमाईको पञ्चवर्षीय मेलामा साे नगरपालिकाका मेयर श्याम यादवले पूर्वगृहमन्त्री निधीलाई निमतो कार्ड दिएका छन् ।
यस वर्षको पञ्चवर्षीय गढिमाई मेलाको दोस्रो दिन भोजपुरीको सुपर स्टार खेसारीलाल यादव मनोरञ्जनका लागि आउँदै छन् ।
गुडु यादव,रौतहट,१४ गते मंसिर ।
रौतहटमा टिकटक बनाउने क्रममा दुईजनाको डुबेर मुत्यु भएको छ । जिल्लाको मध्य राैतहटकाे गरुडा नगरपालिका वडा नम्बर २ गेडहिगुठीमा टिकटक बनाउन नुहाउन गएका दुई जनाकाे शिवनगर लमहा नदिमा डुबेर मृत्यु भएको प्रत्यक्षदर्शीले बताएका हुन् ।
प्रत्यक्षदर्शीका अनुसार स्थानिय गेडहीगुठी निवासी देवालाल साहको अन्दाजी छोरा बर्ष १७/१८ का जितेन्द्र साह र सोही वडाका उमेश साहकाे छोरा बर्ष १७/१८ का राजिव साह दिउँसो टिकटक बनाउन नदीमा हाम फाल्दा बाहिर निस्कन नसकेको र डुबेर मृत्यु बताए ।
स्थानियहरुले इलका प्रहरी कार्यालय शिवनगरका सई बब्लु झा र दुधियाभार बेश क्याम्पका इन्स्पेक्टर अमरब्रामु लाई खबर गरेका थिए । लगत्तै प्रहरी घटना स्थलमा पुगेको थियोे । प्रहरीका अनुसार गेडही गाउँ नजिकैको लमाहा खोलामा पौडी खेल्ने क्रममा डुबेकोमा सशस्त्र प्रहरी बल, नेपाल सुरक्षा बेस दुधियाभारबाट स.प्र.नि. अम्मर राज बरामुको कमाण्डमा डिजास्टर म्यानेजमेन्ट सामाग्री सहितको टोली र स्थानियको सहयोगमा दुबै जनाकाे शवलाई पानी बाट निकालेको थियो ।
स्थानीय पूर्व हुलाक कर्मचारी रामनारायण सहनीले प्रहरीलाई सघाएका थिए ।
राैतहट,१४ गते मंसिर ।
राैतहटकाे गरूडा नगरपालिका वडा नम्बर ५ महम्मदपुरमा आईटी आर्मीको कमिटी गठन भएको छ । वैदेशिक रोजगारका ठग विरुद्ध संघर्ष गर्न आज गरुडा नगरपालिका वार्ड नं ५ महम्मदपुरमा युवा कमिटी गठन भएको आम जनता पार्टीका नेता रविन्द्र यादवले जानकारी गराएका हुन् ।
सचिन यादवको अध्यक्षतामा सम्पन्न उक्त कार्यक्रमको प्रमुख अतिथि आईटी आर्मीको केन्द्रीय सचिव तथा पार्टी स्थायी कमिटी सदस्य रविन्द्र यादव, विशिष्ठ अतिथि केशब पासवान, रुपेश यादव, अजित शाह लगायतका साथीहरूको विशेष उपस्थिति रहेको थियो । उक्त भेलाले ३१ सदस्यिय टोल कमिटी गठन गरेको छ।
आरके श्रीवास्तव,राैतहट,१४ गते मंसिर ।
राैतहटकाे चर्चित बजार कटहरियामा रक्तदान कार्यक्रम सम्पन्न भएको छ । वडा नम्बर ४ का वडा अध्यक्ष चन्दन कुशवाहाले आयाेजन गर्नु भएको साे कार्यक्रममा रक्तदान गर्नेहरूकाे उत्साहजनक सहभागिता रहेको देखिएकाे छ ।
शुक्रबार बिहानदेखि कटहरिया स्थित विवाह भवनमा रक्तदान कार्यक्रम सम्पन्न भएको हाे । आज भएको रक्तदान कार्यक्रममा करिब १ सय ४० जनाले रक्तदान गरेको वडा अध्यक्ष कुशवाहाले जानकारी गराउनु भयो । कटहरियामा सम्भवतः पहिलोचाेटी यति धेरै संख्यामा मानिसहरूले रक्तदान गरेका हुन् । पछिल्लो समय वडा अध्यक्ष कुशवाहा यूवाहरू माझ लाेकप्रिय हुँदै गएकाे नतिजा हाे याे ।
रक्तदान गर्नेहरुमा स्थानीय यूवा,जनप्रतिनिधि,कर्मचारी , शिक्षक लगायत अन्य महिला,पुरूष व्यक्तिहरुले रक्तदान गरेको उनले जानकारी गराएका हुन् ।
साे रक्तदान कार्यक्रममा नेसनल मेडिकल कलेज एण्ड टिचिङ हस्पिटल बीरगंज पर्साकाे ब्लड बैंककाे टिमले सहयोग रहेको थियो ।
कार्यक्रममा रक्तदान गरेकाहरूलाई उत्कृष्ट मानवीय सेवाबाट अभिप्रेरित भई रक्तदान गरि अमूल्य सहयोग गरे बापत प्रशंसा पत्र समेत प्रदान गरिएको थियोे । साथै अन्य राेगबाट पिडितहरू लाई पनि आवश्यक सल्लाह सहित औषधी प्रदान गरिएको थियोे ।
कटहरिया बजारमा रहेका औषधी पसलेहरु औषधी सहयाेग गरेका छन् । सहयोग गर्नेहरूमा शिवम मेडिसन प्रोपपराइटर जितेन्द्र, हरिशन्द्र, गुप्ता फार्मेसी प्रोपराईटर हृदय गुप्ता, राजु कुमार भास्कर,केपी यादव,सोनेलाल गुप्ता, सुविधा फार्मेसी प्राेपराईटर उमेश यादव,सागिर अहमद र कृष्णनन्दन कुमार सोनार रहेका छन् । वहाँहरू लाई वडा अध्यक्ष कुशवाहाले औषधी सहयाेग गरे वापत धन्यवाद ज्ञापन गरेका छन् ।
सो रक्तदान कार्यक्रममा नेकपा एमालेका केन्द्रीय सदस्य कुन्दन कुशवाहा,वडा नम्बर ३ का वडा अध्यक्ष श्यामाकान्त यादव लगायतका व्यक्तिहरुको सहभागिता रहेको थियो ।
नेकपा एमालेका यूवा नेता समेत रहेका वडा अध्यक्ष कुशवाहा कटहरिया नगरपालिका वडा नम्बर ४ को वडा अध्यक्षको रुपमा दुइचोटी निर्वाचित भएका हुन् । २०७४ र २०७९ को स्थानीय तहकाे निर्वाचनमा उनी वडा अध्यक्षको रुपमा निर्वाचित भएका थिए । निर्वाचित भएदेखि नै उनी सधै सामाजिक काममा सक्रिय रहँदै आएका हुन् । उनी जनता माझ सधैं नै पुग्ने गर्दछन् ।
यस्ता कार्यक्रमले गर्दा नै उनकाे पछिल्लो समय कटहरियामा निकै चर्चा छ । यूवाहरू माझ उनी अहिले धेरै नै लाेकप्रिय छन् । उनलाइ धेरैले आगामी चुनावमा कटहरिया नगरपालिकाकाे नगर प्रमुखको उम्मेदवारको रुपमा हेर्न चाहेका छन् ।
राैतहट,१४ गते मंसिर ।
राैतहटकाे गढिमाइ नगरपालिका वडा नम्बर ९ मलाहीटाेलमा
नि:शुल्क आँखा शिविर सम्पन्न भएको छ । पूर्व विद्यार्थी समाज श्री सरस्वती मावि मलाहिटोलको पहलमा गरीब, दलित, महिला, मुस्लिम समुदायलाइ लक्षित गरी आयाेजन गरिएको निःशुल्क आँखा शिविर सो विद्यालयको प्रांगनमा १ दिने मिति २०८१ मंसिर १४ गते शुक्रवार सम्पन्न भएको छ । आँखा शिविरमा पहिचान गरिएका मोतियाविन्दुका विरामीहरुलाइ शल्यक्रिया समेत निःशुल्क हुने भएको छ । विहान ९ वजे देखी सञ्चालन भएको शिविरमा २२४ महिला र २०१ पुरुष गरी जम्मा ४२५ जना सेवाग्राही लाभान्वित भएका छन । जसमध्ये १२६ जनालाइ मगलवार, बुधवार र विहिरवार गौर आँखा अस्पताल पुरेनवामा निःशुल्क शल्यक्रिया हुनेछ । यो कार्यक्रम डेक फाउन्डेसनको आर्थिक सहयोग, नेपाल नेत्र ज्योति संघ,गौर आँखा अस्पतालको आयोजना, र स्थानीय आयोजक गरुडा आँखा अस्पताल, श्री सरस्वती मावि मलाहीटोलको पूर्व विद्यार्थी समाजको नेतृत्वमा सम्पन्न भएको छ ।
शिविरमा आएका सेवाग्राहीलाइ आयोजक संस्थाहरुले निःशुल्क रुपमा मेडिसिन ४५ जनालाइ, चश्मा १२८ जनालाइ र लेनस सहितको आँखाको निःशुल्क शल्यक्रिया १२६ जना तथा सहभागि सम्पुर्णलाइ परामर्श समेत दिएको थियो ।
सो कार्यक्रममा गौर आँखा अस्पताल पुरेनवाका डा शिव कुमार यादव, लालवावु साह, अमित दास, सुशिल पासवान लगायत ९ जनाको प्राविधिक टोली, नेपाल नेत्र ज्योति संघ, गौर आँखा अस्पताल पुरेनवाको कार्यक्रम संयोजक सतेन्द्र पाण्डे, पुर्व विद्यार्थी समाजका इन्द्रजीत सहनी, शिवचन्द्र प्रसाद साह, अम्विका सहनी, साहेव सहनी, अमरुल आलम, विश्वन्नदन सहनी, विवेक सहनी, मुकेश शाह, जितेन्द्र सहनी, बालकृष्ण सहनी, लगायत दर्जनौ स्वयसेवकहरुले कार्यक्रममा सहजीकरण गरेका थिए ।साथै शल्यक्रिया गर्न सकिने सेवाग्राहीलाइ गौर आँखा अस्पतालसम्म जाने आउने यातायातको सुविधा निःशुल्क रहने आयोजकले वताएका छन ।
