बज्जिकाञ्चल संवाददाता,काठमाडौं,०२ गते पुस ।
काठमाडौं : गायक दिपेश बिष्टको नयाँ गीत कोइली बनैमा सार्वजनिक भएको छ ।
डम्बर विश्वकर्माको रचनामा तयार भएको गीतमा दिपेश बिष्ट र शान्ति श्री परियारको सुमधुर आवाज रहेको छ भने यस गीतलाई लय युस्कल छिनालले गरेका छन ।त्यसैगरी संगीत संयोजन राजेन्द्र बाजुरालीले गरेकाछन ।
मायाप्रेममा आधारित यस गीतमा विशेषगरी गाउँघरमा केटाकेटी विच बसेको मायाप्रेमलाई मुख्य कथावस्तु बनाइएको छ । गीतमा केटाले आफुले मनपराएको केटीलाई तिम्रो मनमा म भएपनि नभएपनि तिमि भने मेरो मनमा सधै भरी रहिरहनेछौ भन्ने कुरा देखाउन खोजिएको छ ।
त्यसैगरी केटिले म कति माया गर्छु भन्ने कुरा देखाउन मिल्दैन त्यो त मेरो मनलाई थाहा छ भन्ने जस्ता कुरा गीतका शब्द मार्फत देखाउन खोजिएको छ ।
लामो समय नेपाली गीतसंगीतमा लागेका गायक दिपेश बिष्ट भन्छन आफुले गरेका सबै गीत उतीकै राम्रा लाग्छन अझ यो गीतमा मैले मात्र हैन हाम्रो सम्पूर्ण टिमले नै धेरै मेहनत गरेर तयार पारेका छौ त्यसैले पनि यो गीत हाम्रो तर्फबाट उत्कृष्ट लागेका छ । युटयुवमा हालेदेखीनै यस गीतलाई धेरैले मन पराईदिनुभएको छ । मलाई कस्तो लाग्ने भन्दा पनि दर्शकले कस्तो मान्नुहुन्छ तेसले भर पार्ने हो गीत राम्रो नराम्रो भन्ने सबै जिम्मा अब हामीले दर्शकको हातमा छोडिदिएकाछौं उहाहरुको प्रतिक्रिया अहिले सम्म राम्रो आएको छ ।
गीतको म्यूजिक भिडियोलाई निर्देशक विनोद भण्डारीले गरेका छन भने गीतको मुख्य भूमिकामा पनि भण्डारी आफै रहेकाछन साथमा उनलाई जुना विश्वकर्माले साथ दिएकीछन ।
मालाश्री स्टुडियोमा रेकडिङ गरिएको यस गीतको म्यूजिक भिडियोको सम्पादन भने मनोज कार्कीले गरेकाछन ।
यो गीत दिपेश बिष्ट अफिसियल युट्युव च्यानलमार्फत सार्वजनिक भएको छ ।
केही दिनअघि भारतीय प्रधानमन्त्रीका एकजना पूर्व निजी सुरक्षा अधिकारी लक्की बिष्टले नेपाल सरकार एक महिनाभित्रै ढल्ने दाबी गरे ।
पूर्व ‘रअ एजेन्ट’ बिष्टले नवभारत टाइम्ससँगको अन्तर्वार्तामा आफुसँग नेपालको सरकार ढल्ने सूचना रहेको दाबी गर्दै भनेका छन्, ‘केही दिनपछि एउटा अर्काे समाचार सुन्नुहुनेछ, नेपाल सरकार ढल्नेवाला छ । १० दिन १५ दिन भित्र खबर आउनेवाला छ कि फेरि सरकार ढल्दैछ । जुन दुई महिनाअघि बनेको थियो ।’
त्यसो त नेपाल सरकारका वर्तमान नेतृत्व अर्थात् प्रधानमन्त्री केपी शर्मा ओली केही हप्ताअघि चीन भ्रमणमा गएर फर्किए लगत्तै सरकार ढल्छ भनेर निकै चर्चा हुन्थ्यो । ओली नेतृत्वको टोली चीन पुगे, फर्किए । फर्किएको पनि हप्तादिन बढि भइसक्यो । उनी चीन जाने तयारी गर्दागर्दै र नफर्किएसम्म ओली आउने वित्तिकै सरकार ढल्छ भनेर दाबी गर्नेहरु केही दिन यता चुपचाप थिए ।
तर, फेरि बिष्टको अन्तरवार्ता सार्वजनिक भएसँगै पुनः सरकार ढल्दैछ भन्दै सामाजिक संजाल भर होहल्ला मच्चाई रहेका छन् । त्यो होहल्ला मच्चाउने को हुन ? राजनीतिक दलका नेता कार्यकर्ता ? नेताका आडमा सरकारलाई ‘मौरिको चाका’ जसरी निचोरेर स्वार्थसिद्धि गर्न पल्किएकाहरु ? सत्ताधारी विचौलीया ?
अन्यथा, देशमा आफ्नो भविष्य सुनिश्चित नदेखेर बिदेश पलायन हुनकै लागि पासपोर्ट बोकेर दलाललाई पैसा बुझाउन दौडिरहेका नेपालीलाई सरकार ढल्दा के चिन्ता ? संघर्षले थाकेर सडकका पेटिमा भोकभोकै दौडधुप गरिरहेका नेपालीलाई सरकार ढल्दा के को दुख ? गरिबीकै कारण उपचार नपाएर मृत्युको पर्खाईमा बसेका नेपालीलाई सरकार ढल्दा के को पिडा ? अन्यायमा परेर न्याय माग्न जाँदा सत्ताको बतासबाट थप पिडित बनेपछि आँसु बगाउँदै हिँडेका नेपालीलाई सरकार ढल्दा के को ढाढस ? गरिब, असहाय, निमुखा अनि चाकडी गर्न नजान्ने नेपालीलाई सरकार ढल्दा अनि फेरिँदा के को खुसी ?
चर्काे राजनीतिक अस्थिरता र उथलपुथलबाट पिल्सिएर सरकार प्रति अपनत्व भाव गुमाएका नेपालीलाई लागि सक्यो, ‘जुन जोगी आए पनि कानै चिरेको ।’
खैर, आफुलाई पुर्व ‘रअ एजेन्ट’ बताउने बिष्टले २ महिना अघि बनेको नेपाल सरकार फेरि ढल्दैछ भनेका थिए । बिष्टकै कुरालाई लिएर सामाजिक संजालमा होहल्ला मच्चाउने उनीहरु यस्ता छन्, कसैले ‘कागले कान लग्यो’ भन्दियो भने त्यो कागको पछाडि दौडिएर आफु ‘खाल्डो’मा पर्दासम्म कान समाउँदैनन् ।
सायद उनीहरुलाई थाहा नहुन सक्छ ! नेपालमा २ महिना अघि कुनै सरकार बनेको छैन । वर्तमान नेपाल सरकार बनेको मंसिर ३० गतेबाट ठ्याक्कै ६ मिहना पूरा भयो । नेपाली कांग्रेसको समर्थनमा एमालेका अध्यक्ष ओली गत असार ३० गते प्रधानमन्त्रीमा नियुक्त भएका थिए । र, निरन्तर सरकारको प्रधानमन्त्रीकै रुपमा छन् ।
अब सोच्नुस्, ती बिष्टको भनाई अनुसार २ महिना अघि मात्रै बनेको र महिना दिन भित्रै ढल्नेवाला नेपाल सरकार कुन हो ?
हुनसक्छ बिष्टले अन्तरवार्ताका क्रममा वर्तमान नेपाल सरकार कहिले बनेको थियो ? त्यो मिती बिर्सिएका हुन् । अनि यो पनि हुनसक्छ, ओली नेतृत्वको सरकार महिना भित्रै ढल्दैछ । जे सुकै होस् । आम सर्वसाधरण नेपालीहरुका निम्ती भने यो खबर ‘कागलाई बेल पाक्यो, हर्ष न विस्मात्’ भने जस्तै हो ।
यद्यपी, यस्तो भन्दै गर्दा देश र जनताले राजनीतिक स्थिरता खोजिरहेका छन् । त्यसको जगमा दिगो बिकास खोजेका छन् । धार्मिक, ऐतिहासिक र प्राकृतिक विविधताले विश्वकै नमुना देशको समुन्नत सम्बृद्धि खोजेका छन् । शान्ति अनि सुशासनको सुनिश्चितता खोजेका छन् । राष्ट्रप्रेमी, देशभक्ति र स्वाभिमानी ‘भिजनरी’ नेतृत्व खोजेका छन् । जनताप्रति जिम्मेवार, उत्तरदायी, जवाफदेही र पारदर्शी ‘सरकार’ खोजेका छन् ।
तर, नेपालीहरुका यि चाहाना ‘आकाशको फल आँखा तरी मर’ भनेजस्तै भएको छ । जनजिब्रोमा आउने गर्छ, ‘एउटा राजा हटाएर सयौँ राजा ल्यायौँ ।’ आज नियाल्ने हो भने नेपाल र नेपालीका ऐतिहासिक, परम्परागत मुल्य-मान्यता, धर्म-संस्कृती, धराशायी बनाइँदैछ । देशको नक्सामा समेटिएको भूभागमा बस्ने नेपालीले खुलेर म नेपाली हुँ भन्न सक्ने अबस्था छैन । विज्ञान र नयाँ सम्यतासँगै आएका प्रविधीको दासत्व प्रवृत्तिका कारण समाजमा विकृत्रि, विसंगति सँगै नयाँ थुप्रै चुनौतीहरु देखा परेका छन् । पुराना पुस्ता सरकारको कार्यशैली देखेर वाक्कदिक्क छन् । नयाँ पुस्तालाई भरोसा नै छैन । राज्य, सत्ता र नेतृत्वप्रत्ति वितृष्णा बढ्दो छ । अन्याय, अत्याचार, भ्रष्ट्रचारको जालो मौलाउँदै छ ।
समाज, देश, सत्ता र सरकारको नेतृत्व गर्नेहरु विधी, पद्धति, नियम, कानुन र मार्यादाको उल्लंघन गर्दै हिँडिरहेका छन् । जसका कारण ‘सानालाई ऐन, ठूलालाई चैन’ भन्ने भाष्य स्थापित हुँदैछ । सर्वसाधरणले समान अधिकारको प्रत्याभुति गर्न पाएका छैनन् । जताततै नातावाद, कृपावाद र चाकडीप्रथाले नराम्रोसँग जरा गाडेको छ । अनुत्पादक क्षेत्रमा देशको लगानी बढि छ । टुक्रे योजनाले प्राथमिकता पाउँदैछ । सामाजिक हितका निम्ती हैन्, सत्ताको नेतृत्व र तीनका आसेपासेका स्वार्थसिद्धिका लागि योजना विनियोजन गरिन्छ । त्यसको उचित कार्वान्वयन हुँदैन । बिकासे योजनामा गुणस्तरीयता भन्दा बढि कमिसनको हिसावकिताब चेकजाँच गरिन्छ ।
एकातर्फ, देशमा स्वदेशी तथा विदेशी लगानी ल्याउने तर्फ सरकारको ध्यान छैन । देशमा भएका उद्योग, कलकारखानाले नियमित पारदर्शी हिसावले राजश्व बुझाउँदैनन् । उपयोग गरेको बिजुली तथा पानीको महशुल तिर्दैनन् । कम्पनी घाटामा देखाउँदै अकुत सम्पती थुपारिरहेका छन् ।
अर्काेतर्फ, नव उद्यमीहरुका निम्ती सरकारले सुरक्षाको ग्यारेन्टी दिन सकेको छैन । सोझासाझा जनताले जेनतेन गरेर चलाउन सुरु गरेका कम्पनी र उद्योग कलकारखानाहरु राज्यको चर्काे कर असुली धन्दाका कारण खण्डहर बन्दैछन् । सरकारले लगानीको ग्यारेन्टी दिने कुनै कार्यक्रम ल्याउँदैन् । अनुदान, सहुलियत पूर्ण कर्जा सामान्य नागरिकले पाउँदैनन् ।
अझैपनि कतिपय जनताले उचित गुणस्तरीय उपचार हैन्, सिटामोल मात्रै नपाएर ज्यान गुमाउनु पर्ने बाध्यता कायम नै छ । नेताको उपचारका निम्ती भने सरकारले करोडौँ रकम खर्च गर्छ । हिजो जनताको जनजीवन फेर्ने सपना देखाएर चप्पल पट्काउँदै सत्तामा पुगेकाहरुको जीवनशैली आज लोभलाग्दो छ । गुणस्तरीय आधारभुत आवश्यकता हरेक नागरिकको पहुँचमा कागजमा मात्रै सिमित हुन पुगेको छ । कानुन छ, कार्वान्वयन छैन । कार्वान्वयन हुन्छ, समानता हुन्न । समग्रमा भन्नुपर्दा देशको हालत सम्हाल्नै नसक्ने गरि बिग्रिँदैछ । यसतर्फ समयमै ध्यान पु¥याउन नसके राष्ट्रकवि लक्ष्मीप्रसाद देवकोटाले कवितामा ‘नेपाली हामी रहौँला कहाँ नेपालै नरहे’ भने जस्तै नहोला भन्न सकिन्न !
अहिलेसम्म आलोपालो प्रधानमन्त्री, मन्त्री बनेकाहरुलाई देशको यो कान्तिविजोक हुँदा मनमा के लाग्छ ? त्यो मलाई थाहा छैन् ।
तर, मलाई यत्ति थाहा छ । थुप्रै निर्मला पन्तहरुले न्याय पाउन सकेका छैनन् । तुइन तरिरहँदा नदीमा बेपत्ता भएका दार्चुलाका जयसिंह धामीहरु अझै भेटिएका छैनन् । नारायणहिटी, मदन भण्डारी जस्ता हत्याकाण्ड ‘रहस्यको गर्भ’ मै छ । देशको अर्थतन्त्र रेमिट्यान्सले नै धानिरहँदा पनि विपिन जोशीहरुका अबस्था बेखबर छन् । अन्ततः अर्काको देशमा आफ्नो रगत, पसिना अनि स्वाभिमान वेचेर धन अनि खुसी किन्न परदेश गएकाहरु ‘कफनमा’ फर्किन बाध्य छन् । उनीहरुका असह्य पीडा, रोदन, चित्कार अनि अन्तिम श्वास फेर्दा नेपालप्रतिको भावना सरकारले महसुश गर्न सकेको छैन ।
मलाई यो पनि थाहा छ । आफू व्यवसायका कारण आर्थिक रूपमा डुबेका र त्यसका लागि सरकारी नीतिहरू दोषी रहेको भन्दै संसद भवन अगाडी आफैँलाई आगो लगाएर जलाएका प्रेम आचार्यहरुको गुनासो बुझ्न सकेको छैन । न त देशमा आफ्नो भविष्य नदेखेर जतिसक्दो छिटो स्वदेश छाड्न पाउँ भन्दै बालकुमारीमा प्रदर्शन गर्दागर्दाै सरकारी गोली खाएर मृत्युवरण गरेका अछामका वीरेन्द्र शाह र दैलेखका सुजन रावतहरुको मनोकांक्षा सुन्न सकेको छैन ।
यति लेख्दै गर्दा त्यसोभए देशमा बिकास नै भएको छैन त ? भन्ने प्रश्न उब्जिन सक्छ । हो, बिकास भएको छ । तर, त्यति मात्रै जति समयमापन विकासक्रम अनुसार न्युनतम नभई नहुने थियो ।
समयसँगै देशमा थुप्रै राजनीतिक परिवर्तन भए । तन्त्र फेरियो । दल फेरिए । नेता फेरिए । सरकार ढल्यो । नयाँ सरकार बन्यो । प्रत्रानमन्त्री फेरिए । मन्त्री फेरिए । तर, के देशमा कति तीनै राजनीतिक दलले देशमा ‘तन्त्र’ फेर्ने बेला देखाएका सपना जस्तै मुलुकको अबस्था फेरियो त ? चुनावअघि जनतासँग प्रतिबद्धता गरेजस्तै जितेपछि पटकपटक मन्त्री प्रधानमन्त्री अनि जनप्रतिनिधी बनेकाहरुले भनेजस्तै नयाँ व्यवस्थामा जनताको अबस्था फेरियो त ?
हो मलाई थाहा छ, यो देशमा पटकपटक सरकार ढल्यो, ढालियो । अनि, फेरियो । तर, त्यो ढालेको व्यवस्था, ढालिएको सरकार अनि फेरिएका नेतृत्वले राष्ट्र, राष्ट्रियता सँगै आम नेपालीहरुका निम्ती के गरे ?
सत्य, तथ्य अनि निष्पक्ष भएर सायदै यसको जवाफ कसैले दिन सक्ला !
तर, मलाई लाग्छ । यसको जवाफ हरेक नेपाली नागरिकले माग्नुपर्छ । देशको यो दुरावस्थामा हुँदासम्मको नैतिक जिम्मेवारी सबैले लिनुपर्छ । किनकी, प्रश्न गर्नेले उत्तर पनि दिन सक्नुपर्छ । फल प्राप्तीको चाहाना राख्नेले पसिना बगाउन सक्नुपर्छ । राष्ट्रले मलाई के दियो भनेर सोध्नेले देशका निम्ती मैले यो दिएँ भन्न सक्नुपर्छ । फलानो फलानोका कारण देश बिग्रियो भनेर गाली गर्नेले राष्ट्रहितका निम्ती योगदान गर्न तयार हुनुपर्छ ।
अब आम नेपालीलाई के गुम्यो ? के बिग्रियो भनेर आरोपप्रत्यारोप मात्रै गरेर बस्ने छुट छैन । देशको दुरावस्थाका कारण निराश बनेर नेतालाई गाली गर्दैमा भाविपुस्ताको ‘सराप’ बाट उन्मुक्ति पाइँदैन् ।
त्यसैले अब समस्त नेपालीले व्यबस्थालाई दोष दिन छाड्नुपर्छ । नेतालाई गाली गरेरै खुसी भइराख्ने प्रवृत्ति त्याग्नुपर्छ । वितृष्ण र नकरात्मक दृष्टिकोणलाई तिलान्जली दिनुपर्छ । सँगै सुरु गर्नुपर्नेछ, सम्बृद्ध राष्ट्र बनाउने अभियान ! जनताप्रति उत्तरदायी, जिम्मेवार, पारदर्शी, जवाफदेही, दुरदर्शी, भिजनरी, परिपक्क, राष्ट्रप्रेमी नेतृत्व बनाउने अभियान !
सायद, त्यसपछि बन्नेछ । आम नेपाली ‘जनताको सरकार, नेपाल सरकार’ ।
जय देश ! जय नेपाल !
संजय सहनी ,रौतहट,०२ गते पुस ।
प्रादेशिक अस्पताल गौरका अध्यक्ष अनवर हासमीले पुनः एक डाक्टरलाई दुर्ववहार गरि हटाएको पोल खुलेको छ ।
अध्यक्ष हासमी र मेडिकल सुपरिटेन्डेन्ट मुरारी ठाकुरले डा. ईम्त्याज अहमदलाई एक हप्ता अगाडि दुर्ववहार गरि हटाएको पोल खुलेको हो ।
मंगलबार नेपाल पत्रकार महासंघ रौतहट शाखामा आयोजित पत्रकार सम्मेलनमा डा.ईम्त्याजले आफुलाई अध्यक्ष हासमी र मेसु ठाकुरले बिना कारण पद र कुर्सिको दुरुपयोग गरि आफुलाई हटाएको आरोप लगाएका हुन् ।
डिउटी आवर सकाई खाजा खाना गईरहेको आफूलाई अल्ट्रासाउण्डको बहाना बनाई लेखापाल जितेन्द्र यादवले बहस गरेको र सो बहस बारे कुरा नबुझि अध्यक्ष हासमीले आफुलाई निकालेको आरोप लगाएका छन् ।
बहस किन भयो ? कुरा सुन्नु पर्थ्यो ,कसको गल्ति थियो, बुझ्नु पर्थ्यो तर लेखापाल यादवको झुठो र भ्रामक कुरा सुनेर मलाई केहि नसोधि साचो बुझाएर अस्पताल छाडि जान भनियो । यसमा सरासर अध्यक्ष हासमीको दादागिरी हो डा. ईम्तियाजले आरोप लगाए ।
पत्रकार सम्मेलन मार्फत पीडित डाक्टर ईम्तियाजले अहिले जनताले पाउनु पर्ने सुविधा ठप्प छ । अस्पतालमा अल्ट्रासाउण्ड र आईसियु सेवा बन्द छ । यस बारे सरोकारवाला सबै गम्भिर हुनु पर्ने आग्रह समेत गर्नु भएका छन् ।
उहाँले लेखापाल यादव ,सुपरिटेन्डेन्ट ठाकुर र अध्यक्ष हासमीले भ्रष्टाचारको खेललाई बढावा दिन आफुलाई निकालेको समेत दाबी गरेका छन् ।
जनताको सेवाको मतलव छैन । लेखापाल यादवको कुरा नमाने फर्जि बिल भुक्तानी नहुने सोचेर लेखापालको गलत रिपोर्टिङको आधारमा आफुलाई आफ्नो शिकार बनाएको डाक्टर इम्तियाजको भनाई छ।
अध्यक्ष हासमिले डा. ईम्त्याजलाई मासिक ३ लाखको तलव भता तोकि अर्को व्यवस्था नहुन्जेल सम्मका लागि नियुक्त गरेका थिए । उहाँ जेनरल फिसिसियन डा.ईम्त्याजले रेडियोलोजिस्ट र आईसियु कक्ष सम्हादै आएका थिए।
डाक्टर ईम्तियाजले मलाई मात्रै होईन ,अध्यक्ष हासमीले विभिन्न लोभ लालचमा परि प्रभावकारी सेवा दिदा दिदै चिकित्सकहरु डा. अमित चौधरी, नवीन चौधरी र गोपाललाई पनि दुर्ववहार गरि निकालेको कुरा सुनाए ।
अध्यक्ष हासमि , मेडिकल सुपरिटेन्डेन्ट मुरारी ठाकुर र लेखापाल जितेन्द्र यादवले तानाशाह प्रवृतीबाट अस्पताल चलाउदै र चिकित्सकलाई दुर्ववहार गर्दै आएको डा.ईम्त्याजले अरोप लगाएका छन।
अस्पतालका अध्यक्ष अनवर हासमी र मेडिकल सुपरिटेन्डेन्ट मुरारी ठाकुरको मिलोमतोमा गोप्य टेन्डर गरी औषधी उपकरण खरिद, टाईल्स मार्बल जडान, मर्मत संहार, टिकट काउन्टरको रकम हिनामिना, भवन रङरोगन, ईन्धन, न्यानो झोला वितरण, करार कर्मचारी भर्ना देखि निजी क्लिनिक र ल्याबसंग साठगाठ गरेको विभिन्न सञ्चार माध्यममा समाचार प्रकाशन हुँदै आएको छ ।
आरके श्रीवास्तव,राैतहट,०२ गते पुस ।
लाेकतान्त्रिक समाजवादी पार्टी नेपालले ८ जनालाई केन्द्रीय सदस्यमा मनाेनित गरेको छ । पार्टी अध्यक्ष महन्थ ठाकुर द्वारा हस्ताक्षरित पत्रमा आठ जना मनाेनयनमा परेका छन् ।
मनाेनित हुने केन्द्रीय सदस्यहरूमा राैतहट बाट रामप्रवेश दास तत्मा,सप्तरी बाट श्याम सरदार,सिरहा बाट जिवक्ष प्रसाद यादव रहेका छन् ।
त्यस्तै धनुषा बाट सुनिल कुमार यादव,सर्लाही बाट जगत महरा,बारा बाट मञ्जु कार्की रहेका छन् ।
त्यसैगरी कञ्चनपुर बाट भाेगा देवी राना थारू,कास्की बाट रविन्द्र सुनार मनाेनयमा परेका छन् । उनीहरूलाई पार्टी संशाेधित विधान अनुसार कार्यक्षमताकाे उच्च मूल्यांकन गरि केन्द्रीय सदस्य बनाईएकाे लाेसपाले जनाएको छ ।
देश,मधेस एवम् पार्टीको हितमा मनाेनित केन्द्रीय सदस्यहरूले काम गर्ने र कार्यकाल उपलब्धि मूलक रहनेमा लाेसपा आशावादी रहेको छ ।
सुनसरी ।
फरवार्ड माइक्रोफाइनान्स लघुवित्त वित्तीय संस्था लिमिटेडको बाह्रौं वार्षिक साधारण सभा सम्पन्न भएको छ । सुनसरीको दुहवीमा आज सम्पन्न १२ औं वार्षिक साधारण सभाको उद्घाटन गर्दै संघीय सांसद भगबती चौधरीले वर्तमान विश्व आर्थिक मन्दीको चपेटामा परेको बेलामा पनि नेपालका लघुवित्त संस्थाले ५९ लाख विपन्न सदस्यहरुलाई वित्तीय सेवा पुर्याइरहेकोमा प्रशंसा गर्नुभयो ।
ग्रामीण महिला उत्सुकता विकास मञ्चले २०५३ मा दुई रुपियाँ बचत गर्ने सदस्यहरूबाट बचत कार्यक्रम आरम्भ गरेको प्रसङ्ग स्मरण गर्दै पूर्वमन्त्री समेत रहनु भएको चौधरीले गरिब तथा विपन्न समुदायको बचत तथा वाणिज्य बैंकबाट प्राप्त कर्जा परिचालन गरेर लघुवित्त संस्थाहरुले ऋण प्रवाह गरिरहेकाले कसैले चाहँदैमा ऋण मिनाहा हुन नसक्ने समेत जिकीर गर्नुभयो । ‘गाउँघरमा छरिएर रहेका गरिब विपन्न नागरिकको बचतलाई एकीकृत गर्दै वाणिज्य बैंकहरुबाट कर्जा लिएर लघुवित्त संस्थाहरुले कर्जा प्रवाह गरेका हुन्छन् । समुदायकै पुँजी भएकाले कसैले ऋण मिनाहा हुन्छ भन्दैमा ऋण मिनाहा हुँदैन ।’ लघुवित्त वित्तीय संस्थाले मुलुकको आर्थिक र सामाजिक विकासमा महत्वपूर्ण योगदान पुर्याएको भन्दै आर्थिक सशक्तिकरणकी अभियान्ता समेत रहनु भएको सांसद चौधरीले भन्नुभयो ।
साधारण सभाका विशिष्ट अतिथि गढी गाउँपालिकाका अध्यक्ष तथा फरवार्ड माइक्रोफाइनान्स लघुवित्त वित्तीय संस्थाका पूर्व प्रमुख कार्यकारी अधिकृत आशनारायण चौधरीले लघुुवित्त संस्थाले विपन्न ग्राहक सदस्यहरुको जीवनस्तर उकास्ने र युवाहरुलाई रोजगारी दिइरहेको बताउँदै वर्तमान समयमा नेपालकै लघुवित्त क्षेत्रमा देखिएका विषम अवस्थालाई चिर्न सबै पक्षले आ–आफ्नो क्षेत्रबाट काम गर्नुपर्ने बताउनु भयो । लघुवित्त संस्थाले महिलालाई आर्थिक सशक्तिकरणमा जोडेको बताउँदै उहाँले लघुवित्त क्षेत्रका सवल पक्षहरुको चर्चा गर्नुभयो ।
साधारण सभाले वित्तीय संस्थाका अध्यक्ष केशवराज पौडेलद्वारा सञ्चालक समितिको तर्फबाट प्रस्तुत गरिएको आर्थिक वर्ष २०८०/८१ को वार्षिक प्रतिवेदन पारित गरेको छ । साधारण सभाले शेयरधनीहरुलाई १३.३० प्रतिशत बोनस शेयर तथा कर समायोजन प्रयोजनका लागि ०.७० प्रतिशत लाभांश वितरण गर्ने सञ्चालक समितिको निर्णयलाई अनुमोदन समेत गरेको छ । संस्थाको बोनस शेयर वितरण पछि वित्तीय संस्थाको चुक्ता पुँजी १ अर्ब १९ करोड ५९ लाख ५२ हजार ८७९ हुनेछ ।
साधारण सभाले लेखापरीक्षकको प्रतिवेदनसहितको २०८१ आषाढ मसान्तको वासलात तथा सोही मितिमा समाप्त आर्थिक वर्ष २०८०/८१ को नाफा÷नोक्सान हिसाब तथा नगदप्रवाह विवरण र सम्बन्धित अनुसूचीहरू, लेखापरीक्षण समितिले सिफारिस गरे बमोजिम वित्तीय संस्थाको आर्थिक वर्ष २०८०/८१ को कारोबारको लेखापरीक्षण गर्नका लागि लेखापरीक्षकको नियुक्ति गर्ने र निजको पारिश्रमिक तोक्ने विषयलाई पारित गरेको छ ।
सभामा वित्तीय संस्थाले २०८१ असार मसान्तसम्म ४० जिल्लाका ३८२ स्थानीय तह अन्तर्गत १५९ शाखा कार्यालय मार्फत २ लाख ८४ हजार ९६५ विपन्न परिवारका सदस्यहरूलाई वित्तीय सेवा प्रदान गरिरहेको जानकारी गराइएको थियो । साथै यस अवधिमा वित्तीय संस्थाले २० अर्ब ९० करोड ९२ लाख ५५ हजार कर्जा प्रवाह गरेको जानकारी गराइएको थियो ।
साधारण सभामा बोल्दै संस्थाका प्रमुख कार्यकारी अधिकृत रामदयाल राजवंशीले अहिले लघुवित्तको क्षेत्रमा देखिएको जटिल अवस्था विस्तारै सामान्यतर्फ उन्मुख रहेको बताउनु भयो । वित्तीय संस्थाले शेयर सदस्यहरूलाई तुलनात्मक रूपमा सन्तोषजनक लाभांश वितरण गरेको बताउँदै उहाँले साधारण सभामा प्रस्तुत सुझावहरुलाई गम्भीरतापूर्वक कार्यान्वयन गर्ने प्रतिबद्धता व्यक्त गर्नुभयो ।
काठमाडौँ :
यौनिक तथा लैङ्गिक अल्पसङ्ख्यक समुदायले राजनीतिक समावेशितासँगै आर्थिक सशक्तीकरणको अभियान सुरु गरेका छन्। मायाको पहिचान नेपाल र सफल पार्टनर्सको सहकार्यमा आइतबारदेखि समुदायका सदस्य व्यावसायिक ज्ञान लिने कार्यशालामा सहभागी भएका छन्।
व्यवसायको आधारभूत ज्ञान र प्रस्तावित व्यवसाय/उद्यममा केन्द्रित कार्यशाला १० देखि १२ हप्तासम्म सञ्चालन हुनेछ। नयाँ व्यवसायका लागि अवसरको खोजी, बजारीकरण, बिक्री गर्ने कला, नगद प्रवाह व्यवस्थापन लगायतका विषयमा कार्यशाला केन्द्रित रहने मायाको पहिचान नेपालले जनाएको छ।
समुदायका सदस्यका लागि सुरु भएको आर्थिक रूपमा सशक्तीकरणको अभियान सुनौलो अवसर भएको संविधान सभा सदस्य एवं मायाको पहिचान नेपालका कार्यकारी निर्देशक सुनिलबाबु पन्तले बताए।
कार्यशाला आफूसँग भएका व्यावसायिक सीपहरू विकास गर्न र आफ्नो उद्यमलाई अर्को स्तरमा पुर्याउनका लागि राम्रो अवसर हुने पन्तले बताए। ‘सफल पार्टनर्ससँग पहिलो साझेदारी हो,’पन्तले भने,’व्यवसाय गरिरहेका र सुरु गर्न लागेका समुदायका सदस्यहरूलाई यो कार्यशाला फलदायी हुने विश्वास छ।’
कार्यशालामा सहभागी समुदायका सदस्यहरूले चिया पसल, लञ्चबार, ठेला पसल, तन्दुरी, फार्म हाउस, होटेल, रेस्टुरेन्ट, होमस्टे, ग्रिन हाउस, हस्पिटालिटी, युनिसेक्स सैलुन, डकुमेन्ट्री निर्माण, अचार उद्योग, टेलरिङ, फेन्सी पसल सञ्चालन गर्ने चाहना व्यक्त गरे।
समुदायका सदस्यको व्यावसायिक ज्ञान कम्प्युटर र एआईले विस्थापित गर्न नसक्ने रहेको व्यावसायिक विज्ञ आशुतोष तिवारीले बताए। यी सबै आइडिया कम्प्युटर र एआईले अवरोध नगर्ने खालका रहेको उनले बताए।
आरके श्रीवास्तव,राैतहट,२८ मंसिर ।
नेपाल पत्रकार महासङ्घ रौतहटको अध्यक्षमा सञ्जय कुमार कार्की निर्वाचित भएका छन् ।
शुक्रवार सम्पन्न नेपाल पत्रकार महासङ्घ रौतहटको निर्वाचनकाे सार्वजनिक भएको मत परिणाम अनुसार १५ मत ल्याएर कार्की निर्वाचित भएका हुन् । नेपाल प्रेस युनियनका उम्मेदवार कार्की आफ्ना निकटतम प्रतिद्वन्द्वी उत्तम उपाध्याय र रवीन्द्र प्रसाद साहलाई ३ मतले पराजित गर्दै अध्यक्ष पदमा निर्वाचित भएका हुन् ।
प्रतिद्वन्द्वी उपाध्याय र साहले १२/१२ मत प्राप्त गरेका हुन् । त्यस्तै अध्यक्षका अर्का उम्मेदवार मदन ठाकुर (धनञ्जय) ले ६ मत प्राप्त गरेका हुन् ।
त्यस्तै उपाध्यक्षमा डिल्ली बहादुर कार्की निर्वाचित भएका हुन् । उनले १८ मत प्राप्त गरेका छन् । कार्कीका निकटतम प्रतिद्वन्द्वी राम एकवाल साहले १५ र पुष्प राज यादवले ११ मत ल्याएका हुन् ।
त्यस्तै सचिवमा २६ मत ल्याएर गौतम श्रेष्ठ निर्वाचित भएका छन् । भन्ने श्रेष्ठका निकटतम प्रतिद्वन्द्वी राकेश यादवले ८ मत ल्याएका छन् । सह-सचिवमा जीतेन्द्रलाल श्रीवास्तव तथा कोषाध्यक्षमा सञ्जय कुमार सहनीले २४ मत प्राप्त गरी निर्वाचित भएको निर्वाचन कार्यालयले जनाएको हो ।
आरके श्रीवास्तव,राैतहट,२८ गते मंसिर ।
आज नेपाल पत्रकार महासंघकाे तिनै तह केन्द्र,प्रदेश र जिल्लामा निर्वाचन हुँदै छ । साेही निर्वाचन तालिकाअनुसार नै नेपाल पत्रकार महासंघ राैतहट शाखाकाे लागि पनि निर्वाचन हुन लागेको हाे । जसकाे लागि सम्पूर्ण तयारी पुरा भएको निर्वाचन समितिले जनाएको छ ।
निर्वाचनकाे लागि मतपत्रहरू जिल्लामा आईसकेका छन् । बिहीबार राैतहट शाखाका उम्मेदवारहरूकाे मनाेनयकाे अन्तिम नामावली प्रकाशन पनि भएको थियोे । जसमा उपाध्यक्ष पदका उम्मेदवार प्रविण शर्माले उम्मेदवारी फिर्ता लिएका थिए । उनी बाहेक सबै यथावत् छन् ।
अध्यक्ष पदका लागि ४ जनाकाे उम्मेदवारी परेकाे छ । अध्यक्ष पदका लागि मदन ठाकुर धनन्जय,सञ्जय कुमार कार्की,उत्तम उपाध्याय र रविन्द्र प्रसाद साह भिडदैछन् । चारैजनबिच कडा प्रतिस्पर्धा हुने निश्चित छ ।
उपाध्यक्ष पदमा पुष्पराज यादव,दिल्ली बहादुर कार्की,रामएकवाल साहले भिड्दैछन् । महिला उपाध्यक्ष पदमा विना राउत श्रीवास्तव निर्विरोध निर्वाचित भएकी छिन् ।
सचिवमा गाैतम श्रेष्ठ,राकेश कुमार यादव,संताेष पाैडेल,सह सचिव(समावेशीमा) दिनेश यादव,राकेश यादव लडदैछन् ।
त्यस्तै सह सचिव खुलामा जितेन्द्र लाल श्रीवास्तव,धर्मेन्द्र साह र काेषाध्यक्षमा किशोरी यादव,विकास अग्रवाल र संजय कुमार सहनी बिच लडाइँ हुँदैछ ।
त्यसैगरी महिला सदस्य रूद्र कार्की,दलित सदस्यमा रामप्रवेश बैठा,आदिवासी जनजाति सदस्यमा प्रकाश श्रेष्ठ,मधेसी सदस्यमा नन्दभूषण श्रीवास्तव,अन्य समावेशी अपांगमा रामपुकार राउतले निर्विरोध निर्वाचित भइसकेका छन् ।
अन्य सदस्य खुलामा उमेश यादव,कृष्णा तिवारी,रेशमी पटेलले उम्मेदवार दिएका थिए । केन्द्रीय परिषद सदस्यमा शैलेन्द्र गुप्ता,प्रदेश परिषद् सदस्यमा रमेश तिमल्सिनाले मनाेनयन दर्ता गराएका थिए । उनीहरू पनि निर्विरोध निर्वाचित भइसकेका छन् । नेपाल पत्रकार महासंघ राैतहट शाखाकाे लागि ११ पदमा एकलाे उम्मेदवारी परेपछि निर्विरोध निर्वाचित भएका हुन् ।
४५ जना मतदाता रहेको पत्रकार महासंघ राैतहट शाखाकाे जिल्ला कार्यसमितिको नयाँ कार्यसमिति चयनका लागि शुक्रबार २८ मंसिरमा मतदान हुँदैछ । मतदान बिहान १० देखि अपरान्ह ४ बजेसम्म हुनेछ ।
आरके श्रीवास्तव,राैतहट,२६ गते मंसिर ।
नेपाल पत्रकार महासंघ राैतहट शाखाका उम्मेदवारहरूकाे मनाेनयकाे नामावली प्रकाशन भएको छ । जसमा अध्यक्ष पदका लागि ४ जनाकाे उम्मेदवारी परेकाे छ । अध्यक्ष पदका लागि मदन ठाकुर धनन्जय,सञ्जय कुमार कार्की,उत्तम उपाध्याय र रविन्द्र प्रसाद साहले मनाेनयन दर्ता गराएका छन् ।
उपाध्यक्ष पदमा पुष्पराज यादव,दिल्ली बहादुर कार्की,प्रविन कुमार शर्मा,रामएकवाल साहले उम्मेदवारी दर्ता गराएका हुन् । महिला सदस्य पदमा विना राउतकाे एकलाे उम्मेदवारी परेकाे छ । साे पदमा अन्यले उम्मेदवारी नदिएपछि निर्विरोध निर्वाचित हुने निश्चित देखिन्छ ।
सचिवमा गाैतम श्रेष्ठ,राकेश कुमार यादव,संताेष पाैडेल,सह सचिव(समावेशीमा) दिनेश यादव,राकेश यादवले मनाेनयन दर्ता गराएका हुन् ।
त्यस्तै सह सचिव खुलामा जितेन्द्र लाल श्रीवास्तव,धर्मेन्द्र साहले उम्मेदवारी दिएका छन् भने काेषाध्यक्षमा किशोरी यादव,विकास अग्रवाल र संजय कुमार सहनीले उम्मेदवारी दिएका हुन् ।
त्यसैगरी महिला सदस्य रूद्र कार्की,दलित सदस्यमा रामप्रवेश बैठा,आदिवासी जनजाति सदस्यमा प्रकाश श्रेष्ठ,मधेसी सदस्यमा नन्दभूषण श्रीवास्तव,अन्य समावेशी अपांगमा रामपुकार राउतले मनाेनयन दर्ता गराएका हुन् ।
अन्य सदस्य खुलामा उमेश यादव,कृष्णा तिवारी,रेशमी पटेलले उम्मेदवार दिएका हुन् । केन्द्रीय परिषद सदस्यमा शैलेन्द्र गुप्ता,प्रदेश परिषद् सदस्यमा रमेश तिमल्सिनाले मनाेनयन दर्ता गराएका हुन् । नेपाल पत्रकार महासंघ राैतहट शाखाकाे लागि ११ पदमा एकलाे उम्मेदवारी परेपछि निर्विरोध निर्वाचित हुने निश्चित देखिन्छ । यदि कुनै पदमा दाबी विराेध भएन भने उनी स्वत: निर्विरोध निर्वाचित हुनेछन् । यसकाे परिणाम भने भाेली मात्रै सार्वजनिक गरिनेछ ।
नेपाल पत्रकार महासंघ राैतहटको चुनावका लागि आज मनाेनय दर्ताकाे लागि समय ताेकिएकाे थियोे । बिहान १० बजे देखि दिउँसो ३ बजेसम्म समय सिमा ताेकिएकाे थियोे । अपरान्ह ४ बजे उम्मेदवारहरूकाे नामावली प्रकाशन गरिएको थियोे ।
आज मंसिर २६ गते अपरान्ह ४ बजे देखि भाेली मंसिर २७ गते बिहान ८ बजे सम्म उम्मेदवार उपरकाे दाबी विराेधका लागि समयसिमा ताेकिएकाे हाे । साेही दिन बिहान ८:३० बजे उम्मेदवारले नाम फिर्ता लिने र बिहान १० बजे उम्मेदवारकाे अन्तिम नामावली प्रकाशन निर्वाचन समितिले जनाएको छ ।
जिल्ला समिति कार्यसमितिको नयाँ कार्यसमिति चयनका लागि २८ मंसिरमा मतदान हुने भएको छ । मतदान बिहान ९ देखि अपरान्ह ४ बजेसम्म हुनेछ ।
