प्रदीप कुमार दास, रौतहट,०१ गते असार
रौतहटमा धार्मिक अगुवा तथा स्थानीय सरकारबीच सहकार्य सम्बन्धी छलफल कार्यक्रम सम्पन्न भएको छ । रौतहट जिल्लाको मध्यभागमा अवस्थित माधवनारायण नगरपालिकाको सभाहलमा निरन नेपाल र वर्ल्ड भिजन नेपालको सहकार्यमा आयोजना गरिएको धार्मिक अगुवाहरू तथा स्थानिय सरकारबीच सहकार्य सम्बन्धी छलफल कार्यक्रम सम्पन्न भएको छ ।
निरन नेपाल रौतहटको जिल्ला अध्यक्ष अनिशुर रहमानको अध्यक्षतामा सञ्चालन भएको कार्यक्रममा प्रमुख अतिथि नगर प्रमुख बैजनाथ प्रसाद यादव , विशिष्ठ अतिथि नगर उप प्रमुख निर्मला देवी रमन, लगायत विभिन्न वडाका वडाध्यक्षहरुको उपस्थिति रहेको थियो ।
साथै कार्यक्रममा धर्म गुरुहरू ,स्थानिय महिला / पुरुषहरुको उल्लेख्य उपस्थिति रहेको थियो । उपस्थित स्थानिय सरकारका जनप्रतिनिधिहरु ” हाम्रो समाजमा विद्यमान रहेका कुरीति /विकृतिका रूपमा रहेका महिला हिंसा , बाल विवाह ,दाइजो प्रथा,बालश्रम शोषण ,
छुवाछुत लगायतका विकृतिहरुको बिरुद्ध जनचेतना फैलाउने र लडने यस संस्थाले मात्र सफल एवं कुशल समाजको निर्माण गर्न सक्ने देखिएको र यस्ता संस्थाहरूलाई जुन परिस्थितिमा पनि सहयोग हुने प्रतिबद्धता जनाएका थिए ।
यस्तै , यो कार्यक्रम सबै पालिकामा सञ्चालन होस् र आफ्नो बालबच्चालाई पढाउने तर्फ ध्यान दिनु अभिभावकहरुको ध्यान जाओस् भनि नगर प्रमुख बैजनाथ प्रसाद यादवले सल्लाह दिनुभएको थियो । कार्यक्रमको उदघोषण निरन नेपालकाे जिल्ला सचिव शिवशंकर पासवानले गर्नुभएको थियो भने स्वागत मन्तव्य जिल्ला उपाध्यक्ष रेष्मा साह राखेकी थिइन् ।
ब.स.,चन्द्रपुर,०१ गते असार
नेपाल प्रेस युनियन रौतहट शाखाको अधिवेशन सम्पन्न भएको छ । अधिवेशनले प्रिमेश शिवाकोटीको नेतृत्वमा १३ जना कार्य समिती सर्वसम्मत रुपमा चयन गरेको हो ।
प्रेस युनियन केन्द्रीय प्रतिनिधी गणेश रिजालको प्रमुख आतिथ्यतामा सम्पन्न भएको अधिवेशनले अध्यक्षमा प्रिमेश शिवाकोटी,उपाध्यक्षमा राजेश्वर पाण्डे(खुल्ला) र समावेसी उपाध्यक्षमा दिपुकुमार मिश्र,सचिबमा सागर हुमगाई,उप-सचिबमा राम प्रकाश चौधरी,
कोषाध्यक्षमा लक्ष्मी बस्नेत चयन भएका छ्न भने सदस्यहरुमा राजेश पौडेल ,बिश्नु आचार्य,बिबेक चौधरी,मो.मोजिबुल्लाह,मनोज यादब,मो.ओजिर आलम र प्रेम यादब चयन भएका हुन ।
अधिबेशनमा नेपाल पत्रकार महासङका केन्द्रिय सदस्य शिब पुरी,प्रेस युनियनका केन्द्रिय सदस्य संजय कार्की,निवर्तमान अध्यक्ष यादबराज पुरीको आतिथ्यता रहेको थियो ।
ब.स.,राैतहट,०१ गते
असार राैतहटकाे देवाहीगाेनाही नगरपालिकामा उपप्रमुख परनिया देवी पटेलकाे अडानका कारण नयाँ हाकिम शम्भु यादव हाजिर हुन पाएनन् । उनलाई संघीय मामिला तथा समान्य प्रशासन मन्त्रालयबाट देवाहीगाेनाहीकाे प्रमुख प्रशासकीय अधिकृतको रुपमा नियुक्त गरेर पठाएको हाे । शुक्रबार उनी हाजिर हुन आउँदा हाजिर गराउने र नगराउने पक्षकाे दर्जनौं मानिसहरूकाे नगरपालिकामा भिडभाड थियाे ।
देवाहीगाेनाहीका नगर प्रमुख प्रेमलाल साह पक्षले हाजिर गराउन चाहेका थिए भने उप प्रमुख परनिया देवी पक्षले हाजिर गराउन मानिरहेका थिएनन् । दुवै पक्षले हाकिम हाजिरकाे विषयलाई लिएर जुँगाकाे लडाइँ बनाएपछि त्यहाँ स्थिती केहिबेर तनावग्रस्त बनेकाे थियाे ।
स्थितिलाई साम्य पार्न ईप्रका देवाहीगाेनाही,ईप्रका गरूडा र ईप्रका कटहरिया बाट जनपद प्रहरी र सशस्त्र प्रहरी समेतकाे टाेली पुगेको थियाे । नयाँ हाकिमकाे रूपमा हाजिर हुन आउनु भएका शम्भु यादवलाई उपप्रमुख पटेलले आईतवार मात्र हाजिर हुन आग्रह गरेकि थिईन् ।
जवाफमा नेपाल सरकारका उपसचिव समेत रह्नु भएका यादवले आफू सबैकाे साझा हाकिम बन्नकाे लागि यहाँ आएकाे भन्दै आईतवार मात्रै हाजिर हुने प्रतिक्रिया दिए । स्मरणीयहाेस् साे नगरपालिकामा जनप्रतिनिधि र प्रमुख प्रशासकीय अधिकृतबीच तालमेल नहुँदा विकास निर्माणका काम प्रभावित भएको छ ।
देवाही गोनाही नगरपालिकाका मेयर प्रेमलाल साह, उपमेयर परनिया देवी पटेल र प्रमुख प्रशासकीय अधिकृत सिकेन्द्र साहबीच रहेको आपसी विवाद तथा टकरावका कारण नगरमा विकास निर्माणका कामहरु ठप्प भएका छन् । आर्थिक वर्ष २०७९/८० को अन्तिम महिना असार सुरू पनि मेयर साह, उपमेयर पटेल र प्रशासकीय अधिकृत साहबीचको विवादका कारण अझै विकासका कामहरु अगाडि बढ्न नसक्दा करोडौं रकम फ्रिज हुने अवस्थामा पुगेको जनप्रतिनिधिहरूले नै गुणासाे गर्न थालेका थिए ।
अन्ततोगत्वा संघीय मामिला तथा समान्य प्रशासन मन्त्रालयले यादवलाई प्रमुख प्रशासकीय अधिकृतकाे जिम्मेवारी दिएर पठाएकाे हाे ।
मेयर प्रेमलाल साहले प्रशासकीय अधिकृत सिकेन्द्र साहलाई हटाएर अर्को हाकिम ल्याउन खोजेको र उपमेयर परनिया देवी पटेलले सिकेन्द्र साहलाई नै हाकिम राख्न खोजेको कारण तिनै जनाबीचको विवाद उत्कर्षमा पुगेको स्राेतकाे भनाइ छ । जनप्रतिनिधिबीच विवादले नगरपालिका अस्तव्यस्त समेत बनेको छ ।
काठमाडौं, १ असार ।
रौतहटस्थित श्रीराम सुगर मिल्सको सम्पत्ति लिलाम हुने भएको छ ।
नेपाल बैंकले बिहीबार सूचना जारी गर्दै कम्पनीको सम्पत्ति लिलामीमा राखेर बिक्री गर्न लागेको जानकारी दिएको हो ।
गोल्छा समूहको लगानी रहेको मिल्स दुई अर्ब रुपैयाँभन्दा बढी खुद नोक्सानीमा रहेको जनाईएको छ । मिल्सले ऋण तिर्न नसकेपछि बैंकले लिलामीको सूचना निकालेको हो ।
कम्पनीले ०७६ फागुन १३ मा सार्वजनिक सूचना प्रकाशित गरेर स्थायी रूपमा बन्द भएको घोषणा गरेको थियो, सो उद्योग बन्द भएको तीन वर्ष चार महिनापछि लिलामीमा परेको हो । कम्पनीले ०७६ फागुनमा आर्थिक वर्ष ०७५/७६ सम्म दुई अर्ब १७ करोड ७५ लाख रुपैयाँ खुद घाटा पुगेको जनाएको थियो ।
सो बैंकले ४ साउनसम्म इच्छुकले कम्पनी प्राप्तिका लागि आवेदन दिन सक्ने जनाएको छ । कम्पनीमा जेजस्तो अवस्थामा मेसिनरीहरू छन्, त्यो लिनुपर्ने भन्दै बैंकले लिलाम गर्ने न्यूनतम मूल्य ३८ करोड ११ हजार रुपैयाँ कायम गरेको छ ।
इच्छुकले यसको १० प्रतिशत रकम बुझाएर लिलाम प्रक्रियामा भाग लिन सकिने आज जारी सूचनामा उल्लेख छ ।
ब.स.आरके श्रीवास्तव,चन्द्रपुर,जेठ ३२ गते ।
राैतहटकाे गुजरा नगरपालिकाले चालु आर्थिक वर्ष २०७९/८० को ११ महिनाकाे अवधिमा ५२ प्रतिशतमात्रै बजेट खर्च गरेको छ । आर्थिक वर्ष समाप्त हुन एक महिना बाँकि रहँदा ३६ करोड रुपैयाँमात्रै खर्च भएको नगरपालिकाका प्रमुख प्रशासकीय अधिकृत राज कुमार अधिकारीले जानकारी दिनुभयो ।
नगरपालिकाले आर्थिक वर्ष २०७९/८० का लागि ७० करोड ३५ लाख ८० हजार ९९१ रुपैयाँकाे अनुमानित बजेट छैठौं नगर सभाबाट पारित गरेको थियो । तर आर्थिक मन्दीका कारण बजेटमा कटौती भई ४८ कराेड ७४ लाख १५ हजार १६२ रूपैयाँ ८१ पैसा बजेट आएको लेखा प्रमुख शैलेन्द्र श्रीवास्तवले जानकारी गराउनु भयाे ।
नगरपालिकालाई सङ्घीय सरकारबाट ४१ करोड ४९ लाख ७९ हजार, प्रदेश सरकारबाट एक करोड ५७ लाख , राजस्व बाँडफाँटतर्फ १ करोड ४५ लाख ४१ हजार रुपैयाँ बजेट खर्च भएको श्रीवास्तवले जानकारी दिनुभयो ।
संघिय सरकारकाे बजेट तर्फ ६०.४१ प्रतिशत,प्रदेश सरकारकाे १२.०२ प्रतिशत र राजस्व बाँडफाँड तर्फ ३१ प्रतिशत बजेट खर्च भएको उनले बताए । कुल बजेटमध्ये तेस्रो चौमासिक (जेठ मसान्त) सम्म चालुतर्फ ५६ प्रतिशत बजेट खर्च गरेको छ भने पुँजीगततर्फ ४७ प्रतिशत खर्च भएको लेखाप्रमुख श्रीवास्तवले बताउनुभयाे ।
आरके श्रीवास्तव,चन्द्रपुर समाचारदाता,३१ गते जेठ ।
चन्द्रपुर । रौतहटको चन्द्रपुरमा चोरीको घटनामा बृद्धि भएपछि स्थानियवासी हैरान भएका छन् । चन्द्रनिगाहपुर आसपासको बस्तिमा चोरीका घटना बढ्दै जान थालेको स्थानियहरुले बताएका छन् ।
रातीको समयमा घर घरबाट मोवाईल लगायत सरसमान चोरी हुन थालेको छ । चोरी गर्ने गिरोह सक्रिय रहेको स्थानियहरुको भनाइ छ ।
गर्मीको बेला घरको झ्याल खोलेर सुत्ने भएपछि त्यसको फाईदा उठाउदै चोरहरुले लौरोको सहायतामा मोवाईल चोर्ने गरेको स्थानियको गुनासो छ ।
गएको सोमबार राती स्थानीयवासी विसाल तिवारीको सुतिरहेको बेला मोवाईल चोरी भएको थियो ।
स्थानीयहरुले ईलाका प्रहरी कार्यालय चन्द्रनिगाहपुरले रातीको समयमा मोवाईल गस्ति लाई कडा पार्न माग गरेका छन् ।
इप्रका चन्द्रनिगाहपुरका डिएपी एकनारायण कोईरालाले साना तिना चोरीका घटनामा संलग्न चोरहरुलाइ प्रहरीले चाडै नियन्त्रणमा लिने बताएका छन् । यस भेगमा पछिल्लो समय मोटरसाईकल र मोवाईल चोरीका घटनामा बृद्धि भएपछि स्थानियवासी त्रसित छन् ।
आरके श्रीवास्तव,चन्द्रपुर समाचारदाता,३१ गते जेठ
प्रभु साह निकट आइटि आर्मीले चन्द्रपुर सहितको जिल्लाको अधिकांश स्थानीय तहमा ज्ञापन पत्र बुझाएको छ । आज विभिन्न स्थानीय तहहरुलाई आम जनताको दैनिक जनजीवनका कठिनाई एवं समस्याहरुको सहज समाधान गर्न तथा पालिका र पब्लिक बिच परस्पर सुखद एवं सुमधुर सम्बन्ध स्थापित गर्ने गराउने उदेश्यका साथ विभिन्न माग एवं ध्यानाकर्षण सहितको ज्ञापन पत्र पेश गरेको छ ।
जिल्लाको चन्द्रपुर,गरुडा,कटहरिया सहित करिब १३ वटा पलिकाहरुमा सम्बन्धीत नगर कमिटिले ज्ञापन पत्र बुझाएको आईटी आर्मीका मधेश प्रदेश अध्यक्ष नरेश साह तुरहाले जानकारी गराउनु भयो ।
ज्ञापन पत्रमा बजेटको भागबन्डा बन्द गर, पानी बिजुली फ्री गर,गरीब दलितलाई आवासको व्यवस्था गर,किसानलाइ पेन्सन देउ,आमजनता जिन्दावाद,घुस कमिसन बन्द गर,दलतन्त्र मुर्दाबाद ,आम जनताको लोकतन्त्र ,भगौडा दलाल मुर्दावाद नाराहरू लगाउँदै पालिकामा ज्ञापन पत्र बुझाएका छन् ।
यस्तो छ ज्ञापन पत्र
उपरोक्त सम्बन्धमा, अहिले देशमा आर्थिक मन्दीका कारण आम जनताको जनजिवन कष्टकर बन्दै गएको कुरा तपाई हामी सबैलाई सर्वविदित नै छ । यस आर्थिक संकटबाट सबै भन्दा बढी हाम्रो नगरपालिका प्रभावित भएकोछ ।
यस नगरपालिकामा आर्थिक उत्पादनको श्रोत साधन सिमित रहेको, परम्परागत खेतीप्रणालीमा आश्रित कृषि रहेको, व्यापार ब्यवसाय सुक्दै गएको, बेरोजगार गुणात्मक ढंगले बढÞिरहेको तथा मजदूरहरु बाध्यभएर कष्टकर बैदेशिक रोजÞगारीबाट जिवनयापन गर्नु परेको अवस्था छ । यस्तो संकटपूर्ण अवस्थामा जनता माथी अनावश्यक करको भार थुपार्ने र जनताको खुन पसिनाबाट निर्माण भएको सरकारी बजेटलाई केही मुठ्ठीभर निर्वाचित जनप्रतिनिधीहरु आफु खुशी भागवण्डा गरि चाटने कार्यले नगरको बिकास सम्भव छैन ।
जनताको पिरमार्कामा राज्यको विभिन्न निकाय र तहहरुद्वारा सहयोग गर्नुको सट्टा आज कर आतंक खड़ा गरिएकोछ । जनताको आमदानीमा कर लिने तर उत्पादन नोक्सन हुदा वा घाटामा पर्दा हेर्न समेत नआउने उल्टै समयमा कर नतिर्दा सजायको भागीदार बनाउने जस्ता जनबिरोधी कार्य खुलेआम भईरहेकोछ ।
यो नगरपालिकाले समेत जन्मिदा देखि मर्दा सम्म अर्थात जन्मदर्ता देखि मृत्युदर्ता सम्म समेत कर लगाउने, कर संकलन तथा सदुपयोग नगर्ने , आन्तरिक राजस्वलाई समेत पारदर्शी न बनाउने जस्ता कार्य गरिरहेकोछ ।
यस्ता गलत कार्यहरु पुनः हुन न दिन र जनताका अधारभूत समस्या समयमा समाधानका गर्न तथा यस नगरपालिका प्रति आम जनताको विश्वसनियता अभिवृद्धि गर्न निम्न मागहरु सहित यो ज्ञापन पत्र पेश गर्दछौ ।
आरके श्रीवास्तव,गरुडा समाचारदाता,३१ गते जेठ
चन्द्रपुरःरौतहटको उक्तरी भेग चन्द्रपुरमा खानेपानी पाइपलाईन बिस्तार र अवरुद्ध पानी सुचारु गर्न खाडल खन्ने काम सुरु गरिएको छ । आज (बुधबार) बाट देउराली चौक बाट दक्षिण पूर्व अवरुद्ध पानी सूचारु गर्न खाडल खन्ने सुरु गरिएको हो ।
नेपाली काङ्ग्रेसका चन्द्रपुर नगर सभापती मुकेश गिरिको पहल र चन्द्रपुर नगरपालिका प्रमुख संजय कुमार काफ्लेले पाईप उपल्बध गराउने प्रतिबद्धता गरे संगै पाईप हाल्न खाडल खन्न सुरु गरीएको चन्द्रनिगाहपुर खानेपानी तथा सरसफाइ उपभोक्ता संस्थाका सचिव अवदेशहरी भटृराईले जानकारी दिए ।
आज खाडल तयार भए संगै भोलि नै पाईप हाल्ने कार्य हुने सचिव भटृराईको भनाइ छ । त्यस्तै पैसा नतिरेका उपभोक्ताहरु लाइ महसुल बुझाउन अनुरोध गरिएको छ । चन्द्रनिगाहपुर खानेपानी तथा सरसफाइ उपभोक्ता संस्थाका नव निर्वाचित पदाधिकारी सहित टोलिले सो काम सुचारु गराएका हुन् ।
बिगत ३ महिना देखि पुर्व टोलका लगायत अन्य ठाउँका उपभोत्ताले शुद्ध खानेपानी बाट बञ्चित भएका बिषयलाई मध्य नजर गर्दै सो माम सुचारु गरिएको चन्द्रनिगाहपुर खानेपानी तथा सरसफाइ उपभोक्ता संस्थाका अध्यक्ष किशोर प्रसाद उपाध्यायले बताए । कोही पनि उपभोक्ता खानेपानी बाट बञ्चित हुनु हुँदैन् उनको भनाइ रहेको छ ।
यस्तै चन्द्रपुर नगरपालिकाका प्रमुख संजय कुमार काफ्लेले आफुले प्रतिबद्धता गरे अनुसार पाईप सहयोग गरेको बताएका छन् ।
रन्धिर साह, रौतहट, जेठ ३१ ।
पछिल्लो समयदेखिनै रौतहट जिल्लाको गौर भन्सार चर्चा परिचर्चामा आउदै गरेको छ । कहिले भन्सार छली ल्यायएको समान तथा कहिले भन्सारको मिलोमतोमा सामान भित्रियाएको बारेमा त कहिले दुर्व व्यववाहारका कारण । रौतहटमा यी एउटा मात्र भन्सार हो जहाँ अवैध धनधा तथा ठुलो मात्रामा सामान निर्यात हुँने गर्छ । यसोत यी जिल्लामा रहेका हरेक सिमाना भारतको सिमानासंग जोडीएको छ ।
सोाही कारण हो कि यहाँ अव्यवस्थित तरिकाले सामान नेपाल भित्रियाउने कार्य तथा सोचेको जस्तो राजश्व संकलन हुँन सकेको छैन् । रौतहट जिल्लाको मुख्य नाकाको रूपमा रहेको गौर भन्सार कार्यालयकै सेटिङका ठूला तस्करी हुने गरेको बेला बेलामा आलोचना हुनेनै गर्छ । यस्तै हिजो मंगलबार एकासि भन्सारको बोड बन्द गरेर शस्त्र प्रहरीले भारतबाट सामान ल्याएको सर्वसधारनलाई रोकी चेक चाज गर्दै गर्दा एक जना महिलालाई एक जना महिला शस्त्र प्रहरी र तिन जना पुरुष शस्त्र प्रहरीले समातेर कार्यालय भित्र लगेको थियो ।
सोही कारणले केही समयका लागि त्यहाँका माहोल नै विग्रीएको र सो घाटना बारे जानकारी लिन खोजदा शस्त्र प्रहरी प्रमुख देखि जवान समेतले हामीले केही भन्न नमिले भन्दै यता उता भागि रहे । बास्तामा त्याहाँ के भइ रहेको छ रु हरेक क्रियाकलापमा सर्वसधारनले नै किन सास्ती हुँने गर्छ यिति आदिको विषमा सैचारकर्मीहरुले सोध खोज गर्दा डिवटीमा खटिएका सुशक्षाकर्मीहरु यता उता भागनुका साथै सो सदंर्भमा हामिले केही भन्न नमिले बताए । ठुलोलाई चयन र सानोलाई एन भएको पिडित एक महिलाले बताए ।
उनको अनुसार भन्सारबाट सामान लैजानका लागि पैसादिएमा सबै ठिक नदिएमा नियम कानून। यो कानून ठुला तथा बढि सामान निर्यात गर्नेहरुमा किन लागु हुँदैन् रु हामी सर्व सधारन गरिबलाई नै किन रु हामीनै हरेक क्रियाकलामा दुख भोगनु परेको गुनोसो गरे ।
उनले भने हामी एक महिनामा एक दिन मात्र आफ्नो घर खर्चका लागि केही सामान लैजाने गर्छु । भन्सार प्रमुखदेखि सबै कर्मचारीको सेटिङमा नेपालबाट भारततिर भारतबाट नेपालतिर ठूलो मात्रा तस्करी हुने गरेको पाइन्छ । हातमा सामान बोकेर आफ्नो घरमा प्रयोग गर्न ल्याउने गरिबहरूलाई भन्सार कर्मचारीले लछारपछार गर्ने, अपशब्द प्रयोग गर्ने र सामान खोस्ने गर्दै आएको गुनासो बारम्बार हुने गरेको छ तर भन्सार कर्मचारीहरू भने माथिको आदेशमा राजस्व छलीको काम रोक्न आफूहरू सक्रिय हुने गरेको बताउँछन्।
घरायसी प्रयोजनको लागि व्यक्तिगत किसिमले हातमा सामान बोकेर ल्याउँदा पनि सय पचास रुपैयाँ हातमा नथमाउँदा सामानलाई अवैध मान्ने गौर भन्सारका कर्मचारीहरू भने भारी परिमाणमा सामान आउँदा सरकारी राजस्वलाई छलेर खल्ती भर्ने गरेका छन् । भन्सार भएर ओहोरदोहोर गर्ने यात्रु तथा मालसामान ढुवानी गर्नेलाई जति धेरै सताउन सक्यो उति धेरै रकम अँठ्याउन सकिन्छ भन्ने मानसिकताले काम गरिरहेको आरोप रहेको छ ।
कुनै निजी प्रयोजनका लागि भन्सार कटाएर ल्याउनु पर्ने सानोतिनो सामानको भन्सार काट्न भन्दा अनेक झमेला देखाएर भन्सारका कर्मचारीहरूले नगदै हात पार्ने दाउ गर्ने गरेको नाम न लेखने सर्तमा गौरकै एक जना बेपारी बताए । ठूलो परिमाणमा सामान मगाउँदा नियमानुसार भन्सार कटाएर ल्याउन खोज्दा भन्सारका कर्मचारीहरूले झन्झटिलो, बोझिलो, धेरै दिन लाग्ने र धेरै रकम पर्ने बताउँदै बिचौलियाको सहारा लिन बाध्य बनाउने गरेका छन्।
वैधानिक रूपमा धेरै राजस्व आउने सामानलाई पनि कम परिमाणको देखाएर राजस्व छली गर्ने र बाँकी रकम कर्मचारीहरूले नै हजम पार्ने गरेका छन् । गौर भन्सारका कर्मचारीहरूले कपडा, मेसिनरी सामान र पाटपूर्जा तथा खाद्यान्न सामग्रीलाई वास्तविक तौलभन्दा साठी प्रतिशतसम्म कम तौल देखाएर भन्सार काट्ने गरेको व्यापारीहरू नै बताउँछन्। साठी प्रतिशत कमको भन्सार काटेर राजस्व तिर्नुपर्दछ र तीस प्रतिशत बराबरको रकम भन्सार कर्मचारीहरूले लिने एक व्यापारीले नाम उल्लेख नगर्ने शर्तमा बताएका छन्।विभिन्न सानातिना नाका तथा खेत र आलीको बाटो हुने गरेको तस्करीलाई सशस्त्र प्रहरी बलले नियन्त्रण गर्न कडाइ गरेपछि बिचौलियाहरूको माध्यमबाट भन्सार नाकाबाटै नयाँ तरिकाले कर्मचारीको संलग्नतामा नै तस्करी सुरु भएको छ। प्रहरी कर्मचारीको आँखामा धुलो छरेर भन्सारका कर्मचारीले राजस्व छलीमा ठूलो योगदान गरिरहेको धेरैले बुझिसकेका छन् ।
तस्करको समान निर्बाध रुपमा छोड्ने भंसार कर्मचारीले घरायसी समान ल्याउने व्यक्तिलाई आर्थिक लाभ लिने उदेश्यले हैरानी परेशानी गर्ने गरेको गुनासो स्थानीयहरुको रहेको छ । भन्सार कार्यालय देखि उत्तर तर्फ रहेका पसलमा कारोवार गर्ने सित कर्मचारीहरु तथा त्यहाँ खटेका सुरक्षाकर्मीहरु रकम लिने गरेको बुझिएको छ । मुख्य गेटमा सिसि टिभी कैमरा जडान गरिएकोले छेउमा गएर कारोवार गर्नेहरु सित रकम लिने गरेको हो ।
राैतहट,३० गते जेठ
मंगलबार राती रौतहटको गौर नगरपालिका वडा नं. ४ टिकुलिया निवासी पसुराम साहको घर जलेर नष्ट हुनुको साथै लाखौंको क्षति हुन पुगेको छ । भने घटनामा १४ जना घाईते भएकाे स्थानीय पत्रकार आरएन साहले जानकारी गराउनु भएको हाे । घाईतेहरुको उपचार प्रादेशिक अस्पताल गौरमा चलिरहेको छ ।
मैनबत्तीबाट सल्केको आगोमा गैस सिलेंडर बिस्फोट भएपछि एक दर्जनभन्दा बढी व्यक्ति समान्य देखि गम्भीर घाइते भएका थिए ।
गौर नपाको वैकल्पिक फायर बिग्रेड र स्थानीयको सहयोगमा आगो नियन्त्रण गरिएको थियो । आगोको शुरुवाती स्वरुप प्रलयको राप झै देखिए पनि समयमा नियन्त्रण गरी थप क्षति हुनबाट रोकिएको थियो ।
गौर नपाको वारुण यन्त्र दुर्घटनामा परि विग्रेको हुँदा मर्मत भइरहेको हुँदा नपाले खरिद गरेको वैकल्पिक फायर बिग्रेडले सोचे भन्दा बढी उपयोगी सावित हुँदै आएको छ ।
