आरके श्रीवास्तव,रौतहट,असार ११ गते
रौतहटको कटहरिया नगरपालिकाले बजेट ल्याएको छ । सोमबार कटहरिया नगरपालिकाले यस वर्ष जनमुखी योजना ल्याएको छ । कटहरिया स्थित नगरपालिकाको प्रांगणमा बजेट अधिवेशन बोलाईएको थियो । नगर प्रमुख अजय प्रकाश जयसवालको अध्यक्षतामा सम्पन्न भएको नगरसभामा प्रमुख अतिथिको रूपमा जिल्ला समन्वय समितिका सभापती रामअयोध्या प्रसाद यादव रह्नु भएको थियो । नगरपालिकाले आठौं नगरसभा बाट जनमुखी नीती र कार्यक्रम ल्याएको छ । नगरपालिका नगर कार्यपालिकाबाट पास गरेको निती तथा कार्यक्रम कार्यान्यवन गर्न ४१ करोड भन्दा बढी बजेट विनियोजन गरेको हो ।
हरेक वर्ष असार १० गते बजेट ल्याउनु पर्ने प्रावधान रहेको छ । तर एकदिन ढिलै भएपनि नगरसभा शान्तिपूर्ण रूपमा सम्पन्न भएको छ । जनप्रतिनिधीहरु बिच कुरा नमिल्दा आइतवार बजेट आउन सकेको थिएन् । धेरै उत्साहका साथ सम्पन्न भएको आठौं नगरसभा बाट कटहरिया नगरपालिकाको जनताको मन जितने किसिमको निती तथा कार्यक्रम पारित गरेको हो । नगरप्रमुख जयसवालको आदेशाअनुसार प्रमुख प्रशासकिय अधिकृत रामप्रकाश साहले बजेट वक्तव्य पढेर सुनाउनु भएको थियो ।
नगरपालिका नगर कार्यपालिकाबाट पास गरेको निती तथा कार्यक्रम कार्यान्यवन गर्न ४१ करोड भन्दा बढी बजेट विनियोजन गरेको हो । नगरको चौतर्फि विकासको लागि यसै चालु आर्थिक वर्ष २०८०÷८१ का लागि ४१ करोड ९६ लाख १६ हजार ३ सय रुपैयाँको बजेट पारित गरिएको प्रमुख प्रशासकिय अधिकृत साहले जानकारी गराउनु भयो । यस वर्ष शिक्षा, स्वास्थ्य, खेलकुद, कृषि, यातायात, खानेपानी तथा सरसफाइर, विधुत, भौतिक पुर्वाधार निर्माण कार्य, पर्यटन तथा संस्कृति, लगायतको विशेष प्राथमिकतामा राखी उक्त बजेट प्रस्तुत गरिएको साहले बताए ।
सो नगरपालिकाको संघिय वितिय समानीकरण अनुदान ११ करोड १७ लाख,संघिय शशर्त चालु अनुदान १७ करोड १० लाख,संघिय सरकार शशर्त पूजिगत रु १ करोड १५ लाख,संघिय राजस्व बाँडफाँड अनुदान ९ करोड ५२ लाख ७२ हजार ३ सय,संघिय सरकार सम्पूरकमा ५० लाख,विक्तिय समानिकरण(प्रदेश सरकार) २० लाख र आन्तरिक राजस्व रु १ करोड र चालु आ.व. २०७९।८० को खर्च हुन बाँकि २० लाख गरि कुल ४१ करोड ९६ लाख १६ हजार ३०० रुपैयाँ बराबरको बजेटको आयको प्रक्षेपण गरिएको छ ।
कार्यक्रममा सबै वडाका वडा अध्यक्षहरू,जनप्रतिनिधिहरू,पत्रकार,सुरक्षाकर्मी,कर्मचारीहरू सहितका व्यक्तिहरूको उपस्थिति रहेको थियो ।
रौतहट, असार १० गते ।
रौतहटको गुजरा नगरपालिकाको आठौं नगर सभा कार्यक्रम आइतबार सम्पन्न भएको छ । संबिधानको नियम अनुसार आज अन्तिम दिन रहेको बजेट प्रस्तुती कार्यक्रममा आइतबार सबै पालिकाहरुले नगर सभा कार्यक्रम आयोजना गरि सम्पन्न गरेका छन्, भने धेरै जसो पालिकाहरुको समय थपिएको छ ।
सोही नियम अनुसार गुजरा नगरपालिकाले समयमै आफ्नो नगर सभा सम्पन गरेको छ । गुजरा नगरपालिकाका नगर प्रमुख संतलालप्रसाद चौधरीको सभाध्यक्षतामा सम्पन्न भएको नगर सभाले चालु आर्थिक वर्ष २०८० । ०८१ मा नगरको समग्र बिकासका लागि ५६ करोड १४ लाख ३१ हजार ५ सय सहितको बजेट प्रस्तुत सार्वजनिक गरेका छन् । सो सिमा भित्र रही आव २०८० र ०८१ को निति, कार्यक्रम तथा बजेट प्रस्तुत गरेका छन् ।
चालु आर्थिक वर्षमा नगरको चौतर्फी बिकासका लागि गुजरा नगरपालिकाले आफ्नो ८ औं नगर सभाबाट ५६ करोड भन्दा बढीको बजेट सर्वसहमतिले पारित गरेको हो । नगर सभामा समानीकरण, शसर्त अनुदान, राजस्व ब्यब्स्थापन, आन्तरिक आय, शिक्षा, सिचाई, स्वास्थ्य लगायत गरी सो रकम प्रस्तुत गरेको थियो ।
यस वर्ष शिक्षा, स्वास्थ्य, कृषि, यातायात, खानेपानी, बिधुत, भौतिक पूर्वाधार निर्माण लगायतलाई बिशेष प्राथमिकतामा राखेर सो बजेट प्रस्तुत गरिएको निमित्त प्रमुख प्रशासकीय अधिकृत राजकुमार अधिकारीले बताए । कार्यक्रममा नगरपालिकाकी उप प्रमुख रतन लामाकी बिशिष्ट आतिथ्य तथा ९ वटै वडाका जनप्रतिनिधि, कर्मचारी, सुरक्षाकर्मी, पत्रकार लगायतको सहभागितामा सो कार्यक्रम सम्पन्न भएको थियो ।
रौतहट,असार १० गते
रौतहटको मौलापुर नगरपालिकाका ५ जना वडा अध्यक्ष सहित कायृपालिका सदस्य र वडा सदस्यहरुले आइतबारको नगरसभा बहिष्कार गरेका छन् । नगरप्रमुख रिना कुमारी साह र प्रमुख प्रशासकिय अधिकृत रामबाबु साहले मनोमानी तरिकाले नगरसभा गर्न लागेको आरोप लगाउँदै १४ जना सदस्यले नगरसभा बहिष्कार गरेका हुन् । गत आर्थिक वर्ष २०७९।८० को आय व्यय विवरण सार्वजनिक नगरेको विभिन्न शीर्षकमा भएको खर्च सभा सदस्य लाई जानकारी नदिएको जस्ता आरोप बहिष्कार सदस्यले लगाएका छन् ।
आर्थिक वर्ष ०८०÷०८१ को बजेट बारेमा आफूहरु सँग छलफल समेत नगरी नगर सभा बोलाइ्एकाले बहिष्कार गर्नु परेको उनीहरुको भनाइ । नगर सभा बहिष्कार पछि पत्रकारहरु सँग कुराकानी गर्दै वडा नम्बर १ का वडा अध्यक्ष जयनाथ कुशवाहाले नगर सभा विरोध गर्नुको कारण बारे बताएका छन् । उनले भने आ.व.२०७९।८० को जुन नगर सभा भयो त्यस्को बजेट बारे आफूहरुलाइ थाहा नदिएको आरोप लगाए । हामी तिन महिना देखि बजेटको हिसाब किताब माग गर्दा कुनै सुनवाइ नगरेको गुणासो गरे । नगर सभा एकल ढंगले गर्न चाहेको र विपक्षीहरुलाइ मिचेर चल्ने,अन्य जनप्रतिनिधीहरुलाइ वास्ता नगरी बढीरहेको आरोप लगाए । वडामा भेला नै नगरी नगर सभा गर्न लागेको भन्दै विरोध गरेका छन् ।
त्यस्तै वडा नम्बर ८ का वडा अध्यक्ष शिवपर्सन यादवले नगर सभाको विरोधमा हामी यस कारण छौ कि पोहोर सालको बजेट पास गर्दा उपस्थितीमा मात्रै हस्ताक्षर गरे र बन्दीमा नगरेको खुलासा गरे । नगर प्रमुखले मनोपोली तरिकाले बजेट बाँडफाँड गर्ने गरेको आरोप लगाए । प्रत्येक वडामा १ करोडको सेलिङ्ग भएपनि बजेटको कुनै अतोपतो नभएको बताए । नगरपालिकाको बजेट नभइ व्यक्तीगत बजेट जस्तो गरिरहेको उनको आरोप छ । प्रमुख प्रशासकिय अधिकृत रामबाबु साह पनि नगरपालिकाको हाकिमको रुपमा काम नगरी व्यक्तीगत लेखनदासको रुपमा काम गरिरहेको आरोप लगाए ।
यता वडा नम्बर ९ का वडा अध्यक्ष श्यामकिशोर साहले नगर सभा विरोध गर्नु कारण बारे बताउँदै आ.व. २०७९।८० को निति तथा कार्यक्रममा विभिन्न शिर्षकमा बजेट ल्याएपनि उक्त शिर्षकमा काम नभएको ठोकुवा गरे । हिसाब किताब नदिएको कारणले नगरसभा बहिष्कार गरेको बताए ।
यस्तै वडा नम्बर ६ का वडा अध्यक्ष इश्वर दयाल यादवले निरंकुश शासन नगरपालिकामा लादन खोजेको आरोप लगाए । यसमा एकल निर्णय चल्ने गरेको कारण आफूहरु नगर सभा बहिष्कार गर्न बाध्य भएको प्रष्ट पारे ।
त्यस्तै वडा सदस्य नबल किशोर यादवले भने नगरपलिकामा कुनै सिस्टम नै नभएको आरोप लगाए । मौलापुर नगरपालिकाको गलत सिस्टमको विरोध गरेको बताए । उपप्रमुख नागेन्द्र यादवले आफूहरुलाइ धोखा दिएको आरोप लगाए । नगरपालिकाको बजेट जनहितमा नरहेको भन्दै आफूहरुले बहिष्कार गर्नुपरेको बताए । यस विषयमा नगरपालिका साँग प्रतिक्रिया लिन खोज्ला सम्पर्क हुन सकेको छैन् ।
रौतहट,असार १० गते
रौतहट प्रहरीले फरार प्रतिवादीलाइ गर्यो पक्राउ गरेको छ । पक्राउ पर्नेमा गौर न.पा. वडा नम्बर ३ बि.पी.चौक स्थितमा ज्यान मार्ने उधोग मुद्दामा फरार रहेका प्रतिवादी जिल्ला रौतहट फतुवा विजयपुर न।पा। वडा नंं. १ बस्ने शंकर प्रसाद यादवको बर्ष २५ को राकेश यादवलाई पक्राउ गरी आवश्यक कार्वाहीको लागी सम्मानित रौतहट जिल्ला अदालत गौर रौतहटमा बुझाईएको प्रहरीले जनाएको छ ।
त्यस्तै सम्मानित अदालतको फैसला कार्यान्वयन अन्तर्गत अदालतबाट कैद तथा जरिवाना सजाय भई हाल सम्म फरार रहेका प्रतिवादीलाई प्रहरी गस्ती टोलीले गस्ती गर्ने क्रममा बृन्दावन न.पा.वडा १ बिश्रामपुर टोल स्थितमा लागु औषध मुद्दामा फरार रहेका प्रतिवादी सोही ठाउँ वस्ने राम प्रसाद यादवको छोरा बर्ष ३२ को रमेश कुमार यादवलाई पक्राउ गरी आवश्यक कार्वाहीको लागी सम्मानित रौतहट जिल्ला अदालत गौर रौतहटमा बुझाईएको जिल्ला प्रहरी कार्यालयले जनाएको छ ।
यता सम्मानित अदालतको फैसला कार्यान्वयन अन्तर्गत अदालतबाट कैद तथा जरिवाना सजाय भई हाल सम्म फरार रहेका प्रतिवादीलाई प्रहरी गस्ती टोलीले गस्ती गर्ने क्रममा माधवनारायण न.पा.वडा नं.५ कटहरिया टोल स्थितमा ज्यान मार्ने उधोग मुद्दामा फरार रहेका प्रतिवादी सोही ठाउँ वस्ने चलितर सहनीको छोरा बर्ष ७६ को बैजनाथ सहनीलाई पक्राउ गरी आवश्यक कार्वाहीको लागी सम्मानित रौतहट जिल्ला अदालत गौर रौतहटमा बुझाईएको रौतहट प्रहरी प्रवक्ता प्रहरी नायब उपरिक्षक उमाशंकर यादवले जानकारी गराउनु भयो ।
रौतहट,असार १० गते
रौतहटमा लागु औषध ब्राउन सुगर सहित मानिस पक्राउ परेका छन् । शुक्रवार बेलुका ६ बजेको समयमा जिल्लाको चन्द्रपुर नगरपालिका वडा नम्बर ४ स्थितमा खटिएको प्रहरी टोलीले सवारी साधन तथा मानिस चेकजाँच गर्ने क्रममा उक्त मानिसलाइ पक्राउ गरेको हो ।
चेकजाँच गर्ने क्रमममा ना ५८ प ४२४६ नम्वरको स्पेलेण्डर मोटरसाईकल सहित चन्द्रपुर नगरपालिका वडा नम्बर ४ वस्ने बन्सीधर गुरौको छोरा वर्ष ३० को बिबेक गुरौलाई नियन्त्रणमा लिई निजको जिउ शरिर तलासी गर्दा उनको साथबाट अबैध लागु औषध ब्राउन सुगर जस्तो देखिने पदार्थ १.४६० ग्राम फेला परेको हो ।
उक्त लागु औषध ब्राउन सुगर बारामद गरी उनलाई पक्राउ गरी आवश्यक कारवाहीको लागी सम्मानित रौतहट जिल्ला अदालतबाट म्याद थप गरी आवश्यक अनुसन्धान भई रहेको जिल्ला प्रहरी कार्यालय रौतहटले जनाएको छ ।
मञ्जय राम, रौतहट, असार १० गते ।
रौतहटको गुजरा नगरपाकिला स्थित रहेको लामहा नदि अवरुद्ध भएका कारण विधालयको बस सहित विधार्थीहरु अलपलमा परेका छन् । आइतबार विहान करिब ९ः३५ बजेको समयमा लामहा नदिमा विधालयका बस तथा विधाथीएहरु करिब १ घण्टासम्म कुर्दै नदिको वारिपारी नै उदास भएर बसेका थिए ।
आज विधालय नै जान नसकले समेत संका हुँन थालेको एभर ग्रिन विधालय बालचनपुर कक्षा ४ मा अध्ययनरत रहेका सेक अहम्दले बताए । उनका अनुसार शनिवारको करिब १२ बजेदेखि नै सो नदिको बाटो अवरुद्ध भएको थियो । सोही विषयमा गुजरा नगरपालिकाका प्रमुख प्रशासकिय अधिकृत राजकुमार अधिकारी भन्छन् , हामीले सो समस्या बारे हिजो नै जानकारी प्राप्त भएको तथा नगर सभाका व्यस्तताका कारण यतातिर ध्यान नै गएन् ।
तर पनि हामीले यहाँ काम गरिरहेका जेसिबिलाई बाटो खुला गर्नका लागि भनेका थियौँ । तर, सो काम उनकै निगरानीमा आज विहान भएको हो ।
आरके श्रीवास्तव,रौतहट,असार १० गते
रौतहटको राजपुर नगरपालिकाले बजेट ल्याएको छ । आइतवार राजपुर नगरपालिकाले यस वर्ष जनमुखी योजना ल्याएको छ । राजपुर स्थित नगरपालिकाको सभाकक्षमा बजेट अधिवेशन बोलाईएको थियो ।
नगरपालिकाले सातौं नगरसभा बाट जनमुखी नीती र कार्यक्रम ल्याएको छ । धेरै उत्साहका साथ सम्पन्न भएको सातौं नगरसभा बाट राजपुर नगरपालिकाको जनताको मन जितने किसिमको निती तथा कार्यक्रम पारित गरेको हो । नगर प्रमुख डा.राजिक आलमले सो बजेट वक्तव्य पढेर सुनाउनु भएको थियो ।
नगरपालिका नगर कार्यपालिकाबाट पास गरेको निती तथा कार्यक्रम कार्यान्यवन गर्ने ४३ करोड भन्दा बढी बजेट विनियोजन गरेको हो ।
नगरको चौतर्फि विकासको लागि यसै चालु आर्थिक वर्ष २०८०।८१ का लागि ४३ करोड २१ लाख रुपैयाँको बजेट पारित गरिएको नि.प्रमुख प्रशासकिय अधिकृत बैजु ठाकुरले जानकारी गराउनु भयो ।
यस वर्ष शिक्षा, स्वास्थ्य, खेलकुद, कृषि, यातायात, खानेपानी तथा सरसफाइर्, विधुत, भौतिक पुर्वाधार निर्माण कार्य, पर्यटन तथा संस्कृति, लगाएतको विशेष प्राथमिकतामा राखी उक्त बजेट प्रस्तुत गरिएको ठाकुरले बताए ।
सो नगरपालिकाको चालु तर्फ २८ करोड ४३ लाख र पुँजीगत तर्फ १४ करोड ७८ लाख बजेटको आयको प्रक्षेपण गरिएको छ ।
सो अवसरमा उप प्रमुख जमिला असगरी,सबै वडाका वडाध्यक्षहरु, कार्यपालिका सदस्यहरु सहित सुरक्षकर्मी,पत्रकारहरूको उपस्थिती रहेको थियो ।
रन्धिर साह, रौतहट, असार १० गते ।
रौतहट । रौतहटको देवाहीगोनाही नगरपालिकाको सातौं नगर सभा कार्यक्रम आज आइतबार सम्पन्न भएको छ ।
संबिधानको नियम अनुसार आज अन्तिम पदन रहेको बजेट प्रस्तुती कार्यक्रममा आइतबार सबै पालिकाहरुले नगर सभा कार्यक्रम आयोजना गरि सम्पन्न गरेका छन्, भने धेरै जसो पालिकाहरुको समय थपिएको छ ।
सोही नियम अनुसार देवाही गोनाही नगरपालिकाले समयमै आफ्नो नगर सभा सम्पन गरेको हो । देवाही गोनाही नगरपालिकाका नगर प्रमुख प्रेमलाल साहको अध्यक्षतामा सम्पन्न भएको नगर सभाले, चालु आर्थिक वर्ष २०८० । ०८१ मा नगरको समग्र बिकासका लागि ४१ करोड ७२ लाख ८८ हजार ४ सय सहितको बजेट प्रस्तुत भएको छ । सो सिम्मा भित्र रही आव २०८० र ०८१ को निति, कार्यक्रम तथा बजेट प्रस्तुत गरेका छन् ।
चालु आर्थिक वर्षमा नगरको चौतर्फी बिकासका लागि देबाही गोनाही नगरपालिकाले आफ्नो ७ औं नगर सभाबाट ४१ करोड भन्दा बढीको बजेट पारित गरेको हो । नगर सभामा समानीकरण, शसर्त अनुदान, राजस्व ब्यब्स्थापन, आन्तरिक आय, शिक्षा, सिचाई, स्वास्थ्य लगायत गरी सो रकम प्रस्तुत गरेको थियो । यस वर्ष शिक्षा, स्वास्थ्य, कृषि, यातायात, खानेपानी, बिधुत, भौतिक पूर्वाधार निर्माण लगायतलाई बिशेष प्राथमिकतामा राखेर सो बजेट प्रस्तुत गरिएको प्रमुख प्रशासकीय अधिकृत शम्भु यादवले बताए । कार्यक्रममा नगरपालिकाकी उप प्रमुख परनिया देबि पटेलको बिशिष्ट आतिथ्य तथा ९ वटै वडाका जनप्रतिनिधि, कर्मचारी, सुरक्षाकर्मी, पत्रकार लगायतको सहभागिता थियो ।
रौतहट,असार १० गते
गरुडा नगरपालिकाकाको नवौं नगर सभा भब्यताका साथ आईतवार सम्पन भएको छ । “ समृद्ध नगर खुसि नगरबासि “ भन्ने मुल नाराका साथ कार्यक्रमका सम्पन्न भएको हो । नगर सभाका सभाअध्यक्ष तथा गरुडा नगरपालिकाका नगर प्रमुख कन्थमनि प्रसाद कलवारले गरुडा नगरपालिकाको आर्थिक वर्ष २०८०÷०८१ को संसोधित बजेट, कार्यक्रम तथा योजनाहरुको बिबरण प्रस्तुत गर्नु भएको थियो ।
प्रस्तुत संसोधित बजेट, कार्यक्रम तथा योजनाहरुको योजना पारित गर्नु भएको हो । नगरसभाले अगामी आर्थिक वर्ष २०८०र०८१ का लागि करिव ५५ करोड भन्दा बढीको बजेट प्रस्तुत गरेको छ । नगरको समग्र विकासका लागि ५५ करोड १६ लाख ३० हजार आयव्यय सहितको बजेट प्रस्तुत गरिएको हो ।
नगरप्रमुख कन्थमणी प्रसाद कलवारको अध्यक्षतामा आयोजना गरिएको कार्यक्रमको प्रमुख अतिथी मधेश प्रदेशका राज्यमन्त्री अबुलकलाम आजाद उर्फ फुलवावु द्वारा दिप प्रज्वलनको साथसाथै संयुक्त रुपमा रिवन काटेर नवौं नगरसभाको उद्धघाटन गर्नु भएको थियो । नीति कार्यक्रम एवं बजेट प्रस्तुत गर्दै गरुडा नगरपालिकाको नगर प्रमुख कन्थमनि प्रसाद कलवारले शिक्षा, स्वास्थ्य, कृषि, सडक,उधोग रोजगारी ,लघु उधम ,पशु सेवा ,महिला तथा बालबालिका ,अपाङ्ग ,दलित ,पिछडिएका वर्ग लगायतका पूर्वाधारहरुको विकासलाई प्रमुख प्राथमिकता दिएर अघि बढाउने विश्वास व्यक्त गर्नु भएको छ । नगर सभामा विभिन्न वडाका जनप्रतिनिधि, विभिन्न राजनैतिककर्मी, नागरिक समाज, सुरक्षा निकायका पदाधिकारीहरु लगायतका सर्वसधारण जनताको सहभागीता रहेको थियो ।
काठमाडौं, ११ असार । जनता समाजवादी पार्टी नेपालको बिधान अधिवेसन जारी रहेको छ ।
सो अधिवेसनको दोस्रो दिन अध्यक्ष उपेन्द्र यादवले प्रस्तुत गरेको बिधान माथी सोमवार १० समुहमा बिभाजन गरेर छलफल हुदैँछ ।
हिजो आइतवार अध्यक्ष यादवले मस्याैदा बिधान प्रस्ताव गरेका थिए, सोही प्रस्तावित बिधानमा आजवाट समुहगत रूपमा छलफल हुन लागेको हो ।
बैठकमा केन्द्रीय कमिटीका ४ सय १० सदस्य साथै प्रदेश र जिल्ला कमिटी, भ्रातृ संगठन लगायतबाट देशभरी तथा प्रवाससमेत गरी करिव ८०० प्रतिनिधिहरु सहभागी भएर समुहगत छलफल गर्न लागेका हुन ।
पुनः एकल नेतृत्वमा फर्काउने जसपा नेपालका बिद्यान पारित भएमा अध्यक्ष यादव पुनः शक्तिशाली हुनेछन् । बिद्यानले ७० बर्षे उमेर हदको ब्यवस्थाका साथै एक ब्यक्ति एउटै पदमा दुई कार्यकाल भन्दा बढी बस्न नपाउने जस्ता नयाँ ब्यवस्था राखेर बिद्यान प्रस्तुत गरिएको छ ।
