लन्डन,२७ असार ।
मो समयदेखि चलिरहेको रुस–युक्रेन युद्ध रोकिने नाम लिइरहेको छैन । यसैबीच युक्रेनलाई सहयोग गर्न बेलायत अगाडि आएको छ ।
बेलायती सरकारले युक्रेनलाई उपकरण मर्मत गर्न र सैन्य पुनर्वास केन्द्र स्थापना गर्न ५ करोड पाउण्ड सहायता प्याकेज उपलब्ध गराउने मंगलबार जनाएको छ।
जसअनुसार यस हप्ताको नाटाे सम्मेलनमा छलफल गरिनेछ, बेलायत र जी ७ सदस्यहरूले हजारौं थप राउन्ड च्यालेन्जर २ गोला बारुद र ७० भन्दा बढी रसद वाहनहरू प्रदान गर्नेछन्।
यी कार्यक्रमहरू युक्रेनका लागि नाटाेको व्यापक सहायता प्याकेज मार्फत जानेछन् र गठबन्धनका पुनर्स्थापना विशेषज्ञहरूले समर्थन गर्नेछन्, बेलायती सरकारले एक विज्ञप्तिमा भनेकाे छ ।
संयुक्त घोषणामा सबै जी ७ सदस्यहरूले हस्ताक्षर गर्ने अपेक्षा गरिएको छ । साे घोषणासँगै आगामी वर्षहरूमा युक्रेनलाई युद्ध अन्त्य गर्न सहयोगी राष्ट्रहरूले कसरी समर्थन गर्ने भनेर रूपरेखा तय गर्ने छन् ।
बेलायती प्रधानमन्त्री ऋषि सुनकले भने, “नेटो सदस्यताको मार्गमा युक्रेनको प्रगति, औपचारिक, बहुपक्षीय र द्विपक्षीय सम्झौताहरू र नाटो सदस्यहरूको अत्याधिक समर्थनले राष्ट्रपति पुटिनलाई बलियो सङ्केत दिनेछ र युरोपमा शान्ति फिर्ता ल्याउनेछ।”
वेल्स, २७ असार ।
बेलायतलकी एक नर्सले अस्पतालको पार्किङमा आफूसँग यौनसम्पर्क गर्ने क्रममा बिरामीकाे मृत्यु भएको घटना सार्बजनिक भएकाे छ ।
ती बिरामीसँगको सम्बन्ध राख्दै अाएकाे र याैन सबन्ध गर्दागर्दै बिरामीकाे मृत्यु भएकाे पता लागे पछि अस्पतालले उनलाइ जागिरवाट निकालिएकाे छ। साे क्रममा मृतकसँग एक वर्षभन्दा बढी समयदेखि सम्बन्ध रहेको नर्सले स्वीकार गरिन् ।
नर्सले बिरामीको यौनसम्पर्कका बेला मृत्युपछि पनि एम्बुलेन्स नबोलाएको आरोप लागेको थियो । भनिएको छ कि, जब मेडिकल आपतकालीन कर्मचारीहरु पार्किङ स्थलमा पुगेका थिए, उनीहरुले बिरामीलाई आंशिक रूपमा नग्न र निष्क्रिय रूपमा भेटेका थिए ।
ती बिरामीको वेल्सको अस्पतालमा डायलासिसको उपचार भइरहेको थियो र याैन सम्पर्क गर्दा गर्दै हृदयघातका कारण उनको मृत्यु भएको थियो। मिडिया रिपोर्टका अनुसार द टाइम्स यूकेका अनुसार बिरामीको मृत्यु कार्डियक अरेस्ट र क्रोनिक मृगौला रोगका कारण भएको थियो।
नर्सिङ एण्ड मिडवाइफरी काउन्सिल (एनएमसी) प्यानल समक्ष विस्तृत अनुसन्धान र परीक्षणको माग गरिएकाे थियाे ।
मिडिया रिपोर्ट अनुसार अभियुक्त नर्सका सहकर्मीहरूलाइमृतक बिरामीसँग उनको सम्बन्ध रहेकाे बारेमा थाहा थियो र उनीहरूमध्ये केहीले उनलाई गम्भीर परिणामहरूको चेतावनी पनि दिएका थिए। तर उनले यी सुझावहरूलाई बेवास्ता गर्दै निरन्तर याैन सम्पर्कका लागि बिरामीसँग सबन्धमा रहेकी थिइन् ।
नर्सले आफ्नो पेशाको मर्यादा मात्र उल्लङ्घन गरेकी थिइन्, एम्बुलेन्स नबोलाएर र डाक्टरलाइ पनि हृदयघात भएकाे बारेमा जानकारी नदिइ लुकाएकी थिइन । बरु, उनका साथीहरूले कारमा बिरामी छटपटिएकाे देखे पछि अरूलाइ बाेलाएका थिए ।
द टेलिग्राफका अनुसार, नर्सले भनिन् कि उनले कारको पछाडि ‘३० देखि ४५ मिनेट’ मात्र बिताएकी थिइन । उनले काउन्सिलमा दिएकाे बयान अनुसार साे क्रममा बिरामी एक्कासी कराउन थालेको र मृत्यु भएको बताएकी छिन्। सुरूमा सबन्ध अस्विकार गर्दै अाएकी ती नर्सले पछि भने ती बिरामी पुरुषसँगको सम्बन्ध स्वीकार गरेकी थिइन र आफूले त्यो रात यौनका लागि भेटेको पनि बताएकी थिइन ।
काठमाडौं, २७ असार ।
प्रधानमन्त्री पुष्पकमल दाहाल प्रचण्डकी धर्मपत्नी सीता दाहालको निधन भएको छ।
आज विहान ८ बजेर ३३ मिनेटमा प्रधानमन्त्री पत्नी सीताको निधन भएको हो ।
नर्भिक अस्पतालका प्रवक्ता सोमनाथा बाँस्तोलाका स्वास्थ्य अवस्था गम्भीर बने पछि सीता दाहाललाई आज विहान अस्पताल ल्याइएको र उपचारको क्रममा उनको ८ बजेर ३३ मिनेटमा निधन हुन गएको थियो ।
प्रधानमन्त्रीका प्रमुख स्वकिय सचिव रमेश मल्लको अनुसार पत्नी दाहालको पार्थिव शरिरलाई अन्तिम श्रद्धाञ्जलीका लागि पेरिसडाँडामा राखिने भएको छ । बिहान ११ बजे देखी १ बजेसम्म पेरिसडाँडामा श्रद्धाञ्जली कार्यक्रम सम्पन्न गरेर २ बजे अन्तिम दाह संस्कारका पशुपतिनाथ लगिनेछ ।
उनी नेकपा माअाेवादी केन्द्रकी सल्लाहकारसमेत हुन् । सीताकाे निधनसँग प्रचण्डले परिवारका तीन सदस्य गुमाएका छन् । यसअघि क्यान्सरका कारण जेठी छाेरी ज्ञानु र एक मात्र छाेरा प्रकाशलाइ गुमाएका थिए ।
काठमाडौं, २७ असार ।
प्रधानमन्त्री पुष्पकमल दाहाल प्रचण्डकी धर्मपत्नी सीता दाहालको निधन भएको छ।
आज विहान ८ बजेर ३३ मिनेटमा सीताको निधन भएको नर्भिक अस्पतालका प्रवक्ता सोमनाथा बाँस्तोलाले जानकारी दिएका छन । उनका अनुसार स्वास्थ्य अवस्था गम्भीर बने पछि सीता दाहाललाई विहान अस्पताल ल्याइएको र उपचारको क्रममा उनको ८ बजेर ३३ मिनेटमा निधन हुन पुगेको हो ।
अस्पतालमा अहिले प्रधानमन्त्री दाहाललगायत माओवादीका शीर्ष नेता अस्पतालमा छन्।
रमेश कुमार यादब असार २७,रौतहट
रौतहटको विर्ता चोकको नजिक मंगलबार साँझ बसको ठक्करबाट एकजना स्कुटी चालकको मृत्यु भएको छ । गरुडा नगरपालिका–८ पाल पेट्रोल पम्पस्थित चन्द्रनिगाहपुरबाट गरुडातर्फ जाँदै गरेको प्र २–०१–००१ च.००६३ नम्बरको म्याजिक जिपले विपरीत दिशाबाट आउँदै गरेको बिआर ३० डब्लु ७१३९ नम्बरको स्कुटीलाई ठक्कर दिँदा भारत जिल्ला सितामडी ग्राम पञ्चायत बरगिनिया–१३ का ३५ वर्षीय चन्दन कुमारको मृत्यु भएको हो ।
जिल्ला प्रहरी कार्यालयका प्रहरी निरीक्षक दिनेश कुँवरका अनुसार म्याजिकको ठक्करबाट गम्भीर घाइते चन्दनलाई उपचारका लागि गरुडास्थित हेल्थ ल्यान्ड हस्पिटलमा ल्याउने क्रममा बाटोमा मृत्यु भएको हो । प्रहरीले बस नियन्त्रणमा लिएको छ ।
घटनालगत्तै चालक फरार छन् । ठक्कर दिने म्याजिकलाई जाँच गर्दा फेला परेको ब्ल्युबुकमा सिरहा लहान–४ बस्ने जहिद अन्सारी र सवारी चालक अनुमतिपत्रमा अजिम अन्सारी लेखिएको प्रहरीले फेला पारेको छ । उक्त म्याजिक जीपको चालकको खोजी भइरहेको रौतहट प्रहरीले जनाएको छ ।
सागर संगम ठाकुर रौतहट ,अषाढ २६ गते
रौतहटको देवाही गाेनाही नगरपालिका वडा नं.९ धरहरीमा वडा भेला संम्पन भएको छ।वडा अध्यक्ष वीर बहादुर साहकाे अध्यक्षतामा प्रमुख अतिथि देवाही गाेनाही नगरपालिकाका नगर प्रमुख प्रेमलाल साह रहनु भएको थियो ।
आर्थिक वर्ष २०८०/८१ काे लागि बाेलाईएकाे वडा भेलाबाट नयाँ नयाँ योजना छनौट गर्नु भएकाे हाे ।मंगलबार भएको वडा स्तरीय बजेट अधिवेशनमा स्थानियहरुले राखेको विभिन्न याेजनाहरुकाे बारेमा प्रमुख अतिथि नगर प्रमुख प्रेमलाल साहले वडाकाे बजेटबाट सम्पुर्ण याेजना पूरा हुन नसकने भन्दै त्यसकाे लागि संघिय सरकार प्रदेश सरकार र स्थानीय सरकारको खाचो रहेको बताउनु भयो ।मेयर साहले धरहरीमा बिकास निर्माणका कार्य गर्न ठुलो बजेटकाे आवश्यक्ता रहेकाे भन्दै त्यसकाे लागि आफुले पनि पहलकदमी लिने बताउनु भयो ।
नगर प्रमुख साहले आफू निर्वाचित भएको एक वर्षको अवधिमा यस नगरमा किसानको लागि ७५ वटा बाेरिङ जडान गरिएको बताउनु भयो । त्यस्तै वडा नं.९ धरहरीमा बर्थीङ सेन्टर निर्माण गरिएको बताए ।त्यसतै नगर प्रमुख साहले यस आर्थिक वर्षमा नगर स्तरीय बजेटबाट धरहरी गाेनाही जाेडिएका मुख्य सडक देखि उत्तर तर्फ धरहरी र गाेनाहीका सिमाना जाेडिएका ठाउँ बाट नयाँ कृषि सडक निर्माण गरिने बताउनु भयाे । त्यस्तै वडा अध्यक्ष वीर बहादुर साहले गत आर्थिक वर्ष २०७९/८० वर्षमा पूरा हुन नसकेको याेजनालाई यस आर्थिक वर्षमा संम्पन गरिने बताए ।
कुल बजेट ५५ लाखमा बिषेश गरि कृषि सिचाइ शिक्षा स्वास्थ्य र नयाँ बाटाे निर्माण गरिने वडा अध्यक्ष साहले बताए ।गत आर्थिक वर्षका अधुरा कार्यलाई यस वर्षमा संम्पन गरिने र थप याेजनालाई प्रभावकारी बनाउने बताउनु भयो ।
वडा अध्यक्ष साहले श्री जय किसान नमुना माबिकाे पश्चिम पट्टी रहेको नहर भएर बेलवा टाेल सम्म नयाँ सडक निर्माण गरिने बताउनुभयो ।साहले गाउँका भित्री गल्लीका सडकहरुलाई थप ब्वस्थित गरिने बिजुली बत्तीको काम गरिने बताएका थिए ।
अध्यक्ष साहले बिधुत्त चुहावट नियन्त्रण गर्नकाे लागि आर्थिक अवस्था कमजोर भएका परिवारलाई नि:शुल्क बिधुत्त मिटर वितरण गरिएको बताउदै यसपालि किसानहरूको लागि खेतीयोग्य जमिनमा पाेल तारकाे काम गरिने बताउनु भयो ।साथै वडा अध्यक्ष साहले किसानलाई खेतीपाती गर्न मुख्य सडक नहुदा किसानहरुलाई निकै समस्या भाेग्दै आएको भन्दै त्यसकाे लागि खेतीयोग्य जमिन भएर नै नयाँ सडक निर्माण गरिने बताउनु भयो ।
धरहरीमा सिचाइकाे ब्यवस्था नहुदा किसानहरूले समयमा खेती गर्न नसकेको भन्दै यसपालि बाेरिङ जडान कार्य गराएको र बाकी रहेको बिजुली बत्तीको काम यस वर्ष संम्पन गरिने वडा अध्यक्ष वीर बहादुर साहले बताए ।
वडा भेलामा पुर्व गाबिस सचिव बिरेन्द्र कुमार गुप्ता ,शंकर साह कानु,हनुमान राय यादव,बिवेकान्नद साह,रामनरेश बैठा,रामसिघांसन साह, भुरेन्द्र पंडित भनिन्ने पवन पंडित,नन्दकिशोर यादव,वडा सदस्य गौरी शंकर पंडित लगाएत अन्य ब्यक्तिहरुले याेजनाबारे आफ्नो प्रस्तावहरु राखेका थिए ।कार्यक्रममा विभिन्न पार्टीका प्रतिनिधि र स्थानीयहरुकाे उपस्थित रहेको थियोे ।
आरके श्रीवास्तव,रौतहट,असार २६ गते
रौतहट । रौतहटको बृन्दावन नगरपालिकामा नव निर्मित दलित सामुदायिक भवनको उद्धघाटन गरिएको छ । प्रदेश सभा सदस्य एवम् मधेश प्रदेश सरकारका सामाजिक विकास राज्यमन्त्री अबुल कलाम अजाद उर्फ फुलबाबुले बृन्दावन नगरपालिका ८ बहुअरूरीमा निर्माण भएको दलित सामुदायिक भवनको उदघाटन गर्नुभएको छ ।
सामाजिक विकास मन्त्रालय सामाजिक विकास इकाइ मधेस प्रदेश सरकारको २० लाख रूपैयाँ सहयोगमा निर्माण भएको दुई कोठे सामुदायिक भवनको प्रमुख अतिथी बिधायक फुलबाबुले मंगलबार उद्धघाटन गर्नुभएको हो । उद्धघाटन कार्यक्रमको अध्यक्षता नेकपा एसका नेता एवम् मुस्लिम ईक्तेहाद संगठन मधेस प्रदेश अध्यक्ष सलामोदिन दर्जीले गर्नु भएको थियो । भने कार्यक्रम सञ्चालन कार्यपालिका सदस्य राजेश पासवानले गर्नु भएको थियो । स्वागत मन्तव्य बैधनाथ सहनीले राख्नु भएको थियो ।
उक्त ठाउँमा दलित सामुदायिक भवन निर्माणका लागि बृनदावन नगरपालिकाका कार्यपालिका सदस्य राजेश पासवानले विशेष पहलगरी प्रदेश सांसद फुलबाबुको बजेट बाट भवन निर्माण गराएका हुन् । यस अघि सो ठाउँमा सामुदायिक भवन नहुँदा विवाह,ब्रतबन्ध,छेका,तालिम,गोष्ठी लगायतका सामाजिक कार्यहरु गर्न समस्या हुने गरेको थियो । अब उपरान्त् उक्त समस्या हटने भएको छ । सो ठाउँमा सामुदायिक भवन निर्माण भएपछि स्थानियहरु हर्षित भएका हुन् ।
उद्धघाटन कार्यक्रमलाइ सम्बोधन गर्दै राज्यमन्त्री फूलबाबुले राम्रो काम गरे सबै पार्टीले सहयोग गर्ने बताउनु भयो । जसको प्रत्यक्ष उदाहरण सामुदायिक भवनको उद्धघाटन रहेको बताए । साथै उनले राम्रो काम गर्नेलाइ प्रोत्साहन गर्नुपर्ने धारणा राख्नु भयो । बहुअरीवासीले आफू सधैं सहयोग गर्दै आएको
स्मरण गराउँदै यस टोल लगायत आफनो क्षेत्रको विकासको लागि कुनै कसर बाँकि नराख्ने बताउनु भयो । सामुदायिक भवन निर्माण आफनो निर्वाचन क्षेत्रको उदाहरणिय काम रहेको बताउनु भयो ।
आगामी आर्थिक वर्ष २०८०।०८१ के लागि सो टोलमा करिब ४० देखि ५० लाख सम्मको योजना राखेको स्थानियहरुलाइ जानकारी गराउनु भयो ।
त्यसैगरी कार्यक्रममा बोल्दै बृन्दावन नगरपालिकाकी उपप्रमुख संगिता कुमारी रामले आफुलाइ आफनो हक अधिकार बाट बञ्चित गरिएता पनि जनताको काम लाइ अगाडी बढाउन हरसम्भव प्रयास गरिरहेको बताइत् । कार्यक्रममा अन्य वत्ताहरुले सो भवनमा एक तला थप्न माग माग गरेका थिए ।
उद्धघाटन कार्यक्रममा बृन्दावन नगरपालिकाका पूर्वनगर प्रमुख रामस्नेहि राय यादब ,समाजसेवी अरुण राम,बिभिन्न वार्डका वडाअध्यक्षहरु ,बुद्धजिवि ,नागरिक समाज लगायत पत्रकारहरुको सहभागिता रहेको थियो ।
काठमाडौं, २६ असार।
सोलुखुम्बुमा भएको मनाङ् एयरको हेलिकोप्टर दुर्घटनामा परी निधन भएकाहरूको शव काठमाडौं ल्याइएको छ। दुई वटा हेलिकोप्टरमार्फत् शव काठमाडौं ल्याइएको हो।
मंगलबार बिहान काठमाडौंबाट उडेको हेलिकोप्टर सोलुखुम्बुबाट फर्किने क्रममा लिखुपिके गाउँपालिका-५ लाम्जुरापास नजिक दुर्घटना भएको थियो। दुर्घटनामा पाइलट क्याप्टेन चेतबहादुर गुरुङ र पाँच जना म्याक्सिन नागरिकको मृत्यु भएको थियो।
सोलुखुम्बुको सुर्केबाट आज बिहान ९ बजेर ५२ मिनेटमा काठमाडौंका लागि उडेको कलसाइन ‘एनए-एमभी कलसाइन’ भएको हेलिकोप्टर बिहान १० बजेर १ मिनेटपछि टावरसँग सम्पर्कविहीन भएको थियो।
जनकपुरधाम, २६ असार ।
६ जनाको ज्यान जानेगरी मंगलबार भएको मनाङ एयरको हेलिकप्टर दुर्घटनाबारे अध्ययन गनए छानबिन समिति गठन गरिने भएको छ ।
मंगलबार बिहान सोलुखुम्बुको सुर्केबाट काठमाडौंका लागि उडेको नाइनएनए–एमभी कलसाइन भएको हेलिकप्टर लाम्जुरापास क्षेत्रमा दुर्घटनाग्रस्त अवस्थामा भेटिएको थियो । उक्त हेलिकप्टरमा सवार सबै ६ जनाको मृत्यु भएको छ ।
सोही दुर्घटनाबारे अध्ययन गर्न छानबिन समिति गठन गरिने संस्कृति संस्कृति, पर्यटन तथा नागरिक उड्डययनमन्त्री सुदन किरातीले जानकारी दिए ।
मंगलबार जनकपुरधाममा आयोजित नेपाल विद्यापति मैथिली पुरस्कार अर्पण समारोहपछि सञ्चारकर्मीहरुसँग कुरा गर्दै उनले हेलिकप्टर दुर्घटनाको अध्ययन गर्न छानबिन समिति बनाउने बताएका हुन् । उनका अनुसार मंगलबार वा बुधबारसम्ममा छानबिन समिति गठन गरिनेछ ।
सो हेलिकप्टर दुर्घटना हुँदा पाँचजना मेक्सिकन नागरिकको मृत्यु भएको छ भने एकजना नेपाली क्याप्टेन चेत गुरुङको निधन भएको छ ।
विराटनगर । सोलुको लाम्जुरा पासमा भएको हेलिकप्टर दुर्घटनामा ५ जनाको मृत्यु भएको छ । एक जनाको अवस्था खुल्न सकेको छैन ।
सोलुखुम्बुका प्रमुख जिल्ला अधिकारी वसन्तकुमार भट्टराईले हेलिकप्टरमा सवार ५ जनाको शव भेटिएको बताए । उनले ५ जनाको मृत्यु भइसकेको जानकारी दिए । एक जनाको अवस्था भने अज्ञात रहेको उनले बताए ।
हेलिकप्टरमा आगो लागेका कारण मृतकको पहिचान खुलेको छैन । मनाङ एयरको हेलिकप्टरमा ५ जना मेक्सिकन यात्रु सवार थिए ।
लाम्जुरामा भएको दुर्घटना स्थल ३६ सय ३४ मिटरको उचाइमा रहेको छ । स्थानीयले बेपत्ताको खोजी गरिरहेका छन् ।
