मुकेश कुमार यादव, सिरहा १२ भदौ।

पत्रकार महासंघ सिरहा शाखाका निवर्तमान अध्यक्ष दिनेश्वर प्रसाद गुप्तामाथि नवराजपुर गाउँपालिकामा भएको सांघातिक आक्रमण प्रति प्रेस सेन्टर नेपाल सिरहाको गम्भिर ध्यानाकर्षण भएको छ।

नवराजपुर गाउँपालिका ३ फूलबरिया गाउँमा रिपोर्टिङ् गर्न गएका मध्ये नेपाल पत्रकार महासंघ सिरहाका निवर्तमान अध्यक्ष समेत रहनुभएका पत्रकार गुप्तामाथि भएको सांघातिक आक्रमण, दुरव्यवहार तथा मोबाइल लुटपाट घटनाप्रति सेन्टरको ध्यानाकर्षण भएको हो।

सेन्टरका जिल्ला सचिव मुकेश कुमार यादवद्वारा जारी विज्ञप्तीमा घटनामा संलग्न व्यक्तिहरुलाई तत्काल पक्राउ गरी कानुनी कारवाही सहित पत्रकार गुप्ताको लुटिएको मोवाइल तत्काल फिर्ता गराउन प्रशासन समक्ष जोडदार माँग गरेको छ।

नेपाल सरकारको स्वामित्वमा रहेको फूलबरीया पोखरीमा सोमबार दिउँदो गाउँपालिकाले ठेक्का लगाएको पोखरी खाली गराउन माछा मारिरहेको निषयमा रिपोर्टिङ् गर्न पुगेका पत्रकार गुप्तामाथि सांघातिक आक्रमण, दुरव्यवहार र मोवाबाईल लुटपाट भएको थियो।

माछा मार्ने क्रममा पोखरीमा सरकारको स्वामित्व दावी गरिरहेको पक्ष र गाउँ पालिका कार्मचारी, नेपाल प्रहरी, सशस्त्र प्रहरीबीच घम्साघम्सी परिरहेको दृश्य पत्रकार गुप्ताले मोबाईलबाट फोटो, भिडियो खिच्दै गर्दा ‘किन फोटो, भिडियो खिचेको’ भन्दै गरेको आक्रमण कारीहरुले सांघातिक हमला गरेका थिए।

पछिल्ला दिनहरुमा पत्रकारीता असुरक्षित बन्दै गएको छ। पत्रकारमाथि दिनहुँजसो प्रहरी प्रशासन र अन्य क्षेत्रबाट पनि आक्रमण र दुव्यवहार हुँदै आएको छ।

सागर संगम ठाकुर ,रौतहट ,भदौ ११ गते

रौतहटको प्रसिद्ध एवं धार्मिक स्थल शिवनगरधाममा सावन सोमवारी महोत्सव २०८० संम्पन भएको छ । जिल्लाको चर्चित एवं पर्यटकीय स्थलको रुपमा रहेको शिवनगरधाममा पहिलोपटक सावन सोमवारी महोत्सव २०८० आयोजना गरिएको थियो । गरुडा नगरपालिकाको आर्थिक सहयोग तथा समाज बिकास केन्द्र गरुडा नगरपालिका वडा नं.१ को आयोजना र निराला जेनरल स्टोरको सह–आयोजनामा शिवनगरमा महोत्सव संम्पन भएको हो ।

सावन महिनाको सोमबारी शुरु भए संगै टिकटक कलाकारहरुले साँस्कृतिक कार्यक्रम मार्फत आफनो प्रस्तुति प्रस्तुत गरिदै आएका थिए । रौतहट जिल्लाका शुःप्रसिद्ध टिकटक कलाकार राजकुमार साह र एमएल पटेलको मुख्य भुमिकामा देशका ख्यातिप्राप्त टिकटक कलाकारहरुले प्रत्येक सोमवारको दिन साँस्कृतिक कार्यक्रम मार्फत आफ्नो प्रस्तुतिहरु प्रस्तुत गर्दै आएको थियो । महोतस्वमा आयोजकले गएको भदौ ४ गते गरुडा नगरपालिकाका नगर प्रमुख कन्थमणी प्रसाद जयसवाललाई प्रमुख अतिथिको रुपमा आमन्त्रित गरेको थियो भने बिशिष्ट अतिथीको रुपमा भोजपुरी फिल्म कब होई मिलनवा हमारको निर्माता एव निर्देशक नन्दु श्रीवास्तवलाई आमन्त्रण गरेको थियोे । कार्यक्रममा प्रमुख अतिथि जयसवाल र बिशिष्ट अतिथि श्रीवास्तवले बिभिन्न कलाकारहरुलाई गम्छा ओढाई प्रशंसा पत्रले संम्मान गरेको थियो । त्यस्तै बिभिन्न राजनितिक दलका नेताहरुलाई पनि प्रमुख अतिथी र बिशिष्ट अतिथिले संयुक्त रुपमा सम्मान पत्रले सम्मान गरिएको थियो ।

सम्मानित हुनेमा युवा नेता राजकुमार दास,कौशल खान मिथिला सोभी सहनी, गरुडा नगरपालिका वडा नं. १ जयनगरका पुर्व वडा अध्यक्ष सरोज यादव लगाएत अन्य नेताहरु थियो । टिकटकका प्रसिद्ध कलाकार सोमिया पोखरेल, रचना सिवाकोटी, राजकुमार साह र अन्य कलाकारहरुले अ–आफ्नो प्रस्तुति प्रस्तुत गरेकोे थियोे । भदौ ११ गते भएको अन्तिम सोमबारी महोतस्वमा स्थानिय कलाकारहरुले झाकीं प्रर्दशन गरेको थियो भने बिरगंज,काठमाण्डौं,जनकपुर,सिरहा लगाएतका ठाउँबाट कलाकारहरु आफनो प्रस्तुति दिन शिवनगरधाम आएका थिए ।

कलाकारहरुले झाकी मार्फत शिव लिला,कमेडी चुटकुला,धार्मिक गितको साथै मधेशबाट लोप हुन लागेको धेरै पर्वहरुको बारेमा प्रस्तुति प्रस्तुत गर्नु भएको थियो । समापन कार्यक्रममा समाजसेवी चर्चित युवा प्रवेज आलमलाई सम्मानपत्र र मौलापुर एफएमका समाचार प्रमुख सागर संगम ठाकुर, संस्कार एफएम कलैया बाराका स्टेशन मैनेज राधेश्याम पाण्डेलाई गम्छा र मयाँको चिन्होले सम्मान गरेका थियो ।

हुनमत कुमार यादव,गाैर,११ गते भदौ ।

रौतहटको विभिन्न शिवालयमा सैकडौ भक्तहरु द्वरा जल अभिषेक गरिएको छ । जिल्ला विभिन्न शिवालयमा तिथि अनुसार चलिरहेको सवानको पावन महिनामा गरिने सोम्वारी व्रत आज अन्तिम दिन रहेको थियो । भक्तहरु बाजागाजा साथ नदि बाट जलबोझि गरि शिवालयमा जल अभिषेक गरेका छन् । आज जिल्लाको मुख्य ठाउँहरु जस्तै राजदेवी नपा.७ मुडवलवा, राजदेवी नपा.८ लक्ष्मिपुर बेलबिछवामा श्री रामजानकी मठको आयोजन द्वरा जल अभिषेक कार्यक्रमको आयोजनागरिएको थियो । त्यस्तै जिल्लाको सदर मुकाम गौर नपा .२ महादेवपट्टी, गरुडा नपा को शिवनगर शिवालयमा जल अभिषेक सहित संस्कृतिक कार्यक्रमको आयोजना रहेको थियो । वर्षको सवान महिना शिवलिङ्गमा जल अभिषेक गर्दा मनमा सोचेका मनोकामना पुरा हुने , जीवनमा सुख शान्ति मिल्लने , धन प्राप्ति हुने जस्ता धर्म ग्रन्थहरुमा मान्यता रहेको छ ।

ओम प्रकाश यादव गरुडा, भदौ ११ गते, रौतहट ।

रौतहटको गरुडा नगर उद्योग वाणिज्य संघको अध्यक्ष पदका उम्मेदवार सतिश साहले आफनो जित कसैले रोक्न नसक्ने दावी गरेका छन् । आफु सम्पूर्ण उद्योगी एवं व्यापारीको इच्छा र चाहना अनुसार नै उम्मेदवारी दिएकोले आफनो विजयी चाहेर पनि कसैले रोक्न नसक्ने साहले बताएका छन् । गरुडा स्थित आफनै निवासमा सोमवार पत्रकारहरुसंग कुरागर्दै अध्यक्षका उम्मेदवार सतिश साहले व्यापारीको राय, सुझाव र सल्लाहकै आधारमा आफु गरुडा नगर उद्योग वाणिज्य संघको अध्यक्ष पदमा उम्मेदवारी दिएको बताए । आफु सहित आफना पुरै प्यानललाई नै विजयी गराउन व्यापारीहरु निकै आतुर रहेकोले आफनो जित सुनिश्चित रहेको उनले बताए ।

उद्योगी, व्यापारीको अपार साथ तथा सहयोग रहेकोले आफु बहुमत सहित निर्वाचित हुने उनले दावी गरे । गरुडा नगरका ७० प्रतिशत उद्योगी व्यापारी आफनो पक्षमा रहेको दावी गर्दै उनले निर्वाचनमा आफु सहित आफना पुरै प्यानल नै दुई तिहाई भन्दा बढी मतले निर्वाचित हुने साहको दावी छ । आफना पक्षमा व्यापक जनलहर रहेकोले जस्तो सुकै निती अपनाएर भएपनि निर्वाचन आफनो पोल्टामा पार्न सक्षम हुने उनले बताए । पत्रकारहरुसंगको कुराकानीमा उनले अघि भने, ‘यो चुनावमा मेरो जित निश्चित छ, किनभने विगत १२ वर्षदेखि मैले यस संस्थामा कार्यरत रही व्यापारीहरुको समस्या सुल्झाउँदै आएको छु । व्यापारीको पीडाहरूलाई कम गर्न लागि पनि मेरो उम्मेदवारी महत्वपूर्ण रहेको बताउँदै साहले आफु चुनाव जिते गरुडा नगरको समृद्धिमा कायापलट नै गर्ने बताए ।

गरुडा नगर उद्योग वाणिज्य संघको नयाँ नेतृत्व चएनका लागि यहि भदौ १८ गते निर्वाचन हुँदै छन् । संघका निवर्तमान अध्यक्ष हरेन्द्र चौधरीले आफना कार्यकालमा लाखौं लाख रकम आर्थिक अनियमितता गरेकोले उनको व्यवहारबाट आजित भएका व्यापारीहरु अध्यक्ष हरेन्द्र चौधरीले समर्थन गर्ने उम्मेदवारलाई कुनै हालतमा मत नदिने पक्षमा रहेकोले आफनो जित निकै सहज हुने उनको ठम्याई छ । एक पटक गरुडा नगर उद्योग वाणिज्य संघको नेतृत्व आफना बुवा योगेन्द्र साहले सम्हालिसकेको उदाहरण दिदै सतिश साहले आफना बुवाले उद्योगी व्यापारीहरुको पक्षमा गरेको राम्रा कामको आधारमा अध्यक्षमा एक पटक आफुलाई पनि साथ दिनेमा विश्वस्त रहेको उनले बताए । आफना पक्षमा व्यापक जनसमर्थन रहेकोले आफनो जित चाहेर पनि कसैले रोक्न नसक्ने उनले बताए ।

लमजुङ ११ भदौ ।

आफूलाई सहकारीको मान्छे भन्दै सर्वसाधारणलाई ठगेको आरोपमा एकजना पक्राउ परेका छन् । लमजुङको बेसीशहर नगरपालिका वडा नं.२ चिसापानी बस्ने पञ्चबहादुर परियारलाई प्रहरीले पक्राउ गरेको हो ।

प्रहरीले चेक बाउन्सको आरोपमा पक्राउ गरेको हो । तर, उनी आफू सहकारीको कर्मचारी हूँ भन्दै सहकारीमार्फत् ऋण मिलाइ दिन्छु भन्दै रकम ठगी कार्यसमेतमा संलग्न रहेको खुलेको प्रहरीले जनाएको छ ।

परियारले पोखरा लगायत विभिन्न स्थानमा  सर्वसाधारणलाई आफू बेसीशहरमा रहेको कृषक जागरण बचत तथा ऋण सहकारी संस्थाको कर्मचारी भन्दै ठग्ने गरेको खुलेको छ ।  सोझा सिधालाई सहकारीबाट ऋण मिलाइदिने भन्दै ठग्दै आएका उनले पैसा लिएर सम्पर्कमा नआएपछि पीडितहरूले सहकारी संस्थामा जानकारी गराएपछि यो कुरा खुलेको हो ।

उनले पोखराका अर्जुन पुन र सावित्रा पौडेल अधिकारीलाई ठगी गरेको सूचना आएको कृषक जागरण बचत तथा ऋण सहकारी संस्थाका प्रमुख कार्यकारी अधिकृत राम दिक्षितले जानकारी दिए ।

दिक्षितका अनुसार परियारले पुनसँग २२ हजार र अधिकारीसँग ४ लाख रुपैयाँ ठगी गरेका छन् । परियारले विभिन्न व्यक्तिलाई ऋण मिलाइ दिन्छु भन्दै सनराइज बैंकमार्फत् पैसा माग्ने गरेको र पीडितहरूले ऋण नपाएपछि सहकारीमा जानकारी गराएपछि यसबारेमा थाहा पाएको प्रमुख कार्यकारी अधिकृत थापाले बताए । परियारले अरू धेरै जनाबाट लाखौं ठगी गरेको हुन सक्ने बताए ।

पक्राउ परेका परियार हाल लमजुङ प्रहरीको हिरासतमा छन् । उनीविरूद्ध थप १५ जनाले आफूहरूलाई ठगि गरेको भन्दै जिल्ला प्रहरी कार्यालय लमजुङमा उजुरी दिइसकेका छन् ।

आरके श्रीवास्तव,रौतहट,भदौ १० गते ।
गरुडा नगर उधोग वाणिज्य संघका अध्यक्ष पदका उम्मेदवार संतोष कुमार चौधरीले बहुमत आफनो पक्षमा रहेको भन्दै जित सुनिश्चित रहेको दाबी गरेका छन् । आफनो पक्षमा अपार बहुमत रहेकोले आफनो जित कसैले रोक्न नसक्ने अध्यक्षका उम्मेदवार चौधरीको दावी छ ।
चौधरीले पत्रकारहरुसंग कुरागर्दै अघि भने, मेरो जितको अवस्था सुनिश्चित छ । मलाई जिताउनका लागि सबै व्यापारी एकढिक्का भएर लागेका छन् । त्यसकारण म जित्छु भन्ने भान भएको छ । मलाई आर्थिक समृद्धिका बारेमा निकै अनुभव पनि छ । मेरो पक्षमा विगतका दिनदेखि महासंघलाई बुझेका निकै लामो समयदेखि जिम्मेवारीमा बसेका व्यक्तिहरू रहेका छन् ।
उनले अघि भने, ‘म व्यापारीको मर्म, भावना र समस्याहरू राम्रोसंग बुझेको छु । त्यसैले व्यापारीहरु मलाई अवश्य बहुमत दिएर विजयी गराउँछन, उनले भने, ।’
त्यस्तै अर्का उम्मेदवार सतिश साहले पत्रकारहरुसंगको कुराकानीमा भने, ‘यो चुनावमा मेरो जित निश्चित छ, किनभने विगत १२ वर्षदेखि मैले यस संस्थामा कार्यरत रही व्यापारीहरुको समस्या सुल्झाउँदै आएको छु । व्यापारीको पीडाहरूलाई कम गर्न लागि पनि मेरो उम्मेदवारी महत्वपूर्ण रहेको बताउँदै साहले आफु चुनाव जिते गरुडा नगरको समृद्धिमा कायापलट नै गर्ने बताए ।
साथै उनले आफू कुनै पार्टीको उम्मेदवार नभइ व्यपारीहरुको पार्टी रहेको बताएका छन् ।
एक अध्यक्ष र १३ जना सदस्य पदका लागि हुने निर्वाचनमा कुल ३३ जनाले चुनावी मैदानमा उत्रिएका छन् । भदौ १८ गते हुने संघको निर्वाचनमा कुल ९ सय ५२ जना मतदाता मतदान गर्न पाउने छन ।

लालबन्दी,भदौ १० गते ।

गायक सन्तोष दाहालको उडायो सपना बोलको आधुनिक गीतको म्युजिक भिडियो सार्वजनिक भएको छ । गायक दाहालको शब्द, संगीत तथा स्वरमा जिनियस म्युजिक कम्पनीबाट म्युजिक भिडियो सार्वजनिक भएको हो । अडियो भने केहि दिन अघि नै म्युजिक नेपालले सार्वजनिक गरेको थियो । दाहालले नेपालमै पहिलो पटक राति जोगीले बजाउने फेरीबाजाको प्रयोग गरेर गीत सार्वजनिक गरेको दाबि गरेका छन । उनले हालसम्म यो बाजा प्रयोग गरि कुनै पनि संगीत सिर्जना नगरिएको बताए । करिव एक दर्जन गीत सार्वजनिक गरिसकेका दाहालको मेचीको कसम, कालिको कसम बोलको स्वदेस गीत र मिडिया रे बोलको गीत अत्यधिक चर्चामा छन ।

लमजुङ ११ भदौ ।

लमजुङ स्थायी घर भई जागिरको शिलसिलामा विभिन्न देशमा पुगेका १८ जनाले नेपाली नागरीकले नागरीकता त्याग गरेका छन् ।

जिल्ला प्रशासन कार्यालय लमजुङबाट नेपाली नागरीकता लिएका मध्ये १८ जनाले नेपाली नागरीकता त्याग गरेका हुन्को ।

जिल्लामा २०७४ र २०७८ सालमा सबै भन्दा धेरै नागरीकता त्यागनेको संख्य रहेको पाइएको छ । उक्त समयमा पाँच÷पाँच जनाले नागरीकता त्यागेका छन् । त्यसै गरी जिल्लामा २०७३ सालमा २ जना, ०७५ सालमा एक जना, ०७९ सालमा २ जना र ८० सालको हाल सम्म ३ जनाले नागरीकता त्याग गरेको जिल्ला प्रशासन कार्यालयका सुचन अधिकारी जगदीश मिश्रले जानकारी दिए ।

अन्य देशको नागरिकता लिनका लागि नेपाली नागरीकता अनिवार्य त्याग्नु पर्ने भएकोले नेपालीहरुले नेपाली नागरीकता त्याग गर्ने पाइएको जिप्रकाका सुचना अधिकारी मिश्रको भनाई छ ।

लामो समयदेखि वैदेशिक रोजगारीका साथै डिभी र पिआर लिएर विदेश बसेका र विदेशी नागरिकसँग वैवाहिक सम्बन्ध कायम गरी बसेकाहरूले पनि नागरिकता त्याग गरेको उनले बताए । त्यसै गरी जिल्लाबाट नयाँ नागरिकता लिने भन्दा नागरिकताको प्रतिलिपि लिने धेरै रहेको पाइएको छ । जिल्ला प्रशासन कार्यालय लमजुङकाबाट आर्थिक वर्ष ०७९/०८० मा ६ हजार ४ सय ४५ जनाले नागरिकताको प्रतिलिपि लिएका छन् ।

गतवर्ष नै वंशजको आधारमा नयाँ नागरिकता लिनेको संख्या ५ हजार ८ सय ७४ रहेको जिल्ला प्रशासन कार्यालय लमजुङका सूचन अधिकारी जगदिश मिश्रले बताए । अघिल्लो आर्थिक वर्ष २०७८/०७९ मा ४ हजार ५ सय ५४ जनाले नागरिकताको प्रतिलिपि लिएका थिए । सो वाहेक ७ हजार ५ सय ५८ जनाले बंशजको आधारमा नयाँ नागरिकता लिएको र चार जनालाई बैबाहिक अगिकृत नागरिकता वितरण गरेको जिल्ला प्रशासन कार्यालयको तथ्यांक छ ।

त्यसैगरी गत आर्थिक वर्ष ०७९/०८० मा तीन सय नाबालक परिचयपत्र वितरण गरिएको छ । गत वर्ष नै २३ हजार ७ सय ५९ जनाले राष्ट्रिय परिचयपत्र विवरण दर्ता गरेको सुचना अधिकारी मिश्रले जानकारी दिए ।

मुकेशकुमार यादव ,सिरहा, १० भदौ ।

सिरहाको नरहा गाउँपालिका–५ बर्छवास्थित जनता बनबाली माध्यामिक विद्यालय (प्राविधिक) कार्यालय भवन निर्माण कार्य अवरुद्ध भएको छ ।  राजनीतिक प्रतिशोधका कारण गाउँपालिका अध्यक्ष रामप्रमोद यादवमाथि निर्माण कार्य अवरुद्ध गरेको आरोप छ ।

जनता बनबाली माध्यामिक विद्यालय (प्राविधिक)को नमुना गुरु योजनाअनुसार सबै रीत पुर्‍याएर निर्माण कार्य भइरहेको कार्यालय भवनमा गाउँपालिका अध्यक्ष यादवले राजनीतिक प्रतिशोधका कारण निर्माण कार्यमा रोक  लगाएको विद्यालयका प्रधानाध्यापक राम ईश्वर यादवले आरोप लगाएका हुन् ।

जनप्रतिनिधिले नै पास गरेको नमुना गुरुयोजनाअनुसार तोकिएकै ठाउँमा सबै प्रक्रिया पुर्‍याएर ठेकेदार कम्पनीमार्फत् भवन निर्माणकार्य भइरहेका बेला राजनीतिक प्रतिशोधका कारण निश्चित व्यक्तिहरुले गरेको अवरुद्धलाई बल पुग्नेगरी गाउँपालिका अध्यक्ष यादवले ठाडो आदेश गरि निर्माण कार्यमा रोक लगाएका छन् ।

विद्यालयको आम भेला र विद्यालय व्यवस्थापन समितिको निर्णय र विद्यालयको नमुना गुरुयोजनामा उल्लेख भएको ठाउँमै भवन निर्माण गरेको भए पनि व्यक्तिगत र राजनीतिक प्रतिशोधका कारण निर्माण कार्यमा अवरुद्ध गरेको विद्यालयका प्रधानाध्यापक रामईश्वर यादवको आरोप छ ।

‘अघिल्लो पटकको कार्यपालिकाबाट नमुना विद्यालय गुरुयोजना पारित भएको हो, सोही योजनाअनुसार नमुना विद्यालय स्वीकृत भई योजनाहरु परेका हुन् ।  सोही योजनाअनुसार काम भईरहेको छ। सबै प्रकृया पुर्‍याएर निर्माण कार्य हुँदाहुँदै निश्चित व्यक्तिको वहकाबमा पालिका अध्यक्षले समेत लिखित रुपका रोक्का गर्न आदेश गरिएको हो,’ उनले थपे, ‘प्रशासनिक काममा पनि गाउँपालिका अध्यक्षले राजनितिक हस्तक्षेप गर्नु दुखद् हो ।’

कार्यालय भवनको जगको निर्माणकार्य भइरहेकै बेला पूर्व गाउँ पालिका अध्यक्ष रामशरण यादवसहित व्यक्तिहरुले निर्माण कार्य अवरुद्ध गरेका थिए । उनीहरुलाई नै बल पुग्नेगरी वर्तमान गाउँ पालिका अध्यक्ष रामप्रमोद यादवले गत साउन २४ गते विद्यालयको नाममा ‘प्रस्तुत विषयमा तहाँ विद्यालयमा निर्माणाधीन भवनको सम्बन्धमा विवाद रहेको हुँदा विवाद समाधान नहुन्जेलसम्मको लागि निर्माणकार्य रोक्का राख्नु हुन जानकारी गराइन्छ’ भन्ने व्यहोराको पत्र पठाएका छन् ।

निर्माणकार्य किन रोक्का गराएको भनि अध्यक्ष यादवसँग प्रतिक्रिया माग्दा उनले भने, ‘भवन निर्माणको विषयमा विवाद छ । विवाद झडपमा परिणत हुने सम्भावना देखेर मैले तत्काल निर्माण कार्य रोक्न भनेको हुँ ।’

उनले पूर्वअध्यक्षले शिलान्‍न्‍यास गरेको ठाउँमा नबनाई प्रधानाध्यापकले मनपरी तरिकाले निर्माण कार्य गरेकोले समस्या आएको उनले बताए। उनले भने, ‘प्रधानाध्यापकले पहिला शिलान्‍न्‍यास भइसकेको ठाउँमा निर्माण नगरेर अन्यत्रै निर्माणकार्य गरेको छ। त्यही विषय अहिले विवादको जड बनेको छ ।’

रौतहट ०९,भाद्र
गरुडा नगरपालिकाका नगरप्रमुख कन्थमणी प्रसाद कलवार विरुद्ध झुटो प्रचारवाजी भएको बताएका छन । गरुडा नगरपालिका केहि वडाका अध्यक्षहरुले बिभिन्न मिडियामा गएर गलत प्रचारवाजी गरेको मेयर कलवारले बताएका हुन् । मेयर कलवारले आफै उपभोक्ता समिती बनेर पैसा निकालेको लगायतका बिषयमा वडा अध्यक्षहरुले झुटो मिडियावाजी गरेको उनको भनाई छ ।
उनले वडा अध्यक्षहरुले निकालिएको भनिएको रकम आ.व २०७७÷०७८ को भएको बताएका छ्न । तत्कालीन मेयर इनु राय यादवको पालामा दुर्गा मंदिर निर्माण गर्न २२ लाख रकम छुट्याईएको थियो । त्यस समय अहिलेका मेयर जयसवाल दुर्गा मन्दिर समितीका अध्यक्ष थिए । तत्कालीन मेयर यादवकै पालामा हालका मेयर कन्थमुनि प्रसाद कलवारको अध्यक्षतामा दुर्गा मंदिर उपभोक्ता समिति बनी निर्माणधीन कार्य भएको थियो । जसको भुक्तानी २०७९ मा भएको थियो । यस्तै मेयर कलवारलाई मोबाइल खरिदमा लगाईएको आरोपको समेत खण्डन गरेका छन । उनले नगरपालिकाबाट वडा अध्यक्षहरुले मोवाईल खरिदमा मेयरले एकलौटी निर्णय गरेको भनिएको कुरामा समेत कुनै सत्यता नरहेको बताएका छन । उनले नगरकार्यपालिकाको बैठक बसी गरिएको निर्णयलाई मेरो एकलौटी भनी गरिएको प्रचारले आफु अचम्मित भएको सुनाए । उनले वडाअध्यक्षहरुले कुनै जनताको लागी नभई आफ्नो स्वार्थको निमित्त बिरोध गरिरहेको समेत आरोप लगाए । अहिलेको बिरोधको जड बजेट रहेको समेत उनले बताए । मेयर कलवारका अनुसार वडाअध्यक्षहरुले आफ्नो खुसी बजेट मागेको र आफुले जनताको अति आवश्यकको कुराको लागी बजेट निर्धारण गर्ने बताएपछी बिरोध गरेका हुन । जनता भन्दा पनि वडाअध्यक्षको बिरोध आफ्नो स्वार्थको निमित्त रहेको बताएका छन । चर्चामा आउन र आफ्नो स्वार्थ पुरा गर्न बदनाम गर्ने षड्यन्त्र धेरै दिन र धेरै बेर नटिक्ने समेत मेयर कलवारको भनाई छ । उनले आफु सधै जनताको मुल समस्याको जड पता लगाई समाधान गर्नेमा कृयाशिल रहेकोले भ्रामक कुराको पछाडि नलाग्न समेत अनुरोध गरेका छन ।