बारा, ६ असोज ।

बारामा बोल्न नसक्ने बालिका बलात्कृत भएकी छन् । बालिकालाई जबरजस्ती करणी गरेको आरोपमा ६० वर्षीय वृद्ध पक्राउ परेका छन्। पक्राउ पर्नेमा निजगढ नगरपालिका १२ बस्ने राना साइँला भन्ने सोमबहादुर लुम्बा रहेका छन्।

११ वर्षीया ती बलिकालाई जबरजस्ती गरेको खबर प्राप्त हुनासाथ इलाका प्रहरी कार्यालय बाराबाट खटिएको प्रहरीले तत्कालै उनलाई उपचारका लागि कलैया प्रादेशिक अस्पताल पुर्‍याएको थियो। लुम्बालाई सोही रात पक्राउ गरी थप अनुसन्धान भइरहेका जिल्ला प्रहरी कार्यालय बाराले जानकारी दिएको छ।

सिरहा, ६ असोज।

सिरहाको विष्णुपुर बजारमा रहेको एक कपडा पसलमा आगलागी हुदाँ लाखौं मुल्य बरवरकोे धनमाल जलेर नष्ट भएको छ।

विष्णुपुर गाउँपालिका ५ का चन्देश्वर महतोले विष्णुपुर १ बजारमा सञ्चालन गर्दै आएको कपडा पसलमा आगलागी हुँदा ८० लाखभन्दा बढीको धनमाल जलेर काम नलाग्ने भएको हो।

आगलागीबाट पसलमा रहेका सवै कपडा, र्याक, नगद तथा पसल रहेको घरमा समेत क्षति पुगेको प्रहरीले जनाएको छ। प्रारम्भिक तत्थाङ्क अनुसार ८० लाखभन्दा बढीको धनमाल जलेको हुन सक्ने जिल्ला प्रहरी कार्यालय सिरहाका सूचना अधिकारी डीएसपी रविन्द्रराज पाण्डेले जानकारी दिएका छन ।

उनका अनुसार क्षतिका विवरणहरु अझै संकलन हुन बाँकी रहेकोले तत्कालै क्षतिको एकीन गर्न नसकिने बताए। बिधुत सर्ट भएर आगलागी भएको अनुमान गरिए पनि आगलागीको कारण अझै खुल्न नसकेको प्रहरीको भनाई रहेको छ। नजिकै रहेको चिया पसलेले पसलबाट धुवा निस्किरहेको देखेपछि तत्काल प्रहरीलाई खवर गरेका थिए। प्रहरी आएर पसल खोल्ने प्रयास गरे पनि सम्भव नभएपछि पसलका साहुलाई बोलाइएको थियो।

पसलले आउँदा सम्ममा धेरै सामान जलिसकेको प्रहरीले बताएको छ। सिरहा र गोलबजार नगरपालिकाबाट गएका बारुण यन्त्र, प्रहरी र स्थानीयको सहयोगमा आगो नियन्त्रणमा लिएको हो। घटनाको विषयमा थप अनुसन्धान भईरहेको प्रहरीले जनाएको छ।

आरके श्रीवास्तव,रौतहट,०४ गते असोज ।
रौतहट । रौतहट जिल्लाको गढीमाई नगरपालिकामा आज नगरस्तरीय परियोजना सल्लाहकार समितिको बैठक समपन्न भएको छ । नगरपालिकाको आयोजनामा संचालन भएको बैठकमा, नगर उपप्रमुख स्मिता कुमारी यादवको अध्यक्षतामा नगरस्तरीय परियोनजा सल्लाहकार समितिमा शिक्षा, स्वास्थ्य, साामाजिक, योजना, महिला तथा बालबालिका विकास शाखा, नगरपालिकाको वडा अध्यक्षहरु, कार्यपालिकाको सदस्यहरु र आमन्त्रित संस्था आसमान नेपालको पदाधिकारी र एसओडिसिसि संस्थाको पदाधिकारीहरु सहभागी भएका थिए ।

यू.के.ऐड.को आर्थिक सहयोग र पिपुल इन निड नेपालको प्राविधिक सहयोगमा एसओडिसिसि पर्साको समन्वयमा आसमान नेपालद्धारा संचालित रौतहट जिल्लाको गढीमाई नगरपालिकामा आरम्भ परियोजना अन्र्तगत नगरस्तरीय परियोजना सल्लाहकार समितिको बैठकमा आसमान नेपालको आरम्भ परियोजनाको परियोजना संयोजक जगदिप बन्ठाले हाल सम्म पालिकामा गरिएको कामहरुको प्रगति प्रतिवेदन पेश गरेका थिए ।

साथै सो प्रगति प्रतिवेदनमाथी परियोजना सल्लाहकार समितिकोे बैठकले छलफल गरिएको थियो । साथै विद्यालय भन्दा बाहिर रहेको किशोरीहरुलाई आसमान नेपालद्धारा सामुदायिक सिकाई केन्द्रमा सहजिकरण गरी विद्यालयमा भर्ना भएको किशोरीलाई कसरी दिगो रुपमा निरन्तरता गर्ने, सामुदायिक सिकाई केन्द्र स्थापपना र संचालनका, साक्षर पालिका अभियान आदि विषय वस्तुमा रही यो परियोजना सल्लाहकार समितिको बैठकमा छलफल गरिएको थियो ।
विद्यालय भन्दा बाहिर रहेको किशोरीहरुलाई आसमान नेपालद्धारा सामुदायिक सिकाई केन्द्रमा सहजिकरण गरी विद्यालयमा भर्ना हुनकोे लागि मदत आसमना नेपालले ३१२ जना गढीमाई नगरपालिकाको किशोरीहरुलाई गरिएको थियो ।

त्यस्तै नगरस्तरीय परियोजना सल्लाहकार समितिको बैठकमा एसओडिसिसिका अमरेन्द्र यादवले हाल सम्म पालिकामा गरिएको कामहरुको प्रगति प्रतिवेदन पेश गरेका थिए ।

सर्लाही, ५ असोज । जिल्ला प्रशासन कार्यालय सर्लाहीले सदरमुकाममा मलङ्गवा नगर क्षेत्रमा कर्फ्यु आदेश जारी गरेको छ ।

जिल्ला प्रशासन कार्यालय, सर्लाहीका अनुसार सो कर्फ्यु बिहिबार राती १० बजे देखी अनिश्चित कालसम्म जारी रहने छ ।

गणेश मूर्ति सेलाउने क्रममा भएको विवादसम्बन्धी विषयलाई लिएर  मलङ्गवा नगरपालिका क्षेत्रमा झडपको स्थीति देखा परेको थियो । सो क्रममा सार्वजनिक सम्पत्तिको तोडफोड, आगजनी, ढुङ्गामुढा प्रहार, उच्छृङ्खल गतिविधिलगायत विरोध प्रदर्शनका कारण सर्वसाधारणको सुरक्षामा पर्न सक्ने जोखिमलाई मध्यनजर गरी कर्फ्यु आदेश जारी गरिएको जिल्ला प्रमुख अधिकारी इन्द्रदेव यादबले जानकारी दिए ।

उनका अनुसार पुरानो मलङ्गवा नगरक्षेत्र, पूर्वमा झिम नदी, पश्चिम मुसैली नहर, दक्षिणमा नेपाल भारत सीमा क्षेत्र र उत्तरमा प्रहरी पोष्ट र बाबा पेट्रोल पम्प सीमा भित्र सो कर्फ्यु लागु हुनेछ ।

जिप्रकाका अनुसार साे  क्षेत्रभित्र कसैले आवतजावत गर्न नपाइने, भेला हुन नपाइने, बाहिर हिँडडुल गर्न एव अरू कुनै प्रकारको उच्छृङ्खल गतिविधि गर्न नपाइने जनाएको छ ।

मुकेश मुमार यादब,सिरहा, ५ असोज।

सिरहाको मिर्चैयामा राजस्व अनुसन्धान कार्यालय इटहरीको टोलीले एक कपडा पसलसहितको घरमा छापा मारेको छ ।

विशेष सुचनाको आधारमा आएको राजस्व अनुसन्धान कार्यालय इटहरीको टोलीले पसलसहितको घरमा छापा मार्ने क्रममा घरको चारैतिरबाट सशस्त्र प्रहरीले घेरेर बसेपछि स्थानीय व्यवसायी आतङ्कित बनेको छन ।

बुधवार करिव ३ बजेको समयमा राजस्व अनुसन्धान कार्यालय इटहरीका प्रमुख कार्यालय प्रमुख सुरेश अाचार्ययको नेतृत्वमा आएको हतियार सहितको सशस्त्र प्रहरीले २० घण्टाभन्दा लामो समयदेखि मिर्चैया नगरपालिका ५ संस्था चौकमा रहेको कल्याण ट्रडेर्सको पसलसहतिको घरमा चारैतिरवाट घेरा हाले पछि स्थानीय व्यावसायी आतङ्कीत बनेका हुन ।

टोलिले पसल, गोदाम र घर खानलासी गरिसकेर पनि हतियारसहितका प्रहरीले घर घेरेर बस्दा आफूहरु रातभरी सुत्न नसकेको व्यासायी बताउँछन्। उनीहरुले अनुसन्धान टोलिले पसल, गोदाम, घरका प्रत्येक दराज देखी बच्चाहरुको झोलासमेत खोलेर हेरेका थिए ।  रातभर हतियारधारी प्रहरीको घेराबन्दिमा बस्नुपर्दा निकै नै तनाब भएको उनीहरूकाे कुराे छ ।

स्थानीय व्यसायी तथा समाजसेवी अशोक साहले व्यवसायमा तलमाथि भएको भए आवश्यक कारबाही गर्दा हुन्छ तर पसलमा बम, बारुद्ध राखेको जस्तो प्रहरीले घेरा हालेर बस्दा व्यासायीहरुमा थप मानसिक तनाव भएको बताए । उनले भने,  ‘यो पसल यहाँका हाेलसेल व्यासायी गर्छ ।’ साे सक्षेत्रका व्यसायीहरुलाई कपडा आपुर्ति गर्ने पसलमा प्रहरी लगाएर राजश्वले अनुसन्धान र खानतलासी गरे पछि  सिरहाका ब्यावसायी अातंकित बनेकाे उनकाे भनाइ छ ।

व्यासायी साहले भने, ‘व्यसायीहरुले व्यापार गर्दा कुनै कसुर गरेको भए उनलाई दण्ड जरिवाना गर्दा हुन्छ तर व्यावसाय ठप्प भएर मानसिक तनाव खेपिरहेका व्यासायीलाई यो व्यवहारले थप पीडा दिएकाे छ ।’

राजस्व अनुसन्धान कार्यालय इटहरीको टोलीले गोदाममा खानतलासी गरी विल विजक,भन्सारका प्रज्ञा पत्र, खरिद बिक्री खाता लगायतका आवश्यक कागजात लिएर छापा मार्ने पसल तत्कालको लागि शिल गरिएको उधोग वाणिज्य संघ मिर्चैयाका महासचिव भरत महासेठले जनाए ।

इलाका प्रहरी कार्यालय मिर्चैयाका प्रमुख डीएसपी जितेन्द्र बस्नेतले राजस्व अनुसन्धान कार्यालय इटहरीले छापा मारेको र प्रहरीले निगरानी गरिरहेको विषयमा आफू जानकार भएपनि औपाचारीक जानकारी नभएको बताए। यस सम्वन्धमा थप जानकारी लिन पुग्दा राजस्व अनुसन्धान कार्यालय इटरीबाट खटिएको टोलीले सम्पर्कमा आउन चाहेनन्। कार्यालयमा फोन सम्पर्क गर्दा कार्यालयको फोन समेत उठेन।

आरके श्रीवास्तव,रौतहट,०४ गते असोज ।
रौतहट । रौतहटमा बाइकको ठक्करबाट एक पैदलयात्री महिलाको ज्यान गएको छ । जिल्लाको कटहरियामा ती महिलाको ज्यान गएको हो । मोटरसाइकिलको ठक्करले कटहरिया नगरपालिका ४ बहादुरपुरकी अन्दाजी ४० वर्षीया रिता देवी दासको ज्यान गएको जिल्ला प्रहरी कार्यालय रौतहटले जनाएको छ ।
गत भदौ ३१ गते आइतवारका दिन बेलुकी साढे ७ बजे कटहरिया सन्तपुर सडकखण्डको लालबकैया पुलपारी मोटरसाइकिलको ठक्कर बाट दास घाइते भएकी थिइन् । उनको विरगंज स्थित सुर्या हसिपटलमा उपचारको क्रममा आज मृत्यु भएको हो ।
देवाहिगोनाही नगरपालिका वडा नम्बर ५ का २३ वर्षीय राजाबाबु यादवले चलाएको ना ५५ प ९५७८ को १५० सिसी पल्सर मोटरसाइकलको ठक्करले दासको ज्यान गएको जिल्ला प्रहरी प्रवत्ता प्रहरी नायव उपरीक्षक दामोदर केसीले जानकारी गराए । घटनाबारे थप अनुसन्धान भइरहेको उनले बताए ।

रौतहट,भदौ २९ गते ।
रौतहट जिल्लाको गरुडा नगरपालिकामा मिति २०८०–५–२९ गते र परोहा नगरपालिकामा मिति २०८०–५–३१ गतेका दिन नगरस्तरीय परियोजना सल्लाहकार समितिको बैठक समपन्न भएको छ । नगरपालिकाको आयोजनामा संचालन भएको बैठकमा, नगरपालिकाको नगरप्रमुख ज्यको अध्यक्षतामा दुईओटा नगरस्तरीय परियोनजा सल्लाहकार समितिमा शिक्षा, स्वास्थ्य, साामजिक, योजना, महिला तथा बालबालिका विकास शाखा, नगरपालिकाको वडा अध्यक्ष ज्यूहरु, कार्यपालिकाको सदस्यहरु र आमन्त्रित संस्था आसमान नेपालको पदाधिकारी र क्इम्ऋऋ संस्थाको पदाधिकारीहरु सहभागी भएको थियो ।
यू।के।ऐड।को आर्थिक सहयोग र पिपुल इन निड नेपालको प्राविधिक सहयोगमा क्इम्ऋऋ पर्साको समन्वयमा आसमान नेपालद्धारा संचालित रौतहट जिल्लाको गरुडा र परोहा नगरपालिकामा आरम्भ परियोजना अन्र्तगत नगरस्तरीय परियोजना सल्लाहकार समितिको बैठकमा आसमान नेपालको आरम्भ परियोजनाको परियोजना संयोजक श्री जगदिप बन्ठा ज्यूले हाल सम्म पालिकामा गरिएको कामहरुको प्रगति प्रतिवेदन पेश गरिएको थियो । साथै सो प्रगति प्रतिवेदनमाथी परियोजना सल्लाहकार समितिकोे बैठकले छलफल गरिएको थियो । साथै विद्यालय भन्दा बाहिर रहेको किशोरीहरुलाई आसमान नेपालद्धारा सामुदायिक सिकाई केन्द्रमा सहजिकरण गरी विद्यालयमा भर्ना भएको किशोरीलाई कसरी दिगो रुपमा निरतरता गर्ने, सामुदायिक सिकाई केन्द्र स्थानपना र संचालनका, साक्षर पालिका अभियान आदि विषय वस्तुमा रही यो परियोजना सल्लाहकार समितिको बैठकमा छलफल गरिएको थियो । विद्यालय भन्दा बाहिर रहेको किशोरीहरुलाई आसमान नेपालद्धारा सामुदायिक सिकाई केन्द्रमा सहजिकरण गरी विद्यालयमा भर्ना हुनकोे लागि मदत आसमना नेपालले २६० जना गरुडाको किशोरीहरु र ३२० जना परोहा नगरपालिकाको किशोरीहरुलाई गरिएको थियो ।

बज्जिकाञ्चल,भदौ २९ गते ।
बालबालिकामा लगानी ः सुनिचित भविष्यको थालनीे भन्ने मुल नाराका साथ रौतहटमा आसमान नेपालले भदौ २९ गतेका दिन ५९ औँ राष्ट्रिय वाल दिवस—२०८० विविध कार्यक्रम गरी मनाईयो । यू।के।ऐडको आर्थिक सहयोग र पिपुल इन निड नेपालको प्राविधिक सहयोगमा क्इम्ऋऋ पर्साको समन्वयमा आसमान नेपालद्धारा संचालित आरम्भ परियोजना अन्र्तगत रौतहट जिल्लाको विभिन्न स्थानीय सरकारहरुको आयोजनमा आसमान नेपालले सहकार्य गरी राष्ट्रिय बाल दिवस २०८० मनाएको छ । परोहा नगरपालि र गढीमाई नगरपालिकाको आयोजनामा प्रभातफेरी ९¥याली० कार्यक्रम, मौलापुर र कटहरीया नगरपाकिलाको आयोजनामा हाजिरी जवाफ प्रतियोिगता, राजपुर नगरपालिकाको आयोजनामा वक्तित्वकला प्रतियोगिता र श्री माध्यमिक विद्यालय गहडी गुटी, गरुडा नगरपालिकाको आयोजनामा नृत्य प्रतियोगिता, वक्तित्वकला र हाजिरीजवाफ प्रतियोगिता आसमान नेपालले सहकार्य गर्दै यो ५९ औँ राष्ट्रिय बाल दिवस २०८० दिवस मनाएको छ ।
गढीमाई नगरपालिकाले आयोजना गरेको प्रभातफेरी कार्यक्रमा श्री गुदर माध्यमिक विद्यालय समनपुर र आसमान नेपालले सहकार्य गर्दै गढीमाई नगरपालिकामा ५९ औँ राष्ट्रिय बाल दिवस २०८० मनाएको थियो । श्री गुदर माध्यमिक विद्यालय समनपुरको ३०० भन्दा बढी विद्यार्थीहरुको उपस्थितीमा गढीमाई नगरपालिकाले नेतृत्व गरेकोे यो प्रभातफेरी कार्यक्रममा आसमान नेपालको आरम्भ परियोजना र जेम्स परियोजनाको प्रतिनिधिहरुको सहभागीतामा गढीमाई नगरपालिकामा परिक्रमण गरी बाल अधिकार सुनिचितको नारा लगाई प्रभातफेरी कार्यक्रम कोण साभामा परिणत भई यो कार्यक्रम मनाएकोे थियो । साथै पालिका, विद्यालय र आसमान नेपालको तर्पmबाट बाल अधिकार सुनिचित गर्न प्रतिबद्धता कार्यक्रम समेत गरिएको थियो ।
यसैगरी परोहा नगरपालिकाको आयोजनामा तथा श्री ब्रहमजोती माध्यमिक विद्यालय, लौकहा र आसमान नेपालको सहकार्यमा परोहा नगरपालिकामा प्रभातफेरी कार्यक्रम गरी ५९ औँ राष्ट्रिय बाल दिवस २०८० मनाएको थियो । श्री ब्रहमज्योति माध्यमिक विद्यालय, लौकहाको २५० भन्दा बढी विद्यार्थीहरुको उपस्थितीमा परोहा नगरपालिकाले नेतृत्व गरेकोे यो प्रभातफेरी कार्यक्रममा आसमान नेपालको आरम्भ परियोजनाको प्रतिनिधिहरुको सहभागीतामा परोहा नगरपालिका परिक्रमण गरी बाल अधिकार सुनिचित गरी वालवालिकाको विकासमा टेवा पुगोस भन्ने नाराका साथ प्रभातफेरी कार्यक्रम कोण साभामा परिणत भई यो कार्यक्रम समापन भएको थियो । साथै पालिका, विद्यालय र आसमान नेपालको तर्पmबाट बाल अधिकार सुनिचि गर्न प्रतिबद्धता कार्यक्रम समेत गरिएको थियो ।

मौलापुर नगरपालिकाको आयोजनामा र आसमान नेपालको सहकार्यमा नगरस्तरीय हाजरी जवाफ प्रतियोगिता गराई ५९ औँ राष्ट्रिय बाल दिवस २०८० मौलापुर नगरपालिकामा मनाएको थियो । उक्त कार्यक्रमा मौलापुर नगरपालिकाको उपमेयर श्री नागेन्द्र प्र।यादव ज्यु को अध्यक्षतामा संचालन भएको नगरस्तरीय हाजिरी जवाफ प्रतियोगतामा, प्रमुख प्रसाशकीय अधिकृत श्री रामबाबु साह ज्यु, शिक्षा संयोजक श्री राजेन्द्र साह, वार्ड न।१ को वडा अध्यक्ष श्री जैनाथ प्र।कुशवाहा ज्यु, पुर्व वडा अध्यक्ष तथा प्रत्यासी मेयर रामप्रवेश राय यादव ज्यु, वार्ड न १ वडाका सद्स्य श्री ओमप्रकाश कुसवाहा, कार्यापालिका सद्स्य श्री बैजु कुशवाहा अतिथिहरु रहेको थियो । यो नगरस्तरीय हाजिरी जवाफ प्रतियोगता कार्यक्रममा गम्हरिया माध्यमिक। विद्यालय, लक्ष्मिनिया माध्यमिक विद्यालय र मर्यादपुर माध्यमिक विद्यालयका शिक्षक शिक्षिकाहरु र विद्यार्थीहरुको सहभागितामा हाजरी जवाफ प्रतियोगिता गराई ५९ औँ राष्ट्रिय बाल दिवस २०८० मनाएको थियो । जसमा १६ जना ३ ओटा विद्यालयबाट हाजिरी जवाफ प्रतियोगितामा भाग लिएको थियो ।
कटहरीया नगरपालिकाको वडा नं। ६ कोे श्री आधारभूत विद्यालय भतेपुरको आयोजनामा र आसमान नेपालको सहकार्यमा हाजरी जवाफ प्रतियोगिता गराई ५९ औँ राष्ट्रिय बाल दिवस २०८० कटहरिया नगरपालिकामा मनाएको थियो । जुन हाजिरी जवाफ प्रतियोगतामा जम्मा २७ जनाले सहभागी भएको थियो । भने सोही विद्यालयको ४०० जना जति विद्यार्थी भाईवहिनीहरुको उपस्थिती रहेको थियो । जुन कार्यक्रममा कटहरीया नगरपालिकाको वडा नं। ६ को वडा अध्यक्ष श्री जयराम चौधरीको अध्यक्षतामा भएको कार्यक्रममा श्री आधारभूत विद्यालय भतेपुरको शिक्षक शिक्षिका, समाजसेवी, बुद्धिजिवी र विद्यार्थीभाई वहिनीहरुको सहभागीता रहेको थियो ।

यसैगरी श्री माध्यमिक विद्यालय गहडी गुटी, गरुडा नगरपालिकाको आयोजनामा र आसमान नेपालको सहकार्यमा नृत्य प्रतियोगता, वक्तित्वकला र हाजिरीजवाफ प्रतियोगिता गराई ५९ औँ राष्ट्रिय बाल दिवस २०८० दिवस मनाएको छ । जसमा यो विद्यालयको कक्षा ६ देखि १० कक्षा सम्मको ४० जना विद्यार्थीहरु नृत्य प्रतियोगता, वक्तित्वकला र हाजिरीजवाफ प्रतियोगितामा सहभागी थियो भनो ९०० विद्यार्थी भाई वहिनीहरु कार्यक्रममा सहभागीता रहेको थियो ।
राजपुर नगरपालिकाले, आसमान नेपाल र क्इम्ऋऋ पर्साको सहकार्यमा नगरस्तरीय वक्तित्वकला प्रतियोगिता आयोेजना गरी ५९ औँ राष्ट्रिय बाल दिवस २०८० राजपुर नगरपालिकामा मनाएको थियो । जुन प्रतियोगितामा नगरपालिकामा रहेको सबै माध्यमिक विद्यालयहरुकोहरुको उपस्थिति रहेको थियो । यस प्रतियोगतामा जम्मा १४ जना छात्र र छात्राहरुको सहभागीता रहेको थियो । पालिकाको मेयर श्री डा। मो। राजिक आलम ज्यूको अध्यक्षतामा मनाएको ५९ औँ बाल दिवस कार्यक्रममा आसमान नेपाल, क्इम्ऋऋ पर्सा, आर।डि।सी।नेपाल, नगरपालिकाको जनप्रतिनिधि, शिक्षा प्रेमी, बुद्धिजिवी र कर्मचारीहरुको सहभागीता रहेको थियो ।

सिरहा, ३ असोज। नेकपा (माओवादीकेन्द्र)का स्थायि समिति सदस्य लिलामणि पोखरेलले बर्तमान संविधान सम्झौताको दस्तावेज भएको बताएको छ।

संविधान दिवसको अवसर पारेर पार्टीको धनगढीमाई नगर कमिटीले आयोजना गरेको ‘वर्तमान संविधान र हाम्रो दृष्टिकोण’ विषयक अभिमुखिकरण कार्यक्रममा नेता पोखरेलले आफ्नो पार्टीले चाहेजस्तो नबने पनि सबैको सहमतिमा संविधान जारी भएको बताएको हो।

‘संविधानसभाबाट जारी संविधान पूर्ण नभए पनि यसका राम्रा पक्षहरुको संरक्षण गर्दै थप अधिकारको लागि अगाडी बढ्नु जरुरी छ; नेता पोखरेलले भने, ‘हाम्रै पार्टीले चाहेजस्तो संविधान यो होइन्, तर, यसले संघियता, धर्मनिरपेक्षता तथा महिला, दलित, पछाडी पारिएका समुदायको अधिकारको रक्षा गरेको छ, त्यसलाई बचाउँदै थप अधिकार लिन आवश्यक छ।’

यो संविधान पुरै खराव पनि होइन, यसलाई धेरै उत्कृष्ट पनि भन्न नसकिने नेता पोखरेलले बताए। त्यसैले कमि कमोजरीका बावजुत अहिले यसको रक्षा गर्दै अगाढी बढ्नुपर्ने आवश्यकता रहेको उनले औंल्याए । मन्तव्यकै क्रमम नेता पोखरेलले यो संसदीय व्यवस्थाका कारण देशमा भ्रष्टचार मौलाएको भन्दै यसमा संशोधन खाँचो रहेको बताए।

उनले भने, ‘महगो चुनावी प्रणालीले भ्रष्टचार मौलाएको छ। एकजना संसद जित्न १५ करोडसम्म खर्च गरेको छ। जसले १५ करोड लगाएर चुनाव जितेको छ। उसले देश र जनताको हितको कुरा गर्छ कि १५ कारोड असुल्ने र आउने चुनावको खर्च जोहो गर्छ।’

यो प्रणालिले व्यक्ति मात्र हैन पार्टीहरुलाई नै भ्रष्ट बनाएको नेता पोखरेलले जिकिर गरेका छन् । उनले भने, ‘प्रत्यक चुनावमा पार्टीले जित्ने उम्मेदवार खोज्ने, जित्न पैसा भएको व्यक्ति हुनुपर्ने अनि बर्षाै देश, जनता र पार्टी भनेर हिडेकाहरु उनको झोले भएर हिड्नु परेपछि पार्टी कहाँ पुग्छ?’

‘त्यसैले पनि हामीले संविधानका राम्रा पक्षको रक्षा गर्दै थप अधिकार प्राप्तिको लागि लड्नुपर्ने जरुरी भएको छ,’ नेता पोखरेलले भने।

अहिले हिन्दुधर्मको नाममा प्राप्त अधिकारहरुलाई ओझेलमा पार्ने प्रपञ्च भईरहेको नेता पोखरेलले बताए। उनले भारत तर्फ इसारा गर्दै यो दक्षिणको इसारामा यस्तो कार्यहरु भईरकेको पनि दावी गरे। सोही क्रममा नेकपा (माओवादीकेन्द्र) का केन्द्रिय सदस्य प्रकाश पोखरेलले वर्तमान संविधानका राम्रा कुराको संरक्षण गर्दै थप अधिकारको लागि नयाँ ढङ्गले सोच्नु पर्ने बताए। उनले यो संविधानमा केही राम्रा कुरा भएपनि पूर्ण नभएको बताए।

उनले संसदिय व्यवस्थालाई देशले खेप्न नसक्ने बताए। उनले सधै सरकार बनाउने र ढाल्ने खेल चलिरहने यो व्यवस्था देश अनुकुल भनएको भन्दै आफ्नो पार्टी अझैपनि प्रत्यक्ष निर्वाचित राष्ट्रपतिय प्रणालिको पक्षमा रहेको बताए। धनगढीमाई नगर अध्यक्ष प्रकाश योञ्जनको अध्यक्षतामा सम्पन्न कार्यक्रममा केन्द्रिय सदस्य रुवी कर्ण, प्रदेश सदस्य प्रवेश लामा लगायतको उपस्थिति थियो।

आरके श्रीवास्तव,रौतहट, असोज ०३ गते
गरुडा नगर उधोग वाणिज्य संघको नव निर्वाचित अध्यक्ष तथा सदस्यहरुको सपथ ग्रहण कार्यक्रम आज सम्पन्न भएको छ । नव निर्वाचित अध्यक्ष एवं सदस्यहरुले पद तथा गोपनियताको सपथ लिएका छन् । गत भदौ १९ गते सम्पन्न निर्वाचनमा अध्यक्ष पदमा सतिश साह निर्वाचित भएका थिए ।
निवर्तमान अध्यक्ष हरेन्द्र प्रसाद चौधरीको अध्यक्षतामा भएको सपथग्रहण कार्यक्रममा निर्वाचन समिती संयोजक एवं रौतहट उद्योग वाणिज्य संघका अध्यक्ष पंण्डित प्रसाद जयसवालले सपथ गराएका थिए ।
एक जना अध्यक्ष सहित १३ जना सदस्य पदका लागि भएको निर्वाचन साहले चार सय ८८ मत प्राप्त गरि निर्वाचित हुदाँ चौधरी १ सय ३९ मतान्तरले पराजित भएका थिए ।
कुल ९ सय ५२ जना मतदाता रहेको संघमा भएको मतदानमा ८ सय ४४ मत खसेको थियो । संघको सदस्यहरुमा रामबाबु साह तेलीले ४ सय ६, बिनोद साह बनियाले ३ सय ८०, सुशिल कुमार साहले ३ सय ७८, उपेन्द्र कुमार चौधरीले ३ सय ७३, चुनचुन प्रसाद यादवले ३ सय ६५, मनोज प्रसाद गुप्ताले ३ सय ५८, शिवजी प्रसाद चौधरीले ३ सय ५८ मत प्राप्त गरी सदस्य पदमा विजयी भएका थिए ।

त्यस्तै सदस्यहरुमा गजेन्द्र महतो कोइरीले ३ सय ५७, रामइश्वर साहले ३ सय ५५, छठुप्रसाद साहले ३ सय ५४, सुशिला देवीले ३ सय ५४, महाशक्ती साह निरालाले ३ सय ४५ र रमेश कुमार रौनियरले ३ सय ४४ मत प्राप्त गरि सदस्य पदमा विजयी भएका थिए ।
अध्यक्षमा विजयी उम्मेदवार सतिश साहको प्यानल बाट ७ जना सदस्य चौधरीको प्यानल बाट ६ जना सदस्य निर्वाचिन भएका थिए । सपथग्रहण पछि प्रतिक्रिया दिदै नव निर्वाचित अध्यक्ष साहले अबको केही दिनमै संघको पदाधिकारी चयनको प्रक्रिया अगाडी बढ्ने बताउनु भयो ।