काठमाडौँ। सर्वोच्च अदालतले काठमाडौंमा आन्दोलनरत शिक्षकहरूलाई तीन दिनभित्र विद्यालय फर्कने वातावरण बनाउन सरकारका नाममा आदेश जारी गरेको छ । सर्वोच्चका न्यायाधीश नहकुल सुवेदीको एकल इजलासले सो आदेश जारी गरेको हो ।
अधिवक्ताद्वय श्रवणकुमार चौधरी र माधवराज शर्मा पोख्रेलले प्रधानमन्त्री तथा मन्त्रिपरिषद्को कार्यालय, शिक्षा, विज्ञान तथा प्रविधि मन्त्रालय, संघीय संसद् सचिवालय, कानुन मन्त्रालय, शिक्षा विभाग र राष्ट्रिय परीक्षा बोर्डलाई विपक्षी बनाएर सर्वोच्चमा रिट निवेदन दर्ता गरेका थिए ।
‘आन्दोलनरत शिक्षकहरूका जायज र संविधानसम्मत मागहरू तत्काल सम्बोधन गर्ने सम्बन्धमा विपक्षी निकायहरूले उचित र आवश्यक निर्णय गरी यो आदेश प्राप्त भएका मितिले ३ दिनभित्र आन्दोलनरत शिक्षकहरू विद्यालयमा फर्कि नियमित पठन पाठन गर्ने वातावरण सुनिश्चित गर्नू,’ आदेशमा भनिएको छ ।
काठमाडौंमा विगत२३ दिन देखि शिक्षकहरू विभिन्न माग राख्दै आन्दोलनमा उत्रिएका छन् । सभार न्यूज अफ नेपाल
चन्दन यादव,रौतहट, ११ गते वैशाख ।
रौतहट । लोकतान्त्रिक समाजवादी पार्टी नेपालको मधेस प्रदेशको कार्यालय जनकपुरधाममा आगामी बैशाख १४ गते उद्धघाटन हुने भएको छ । लोसपा नेपाल मधेशका अध्यक्ष जितेन्द्र सोनलले एक निमन्त्रणा पत्र जारी गर्दै सो जानकारी गराएका हुन् ।
आइतवार हुने उद्धघाटन कार्यक्रममा पार्टीका सम्पुर्ण नेता तथा कार्यकर्ताम हार्दिक अनुरोध गरिएको छ । उक्त उद्धघाटन कार्यक्रममा लोसपा नेपालका केन्द्रिय अध्यक्ष महन्थ ठाकुरको प्रमुख अतिथ्यता रहने जनाइएको हो ।
साथै पार्टीका वरिष्ठ नेता श्रम, रोजगार तथा समाजिक सुरक्षा मन्त्री शरत सिंह भण्डारीको पनि विशेष उपस्थिति रहने अध्यक्ष सोनल द्धारा हस्ताक्षरित निमन्त्रणा पत्रमा उल्लेख रहेको छ ।
मधेस प्रदेश अन्तर्गतका सम्पूर्ण केन्द्रिय पदाधिकारीगण, मधेश प्रदेश समितिका पदाधिकारी एवं सदस्यगण, सम्पूर्ण जिल्ला अध्यक्षगण लगायत सम्पूर्ण नेता तथा कार्यकर्ताको गरिमामय उपस्थितिको लागि लासेपा नेपाल मधेश प्रदेश अध्यक्ष सोनलले हार्दिक अनुरोध गरेका हुन् ।
२०८२ वैशाख १४ गते आइतबारको दिन सो कार्यक्रम हुने समेत निमन्त्रणा पत्रमा उल्लेख रहेको छ । कार्यक्रम हुने स्थान जनकपुरधाम ८, रामानन्द चौक जानकी आँखा अस्पताल देखी दक्षिण रहेको छ भने समय बिहान ११ः३० बजे निर्धारण गरिएको अध्यक्ष सोनलले जानकारी गराएका हुन् ।
प्रकट गर्दै घाइतेहरुको शीघ्र स्वास्थ्य लाभको कामना गरेका छन् ।बज्जिकाञ्चल संवाददाता, वालिङ,वैशाख ११ गते ।
स्याङ्जाको वालिङ नगरपालिकाका महिलाहरुलाई व्यवहार परिवर्तन तथा सकारात्मक सोचको विकासका लागि हेफर आधारशीला तालिम दिईएको छ । कृषि र पशुपालनबाटै पालिकावासीलाई आत्मनिर्भर बनाउने उद्देश्यले गठन गरिएका स्वावलम्वी कृषक महिला समूहका सदस्यहरुलाई तालिम दिईएको हो ।
वालिङ नगरपालिका वडा नं. २ मा भएको तालिमकोे समापन गर्नुहुँदै वालिङ नगरपालिकाका प्रमुख कृष्ण खाँणले महिलालाई उद्यमशीलतामा जोड्न लागिएको बताउनु भयो ।
उहाँले भन्नुभयो,“महिलालाई आर्थिक रुपमा सवल बनाउन माटो सुहाँउदो खेती आवश्यक छ ।” सकारात्मक सोचका साथ काम गर्ने हो भने सफलता सहजै प्राप्त हुने उहाँको भनाई छ । व्यवहार परिवर्तन,मेलमिलाप,सहकार्य अहिलेको आवश्यक्ता भएको उहाँले बताउनु भयो ।
नगरपालिकाका प्रमुख प्रशासकीय अधिकृत गंगालाल सुवेदीले विकास निर्माण र सामाजिक कार्यमा महिलाहरुको सहभागिता बढ्दो रहेको बताउनु भयो । व्यवहार परिवर्तन र जिम्मेवारी बोधका कारण महिलाहरुको सहभागिता बढेको उहाँको भनाई छ ।
दीगो उत्पादन तथा यसको बजारीकरणका लागि पालिकाले काम गरिरहेको अधिकृत सुवेदीले बताउनु भयो ।
महिलाहरुको सक्रियता समाज परिवर्तनका लागि महत्वपूर्ण रहने वडा नं. २ का वडा अध्यक्ष पोतप्रसाद लम्सालले बताउनु भयो । महिलाको पहुँच बृद्धि र व्यवहारपरिवर्तनका लागि आधारशिला तालिम प्रभावकारी हुनेमा जोड दिनुभयो ।
चक्रदेवी स्वावलम्वी सुन्तला उत्पादक महिला कृषक समूहका ३२ जना सदस्यहरुका लागि तीन दिने आधारशिला तालिम प्रदान गरिएको परियोजनाका सामुदायिक सहजकर्ता सुस्मिता पौड्यालले जानकारी दिनुभयो ।
तालिममा पौड्याल सहित विष्णु न्यौपाने र बुद्धिप्रसाद सिग्देलले सहजिकरण गर्नु भएको थियो ।
वालिङ नगरपालिकाका वडा नं. १ देखि ७ सम्म सञ्चालन भईरहेको परियोजनामा एक हजार ६ सय महिला आवद्ध रहेका छन् । जसमा ५६ वटा समूह गठन भएको परियोजनाले जनाएको छ ।
बज्जिकाञ्चल संवाददाता, काठमाडौँ, १० वैशाख :
प्रतिनिधि सभा सदस्य एवं पूर्वमन्त्री प्रेमबहादुर आलेले सुदूरपश्चिम प्रदेशको अस्थायी राजधानी धनगढीमा रहेको धनगढी विमानस्थलको स्तरोन्नतीको कार्य तत्काल हुनु पर्ने बताउनु भएको छ ।
उहाँले आज एक प्रेस विज्ञप्ति प्रकासित गर्नु भई धनगढी विमानस्थलको स्तरोन्नती लागि बजेट विनियोजन भनिएता पनि आयोजनामा कुनै पनि रकम खर्च नगरी सो बजेटलाई अन्यत्र विमानस्थलमा खर्च गरिएको भन्दै दु:ख व्यक्त गर्नुभएको छ ।
उहाँले भन्नुभयो, “हालसम्म धनगढी विमानस्थललाई क्षेत्रीय विमानस्थलको रुपमा स्तरोन्नती गर्ने परियोजनामा नेपाल सरकारबाट कुनै पनि रकम (बजेट) खर्च नभएको प्रष्ट पार्न चाहन्छु । साथै यस घटनाले सुदूरपश्चिमवासी जनता र म स्वयंम् पनि दु:खी भएको छु । आगामी दिनमा धनगढी विमानस्थलको स्तरोन्नती हुनुपर्छ भन्ने कुरा पुन: दोहर्याउन चाहन्छु ।”
यसैगरी उहाँले पछिल्लो समय केही मान्छेहरू नियोजित रूपमा दुराग्रह राखेर बदनियतका साथ आफुलाई धनगढी विमानस्थलको स्तरोन्नतीसँग जोडेर कपोलकल्पित, भ्रामक लान्छना लगाई केही व्यक्तिहरुले मिडियाबाजी गरेको भन्दै उहाँले आपत्ति समेत जनाउनु भएको छ ।
उहाँले भन्नुभयो, “पोखरा विमानस्थलको घोटाला काण्डलाई विषयान्तर गर्न पछिल्लो समय भ्रष्टाचारीहरुले मेरो नाम जोडेर मिडियावाजी गरिरहेका छन् । मिडियावाजी गर्नेहरुले मैले गल्ती गरेको प्रमाण छ भने सार्वजानिक गर्न म चुनौती दिन चाहन्छु । यस्ता कार्यले देश र जनताको सेवा गर्ने मेरो भावनामा कुनै असर समेत नगर्ने कुरा अवगत गराउन चाहन्छु ।”
“म छोटो समय (८ महिना २१ दिनको कार्यकाल) संस्कृति, पर्यटन तथा नागरिक उड्डयनमन्त्री भएका बेला सुदूरपश्चिम प्रदेशको सबैभन्दा ठूलो सहर धनगढीसँग जोडिएको धनगढी विमानस्थललाई स्तरोन्नती गर्न स्थानीयस्तरको समेत आवश्यकता महसुस गरी बजेटको व्यवस्थापन भएको थियो । हालको १८ सय मिटर रहेको धावनमार्गलाई २५ सय मिटरसम्म बनाउन नागरिक उड्डयन प्राधिकरणको बोर्ड बैठकबाट २०७८/०७९ मा प्राधिकरण स्रोतबाट धनगढी विमानस्थल जग्गा अधिग्रहण गर्न ब. शि. नं.–१.१.०२ जग्गा खरिद तथा विकासको लागि रु एक अर्ब बजेट विनियोजन भएको थियो भने २०७९/०८० को वार्षिक बजेटमा नेपाल सरकारको स्रोतबाट धनगढी लगायतका विमानस्थलमा रु एक अर्ब २२ करोड ७५ लाख, २०८०/०८१ को प्राधिकरणको स्रोतबाट देशैभरीका विमानस्थलको लागि ९८ करोड ५० लाख र नेपाल सरकारको स्रोतबाट रु एक करोड ५० लाख मात्र विनियोजन भएको थियो ।” यसैगरी २०८१/०८२ मा प्राधिकरण स्रोतबाट चन्द्रगढी, धनगढी, काठमाडौँ र भैरहवा विमानस्थलका लागि भनेर ५० करोड वजेट विनियोजन भएको थियो । पूर्वमन्त्री आलेद्धारा प्रकासित विज्ञप्तिमा उल्लेख छ ।
पोखरा क्षेत्रीय अन्तर्राष्ट्रिय विमानस्थल निर्माणको क्रममा भएको रु १५ अर्ब भन्दा बढीको भ्रष्टाचारको बारेमा राजेन्द्र लिङदेनको संयोजकत्वमा गठन भएको लेखा उपसमितिको सदस्य आफु पनि रहेको र त्यही भएर पोखरा विमानस्थलको घोटाला काण्डलाई विषयान्तर गर्न भ्रष्टाचारीहरुले आफ्नो नाम जोडेर मिडियावाजी गरिरहेको उहाँको आरोप छ ।
“मैले गल्ती गरेको प्रमाणित भएमा जुनसुकै कारवाही भोग्न तयार छु । तर, पोखरा क्षेत्रीय अन्तर्राष्ट्रिय विमानस्थल निमार्णको क्रममा भएको रु १५ अर्ब भन्दा बढीको भ्रष्टाचार गर्ने ठूला तथा साना कुनै पनि माछालाई छोडिने छैन् । शरिरमा एक थोपा रगत रहुन्जेल सम्म भ्रष्टाचारीहरुको पर्दाफास गरी कारवाहीको दायरामा ल्याउन लागि पर्नेछु,” उहाँले भन्नुभयो ।
यसैगरी उहाँले गौतमबुद्ध अन्तर्राष्ट्रिय विमानस्थल, भैरहवाको पिक्चर आउन भने बाँकी नै रहेको विज्ञप्तिमार्फत जानकारी दिनु भएको छ ।
ऐना आर्ट्सको प्रस्तुतिमा निर्माण भएको लघुचलचित्र पाउलोको लेखन तथा निर्देशन मोहन अभिलाषीले गरेका हुन् । अन्य चलचित्रहरूमा व्यक्तिलाई पात्रको रुपमा उभ्याउने गरिएतापनि यस लघुचलचित्रमा भने जुत्तालाई नै मुख्य पात्र र जीवनको रुपमा उतार्ने प्रयास गरिएको उनी बताउँछन् । उनले निर्माण गरेको घुर्रा, भाउ, द स्कूल वाल, एक जोर जुत्ता, दृश्य लगायतका लघुचलचिहरु विभिन्न राष्ट्रिय तथा अन्तराष्ट्रिय चलचित्र महोत्सवहरुमा छनोट भएर अवार्डसमेत प्राप्त गरेको थियो । उनी पछिल्लो समय नयाँ चलचित्र निर्माणको तयारीमा रहेका छन् । चलचित्रको नाम चाँडै सार्वजनिक गरिने उनी बताउँछन् ।
बज्जिकाञ्चल संवाददाता, सर्लाही ११ गते बैशाख ।
सर्लाहीको गौडैता नगरपालिका ५ रामबन निवासी रामचन्द्र कुशवाहाले विश्व प्रख्यात नागरी लिपि परिषद्, दिल्लीद्वारा आयोजित अन्तर्राष्ट्रिय निबन्ध प्रतियोगितामा विश्वको चौथो स्थान हासिल गरी नेपाल, मधेश प्रदेश र सर्लाही जिल्लाको नाम विश्व इतिहासको स्वर्णिम पानामा लेखाउन सफल भएका छन्।
कुशवाहा बुद्धिजीवी समाजका सल्लाहकार, बज्जिका साहित्य समाज सर्लाहीका अध्यक्ष, भाव शिरोमणि र पूर्व स्रोतव्यक्ति रहेका कुशवाहाले यो उपलब्धिमार्फत बज्जिका भाषा र साहित्यलाई विश्वमाझ चिनाउने अतुलनीय योगदान पुर्याएका छन्।
विश्वका प्रख्यात साहित्यकार, प्राध्यापक र निबन्धकारहरूको सहभागिता रहेको यस प्रतियोगितामा रामचन्द्र कुशवाहाले बज्जिका भाषामा लेखिएको २४३५ शब्दको निबन्ध प्रस्तुत गरी सबैलाई चकित पारे। प्रतियोगिताको नियमअनुसार २००० शब्दमा निबन्ध लेखिनुपर्ने भए पनि कुशवाहाले आफ्नो गहन विचार र साहित्यिक कौशलमार्फत २४३५ शब्दमा उत्कृष्ट कृति पेश गरी नयाँ कीर्तिमान रच्न सफल भए। उनको यो निबन्धले बज्जिका भाषाको समृद्धि र गहिराइलाई विश्वसामु उजागर गरेको छ।रामचन्द्र कुशवाहा लामो समयदेखि बज्जिका भाषा र साहित्यको संरक्षण, सम्वर्द्धन र विकासमा अथक योगदान दिँदै आएका छन्।
बज्जिका साहित्य समाज सर्लाहीको नेतृत्व गर्दै उनले यो भाषालाई स्थानीय तहदेखि राष्ट्रिय र अब अन्तर्राष्ट्रिय मञ्चसम्म पुर्याउन महत्त्वपूर्ण भूमिका खेलेका छन्।
उनको लेखन, सम्पादन र साहित्यिक नेतृत्वले बज्जिका भाषालाई नयाँ उचाइ प्रदान गरेको छ। मधेशको सांस्कृतिक र भाषिक पहिचानलाई जोगाउन उनले गरेको प्रयासले हजारौँ युवा र साहित्यप्रेमीहरूलाई प्रेरित गरेको छ।यो उपलब्धिले सर्लाही र समग्र नेपालका लागि गर्वको क्षण सिर्जना गरेको छ।
कुशवाहाको यो कीर्तिमानले बज्जिका भाषा र नेपाली साहित्यलाई विश्वस्तरमा सम्मानित स्थान दिलाएको छ।
आरके श्रीवास्तव,गरूडा,१० गते वैशाख ।
रौतहटको मौलापुर नगरपालिका अन्तर्गत रहेको मालपोत कार्यालय मौलापुरको हाकिमकाे कारण सेवाग्राही मर्कामा परेका छन् । लामो समय देखी कार्यालय प्रमुख बिहीन रहेको मालपोत कार्यालय मौलापुरमा नयाँ कार्यालय प्रमुखको रुपमा कौशल किशोर झा सोमबार हाजिर भएपनि कार्यालयको कामकाज ठप्प रहेको सेवाग्राहीहरुले गुणासाे गरेका छन् ।
नयाँ कार्यालय प्रमुख झा हाजिर भएको ३ दिन बितीसक्दा पनि अख्तियारी नपाएर प्रमुख झाले कार्यालयको कामकाज नगरी सेवाग्राहीहरुलाई थप पीड़ा दिईरहेको नाम नबताउने शर्तमा एक जना सेवाग्राहीले गुणासाे गरेका छन् ।
चैत महिनाको सुरुमा नै फाइल पेश गरेको तर कार्यालयमा हाकिम नरहेको विभिन्न बहानामा कामकाज रोकी बैशाख सम्म कार्यालय धाउन बाध्य बनाएको अर्का सेवाग्राहीले दुःखेसो पोखेका छन् ।
हाल नया कार्यालय प्रमुखको रुपमा कौशल किशोर झा हाजिर भएपनि अख्तियारी नपाएको तथा त्यस्तै विभिन्न बहानामा कामकाज नै नगरी कार्यालयमा बसेर गफ हान्नमा व्यस्त देखिएका छन् ।
स्रोतका अनुसार प्रमुख झाले कार्यालयको बारेमा विभिन्न विवादित कुराहरुको उठान गर्दा तथा विवादित बिषयवस्तुमा विशेष गरेर ध्यान पुर्याएको कारण अख्तियारी पाउन कठिनाई भइरहेको बुझिएको छ ।
मालपोत कार्यालय मौलापुर सञ्चालन भएदेखि नै कार्यालय प्रमुखको रुपमा निरन्तर कामकाज गर्दै आएको बबुनन्दन साहको कार्यकालमा यस्ता समस्याहरु देख्न नपाएका स्थानीय सेवाग्राहीहरूको भनाई रहेको छ ।
हाल कार्यालय प्रमुख उपस्थित भए पनि सेवाग्राहीहरूको कामकाज नहुँदा दिनहु कार्यालयमा आएर बेलुकासम्म प्रतिक्षा गरि निराश भएर घर फर्किनु पर्ने बाध्यता रहेको सेवाग्राहीहरूको भनाई रहेको छ।
यस बिषयमा प्रमुख झासंग कुरा गर्दा विभाग सम्बन्धी कुरा भएकोले विभागीय मन्त्रालयले अहिले सम्म अख्तियारी नदिएको बताए । सम्बन्धित मन्त्रालयका सचिव सरुवा भएकाले अख्तियारी पाउन थप एक हप्तासम्म लाग्न सक्ने उनले बताए । यता कार्यालयमा कामकाजको लागि दिनहु धाउन बाध्य भएका सेवाग्राहीले कार्यालय प्रमुख अख्तियारी नपाउदा सम्म थप मार खेप्नु पर्ने निश्चित छ ।
बज्जिकाञ्चल संवाददाता,महाेत्तरी,११ गते वैशाख ।
महोत्तरी । लोकतान्त्रिक सामाजवादी पार्टी (लोसपा) नेपालको पिपरा गाउँपालिका कार्यसमितिले वडा अधिवेशन कार्यक्रमअन्तर्गत वडा नम्बर १ एकरहिया, खैरबा, गम्हरीया, ढेकहा गाउँको अधिवेशन सम्पन्न गरेको छ । पर्यवेक्षक विरेन्द्र रायको उपस्थितिमा सम्पन्न भएको साे अधिवेशनमा वडा अध्यक्ष किशोरी महतोको अध्यक्षता रहेको थियो।
अधिवेशनमा लोसपाका केन्द्रीय सचिवद्वय रमन कुमार ठाकुर र अजय झा प्रमुख अतिथिका रूपमा उपस्थित थिए । त्यस्तै, केन्द्रीय सदस्यद्वय सत्या देवी महरा र रामकली देवी महतो, मधेश प्रदेश समिति सदस्य अमित कुमार पाण्डेय, जिल्ला युवा अध्यक्ष सुशील महतो, पिपरा गाउँपालिका अध्यक्ष विनित पाण्डेय, पूर्वगाउँपालिका अध्यक्ष तथा लोसपा नेता बिक्रम चौधरी, पालिका नेताद्वय रामविनोद ठाकुर र रामजानकी पासवानलगायत विभिन्न नेताहरूको सहभागिता रहेको थियो।
लोसपाको महाअधिवेशन निर्देशिका २०८१ को दफा १ र २ अनुसार किशोरी महतोको नेतृत्वमा वडा नं. १ को २१ सदस्यीय समिति सर्वसम्मत रूपमा चयन गरिएको छ। साथै, निर्देशिकाको दफा २ (ङ) बमोजिम पालिका अधिवेशनका लागि वडाबाट १६ जना प्रतिनिधि पनि सर्वसम्मत चयन भएका छन्।
कार्यक्रममा सहभागी नेताहरूले नवगठित समितिलाई बधाई दिँदै लोसपाको सङ्गठन विस्तार र मधेश प्रदेशको विकासमा सक्रिय भूमिका निर्वाह गर्न आह्वान गरे। पालिका अध्यक्ष विनित पाण्डेयले नवनिर्वाचित समितिका पदाधिकारी र सदस्यहरूलाई सफल कार्यकालका लागि शुभकामना व्यक्त गरे। “यो अधिवेशनले हाम्रो पार्टीको आधारलाई थप सुदृढ बनाएको छ। नवगठित समितिले स्थानीय स्तरमा जनताको मुद्दालाई प्रभावकारी रूपमा उठाउनेछ,” उनले भने।
अधिवेशनमा वडाका सम्पूर्ण सदस्यहरूको सक्रिय सहभागिता रहेको र सर्वसम्मतिबाट नेतृत्व चयन हुनुले पार्टीभित्र एकताको सन्देश गएको लोसपा नेताहरूको भनाइ छ। यो अधिवेशन पिपरा गाउँपालिकामा लोसपाको सङ्गठनात्मक गतिविधिलाई तीव्रता दिने महत्त्वपूर्ण कदमका रूपमा हेरिएको छ।लोसपा नेपाल पिपरा परिवारले नवगठित समितिलाई स्थानीय समस्याहरूको समाधान र पार्टीको नीति कार्यान्वयनमा प्रभावकारी भूमिका खेल्न प्रेरित गरेको छ। आगामी पालिका अधिवेशनका लागि तयारी तीव्र पार्ने योजनासहित लोसपाले मधेश प्रदेशमा आफ्नो प्रभाव विस्तार गर्ने रणनीति अघि सारेको छ।
“हामी जनताको विश्वास जितेर मधेशको समृद्धिका लागि अघि बढ्नेछौँ। यो अधिवेशन त्यसैको आधार हो,” पालिका अध्यक्ष पाण्डेयले भने। लोसपाले आगामी दिनमा अन्य वडाहरूमा पनि यस्तै अधिवेशनहरू आयोजना गरी सङ्गठनलाई थप मजबुत बनाउने योजना बनाएको पालिका कार्य समितिका अध्यक्ष विनित पाण्डेयले बताएका छन् । सभार रिपब्लिक नेपाल
आरके श्रीवास्तव,राैतहट,११ गते वैशाख ।
लाेकतान्त्रिक समाजवादी पार्टी नेपालले काेशी प्रदेश तदर्थ समिति बनाउन पदाधिकारी ताेकेकाे छ । पार्टी विभिन्न पदमा रहनु भएका नेताहरू लाई साे जिम्मेवारी ताेकिएकाे हाे ।
लाेसपा नेपालका अध्यक्ष महन्थ ठाकुर द्वारा हस्ताक्षरित पत्र माफर्त पदाधिकारीहरूकाे नाम सार्वजनिक गरिएको हाे । पत्रमा उल्लेख भए अनुसार जिम्मेवारी पाउनेहरूमा उपाध्यक्ष द्वय जयप्रकाश ठाकुर,प्रा.अमरकान्त झा,सचिव महम्द कादिर रहेका छन् ।
त्यस्तै झापा जिल्ला अध्यक्ष एवम् लाेसपा नेपालका केन्द्रीय सदस्य अनुत सिंह राजवंशी,सुनसरी जिल्ला अध्यक्ष मनिष राैनियार र लाेकतान्त्रिक स्वास्थ्य व्यवसायी संघकाे काेषाध्यक्ष सुनसरी निवासी अर्जुन चाैलागाई रहेका छन् ।
वहाँहरूलाई काेशी प्रदेशमा रहेका पार्टीको सम्पूर्ण समितिहरू,पार्टीमा आबद्ध वर्तमान तथा पूर्व पार्टीका नेता/कार्यकर्ताहरू,आम नागरिक,बुद्धिजीवी,उद्यमी/व्यापारीहरू लगायत सबैसँग वृहत् भेटघाट तथा सम्पर्क स्थापित गरि १ महिना भित्र पार्टीको प्रदेश तदर्थ समिति गठन गरि पार्टीलाई जानकारी गराउन निर्देशन दिइएको लाेसपा नेपालका महासचिव मनिष मिश्रले जानकारी गराउनु भएको हाे ।
