बज्जिकाञ्चल संवाददाता,१९ पुस २०८१ । 

काठमाडौं । प्रतिनिधि सभाका सदस्य एवम् पूर्वमन्त्री एकनाथ ढकालले नेपाल भ्रमणमा रहनु भएका श्रीलंकाका पूर्वराष्ट्रपति रनिल विक्रमासिङ्घेसंग बिहिबार भेटवार्ता गर्नु भएको छ ।
काठमाडौको एक होटेलमा भएको भेटमा दुई देशबीचको आपसी सम्बन्ध र परस्पर हितका विविध पक्षमा कुराकानी भएको थियो । सांसद ढकालले पूर्व राष्टपति रनिल विक्रमासिङ्घेले लुम्बिनी भ्रमण गर्नु भएकोमा धन्यवाद समेत दिए। भेटमा दूई देशको आपसी हितको बारेमा पनि छलफल भएको  भेटका सहभागी नेपाल परिवार दलका महामन्त्री सन्तोष कुमार पौडेल जानकारी दिए । सांसद ढकाल  प्रतिनिधी सभाको अन्तराष्ट्रिय सम्बन्ध तथा पर्यटन समिति सदस्य समेत हुन् ।

प्रेमचन्द्र झा,राैतहट,पुस १९ गते २०८१ । 

राैतहट । राष्ट्रिय मातृभूमि पार्टी नेपालका केन्द्रीय महासचिव गाेविन्द गिरीले स्थानीय सरकार स्थानीय जनताको जनचाहना अनुसार काम गर्न असफल भएको दाबी  गरेका छन् ।

गढिमाई नगरपालिका वडा नम्बर ८ बरियारपुरमा आयोजित पार्टी प्रवेस कार्यक्रमलाई प्रमुख अतिथि आसनबाट सम्बोधन गर्दै पार्टीका नेता तथा कार्यकर्तालाई सुशासनको पक्षमा लाग्न आग्रह गरेका छन ।  गढिमाई नगरपालिकामा सडक,नाला तथा  विभिन्न काम गर्दा भएको भ्रष्टाचार बिरुद्व आवाज बुलन्द गर्न सुझाव दिदै  जनता नबोले सम्म भने जस्तो विकास हुदैन। गढिमाई नगरपालिकामा बाटो,नाला, खानेपानी तथा सरसफाइ लगायत कुनै पनि क्षेत्रमा विकास  नभएको महासचिव गिरीले दाबी गरेका छन । आएको बजेट सदुपयोग नभए सम्म विकास सम्भव नरहेको उनले बताए । पाट्रीका गढिमाई नगर अध्यक्ष शम्भु साहकाे अध्यक्षतामा भएको पाट्री प्रवेश कार्यक्रममा नेपाली कांग्रेस ,नेकपा एमाले र माओवादी सहित  विभिन्न पार्टी परित्याग गरि एकसय पचास जना भन्दा बढि व्यक्ति पार्टी प्रवेश गरेका छन । पार्टी प्रबेश तथा वडा समिति गठन कार्यक्रम वरियारपुर मलाही र समनपुरमा भएको थियो । सो अवसरमा राष्ट्रिय मातृभुमि पार्टीका

केन्द्रीय काेषाध्यक्ष केशव भट्टाराई ,केन्द्रीय सदस्य सविता झा ,जिल्ला अध्यक्ष रन्जित पटेल ,सुरेन्द्र ढकाल सुरेन्द्र प्रतिष्ठानका अध्यक्ष सुरेन्द्र  ढकाल सहितले मन्तव्य राखेका थिए ।

प्रेमचन्द्र झा,राैतहट,पुस १९ गते २०८१ । 

सुरेन्द्र ढकाल प्रतिष्ठानका अध्यक्ष सुरेन्द्र ढकालले राजनीति सेवा हाे पेशा नरहे बताएका छन् । राष्ट्रिय मातृभूमि पार्टि नेपालकाे अनुराेधमा गढिमाई नगरपालिकाको समनपुरमा आयोजित न्यानो कपडा वितरण कार्यक्रममा बोल्दै आफुले कुनै राजनितिक पद पाए,निशुल्क सेवा गर्ने छु । सेवा बापत कुनै सुबिधा नलिने घाेषणा समेत गर्नु भयो ।

सो अवसरमा महासचिव गाेविन्द गिरि, काेषाध्यक्ष केशव भट्टराई, केन्द्रीय सदस्य सविता झा ,जिल्ला अध्यक्ष रन्जित पटेल, नग, अध्यक्ष शम्भु साह,दायाँ देवी सहितले वाेलेका थिए । साे प्रतिष्ठानले गढिमाई नपा १,८ र ९ नम्बर वडाको  विभिन्न स्थानमा कार्यक्रम गरि ३ सय जना भन्दा बढि विपन्न परिवारका ब्यक्तिलाई कम्बल बाडेका छन् ।

चन्दन यादव,रौतहट, १९ गते पुस २०८१ ।

राैतहटकाे फतुवा विजयपुर नगरपालिकामा एकै बिधालयमा भवन निर्माणका लागि शिलान्यास गरिएको छ । साे नगरपालिकाकाे वडा नम्बर ५ मा रहेको श्री आधारभूत बिधालय सन्तपुर दाे.,श्री माध्यमिक विजयपुर र श्री माध्यमिक बिधालय टेंग्राहामा एकै पटक बिधालय भवन बनाउनका लागि शिलान्यास गरिएको हाे ।

फतुवा विजयपुर नगरपालिकाको वडा नम्बर ४ टेंग्राहा स्थित माध्यमिक विद्यालयमा आज एक कार्यक्रमका बिच विद्यालय भवनको शिलान्यास गरिएको हो । प्रधानाध्यापक अनिल कुमार यादवको विशेष पहलमा चार कोठ्ठे भवनको आज शिलान्यास सम्पन्न भएको हो ।
कार्यवाहक नगर प्रमुख अम्बेया खातुन र वडा अध्यक्ष सतिश कुमार यादवले संयुक्त रूपमा उक्त विद्यालय भवनको शिलान्यास गरेका हुन् ।

राष्ट्रपति शैक्षिक सुधार योजना अन्तर्गत स्थानीय सरकारको सहयोगमा निर्माण हुन लागेको उक्त चार कोठ्ठे विद्यालय भवन कुल ५५ लाखको लगानिमा निर्माण हुने विद्यालयका प्रधानाध्यापक अनिल कुमार यादवले बताएका छन् ।

उनी प्रधानाध्यापक भए देखी नै बिधालयको शैक्षिक अवस्थामा सुधार, चार कोठ्ठे भवन निर्माणधिन अवस्थामा छ भने व्यवस्थित शौचालयको पनि निर्माण गराएका हुन् । ग्रामीण भेगमा भए पनि शिक्षाको गुणस्तर पनि पहिलाको तुलनामा अहिले राम्रो भएको त्यहाँको स्थानियहरुले बताउन थालेका छन् ।

शिलान्यास कार्यक्रममा उक्त पालिकाको वडा नं ४ का स्थानियहरुको धेरै संख्यामा मानिसहरूकाे उपस्थिती रहेका थियाे । साथै उक्त विधालयका शिक्षकहरुको, सुरक्षाकर्मी, भद्रभलादमी र पत्रकारहरुको विशेष उपस्थितिमा विधालयमा नयाँ चार कोठ्ठे भवनको शिलान्यास भएको हाे ।

बज्जिकाञ्चल संवाददाता,सिरहा,१८ गते पुस २०८१ । 

लहान । आमसञ्चार प्राधिकरण मधेश प्रदेशद्वारा सिरहाको लहानमा २०८१ पुस १६ गते पत्रकारहरुहरुको सहभागितामा साइबर सुरक्षा र एआइ सम्बन्धी कार्यक्रम मङ्गलबार आयोजना गरिएकाे हाे ।

कार्यक्रम उद्घाटन गर्नुहुँदै मधेश प्रदेशका गृह सञ्चार तथा कानूनमन्त्री राजकुमार लेखीले इच्छा शक्ति भएपछि काम गर्न सकिने बताउनुभयो । छ वर्षमा नबनेको शिक्षा नीति आफू मन्त्री भएको दुई महिनामा बनाएको पछि शिक्षा मन्त्रीबाट गृह, सञ्चार तथा कानुन मन्त्रीको जिम्मेवारी सम्हालेपछि ६ महिनामा मधेश प्रदेशको पत्रकारलाई स्वास्थ्य तथा दुर्घटना बीमा शुरुवात, विपद् मा पर्ने परिवारलाई एक लाखको दरले सहयोग, प्रदेश प्रहरी भवन निर्माणका लागि २३ करोड प्रदान, आगलागी परिवारलाई दश हजारको दरले सहयोग, विभिन्न प्रहरी एकाइ भवन निर्माणका लागि १९ करोड विनियोजन,सहिद परिवारलाई स्वास्थ्य–दुर्घटना बीमा सुरुवात, प्रदेश सुरक्षा नीति निर्माण सम्पन्न लगायत दुई दर्जन कार्य सुरु गरिसकेको उहाँले बताउनुभयो ।

अब काम गर्नेबेला आएको हो गफ गर्ने र काम गर्नेलाई जनताले पहिचान गरिरहेको बताउनुहुँदै उहाँले पत्रकारहरुलाई जिम्मेवार भएर सही सत्य तथ्यलाई बाहिर ल्याउन आग्रह गर्नुभयो । मन्त्री लेखीले आफ्नो मन्त्रालयले पत्रकारिता गरिरहेका र पत्रकारितामा लामो समय बिताएका पत्रकारका लागि विभिन्न योजनाहरू बनाइरहेको भनी जानकारी दिनुभयो । पत्रकारलाई बिमा गर्ने, पढ्न छात्रवृत्ति दिने, राम्रो गर्ने पत्रकारलाई आर्थिक सहयोग गरेर हौसला प्रदान गर्ने लगायतका योजनाहरूमा काम भइरहेको उहाँले चर्चा गर्नुभयो ।

कार्यक्रममा प्रदेश सभा सदस्यत्रय राजेन्द्र प्रसाद चौधरी, जिबछी यादव, ललिता दास, गृह, सञ्चार तथा कानुन मन्त्रालयका महाशाखा प्रमुख दिपेन्द्र प्रसाद यादव लगायतले पत्रकारहरुको हकहितका लागि प्रदेश सरकारले समुचित बजेट व्यवस्थापन गर्नुपर्नेमा जोड दिनुभयो । पत्रकार र पत्रकारिता क्षेत्र सबल भए मात्र सङ्घीय लोकतान्त्रिक गणतन्त्र मजबुत हुने बताउनुभयो । प्राधिकरणले गर्दैआएका गतिविधिहरु प्रशंसनीय रहेकोले यसलाई आगामी दिनमा समेत निरन्तरता दिनुपर्नेमा उहाँहरुले जोड दिनुभयो ।

एक दिवसीय साइबर तथा एआई प्रविधिको सकारात्मक नकारात्मक पक्षबारे पत्रकार जीवन भण्डारी र प्रकाश मैनालीले प्रशिक्षण दिनुभयो । अभिमुखीकरण कार्यक्रमको समापनमा नेपाल पत्रकार महासङ्घ मधेश प्रदेशका उपाध्यक्ष अम्बिका दाहालले मधेशमा शिक्षा, स्वास्थ्य, कृषि र पर्यटन क्षेत्रलाई प्राथमिकतामा राख्नुको साथै सामाजिक न्यायको विषयलाई समेत ध्यानमा राखेर सामाचार सम्प्रेषण गर्नुपर्नेमा जोड दिनुभयो । वर्तमान अवस्थामा पत्रकारहरुलाई साइबर सुरक्षा र आएई प्रविधिको ज्ञान हुन आवश्यक रहेको अवस्थामा प्राधिकरणले आठओटै जिल्लामा सञ्चालन गर्न लागेको अभिमुखिकरण कार्यक्रम प्रभावकारी हुने विश्वास व्यक्त गर्नुभयो ।
आमसञ्चार प्राधिकरण मधेश प्रदेशले पत्रकाररिता तालिम, पत्रकारहरुको वृति विकास, बीमा कार्यक्रम र जिम्मेवार पत्रकारिताका लागि उपलब्ध स्रोत साधनबाट निरन्तर कार्य गरिरहेको प्राधिकरणका अध्यक्ष श्यामसुन्दर यादवले बताउनुभयो ।
एआइ सम्बन्धी अभिमुखिकरण कार्यक्रमले पत्रकारहरुलाई सीप तथा क्षमता विकासमा मदत मिलेको नेपाल पत्रकार महासङ्घ सिराहा शाखाका अध्यक्ष मनोज कुमार बनैताले धन्यवाद ज्ञापन गर्नुभयो । कार्यक्रम सञ्चालन प्राधिकरणका निमित्त प्रशासकीय प्रमुख प्रशन्नराज कर्णले गर्नुभयो । कार्यक्रममा सिरहा जिल्लाका ८५ जना पत्रकारहरूको सहभागिता थियो ।
आम सञ्चार प्राधिकरण मधेस प्रदेशका अध्यक्ष श्याम सुन्दर यादवले उत्साहजनक सहभागिता र सहयोगका लागि नेपाल पत्रकार महासंघ सिरहा शाखाका अध्यक्ष मनोज बनैता सहित सम्पूर्ण सहभागीहरुलाई हार्दिक आभार सहित धन्यवाद ज्ञापन गर्नु भएको छ ।

रौतहट।

लाखौं मूल्य बराबरको अबैध किराना सामान लोड रहेको नेपाली नम्बरको पिकअप भ्यान सहित चालकलाई रौतहट प्रहरीले पक्राउ गरेको छ।

सीमावर्ती बजार बैरगनिया बाट २ लाख ७१ हजार ९०० मूल्य बराबरको भन्सार छलेर ल्याएको चीनी, मैदा, धनिया , रिफाईन तेल, सेवई सुपारी बोकेको प्रदेश २ ००१ च ४००० नम्बरको पिक अप भ्यान प्रहरीले बरामद गरेको हो। जिल्ला प्रहरी कार्यालय रौतहटबाट गएको गस्ती टोलीले बुधवार गौरस्थित बसपार्क नजिकै चेकजाँचको क्रममा अबैध सामानसहितको उक्त पिक अप गाडी नियन्त्रणमा लिएको जिल्ला प्रहरी प्रवक्ता डीएसपी दीपक कुमार रायले बताएका छन्।

बरामद गाडी र सामानको कुल ९ लाख ७१ हजार ९०० रुपैयाँ मूल्याङकन गरी चालक गौर नगरपालिका ८ का दिनेश राउत बरैसमेत आवश्यक कारवाहीको लागि बुधवार जिल्ला भन्सार कार्यालय गौरमा बुझाईएको जिल्ला प्रहरी कार्यालयको सूचनामा उल्लेख गरिएको छ।रौतहट प्रहरी प्रमुख एसपी दिलीप घिमिरेको निर्देशनमा जिल्ला स्थित तस्करी नियन्त्रण गर्न प्रहरीले पूर्ण सक्रियता देखाएको छ । डिसी नेपाल

दिपेन्द्र रजक,राैतहट,पुस १८ गते २०८१ ।

रौतहट । रौतहट जिल्लाको फतुवा विजयपुर नगरपालिकामा सुरुङ बनाएर चोरका समुहहरुले चोरी गरेको छ । जिल्लाको फतुवा विजयपुर नगरपालिका वडा नम्बर ६ पेटभर्वा निवासी अच्छेलाल साहको घरमा चोरी भएको छ । बुधबारको राती करिब १२ बजेको समयमा सुरुङ बनाई घरमा प्रवेश गरेर पाँच वटा मोबाइल गरगहना र नगद २ लाख गरी करिब ५ लाख बराबरको चोरी भएको पीडित अच्छेलाल साहको भतिज राजकिशोर साहले बताएका छन्। घरमा चोरी भएपछि पीडित परिवारले इलाका प्रहरी कार्यालय सन्तपुरमा जानकारी गराउँदा पनि कुनै वास्ता नगरेपछि गाउँको युवाहरूले चोरी भएको मोबाइलको लोकेसनको आधारमा खोजी गर्दै जाँदा फतुवा गाउँको मठको नजिक चारवटा चोर फेला परेको र चोरी भएको मोबाइलहरू र गरगहना र पैसा त्यहीबाट बरामद भएपछि युवाहरूले इलाका प्रहरी कार्यालय विजयपुरमा जानकारी गराएपछि त्यहाँबाट आएको टोली चारैजना चोरलाई समातेर इलाका प्रहरी कार्यालय विजयपुरमा लगेको स्थानीयहरूले बताएका छन्। समातिएको चारैजना चोर गाउँ गाउँमा घुमेर खेला हेराउदै मागेर खाँदै आएको कलैया रहेको फतुवा गाउँका मान्छेहरू बताएका छन्।

इलाका प्रहरी कार्यालय सन्तपुरको प्रहरीहरूले गस्ति न गर्दा बारम्बार चोरी भइरहेको स्थानीयहरूले गुनासो गरेका छन् । भर्खरै केही दिन अगाडि पेटभर्वा गाउँकै चारवटा घरमा चोरी भएको थियो। त्यो चोरलाई पनि अहिलेसम्म पक्राउ गरेका छैनन् ! पेटभरावा गाउँमा बारम्बार चोरीको घटना हुँदा पेटभर्वा गाउँबासी अहिले त्रसित बनेका छन्।प्रहरीले दिएको जानकारी अनुसार अनुसन्धान भईरहेको छ ।