काठमाडौँ । राष्ट्रिय स्वतन्त्र पार्टी (रास्वपा) का महामन्त्री डा.मुकुल ढकालले तयार गरेको पार्टीको वर्तमान अवस्था बारेको प्रतिवेदन सभापति रवि लामिछानेलाई बुझाएका हुन् ।

इलाममा सम्पन्न उपनिर्वाचनमा पार्टीको नराम्रो हारसँगै रास्वपाले देश भरका नेता तथा कार्यकर्ताको धारणा बुझेर प्रतिवेदन बनाउन महामन्त्री ढकाललाई कार्यादेश दिएको थियो ।

महामन्त्री ढकालले तयार गरेको प्रतिवेदनमा रास्वपाको जनमत कमजोर बनेको र अहिलेको जस्तै गरि अगाडी बढीरहेमा रास्वपा विवेकशील साझा पार्टीको बाटोमा जाने निष्कर्ष निकालेका छन् ।

उनले प्रतिवेदनमा पार्टी माओवादी केन्द्रका अध्यक्ष प्रचण्ड र नेकपा एमाले अध्यक्ष केपी शर्मा ओलीको साथमा सत्ताका लागि सम्झौता गर्नुभन्दा काठमाडौँ महानगरपालिकाका मेयर बालेन शाहसँग सहकार्य गर्नु हितकर हुने समेत सुझाव दिएका छन् ।

महामन्त्री ढकालले आम कार्यकर्ताबाट व्यक्त भएका भावनालाई प्रतिवेदनमा समेटेको र यसलाई कार्यान्वयन गर्न आफुले नेतृत्वलाई आग्रह गर्ने बताएका छन् । आफुले जन्माएको पार्टी भएका कारण आफुले प्रतिवेदनमा यथार्थ उल्लेख गरेको बताउदै उनले यसका लागि आफ्नो महामन्त्री पद समेत जान सक्ने उल्लेख गरेका छन् ।न्युज कारखाना

काठमाडौँ । अफगानिस्तान दक्षिण अफ्रीकाविरुद्ध ५६ रनमा अल आउट भएको छ ।

जारी टी- २० विश्वकपको सेमिफाइनल खेलमा टस जितेर पहिला ब्याटिंग गरेको अफगानिस्तान ११.४ ओभरमा ५६ रन बनाएर अल आउट भएको हो ।

अफगानिस्तानका लागि अज्मतुल्लाह ओमरजाईले सर्बाधिक १० रन बनाएका थिए भने अन्य ब्याट्सम्यानले दोहोरो अंकमा रन बनाउन सकेनन । त्यस्तै दक्षिण अफ्रिकाका बलर मार्को जानसेन र ताब्रिज शाम्सीले सर्बाधिक ३-३ विकेट लिए भने कागीसो रबाडा र एनरिच नोकियाले २-२ विकेट लिएका थिए ।न्युज कारखाना

काठमाडौँ । जारी युरोकपको नकआउट चरणको समीकरण पुरा भएको छ । २४ देशले भाग लिएको युरोकपमा ८ देश बाहिरिएका छन् भने १६ देश नक आउट चरणमा पुगेका छन् ।

जसमा हरेक समुहका समुह विजेता र उपविजेता गरि १२ देश नक आउटमा पुगेका छन् भने हरेक समुहका तेस्रो स्थानमा रहेका शिर्ष चार देश नक आउट चरणमा पुगेका छन् । जसमा समुह ए बाट जर्मनी विजेता र स्वीजरल्याण्ड उपविजेता बन्दै नक आउटमा पुगेका छन् भने हंगेरी र स्कटल्याण्ड समुह चरणबाटै बाहिरिएका छन् ।

त्यस्तै समुह बी बाट स्पेन समुह विजेता र इटाली उपविजेता हुदै नक आउटमा पुगेका छन् भने क्रोसिया र अल्बानिया बाहिरिएका छन् । त्यस्तै समुह सी बाट इङल्याण्ड विजेता र डेनमार्क उपविजेता हुदै नकआउटमा पुगेका छन् । त्यस्तै स्लोभेनिया तेस्रो स्थानमा रहेर नक आउटमा पुगेको छ । यस समुहबाट सर्बिया बाहिरिएको छ ।

त्यस्तै समुह डी बाट अस्ट्रिया विजेता र फ्रान्स उपविजेता हुदै नक आउटमा पुगेको छ । त्यस्तै नेदरल्याण्डस तेस्रो हुदै नक आउटमा पुगेको छ । त्यसैगरी समुह इ बाट रोमानिया विजेता र बेल्जियम उपविजेता हुदै नक आउटमा पुगेको छ भने स्लोभाकिया तेस्रो स्थानमा हुदै नक आउटमा पुगेको छ ।

त्यस्तै समुह एफ बाट पोर्चुगल विजेता र टर्की उपविजेता हुदै नक आउटमा पुगेको छ भने जर्जिया तेस्रो स्थानमा रहदै नक आउटमा पुगेको छ ।

अब नक आउट चरणमा स्पेन र जर्जिया खेल्ने छन् भने जर्मनीले डेनमार्कको सामना गर्ने छ । त्यस्तै पोर्चुगलले स्लोभेनियाको सामना गर्ने छ भने फ्रान्सले बेल्जियमको सामना गर्ने भएको छ ।

त्यसैगरी रोमानियाले नेदरल्याण्डसको सामना गर्ने छ भने अस्ट्रियाले टर्कीको सामना गर्ने छ । त्यस्तै इङल्याण्डले स्लोभाकियाको सामना गर्ने छ भने स्वीजरल्याण्डले इटालीको सामना गर्ने छ ।

नक आउट चरणका खेल जुन २९ देखि शुरु हुने छन् ।न्युज कारखाना

काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसइई) को नतिजा आज सार्वजनिक गर्ने भएको छ  ।

यस अघि बुधबार नतिजा सार्बजनिक गर्ने तयारी गरेको भएपनि प्राविधिक काम नसकिएकाले नतिजा आज सार्बजनिक गर्ने भएको हो । नतिजा प्रकाशनका लागि विहिबार बिहान बोर्ड बैठक बोलाइएको छ ।

कार्यालयले गत वर्ष असार २४ मा एसइईको नतिजा सार्वजनिक गरेको थियो । परीक्षा नियन्त्रक नन्दलाल पौडेलले यस वर्ष एसइईको नतिजा सैद्धान्तिक र प्रयोगात्मक फरक गरी सार्वजनिक गरिने बताएका छन् । यस वर्षको नतिजामा विद्यार्थीले सैद्धान्तिकतर्फ ७५ अङ्कको परीक्षामा ३५ प्रतिशत अर्थात् २७ अङ्क नल्याउनेलाई एनजी उल्लेख गरिने भएको छ ।

गत चैत १५ गतेदेखि २७ गतेसम्म भएको परीक्षामा नियमिततर्फ चार लाख ६७ हजार र ग्रेड वृद्धितर्फ २१ हजार परीक्षार्थी सहभागी थिए । न्युज कारखाना

काठमाडौँ । पोर्चुगल जर्जियासँग स्तब्ध भएको छ । गएराती सम्पन्न जारी युरोकपको समुह चरणको अन्तिम खेलमा जर्जियाले पोर्चुगललाई २-० गोल अन्तरले पराजित गर्दै स्तब्ध बनाएको हो ।

जर्जियाको जितमा खभिचा भारतखेलिया र जर्जस मिकाउटाजेले एक एक गोल गरेका थिए ।

यो जितपछि समुह एफ मा जर्जिया तेस्रो स्थानमा रहदै नक आउट चरणमा पुगेको छ ।

त्यस्तै हारका बाबजुत पोर्चुगल समुहमा शिर्ष स्थानमा रहेको छ । त्यस्तै समुह एफमा टर्कीले चेक रिपब्लिकलाई २-१ गोल अन्तरले पराजति गरेको छ र समुहमा दोस्रो हुदै नक आउट चरणमा छनौट भएको छ ।

यस समुहबाट चेक रिपब्लिक बाहिरिएको छ ।न्युज कारखाना

रौतहट, १२ गते असार । रौतहट जिल्लामा कटान गर्ने,बाढी आउने बागमती नदिको नियंत्रणमा संघ सरकार र प्रदेश सरकारले ध्यान नपुर्याउदा जिल्लाका अधिकाशं क्षेत्रका जनता हतोत्साहित बनेकाे राजदेवी नगरपालिकाका नगर प्रमुख भिखारी यादवले बताएका छन् । मानसुन सुरु भईसकेको तर नदि कटान लाई नियंत्रण गर्न कुनै ठोस कदम नचालिएकोले जनताहरु हतोत्साहित भएकाे उनले बताए । नदी नियंत्रण गर्ने संबंधित मंत्रालय लाई पटक पटक लिखित सहित मैखिक रुपमा भने पनी कुनै किसिमको चासो नदेखाएको बताएका छन् । राजदेवी नगरपालिकाको आयोजनमा नगर कार्यपालिकाको कार्यालयमा आज बसेको विपदा व्यवस्था समितिकाको बौठमा नगर प्रमुख भिखारी प्रसाद यादवले आफ्नो कुरा राख्दै उनले बताएका छन् । वर्षेनी बागमती नदिले गरिरहेकाे कटानलाई नियन्त्रणकाे लागि ठोस रुपमा कार्य गर्नुपर्ने भएकोले स्थानीय सरकार असक्षम रहेकोले संघ सरकार र प्रदेश सरकारको आवश्यकता रहेको छ तर कुनै वास्ता नगरेकोले यस वर्ष नदीको किनार ततबंनध सम्म आईपुगेकोले ततबंनध समेत बगने सम्भावना रहेको छ । जिल्ला प्रमुख अधिकारी, जिल्ला प्रहरी प्रमुख अधिकारी, जिल्ला विपद व्यवस्था समिति प्रमुख समेत लाई नदिको अवस्था लाई अवलोकन गराईएको तर कुनै निकास पहल नदेखाएको उनले बताएका छन् । पछिलो वर्ष नदिमा बाढी को पानीको सतह कम रहेकोले क्षति कम भएको थियो तर पानिको सतह बढि भयो भने जिल्लाको राजदेवी नगरपालिका , दुर्गाभगवति गाउँपालिका, गौर नगरपालिका, यमुनामाई गाउँपालिका लगायतका क्षेत्रमा प्रत्यक्ष असर पर्ने छन् । नदिको बहाव मुल धार छोडी ततबंनधको छिउ बाट गइरहेकोले खतरा बढी रहेको बुझिएको छ । आज बसेको बैठकमा नदि कटन नियंत्रणलाई नगर प्रमुख यादवले नगरपालिकाबाट हुने अस्थायी व्यवस्था जस्तै बालुवा,बोरा, सानो बोलडर, रस्सी जाली, बास भरयाङ्ग जस्ता समाग्रीहर वेवस्था मिलाएर राख्ने बताएका छन् । बाढी आएको बेला आम जनमानस लाई बचाव र सहयोगको लागि विपद व्यवस्थापन समिति, सुचना प्रविधि शाखा, स्वास्थ्य शाखा,कृषि शाखा, योजना शाखा, सस्त्र प्रहरी बल, जनपद प्रहरी, नगर प्रहरी, रेडक्रस सोसाइटी, संचारकर्मी लगायत लाई आफ्नो पुर्व तैयारी गरी राख्ने प्रमुख प्रशासकीय अधिकृत प्रलव कायस्थले बताएका छन् । आज बसेको विपदा व्यवस्था समितिकाको बैठक बाट तिन वटा निर्णय गरिएको छ । हालसालै सुरु भएको मनसुनको समयमा यस राजदेवी नगरपालिका भएर बग्ने बागमती नदीमा जलस्तर बढ्न गई बाढी आउने सम्भावनालाई मध्यनजर गर्दे सबै तहका प्रतिनिधिहरुले आ-आफ्नो क्रियाशिलता बढाउने । मनसुनको समयमा यस राजदेवी नगरपालिका भएर बग्ने बागमती नदीमा बाढीजन्य विपद्को समस्यालाई निराकरण गर्नका लागि यस नगरपालिका अन्तर्गत रहेका सुरक्षा निकायका प्रतिनिधि तथा यस नगरपालिकाका नगर प्रहरीहरु समेतहरुले जोखिम न्यूनिकरण अभ्यास गर्नुका साथै हुनसक्ने जोखिमलाई ध्यानमा राख्दै तयारी अवस्थामा राख्ने, हालको समयमा हुन सक्ने बाढीजन्य विपद्को समस्याबाट प्रभावित हुनेहरुका लागि विपद् खोज उद्दार,,सामाग्री तथा राहत सामाग्री तयार अवस्थामा राख्ने । उक्त बैठकमा नगर प्रमुख भिखारी प्रसाद यादव, उप प्रमुख राजकुमारी देवी, प्रमुख प्रशासकीय अधिकृत प्रलव कायस्थ, सुचना अधिकृत चन्द्रभुषण यादव, प्राविधिक संजय पाण्डे, चन्द्रशेखर सिह, योजना प्रमुख पंकज मिश्रा, कृषि शाखा प्रमुख प्रिति जयसवाल, बालबिकास शाखा प्रमुख, सबै वडाका वडाध्यक्षहरु, सस्त्र प्रहरी बेलविछवा कैंप निरिक्षक, रेडक्रस सोसाइटीका प्रतिनिधि अरुण जयसवाल, नगर प्रहरी प्रमुख समोद यादव लगायतका उपस्थित रहेको थियो ।

रौतहट,१२ गते असार । तीन दिनेदेखि तालाबन्दी रहेको रौतहटको कटहरिया नगरपालिका वडा नम्बर ४ मा रहेको श्री आधारभूत बिधालय हर्षाहाको ताला आज खुलेको छ । सो वडाका वडा अध्यक्ष चन्दन कुशवाहाले सक्रियता देखाइ ताला खोल्न लगाएका हुन् । वडा अध्यक्ष कुशवाहा ,शिक्षा संयोजन अनिल कुमार निधि, अभिभवकहरुले, तालाबन्दी गराउने पक्षबीच बसेको बैठकपश्चात् बिधालयमा लगाइएको ताला खुलाउने निर्णय भएको थियो । सो बैठकले दिवा खाजा,शिक्षक लगायताको विषयमा निर्णय गरेको थियो । यता बिद्यार्थीहरुलाइ दिवा खाजा दैनिकको समयमा खुवाउन प्रहलाइ निर्देशन दिएको कटहरियाका शिक्षा संयोजक अनिल कुमार निधिले बताए । बिधालयमा तिन दिन देखि तलाबन्दी भएको कुरा मिडियाहरुमा आउन थालेपछि ध्यानाकर्षण भइ बुधवार बिहानै खुलाइएको हो ।

रौतहट,१२ गते असार । कटहरिया – रौतहटको कटहरियामा निःशुल्क स्वास्थ्य शिविर सुरु भएको छ । सो नगरपालिकाको वडा नम्बर ५ स्थित रहेको प्राथमिक स्वास्थ्य केन्द्रमा आज देखि शिविर सुरु भएको हो । दुुइ दिन सम्म चलने प्रजनन स्वास्थ्य शिविरको पहिलो दिन उदघटान समारोह आयोजन गरिएको थियो । शिविर बुुधवार र विहिवार दुुइ दिन चल्नेछ । उदघाटन समारोह कार्यक्रमलाइ सम्बोधन गर्दै कटहरिया नगरपालिकाका नगर प्रमुख अजय प्रकाश जयसवालले रोग लाग्नुभन्दा अगाडी नै चेकजाँच गरि सुरक्षित रहनु स्वास्थ्यको लागि फाइदाजनक हुने भएकोले यो शिविरको आयोजन गरिएको बताए । यस बाट नगरभरिका महिलाहरु राम्ररी लाभान्वित हुनेछन् भने आफूलाइ पूर्ण विश्वास रहेको बताए । शिविरलाइ सफल पार्न सबैले सहयोग गर्नुुपर्नेमा जोड दिएका थिए । नगर प्रमुख जयसवालले नगरवासीको स्वास्थ्यको मध्यनजर गरि यो प्रजनन स्वास्थ्य शिविर आयोजन गरिएको उनको भनाइ थियो । कटहरिया नगरपालिकाको आयोजना र ए.डि.आर.ए बागमती सेवा समाज नेपालको आर्थिक सहयोगमा महिलाहरुको निम्ति प्रजनन रुग्णता सम्बन्धी निःशुल्क स्वास्थ्य शिविर जारी रहेको छ । असार १२ र १३ गते संचालित हुने उक्त शिविरमा कटहरिया नगरपालिकाका नगर प्रमुख जयसवाल सँगै वडा नम्बर १ का वडा अध्यक्ष भूपेन्द्र महतो कोइरी,वडा नमबर ५ का वडा अध्यक्ष सर्फलाल गुप्ता,वडा नम्बर ६ का वडा अध्यक्ष जयराम चौधरी,स्वास्थ्य संयोजक शंकर प्रसाद यादव,सह संयोजक दिनेश प्रसाद यादव,सबै स्वास्थ्य चौकीका इन्चार्ज,स्वास्थ्य स्वंयम्सेवीका लगायतका व्यक्तीहरु सहभागी थिए । यस्तै स्त्रीरोग रोग विशेषज्ञ डा.निभुु साह, बागमती सेवा समाजका मनोपरामर्शदाता पुनम भट्टराइ,आडरा,बागमती सेवा समाज,कटहरिया पिएचसीका स्वास्थ्यकर्मीहको टिम लगायत सहभागी थिए । शिविरमा २५८ जना महिलाहरुलाई जाँच गरिएको थियो । जसमध्ये पाठेघर खसेको स्क्रिनिङ्ग १६८ जना लाइ गरियो जसमध्ये ६ जना पोजिटिभ देखिएको । भिआइए ८ जना,परिवार नियोजनको सेवा लिने ५४ जना रहेका थिए ।

मधेश ब्यूरो, १२ गते असार । रौतहट जिल्ला पूर्ण खोप सुनिश्चितता घोषण भएको छ । बुधबार गरुडामा एक कार्यक्रमका बिच जिल्लामा रहेको १८ वटा स्थानीय तहहरूले पालिका स्तरीय पूर्णखोप सुनिश्चितता तथा दिगो पन पालिका घोषण सम्पन्न भएपछि रौतहट जिल्ला पूर्णखोप सुनिश्चितता तथा दिगो पनि जिल्ला घोषण भएको हो । जिल्लामा रहेका १८ वटा स्थानीय तहले जन्मेदेखि १५ महिनासम्मका बालबालिकाले पूर्णखोप लगाएसँगै रौतहट जिल्ला खोप सुनिश्चितता जिल्ला घोषण गरिएको हो । मधेश प्रदेश सरकारका स्वास्थ्य राज्यमन्त्री केशवरायको सहभागितामा बुधबार जिल्लालाई पूर्णखोप सुनिश्चितता तथा दिगोपन प्रमाणीकरण घोषण कार्यक्रममा पूर्णखोप सुनिश्चतको प्रमाणपत्र रौतहटले पाएको छ । रौतहट जिल्लामा कुनै पनि बालबालिका पूर्णखोप लगाउन बाँकी नरहेको स्वास्थ्य कार्यालय रौतहट प्रमुख बिपिन साहले जानकारी दिएका हुन् । बालबालिकाले बिसिजी, रोटा, पिसिभी, डिपिटी, हेप– बि, एपआइपीभी, पोलियो दादरा, रुबेला, जापनिज जेइ लगायत १३ प्रकारका खोप लगाएको स्वास्थ्य कार्यालय रौतहटले जनाएको छ । कार्यक्रममा पूर्णखोप सुनिश्चितता घोषण गर्न महत्त्वपूर्ण भूमिका निर्वाह गर्ने १८ पालिकाका लाई सम्मान पत्र र प्रशंसापत्रले सम्मान गरिएको छ । अतिथीहरुलाइ पनि सम्मान गरिएको थियो ।

काठमाडौँ । जारी टी- २० विश्वकपको सेमिफाइनलका दुवै खेल आज हुदै छ । सेमिफाइनलमा भारत, अफगानिस्तान, दक्षिण अफ्रिका र इङल्याण्ड पुगेका छन् ।

सुपर आठको समुह एक बाट भारत र अफगानिस्तान सेमिफाइनलमा पुगेका छन् भने अस्ट्रेलिया र बंगलादेश बाहिरिएका छन् । त्यस्तै समुह २ बाट दक्षिण अफ्रिका र इङल्याण्ड सेमिफाइनलमा पुगेका छन् भने वेस्ट इन्डिज र अमेरिका बाहिरिएका छन् ।

अब सेमिफाइनलका दुवै खेल विहिबार हुने छन् । बिहिबार बिहान पहिलो सेमिफाइनल खेल दक्षिण अफ्रिका र अफगानिस्तानबीच हुने छ । ट्रीनाडस्थित ब्रायन लारा स्टेडियममा हुने पहिलो सेमिफाइनल खेल आज नेपाली समय अनुसार विहान ६: १५ बजेदेखि शुरु हुने छ ।

दक्षिण अफ्रिका सुपर आठमा तिनै खेल जितेर सेमिफाइनलमा पुगेको हो भने अफगानिस्तानले अस्ट्रेलिया र बंगलादेशलाई हराउदै सेमिफाइनलमा पुगेको हो । यस विश्वकपमा दुवै देशको यात्रा रोचक रहेको छ । दक्षिण अफ्रिकाले अहिलेसम्म अपराजित रहेपनि सबै खेलमा संघर्षपूर्ण जित हासिल गर्दै सेमिफाइनलसम्म पुगेको छ भने अर्को तर्फ अफगानिस्तानले समुह चरणमा न्यूजील्याण्ड र सुपर आठमा अस्ट्रेलियालाई पराजित गरेर सेमिफाइनलमा पुगेको छ ।

त्यस्तै दक्षिण अफ्रिका १० बर्षपछि विश्वकपको सेमिफाइनलमा पुगेको छ । यस आघ इ२०१४ को विश्वकपमा दक्षिण अफ्रीका सेमिफाइनलमा पुगेको थियो । त्यसअघि २००९ को विश्वकपमा सेमिफाइनलमा पुगेको थियो । दक्षिण अफ्रीका विश्वकपमा अहिलेसम्म सेमिफाइनलभन्दा अगाडी बढ्न सकेको छैन ।
त्यस्तै अफगानिस्तान भने इतिहास बनाउदै पहिलो पटक विश्वकपको सेमिफाइनलमा पुगेको छ ।

दक्षिण अफ्रिका र अफगानिस्तानबीच अहिलेसम्म २ टी -२० खेल भएका छन् । जसमा दुवै खेल दक्षिण अफ्रिकाले जितेको छ ।

त्यसैगरी दोस्रो सेमिफाइनल खेल भारत र इङल्याण्डबीच हुने भएको छ । गुयनास्थित प्रोभीडेन्स स्टेडियममा हुने यो खेल नेपाली समय अनुसार राति ८: १५ बजेदेखि शुरु हुने छ ।

भारत यस विश्वकपमा अपराजित हुदै सेमिफाइनलसम्म पुगेको छ भने इङल्याण्डले पनि अहिलेसम्म उत्कृष्ट खेल देखाउदै सेमिफाइनलमा पुगेको छ । इङल्याण्ड समुह चरणमा अस्ट्रेलियासँग र सुपर आठमा दक्षिण अफ्रिकासँग पराजित भएको थियो । भारतले २००७ को टी- २० विश्वकपको पहिलो संस्करण जितेपछि अहिलेसम्म विश्वकप जित्न सकेको छैन । २०१४ मा उपविजेता बनेको भारत पछिल्लो विश्वकपमा सेमिफाइनलबाट बाहिरिएको थियो । त्यस्तै इङल्याण्डले भने २०१० र २०२२ को विश्वकप जितेको थियो ।

भारत र इङल्याण्डबीच अहिलेसम्म २३ टी- २० खेल भएका छन् । जसमा भारतले १२ र इङल्याण्डले ११ खेल जितेका छन् । न्युज कारखाना