काठमाडौं ।

सिद्धार्थ प्रिमियर इन्स्योरेन्स लिमिटेडले संस्थापक शेयर बिक्रीमा ल्याएको छ । कम्पनीले १ लाख ७८ हजार ८६५ कित्ता शेयर आज ९पुस ४ गते० देखि बिक्री खुला गरेको जनाएको छ ।

उक्त शेयरको न्यूनतम मूल्य प्रतिकित्ता २२० रुपैयाँ तोकिएको छ। शेयर खरिद गर्न इच्छुक जो–कोहीले प्रतिस्पर्धात्मक मूल्य कबोल गरी न्यूनतम ५ हजार र अधिकतममा सम्पूर्ण शेयरका लागि आवेदन दिन सक्नेछन् ।

लगानीकर्ताले आवश्यक कागजातसहित खरिद गर्न चाहेको शेयर संख्या र सोको मूल्यसमेत कबोल गरी बिक्री प्रबन्धक एनआईसी एशिया क्यापिटल, बबरमहल काठमाडौंमा पुस १३ गतेसम्म गोप्य शिलबन्दी बोलपत्र पेश गर्नुपर्नेछ ।

सर्लाही, पुस ४ गते । 

नवलपुर–मलङ्गवा सडक खण्ड अन्तर्गत सर्लाहीको लालबन्दी नगरपालिका–१, नवलपुरमा मङ्गलबार साँझ मिनिट्रकको ठक्करबाट एक जनाको मृत्यु भएको छ ।

दुर्घटनामा हरिपुर नगरपालिका–७, चिताईनका ५० वर्षीय रुदल कुमार दनुवारको मृत्यु भएको हो । नवलपुरबाट साइकलमा घरतर्फ जाँदै गरेका कुँवरलाई सडकमा साइकलसहित लडेपछि उठ्न खोज्दा पछाडिबाट तीव्र गतिमा आएको प्रदेश २–०४–००१ क ००१४ नम्बरको मिनिट्रकले ठक्कर थियो ।

दुर्घटना लगत्तै कुँवरलाई प्रादेशिक अस्पताल मलङ्गवा पुर्याउँदा चिकित्सकले मृत घोषणा गरेका प्रहरीले जनाएको छ । दनुवार सासपुरको डाबरीस्थित इँटा भट्टामा मजदुरी गरेर घर फर्किँदै गर्दा दुर्घटनामा पर्नुभएको हो ।

साइकल यात्रीलाई ठक्कर दिएर फरार भएको मिनिट्रक र चालकलाई प्रहरीले नियन्त्रणमा लिएको छ । खोज्दै जाँदा उक्त मिनिट्रक दुर्घटना भएको करिब चार घण्टापछि जुट पानी पानी फ्याक्ट्रीको रहेको खुलेको र राति नै फ्याक्ट्रीभित्रै राखिएको अवस्थामा नियन्त्रणमा लिइएको प्रहरीले जनाएको छ ।

रौतहट  पुष ३,/        

जिल्लाको वृन्दावन नगरपालिका-१ स्थित बागमती नदी उकास जमिन अतिक्रमण हुँदै आएको छ। केही वर्ष अघिदेखि त्यस क्षेत्रको सयौ विगाहा जमिन अतिक्रमण हुँदै आएको छ। मधेस प्रदेशको सर्लाही र रौतहटको सिमाना भएर बग्ने बागमती नदीको उकास जमिन  अतिक्रमण भएको हो।

काठमाडौं  पुस ३,           

– अमेरिकन डलर साँट्ने भन्दै लुटपाट गर्ने आठ जना पक्राउ परेका छन्। काठमाडौंको विभिन्न स्थानमा गएर अमेरिकन डलर साँट्ने भनी प्रलोभनमा पारी पैसा लुटपाट गर्ने उनीहरुलाई पक्राउ गरिएको हो।

प्रहरीका काठमाडौंको विभिन्न स्थानमा अमेरिकन डलर साट्ने भनी प्रलोभनमा पारी समूहमा आई डलर देखाई पैसा लुटपाट गर्ने गिरोह सक्रिय रहेको छ भन्ने जानकारी पाएपछि जिल्ला प्रहरी परिसर, काठमाडौं र काठमाण्डौ उपत्यका अपराध अनुसन्धान कार्यालयबाट संयुक्त रुपमा खटिएको प्रहरी टोलीले खोजतलास गर्ने क्रममा विभिन्न मितिमा उनीहरुलाई पक्राउ गरेको हो।

पक्राउ पर्नेहरुमा धादिङको नेत्रावती गाउँपालिका–३ सेमजोङ घर भइ हाल सामाखुसी बस्ने ३४ वर्षीय खड्कबहादुर तामाङ, मोरङको लेटाङ नगरपालिका–२ घर भइ सामाखुसीमै बस्ने ३६ वर्षीय अशोक लिम्बू, सिन्धुपाल्चोकको बाह्रबिसे–३ लामाटोल घर भइ हाल गोकर्णेश्वर बस्ने रामबहादुर लामा र सिन्धुपाल्चोककै रिसंगु गाउँपालिका–७ ठूलोपाखा घर भइ हाल भक्तपुरको दुवाकोट बस्ने ३६ वर्षीय सुब्बा तामाङ रहेका छन्।

यस्तै, काठमाडौंको तारकेश्वर नगरपालिका–३ देवीस्थान बस्दै आएका ४५ वर्षीय चन्द्रबहादुर तामाङ, बाह्रबिसे–३ घर भइ हाल गोकर्णेश्वर बस्ने ३६ वर्षीय रेलबहादुर तामाङ, यस्तै बाह्रबिसेकै देवराज तामाङ र बाह्रबिसे–३ की मञ्जु भनिने कृष्णकुमारी तामाङ रहेका छन्।

पक्राउ परेकाहरुको साथबाट सक्कली अमेरिकन डलर ५० को १६ थान, राहदानी २ थान, तिलहरी १ थान, र बा ३८ प ६१३२ नम्बरको प्लेजर स्कुटर एक थान बरामद गरिएको प्रहरीले जनाएको छ। पक्राउ परेकाहरुविरुद्ध अनुसन्धान जारी छ।

 सिराज खान नेपालगन्ज, पुस ३ गते । 

धेरै आगलागी हुने जिल्लामध्ये पर्ने बाँके जिल्लामा आगलागीका अधिकांश घटना विद्युत सर्टबाट हुनेगरेको पाइएको छ ।विपद व्यवस्थापनमा निजी क्षेत्रको भूमिकाका विषयमा यहाँ आयोजना गरिएको छलफल कार्यक्रममा नेपालगन्ज उपमहानगरपालिकाका बारुण यन्त्र शाखा प्रमुख झइनबहादुर खड्काले जिल्लामा भएका कूूल आगलागीका घटनामा विद्युत सर्टका कारण मात्र ४१.३७ प्रतिशत आगलागीका घटना भएको बताउनुभयो ।

उहाँले बाँकेमा चार वर्षको अवधिमा ३४८ वटा आगलागीका घटना भएकोमा १४४ घटना विद्युत सर्टका कारण भएका छन् । आगोबाट २५.५७, र अज्ञात २१.८३ प्रतिशत, ग्यासबाट ६.६० प्रतिशत आगलागी भएको पाइएको छ ।

सो कार्यक्रम निजी क्षेत्रको अगुवा संस्था नेपालगन्ज उद्योग वाणिज्य संघ र विपद् व्यवस्थापन समिति बाँकेको सहकार्यमा आयोजना गरिएको थियो । नगर कार्यपालिका सदस्य एवम् पूर्वाधार विकास संयोजक वसन्त कनौजियाको अध्यक्षतामा विपदमा खोज, उद्दार र राहत व्यवस्थापनमा निजी क्षेत्रले विगतदेखि नै सहयोग र सहकार्य गर्दैआएको कार्यक्रममा जनाइएको छ ।

बारुणयन्त्र शाखा प्रमुख खड्काले विपद प्रतिकार्यमा सहयोगी भावना, सहभागिता, निगरानी र मूल्याङ्कन हुनसके निजी क्षेत्रको भूमिका अझ प्रभावकारी हुने बताउनुभयो ।

नेपालगन्ज उद्योग बाणिज्य संघका विपत संयोजक टीकामणि उपाध्यायले व्यवसायीहरु विपदमा सधैं हातेमालो गर्न तत्पर रहेको प्रतिबद्धता जनाउँदै आगलागी न्युनीकरणका लागि सहकार्य गर्न तयार रहेको बताउनुभयो ।

युरोपियन युनियनको आर्थिक सहयोग तथा युएनडीपी, युनिसेफ र युएन ओमनको साझेदारी तथा सिडीएम नेपाल र नेपाल रेडक्रस सोसाइटी बाँके शाखाको प्राविधिक सहयोगमा नेपालगन्ज उपमहानगरपालिकामा सञ्चालित सहरी विपद् तथा भूकम्पीय पूर्व तयारी परियोजनाले भूकम्पीय जोखिम न्यूनीकरणका लागि डेढ वर्षदेखि सचेतना प्रवर्धन गरिरहेको छ । परियोजनाले विपदविरुद्ध जुध्न दक्ष जनशक्ति समेत उत्पादन गरिरहेको छ ।

नेपालगन्ज पश्चिम क्षेत्रको हब र ट्रान्जिट प्वाइन्ट भएकाले विपद प्रतिकार्यमा निजी क्षेत्रको भूमिका सधैं अपरिहार्य हुने भन्दै नेपालगन्ज आफैं पनि सुरक्षित हुनुपर्नेमा अधिकांशको जोड छ ।

आपतकालीन कार्य सञ्चालन केन्द्रका सूचना व्यवस्थापन अधिकृत रुपन ज्ञवाली र युनिसेफका प्राविधिक अधिकृत नरेश निदालले पश्चिम नेपालमा भूकम्पको जोखिम, अन्य सम्भावित विपद, पूर्वतयारी, प्रतिकार्य र यो प्रक्रियामा निजी क्षेत्रको भूमिकाका विषयमा सहजीकरण गर्नुभएको थियो ।

महोत्तरी पुस ३,/  

— भएको सम्पत्ति धितो राखेर छोरीको विवाह गर्न ऋण लिएकी महोत्तरी रामगोपालपुरकी हिरादेवी मण्डल अहिले ऋणको भारले थिचिएकी छिन् ।  ३ वर्षअघि जनपुरको राजश्री फाइनान्सबाट उनले लिएको १५ लाख ऋणले दुई छोरीको विवाह त गरिन् । तर छोरीको विवाहपछि ऋण तिर्न नसक्दा उनले धितो राखेको २ कठ्ठा १६ धुर जग्गा लिलाम भएको पत्र संस्थाले उनलाई पठाएको छ ।

त्यतिमै उनलाई ऋणले छाडेको छैन । मिटरब्याजमा ४ लाख रुपैयाँ ऋण लिएर उनका जेठा छोरा वैदेशिक रोजगारीका लागि कुबेत गए । कान्छो छोरा पनि थप २ लाख रुपैँया ऋण लिएर ५ महिनाअघि मलेसिया गएको उनले बताईन् । तर वैदेशिक रोजगारिमा गएका दुवै छोराले समस्यामा फसेको सुनाउने गरेको उनले बताइन् ।

काठमाडौं, ३ पुस ।

सामाजिक सञ्जालमार्फत एकल महिलालाई दुर्व्यवहार गर्ने फरार प्रतिवादी पक्राउ परेका छन् । प्रहरीले गुल्मी जिल्ला सत्यवति गाउँपालिका वडा नं. ७ स्थायी वतन भएका वर्ष ४४ को डिल बहादुर गलामीलाई पक्राउ गरेको हो ।

कञ्चनपुर पुस ३,/          

— भारतबाट मजदुरी गरेर घर फर्किन लागेका एक नेपाली कामदार फेरि बाटोमै लुटिएका छन् । भारत उत्तराखण्डको हरिद्वारमा लुटिएपछि अलपत्र परेका उनी मंगलबार गड्डाचौकी नाकामा पुगेका हुन् ।

काठमाडौँ  ३ पुस।

जनता समाजवादी पार्टीका केन्द्रीय नेता तथा  मधेस प्रदेशका मुख्यमन्त्री सरोजकुमार यादवले आफ्नै पार्टी निकटका पत्रकारले संघीयता सम्बन्धी समाचार नलेखेको गुनासो गरेका छन् ।

३ पुस, काठमाडौं ।

‘लर्न एन्ड अर्न’ कार्यक्रमबाट फर्किएका नेपाली विद्यार्थीहरुलाई इजरायलले रोजगारीका लागि लैजान प्रस्ताव गरेको छ ।

आफ्नो पढाइ अन्तर्गत नै इजरायलको कृषि क्षेत्रमा छोटो समय काम गरेर फर्किएका विद्यार्थीलाई कृषि क्षेत्रमा कामदारका रुपमा लैजान इजरायलले नेपालसमक्ष प्रस्ताव गरेको श्रम, रोजगार तथा सामाजिक सुरक्षा मन्त्रालयका सहसचिव राजीव पोखरेलले बताए ।

कृषि अध्ययन अन्तर्गत इजरायलमा लर्न एण्ड अर्न (सिक र कमाऊ) कार्यक्रम अन्तर्गत गएका विद्यार्थी छोटो अवधि काम गरेर नेपाल फर्किने गरेका थिए । फर्केकामध्ये इच्छुक विद्यार्थीहरुलाई श्रम स्वीकृति दिएर पठाउन प्रस्ताव गरेको पोखरेलको भनाइ छ ।

तर इजरायलमा हाल युद्ध नरोकिएका कारण तत्काल पठाउने कि नपठाउने भन्ने विषयमा छलफल गर्नुपर्ने उनको भनाइ छ ।

‘इजरायलमा युद्ध जारी भएकाले अहिले नै पठाउने भन्ने छैन’, पोखरेलले भने, ‘यसबारे छलफल हुन बाँकी छ । त्यसपछि मात्र सुरक्षाको संवदेनशीलता हेरेर पठाउने कि नपठाउने निर्णय गर्छाैं ।’

उनका अनुसार इजरायलबाट सुरुमा एक हजार श्रमिकको माग भएको छ । पछि यो संख्या बढाउन सक्ने पनि बताएको पोखरेलले बताए ।

गत ७ अक्टोबरमा प्यालेस्टिनी लडाकु समूह हमासले इजरायलमाथि आक्रमण गरेको थियो । उक्त आक्रमणमा १० जना नेपाली विद्यार्थीको मृत्यु भएको थियो भने कञ्चनपुरका विपिन जोशी अझै बेपत्ता छन्, त्यस्तै ४ जना घाइते भएका थिए ।

उनीहरु सबै सुदूरपश्चिम विश्वविद्यालयबाट लर्न एण्ड अर्न कार्यक्रम अन्तर्गत इजरायलस्थित कृषि फार्ममा काम गर्न गएका थिए ।

यो कार्यक्रमका लागि इजरायलले सुदूरपश्चिम विश्वविद्यालय, कृषि तथा वन विश्वविद्यालय र त्रिभुवन विश्वविद्यालको कृषि संकायका विद्यार्थी लैजाने गरेको थियो । तर ७ अक्टोबरको आक्रमणपछि विद्यार्थी इजरायल गएका छैनन् ।

हालसम्म ३२०० विद्यार्थी यो कार्यक्रम अन्तर्गत इजरायल गइसकेका छन् ।