आरके श्रीवास्तव,गरूडा,२९ गते चैत ।
देशकाे अर्थतन्त्र बलियो बनाउन कथबनियाँ समाजकाे महत्त्वपूर्ण भूमिका रहेकाे मधेस प्रदेश सरकारका अर्थमन्त्री सुनिलकुमार यादव उर्फ जितेन्द्रले बताएका छन् । सर्लाहीकाे बरहथवामा आयाेजित नेपाल कथबनियाँ सेवा समाजकाे तेस्रो राष्ट्रिय महाधिवेशनकाे प्रमुख अतिथिकाे आसन बाट बाेल्दै उनले यस्ताे बताएका हुन् ।
उनले भने-कथबनियाँ एउटा यस्तो समाज हाे । जसले सुशासन र याे देशलाई व्यवस्थित गर्नकाे निमित्त ठूलाे याेगदान रहेकाे छ । याे याेगदानलाई म सम्मान गर्न चाहन्छु ।
आजकाे महाधिवेशन बाट कथबनियाँ समाज आफनाे अधिकारकाे लागि अझ सशक्त रूपमा अगाडि बढाेस् भनी आफनाे चाहना रहेको बताए ।
महाधिवेशनकाे सफलताको लागि शुभकामना पनि व्यक्त गर्नु भएको थियोे । सर्वसहमती बाट नयाँ नेतृत्व चयन हुनेछ र साे नयाँ नेतृत्वले समाजकाे हकहितको लागि राम्राे काम गर्ने छ भनी आफू आशावादी रहेको धारणा राख्नु भएको छ ।
यस्तै कार्यक्रम पूर्व रक्षामन्त्री हरिप्रसाद उप्रेतीले कथबनियाँ समाज राजश्व बाट सरकारलाई पाल्ने समाज रहेकाे बताएका छन् । त्यसकारण हामी याे समाजकाे उन्नति प्रगति चाहन्छौं ।
सर्लाहीको बरहथवामा नेपाल कथबनिया समाजको तेस्रो राष्ट्रिय महाधिवेशन आजबाट सुरु भएको छ । प्रारम्भमा बरहथवा नगरभरि प्रभातफेरी गरिएको थियोे ।
महाधिवेशनमा मधेश प्रदेशसभा सदस्य वीरेन्द्रप्रसाद सिंह, बरहथवा नगरपालिकाकी मेयर कल्पनाकुमारी कटुवाल लगायतले उद्घाटन सत्रमा आफनाे धारणा राखेका थिए । समाजकाे महाधिवेशन भोलीसम्म चल्ने छ । शनिबार हुने बन्दसत्र बाट नयाँ नेतृत्व चयन हुनेछ ।
हनुमत यादव,गाैर,२८ गते चैत ।
गाैर । बेमौसमी वर्षाका कारण रौतहट सहित मधेसका जिल्लाहरूमा गहुँ र दलहन बालीमा व्यापक क्षति पुगेको छ । बुधबार राती देखि निरंतरता भैरहेको बर्षाले खेतमा पानी जमेर गहुँ र दलहन भिज्न थालेपछि बालीनाली सड्न सुरु भए पछि किसानहरूमा डरले चिन्त बनेका छन् ।
जिल्लाका विभिन्न क्षेत्रमा लगाइएको सयौं बिघा गहुँ, दलहन बाली नष्ट भएको प्रारम्भिक अनुमान गरिएको छ । वर्षासँगै आएको हावाहुरीले गहुँका बालाहरू लडाएको र खेतमा पानी जमेपछि अन्न कुहिन थालेको किसानहरूले बताएका छन् । साथै अहिलेको मौसममा फलने बोट , बिरुवामा फुल लगन सुरु भएको छ तर अहिलेको हावाहुरीले फुल झरीरहेकोले आम , कटहर ,लिच्ची जस्ता फलमा पनि भारी क्षति पुगेको छ ।
बिघौ बिघामा लगाएको गहुँ बाली पानीले पूर्ण रूपमा नष्ट भएको किसनहरुले गुनासो गरेका छन् । “वर्षभरि गरेको मेहनत खेर गयो, । यस वर्ष बर्खा समयको अन्तिम समयमा आएको बढीका कारण गहुँ र दलहन बाली ढिलो लगायिएकोले भर्खरै तैयार भएको बेमौसमी वर्षाका कारण धेरै क्षति पुर्याएको किसानहरु बताएका छन् । बेमौसमी वर्षाले गहुँ बालीमा पुर्याएको क्षतिका कारण किसानहरू निराश भएका छन् । उनीहरूले सरकारसँग उचित राहत र क्षतिको मूल्याङ्कन गरी क्षतिपूर्ति उपलब्ध गराउन माग गरेका छन् ।
धानबालीको बखत आएको बढीले बिघौ बिघा डुबानमा परि क्षति भएको र केहि बचेको लगातारको वर्षाले धानबाली भित्र्याउन नपाएका किसानहरूलाई गहुँ बालीमा भएको क्षतिले थप समस्यामा पारेको छ । यस्तो प्राकृतिक प्रकोपबाट किसानहरूलाई जोगाउन सरकारले दीर्घकालीन योजना ल्याउनुपर्ने आवश्यकता देखिएको छ । यस्तो प्राकृतिक प्रकोपले किसानहरूलाई ठूलो आर्थिक मार पर्ने गरेको छ । सरकार र सम्बन्धित निकायहरूले किसानहरूलाई उचित राहत र क्षतिपूर्तिको व्यवस्था गर्नुपर्ने देखिन्छ । बाली बीमा जस्ता कार्यक्रमहरूलाई प्रभावकारी बनाउनुका साथै किसानहरूलाई मौसम पूर्वानुमानको सही जानकारी समयमै पुर्याउन सके यस्ता जोखिमहरू कम गर्न सकिन्छ ।
काठमाडौं । आम जनता पार्टी (आजपा)ले देश लुटेर भाग्ने भगौडा दलालहरूको नाम सार्वजनिक गर्ने निर्णय सहित केन्द्रीय कमिटी विघटन गरेको छ । केन्द्रीय कमिटी विघटन गरी प्रभु साहको अध्यक्षतामा महाधिवेशन आयोजक कमिटी गठन गरिएको छ ।
काठमाडौं कोटेश्वरमा बसेको आजपा स्थायी कमिटी बैठकले महाधिवेशन कमिटी गठन गर्ने निर्णय गरेको हो । यस्तै तेस्रो जनआन्दोलनलाई सफल बनाउन जिल्ला, पालिकाहरुमा सर्वपक्षीय भेलाबाट जनआन्दोलन परिचालन कमिटी गठन गर्ने निर्णय बैठकले गरेको छ ।
‘पार्टी पदाधिकारी सहितको केन्द्रीय कमिटीलाई विघटन गर्दै अध्यक्ष प्रभु साहको नेतृत्वमा महाधिवेशन आयोजक कमिटी गठन गरिएको छ । महाधिवेशनसम्मका लागि विघटित पदाधिकारीहरू अब केन्द्रीय कार्यालय सदस्य हुने, स्थायी कमिटीका सदस्यहरू सचिवालय सदस्य हुने र केन्द्रीय सदस्यहरु स्वतः केन्द्रीय आयोजक सदस्यको रूपमा रहने निर्णय गरिएको छ,’ आजपा प्रवक्ता चन्द्रभुषण साहले आज जारी गरेको बिज्ञप्तीमा उल्लेख गरिएको छ ।
बैठकले दलाल दलतन्त्र र नेताहरूको लुट–भ्रष्टाचारको भण्डाफोर गर्ने र देश लुटेर भागने भगौड़ा दलालहरूको नामावली सार्वजनिक गरी अवैध सम्पत्ति राज्यलाई बुझाउने निर्णय गरेको छ ।
‘भगौड़ा दलाल वर्गको पक्षपोषण गर्ने वर्तमान संवैधानिक व्यवस्था र नेताहरुको कुकर्मले आज जनतामा चरम निराशा, अविश्वास एवं आक्रोश बढ्दै गएको सन्दर्भमा मुलुकलाई सम्भाव्य दुर्घटनाबाट जोगाउन तत्काल दलाल दलतन्त्रविरुद्धको तेश्रो जनआन्दोलनलाई सफल तुल्याउनुको विकल्प नरहेको निष्कर्षसहित घोषित जनआन्दोलनको दोश्रो चरणको कार्यक्रमलाई निम्नानुसार अगाड़ी बढ़ाउने निर्णय गरेकोछ,’ बिज्ञप्तीमा उल्लेख गरिएको छ ।
यस्तै बैठकले सिंहदरबार घेराउ गर्ने निर्णय समेत गरेको छ । गणतन्त्रको आवरणमा दलतन्त्र एवं नेतातन्त्रको अभ्यास गरिरहेका नेताहरुलाई सत्ताच्यूत गर्न आउदो १५ जेठमा सिंहदरबार घेराउ गर्ने निर्णय भएको आजपा नेता बालकृष्ण सापकोटाले जनाएका छन् ।
‘आउदो जेठ १५ गते गणतन्त्र दिवसको अवसरमा गणतन्त्रको आवरणमा दलतन्त्र एवं नेतातन्त्रको अभ्यास गरिरहेका नेताहरुलाई सत्ताच्यूत गर्न सिंहदरबार घेराउ गर्ने तथा त्यसका लागि प्रत्येक जिल्ला तथा पालिकाहरूमा सर्वपक्षिय भेलाद्वारा जनआन्दोलन परिचालन समितिहरु गठन गर्ने निर्णय गरिएको छ,’ आजपाले जारी गरेको बिज्ञप्तीमा भनिएको छ ।
यस्तै बैठकले गत २४ गते काठमाडौंमा दलाल दलतन्त्र, भ्रष्टाचार, अनियमितता एवं लुट बिरुद्ध भएको तेस्रो जनआन्दोलन सभा एवं विरोधप्रदर्शन सफल भएको निष्कर्ष निकालेको छ । बैठकले आन्दोलनका पछिल्लो कार्यक्रम सफल भएको र दोस्रो चरणको आन्दोलनका बिभिन्न कार्यक्रम तय गरेको छ । आन्दोलनका कार्यक्रममा साथसहयोग गर्नेलाई बैठकले धन्यवाद व्यक्त गरेको छ ।
यसैगरी काठमाडौं लगायतका स्थानहरुमा कबाड, सुकुम्बासी, गार्मेण्ट, खुद्रा व्यापारी, मजदुर लगायतका श्रमजीवीहरुको पक्षमा तथा महिला, मधेशी, आदिवासी जनजाति, दलित, मुस्लिम, थारू लगायतका सीमान्तकृत एवं अल्पसंख्यक शोषितउत्पीडित आम जनताको अधिकार, पहिचान र सम्मानका लागि जारी संघर्षका कार्यक्रमलाई प्रभावकारी बनाउने निर्णय बैठकले गरेको छ ।
बैठकले प्रधानमन्त्री केपी शर्मा ओली नेतृत्वको सरकारसँग आम जनता निर्णायक संघर्ष गरिरहेको सन्दर्भमा प्रतिक्रियावादी शक्तिहरुलाई उत्साहित गर्ने र नेतृत्वसंग विश्वासघात गरि पार्टी एवं आन्दोलनप्रति गद्दारी गर्ने उपेन्द्र साहलाई पार्टीको साधारण सदस्यसमेत नरहने गरी कारवाही गरेको छ ।
मुन्ना मिश्र,२९ गते चैैत ।
बाँके । महिला लघुवित्त वित्तिय संस्था लिमिटेड केन्द्रीय कार्यालय साँगा काभ्रेको आयोजनामा शाखा कार्यालय नेपालगंज बांके मा केन्द्र प्रमुख कार्यशाला गोष्ठी तथा वित्तिय साक्षरता कार्यक्रम आज भव्यताका साथ सम्पन्न भएको छ ।
साना तथा मझौला ब्यापारी कृषक महिलाहरुलाई विशेष गरी कर्जा र बचत सम्बन्धि व्यवसाय योजना, कर्जा सदुपयोगिता, वित्तीय व्यवस्थापन, व्यापार बिस्तार, महिला सचेतना, महिला सशक्तिकरण, लघुबित्तले समाजमा पारेको सकारात्मक भुमिका र बैकिङ सम्बन्धि महत्वपुर्ण जानकारी प्रदान गर्ने उदेश्यले कार्यक्रम गरिएको हो ।
शाखा कार्यालय नेपालगन्जका प्रमुख सगुने बुढा ले स्वागत मन्तव्य व्यक्त राख्दै शाखाको संछिप्त विवरण प्रस्तुत गर्नुभएको थियो तथा उक्त कार्यक्रममा ७९ जना केन्द्र प्रमुख,उपप्रमुख लाई वित्तिय साक्षरता तालिम दिएको थियो र सो कार्यक्रममा उत्कृष्ट ऋणी, उत्कृष्ट बचत कर्ता,उत्कृष्ट केन्द्र प्रमुख,उपप्रमुख, उत्कृष्ट केन्द्रहरु लगायत ८ विधामा सहभागीलाई सम्मान तथा प्रमाणपत्र वितरण गरिएको थियो ।
केन्द्र प्रमुख कार्यशाला गोष्ठी तथा वित्तिय साक्षरता कार्यक्रमको उदघाटन गर्दै सु.नि.का. नेपालगन्जका प्रमुख अम्मर बहादुर सिंहले समग्र महिला लघुवित्तको हालको अवस्था बारे जानकारी गराउँदै कर्जाको सदुपयोग कसरी गर्ने ,सफल ब्यबसायी कसरी बन्ने तथा धेरै संस्था बाट कर्जा कारोबार गर्दा ग्राहक लाई पर्ने नकारात्मक असर बारे प्रशिक्षण दिनुका साथै बचत गर्दा हुने फाईदाका बारेमा समेत सहभागीहरुलाई प्रशिक्षण दिनुभएको थियो । संस्थाले महिलालाई स्वरोजगार, उद्यमशिलतामा आत्मनिर्भर बन्न सहयोग पुर्याएको र वित्तीय संस्थाबाट कर्जा प्रयोग गर्दा हुने फाइदाबारे भिडियो सामाग्री देखाउदै प्रष्ट पार्नुभएको र साथै बचतको बारेमा शाखा कार्यालय बाँसगढीका प्रमुख लोकेन्द्र बहादुर बुढाले र कर्जाको बारेमा शाखा कार्यालय गुलरियाका प्रमुख आयुष न्यौपानेले बिस्त्रित रुपमा जानकारी गराउनुभएको थियो।
कार्यक्रमको संचालन बिनोद कुमार शाहीले गर्नुभएको थियो भने उक्त कार्यक्रमको सभापति केन्द्र नम्बर ५९ को मनसरा शाही र मुल्यांकनकर्ता केन्द्र नम्बर ९४ कि संगीता शाही रहनु भएको उक्त कार्यक्रममा वाडा प्रहरी कार्यालय कोरियनपुर का प्रहरी सहायक निरीक्षक लक्ष्मी गुरुंग, यस संस्थाका लुम्बिनी प्रदेश कार्यालय अन्तर्गत सु.नि.का .कार्यालय नेपालगन्जका प्रमुख अम्मर बहादुर सिंह , शाखा कार्यालय गुलरियाका प्रमुख आयुष न्यौपाने, शाखा कार्यालय बाँसगढीका प्रमुख लोकेन्द्र बहादुर बुढा , शाखा कार्यालय नेपालगंजका शाखा प्रमुख सगुने बुढा , कर्मचारी बिनोद कुमार शाही , बिमला चौधरी , मुना कुमार मिश्रा , गंगा कुमारी खड़का लगायत ९१ जनाको उपस्थिति रहेको कार्यक्रममा ८ जना लाइ प्रमाण पत्र तथा ६ जना लाइ मायाको चिनो प्रदान गिरएको शाखा कार्यालय नेपालगन्जका प्रमुख सगुने बुढा ले जानकारि दिनुभयो।
आरके श्रीवास्तव,गरूडा,२८ गते चैत ।
राजाको शासन पुनः नआउने र जनताले समर्थन पनि नगर्ने नेकपा एकीकृत समाजवादी पार्टीका अध्यक्ष एवम् पूर्व प्रधानमन्त्री माधव कुमार नेपालले बताएका छन् ।
एकीकृत समाजवादी पार्टी राैतहटकाे जिल्ला अधिवेशनकाे उदघाटन सत्रलाई सम्बाेधन गर्दै उनले यस्तो बताएका हुन् ।
हाम्रो पार्टी देश र जनताको पक्षमा आफ्नो पार्टी चट्टान झैँ खडा भएको छ । कुनै चलखेल चल्दैन ।
साथै उनले देशमा सामाजिक सुरक्षा भत्ता लागू गराउने,किसानकाे हकहितमा आवाज उठाउने लगायतका कामहरू गर्ने कम्युनिस्ट पार्टी नै रहेकाे स्मरण गराउँदै हामी सधैं जनताकाे पक्षामा काम गर्दै आएकाे बताएका छन् ।
गरूडा स्थित श्रीराम सुगर मिलकाे प्रांगणमा आयाेजित ९ आैं जिल्ला अधिवेशनमा उनले शिक्षा, स्वास्थ्य, कृषि लगायतका क्षेत्रको समस्याकाे समाधान गर्ने एकमात्र पार्टी कम्युनिस्ट पार्टी रहेको दाबी गरे ।
अहिले देशमा एकीकृत समाजवादी पार्टीकाे लहर नै चलेको छ । विभिन्न पार्टीबाट नेकपा एसमा आउने मानिसहरुको संख्या पछिल्लो समय बढ्दै गएकाे बताएका छन् ।
आज पनि साे कार्यक्रममा नेकपा एमाले, नेकपा माओवादी र विभिन्न पार्टी परित्याग गरी जिल्लास्तरका नेताहरु पार्टीमा प्रवेश गरेका छन् । नवप्रवेशी नेताहरूलाई स्वागत गर्दै नेता नेपालले नेकपा समाजवादीलाई राेजनु भएकोमा धन्यवाद ज्ञापन गरेका थिए ।
आफनाे गृहनगरसमेत रहेको रौतहटलाई नेता नेपालले कम्युनिष्ट पार्टीको गढको रुपमा रहेको र विभिन्न इमानदार तथा कर्तव्यनिष्ट र जनताप्रति समर्पित नेता कार्यकर्ताहरुको जिल्ला रौतहट भएको पनि नेपालले बताएका छन् । नेता नेपालले रौतहटका विभिन्न पुराना कम्युनिष्ट कार्यकर्ताहरुको स्मरण पनि गरेका छन् । कटहरियाका हरदयाल महताे,तुल्सीलाल आमात्य लगायतका नेताहरूकाे बारेमा चर्चा गरेका थिए ।
राजावादीको आन्दोलन लाई घुमाउरो पारामा उनले भने
गत चैत १५ मा गणतन्त्रवादी र राजावादीको राजधानीमा दुई कार्यक्रम भएको उल्लेख गर्दै तिनकुनेमा भएको कार्यक्रम अराजक भएको टिप्पणी समेत गरेका छन् । नेता नेपालले भने – लुटपाट गर्ने, मान्छे मार्ने तथा तोडफोड गर्ने काम समेत भएको छ । जुन गलत हाे ।
नेता नेपालले राजतन्त्रमा जनताले निकै दुःख पाउने बताउँदै विगतमा पनि राजतन्त्रलाई जनताले फालेको बताउँदै अब राजतन्त्र फेरि नआउने विश्वास पनि दिलाएका छन् । नेता नेपालले राजाको शासन पुनः नआउने र जनताले समर्थन पनि नगर्ने बताएका छन् ।
राजनीति कुरा बढ नगरेका नेता नेपालले बज्जिका भाषामा नै भाषण गरेका थिए ।
आरके श्रीवास्तव,राैतहट,२८ गते चैत ।
अहिले पनि सडक हिलाम्मे भएर मानिसहरूलाई सास्ती खेप्नु परेकाे छ । भन्दा पत्यार नलाग्न सक्छ । देशमा संघियता आएपछि राैतहटकाे बाटाेघाटाेमा धेरै सुधार भएकै हाे । यसमा कुनै शंका छैन् । तर ग्रामीण क्षेत्रकाे केही ठाउँमा जनप्रतिनिधिहरूले ध्याननदिदाँ सर्वसाधारण भने अझै सास्ती खेप्न बाध्य छन् ।
यस्तै भएको छ जिल्लाकाे गुजरा नगरपालिका वडा नम्बर ४ कनकपुर गाउँमा जहाँ हिजो मात्रै आएको वर्षाले गर्दा मुख्य सडककाे केही ठाउँमा पानी जलमग्न भई बाटाे हिलाम्मे भएको छ । त्याे बाटाे भएर आवतजावत गर्ने माेटरसाईकिल र साईकल चिप्लिएर लडिरहेका छन् ।
लाखौंको बजेट चलाउने जनप्रतिनिधिले दुई चार टेलर ग्रेबल खसाल्ने हाे भने सर्वसाधारणलाई राहत हुने थियोे । बर्खामा परेको पानीले सहज निकास नपाउँदा कनकपुरकाे मस्जिद नजिकैकाे बाटोमा यस्तो अवस्था रहेको छ ।
साे ठाउँमा दिनहुँ नवाज पढन गाउँभरिकै मुस्लिम समुदायका मानिसहरू आउने गर्छन् । अति नै व्यस्त मानिएको ठाउँ हाे । स्थानीयहरूले तुरुन्त बाटाेलाई मर्मत गरिदिन र पानीको निकास निकालि दिन माग गरेका छन् ।
गुजरा नगरपालिकाकाे वडा नम्बर ४ कनकपुरका स्थानीय नेपाली काँग्रेस क्षेत्र नम्बर ३ का सह सचिव एवम् नेपाल मुस्लिम संघका केन्द्रीय सदस्य साबिर हुसेनले जनप्रतिनिधिहरू सँग यथासिघ्र बाटाेलाई राम्ररी सुचारू गराईदिन आग्रह गरेका छन् ।
यस विषयमा वडा नम्बर ४ का वडा अध्यक्ष झमक प्रसाद चाैलागाई लाई फाेन गर्दा सम्पर्क हुन सकेको छैन् ।
आरके श्रीवास्तव,गरूडा,२८ गते चैत ।
जनता समाजवादी पार्टी (जसपा) काे जिल्ला अध्यक्षमा राजिव रंजन यादव निर्वाचित भएका छन् । आफना निकटतम प्रतिद्वन्द्वी श्याम बिहारी यादव लाई ६६ मतले पराजित गरेका हुन् ।
राजिव रंजनले १९६ मत पाएका छन् । भने श्याम बिहारीले १३० मत पाएका छन् । अध्यक्ष पदका लागि १ मत बदर भएको छ ।
उपाध्यक्षमा पारस भण्डारी र अमरूल हक विजयी भएका हुन् । उनीहरूले क्रमशः १९८ र १८५ मत पाएका छन् ।
उपाध्यक्षका अन्य उम्मेदवारहरू अमृतलाल चौधरी १०९
र रामेश्वर रायले १३२ मत पाएका छन् ।
त्यस्तै सचिवमा शम्भु प्रसाद यादवले १९१ मत प्राप्त गरि विजयी भएका छन् । उनका निकटतम प्रतिद्वन्द्वी जयराम महतोले १२६ पाएका छन् ।
सह सचिव उपेन्द्र रायले १८७ र दीपेन्द्र पटेलले १९८ मत प्राप्त गरि विजयी भएका छन् । साेही पदका उम्मेदवारहरू प्रवेज़ आलमले १२४ र वसन्त झाले ११४ मत पाएका छन् ।
यस्तै कोषाध्यक्षमा बृज मोहन साह १७१ प्राप्त गरि निर्वाचित भएका हुन् । उनका निकटतम प्रतिद्वन्द्वी सुरेन्द्र बैठाले १४२ मत पाएका छन् ।
बिहिवार भएको जसपा नेपाल रौतहटको जिल्ला अधिवेशनबाट नयाँ जिल्ला कार्य समितिको विभिन्न पदका लागि भएको निर्वाचनमा कुल ३४३ मत मध्ये ३२९ मत अर्थात् ९६% मतदान भएको निर्वाचन अधिकृत शैलेन्द्र यादवले जानकारी गराएका थिए ।
मुकेश कुमार साह,चन्द्रपुर,२७ गते चैत ।
चन्द्रपुर । रौतहटको चन्द्रपुर नगरपालिका वडा नम्बर ७ स्थित बनबहुअरी टोलबाट लागू औषध गाँजासहित एक व्यक्ति पक्राउ परेका छन् । विशेष सूचनाका आधारमा इलाका प्रहरी कार्यालय चन्द्रनिगाहपुरबाट खटिएको टोलीले ५० वर्षीय सुरेन्द्र साहलाई पक्राउ गरेको हो ।
साहलाई उनको घर अगाडि सडकमा फेला पारेर नियन्त्रणमा लिइएको प्रहरीले जनाएको छ । त्यसपछि गरिएको घर खानतलासीमा साह सुत्ने कोठाको खाटमुनि “बाबा पोता” लेखिएको झोलामा गाँजा लुकाइएको अवस्थामा फेला परेको थियो ।
प्रहरी निरीक्षक साजन कुमार शर्माका अनुसार बरामद भएको उक्त गाजा ४ किलो १०० ग्राम रहेको छ ।
पक्राउ परेका साहमाथि लागु औषध सम्बन्धी कसूरमा अनुसन्धानका लागि रौतहट जिल्ला अदालतबाट १० दिनको म्याद थप गरि थप अनुसन्धान भईरहेको प्रहरी निरीक्षक शर्माले बताए ।
प्रमाेदकुमार साह,जनकपुरधाम, २७ चैत ।
मधेश प्रदेश सरकारले हालै कार्यान्वयनमा ल्याएको स्वास्थ्य सेवा ऐन, २०८१ को विरुद्धमा प्रदेशभरका स्वास्थ्यकर्मीहरूले सुरु गरेको अनिश्चितकालीन धर्ना बुधबार तेस्रो दिन पनि जारी रह्यो । आन्दोलनरत स्वास्थ्यकर्मीहरूले उक्त ऐनका प्रावधानहरूले आफूहरूको वृत्ति विकासमा गम्भीर अवरोध उत्पन्न गर्ने भएकाले तत्काल संशोधन गर्नुपर्ने माग गर्दै आन्दोलन चर्काइरहेका छन् ।
तीन दिनदेखि शान्तिपूर्ण धर्ना गर्दै आएको आन्दोलनकारी पक्षले प्रदेश सरकारबाट कुनै सुनुवाइ नभएको गुनासो गर्दै भोलीदेखि आन्दोलनको स्वरूप परिवर्तन गरि थप सशक्त र चरणबद्ध संघर्ष गर्ने चेतावनी दिएको स्वास्थ्यकर्मी संजिप साहले बताएका छन् ।
आन्दोलनको नेतृत्व गरिरहेको सिनियर अहेव र सिनियर अनमी चौथो तथा पाँचौँ तह संघर्ष समितिका प्रदेश संयोजक मोहन साह भन्छन्, ‘हामीले पटक–पटक ऐन संशोधनको माग गरेका थियौं । तर, सरकारले बेवास्ता गर्दै आएको छ । अहिले हामी चर्को घाममा धर्ना बस्न बाध्य भएका छौं । संशोधन नभएसम्म अब चुप लाग्दैनौं ।’
उनका अनुसार मधेश प्रदेशका करिब १,५०० देखि १,८०० स्वास्थ्यकर्मीहरू प्रत्यक्ष रूपमा उक्त ऐनबाट प्रभावित भएका छन् । ऐनले उनीहरूको पदोन्नति प्रक्रिया अवरुद्ध पार्दै भविष्यको करिअर मार्ग नै बन्द गरिदिएको उनको भनाइ छ ।
रौतहटका संघर्ष समिति संयोजक काशी साहले भने, ‘मधेश सरकारले विभेदपूर्ण रूपमा हाम्रो स्तरवृद्धि रोकेको छ । हामीले सरकारको ढोका ढकढक्याइसक्यौं, तर कुनै सुनुवाइ छैन । माग सम्बोधन नभएसम्म यहीँ बसेर धर्ना जारी राख्नेछौं ।’
संघर्ष समितिका कोषाध्यक्ष रामदेव कापरले संघीय स्वास्थ्य सेवा ऐन २०५३ अन्तर्गत भएको पदोन्नतिको प्रावधान हटाएर प्रदेश सरकारले स्वास्थ्यकर्मीहरूलाई पछाडि पार्ने काम गरेको आरोप लगाए ।
‘संघीय ऐनको दफा ९ अनुसार ४ तहमा नियुक्त भएका कर्मचारीले ५ वर्षपछि पाँचौँ तहमा, त्यसपछि ८ वर्षमा छैटौँ तहमा पुग्ने व्यवस्था थियो । अहिलेको ऐनले ती सबै व्यवस्था उल्टाएको छ ।’
उनले थपे, ‘हामीले स्थानीय तहदेखि प्रदेश सरकारसम्म पटक–पटक ध्यानाकर्षण गरायौं । तर, कुनै पनि निकायले चासो देखाएन । हामीसँग आन्दोलन बाहेक अरू विकल्प बाँकी रहेन ।’
यद्यपि, आन्दोलनरत स्वास्थ्यकर्मीहरूले जनस्वास्थ्यमा गम्भीर असर नपरोस भन्ने उद्देश्यले आपतकालीन र अत्यावश्यक सेवाहरू निरन्तर सञ्चालनमा राख्ने निर्णय गरेका छन् । आन्दोलनकारीहरूको यो निर्णयले आम सर्वसाधारणप्रतिको जिम्मेवारीप्रति उनीहरूको संवेदनशीलता झल्काउँछ ।
स्वास्थ्यकर्मीहरूकाे संघर्ष समितिमा कस्तुभमनी साहले भने- यदि चाँडै समाधान गरिएन भने आन्दोलन अझ सशक्त र प्रदेशव्यापी बन्ने चेतावनी दिएका छन् ।
आरके श्रीवास्तव,गरूडा,२७ गते चैत ।
रौतहट जिल्लाको कटहरिया-सन्तपुर सडकखण्ड अन्तर्गत लालबकैया खोलामा निर्माणाधीन कजवे (कजवे) को गुणस्तरप्रति स्थानीय बासिन्दाहरूले गम्भीर चासो व्यक्त गरेका छन्। उनीहरूका अनुसार निर्माण कार्यमा प्रयोग भइरहेको सामग्री र कामको स्तर सन्तोषजनक नभएको देखिन्छ । जसले गर्दा आगामी दिनमा यातायातमा समस्या आउन सक्ने सम्भावना छ।
स्थानीय बासिन्दाहरूले सम्बन्धित निकायहरूलाई निर्माण कार्यको गुणस्तर सुनिश्चित गर्न आग्रह गरेका छन् । उनीहरूको भनाइ अनुसार यदि अहिले नै आवश्यक निरीक्षण र सुधारात्मक कदमहरू नचालिएमा भविष्यमा यो संरचनाले दीर्घकालीन रूपमा टिकाउपन हुन नसकने स्थानीयकाे दाबी छ ।
यसअघि पनि, रौतहट जिल्लामा लालबकैया नदीमा जथाभावी बालुवा उत्खननका कारण पुलहरू भासिने खतरा बढेको समाचारहरू आएका थिए । त्यसैले वर्तमान अवस्थामा निर्माणाधीन कजवेमा पनि विशेष ध्यान दिनुपर्ने आवश्यकता देखिन्छ।
सम्बन्धित निकायहरूले शीघ्र रूपमा निर्माण स्थलको निरीक्षण गरी आवश्यक सुधारात्मक कदमहरू चाल्ने अपेक्षा गरिएको छ । ताकि यो संरचना दीर्घकालीन रूपमा सुरक्षित र टिकाउ रहोस् ।
जुन ठाउँमा अहिले कजवे निर्माण भइरहेको छ । त्याे ठाउँमा अर्को पुलकै आवश्यकता छ । किनकि हरेक वर्ष साे ठाउँमा बाढी आउँदा ५ देखि ७ फिट सम्म पानी बगने गर्छ । जसले गर्दा हप्तौं दिनसम्म यातायात अबरुद्ध हुने गरेको छ । यसअघि बाढीले उक्त ठाउँमा भएको ढलान नै बगाएर लगेको थियोे । गुणस्तरहिन ढलान भएको कारण फुटेर हिलाम्मे बनेको थियोे ।
स्थानीय राजन साह भन्छन्-याे कजवे केही व्यक्तिहरूकाे लागि कमाइ खाने भाडाे बनेको छ । खासमा यहाँ पुल बन्नुपर्ने हाे । तर कजवे निर्माण भइरहेको छ । जुन सरकारकाे लगानी बालुवामा पानी हाले जस्तै हाे ।
