जनकपुरधाम, २९ भदौ । आफूलाई घुमुवा प्रहरी भन्दै रुपैयाँ खोसेर भाग्न खोज्ने एक धनुषा प्रहरीले पक्राउ गरेको छ।
पक्राउ पर्नेमा कमला नगरपालिका ३ लग्माका ३१ वर्षीय अमरेश कुमार यादव रहेका छन्। उनीसँगै रहेका अर्का एक व्यक्ति भने फरार रहेको र उनको पनि खोजी गरिरहेको धनुषा प्रहरीले जनाएको छ।
धनुषाको विदेह नगरपालिका ३ चिकनास्थित ज ७ प ६०८६ नम्वरको मोटरसाइकलमा जनकपुरधाम २४ सोनापराका सुरज मण्डल, सुमित कुमार राम र विदेह नगरपालिका ८ का फेकुन मण्डलबाट आफूलाई घुमुवा प्रहरी भन्दै धाक लगाएर ४ हजार रुपैया खोसेर भाग्न खोज्दा अमरेश पक्राउ परेको बताइएको छ।
अमरेशले चलाएको ज १० प ३७०५ नम्बरको मोटरसाइकल समेत बरामद भएको छ।
वीरगञ्ज, २९ भदौ । बारामा चक्कु प्रहारबाट एक व्यक्ति घाइते भएका छन्चक्कु प्रहार गरी घाइते बनाएर फरार भएका एक जनालाई बारा प्रहरीले पक्राउ गरेको छ।
प्रहरीले बारा करैयामाई गाउँपालिका–७ बस्ने भागरित रामलाई घाँटीमा धारिलो हतियार प्रहार गरी घाइते बनाउनेलाई पक्राउ गरेको हो।
पक्राउ पर्नेमा बारा कलैया उपमहानगरपालिका–२७ बस्ने हरिन्द्र यादव छन् । रामले बिहीबार जितपुर सिमरा उपमहानगरपालिका–१६ पिलुवा जंगलमा यादवको घाँटीमा धारिलो हतियार चक्कुले प्रहार गरी घाइते बनाई फरार भएकोमा उनलाई पक्राउ गरिएको बाराका प्रहरी प्रबक्ता डिएसपी दधिराम न्यौपानेले जानकारी दिए।पक्राउ परेका रामलाई प्रहरी नियन्त्रणमा राखी थप अनुसनधान भइरहेको उनले बताए।
आरके श्रीवास्तव,रौतहट,३० गते भदौ ।
रौतहट । जिल्लामा धारिलो हतियार प्रहारबाट एक व्यक्तिको मृत्यु भएको छ । घरेलू धारिलो हतियार प्रहार बाट सख्त रुपमा घाइते भएका ती यूवकको उपचारको क्रममा पिएचसी कटहरियामा ज्यान गएको हो । जिल्लाको कटहरिया नगरपालिका वडा नम्बर ५ मा शुक्रबार बेलुकी ७.३० बजेको समयमा सो घटना घटेको हो ।
स्थानिय मदन रायको छोरा अन्दाजी ३८ वर्षिय सुनिल राय यादव माथि धारिलो हतियार प्रहार भएको जिल्ला प्रहरी कार्यालय रौतहटले जनाएको छ ।
स्थानिय रामबाबु साह सोनारको छोरा बद्री साह सोनारले सानो घरेलु हतियार प्रहार गरि हत्या गरेको जिल्ला प्रहरी कार्यालय रौतहटका प्रहरी प्रवक्ता दामोदर केसी जानकारी दिनु भयो ।
उनले दिएको जानकारी अनुसार यादव र सोनार बिच घरायसी झगडा थियो । त्यही रिसवीका कारण यादव माथि सानो घरेलु हतियार प्रहार गरी हत्या गरिएको प्रहरी प्रवक्ता केसीले बताए ।
मृतक यादवको शवलाई पोस्मार्टमको लागि प्रादेशीक अस्पताल गौरमा पठाईएको हो । घटना सम्बन्धमा पाँच जनालाइ प्रहरी नियन्त्रणमा राखी थप अनुसनधान भइरहेको डिएसपी केसी बताए ।
आरके श्रीवास्तव,रौतहट,२९ गते भदौ
रौतहट । राष्ट्रिय बाल दिवस २०८० को अवसरमा आयोजीत ‘ बालअधिकार’ विषयमा सम्पन्न भएको वक्तृत्वकला प्रतियोगिता भएको थियो । जिल्लाको फतुवा बिजयपुर नगरपालिका वडा नम्बर ४ टेंग्राहामा रहेको श्री माध्यमिक विधालय टेंग्राहामा वक्तृत्वकला प्रतियोगिता सम्पन्न भएको प्रधानाध्यापक अनिल कुमार यादवले जानकारी गराउनु भयो ।
व
क्तृत्व कला प्रतियोगितामा विजयी तथा सहभागी विद्यार्थीहरुलाई पुरस्कार वितरण गरिएको उनले बताए । पुरस्कार स्वरुप कपि,कलम लगायत शैक्षिक कटि प्रदान गरिएको हो ।
सो प्रतियोगितामा कक्षा १० मा अध्यनरक्त छात्र अशोक कुमार यादव प्रथम,कक्षा ९ मा अध्यनरक्त छात्रा मनिष यादव द्धितिय र कक्षा ७ मा अध्यनरक्त छात्रा आशु कुमारी जयसवाल तेस्रो स्थान प्राप्त गरेकी छिन् ।
विद्यार्थीहरुलाई पनि बाल अधिकारको बारेमा जानकारी हुन सकोस् र उनीहरुले पनि बालअधिकारको बारेमा आफूले जानेका कुरा अरु व्यक्तिहरुलाई पनि जानकारी गराउन सकुन् भन्ने उद्देश्यले बाल दिवसको अवसर पारेर यस्तो प्रतियोगिताको आयोजना गरेको प्रअ यादवले बताए ।
कार्यक्रम उदघोषण राजेश यादवले गर्नु भएको थियो । कार्यक्रमको अध्यक्षता प्रअ यादवले गर्नु भएको थियो । सो अवसरमा शिक्षक रामएकवाल प्रसाद यादव लगायत शिक्षक,शिक्षिका,बिधार्थीहरुको उपस्थिती रहेको थियो ।
आरके श्रीवास्तव,रौतहट,भदौ २९ गते ।
रौतहटको गुजरा नगरपालिकामा नगर स्तरीय हाजिरि जवाफ प्रतियोगिता सम्पन्न भएको छ । सो नगरपालिकाको वडा नम्बर २ कटानी स्थित रहेको श्री मावि नयाँ बस्तीमा आज राष्ट्रिय बाल दिवसको अवसरमा प्रतियोगिता आयोजन गरिएको थियो ।
बालबालिकामा लगानी,सुनिश्चित भविष्यको थालनी भन्ने मूल नाराका साथ राष्ट्रिय बाल दिवस २०८० मनाइएको हो । गुजरा नगरपालिका शिक्षा शाखाको आयोजना र आरडिसि नेपालको समन्वयमा भएको कार्यक्रम कार्यक्रममा के.एन.एच.को सहयोग रहेको थिायो ।
बलश्रम न्यूनिकरण परियोजना अन्तर्गत राष्ट्रिय बाल दिवस कार्यक्रम बाल कल्ब सँगको समन्वयमा गरिएको थियो । सो प्रतियोगितामा श्री मावि नयाँ बस्ती,श्री जनप्रिय मावि हरिनगर मैढा,श्री मावि रंगपुर १,श्री नमूना मावि सिमराभवानीपुर र श्री मावि जंगलसैया सहभागि थिए ।
हाजिरि जवाफ प्रतियोगितामा श्री मावि कनकपुर प्रथम,श्री मावि रंगपुर द्धितिय र श्री कंकाली मावि जंगलसैया तेस्रो स्थान हासिल गर्न सफल भएको थियो । उनीहरुलाइ पुरस्कार स्वरुप कपि,कलम र प्रमाणपत्र हस्तान्तरण गरिएको थियो । साथै नगर स्तरीय बाल कल्बका सदस्यहरुलाइ समेत प्रमाणपत्र प्रदान गरि विदाइ गरिएको थियो ।
विधालय व्यवस्थापन समितिका अध्यक्ष रुपबहादुर स्यांतांगको सभाध्यक्ष्तामा भएको कार्यक्रममा गुजरा नगरपालिकाकी उपप्रमुख रत्ना लामा प्रमुख अतिथीको रुपमा रह्नु भएको थियो । कार्यक्रम सञ्चालन लक्ष्मिीनारायण चौधरीले गर्न भएको थियो भने सहजीकरण राम अचार्यले गर्नु भएको थियो ।
सो अवसरमा प्रअ सुशिल कुमार कुशवाहा,सहभागि बिधालयका प्रतिनिधी,सो वडाका वडा अध्यक्ष अशोक खाँ थारु,शिक्षा शाखा प्रमुख शिवमंगल साह,शंकर चौधरी,कार्यक्रम संयोजक शेख अर्सद,फिल्ड सुरपरभाइजर सुगान्धि कुमारी,सोनी खातुन,व्यवस्थापन सहयोगी लीदा बहादुर स्यांतांग लगायत शिक्षक,शिक्षिका,बिधार्थी,अभिावक लगायत स्थानिय भद्रभलादमी हरुको सहभागिता रहेको थियो ।
बज्जिकाञ्चल,रौतहट,भदौ २९ गते ।
रौतहट । रौतहटमा सवारी दुर्घटना हुँदा एक जनाको मृत्यु भएको छ । आज दिउँसो ना ५ ख ३४५१ नम्बरको ट्रकको ठक्करले एक मोटरसाइकिल चालकको मृत्यु भएको हो ।
जिल्लाको फतुवा बिजयपुर नगरपालिका वडा नम्बर १ निवासी जयनारायण यादवको छोरा वर्ष ३५ वर्षीय उमेश यादवको मृत्यु भएको हो । उनको घटनास्थलमै मृत्यु भएको जिल्ला प्रहरी प्रवक्ता डिएसपी दामोदर केसीले बताउनु भएको हो ।
सो नगरपालिकाको सन्तपुर चौकमा शुक्रबार दुर्घटना भएको हो । ट्रकको ठक्कर बाट ना ५१ पा ४९४१ को मोटरसाइकल चालकलाई ठककर दिदाँ मृत्यु भएको हो ।
प्रत्यक्षदर्शीका अनुसार ट्रकले ब्याक गर्दा मोटरसाइकिल चालक यादवको ज्यान गएको बताएका छन् । ट्रक चालकले बदमासी गरेको भन्दै स्थानीयवासी आक्रोशित बनेका थिए । उनीहरुले ट्रक चालक लाइ स्थानीवासीले हातपात गरेका थिए ।
चालकलाइ सुरक्ष दिँदा स्थानिय र प्रहरी बिच केहीबेर झडप भएको थियो । स्थिती नियन्त्रणमा लिनलाइ प्रहरीलाइ हवाई फायर समेत गर्न परेको डिएसपी केसीले बताए ।
घटना भएपछि सन्तपुर दोस्तिया चौकमा बाटो अवरुद्ध समेत गरेका थिए । दोषीमाथि कार्यवाही र क्षतिपूर्तिको माग गर्दै नाराबाजी गरेका थिए । घटनास्थलमा अत्यधिक संख्यामा प्रहरी परिचालन गरिएको थियो । घटनाबारे अनुसन्धान भइरहेको र पीडित पक्ष र प्रहरी बीच इप्रका बिजयपुरमा वार्ता भइरहेको डिएसपी केसीले जानकारी गराएका हुन् ।
काठमाडौं, २८ भदौ । नेकपा एकीकृत समाजवादीले २१ जनालाई केन्द्रीय सदस्य मनोनीत गरेको छ। अध्यक्ष माधवकुमार नेपालले बिहीबार जारी गरेको अन्तरपार्टी निर्देशन (अपानि)मा गत ५–७ भदौको केन्द्रीय कमिटी बैठकले केन्द्रीय सदस्य मनोनीत गरेको उल्लेख छ।
एकीकृत समाजवादीले अजयबहादुर मल्ल (बाजुरा), ओमचरण अमात्य (भक्तपुर), गौतम राई (काठमाडौं), गोविन्द चेपाङ (मकवानपुर), चन्द्रा श्रेष्ठ (झापा), चिरञ्जीवी भट्टराई (सुनसरी), जयप्रकाश यादव (बारा) र दीपक केसी (काठमाडौं) लाई केन्द्रीय सदस्य मनोनीत गरेको छ।
यस्तै धनबहादुर कार्की (रामेछाप), धर्म शाही (मुगु), नन्द बञ्जाडे (काठमाडौं), बरुनाथ योगी (दैलेख), बैकुण्ठ भुसाल (पर्वत), भक्तिमान सुब्बा (पाँचथर), मीना लामा (मकवानपुर), रामप्रसाद ढुंगाना (काठमाडौं), लंक हमाल (कपिलवस्तु), शालिकराम भट्टराई (नवलपरासी पूर्व), शिवकुमारी खनाल (काठमाडौं), शैलेन्द्र उपाध्याय (रुपन्देही) र सुदेश पराजुली (काठमाडौं) लाई केन्द्रीय सदस्यमा मनोनित गरेको हो।
वासिंग्टन डिसी, २९ भदौं । अमेरिकी अन्तरिक्ष एजेन्सी नासाले बिहीबार यूएफओमा आधारित आफ्नो बहुप्रतिक्षित प्रतिवेदन सार्वजनिक गरेको छ ।
नासाले एक वर्षसम्म यूएफओको विषयमा अध्ययन गरी अहिले विश्वको ध्यानाकर्षण भएको प्रतिवेदन सार्वजनिक गरेको हो । ३३ पृष्ठको यो प्रतिवेदनमा नासाले यस विषयमा विस्तृत अध्ययनका लागि नयाँ वैज्ञानिक प्रविधि र उन्नत उपग्रह आवश्यक पर्ने बताएको छ ।
रिपोर्टमा नासाले स्वीकार गरेको छ कि युएफओ हाम्रो ग्रहको सबैभन्दा ठूलो रहस्य हो। प्रतिवेदन सार्वजनिक गर्दै नासाका प्रबन्धक बिल नेल्सनले पृथ्वीबाहेक यस ब्रह्माण्डमा जीवन छ भन्ने विश्वास रहेको बताएका छन् ।
काठमाडौं, २९ भदौं । राष्ट्रिय प्रजातन्त्र पार्टी नेपालले आज बिरोध प्रदर्शन गर्दैछन ।
भर्खरै संबैधानिक राजतन्त्रको अजेन्डामा फर्किएको कमल थापा नेतृत्वको राप्रपा नेपालले काठमाडौंमा प्रदर्शन गर्न लागेको हो ।
संबैधानिक राजतन्त्रको पुर्नस्थापना, हिन्दु राष्ट्रको माग र संघियताको खारेजी तथा भ्रष्टचारको बिरोधमा राप्रपा नेपालले काठमाडौंमा प्रदर्शन गर्न लागेको सो पार्टीका महामन्त्री राजाराम बर्तौलाले जानकारी दिए ।
उनका अनुसार भदौं २९ गते दिउँसो १ बने भद्रकालीबाट प्रदर्शन सुरु हुने र भृकुटीमण्डपमा आएर बिरोधसभामा परिणत हुनेछ । उक्त सभालाई अध्यक्ष थापालगायतले सम्बोधन गर्ने कार्यक्रम रहेको छ ।
