बज्जिकाञ्चल संवाददाता, काठमाडौं ३० गते चैत ।
श्रम, रोजगार तथा सामाजिक सुरक्षामन्त्री शरतसिंह भण्डारीले वैदेशिक रोजगार ऐन र श्रम ऐन संशोधन गर्ने तयारीमा रहेको बताएका छन्।
शुक्रबार नेपाल वैदेशिक रोजगार व्यवसायी संघको ३० र ३१औँ वार्शिक साधारण सभालाई सम्बोधन गर्दै मन्त्री भण्डारीले यस्तो बताएका हुन्।
सरकारले वैदेशिक रोजगार ऐन श्रम ऐनलाई समय सापेक्ष बनाउनका लागि सरोकारवालाहरूसँग सल्लाह सुझाव माग गरेको उनको भनाइ छ।
वैदेशिक रोजगारलाई मर्यादित र व्यवस्थित बनाउन सरकार लागिपरेको उनको दाबी छ।
सभार
नेपालखबर
बज्जिकाञ्चल संवाददाता, वालिङ चैत ३० गते ।
स्याङ्जाको वालिङ नगरपालिका–१ का महिलाहरुलाई उत्पादनमा जोड्न बाख्राको बीउ पाठी वितरण गरिएको छ । स्थानीय साहारा बाख्रापालन स्वावलम्वी महिला कृषक समूहका सदस्यहरुलाई बीउ पाठी तथा बीउ बोका वितरण गरिएको हो ।
आर्थिक समृद्धिका लागि साझेदारी कार्यक्रम अन्र्तगत भोकालाई एक छाक भोजन होईन , जिउने जुक्ति सिकाऔँ भन्ने मुलनाराका साथ वालिङ नगरपालिका र हेफर प्रोजेक्ट नेपालको आर्थिक सहयोग तथा दियालो संस्थाको व्यवस्थापनमा सञ्चालन भईरहेको वालिङ कृषि विकास परियोजना अन्तरगत बीउका रुपमा पाठापाठी वितरण गरिएको हो ।
कार्यक्रममा बोल्नुहुँदै वडा नं.१ का वडाअध्यक्ष तथा नगरप्रवक्ता पदमराज गुरुङले महिलाहरुलाई उत्पादनमा जोड्न बाख्रा वितरण गरिएको बताउनु भयो । साना किसानलाई उत्पादनमा जोड्न सके मात्रै महिलाहरु आर्थिक रुपमा सवल हुने उहाँको भनाई छ । ग्रामीण क्षेत्रको विकासका लागि महिलाउत्पादनमा जोडिन जरुरी रहेको वडा अध्यक्ष गुरुङले बताउनु भयो ।
बाख्राको नस्ल सुधार गरि आम्दानी बढाउन पाठीसँगै बोका वितरण गरिएको वालिङ नगरपालिकाको पशुसेवा शाखा प्रमुख डाक्टर रोशन बस्यालले बताउनु भयो । नस्ल सुधारका लागि कृषकलाई सचेत गराउने र पालिकाले सहयोग गर्ने काम भईरहेको उहाँको भनाई छ ।
डाक्टर बस्यालले बाख्रा पालका क्रममा आई पर्ने समस्या र यसको सही निराकरणका बारेमा कृषकलाई जानकारी समेत गराउनु भयो ।
कार्यक्रम अन्तरगत साहारा बाख्रापालन स्वावलम्वी महिला कृषक समूहका २१ जना सदस्यहरुलाई पाठापाठी वितरण गरिएको परियोजनाले जनाएको छ । समूहका अधिकांस सदस्यहरु दलित महिला रहेका छन् । उनीहरुलाई आवश्यक तालिम सिकाउँदै उत्पादनमा जोड्ने परियोजनाले जनाएको छ ।
कार्यक्रमका कार्यपालिका सदस्य सीता बिक, वडा सदस्यहरु शोभाकान्त काफ्ले,सम्भव अर्याल,खिना काफ्ले समूह की अध्यक्ष सुधा बिक लगायतले बाख्रा पालन र वडा कार्यालयले गरिरहेको क्रियाकलापका बारेमा जानकारी गराउनु भएको थियो ।
वालिङ नगरपालिकाको वडा नं.१ देखि ७ सम्म सञ्चालन भएको परियोजनाले महिला तथा साना किसानलाई उत्पादनमा जोड्न विभिन्न क्रियाकलाप गर्दै आएको छ ।
तस्बिर ः बीउपाठी तथा बोका वितरण गरिँदै ।
हनुमत यादव,गाैर,२९ गते चैत ।
गाैर । मेरोमाइक्रोफाइनान्स लघुवित्त वित्तीय संस्था लि. रौतहट शाखा कार्यालय माधवनारायण द्वारा आयोजित वार्षिक केन्द्र प्रमुख गोष्ठी तथा वित्तीय साक्षरता अभिवृद्धि कार्यक्रम शुक्रबार जिल्लाको सदरमुकाम गौर स्थित रहेको साईमन होटेलको सभा हलमा सम्पन्न भएको छ । त्यस अवसरमा माधवनरायण नगरपालिका वडा नं १ का वडा अध्यक्ष राज कुमार यादवले लघुवित्त संस्थाहरूले आर्थिक उन्नयनमा खेलेको भूमिका प्रसंसनिय रहेको उल्लेख गरे ।
यादवले दिदीबहिनीहरूको आर्थिक सशक्तीकरण र उद्यमशीलतामा लघुवित्तको भूमिका अत्यन्त महत्वपूर्ण रहेको बताए । संस्थाका मधेस प्रदेश प्रमुख रामप्रसाद कुशवाहाले समाजमा लघुवित्तलाई हेर्ने दृष्टिकोण नकारात्मक हुँदा विभिन्न समस्या उत्पन्न भइरहेको जनाए । उनले कर्जा लिँदा संस्थाको नीति, नियम र सेवा प्रणाली बुझेरमात्र कारोबार गर्नुपर्ने बताए । पछिल्लो समय वित्तीय साक्षरता कार्यक्रमले सदस्यहरू जागरुक बन्दै गएको समेत उनले बताए ।
आफ्ना ग्राहक सदस्यहरुमा वित्तीय सचेतना तथा वित्तीय शिक्षा प्रदान गर्ने उदेश्यले सञ्चालित उक्त कार्यक्रममा संस्थाको तालिम विकास तथा प्रवर्तन विभाग प्रमुख सिताराम महतोले वित्तीय शिक्षा र साक्षरता सम्बन्धी अभिमुखीकरण प्रस्तुति प्रस्तुत गरे ।
उक्त कार्यक्रममा शाखा कार्यालय माधवनरायण अन्तर्गत सञ्चालित उत्कृष्ट केन्द्र व्यवस्थापन गर्ने ४ जना केन्द्र प्रमुख तथा वित्तीय संस्थाबाट कर्जा लिएर व्यवसाय सञ्चालन गर्नेमध्ये मेरो सरुअठा महालक्ष्मी महिला केन्द्र(प्रथम) – ३०००/- , मेरो सीतारा महिला केन्द्री(दोस्रो) – २०००/-, मेरो माँ जगदम्बा महिला केन्द्र (तेस्रो) – १०००/-,मेरो बसतपुर महिला केन्द्र (चैथो) – ५००/- नगद सहित वर्षका ४ उत्कृष्ट व्यावसायिक ग्राहकलाई कदर पत्रद्वारा सम्मान गरिएको थियो ।
१०० औ जना ग्राहक सदस्यहरुको सहभागिता रहेको वित्तीय साक्षरता कार्यक्रमको अध्यक्षता केन्द्र नम्बर ४२ का केन्द्र प्रमुख लिलामबर प्रसाद सिंह गनगाइले गरेका थिए । साथै कार्यक्रम सञ्चालन तथा सहजीकरण शाखा प्रबन्धक गनगाईले गरेका थिए ।
मुन्ना मिश्रा,२१ गते चैत ।
बर्दिया । महिला लघुवित्त वित्तिय संस्था लिमिटेड केन्द्रीय कार्यालय साँगा काभ्रेको आयोजनामा शाखा कार्यालय बाँसगढी बर्दिया मा केन्द्र प्रमुख कार्यशाला गोष्ठी तथा वित्तिय साक्षरता कार्यक्रम आज सम्पन्न भएको छ ।
साना तथा मझौला ब्यापारी कृषक महिलाहरुलाई विशेष गरी कर्जा र बचत सम्बन्धि व्यवसाय योजना, कर्जा सदुपयोगिता, वित्तीय व्यवस्थापन, व्यापार बिस्तार, महिला सचेतना, महिला सशक्तिकरण, लघुबित्तले समाजमा पारेको सकारात्मक भुमिका र बैकिङ सम्बन्धि महत्वपुर्ण जानकारी प्रदान गर्ने उदेश्यले कार्यक्रम गरिएको हो ।
उक्त कार्यक्रममा ७७ जना केन्द्र प्रमुख,उपप्रमुख लाई वित्तिय साक्षरता तालिम दिएको थियो । सो कार्यक्रममा उत्कृष्ट ऋणी, उत्कृष्ट बचत कर्ता,उत्कृष्ट केन्द्र प्रमुख,उपप्रमुख, उत्कृष्ट केन्द्रहरु लगायत ७ विधामा सहभागीलाई सम्मान तथा प्रमाणपत्र वितरण गरिएको थियो ।
केन्द्र प्रमुख कार्यशाला गोष्ठी तथा वित्तिय साक्षरता कार्यक्रमको उदघाटन गर्दै संस्थाका लुम्बिनी प्रदेश प्रमुख तिलक दत्त पन्तले समग्र महिला लघुवित्तको हालको अवस्था बारे जानकारी र संस्थाले महिलालाई स्वरोजगार, उद्यमशिलतामा आत्मनिर्भर बन्न सहयोग पुर्याएको र वित्तीय संस्थाबाट कर्जा प्रयोग गर्दा हुने फाइदाबारे भिडियो सामाग्री देखाउदै प्रष्ट पार्नुभएको थियो ।
साथै सुपरिवेक्षण तथा निरीक्षण कार्यालय नेपालगन्जका प्रमुख अम्मर बहादुर सिंहले कर्जाको सदुपयोग कसरी गर्ने ,सफल ब्यबसायी कसरी बन्ने ,र बचत गर्दा हुने फाईदा र धेरै संस्थाबाट कर्जा कारोबार गर्दा ग्राहक सदस्यलाई पर्ने नकारात्मक असर बारेमा समेत सहभागीहरुलाई प्रशिक्षण दिनुभएको थियो ।
कार्यक्रमको संचालन प्रेम भण्डारीले गर्नुभएको थियो । उक्त कार्यक्रमको सभापति केन्द्र नम्बर १० कि गीता उपाध्याय रहनुभएको थियो, भने सो कार्यक्रमको मुल्यांकनकर्ता केन्द्र नम्बर १०४ कि हेमा थापा रहनु भएको थियो ।
उक्त कार्यक्रममा इलाका प्रहरी कार्यालय बाँसगढीबाट प्रहरी सहायक निरीक्षक माधव प्रसाद खतिवडा, यस संस्थाका लुम्बिनी प्रदेश प्रमुख तिलक दत्त पन्त, सुनिका कार्यालय नेपालगन्जका प्रमुख अम्मर बहादुर सिंह, शाखा कार्यालय नेपालगन्जका प्रमुख सगुने बुढा, शाखा कार्यालय गुलरियाका प्रमुख आयुष न्यौपाने, शाखा कार्यालय बाँसगढीका कर्मचारी ओम प्रकाश यादव अहिर, प्रेम भण्डारी,निशा चौधरी र अन्जना चौधरी को उपस्थिति रहेको र उक्त कार्यक्रममा १० जना लाइ प्रमाण पत्र तथा ८ जना लाइ मायाको चिनो प्रदान गिरएको शाखा कार्यालय बाँसगढीका प्रमुख लोकेन्द्र बहादुर बुढा ले जानकारि दिनुभयो।
चन्दन यादव, रौतहट २१ गते चैत ।
रौतहटमा भन्सार छली गरी ल्याउँदै गरेको सामानहरु प्रहरीले बरामद गरेको हो । २०८१ चैत १९ गते करीब ७ बजेको समयमा कार्यालय तथा मातहत समेतबाट संयुक्त रुपमा खटिएको प्रहरी चेकिङ्ग टोलीले जिल्ला रौतहट गौर नगरपालिका वडा नम्बर ४ बसपार्क स्थितमा विभिन्न सवारी साधनहरुलाई चेकजाँच गर्ने क्रममा अबैध रुपमा भारतबाट भन्सार छली चोरी पैठारी गरी ल्याउँदै गरेको गरेको अवस्थामा बरामद भएको प्रहरीले जनाए ।
अन्दाजी मुल्य रु. ९९ हजार ९ सय ६० ०रुपैया बराबरको बिभिन्न किसिमको किराना सर सामानहरु फेला परेको प्रहरीले जानकारी गराएका हुन् । उक्त सर सामानहरु अन्दाजी मूल्य रु. ७ लाख रुपैया बरावरको प्र २ ०३ ००१ ज १३१ नम्बरको पिकअप गाडी १ थानगरि जम्मा अन्दाजी मुल्य रु.७ लाख ९९ हजार ९ सय ६० रुपैया बराबरको रहेको प्रहरीले जनाएका हुन् ।
बिभिन्न किराना सर सामानहरु, पिकअप गाडी १ थान र चालक जिल्ला रौतहट कटहरीया नगरपालिका वडा नंम्बर ५ मा बस्ने अन्दाजी २२ वर्षको निरज कुमार साह समेत लाई नियन्त्रणमा लिई आवश्यक कारवाहीको लागी गौर भन्सार कार्यालयमा बुझाईएको प्रवक्ता तथा सुचना अधिकारी प्रहरी नायवउपरीक्षक दिपक कुमार रायले जानकारी गराएका हुन् ।
मुन्ना मिश्रा,१९ गते चैत ।
बर्दिया । महिला लघुवित्त वित्तिय संस्था लिमिटेड राजापुर शाखामा केन्द्र प्रमुख कार्यशाला गोष्ठी तथा वित्तिय साक्षरता कार्यक्रम आज सम्पन्न भएको छ ।
लुम्बिनी प्रदेश अन्तर्गतका शाखा कार्यालयहरुमा यही चैत्र १८ गते देखि दुधराँस शाखाबाट शूरु भएको सो कार्यक्रम आज दोस्रो दिन राजापुर र श्रीगाउँमा सम्पन्न भएको छ । उक्त कार्यक्रम निरन्तर रुपमा संचालन भइरहेको सुनिका नेपालगन्जका प्रमुख अम्मर बहादुर सिंह ले जानकारी दिनुभयो ।
राजापुरको कार्यक्रममा ३९ केन्द्रका केन्द्र प्रमुख,उपप्रमुख लाई वित्तिय साक्षरता तालिम दिएको थियो । साथै सुनिका नेपालगन्ज प्रमुख अम्मर बहादुर सिंहले समग्र महिला लघुवित्तको हालको अवस्था बारे जानकारी गराउँदै कर्जाको सदुपयोग कसरी गर्ने ,सफल ब्यबसायी कसरी बन्ने तथा धेरै संस्था बाट कर्जा कारोबार गर्दा ग्राहक लाई पर्ने नकारात्मक असर बारे प्रशिक्षण दिनुका साथै बचत गर्दा हुने फाईदाका बारेमा समेत सहभागीहरुलाई प्रशिक्षण दिनुभएको थियो ।
सो कार्यक्रममा उत्कृष्ट ऋणी, उत्कृष्ट बचत कर्ता,उत्कृष्ट केन्द्र प्रमुख,उपप्रमुख, उत्कृष्ट केन्द्रहरु लगायत ६ विधामा सहभागीलाई सम्मान तथा प्रमाणपत्र बितरण गरिएको थियो ।
आज राजापुरमा केन्द्र प्रमुख कार्यशाला गोष्ठी तथा वित्तिय साक्षरता कार्यक्रमको उदघाटन गर्दै ईलाका प्रहरी कार्यालय राजापुरका प्रहरी निरीक्षक नवीन थापा मगर ले यो संस्थाले महिलालाई स्वरोजगार उद्यमशिलतामा आत्मनिर्भर बन्न सहयोग पुर्याएको र वित्तीय संस्थाबाट कर्जा प्रयोग गर्दा हुने फाइदाबारे बताउनु भएको थियो ।
उक्त कार्यक्रममा लुम्बिनी प्रदेश अन्तर्गत सुनिका कार्यालय नेपालगन्जका प्रमुख अम्मर बहादुर सिंह, शाखा कार्यालय गुलरियाका प्रमुख आयुष न्यौपाने, शाखा कार्यालय राजापुरका प्रमुख बिष्णु प्रसाद चौधरी, कर्मचारी ईन्द्र प्रकाश चौधरी र रामी चौधरी को उपस्थिति रहेको थियो ।
काठमाडौं। नेपाल आयल निगमले डिजेल र मट्टितेलको मूल्य घटाएको छ। निगम सञ्चालक समितिको बैठकले डिजेल तथा मट्टितेलको मूल्य प्रतिलिटर २ रुपैयाँ घटाउने निर्णय गरेको हो। उक्त मूल्य मंगलबारदेखि लागू हुनेछ ।
निगमले सोमबार जारी गरेको विज्ञप्तिअनुसार भारतबाट प्राप्त खरिद मूल्यअनुसार पेट्रोलमा प्रतिलिटर मूल्य ४५ पैसा बढेर आएको थियो। डिजेल तथा मट्टितेलको मूल्य भने प्रतिलिटर २ रुपैयाँ १५ पैसा घटेर आएको थियो।
सोहीअनुसार पेट्रोलको मूल्यमा घटबढ नभए पनि डिजेल तथा मट्टितेलको मूल्य घटाउने निर्णय भएको निगमले जनाएको छ। अब काठमाडौँमा डिजेलको मूल्य प्रतिलिटर १४९ रुपैयाँ कायम भएको छ । सभार सरल पत्रिका
आरके श्रीवास्तव,रौतहट,१४ गते चैत ।
रौतहट । जीवन विकास लघुवित वित्तिय संस्था लिमिटेड मौलापुर शाखाको केन्द्र प्रमुख गोष्ठी तथा वित्तिय साक्षरता कार्यक्रम आज सम्पन्न भएको छ । वित्तिय साक्षरता सम्बन्धि जानकारी गराउने उदेश्यले मौलापुर पार्क होटेलमा भएको एक दिने सो कार्यक्रममा केन्द्र प्रमुख र उपप्रमुखहरु लाइ लक्षितगरी कार्यक्रम गरिएको हो ।
मौलापुर नगरपालिकाकी नगरप्रमुख रिना कुमारी साहको प्रमुख आतिथ्यतामा भएको कार्यक्रममा संस्थाका आन्तिरिक लेखा परिक्षण विभागका प्रमुख बिनोद प्रसाद साहले अध्यक्षता गर्नु भएको थियो । भने विशिष्ट अतिथीको रुपमा मौलापुर नगरपालिकाका उपप्रमुख नागेन्द्र राय यादव रहनु भएको थियो ।
विहिवार राष्ट्रिय गानबाट सुरु भएको कार्यक्रममा प्रमुख अतिथी मेयर साहले पानसमा बक्ती बालेर कार्यक्रमलाइ उदघाटन गरेकी थिइन् ।
जीवन विकास लघुवितका जिल्ला प्रमुख पंकज मण्डलले सञ्चालन गरेको कार्यक्रममा स्वागत मन्तव्य मौलापुर शाखाका प्रमुख मदन कुमार कामतीले राख्नु भएको थियो । स्वागत मन्तव्य राख्दै शाखा प्रमुख कामतीले मौलापुर शाखाको वर्तमान अवस्थाको बारेमा जानकारी गराएका थिए ।
कुल १ हजार ४६ सदस्य संख्या रहेको मौलापुर शाखा अन्तर्गत ६२ वडा केन्द्र संख्या रहेको उनले जानकारी गराएका थिए । जसमा ५ सय २९ जना ऋणीमा ६ करोड ६३ लाख २६ हजार ५ सय १५ रुपैयाँ १२ पैसा ऋण लगानी रहेको तथ्यांक प्रस्तुत गरेका थिए । जम्मा ४ जना कर्मचारी रहेको सो शाखामा १ करोड ५७ लाख ६० हजार ६ सय ७९ रुपैयाँ ९५ पैसा बचत रहेको कामतीले बताए ।
उदघाटन सत्रलाइ सम्बोधन गर्दै प्रमुख अतिथी साहले यो लघुवितले विगत ४ वर्षमा राम्रो सदस्य संख्या बनाउन सफल भएकोमा बधाइ तथा शुभकामना व्यक्त गरेकी थिइन् । लघुवित बाट लिएको माधानी महायज्ञमा मन्दिरका लागि संस्थाबाट डष्टवीन सहयोग गरेकोमा धन्यवाद पनि ज्ञापन गरेकी थिइन् ।
यो लघुवितमा सहभागी भएर महिलालाइ धेरै प्रगती गरेकोमा र कार्यक्रममा महिला सहभागिता हेरेर खुशी पनि प्रकट गरेकी थिइन् । कार्यक्रममा संस्थाका व्यवस्थापन सूचना विभागका विभागीय प्रमुख कुमोद कुमार मण्डलले वित्तिय साक्षरता कार्यक्रम अन्तर्गत ऋण,बचत,डिजिटल सेवाको बारेमा सहभागीहरुलाइ विस्तृत रुपमा जानकारी गराएका थिए ।
त्यस्तै कार्यक्रममा विशिष्ट अतिथी उपमेयर यादवले यस लघुवित बाट जुन प्रायोजनको लागि ऋण लिनु भएको छ । त्यसै प्रायोजनमा खर्च गर्न सुझाव दिनु भएको थियो ।
त्यसैगरी कार्यक्रमको सभाध्यक्षता गरिरहनु भएका साहले लघुविक्त बाट लिएको ऋण सही समयमा भुक्तानी गर्न आग्रह गर्दै लिएको ऋणलाइ पनि सदुपयोग गर्न सुझाव दिएका थिए ।
त्यस्तै उनले अहिले बजारमा लघुवत्त बैंकको बारेमा भैलाइएको हल्लाको पछाडी नलग्न आग्रह समेत गरेका थिए ।
यता कार्यक्रममा उत्कृट उधमी,उत्कृष्ट बचतकर्ता,उत्कृट ऋणी र उत्कृष्ट केन्द्रलाइ पनि उपहार सहित सम्मानपत्र पनि अतिथीहरुको हाथबाट प्रदान गरिएको थियो । उत्कृष्ट उधमीमा केन्द्र नम्बर ६ कि रंजु यादव,८ की व्यासदेवी कोइरी,५१ की पानवती देवी यादवनी परेकी छिन् ।
त्यस्तै उत्कृष्ट ऋणीहरु गिता देवी,रुपिया देवी र मनटुटिया देवी लाइ उपहार सहति सम्मानपत्र पनि पैदान गरिएको थियो । उत्कृष्ट बचतकर्ता र उत्कृष्ट केन्दलाई पनि सम्मान गरिएको छ । यसवर्षको उत्कृष्ट केन्द्रको रुपमा २३ नम्बर केन्द्र शुभान अल्लाह जिवन विकास लघुवितलाइ घोषणा गरिएको शाखा प्रबन्धक कामतीले जानकारी गराएका हुन् ।
यसै कार्यक्रममा संस्थामा सदस्य रहेका ५ जना परिवारको १० जना छात्रछात्राहरुलाइ छात्रवृक्ति पनि जीवन विकास लघुवितले प्रदान गरेको छ । आज उनीहरुलाइ ब्याग,कपी कलम,पानी बोतल,औजार बक्स प्रदान गरिएको छ । भने पछि आवश्यकता अनुसार पढाइमा सम्पुर्ण खर्च व्यहोर्ने जिवन विकास लघुवित्तका जिल्ला प्रमुख पवन मण्डलले बताएका हुन् ।
फाेटाे फिचर:
बज्जिकाञ्चल संवाददाता,१४ गते चैत ।
काठमाडौँ । शिक्षक सेवा आयोगले निम्न माध्यमिक तहका लागि शिक्षकको माग गरेको छ।
आयोगले बिहिवार एक सूचना जारी गर्दै सामुदायिक विद्यालयको निम्न माध्यमिक तह तृतीय श्रेणी, शिक्षक पदमा खुला तथा समावेशी शिक्षक माग गरेको हो।
नेपाली शिक्षक १०९ जना, अंग्रेजी शिक्षक १७१ जना माग गरेको छ। यसैगरी गणित शिक्षक ११२, विज्ञानमा १०१ गणित विज्ञानमा ८०, सामाजिकमा १०९, स्वास्थ्य तथा शारीरिक शिक्षामा १, संस्कृत २ र संस्कृत भाषामा एक शिक्षक माग गरेको आयोगले जनाएको छ । प्रशासन
चन्दन यादव,राैतहट,१० गते फागुन ।
राैतहटकाे गरूडामा ‘बेमौसमी तरकारी खेती’ सम्बन्धी एक दिने तालिम सम्पन्न गरिएको छ । डिप्राेक्स लघुवित वित्तीय संस्था लिमिटेड शाखा कार्यालय गरूडामा आबद्ध सदस्यलाई
उक्त तालिम सञ्चालन गरिएको हो ।
संस्थामा जुटेका सदस्यहरुको क्षमता विकास तथा व्यवसाय प्रबर्द्धन सम्बन्धि आम्दानीमा बृद्धि गर्ने अभिप्रायले उक्त तालिम दिइएको डिप्राेक्स लघुवित गरूडाका शाखा प्रबन्धक दिनेश्वर साहले बताएका हुन् ।
महिलाहरुलाइ आत्मनिर्भर बनाउन र तालिम सिकेपछि जिविकाेपार्जन गर्न सहयोग पुगाेस् भन्ने उदेश्यले बेमौसमी तरकारी खेती तालिम दिइएको आयाेजकले बताएको हाे ।
डिप्राेक्स लघुवितमा आबद्ध ४५ महिला सदस्यलाई लक्ष्यित गरि सञ्चालन गरिएको तालिममा कृषि ज्ञान केन्द्र रौतहटका नि.प्रमुख सुरेन्द्र प्रसाद कुर्मीले तालिममा सहजीकरण गर्नु भएको थियोे ।
तालिमकाे प्रारम्भमा आयाेजन गरिएको उदघाटन सत्रकाे प्रमुख अतिथिकाे रूपमा गरूडा वडा नम्बर ३ का वडा अध्यक्ष अम्बिका सहनी रहनु भएको थियोे । भने विशिष्ट अतिथिकाे रूपमा संस्थाका मधेश प्रदेश कार्यालय प्रमुख जमिरी राय यादव रहनु भएको थियो ।
डिप्राेक्स लघुवित गरूडा शाखाका प्रबन्धक साहले आफूहरूले लगानी त गर्ने गरेकाछाैं । तर सिपकाे अभावमा उचित सदुपयाेग भईरहेकाे थिएन् । सीप सिकेर संस्थामा आबद्ध सदस्यले यसकाे फाईदा उठाउनेमा आफू विश्वस्त रहेकाे बताए । तालिमकाे माध्यमले सिकेका कुराहरू लाई व्यवहारमा उतारेर आयआर्जन बढाउने मद्दत पुग्ने छ ।
तालिमको अवसरमा संस्थामा आवद्ध सदस्य महिलाहरुको अलावा डिप्रोक्स लघुवित गरूडा शाखाका कर्मचारीहरुको सहभागिता रहेको थियो ।
