काठमाडौँ ।
बलिवुडका महानायक अमिताभ बच्चनकी नातिनी नव्या नवेली नन्दा फिल्मी क्षेत्रमा नभएपनि उनको चर्चा सधै हुने गर्छ । नव्याले आफ्नो बुवाको व्यवसायमा बढी चासो रहेको बताउदै अहिले आफ्नो सम्पूर्ण ध्यान त्यसमै केन्द्रीत गरिरहेकी छन् ।
यस बाहेक नवयाले महिला सशक्तीकरणका लागि काम गरिरहेकी छन् । नव्याले आफ्नो परिवारको एस्कर्ट र ट्र्याक्टर व्यापारदेखि महिला सशक्तिकरण सम्बन्धि कामका साथै पारिवारिक पोडकाष्ट पनि चलाउदै आएकी छन् ।
उनले हालै दिएको एक अन्तर्वार्तामा भनेकी छन्- ‘म दिल्लीको व्यापारी परिवारबाट हुँ। बुबासहित चार पुस्ताले पारिवारिक व्यवसाय सम्हाल्दै आएका छन् । म सधैं व्यापारिक वातावरणमा हुर्केको छु। बुबा घरमा आउँदा सेयर र ब्यापारको कुरा गर्नु हुन्थ्यो । मलाई यसमा धेरै चासो थियो। मेरो कम्पनीले एस्कर्ट र ट्र्याक्टर उत्पादन गर्छ ।’
उनले अगाडी भनेकी छन्- ‘मलाई सानैदेखि ट्र्याक्टरमा धेरै रुचि थियो । आज पनि सामाजिक सञ्जाल मार्फत महिला सशक्तिकरणका लागि काम गरिरहेको छु र गरिरहनेछु । मलाई फिल्म र तिनको निर्माणमा कहिल्यै रुचि थिएन ।’
उनले आफ्नो भाईलाई सानै देखि फिल्मको रुची भएपनि आफ्नो कहिल्लै फिल्ममा रुची नभएको बताएकी छन् ।
उनले भनेकी छन्- ‘भाइलाई सानैदेखि अभिनेता बन्ने रहर थियो । उनले फिल्ममा मौका पाएकोमा हामी निकै खुसी छौं । भगवानले उनलाई अझै अगाडि बढ्न मद्दत गरून् । विगत चार वर्षदेखि व्यवसाय हेर्दै आएको छु । मेरो आफ्नै एनजीओ प्रोजेक्ट नाभेली छ । उसको विकासको लागि दिनहुँ काम गरिरहेको छु । सबैलाई थाहा छ मलाई फिल्ममा रुचि छैन, सायद त्यही भएर अफर आउँदैन ।’
उनले आफ्नो एनजीओको शुरुवातको बारेमा भनेकी छन्- ‘मैले चार वर्षअघि कोभिडको समयमा परियोजना नभेली सुरु गरेको थिएँ। यस अन्तर्गत सबैभन्दा पहिले हामीले महिनावारीका बेला महिलाले भोग्ने समस्याका बारेमा काम गरेका छौं । त्यतिबेला उनीहरुको सरसफाइ कस्तो हुनुपर्छ भन्ने विषयमा छलफल भएको थियो । अहिले हामी शिक्षा, कानुनी चेतना र उद्यमशीलताको पनि कुरा गरिरहेका छौं। हामी महिलाहरूलाई नि:शुल्क कानुनी परामर्श दिन्छौं। यदि तिनीहरू घरबाटै व्यापार गर्न चाहन्छन् भने हामी तिनीहरूलाई स्रोतहरू उपलब्ध गराउँछौं ।’
यसका साथै उनले शिक्षामा आधारित ‘निमाया’ परियोजना समेत संचालन गरिरहेकी छन् । साथै उनले आफ्नी आमा श्वेता नन्दा बच्चन र हजुरआमा जया बच्चनको साथमा पोडकाष्ट समेत संचालन गरिरहेकी छन् । यसमा जीवनशैली, नयाँ पुस्ता र समाजका विविध पक्षमा छलफल गर्ने गर्दछिन् ।न्युज कारखाना
काठमाडौँ ।
बहुस्टारकास्ट रहेको ‘पूजार सार्की’ जेठ १० गते प्रदर्शनमा आउने भएको छ । निर्देशक दिनेस राउतले पुजार सार्की जेठ १० गते बुद्ध जयन्तीको अवसर पारेर रिलिज गर्ने घोषणा गरेका हुन् ।
योसँगै जेठ १० गते तीन फिल्म भिड्ने भएका छन् । यस मितिमा पुजार सार्कीसहित अनमोलको फर्की फर्की र पुजा शर्माको ‘दान्भी’ भिड्ने भएपछि फिल्म क्षेत्र तरंगित बनेको छ ।
यी तीनवटै फिल्ममा अहिलेका चल्तीका ‘स्टार’ कलाकार रहेका छन् । ‘पूजार सार्की’ मा प्रदीप खड्का, पल शाह र आर्यन सिग्देल प्रमुख भूमिकामा छन् । त्यस्तै ‘फर्की फर्की’मा अनमोल केसी र जसिता गुरुङ छन् भने ‘दान्भी’ मा पूजा शर्मा प्रमुख भूमिकामा छिन् ।
जेठ १० गते बुद्ध जयन्ती र जेठ १५ गते गणतन्त्र दिवसको विदा रहेको यस साता फिल्म निर्माताले राम्रो फाइदा हुने अनुमान सहित फिल्म रिलिज गर्दै छन् । तर फिल्म विश्लेषकहरुले यहि मात्र कारण नभएर, कलाकारबीचको आपसी दुश्मनी, निर्देशक र निर्मताहरुबीचको आपसी टक्करका कारण तीन ठुला फिल्म भिड्न लागेको बताएका छन् ।
तर जेठ १० नजिकिदै गर्दा तीन मध्ये कम्तिमा एक फिल्म यस मितिमा रिलिज नहुने बताइएको छ । यसमा पुजाको ‘दान्भी’को मिति परिवर्तन हुनसक्ने अनुमान गरिएको छ ।
न्युज कारखाना
मुम्बइ, २४ चैत ।
सन्नी देओलको फिल्म ‘बोर्डर २’ को बारेमा एउटा ठूलो अपडेट आएको छ ।
ई टाइम्सको रिपोर्ट अनुसार यो फिल्म ‘बोर्डर १’ को सिक्वेल हुने छैन् । टाइम्सले स्रोतलाई उद्धृत गर्दै भनेको छ कि यो युद्ध त्यही रातको कथा हुनेछ। त्यो रात लङ्गेवालाको युद्धमा सेनाले मात्र होइन, नौसेना र वायुसेनाले पनि लडेको थियो। जुन कथा ‘बोर्डर–२’ मा देखाइनेछ।
गद्दर २ सुपरडुपर हिट भए पछि सन्नी देओलकाे माग बढेकाे छ । साेही माग अनुसार उनले यसअघि अभिनय गरेकाे बाेर्डरकाे सिक्ववेल बनाउने घाेषणा गरिएकाे थियाे । तर, नाम बाेर्डर २ भनिए पनि नयाँ कथामा याे फिल्मकाे सुटिङ हुनेछ । जुन अलग युद्द कथामा अाधारित रहेकाे छ । याे पनि भनिएकाे छ कि बाेर्डर २ भारतीय सिनेमा उधाेगकाे सबैभन्दा ठुलाे युद्दकथा हाे ।
तर, याे फिल्मकाे अाैपचारिक घाेषणा भने अझै गरिएकाे छैन । निर्माण पक्षले यतिखेर अान्तरिक तयारी गरिरहेकाे छ । न्युज कारखाना
मुम्बई, २४ चैत ।
नितेश तिवारीको फिल्म रामायणको छायांकन सुरु भएको छ ।
कलाकारहरुको सेट र लुक्ससँग सम्बन्धित तस्विरहरु सामाजिक सञ्जालमा भाइरल भइरहेका छन् । रणवीर कपूर अभिनित यो फिल्मको सुटिङ मुम्बईमा भइरहेको छ । जहाँ अयोध्याको विशाल सेट बनाइएको छ।
लारा दत्त, अरुण गोभिल र शीबा चड्डा जस्ता कलाकारहरू सेटमा पूरा पोशाकमा देखिएका छन्। नितिशले छिट्टै रामायणको छायांकन सुरु गर्ने खबर धेरै दिन देखि आइरहेको थियो । जसको पहिलो भागमा भगवान रामको बाल्यकालको भाग खिचिनेछ । रणवीर कपुर यस सुटिङ शेड्युलको हिस्सा नहुने बताइएको छ ।न्युज कारखाना
मुम्बई, २४ चैत ।
हिन्दी सिनेमाका पहिलो सुपरस्टार देव आनन्दको लागि सारा संसार पागल थियो । उनी बलिउड उद्योगमा एक मात्र कलाकार थिए, जसको प्रतिस्पर्धामा कहिल्यै कोही आएको छैन र आउने पनि छैन्।
आफ्नो उत्कृष्ट अभिनयका साथसाथै देव आनन्दले आफ्नो स्टाइलले करोडौंको मनमा राज गर्थे । फ्यानहरु उनको लागि पागल थिए । आफ्नो मनपर्ने स्टारको झलक पाउन उनका फ्यानहरू जे पनि गर्न तयार थिए । त्यसैले आज हामी तपाईलाई देव आनन्दका फ्यानसँग सम्बन्धित एउटा यस्तो घटना बताउन गइरहेका छौँ, जुन थाहा पाउँदा तपाई छक्क पर्नुहुनेछ ।
देव आनन्द आफ्नो समयका सबैभन्दा सुन्दर अभिनेता थिए। उनी आफ्नो लुक्सका कारण धेरै चर्चामा रहे । उनलाई बलिउडको फेसन आइकन पनि भनिन्छ । केटीहरू उनको स्टाइलमा पागल थिए। भनिन्छ, केटीहरू देव आनन्दका लागि यति पागल थिए कि उहाँको एक झलक पाउन घरको छतबाट हाम फाल्ने गर्थे । यही कारणले गर्दा अदालतले देव आनन्दलाई कालो सूट लगाउन प्रतिबन्ध लगाइएको थियो।
वास्तवमा देव आनन्दको फिल्म ‘काला पानी’ सन् १९५८ मा रिलिज भएको थियो । यस फिल्ममा उनले सेतो शर्ट र कालो कोट लगाएका थिए । उनको ड्यासिङ लुक निकै मन पराइएको थियो । देव आनन्दको यो लुकको क्रेज यस्तो थियो कि उनलाई देखेपछि केटीहरू आफ्नो छतबाट हाम फाल्न तयार भए । सुपरस्टारको एक झलक पाउनका लागि धेरै केटीहरूले आत्महत्याको प्रयास समेत गरेको खबर आएको थियो । मुद्दा गम्भीर भएपछि अदालतले देव आनन्दलाई कालो कपडा लगाउन प्रतिबन्ध लगाएको थियो ।
हिन्दी सिनेमाको इतिहासमा नायकको पहिरनमा अदालतले हस्तक्षेप गरेको यो पहिलो पटक हो । सन् १९४६ मा उनले देव अनन्तको फिल्म ‘हम एक हैं’ बाट आफ्नो फिल्मी करियर सुरु गरेका थिए । यसपछि उनले कहिल्यै पछाडि फर्केर हेरेनन् । उनले आफ्नो करियरमा १०० भन्दा बढी चलचित्रमा काम गरेका छन् । तर, ४ डिसेम्बर, २०११ मा देव आनन्दले यस संसारलाई सधैंको लागि अलविदा गरेका थिए।न्युज कारखाना
काठमाडौं, २३ चैत ।
नेपाल आइडल बिजेता गायक रवी ओड बिरूद्द पक्राउ पुर्जी जारी भएको छ ।
जिल्ला प्रहरी कार्यालय कञ्चनपुरमा उनकी पत्नीले दिएको वैवाहिक बलात्कार मुद्दाको बिषयमा उनीविरुद्ध पक्राउ पुर्जी जारी भएको हो ।
गायक ओडविरुद्ध अदालतबाट पक्राउ अनुमति आएको कञ्चनपुरका एसपी चक्रराज जोशीले सञ्चारकर्मीलाइ जानकारी दिएका छन् ।
पत्नीले अप्राकृतिक र असहज तरिकाले निरन्तर आफूलाई बलात्कार गर्ने गरेको भन्दै गम्भिर आरोप लगाएकी छन् ।
सो पक्राउ पुर्जी जारी भएसँगै गायक ओड भने फरार छन् । सो घटनाबारे प्रहरीले अनुसन्धान जारी राखेको छ ।न्युज कारखाना
काठमाडौँ ।
वरिष्ठ पत्रकार, सञ्चारकर्मी, साहित्यसर्जक र जनताको जान्न पाउने हकको अभियानकर्ता विनयकुमार कसजूले आफ्नो जीवनकालमा नेपाली समाजलाई अझ उन्नत र जागृत तुल्याउन के कसरी योगदान पुर्याउनु भएको थियो भन्ने सम्बन्धमा एक कार्यक्रमको आयोजना गरी सम्झना गरियो ।
यस क्रममा विनय कसजूका जीवनका विभिन्न कालखण्डमा उनका सम्र्पकमा आएका, सहकार्य गरेका, परिवारका सदस्य र विभिन्न किसिमले चिन्नेजान्नेहरुले सम्झनामा लेखेका १३६ लेख रचनाहरुको संकलन विनय कसजू स्मृतिग्रन्थ लोकार्पण पनि गरियो ।
लोकार्पण कार्यक्रममा प्रा.डा. जीबेन्द्र देव गिरीले ७८८ पृष्ठमा सामेल ग्रन्थका सामग्रीहरुको समीक्षा गरेका थिए ।
स्मृतिग्रन्थमा डा. हरि प्रसाद भण्डारीको रचना विनय कसजूको व्यक्तित्व तथा कृक्तित्व र ११० व्यक्तिका संस्मरण, १८ व्यक्तिका लेख समालोचना, ८ व्यक्तिका कविता र विनय कसजूका लघुकथा, बालकथा, कथा र किताब नमुनाको रुपमा सामेल गरिएको छ ।
विनय कसजू स्मृतिग्रन्थ लोकार्पण कार्यक्रममा डा. भवेश्वर पंगेनीले जन्मथलो पाल्पा प्रति विनय कसजूको लगाव र योगदान, हेमबहादुर बिष्टले पत्रकारको रुपमा विनय कसजूको योगदान, कृष्णहरि बास्कोटाले सूचनाको हक र जनताको जान्न पाउने अधिकारका क्षेत्रमा योगदान, प्रा.डा. दयाराम श्रेष्ठले उहाँको साहित्य सिर्जना र प्रमोद प्रधानले बालसाहित्य क्षेत्रमा विनय कसजूको योगदान सम्बन्धमा संक्षिप्त परिचर्चा गरेका थिए ।
यस त्रममा जलेश्वरी श्रेष्ठले विनय कसजूको महिला प्रतिको दृष्टिकोण प्रस्तुत गरेकी थिइन् ।
स्मृतिग्रन्थ लोकार्पणको यसै कार्यक्रममा विनय कसजूकी अर्धाङ्गनी गंगादेवी कसजूको साहित्य सिर्जना चिया बेच्ने केटोको पनि लोकार्पण गरियो । चिया बेच्ने केटोमा गंगादेवी कसजूका आठ कथा समावेश छन् । यस कथा संग्रहको संपादन डा. हरिप्रसाद भण्डारीले गरेका हुन् ।
विनय कसजू स्मृतिग्रन्थको संपादन प्रा.डा. कपिल लामिछाने, प्रा.डा. ध्रुवकुमार घिमिरे, डा. पुष्करराज भट्ट, डा. हरिप्रसाद भण्डारी र मन्जु ज्ञवालीले गरेका थिए ।
कार्यक्रमको प्रमुख अतिथी प्रा.डा. चुडामणी बन्धु थिए भने, लोकार्पण कार्यक्रमको सभापतित्व गंगादेवी कसजूले गरेकी थिइन् ।
स्मृतिग्रन्थ प्रकाशन पछिको पृष्ठभुमी माथि प्रकाश पार्दै कार्यक्रममा उपस्थीत सबैको स्वागत प्रा.डा. कपिल लामिछानले गरेका थिए । लोकार्पण कार्यक्रमको संचालन प्रा.डा. ध्रुवकुमार घिमिरेले गरेका थिए ।
लोकार्पण कार्यक्रममा विनय कसजूप्रति श्रद्घा, स्नेह, आत्मियता र सहकार्यका सामेल साथै परिवारका सदस्य गरि सय भन्दा बढिको सहभागिता रहेको थियो । न्युज कारखाना
काठमाडौँ ।
आगामी चैत ३० गतेबाट प्रदर्शनमा आउन लागेको फिल्म ‘डिग्री माइला’ को नयाँ गीत ‘किन ?’ सार्वजनिक गरिएको छ ।
बुधबार सार्वजनिक गीतमा हेमन्त रानाको शब्द रचना, संगीत तथा गायन रहेको छ । गीतमा अभिनेता दयाहाङ राई र अभिनेत्री आँचलबीचको प्रेम देखाइएको छ ।फिल्मले यस गीतबाट फिल्म अन्तरजातीय प्रेमकथामा बनेको अनुमान गर्न सकिन्छ ।
रामबाबु गुरुङको निर्देशनमा तयार भएको फिल्ममा प्रकाश घिमिरे, विजय बराल, माओत्से गुरुङ, बुद्धि तामाङ, हिउँवाला गौतम, कमलमणि नेपाल, सोमनाथ खनाल, पशुपति राई, लोकेन्द्र लेखक आदिको पनि अभिनय रहेको छ ।
फिल्मको निर्माताहरुमा विशाल गुरुङ, मणिराम पोखरेल, मधु मिजार तथा सुष्मा गुरुङ छन् । कार्यकारी निर्माता क्रिश लामा हुन् । ‘डिग्री माइला’ नाटकमाथि बनेको फिल्म हो । २०६९ र २०७१ सालमा मण्डला थिएटरमा ‘डिग्री माइला’ नाटक मञ्चन भएको थियो । नाटकलाई दयाहाङले निर्देशन गरेका थिए । रामबाबुले नाटककै कथालाई केही परिमार्जित गरेर फिल्मको स्वरुप दिएका हुन् ।न्युज कारखाना
गीतको लिंक:
काठमाडौँ ।
अजय देवगनका फिल्म दे दे प्यार दे र सन अफ सरदार निकै हिट भएका थिए, अब यी दुई फिल्मको सिक्वेलको तयारी चाँडै सुरु हुँदैछ । रिपोर्टका अनुसार अजयले जुनबाट लन्डनमा दुबै फिल्मको छायांकन सुरु गर्नेछन् ।
रिपोर्ट अनुसार अजय देवगनले जुनदेखि लन्डनमा दे दे प्यार दे- २ र सन अफ सरदार- २ को सुटिङ सुरु गर्नेछन् । अहिले अजय सिंघम अगेन र रेड- २ को सुटिङमा व्यस्त छन् । यी दुवै चलचित्र मेमा पूरा हुनेछन् । यी दुवै फिल्म यसै वर्ष रिलिज हुँदैछन् । उनीहरुको सुटिङपछि अजय जुनमा लण्डनमा पहिले दे दे प्यार दे- २ र त्यसपछि सन अफ सरदार- २ को सुटिङ गर्नेछन् ।
दे दे प्यार दे- २ को पहिलो शेड्युल १५ दिनको लागि राखिएको छ, जसलाई अंशुल शर्माले निर्देशन गर्दैछन् । पहिलो शेड्युलपछि अजयले सिधै सन् २०१२ को फिल्म सन अफ सरदारको सिक्वेलमा काम सुरु गर्नेछन् । रिपोर्टका अनुसार पञ्जाबी फिल्म उद्योगका एक प्रसिद्ध निर्देशकलाई फिल्म सन अफ सरदार- २ को लागि ल्याइएको छ ।
अजय देवगन अजय देवगनसँग एक–दुई होइन ८ वटा सिक्वेल फिल्म छन् । आगामी दिनमा उनी रेड- २, दे दे प्यार दे- २, सन अफ सरदार- २, गोलमाल- ५, सिंघम अगेन, धमाल- ४, दृश्यम- ३ र शैतान- २ मा देखिनेछन् ।
अजय देवगनको पछिल्लो फिल्म फिल्म शैतान मार्च ८ मा रिलिज भएको थियो । विकास बहलले निर्देशन गरेको यो अलौकिक हरर फिल्मले अहिलेसम्म बक्स अफिसमा २०० करोडको कलेक्सन गरेको छ । फिल्ममा अजय देवगनसँग आर. माधवन र ज्योतिका मुख्य भूमिकामा छन् । अजयले छिट्टै यो फिल्मको सिक्वेलमा काम गर्नेछन् ।न्युज कारखाना
काठमाडौँ।
अत्यधिक मदिरा सेवन गरेर सार्वजनिक स्थानमा होहल्ला गरेको आरोपमा गायक राजेश पायल राईलाई गए राति प्रहरीले पक्राउ गरेको छ ।
गायक राईसहित तीन जनालाई प्रहरीले गएराती मदन भण्डारी कलेज अगाडिबाट पक्राउ गरेको थियो ।
हाल प्रहरी वृत्त नयाँ बानेश्वरमा उनलाई राखिएको प्रहरीले जनाएको छ ।न्युज कारखाना
