बज्जिकाञ्चल,रौतहट,वैशाख ११ गते
रौतहटमा दुइजना अपहरणकारीलाइ प्रहरीले पक्राउ गरेको छ । पक्राउ पर्नेमा राजदेवी नगरपालिका वडा नम्बर ६ मोहनपुर बस्ने अन्दाजी बर्ष २१ को राजा भन्ने राजाबाबु पटेल र दिपेश भन्ने मन्त्रीबाबु राय रहेका छन् ।
यसरी भएको थियो घटना ।
जिल्ला प्रहरी कार्यालय रौतहटका नि.सूचना अधिकारी प्रहरी निरीक्षक दिनेश बहादुर कुँवरका अनुसार शनिवार साँझ ७ बजेको समयमा जिल्लाको माधवनारायण नगरपालिका वडा नम्बर ६ माधोपुर बस्ने अन्दाजी बर्ष २३ को दिपेश भन्ने मन्त्रीबाबु रायले परोहा नगरपालिका वडा नम्बर ३ तेजापाकड वस्ने अन्न्दाजी बर्ष ३० को राज कुमार महतो भन्ने हिरामन महतोलाई आफ्नो घरमा बोलाई सर्लाहीको बलरा भन्ने स्थानमा घर बनाउनु छ भनि बलरा स्थितमा रहेको रक्सी भट्टी पसलमा लगि ८÷९ जनाको अज्ञात व्यक्तीहरु सोही रक्सी भट्टीमा आई हिरामन महतोलाई अपहरण गरि बन्धक बनाई कोठा भित्र राखि हात खुट्टा बाधी पेस्तोल देखाई कुटपिट समेत गरेका थिए ।
अपहरणकारीहरुले पिडितको घरमा फोन गरि फिरौती वापत चार लाख रुपैयाँ माग गरेको भन्ने सूचना जिल्ला प्रहरी कार्यालयमा प्राप्त हुना साथ प्रहरी टोलीले पिडित र अपहरणकारीहरुलाई खोजतलास गर्दै जाने क्रममा भोली पल्ट विहान ०९ः०० बजेको समयमा पिडितलाई सर्लाही जिल्लाको बलरा भन्ने स्थानबाट भारत तर्फ लैजान लागेको गोप्य सूचना प्राप्त हुना साथ तत्काल सो स्थानमा प्रहरी टोली खटी गई खोजतलास गरेको थियो ।
खोज्दै जाँदा जिल्ला सर्लाही बलरा न.पा. वडा नं. ३ स्थित रहेको नेपाल भारतको सिमामा पुग्दा ८÷९ जना पुरुष व्यक्तीहरु शंकास्पद रुपमा भाग्न लागेको देखी उनीहरुलाई नियन्त्रणमा लिन खोज्दा अपहरणकारीहरु मध्ये जिल्ला रौतहट राजदेवी न.पा. वडा नं. ६ मोहनपुर बस्ने अन्दाजी बर्ष २१ को राजा भन्ने राजाबाबु पटेल र दिपेश भन्ने मन्त्रीबाबु राय समेतलाई नियन्त्रणमा लिइएको थियो ।
उनीहरुमाथि सोमबार अपहरण शरिर बन्धक तथा ज्यान मार्ने उधोग मुद्दा दर्ता भई आज सम्मानित रौतहट जिल्ला अदालतबाट म्याद लिई कानुन बमोजिम अनुसन्धान भईरहेको जिल्ला प्रहरी कार्यालय रौतहटले जनाएको छ ।
आरके श्रीवास्तव,गरुडा,११ गते बैशाख ।
रौतहट जिल्लाको बृन्दावन नगरपालिकाको वडा ९ आकडपाथड टोलमा सामुदायिक भवन शिलान्यास गरिएको छ । आज एक कार्यक्रम बिच नगर प्रमुख बिनोद प्रसाद कुर्मीले शिलान्यास गर्नु भएको हो ।
सामुदायिक भवन निर्माणका लागि वडा स्तरीय योजनाबाट पारित भएको र यसको कुल लागत २० लाख बजेट रहेको तथा सो बजेट बाट दुई कोठे भवन निर्माण हुने मेयर कुर्मीले जानकारी गराएका हुन् ।
सो भवन निर्माण भएपछि बिहे, ब्रतबन्धन, भोजभतेर वा सामूहिक समाजमा कुनै कार्य गर्न खोज्दा व्यवस्थित ठाउँ पाउन नसकेर कठिनाइको सामना गर्नु पर्ने बाध्यता थियो । अब त्यो समस्या अन्त्य हुने भएको छ । र त्यस्कै मध्यनजर गरी निर्माण कार्यलाई अगाडि बढाइएको उनले बताए । यसबाट वडावासीहरुलाइ प्रत्यक्ष रुपमा लाभान्वित हुने भएका छन् । भवन निर्माण हुने भएपछि स्थानियहरु हर्षित भएका छन् ।
सो अवसरमा वडाअध्यक्ष शेख प्रबेज आलमको ,वडाअध्यक्ष रवीन्द्र साह, उपभोक्ता समितिका अध्यक्ष लगायत स्थानिय भद्रभलादमीहरुको उपस्थिति रहेको थियो ।
आरके श्रीवास्तव,गरुडा,वैशाख ११ गते ।
रौतहटको देवाहीगोनाही नगरपालिका ३ को वडा कार्यालय भवनको उद्घाटन भएको छ । वडा अध्यक्ष संजय प्रसाद पटेलले बिधिवत रूपमा पुजापाठ गरि नवनिर्मित वडा कार्यालय भवनको उदघाटन गर्नुभयो ।
भवनको उदघाटन गर्दै वडा अध्यक्ष पटेलले वडाको विकासको निम्ति निरन्तर लागिपर्ने बताउनुभयो । उनले वडा कार्यालय व्यवस्थित नभएसम्म वडा तहको कार्य सम्पादन व्यवस्थित हुन नसक्ने बताउनुभयो । नवनिर्मित वडा कार्यालयको भवनबाट सेवाग्राहीले सहज रुपमा सेवा प्राप्त गर्ने र भवनको पूर्ण सदुपयोग हुनेमा विश्वास व्यक्त गर्नुभयो ।
कार्यक्रममा प्रमुख प्रशासकिय अधिकृत सिकिन्द्र प्रसाद साहले पालिकाभित्र वडा कार्यालय व्यवस्थित नभएसम्म वडा तहको कार्य सम्पादन व्यवस्थित हुन नसक्ने बताउनुभयो । देवाहिगोनाहि नगरपालिका र जिल्ला समन्वय समितिको सहकार्यमा कुल ३२ लाख ७२ हजार रुपैयाँ खर्च भएको अधिकृत साहले बताउनु भयो ।
सो उद्घाटन कार्यक्रममा उपमेयर परनिया देविपटेल,प्रमुख प्रशािकिय अधिकृत सिकेन्दर साह ,पुर्व मेयर धर्मेन्द्र पटेल , वडा अध्यक्ष उपेन्द्र यादव, बिरबहादुर साह, उपेन्द्र साह, जिल्ला समन्वय समिति को पुर्व उपसभापति राम अशिस यादव, प्रहरी , संचारकर्मी सहित ब्यक्तिहरूको सहभागिता रहेको थियो ।
रन्धिर साह,११ गते वैशाख ।
रौतहटको देवाही गोनाही नगरपालिका वडा नम्बर ३ मा नेकपा एमालेको वडा कमिटी गठन भएको छ । नेकपा एमालेका नगर कमिटी संयोजक ब्राह्मदेव प्रसादको अध्यक्षता तथा मधेस प्रदेश कमिटी सदस्य एवम् देवाहीगोनाही नगरपालिकाकी नगर प्रमुख परनिया देविको प्रमुख आतिथ्यमा वडा कमिटी तथा “मिसन ग्रासरुट” अभियान सम्मपन्न भएको हो । नेकपा एमाले “मिसन ग्रासरुट” पार्टी सुदृढीकरण तथा बिस्तार अभियान अन्तर्गत देवाहि गोनाही नगरपालिका वडा नम्बर ३ स्थित रहेको देवाहीमा अभियान सम्पन्न भएको हो ।
सो कार्यक्रम अझै अगाडी बढाउन तथा रौतहटको प्रत्येक पालिकाहरुमा यो अभियानलाई संचालनमा रहेको छ । यो अभियानले पार्टी भित्र रहेका अविश्वास तथा मन मोटापनलाई हटाउँनमा सहयोग गर्ने देवाही गोनाही नगरपालिकाकी नगर उप प्रमुख पटेलले बताएकी छिन् ।
कार्यक्रममा नेकपा एमाले जिल्ला कमिटी उपसचिब रुपेश पटेल, जिल्ला कमिटी सदस्य भरत पटेल तथा कार्यकर्ताहरु लगायतको आतिथ्यमा वडा भेला सम्पन्न भएको हो । सो भेलाबाट रामसकल साहको अध्यक्षतामा २१ सदस्यीय वडा कमिटी गठन भएको छ ।
काठमाडौं, ११ वैशाख
बारा २ को उपनिर्वाचनमा जनता समाजवादी पार्टीका उम्मेदवार उपेन्द्र यादवले अग्रता बढाएका छन् । उनले जनमत पार्टीका उम्मेदवार शिवचन्द्र कुशवाहसँगको मतान्तर ६०० पुर्याएका छन् ।
जसपाका अध्यक्षसमेत रहेका यादवले २७७०, जनमतका कुशवाहले २१८२, नेकपा एमालेका पुरुषोत्तम पौडेलले ९२९ मत पाएका छन् । त्यस्तै राष्ट्रिय स्वतन्त्र पार्टीका रमेश खरेलले ३५१ मत पाएका छन् । आम जनता पार्टीका अरुण ज्ञवालीले २०६ मत पाएका छन् ।
बारा, ११ वैशाख
बारा २ को जारी मतगणनामा जसपाका उम्मेदवार उपेन्द्र यादवले अग्रता बढाउँदै लगेका छन् ।
पछिल्लो मत गणना अपडेट अनुसार यादवले १८७२ मत प्राप्त गर्दा उनका निकटतम प्रतिस्पर्धी जनमत पार्टीका शिव चन्द्र कुशवाहाले १६६१ मत ल्याए ।
यस्तै एमालेका पुरुषोतम पौडेलले ७२९ तथा रास्वपाका रमेश खरेलले २६९ मत पाएका छन् ।
आम जनता पार्टीका अरुण ज्ञवाली १५४ मतका साथ प्रतिस्पर्धामा छन् ।
काठमाडौं, ११ बैशाख । चितवन–२ र बारा–२ को मतगणना तारजाली भित्र गरिने भएको छ ।
मतदानको क्रममा बिबाद देखा परेका बारा–२ र चितवन–२ काे मतगणनास्थलमा तारजाली भित्र गर्न लागिएको हो ।
आन्तरिक सुरक्षाका कारण देखाउँदै दुवै निर्वाचन कार्यालयले दुवै क्षेत्रको मतगणनास्थलमा तारजाली लगाएको छ । बाराकाे मतगणनास्थलमा बाँसले घेरेर तारजाली लगाइएकाे छ भने चितवनमा फलामे घेराबन्दी गरिएकाे छ ।
बारा–२ मा जनता समाजवादी पार्टी नेपालले धाँदली गर्न खोजेको आरोप जनमत पार्टीले लगाएको थियो भने चितवन–२ मा राष्ट्रिय स्वतन्त्र पार्टीले आचारसंहिता उलङघन गरेको भन्दै नेपाली कांग्रेसले हिजो बस्ने भनिएको सर्वदलिय बैठक अस्विकार गरेको थियो ।
दुवै निर्वाचन क्षेत्रमा देखा परेको असामान्य स्थिति पछि मत गणनालाई सहज र व्यवस्थित बनाउन तारजाली लगाउनु परेको मुख्य निर्वाचन अधिकृतका कार्यालयले जनाएका छन् ।
बारा, ११ बैशाख । हिजो हुन नसकेको बारा–२ को मतगणनाका लागि अहिले सर्वदलीय बैठक सुरु भएको छ ।
हावाहुरी बतासका कारण हिजो बैठक हुन सकेको थिएन । हिजो हुन नसकेको बैठक आज सुरु भएको हो ।
जारी सर्बदलीय सर्वदलीय बैठकमा सहमति कायम गरेर एकछिनमा मतगणना सुरु गर्ने तयारी भएकाो छ ।
मुख्य निर्वाचन अधिकृत मुकेश उपाध्यायका अनुसार सर्वदलीय बैठक सकिएलगत्तै मत गणना सुरु हुनेछ ।
बारा–२ मा नेकपा एमालेका पुरुषोत्तम पौडेल, जनता समाजवादी पार्टी नेपालका उपेन्द्र यादव, जनमत पार्टीका शिवचन्द्र कुशवाह र राष्ट्रिय स्वतन्त्र पार्टीका रमेश खरेल मुख्य प्रतिस्पर्धी मानिएका छन् ।
बारा, ११ बैशाख । हावाहुरीलगायतको समस्याका कारण सुरू हुन नसकेको बारा–२ को मतगणना आजवाट सुरु हुने भएकाे छ ।
आज बस्ने बिहान बस्ने सर्वदलीय बैठक पछि बारा–२ को मतगणना सुरु गरिन लागिएको हो । बैठक अहिले ७ बजे बस्दैछ ।
सो बैठकको निर्णयलगत्तै मतगणना सुरु हुुने निर्वाचन आयोगको कार्यालय, बाराले जनाएको छ ।
तनहुँ–१ मा मतपरिणाम सार्वजनिक भईरहदाँ बारा–२ र चितवन–२ मा भने अझै मतगणना सुरु हुन सकेको छैन ।
चितवन–२ मा राष्ट्रिय स्वतन्त्र पार्टीका सभापति रवि लामिछाने र प्रमुख जिल्ला अधिकारी, चितवनले आचारसंहिता उलङघन गरेको भन्दै कांग्रेसले दिएको उजुरीको सम्बोधन नभएसम्म सर्वदलीय बैठक नबस्ने अडान कांग्रेसले लिएको छ । जसकाकारण चितवन–२ मा मतगणना सुरु हुन नसकेकाे हो ।
काठमाडौं । चितवन २, तनहुँ १ र बारा २ मा प्रतिनिधि सभा सदस्य चयनका लागि अहिले मतदान जारी रहेको छ । मतदान बिहान ७ बजे शुरु भएको हो । मतदान साँझ ५ बजेसम्म चल्नेछ । मौसमलाई ध्यान दिएर तयारी गरिएको निर्वाचन आयोगले जनाएको छ ।
चितवन–२ मा ४३ मतदानस्थलमा १ सय ३८ मतदान केन्द्र छन् । चितवन–२ मा १ लाख २४ हजार ६ सय ९५ मतदाता छन् । यहाँ राजनीतिक दलका १२ र स्वतन्त्र १० उम्मेदवार छन् ।
तनहुँ–१ मा ६९ मतदानस्थलमा १ सय ५२ मतदान केन्द्र छन् । तनहुँ–१ मा १ लाख २३ हजार ३ सय ५ मतदाता छन् । तनहुँमा राजनीतिक दलका ९ उम्मेदवार छन् ।
बारा–२ मा ८२ मतदानस्थलमा १ सय ३६ मतदान केन्द्र छन् । १ लाख ५ हजार ११ मतदाता रहेका छन् । दलका ११ र स्वतन्त्र २३ जना गरी ३४ उम्मेदवार छन् ।
मतगणना कहाँ ?
चितवन–२ को मतगणना भरतपुर दूरसञ्चार रोडमा रहेको चितवन उद्योग संघको प्रदर्शनी केन्द्रमा गर्ने तयारी छ । त्यहाँ तारजालीको छेकबार र सीसीटीभी क्यामरा व्यवस्था गरिएको छ ।
तनहुँ–१ को मतगणना जिल्ला समन्वय समितिको कोठामा हुनेछ । त्यहाँ पनि तारजाली र सीसी क्यामरा जडान गरिएको छ ।
बारा–२ को मतगणना कलैयास्थित शैक्षिक तालिम केन्द्रमा हुनेछ । त्यहाँ पनि तारजालीसहितको व्यवस्था मिलाइएको छ ।
मतगणना थालिएको तीन दिनभित्रै मतपरिणाम आइसक्ने निर्वाचन आयोगले जनाएको छ । हाम्राकुरा
