अशोक पहाडी,रौतहट,७ जेठ ।

ढुंगा मुनी लुकाएर लादै गरेको अवस्थामा सशस्त्र प्रहरीले सालको गोलिया बरामद गरेको छ । चन्द्रपुर नगरपालिका वडानं ३ को गैडाटारबाट लोड गरेर चन्द्रपुर १० स्थित बालचनपुरको एक चिरान मिलमा लाँदै गरेको अवस्थामा ट्रेक्टर बरामद भएको हो ।

बालचनपुरमा चिरान मिल संचालन गरेर बसेका मुकेश साहले पाँच थान सालको गोलिया ट्रेक्टर लोड गरेर त्यस माथि ढुंगा राखेर लाँदै गरेको सुराकीका आधारमा सन्तपुर स्थित सशस्त्र बेसका प्रहरी सहायक निरीक्षक हवल्दार साह कानुको नेतृत्वको टोलीले ना ४ त ८३६६ नम्बरको काठ लोड ट्रेक्टर बरामद गरेर डिभिजन वन कार्यालय चन्द्रनिगाहपुरमा बुझाएको हो ।

ट्रेक्टर चालक चन्द्रपुर १० का २३ बर्षका फिरोज मन्सुरी पक्राउ परेपनि ट्रेक्टर धनी तथा चिरान मिल संचालक मुकेश साह भने सशस्त्र प्रहरीलाई देख्ना साथ भागेका थिए । वन कर्मचारी र बाटोमा पर्ने सन्तपुर प्रहरी चौकी

,डुमरिया प्रहरी चौकीलाई मिलाएर साहले यस भन्दा पहिला पनि ढुंगाले छोपेर सालको गोलिया चोरी गर्ने गरेको स्थानीयको भई रहेको छ । बरामद भएको ५० क्युफिट काठ ट्रेक्टर र चालक माथि आवश्यक अनुसन्धान भईरहेको डिभिजन वन कार्यालय चन्द्रनिगाहपुरमा सशस्त्र वन रक्षक तथा जम्दार बिनोद श्रेष्ठले बताए ।

तराई एक्सप्रेस

प्रेमचन्द्र झा,राैतहट,जेठ ०७ गते

गाैर भन्सार कार्यालयमा स्थानियको सिन्डिकेट बाट चल्ने गरेको स्थानिय कर्मचारीहरुले आरोप लगाएका छन । गाैर भन्सार कार्यालयको एजेन्टका रुपमा रहेका केही एजेन्टले नै दादागिरी चलाएका हुन। एक कर्मचारीले भने “दादा” ले नचाहदैमा गाैर वडा नम्बर १ का केही परिवार वाहेक न लिलाम सकार गर्न पाउंछ ।

लिलामी सकार गरि सकेका समान समेत उठाउन सक्दैन्न। हामी सुचना टांस गरि रहेका हुन्छाै तर भन्सार एजेन्ट रुपी दादाको दहसतले गाैर बाहिर मानिसको सहज आवागमन नै छैन । भित्र आएर पनि के गर्ने समान लिन सकदैन । लिए पनि बाहिर लैजान सकदैन उनले भने । भन्सार विभागले दिएको राजश्व उठाउने लक्ष्य समेत यसै कारणले पूरा भईरहेको छैन ।कमि कमजोरीले ताेकेको राजश्व नउठनु देशकै आर्थिक नोक्सानी भईरहेका छन ।

भन्सारमा समान उठाउन अघाेषित सिन्डिकेट ताेडन सराेकारवालाकाे गम्भीर ध्यानाकर्षण हुन जरुरी रहेकाे कार्यरत कर्मचारीले माग गरेका छन । विभिन्न मुद्दामा पक्राउ गरि लिलाम लागि थन्क्याएर राखिएको करिब २ हजार माेटर साईकलले अस्तव्यस्त भएका छन ।गाैर भन्सार क्षेत्रमा रहेको प्रहरी चाैकी मोटर साइकलले पुरिएका छन ।

२१लाखको १३ सय बोरा युरीयामल १० लाख रुपैयामा लिलाम गरे पछी गाैर भन्सार कार्यालय निकै चर्चा पाएका छन । सो घटना बारे जिल्ला प्रशासन कार्यालय राैतहटका प्रमुख जिल्ला अधिकारी धर्मेन्द्र कुमार मिश्र सहितले अनुसन्धान गरिरहेका छन ।

गाैर भन्सारको मल लिलामीमा समेत भन्सार एजेन्ट पवन साहले ठुलो चलखेल गरि हाल फरार रहेको जिल्ला प्रशासन कार्यालय राैतहट स्रोतले बताए । यसबारे भन्सार प्रमुख वादेव नेपाल संग बुझदा यहाँ दुई जना एजेन्ट छन । पवन साह र काैसल साह दुवैको कमिकमजोरी बारे सूक्ष्म तवरले अनुसन्धान हुने वताए ।

चन्द्रपुर,८ जेठ ।

जिल्लाको चन्द्रनिगाहपुरमा रहेको माछापुछ्रे बैकको शाखाबाट एक सेवाग्रहीको ९ लाख रकम गायब भएको छ । आईतबार ८ लाखको चेक साट्न गएका बृन्दावन नगरपालीका(३ का रामेश्वरराय यादबको खाताबाट रहस्यमय तरिकाले रकम ९ लाख गायब भएको हो । अघिल्लो दिन सम्म उनको खातामा १२ लाख २० हजार रकम जम्मा थियो । पुर्व वडा अध्यक्ष समेत रहेका यादवको खाताबाट एकाएक रकम गायव भएपछि दिनभर ठुलो संख्यामा आएका स्थानीय बासिन्दाले बैंक घेराउ गरेका थिए ।

बिहिबार बिहान उनले १२ लाख २० हजार रकम माछापुछ्रे बैंकमाजम्मा गर्न चेक (क्लिरियन्समा) दिएका थिए । शुक्रबार दिउसो ३ बजे उनको खाता नम्बर ७५००६५३८२८०००१४ मा पैसा जम्मा भएको मोबाईलमा म्यासेज समेत आएको थियो । आईतबार ८ लाखको चेक लिएर साट्न गएका यादबको खाताबाट ९ लाख पैसा गायब भएको बैंकका कर्मचारीले जानकारी दिए पछि उनी मुर्छित भए ।

त्यस पछि उनी बैंकको शाखा प्रमुख रामजी दासलाई भेटर खाताबाट कसरी पैसा गायब भयो भनेर सोध्न थाले । प्रमुख दासले ह्याकरले पैसा लगेको जवाफ दिए । ‘ह्याकरले यादबको खाताबाट पैसा तानेको छ,‘दासलेभने,‘यसमा हामि केही गर्न सक्दैनौ ।’ सेवाग्रहीको खाताबाट रकम गायब भएको जानकारी पाए पछि पनि प्रमुख दास जिम्मेवारीबाट पन्छिन खोजेका छन् ।

दासले खातावालाई आफै पत्ता लगाउनु भने पछि बैंकमा पिडितका आफन्तले केही बेर होहल्ला गरेका छन् । त्यस पछि बैंकमा तनाब भएको थियो । साझ सम्म पिडितका आफन्तहरु ठुलो संख्यामा बैंकमा जम्मा भएका छन् ।
ईलाका प्रहरी चन्द्रनिगाहपुरबाट प्रहरीको टोली पुगे पछि घट्ना बारे अनुसन्धान थालेको जनायो । पिडित यादबले बैंककै कर्मचारीको मिलोमतोमा पैसा गायब भएको आरोप लगाए ।

‘मेरो खाताबाट पैसा गायब भएको भनेर बिहानै जानकारी गराउदा समेत बैंक प्रमुख दासले बेवास्ता गरेका छन्,‘उनलेभने,‘खाताबाट धमाधम रकम निस्कदा बैंकले रोक्न सकेन् । यसैमा मिलोमतो छ ।’ यादबको खाताबाट पैसा निकालीएको सुचना पाए पछि प्रमुख दास चुप बसेका थिए । त्यस पछि पिडित आक्रोसित बनेका हुन् ।

उनको खाताबाट ९८६०१०१०२२, ९८०१५३३५४२, ९८२५०७४४०० र ९८२४२५५६३१ नम्बरको मोबाईल प्रयोग गरि रकम निकालेको पाइएको छ । यादबको खाताबाट निकालेको रकम सिटिजन, सानीमा बैंकमा टूान्सफर भएको प्रमुख दासले जानकारी दिए । बैंक स्टेटमेन्ट माग्दा समेत बैंकले आनाकारी गरे पछि शंकाको घेरामा राख्दै गायब भएको पैसा खोज्न दबाब दिएको हो । ईलाका प्रहरी चन्द्रनिगाहपुरका डिएसपि एकनारायण कोईरालाले यादबको खातबाट रकम गायब भएको बारे अनुसन्धान थाल्ने बताए । ‘हामि अतिनै सम्बेदनसिल भएर घट्नाको अनुसन्धान थाल्छौ,’ उनलेभने,‘यसमा जसजसको सलग्नता भेटिन्छ सबैलाई कानुनको दायरामा ल्याउछौ ।’

घट्ना बारे मधेशप्रदेशका डिआईजी जनक भटराईले समेत चासो देखाएका छन् । बृन्दावन नगरपालीकाका पूर्व मेयर रामस्नेही राय याबद एमाले नेता प्रेम शंकर यादब लगायत पिडितका आफन्तहरुले बैक प्रमुख दास जवाफदेही नभएको भन्दै माथिल्लो निकायमा जाने बताएका छन् । पिडित बै.क कर्मचारी बिच राती १० बजे सम्म पनि सहमती हुन नसकेपछि आज सहमती र अनुसन्धानको प्रक्रिया अगाडी बढाउने गरी राती कुरा मिलेको थियो ।तराई एक्सप्रेस

रमेश कुमार यादव,राैतहट,जेठ ०७ गते

रौतहट जिल्लाको गरूडा नगरपालिकाकाे बसबिट्टी जिंगडियामा रहेको नेपाल पुलिस स्कुलमा स्वागत तथा उद्धघाटन कार्यक्रम सम्पन भएको छ । जिल्लाको गरुडा नगरपालिकाको वडा नम्बर ८ बसबिट्टि जिगडिया अन्तर्गत पर्ने नेपाल प्रहरी स्कुलमा बाहिरबाट आउनु भएका अतिथिहरुलाई स्वागत तथा उद्धघाटन समेत गरिएको छ ।

स्वागत तथा उद्धघाटन कार्यक्रमको प्रमुख अतिथि बिधालयका संरक्षक तथा प्रहरी नायब महानिरिक्षक तथा मधेश प्रदेश प्रहरी कार्यालय प्रमुख जनक भट्टराई रहनु भएका थियाे भने कार्यक्रमको बिशिष्ट अतिथिकाे रूपमा नेपाल प्रहरी श्रीमति संघका अध्यक्ष श्रीमति लक्ष्मी कुँवर रहनु भएको थियो ।

कार्यक्रममा नेपाल पुलिस स्कुलका बिधार्थीहरुले फुलमाला तथा खादा ओढाएर स्वागत गरेका थिए । कार्यक्रममा प्रमुख अतिथि भट्टराईले बिधालयमा उपस्थित रहेका सम्पुर्ण बिधार्थी भाईबिहिनीहरुको उज्जवल भविष्यको लागी कामना गर्दै सफलता मिलोस भनि शुभकामना दिनु भएकाे थियाे ।

डिआईजि भट्टराईले भने बिधार्थीहरु हाम्रो देशको कर्णधार रहेको कारण आउँदो दिन यस बिधालयबाट अध्यन गरेर जाने बिधार्थीले देशको कुनै पनि क्षेत्रमा राष्ट्रको मान सम्मान बढाउन हौसला प्रदान गर्नु भएको थियो ।

त्यस्तै सोहि कार्यक्रमको बिशिष्ट अतिथि तथा नेपाल प्रहरी श्रीमति संघका अध्यक्ष कुँवरले भने नेपाल प्रहरी कल्याण कोषबाट संचालित बिधालयहरुमध्येबाट मधेश प्रदेश अन्तर्गत रहेको नेपाल पुलिस स्कुल गरुडा रौतहटको योजना अनुरुप एनपिएस स्कील हवको उद्धघाटनले बिधालयमा हुने कार्यक्रमबाट झन सहयोग मिल्ने बताउनु भयो ।

सोहि कार्यक्रम अन्तर्गत बिधालयका गतिबिधिहरुको पनि निरिक्षण समेत गरिएको थियाे । बाहिरबाट आउनु भएका अतिथिहरुलाई मैथिलकलाद्धारा तयार पारिएको बिभिन्न किसिमको तस्बिरहरुको बारेमा जानकारी दिएका थिए भने हाम्रो ठाउँमा लोप हुँदै गईरहेको नेपाली परिकारहरुको पनि बिधार्थीहरुले उजागर गराएका थिए ।

कार्यक्रम प्रमुख अतिथि तथा बिशिष्ट अतिथिले संयुत्त रुपमा एनपिएस एग्रो फार्मको उद्धघाटन गर्नुको साथै १५ प्रकारका बिरुवाहरुको बृक्षारोपन गरेका थिए । स्वागत तथा उद्धघाटन कार्यक्रममा ईलाका प्रहरी कार्यालय गरुडा प्रहरी नायब निरिक्षक ओमप्रकाश पाण्डे ,एक नरायाण काईराला ,जिल्ला प्रहरी कार्यालय रौतहटका प्रहरी प्रवक्ता उमाशंकर प्रसाद यादब ,नेपाल पुलिस स्कुलका बिधार्थीहरु लगायत पत्रकारहरुको सहभागित रहेको थियो ।

राैतहट,जेष्ठ ०८ गते

रौतहटका क्रियाशिल पत्रकार मेवालाल यादवलाई कोपवा छठघाटमा दुर्व्यवहार भएको छ । विवादित रहेको छठघाटको विषयमा रिपोर्टिङका लागि बौधिमाइ नगरपालिका -५ कोपवा छठघाट्मा पुग्नुभएका आरोही टेलिभिजनका सञ्चालक एवं भोजपुरी टाइम्स दैनिक पत्रीकाका संवाददाता यादवलाई मधेस प्रदेश सरकारका कृषि मन्त्री बसन्त कुशवाहाका भाइ सुबन्त कुशवाहा तथा मन्त्रीका स्वकीय सचीव अर्जुन कुशवाहाले दुर्व्यवहार गरेका हुन् ।

पत्रकार यादवले आफु पत्रकार हो भन्दै आफ्नो परिचयपत्र देखाउँदा समेत उनीहरुले भिडियो किन खिचेको भन्दै मोबाइल खोस्ने, अपशब्द बोल्ने, भिरबाट खसालिदिने, पोखरीमा गाडिदिने जस्ता तल्लो स्तरकाे गालिगलौज गरेको पत्रकार यादवले बताउनुभएकाे छ ।

कृषि मन्त्री बसन्त कुशवाहाले आफ्नो भाइ सुबन्त कुशवाहा र स्वकीय सचिव अर्जुन कुशवाहा लगायतका गाउँका अन्य व्यक्तिहरुलाई समेत उक्साएर आफु प्रति दुर्व्यवहार , गालिगौज गरेको यादवले भनाइ छ ।

घटना लगत्तै यादवले स्थानिय प्रहरी चौकीमा आफुमाथि दुर्व्यवहार गर्ने कृषि मन्त्रीका भाइ र उनका स्वकीय सचिवको बारेमा चौकी प्रमूख यादवलाई जानकारी गराई कारबाहीको माग गर्नुभएकाे छ । साथै उहाँले पत्रकारहरुको छाता संस्था नेपाल पत्रकार महासंघ रौतहटमा समेत जानकारी गराउनुभएकाे थियाे ।

यादवले आफुले पत्रकार हो भनि आफ्नो परिचयपत्र स्पष्टरुपमा देखाईरहँदा पनि दुर्ववहार हुनु र धम्कीका भाषाहरु प्रयोग हुनुले आफु निकै दुखित रहेको बताउनुभएकाे छ । सुशासन, समुन्नत समाज निर्माणका लागि रातदिन रिपोर्टिङ गरिरहेका पत्रकारहरुमाथि कार्यक्षेत्रमा हुने यस किसिमका दुर्ववहारले पत्रकारहरु असुरक्षित हुन्छन् ।

यस किसिमका घटना पटक पटक दोहोरिनु पक्कैपनि कानुनी राज्यमा राम्रो कुरा होइन । यसर्थ यस किसिमका घटना आगामी दिनमा नदोहोरिउन् र दोसी उपर राज्यले आवश्यक छानविन गरि कारबाहीको दायरामा ल्याओस भन्ने माग पनि गरिएको छ ।

रौतहट,७ जेठ

समाजसेवी तथा कथाकार सपुत बहादुर कार्कीद्धारा लेखिएको कथा संग्रह ‘चौध भुवन’ बजारमा आएको छ । कथाकार सपूत कार्कीद्वारा लिखित १४ वटा कथाहरूको सङ्ग्रह ‘चौध भुवन’ को गत बैशाख २२ गते काठमाण्डौमा सार्वजनिक गरिएको थियो ।

‘चौध भुवन’ लाई लेखक, पर्यटन व्यवसायी तथा धुलिखेलका संस्थापक नगरप्रमुख बेलप्रसाद श्रेष्ठ र नियात्राकार पोष चापागाईंले संयुक्त रूपमा सार्वजनिक गर्नुभएको थियो । उक्त कृतिमाथि लेखक तथा शिक्षासेवी डा. बलराम तिमल्सिनाले समीक्षात्मक टिप्पणी गर्नुभएको थियो ।

कृतिकारका तर्फबाट सपूत कार्कीले मन्तव्य व्यक्त गर्नुभएको थियो । उक्त कथा संग्रहमा तिमि नै भन त मैया,कान्छी,पात्रको मृत्यु,म आशा बाडिरहेको छु,अस्वीकृत सहित,फुलवाको विवाह,नियति,गोपाल कुटी,पुस्तक,ट्रेसी,गल्ली नम्बर आठ,सोनफी,राहत र भुस्याहा कुकुर गरी १४ वटा कथा समावेश रहेको कथाकार कार्कीले जानकारी दिनुभयो ।

कथाहरुमा दाइजो प्रथाले गर्दा गरिब,पैसा नहुने पात्रले पाएको पिढा,समाजमा दाइजो प्रतिको दृष्ट्रिकोण,बिदेशीनु परेका पात्रहरुको पिडा र साथीभाइहरुको संगत छुटनुको दुःख आदीलाइ समेटिएको कथाकार कार्कीले बताउनु भएको छ । कथाकार कार्कीले २०४५ सालमा पहिलो पागल कथा संग्रह लेख्नुभएको थियो ।

कथाकार कार्की लामो समय देखी नेपाल रेडक्रस सोसाईटीको केन्द्रिय सदस्य हुदै बिभिन्न संघ संस्थामा समाजिक संस्थामा आवद्ध भएर काम गदै आइरहनु भएको छ । रौतहटको चन्द्रपुर नगरपालिका वाड नं. ४ चन्द्रनिगाहपुर निवासी कार्कीले चाडै नै अर्को कथा संग्रहको तयारी पनि गरिरहेको जानकारी दिनुभएको छ ।

गौर, ७ जेठ ।

रौतहटमा छुरा प्रहारवाट एक जनाको ज्यान गएको छ ।

गौर नगरपालिका–७ सिसवा गाउँमा गएराति छुरा प्रहारमा परी ५० वर्षीय यार महमद खानको ज्यान गएको हो । उनी गत निर्वाचनमा नेकपा एमालेकातर्फवाट वडा अध्यक्षका उम्मेदवार रहेका थिए ।

जिल्ला प्रहरी कार्यालयका प्रहरी उपरीक्षक वीरबहादुर बुढामगरका अनुसार छिमेकी शेख साविरसँग खानसँग भएको झगडामा उनी माथी छुरा प्रहार भएको थियो । छात्तिमा छुरा प्रहार भए पछि घाइते भएका खानलाई राति नै उपचारका लागि प्रादेशिक अस्पताल गौर लगिएको थियो।

तर, उपचारको क्रममा उनलाई चिकित्सकको टोलीले मृत घोषणा गरेका थिए।

छुरा प्रहारमा संलग्न छिमेकी साविर खान भने फरार भएका छन्। उनको खोजी गरिरहेको जिल्ला प्रहरी कार्यालय, रौतहटले जनाएको छ ।

रौतहट,०६ गते

रौतहटमा धारिलो हतियार प्रहारबाट एक जनाको मृत्यु भएको छ। रौतहटको गौर नगरपालिकाको वडा नम्बर ७ सिसवा टोलका यार महम्मद खानलाई छिमेकीले धारिलो हतियार छुरा प्रहार गरेको स्थानीयले बताएका छन् ।

छुरा खानको मुटुमै प्रहार भएकाले गम्भीर घाइते भएका थिए।  खानलाई प्रादेशिक अस्पताल गौरमा उपचारका लैजाँदै गर्दा बाटोमा निधन भएको पारिवारिक स्रोतको भनाइ छ। यस घटनाबारे छानबिन भइरहेकाले  विस्तृत विवरण आउन बाँकी रहेको प्रहरीले जनाएको छ ।

रौतहट, जेठ ५ ।

रौतहट प्रहरीले आज विभिन्न कार्यक्रमको आयोजना गरि समुदाय प्रहरी साझेदारी कार्यक्रम मनाएको छ । सो कार्यक्रम अन्तरगत समुदायीक प्रहरी वडा समिति नं।५ गरुडा नगरपालिकाको आयोजना र ईलाका प्रहरी कार्यालय शिवनगरको सहयोगमा बुधबार बिहान ११ बजेको समयमा गरुडा नगरपालिका वडा नम्बर ५ स्थित रहेको श्री माध्यमिक विद्दालय महमदपुरमा विधार्थीहरुलाई लैङगिक हिंसा न्यूनिकरण सम्बन्धी जनचेतनामूलक कार्यक्रम गरेको हो ।

सो कार्यक्रममा करिब २० जना मानिसहरुको सहभागितामा रहेको जिल्ला प्रहरी कार्याल रौतहटले जनाएको छ । यसरी नै समुदायीक प्रहरीले विधालय सम्पर्क समिति नं। ११ फतुवा विजयपुर नगरपालिकाको आयोजना र प्रहरी चौकी दुधिआवाको सहयोगमा आज ९शुक्रबार० विहान फतुवाबिजयपुर नगरपालिका वडा नम्बर ११ स्थित रहेको श्री हिमाली जनता मा।वि।मा अध्यनरत रहेका कक्षा ९ र १० का छात्रछात्राहरुलाई आत्महत्या न्यूनिकरण सम्बन्धी जनचेतनामूलक कार्यक्रम गरिएको हो । सो कार्यक्रममा करिब ५४ जना छात्रछात्रा तथा शिक्षक शिक्षिका ४ जना सहभागि रहेको प्रहरीले जनाएको छ ।

यस्तै गढीमाई नगरपालिका वडा नम्बर ७ स्थित रहेको श्री माध्यमिक विधालय धनाडीमा बालबिबाह न्यूनिकरण, आगोलागी तथा बाढी दुवान विपद् न्यूनिकरण सम्बन्धी जनचेतनामूलक कार्यक्रमको आयोजना गरिएको थियो ।

साथै गढीमाई नगरपालिका वडा नम्बर २ स्थित रहेको समनपुर बजारमा पनि विपद् सम्बन्धी बाढी, डुवान सम्बन्धी जनचेतनामूलक कार्यक्रम गरेको छ । स्थानीयहरुको सहभागिमा सो कार्यक्रम भएको ईलाका प्रहरी कार्यालय समनपुरले जनाएको छ । प्रहरीले विभिन्न कार्यक्रम गरि समुदायीक प्रहरी साझेदारी कार्याक्रम मनाएको जिल्ला प्रहरी कार्यालय रौतहटले जनाएको छ

रौतहट, जेठ ५ ।

रौतहटको कटहरिया नगरपालिकामा आज शुक्रबार बिधालय भवनको शिलान्यास भएको छ । सो नगरपालिकाको वडा नम्बर ५ स्थित बलिरामपुरमा रहेको बलिरामपुर माध्यमिक विद्यालयको दुई कोठे भवन निर्माणको लागी शिलान्यास भएको हो । कटहरिया नगरपालिकाको नगरप्रमुख अजय प्रकाश जयसवाल र वडा अध्यक्ष सर्फलाल गुप्ताले आज एक कार्यक्रमकाबीच संयुक्त रुपमा विधालय भवनको शिलान्यास गरेका हुन्।

राष्ट्रपति शैक्षिक सुधार कार्यक्रम अन्तर्गत सो बिधालयमा २ कोठे भवन निर्माण हुँन लागेकोे बिधालयका प्रधानाध्यापक देबेन्द्रकुमार जयसवालले जनाएका छन् । सो भवन निर्माणको लागि २२ लाख ५० हजार रुपैयाँको लागतमा निर्माण हुँन लागेको बिधालयका प्रधानाध्यापक जयसवालले बताए ।

शिलान्यास पछि छिट्टै भवन निर्माणको काम अगाडी बढाइने प्रधानाध्यापक जयसवालले बताए । मेयर जयसवालले निर्वाचित भए देखिनै आफ्नो नगर भरि रहेको विद्यालयहरुमा पठन पाठनको ब्यवस्थापन गर्दै आईरह्नु भएको छ भने शिक्षा क्षेत्रलाइ विशेष प्राथमिकतामा राखेर काम गर्दै आइरह्नु भएको छ ।

शिलान्यास कार्यक्रममा ब्यवस्थापन समितिका अध्यक्ष शशि कपुर कुशवाहा , विशिष्ट अतिथी वडा नम्बर ५ का वडा अध्यक्ष सर्फलाल गुप्ता, वडा नम्बर ४ का वडा सदस्य मेराजुल हक, जदुन्न दास तथा रामपुकार कुशवाह लगायत स्थानीयहरुको सहभागिता रहेको थियो ।