महोत्तरी, ९ असार ।
राप्रपा नेपालका अध्यक्ष कमल थापाले ०६२/६३ को परिबर्तनबाट मुलुकको हित हुनुको सट्टा राष्ट्रियता कमजोर भएको , धर्मसंस्कृती र पहिचान मेटिएको, बिधिको शासनको धज्जी उडेको, भ्रष्टाचार र बेरोजगारी व्यापक रुपमा बढेको आरोप लगाएका छन् ।
राप्रपाका नेता पुर्ब मन्त्री एबं उपसभामुख स्वर्गीय रामबिलास यादबको महोत्तरीको एकडारा गाउँ पालिकामा निर्मित शालिकको अनावरण गर्दै थापाले निष्ठा,इमानदारी र आदर्शको राजनिती कमजोर भएको भन्दै केहि सिमीत दलका सिमित नेताहरुको सिन्डिकेटबाट मुलुक आक्रान्त भएको समेत दाबी गरे ।
ठुला -ठुला भ्रष्टाचार काण्डमा आफुलाई ठुला भन्ने ठुला राजनीति दलका नेताहरुको संलग्नता भएको भन्दै थापाले आफ्नो स्वार्थ सिद्ध गर्नको लागि कानुनलाई समेत हातमा लिने दुश्प्रयास भैरहेको भन्दै थापाले यस्तो अक्षम्य काम नगर्न राजनितीक दलहरुलाई आग्रह गरे । लोकतन्त्रको आबरणमा देशमा लुटतन्त्र मच्चाईएको भन्दै थापाले राजा, हिन्दु राष्ट्र ,एकात्मक राज्य प्रणाली अन्त्य पछि देश बन्छ, स्थिरतामा पुग्छ, समृद्धि आउँछ भन्नेहरुले आज मुलुकलाई कहाँ पुर्याए? भन्ने प्रश्न समेत थापाले गरे ।
स्वर्गिय रामबिलास यादव राष्ट्रबादी ,बिकासप्रेमी र सदैब मधेसी जनताको हितमा कृयाशिल ब्यक्ति भएको समेत उनले भने । कार्यक्रममा राप्रपा नेपालका उपाध्यक्ष राजिब पराजुली , विभिन्न पार्टीका नेताहरू ,स्थानिय जनप्रतिनिधि र स्वर्गीय यादवका छोरा शशिरन्जन यादब लगायतले स्वर्गीय यादबको ब्यक्तित्व बारे चर्चा गरेका थिए
रमेश कुमार यादब असार ०८,रौतहट
राष्ट्रपतिले प्रमाणीकरण गरेको नयाँ नागरिकता ऐनअनुसार रौतहटमा नागरिकता वितरण कार्य आगामी आईतबार देखि सुरु गरिने जिल्ला प्रशासन कार्यालय रौतहटले जनाएको छ । नयाँ नागरिकता ऐनअनुसार नागरिकता वितरण गरिने जनाएपछि जिल्ला प्रशासन कार्यालय रौतहटले एक सुचना जारी गरि आउदो १० गते आईतबारबाट नागरिकता प्रदान गर्ने प्रमुख जिल्ला अधिकारी धर्मेन्द्र कुमार मिश्रले जानकारी दिएका छन ।
बिहीबार सर्वोच्च अदालतले नागरिकता ऐन नागरिकता ऐनको संशोधित व्यवस्था कार्यान्वयन नगर्न यसअघि जारी गरेको अल्पकालीन अन्तरिम आदेशलाई निरन्तरता नदिने आदेश दिएपछि नयाँ नागरिकता ऐन कार्यान्वयनको बाटो खुल्ला भएको हो । त्यहीँ कारण जिल्ला प्रशासन कार्यालय रौतहटले नयाँ नागरिकता ऐनअनुसार जन्मसिद्ध नागरिकका सन्तान सहितका नागरिकता विहीनहरुलाई नागरिकता वितरण कार्य आईतबार देखि सुरु गर्ने त्यारी गरेका रौतहटका प्रमुख जिल्ला अधिकारी धर्मेन्द्र कुमार मिश्र जानकारी दिएका छन ।
जिल्ला प्रशासन कार्यालय रौतहटले असार ८ गते जारी गरेको सूचनामा उल्लेख गरिएका कागजातहरु लिएर कार्यालयमा आइतबार देखि सम्पर्क गर्न लक्षित सेवाग्राहीलाई आग्रह पनि गरेका छन् ।
जन्मसिद्ध नागरिकको सन्तानको हकमा बुवा आमा दुवैको सक्कल नेपाली नागरिकता र त्यसको प्रतिलिपि (फोटोकापी) वडाअध्यक्षको सिफारिस सहितको अनुसूची र फारम, सक्कल जन्मदर्ता र शैक्षिक योग्यताको प्रमाणपत्र ,बाबु,आमा सन्तानबिचका फोटोसहितको सक्कल प्रमाणित, बसाईसराई गरी आएकोकाहरुको हकमा बसाइसराइको प्रमाणपत्र ,२०६३ सालको टोलीमा नाबालक दर्ता गराएको भए सोको निस्सा ,घरधनि प्रमाणपुर्जा(नक्सा पास),
ब्यवसाय दर्ता प्रमाणपत्र ,PAN कार्ड,बिधुतको बिल ,खानेपानीको बिल लगायत अन्य थप प्रमाण उपल्बध,आवश्यकता अनुसार वडा सर्जमिन ,प्रहरी सर्जमिन ,कार्यालयबाट खटि गएको कर्मचारीहरुबाट स्थलगत सर्वजमिन लगायतका कागजातहरु अनिवार्य रुपमा लिएर कार्यालयमा आउन प्रमुख जिल्ला अधिकारी मिश्रले बताएका छन । नागकिरता वितरणका लागि वडा कार्यालयलाई सिफारिस गरिदिन जिल्ला प्रशासन कार्यालयले सबै पालिकालाई पत्राचार गरिसकेको उनले बताए ।
आरएन पटेल,राैतहट,०८ गते असार
रौतहट जिल्लाको बौधिमाई नगरपालिकामा बिना सुचना दिई बन्द कोठा भित्र नगर परिषद गरिरहेको बेला बौधिमाई नगरपालिकाको कार्यपालिका सदस्य र सबै वार्डको जनताहरू नगरपरिषद र चरम भ्रष्टाचारको घोर विरोध गर्दै आन्दोलनमा उत्रेका छन् ।
साथै बौधिमाई नगरपालिकाको पुर्व मेयर राजिव रंजन उर्फ राजु यादवले जनताहरूको माग पुरा गराउन शान्तिपूर्ण आन्दोलनमा साथ र सहयोग दिएका छन् ।
यदि जनताहरूको मागलाई समय मै सम्बोधन नगरि माग पुरा गरेनभने कडा भन्दा कडा आन्दोलन गरी नगरपालिका घेराउ गर्ने चेतावनी पनि दिएका छन् ।
आरके श्रीवास्तव,राैतहट,०८ गते असार राैतहट ।
बिक्रीका लागि राखिएको जस्तापातामा च्यापेर एक कामदारको मृत्यु भएको छ । जिल्लाकाे दक्षिणी भेग बौधीमाई नगरपालिका वडा नम्बर ८ स्थित बंकुल सरमुजवामा रहेको एक पसलमा काम गर्ने मजदुरकाे मृत्यु भएको हाे ।
बकुंल बजारमा रहेको जय माता दी सोनाक्षी कबार सेन्टरमा काम गरिरहेको कामदारको सामानले च्यापिएर मृत्यु भएको हो । मृत्यु हुनेमा बारा जिल्लाकाे सिम्राैनगढ नगरपालिका वडा नम्बर ७ कवलपुर निवासी उमाकन्त साह रहेको जिल्ला प्रहरी प्रवक्ता डिएसपी उमाशंर यादवले जानकारी गराउनु भयाे ।
उनले दिएको जानकारी अनुसार आज(शुक्रबार) दिउँसो करिब १२ बजेको समयमा गम्भीर घाइते भएको साहलाई उपचारका लागि प्रादेशिक अस्पताल गाैरमा लगिएको थियो । साहको उपचारकै क्रममा मृत्यु भएको तथा पाेष्टमार्टम पछि वास्तविक कुराहरु बाहिर आउने उनले बताएका छन् ।
घटना बारे थप अनुसन्धान भइरहेको उनकाे भनाइ छ । स्राेतका अनुसार बिक्री लागि राखिएको जुन जस्तापाताले च्यापिएर कामदारकाे मृत्यु भएको हाे ती सामानहरूकाे वजन धेरै रहेकाे बुझिएको छ ।
रौतहट,०८ गते असार
रौतहट जिल्लाको बौधीमाई नगरपालिकाको सातौं नगर सभा शुक्रबार सम्पन्न भएको छ । “जनमुखि स्थानीय सरकार र समृद्धिको आधार“ नारा सहित बौधीमाई नगरपालिकाका नगर प्रमुख प्रदिप यादवको अध्यक्षतामा सम्पन्न भएको नगर सभाले आगामी आर्थिक वर्ष २०८०/०८१ को लागि ५१ करोड ७६ लाख भन्दा बढीको बजेट प्रस्तुत गर्नु भएको थियो ।
बौधीमाई नगरपालिकाकी उप–मेयर प्रमिला जैसवालले आगामी आर्थिक वर्षको निति तथा कार्यक्रम प्रस्तुत गर्दै ५१ करोड ७६ लाख ६३ हजार ८ सय १५ रुपैयाँ बराबरको बजेट प्रस्तुत गरेकी थिइन्। नगर सभाबाट चालु आर्थिक वर्षको तुलनामा आगामी आर्थिक वर्षका लागि प्रस्तावित २
करोड ९० लाख १९ हजार २ सय ५१ रुपैयाँ घटी बजेट पारित गरिएको हो। नगर सभाको पहिलो बैठकमा एकमुष्ट बजेट प्रस्तुत गरिएको भएपनि त्यसपछिका बैठकमा छलफल गरी बजेटलाई शिर्षक गत रुपमा छुट्याएर नगरसभाले सर्वसम्मत पारित गरेको बौधीमाई नगरपालिकाका नगर प्रमुख यादवले जानकारी दिनु भयो ।
आरके श्रीवास्तव,सर्लाही,०८ गते असार सर्लाही ।
कृषि तथा कृषिजन्य विषय वस्तुलाई सञ्चार माध्यमसम्म पुर्याउने उद्देश्यले सर्लाहीमा दु दिने कृषि पत्रकारिता सम्बन्धि अभिमूखिकरण कार्यक्रम शुरु भएको छ । नेपाल पत्रकार महासंघ सर्लाही शाखाकाे समन्वय र आमसञ्चार प्राधिकरण मधेस प्रदेशकाे आयोजनामा शुक्रबारदेखि लालबन्दीमा दुई दिने कृषि पत्रकारिता तालीम शुरु भएको हो ।
तालिममा विभिन्न जिल्लाका ३० भन्दा बढी पत्रकार सहभागी सो तालीममा सञ्चार तथा कृषि क्षेत्रका विज्ञहरुले प्रशिक्षण दिइरहेका छन् । तालिम सुरू हुनु भन्दा पहिला उदघाटन सत्र राखिएको थियाे । जसमा कार्यक्रमकाे अध्यक्षता नेपाल पत्रकार महासंघ सर्लाही शाखाका अध्यक्ष टंक क्षेत्रीले गर्नु भएको थियाे ।
भने प्रमुख अतिथिकाे रूपमा मिडिया काउन्सिल मधेस प्रदेश अध्यक्ष कैलास दास रह्नु भएको थियाे । रिना आलेले सञ्चालन गरेको कार्यक्रममा फाेनिजका अध्यक्ष घनश्याम बलमपाखीले स्वागत मन्तव्य राख्नु भएको थियाे ।
कार्यक्रम ज्ञातअज्ञात शहिदहरूकाे सम्झनामा एक मिनेट माैन धारण गरिएको थियाे । कार्यक्रमकाे उदेश्य बारे प्रष्ट पार्दै विशिष्ट अतिथि समेत रह्नु भएका आमसञ्चार प्राधिकरण मधेस प्रदेशका अध्यक्ष श्यामसुन्दर यादवले कृषि लाई पनि प्राथमिकतामा राखेर पत्रकारहरू लाई आग्रह गर्नु भयाे । पत्रकारीतामा कृषि आउनु पर्नेमा जाेड दिनु भयाे ।
वहाँले मिसन कृषि लिएर किसानकाे मुद्दा उठाउन,किसानकाे कथा समेटन, नकारात्मक तिर बढी नगई सकारात्मक समाचार प्रवाह गर्न अनुरोध गर्नु भयाे । सो अवसरमा अनाजका अध्यक्ष किरण आचार्यले कृषि क्षेत्रमा खोजी गर्नुपर्ने विषय प्रशस्त रहेको बताउँदै समाचार कहाँ छ, भनेर त्यसको बास्ना पत्ता लगाउने क्षमता पत्रकारमा हुनुपर्नेमा जोड दिए ।
साथै उनले कृषि बाट समृद्धि सम्भव रहेकोले यसलाई प्राथमिकतामा राखेर पत्रकारिता गर्नु पर्ने बताउनु भयो ।
मिडिया काउन्सिलका अध्यक्ष दासले उदघाटन सत्रलाई सम्बाेधन गर्दै विटकै रुपमा कृषि पत्रकारिताको अभ्यास भइसकेको उल्लेख गर्दै सहभागी पत्रकारले समेत कृषिलाई प्राथमिकतामा राखेर पत्रकारिता गर्नु आवश्यक भएको बताए । कार्यक्रममा आमसञ्चार प्राधिकरणका कार्यालय प्रमुख उपेन्द्र सिंह र सुरेश यादवले प्रशिक्षण दिनु भएको थियाे । वहाँहरूले कृषि क्षेत्रकाे दैनिक रूपमा समाचार प्राथमिकता दिन घच्घच्याएका थिए ।
मञ्जय राम,कटहरिया, असाढ ७ गते ।
रौतहटको कटहरिया नगरपालिका वडा नम्बर ८ स्थित रहेको पिपरा पोखरीया गाउँमा आज एनसेल टावर संचालनमा आएको छ । पालिकाको एक विकट क्षेत्रका रुपमा परिचित रहेको सो वडामा आजबाट एनसेल नेटर्वक शुचारू भएको हो ।
एनसेल टावरको धेरै समस्या भएकोले आजदेखि गाउँको मोबाईल फोनमा 4G को टावर आएको छ । गाउँहरूले खुशुको साथ सम्पन गरेको छ। विश्व आधुनिक युगमा प्रवेश गरेको अवस्था धेरै पुरानो छ । तर सो गाउँमा अहिलेसम्म नेटर्वकको समस्या रहदै आएको थियो । सो वडामा लामो समयदेखि नेटर्वकको समया हुने गरेको थियो ।
तर,एनसेल टावरको धेरै समस्या भएकोले आजदेखि गाउँको मोबाईल फोनमा 4G को टावर आएको छ । गाउँहरूले खुशुको साथ सम्पन गरेको छ। । ग्रामीण क्षेत्रमा एनसेलको टावर शुचारु भएकोले उपभोक्ता हर्सित हुन। सोही गाउँका एक स्थानीयले बताए ।
पुर्व वडा अध्यक्ष नवद राय यादवको पहलमा एनसेल टावरको विहिबारदेखि टावर पुन संचालनमा आएको छ । उपस्थितिमा पुर्व वडा अध्यक्ष नवद राय यादव,गगनदेव दास,अशाेक यादव,गेनालाल यादव,दिनेश यादव,रामाकान्त यादव,किसुनि राम उपस्थिति रहेकाे थियाे ।
काठमाडौं ।
प्रविधिको यो दुनियाँमा कम्प्युटरमा काम गर्नु अनिवार्य नै भइसकेको छ । सूचना प्रविधिको क्षेत्रमा मात्र नभइ हरेक क्षेत्रमा आजको दिनमा कम्प्युटरमा नै काम हुने गर्छन् । कम्प्युटरमा काम गर्नु अत्यावस्यक बनिसकेको छ ।
कुनै पनि क्षेत्रको कुनै पनि कामका लागि अहिले कम्प्युटरको प्रयोग बढ्दो छ । लामो समयमा कम्प्युटरमा काम गर्नु दैनिकी जस्तै भएको छ । यसले गर्दा हामी आफैलाई पनि विभिन्न चिन्ताले सताउने गर्छ । सबैभन्दा पहिलो चिन्ता हामीलाई हाम्रो आखाँको लाग्छ ।
आँखाका कुनै समस्या आयो भने कम्प्युटरमा धेरै समय बिताएर हो कि भन्ने डर पक्कै पनि आउँछ । स्क्रिनमा बढी समय बिताउँदा हाम्रो कार्काडियन रिदमलाई हानी गर्छ ।
कार्काडियन रिदम सजीव प्राणीहरूको शरीरमा भएको एउटा यस्तो आन्तरिक प्रक्रिया हो जसले स्लिप-वेक साइकल (निदाउने-ब्यूँझने चक्र) लाई नियमन गरेको हुन्छ । त्यस्तै लामो समयसम्म आँखामा प्रकाश पर्दा त्यसले शरीरमा भौतिक असर जस्तै आँखा चिलाउने समस्या पनि निम्तिन्छ ।
वेब एमडीले गरेको एक अध्ययन अनुसार ५० देखि ९० प्रतिशत रिमोट वर्कर (घरबाटै कम्प्युटरमा बसेर काम गर्ने मानिस) मा डिजिटल आई स्ट्रेनको लक्षण देखिएको छ ।
डिजिटल आई सिन्ड्रम जसलाई कम्प्युटर भिजन सिन्ड्रम (सीभीएस) पनि भनिन्छ, यो यस्तो अवस्था हो जहाँ डिजिटल डिभाइसका कारण मान्छेको भिजन (दृष्टि) मा समस्या आउँछ । विशेषगरी कम्प्युटर, स्मार्टफोन, ट्याबलेट र अन्य विद्युतीय उपकरण अत्यधिक प्रयोग गर्दा यस्तो समस्या निम्तिन्छ ।
हुन त ब्लु लाइट ब्लक गर्ने चस्माले ब्लु लाइटबाट हाम्रो स्लिप-वेक साइकललाई जोगाउँछ भनिएको छ । तर, त्यस्ता ग्लास कम्प्युटर भिजन सिन्ड्रम अर्थात् डिजिटल आइ स्ट्रेनबाट हामीलाई जोगाउन त्यति प्रभावकारी छैनन् ।
कम्प्युटर भिजन सिन्ड्रमका लक्षणहरू के के हुन् ?
यदि तपाईं पनि लामो समय कम्प्युटर स्क्रिनमा काम गर्नुहुन्छ भने तलका मध्ये पक्कै पनि कुनै लक्षण तपाईंमा देखा परेका हुनसक्छन् । कम्प्युटर भिजन सिन्ड्रमका केही लक्षणहरू तल उल्लेख गरिएको छ ।
– आँखा सुख्खा हुनु
-आँखा चिलाउनु
-आँखा रातो हुनु
– टाउको दुख्नु
– धमिलो देखिनु
– घाँटी दुख्नु
– मांसपेशी ऐँठन हुनु
हामी यहाँ डिजिटल उपकरणका कारण हुने कम्प्युटर भिजन सिन्ड्रम वा भनौं आइस्ट्रेन (आँखा दुखाई) का समस्यालाई कसरी कम गर्न सकिन्छ भन्ने विषयमा जानकारी दिँदैछौं ।
१) रातको समयमा स्क्रिनको ब्राइटनेस घटाउनुहोस्
कम्प्युटरको स्क्रिनले आँखामा पार्ने असर कम गर्नका लागि रातको समयमा स्क्रिनको ब्राइटनेस कमभन्दा पनि कम राख्नुहोस् । अधिकांश डिभाइसमा अटो ब्राइटनेसको सुविधा हुन्छ । जसले तपाईंको वरपरको प्रकाशलाई मध्यनजर गर्दै तपाईंका लागि उपयुक्त ब्राइटनेस मिलाउँछ ।
आईफोन डिभाइसमा स्क्रिनको ब्राइटनेस स्टान्डर्ड डिस्प्ले सेटिङभन्दा पनि कम गराउने सुविधा हुन्छ । समग्रमा के भन्न खोजिएको हो भने तपाईंले कम्प्युटर प्रयोग गर्दा आफूलाई उपयुक्त हुने गरी कमभन्दा कम ब्राइटनेस राख्नुहोस् ।
२) स्क्रिनभन्दा टाढा रहनुहोस्
हामीमध्ये अधिकांशले विस्तरामा बसेर ल्यापटममा फिल्म हेर्नुपर्यो वा काम गर्नुपर्यो भने निकै नजिक राख्छौं । वास्तवमा यसरी आँखाको नजिक स्क्रिनलाई ल्याउँदा त्यसले आँखालाई असर गर्छ । यसबाट जोगिनका लागि तलका प्रक्रिया अपनाउनुहोस् ।
– कम्प्युटर स्क्रिन वा ल्यापटप आफूभन्दा टाढा राख्नुहोस् । विशेषगरी कुनै टेबल वा डेस्कमा राख्नु भएको छ भने पनि आफूभन्दा टाढा नै राख्नुपर्छ ।
– मोबाइल प्रयोग गर्दा आँखाभन्दा ३० इन्च टाढा राख्नुहोस् ।
– घाटीलाई असर नपर्ने गरी डिभाइसलाई आँखाको अगाडि राख्नुहोस् ।
– पेन मेडिसिनका अनुसार आँखाभन्दा स्क्रिन चारदेखि आठ इन्च तल राख्नुपर्छ । यस्तो गर्दा घाँटीमा पर्ने दबाब कम हुन्छ र आँखा पनि जोगिन्छ ।
३) स्क्रिनबाट ब्रेक लिनुहोस्
कम्प्युटरमा बसेर काम गर्ने भइसकेपछि समय समयमा ब्रेक लिने गर्नुपर्छ । हुन त यस्तोमा प्रायः मानिसहरू एकाग्र भएर काम गर्छन् । तर, पनि आँखा, मस्तिष्क र शरीरलाई आराम दिन तपाईंले समय समयमा ब्रेक लिनुपर्छ ।
विज्ञहरूका अनुसार हरेक दुई घण्टा कम्प्युटरमा काम गरिसकेपछि तपाईंले १५ मिनेट आराम लिनुपर्छ । ब्रेकको समयमा आँखाको व्यायाम गर्नुपर्छ ।
४) सही तरिकाले बस्ने बानी बसाल्नुहोस्
तपाईं डेस्कटपअघि कसरी बस्नुहुन्छ भन्ने कुराले पनि तपाईंको शरीरको अवस्था निर्धारण गरेको हुन्छ । यदि तपाईं सहज र सही तरिकाले बस्नुभयो भने त्यसले घाँटी, आँखा र पछाडिको भागलाई आराम दिन्छ । बस्ने सही तरिकाहरू तल उल्लेख गरिएको छ ।
– आफ्नो कुर्सीलाई यसरी राख्नुहोस् जहाँ घुँडाले खुट्टासँग ९० डिग्री कोण बनाउन सकियोस् ।
– भूइँमा आफ्नो खुट्टा समतल बनाएर राख्नुहोस् ।
– कुर्सीमा अडेस लागेरभन्दा पनि सिधा पर्नेगरी बस्नुहोस् ।
– डेस्कमा हात ९० डिग्री पर्नेगरी राख्नुहोस् ।
– कम्प्युटर टाढा परे पनि माउसलाई आफ्नो हातको नजिक पर्नेगरी राख्नुहोस् ।
५) आँखाका लागि उपयुक्त ड्रप
हामी कम्प्युटरमा काम गर्दा आँखा कम झिम्काउँछौँ । यसरी आँखाको झिम्काइ कम हुँदा आँखा चिलाउने समस्या निम्तिन्छ । त्यसैले आँखालाई उपयुक्त हुने ड्रप राख्दा आँखा सुख्खा हुने, चिलाउने समस्याबाट मुक्त हुन सकिन्छ । आँखामा उपयुक्त हुने ड्रप अस्पतालमा गइ आँखा जाँच गराएर डाक्टरको सुझावमा औषधी खरिद गर्न सक्नुहुन्छ । टेच पाना
आरके श्रीवास्तव,रौतहट,असार ०७ गते ।
रौतहट । रौतहट जिल्ला स्थित राजपुर नगरपालिका वडा नम्बर ६ का वडाध्यक्ष शेख मोजरे आलमको निधन भएको छ । आज उपचारको क्रममा अल्पआयूमा स्वर्गवास हुनु भएको छ । वडाध्यक्ष आलम गत वैशाखमा सम्पन्न स्थानीय तहको निर्वाचनमा नेपाली काँग्रेसको तर्फबाट वडाध्यक्षमा दोस्रो पटक निर्वाचित हुनुभएको थियो ।
राजपुर नगरपालिकाले मृत्क स्व. आलमको आत्माको चिरशान्तिको कामना सहित हार्दि शोक संवेदना प्रकट गरेको छ । साथै मृतकको शोकाकुल परिवार प्रति धैर्यधारणको कामना गर्दै भोली(शुक्रवार) असार ८ गते १ दिन शोक विदा दिएको छ ।
सो दिन राजपुर नगरपालिका र मातहतका सम्पूर्ण कार्यालयहरु बन्द रह्ने नि.प्रमुख प्रशासकिय अधिकृत बैजु ठाकुर द्धारा हस्ताक्षरित शोक संवेदनामा उल्लेख रहेको छ । यसबाट पर्न जाने असुविधा प्रति नगरपालिकाले क्षमा याचना गरेको छ ।
आरके श्रीवास्तव,रौतहट,असार ०७ गते
रौतहटमा चोरीको मोटरसाईकल सहित मानिस पक्राउ परेका छन् । पक्राउ पर्नेमा पर्सा जिल्लाको विरगंज महानगरपालिका वडा नम्बर १० बस्ने दशरथ साह कानुको छोरा बर्ष १९ को अर्जुन साह कानु रहेका छन् ।
गत असार ३ गते दिउँसोको समयमा जिल्लाको चन्द्रपुर नगरपालिका वडा नम्बर ९ स्थित डुमरिया बजारको साईडमा पार्किङ गरी राखेको अबस्थामा मोहन कुमारको नाममा दर्ता रहेको ना. ४५ प. ७५५१ नम्बरको सिबि साइन एसपि कम्पनीको मोटरसाइकल चोरी भएको थियो ।
चोरी खबर पाएपछि ईलाका प्रहरी कार्यालय चन्द्रनिगाहपुर रौतहटबाट तत्कालै प्रहरी नायब उपरिक्षक एक नारायण कोईराला समेतको प्रहरी टोली खटी गई खोजतलास गर्ने क्रममा सोही दिन उक्त बाइक फेला पारेको थियो । जिल्लाको फतुवा विजयपुर नगरपालिका वडा नम्बर ११ शहिद बजार चोक स्थितमा कानुलाई उक्ते मोटरसाईकल सहित फेला पारी पक्राउ गरेको थियो ।
पक्राउ परेका कानुलाइ सम्मानित रौतहट जिल्ला अदालत गौरबाट म्याद थप गरी आवश्यक अनुसन्धान कार्य भई रहेको जिल्ला प्रहरी कार्यालय रौतहटका सूचना अधिकारी प्रहरी नायव उपरीक्षक उमा शंकर प्रसाद यादवले जानकारी गराउनु भयो ।
