वीरगञ्ज, २९ भदौ । बारामा चक्कु प्रहारबाट एक व्यक्ति घाइते भएका छन्चक्कु प्रहार गरी घाइते बनाएर फरार भएका एक जनालाई बारा प्रहरीले पक्राउ गरेको छ।
प्रहरीले बारा करैयामाई गाउँपालिका–७ बस्ने भागरित रामलाई घाँटीमा धारिलो हतियार प्रहार गरी घाइते बनाउनेलाई पक्राउ गरेको हो।
पक्राउ पर्नेमा बारा कलैया उपमहानगरपालिका–२७ बस्ने हरिन्द्र यादव छन् । रामले बिहीबार जितपुर सिमरा उपमहानगरपालिका–१६ पिलुवा जंगलमा यादवको घाँटीमा धारिलो हतियार चक्कुले प्रहार गरी घाइते बनाई फरार भएकोमा उनलाई पक्राउ गरिएको बाराका प्रहरी प्रबक्ता डिएसपी दधिराम न्यौपानेले जानकारी दिए।पक्राउ परेका रामलाई प्रहरी नियन्त्रणमा राखी थप अनुसनधान भइरहेको उनले बताए।
आरके श्रीवास्तव,रौतहट,३० गते भदौ ।
रौतहट । जिल्लामा धारिलो हतियार प्रहारबाट एक व्यक्तिको मृत्यु भएको छ । घरेलू धारिलो हतियार प्रहार बाट सख्त रुपमा घाइते भएका ती यूवकको उपचारको क्रममा पिएचसी कटहरियामा ज्यान गएको हो । जिल्लाको कटहरिया नगरपालिका वडा नम्बर ५ मा शुक्रबार बेलुकी ७.३० बजेको समयमा सो घटना घटेको हो ।
स्थानिय मदन रायको छोरा अन्दाजी ३८ वर्षिय सुनिल राय यादव माथि धारिलो हतियार प्रहार भएको जिल्ला प्रहरी कार्यालय रौतहटले जनाएको छ ।
स्थानिय रामबाबु साह सोनारको छोरा बद्री साह सोनारले सानो घरेलु हतियार प्रहार गरि हत्या गरेको जिल्ला प्रहरी कार्यालय रौतहटका प्रहरी प्रवक्ता दामोदर केसी जानकारी दिनु भयो ।
उनले दिएको जानकारी अनुसार यादव र सोनार बिच घरायसी झगडा थियो । त्यही रिसवीका कारण यादव माथि सानो घरेलु हतियार प्रहार गरी हत्या गरिएको प्रहरी प्रवक्ता केसीले बताए ।
मृतक यादवको शवलाई पोस्मार्टमको लागि प्रादेशीक अस्पताल गौरमा पठाईएको हो । घटना सम्बन्धमा पाँच जनालाइ प्रहरी नियन्त्रणमा राखी थप अनुसनधान भइरहेको डिएसपी केसी बताए ।
आरके श्रीवास्तव,रौतहट,२९ गते भदौ
रौतहट । राष्ट्रिय बाल दिवस २०८० को अवसरमा आयोजीत ‘ बालअधिकार’ विषयमा सम्पन्न भएको वक्तृत्वकला प्रतियोगिता भएको थियो । जिल्लाको फतुवा बिजयपुर नगरपालिका वडा नम्बर ४ टेंग्राहामा रहेको श्री माध्यमिक विधालय टेंग्राहामा वक्तृत्वकला प्रतियोगिता सम्पन्न भएको प्रधानाध्यापक अनिल कुमार यादवले जानकारी गराउनु भयो ।
व
क्तृत्व कला प्रतियोगितामा विजयी तथा सहभागी विद्यार्थीहरुलाई पुरस्कार वितरण गरिएको उनले बताए । पुरस्कार स्वरुप कपि,कलम लगायत शैक्षिक कटि प्रदान गरिएको हो ।
सो प्रतियोगितामा कक्षा १० मा अध्यनरक्त छात्र अशोक कुमार यादव प्रथम,कक्षा ९ मा अध्यनरक्त छात्रा मनिष यादव द्धितिय र कक्षा ७ मा अध्यनरक्त छात्रा आशु कुमारी जयसवाल तेस्रो स्थान प्राप्त गरेकी छिन् ।
विद्यार्थीहरुलाई पनि बाल अधिकारको बारेमा जानकारी हुन सकोस् र उनीहरुले पनि बालअधिकारको बारेमा आफूले जानेका कुरा अरु व्यक्तिहरुलाई पनि जानकारी गराउन सकुन् भन्ने उद्देश्यले बाल दिवसको अवसर पारेर यस्तो प्रतियोगिताको आयोजना गरेको प्रअ यादवले बताए ।
कार्यक्रम उदघोषण राजेश यादवले गर्नु भएको थियो । कार्यक्रमको अध्यक्षता प्रअ यादवले गर्नु भएको थियो । सो अवसरमा शिक्षक रामएकवाल प्रसाद यादव लगायत शिक्षक,शिक्षिका,बिधार्थीहरुको उपस्थिती रहेको थियो ।
आरके श्रीवास्तव,रौतहट,भदौ २९ गते ।
रौतहटको गुजरा नगरपालिकामा नगर स्तरीय हाजिरि जवाफ प्रतियोगिता सम्पन्न भएको छ । सो नगरपालिकाको वडा नम्बर २ कटानी स्थित रहेको श्री मावि नयाँ बस्तीमा आज राष्ट्रिय बाल दिवसको अवसरमा प्रतियोगिता आयोजन गरिएको थियो ।
बालबालिकामा लगानी,सुनिश्चित भविष्यको थालनी भन्ने मूल नाराका साथ राष्ट्रिय बाल दिवस २०८० मनाइएको हो । गुजरा नगरपालिका शिक्षा शाखाको आयोजना र आरडिसि नेपालको समन्वयमा भएको कार्यक्रम कार्यक्रममा के.एन.एच.को सहयोग रहेको थिायो ।
बलश्रम न्यूनिकरण परियोजना अन्तर्गत राष्ट्रिय बाल दिवस कार्यक्रम बाल कल्ब सँगको समन्वयमा गरिएको थियो । सो प्रतियोगितामा श्री मावि नयाँ बस्ती,श्री जनप्रिय मावि हरिनगर मैढा,श्री मावि रंगपुर १,श्री नमूना मावि सिमराभवानीपुर र श्री मावि जंगलसैया सहभागि थिए ।
हाजिरि जवाफ प्रतियोगितामा श्री मावि कनकपुर प्रथम,श्री मावि रंगपुर द्धितिय र श्री कंकाली मावि जंगलसैया तेस्रो स्थान हासिल गर्न सफल भएको थियो । उनीहरुलाइ पुरस्कार स्वरुप कपि,कलम र प्रमाणपत्र हस्तान्तरण गरिएको थियो । साथै नगर स्तरीय बाल कल्बका सदस्यहरुलाइ समेत प्रमाणपत्र प्रदान गरि विदाइ गरिएको थियो ।
विधालय व्यवस्थापन समितिका अध्यक्ष रुपबहादुर स्यांतांगको सभाध्यक्ष्तामा भएको कार्यक्रममा गुजरा नगरपालिकाकी उपप्रमुख रत्ना लामा प्रमुख अतिथीको रुपमा रह्नु भएको थियो । कार्यक्रम सञ्चालन लक्ष्मिीनारायण चौधरीले गर्न भएको थियो भने सहजीकरण राम अचार्यले गर्नु भएको थियो ।
सो अवसरमा प्रअ सुशिल कुमार कुशवाहा,सहभागि बिधालयका प्रतिनिधी,सो वडाका वडा अध्यक्ष अशोक खाँ थारु,शिक्षा शाखा प्रमुख शिवमंगल साह,शंकर चौधरी,कार्यक्रम संयोजक शेख अर्सद,फिल्ड सुरपरभाइजर सुगान्धि कुमारी,सोनी खातुन,व्यवस्थापन सहयोगी लीदा बहादुर स्यांतांग लगायत शिक्षक,शिक्षिका,बिधार्थी,अभिावक लगायत स्थानिय भद्रभलादमी हरुको सहभागिता रहेको थियो ।
बज्जिकाञ्चल,रौतहट,भदौ २९ गते ।
रौतहट । रौतहटमा सवारी दुर्घटना हुँदा एक जनाको मृत्यु भएको छ । आज दिउँसो ना ५ ख ३४५१ नम्बरको ट्रकको ठक्करले एक मोटरसाइकिल चालकको मृत्यु भएको हो ।
जिल्लाको फतुवा बिजयपुर नगरपालिका वडा नम्बर १ निवासी जयनारायण यादवको छोरा वर्ष ३५ वर्षीय उमेश यादवको मृत्यु भएको हो । उनको घटनास्थलमै मृत्यु भएको जिल्ला प्रहरी प्रवक्ता डिएसपी दामोदर केसीले बताउनु भएको हो ।
सो नगरपालिकाको सन्तपुर चौकमा शुक्रबार दुर्घटना भएको हो । ट्रकको ठक्कर बाट ना ५१ पा ४९४१ को मोटरसाइकल चालकलाई ठककर दिदाँ मृत्यु भएको हो ।
प्रत्यक्षदर्शीका अनुसार ट्रकले ब्याक गर्दा मोटरसाइकिल चालक यादवको ज्यान गएको बताएका छन् । ट्रक चालकले बदमासी गरेको भन्दै स्थानीयवासी आक्रोशित बनेका थिए । उनीहरुले ट्रक चालक लाइ स्थानीवासीले हातपात गरेका थिए ।
चालकलाइ सुरक्ष दिँदा स्थानिय र प्रहरी बिच केहीबेर झडप भएको थियो । स्थिती नियन्त्रणमा लिनलाइ प्रहरीलाइ हवाई फायर समेत गर्न परेको डिएसपी केसीले बताए ।
घटना भएपछि सन्तपुर दोस्तिया चौकमा बाटो अवरुद्ध समेत गरेका थिए । दोषीमाथि कार्यवाही र क्षतिपूर्तिको माग गर्दै नाराबाजी गरेका थिए । घटनास्थलमा अत्यधिक संख्यामा प्रहरी परिचालन गरिएको थियो । घटनाबारे अनुसन्धान भइरहेको र पीडित पक्ष र प्रहरी बीच इप्रका बिजयपुरमा वार्ता भइरहेको डिएसपी केसीले जानकारी गराएका हुन् ।
विशाल बस्नेत/महोत्तरी, २७ भदौ
महोत्तरीको बर्दिवासमा ११ जिल्लाको साहित्यिक सम्मेलन हुने भएको छ। मोतिराम भट्टको १५८औं जन्मजयन्तिको अवसरमा गौरिशंकर मिथिला वाङमय प्रतिष्ठान घोषणासभा गर्ने उदेश्यले ११ जिल्लाका साहित्यकार सहभागी भएर सम्मेलन हुने भएको हो।
३० वैसाखमा बर्दिवासको गौतम होटलमा हुने उक्त घोषणासभामा घोषणापत्र समेत सार्वजनिक गर्ने तयारी गरिएको छ।
पहाड र मधेशको साहित्यलाई जोड्ने अभियान अन्तर्गत गौरीशंकर मिथिला वाङमय प्रतिष्ठान घोषणासभा राखिएको कार्यक्रमका संयोजक प्रेम घिमिरेले जानकारी दिए।
सभामा बागमती प्रदेशका सिन्धुली, दोलाखा, रामेछाप र मधेशका ८ जिल्ला गरि ११ जिल्लाका साहित्यकारहरु सहभागी हुनेछन्।
सहभागी साहित्यकारले आफ्नो भौगोलिक संस्कृति अनुसार बिबिध भाषाहरुमा आफ्ना रचनाहरु समेत प्रस्तुत गर्ने आयोजक पक्षले जनाएको छ।
पछिल्लो समय साहित्यिक केन्द्रकोरुपमा विकास हुँदै गएको बर्दिवासले रचना प्रकाशनमा समेत केन्द्रिय नेतृत्व गरिरहेको छ।
गौरीशंकर मिथिला वाङमय प्रतिष्ठानले पनि महोत्तरीलाई साहित्यिक पर्यटनकोरुपमा विकास गर्ने सहायक उदेश्य वोकेको यस्का अभियन्ताहरुले बताए।
बृहत् उदेश्यसहित जन्माउन लागेको उक्त प्रतिष्ठानले साहित्यलाई जिवित राख्न बर्दिवासले केन्द्रिय नेतृत्व गर्ने बताइएको छ।
अहिले जिल्ला स्तरिय फरक-फरक बिधाका डेढ दर्जन साहित्यिक संगठन महोत्तरीमा सक्रिय छन्। न्युज कारखना
रौतहट, २७ भदौं ।
फर्जी नागरिकता बनाइदिएको खुले पछि एक भारतीय पक्राउ परेका छन ।
चन्द्रनिगाहपुर बजारमा फलफुल व्यापार गरेर बस्ने नैमुद्धिन नक्कली नागरिकता बनाइदिने कार्यमा संलग्न भएको खुले पछि पक्राउ परेका हुन ।
फलफुल र अण्डाको व्यापार गर्दै आएका उनले भारतीय मुस्लिमहरुलाई नेपाली नागरिकता बनाईदिने काम गर्दै आएको खुले पछि सर्लाही प्रहरीको आग्रहमा ईलाका प्रहरी कार्यालय चन्द्रनिगाहपुरले उनलाइ पक्राउ गरेको हो ।
उनलाइ सर्लाही प्रहरीको जिम्मा लगाएपछि नैमुद्धिनसँग नागरिकता बनाएर चन्द्रनिगाहपुरमा बसोबास गर्दै आएका नक्कली नागरिकता लिएका दर्जनौ भारतीयहरू भने फरार भएको प्रहरीले जनाएको छ ।
प्रहरीका अनुसार उनी पक्राउ परेसँगै नक्कली नागरिकता बनाउने गिरोह नै रहेको खुले पछि थप अनुसन्धान भइरहेको छ ।
कृष्ण तिवारी ,रौतहट ,भदौ २७ गते ।
नेपाल पत्रकार महासंघ रौतहट शाखामा लगाइएको ताला झन्डै तीन महिनापछि बुधबारबाट खुलेको छ । नेपाल पत्रकार महासंघका केन्द्रिय सदस्य शिव पुरी सहितका पत्रकारहरुको रोहवरमा महासंघमा गरिएको तालाबन्दी बुधबार दिउँसो तीन बजे खुलाइएको छ । नयाँ सदस्यता र सदस्यता नवीकरण सम्बन्धमा विवाद भएपछि पत्रकार महासंघ रौतहटका पुर्व अध्यक्ष रबिन्द्र साह को नेतृत्वमा केही पत्रकारहरुले गत असार ३ गते पत्रकार महासंघको कार्यालय गौर शाखामा तालाबन्दी गरेका थिए ।
सरकारि सेवा सुविधा लिने र पत्रकारिता पेशाभन्द अन्य पेशामा लागेकालाई सदस्यता नवीकरण नगर्ने पत्रकार महासंघको केन्द्रिय कार्यालय काठमाडौंको परिपत्र अनुसार पत्रकार महासंघ रौतहटले महासंघको सदस्यता लिएर पनि पत्रकारिता पेशा छाडेर अन्य विभिन्न पेसामा लागेका सदस्यलाई यस चालू आर्थिक बर्षमा सदस्यता नवीकरण नगर्ने निर्णय गरेपछि असन्तुष्ट बनेका पत्रकारहरुले निर्णय सच्याउन माग गर्दै महासंघमा तलाबन्दी गरि आन्दोलित भयका थिए ।
साथै उनिहरुले आफू अनुकुलका ब्यक्तिलाइ नयाँ सदस्यताको लागि नाम सिफारिस गर्नुपर्ने पनि माग गरेका थिए । महासंघमा देखिएको विवाद सल्टाउन पत्रकार महासंघ रौतहटले नयाँ सदस्यताका लागि महासंघमा आबेदन दिएका ५१ जनाकै नाम महासंघको केन्द्रीय कार्यालय काठमाडौंमा केही दिन अघि मात्र पठाएको थियो । नयाँ सदस्यताका लागि परेको सबै आबेदकको नामावलि महासंघको केन्द्रिय कार्यालयमा पठाइएको र सदस्यता नवीकरणमा देखिएको विवाद समेत समाधान भैसकेकोले महासंघमा लगाइएको ताल्चा खोलिएको पत्रकार महासंघ रौतहटका अध्यक्ष प्रेमचन्द्र झाले बताएका छन ।
सकृय रूपमा निरन्तर पत्रकारिता गरिरहेका सम्पुर्ण पत्रकारलाई सद्स्यता नवीकरण गरि विवाद समाधान गरिएकोले पत्रकार महासंघका केन्द्रिय सदस्य शिव पुरी, प्रेस युनियनका केन्द्रिय सदस्री तथा पत्रकार महासंघ रौतहटका सल्लाहकार सन्जय कार्की, प्रेस चौतारिका केन्द्रिय सदस्य रमेश तिमल्सिना, समाजवादि प्रेस संगठनका केन्द्रिय सदस्य कृष्ण तिवारी , फोटो पत्रकार संघका अध्यक्ष प्रभात झा, प्रेस सेन्टरका रौतहट जिल्ला अध्यक्ष सुब्बा कार्की, महासंघ रौतहटका पुर्व उपाध्यक्ष अशोक पहाडी, महासंघका रौतहट जिल्ला सचिव मदन ठाकुर लगाएत पत्रकारको रोहवरमा ताल्चा खोलिएको महासंघका जिल्ला अध्यक्ष झाले बताए ।
