प्रेमचन्द्र झा,राैतहट,१७ गते फागुन ।
राैतहट । नेपाल निर्माण व्यवसायी महासंघका अध्यक्ष रवि सिहले निर्माण व्यवसायी मैत्री आर्थिक कानुन बनाउन सरकारको ध्यानाकर्षण गराएका छन ।
निर्माण व्यवसायी संघ राैतहटको आठाै साधारणसभा लाई प्रमुख अतिथिको आसनबाट शनिवार गाैरमा उदघाटन गदै सो कुरा बताएका हुन । आर्थिक ऐन नियमाबली निर्माण व्यवसायी मैत्री नहुदा राष्ट्रिय र अन्तर्राष्ट्रिय रुपमा आलोचित हुन परेको अध्यक्ष सिहले बताए । निर्माण व्यवसायीलाई पेसाबाट पलायन हुन बाट बचाउन हालसालै सिमेन्टको मुल्य वृधि राेकनु पर्ने , निर्माण व्यवसायी मैत्री खरिद कानुनमा सन्साेधन गर्नु पर्नेमा सरकारसंग छलफल भएको जानकारी गराउदै व्यवसायीलाई ठेक्कालाई सम्झेर मात्र कम्पटिसनमा जान सुझाव दिएका छन । निर्माण मैत्री कानुन नहुदा ठेकदार ठेकदार आफै आफैमा लडेर सखाप हुन लागेको बताए । निर्माण व्यवसायी महासंघ राैतहटका अध्यक्ष कृष्णदेव यादवकाे अध्यक्षतामा भएको साधारणसभामामधेस प्रदेस सभाका सांसद तथा निर्माण व्यवसायी संघ राैतहटका पुर्व अध्यक्ष नागेन्द्र साह, महासंघका महासचिव राेशन दाहाल , सह महासचिव शिव हरी घिमिरे ,सह कोषाध्यक्ष सन्तोष साह,उपेन्द्र चाैधरी
पालु विक्रान्त विक्रम नेपाल,राष्ट्र निर्माणमा व्यवसायी काे ठुलाे भुमिका दुखमा निर्माण व्यवसायी छ। आत्म हत्या गर्न उन्मुख पालिका स्तरमा संघ बनाउनु पर्ने ।पेटीको काम गर्नेको सम्स्या छ ।सडकमा ठेकदार पुर्याउने काम भएको छ । सबैलाई समान व्यवहार गर्नु पर्छ ।
मधेस प्रदेस अध्यक्ष मुना चाैधरी , जिल्ला काेषाध्यक्ष विक्रान्त विक्रम नेपाल सहितका वक्ताले सार्वजनिक खरिद ऐन एजेन्डाको रुपमा आउनु पर्ने कुरामा जोड दिएका थिए ।
आरएन पटेल,सर्लाही,१७ गते फागुन ।
सर्लाहीको मलंगवा नगरपालिकाको ३८ औं स्थापना दिवसको अवसरमा बज्जिका महोत्सव-२०८१ कार्यक्रम सम्पन्न भएको छ। जिल्लाको सदरमुकाम मलंगवाको जानकी पार्टी पैलेशको हलमा मलंगवा नगरपालिकाको आयोजकत्वमा बज्जिका महोत्सव २०८१ सम्पन्न भएको हो।
मलंगवा नगरपालिकाको नगर प्रमुख नागेन्द्र प्रसाद यादवको अध्यक्षता सम्पन्न कार्यक्रममा बज्जिका समाजका विभिन्न जिल्ला लगायत भारत बिहारका अग्रजहरुले बज्जिका भाषा प्रति आ-आफ्नो धारणा राखेका थिए। कार्यक्रम मलंगवा नगरपालिकाको आर्थिक सहयोग तथा सहयोगी संस्था बज्जिका साहित्य समाज सर्लाहीको सहयोगमा सम्पन्न भएको छ।
कार्यक्रममा बज्जिका साहित्य समाज सर्लाहीको अध्यक्ष एवं बज्जिका महोत्सव २०८१ को संयोजक रामचन्द्र महतो कुशवाहाले स्वागत मन्तव्य राखेका थिए। बज्जिका भाषाबारे विस्तृत जानकारी सहित बज्जिकाको इतिहास बारे कार्यक्रममा बज्जिका कवि शिरोमणि संजय साह मित्रले प्रकाश पार्दै आफ्ना मन्तव्य राखेका थिए।
कार्यक्रममा मित्रलाई बज्जिका रत्न उपाधिबाट विभूषित गरिएको थियो भने बज्जिकाञ्चल दैनिकका सञ्चालक राजु कुमार श्रीवास्तवलाई बज्जिका सम्मान बाट सम्मानित गरिएको थियो । त्यस्तै अतिथिहरूलाई सम्मान र मायाकाे चिन्ह पनि प्रदान गरिएको थियो । कार्यक्रममा संजय साह मित्र,किसुनदयाल यादव श्रीकृष्ण,विश्वराज अधिकारी,संजय सुदामा द्वारा लिखित बज्जिका लघुकथा पुस्तक पनि लाेकार्पण गरिएको थियो ।
कार्यक्रमलाई सम्बोधन गर्दै बज्जिका भाषी मधेश प्रदेश सरकारको पूर्व अर्थमन्त्री संजय कुमार यादवले आफु पहिलो पटक २०७४ मा प्रदेश साँसदमा निर्वाचित हुदा बज्जिका भाषामा सपथ ग्रहण गरेको प्रष्ट पार्दै हाल पनि बज्जिका भाषाको लागि संघर्षरत रही मधेश प्रदेश सरकारमा सम्पूर्ण स्थानीय मातृभाषालाई प्राथमिकतामा राखी प्रदेश भरिकै कार्यालयहरुमा कामकाजको भाषा आ आफ्नै मातृभाषा हुने गरि विधेयक पारित गराउन आफूहरु पूर्ण रुपमा प्रयासरत्त रहेको बताएका छन।
साथै बज्जिका भाषा बिकासको लागि आफु हरदम तत्पर रहेको बताउदै आ आफ्नो मातृभाषाको विकासको लागि सबै जनमानसले आ आफ्नै ठाउँबाट पहल गर्नुपर्ने आवश्यक रहेको उनले बताए ।
कार्यक्रममा विभिन्न जिल्लाका बज्जिका साहित्यकार, बज्जिका कवि, लेखक, गीतकार, गायक लगायत मलंगवा नगरपालिकाको प्रमुख प्रशासकीय अधिकृत, कर्मचारीगण, वड़ा अध्यक्षहरु, चन्द्रनगर गाउँपालिकाका अध्यक्ष राजकुमार साह, भारत बिहार वैशालीका प्रतिनिधि, विभिन्न जिल्लाका बज्जिका भाषी, बज्जिका सेवी, पत्रकार, सञ्चारकर्मी लगायत बज्जिका भाषाप्रति सदभाव राख्ने शुभचिन्तकहरुको उपस्थिति रहेको थियो ।
उमेश कुमार साह,सप्तरी,१६ गते फागुन ।
बोदे बर्साईन : नेकपा (माओवादी केन्द्र) का अध्यक्ष पूर्व प्रधानमन्त्री पुष्पकमल दाहाल ‘प्रचण्ड’ले मधेशका जनताको मुक्ति माओवादी केन्द्रले नै गर्ने बताएका छन्।
तराई मधेस जागरण अभियानअन्तर्गत सप्तरीको खडक नगरपालिकामा आयोजित साक्षर नगरपालिका निर्माण अभियान कार्यक्रममा स्थानीय जनप्रतिनिधि, बुद्धिजीवी र नागरिक समाजका अगुवाहरुसँग अध्यक्ष प्रचण्डले यस्तो धारणा राखेका हुन् ।
उनले मधेसी जनता मधेसवादको नारामा स्थापित नक्कली मधेसवादी दलको भुलभुलैयाको परेको औल्याए । भने, ‘मधेसी दलबाट मधेसी जनताको मुक्ति नहुने प्रमाणित भइसकेको छ । अब वास्तविक मधेसवादी दल माओवादीसित जोडिनुपर्ने बेला आएको छ ।’
आफूलाई मधेसवादी भन्ने दलहरुको दिशा जनतातिर नभई प्रतिक्रियावादीतीर उन्मुख रहेको भन्दै अध्यक्ष प्रचण्डले नक्कली मधेसवादी दलसँग सावधान रहन आग्रह समेत गरे ।
मधेसको मुक्तिविना देशको मुक्ति सम्भव छैन भन्ने दृढ मान्यताका साथ पार्टीले सबैभन्दा पहिले मधेसी मुक्ति मोर्चा गठन गरेर जनयुद्ध थालनी गरिएको स्मरण गराउँदै उनले मधेससंगै वर्गीय मुक्तिका लागि जीवन आहुति दिने एक हजार तीन सय मधेसका सहिदसहित मधेस मुक्तिका लागि ज्यान गुमाउने सबै सहिदका सपनाको जिम्मेवारी पनि अब माओवादीले लिने प्रतिबद्धता व्यक्त गरे ।
संघीयता, समावेशिताको बढी आवश्यकता मधेसी समुदायलाई भएको र यसको नेतृत्वकर्ता शक्ति माओवादी भएकाले अब माओवादी र मधेसी जनतको एकता अपरिहार्य र अनिवार्य भइसकेको अध्यक्ष प्रचण्डले जिकिर गरे ।
अन्य प्रदेशमा पहिचानको सवाल कम सम्बोधन भए पनि मधेस प्रदेशको नामाकरण पहिचानबाट भएकोमा गर्व महसुस भएको उल्लेख गर्दै उनले माओवादी र मधेसी जनता एक ठाउँमा केन्द्रित हुने होइन भने प्राप्त उपलब्धि खोसिने खतरा रहेकोतर्फ सचेत रहनुपर्ने बताए ।
‘मधेसी जनता र माओवादीबिच असाध्यै राम्रो सम्बन्ध थियो २०६४ मा । मधेसीको आत्मसम्मान र पहिचान माओवादी लडाइँबाटै भएको हो । सङ्घीयता, गणतन्त्र, समावेशी लोकतन्त्र माओवादीकै कारण प्राप्त भएको हो । तर पछि धेरै षड्यन्त्र भए ।
माओवादी र मधेसी जनताबिचको त्यति राम्रो सम्बन्धलाई कमजोर पार्न धेरै जालझेल भए’, उनले भने, ‘माओवादी कमजोर हुँदा मधेसी जनता पनि कमजोर हुने, मधेसको विकास निर्माण र समृद्धि पनि कमजोर हुने, आत्मसम्मान र पहिचान पनि कमजोर हुँदै गयो । अब माओवादी र मधेसी जनताको एकता बलियो बनाउनुपर्यो । यो देशमा भ्रष्टाचारीलाई निर्मूल पार्नुपर्यो । सुशासन कायम गर्नुपर्यो, मधेसको विकास निर्माण र समृद्धिमा ध्यान केन्द्रित गर्नुपर्यो भनेर म लगायत पार्टीको सिङ्गो नेतृत्व टिम अहिले तराई मधेस अभियानमा आएको छ ।
बज्जिकाञ्चल संवाददाता,१६ गते फागुन ।
मधेश प्रदेशमा स्वास्थ्य क्षेत्रमा कार्यरत सिअहेव र सिअनमी पाँचौ तह संर्घष समितिले आन्दोलनमा जाने निर्णय गर्दै तयारी थालेको छ । शुक्रवार महोतरीको बर्दिवास स्थित उद्योग बाणिज्य संघको सभाहलमा भएको संघर्ष समितिको प्रदेश स्तरीय भेलाले विभिन्न निर्णय गर्दै आन्दोलन सम्मको तयारी थाल्ने निर्णय गरेको छ ।
समितिको संयोजक मोहन साहको अगुवाईमा भएको भेलाले प्रेस सल्लाकार तोक्ने, आफनो प्रतिनिधित्व रहेको सबै संघ संस्थाको अधिवेशनहरु बहिष्कार गर्ने, ज्ञापन पत्र तथा दबाब मुलक कार्यक्रमलाई निरन्तरता दिने, संघर्ष समितिको विस्तार गर्ने देखि आन्दोलनको रुपरेखा तयार र अर्थ व्यवस्थापन सम्मको निर्णय गरेको हो ।
आन्दोलनका कार्यक्रममा उनीहरुले सात दिने अल्टिमेटम, कालोपट्टी बाँधेर काम, विभिन्न निकाय देखि प्रधानमन्त्री सम्मलाई ज्ञापन, कोणसभा प्रचार प्रसार, मुख्यमन्त्री कार्यालय र प्रदेशसभा अगाडि धर्ना तथा प्रदर्शन हुदै अनिश्चित कालिन धर्ना सम्म गर्ने निर्णय गरेको महासचिव सन्तोष कुमार साहले बताए ।
सो भेलाबाट मोहन साह नेतृत्वको संर्घष समितिलाई विस्तार गर्दै ३७ सदस्सीय बिस्तार गरिएको छ । सहसंयोजकमा रुबी यादव, अमृत यादव, महासचिव सन्तोष कुमार साह, सचिव अर्चना झा, कोषाध्यक्ष रामदेव कापर, सहकोषाध्यक्ष प्रियंका भारती चयन भएका छन् भने प्रमुख सल्लाहकारमा ललन कुमार साह, कानुनी सल्लाहकारमा नन्द कुमार ठाकुर र प्रेस सल्लाहकार प्रवक्ता रामदेव कापर नियुक्त भएका छन् ।
सिअहेव र सिअनमी पाँचौं तहका उनीहरु देशका अन्य ६ प्रदेशहरुमा संघिय सरकारबाट आफुहरुको २ तह बढुवाको बाटो खुल्ला रहेपनि मधेश प्रदेश सरकारले ल्याएको मधेश प्रदेश स्थानिय सेवा गठन तथा सञ्चालन ऐन २०८१ मा तर भनेर उल्लेखित बाध्यात्मक वाक्यांश (तर कर्मचारी समायोजन ऐन २०७५ बमोजिम समायोजन भएका स्वास्थ्य कर्मचारीहरुको बढुवा पाइसकेपछि एसै ऐन बमोजिम मात्र स्तर वृद्वि गरिने छ । ) लाई टेक्दै मधेश लोकसेवा आयोगले सोहि अनुसारको व्याख्या गरेर राय परामर्श माग्दै प्रक्रिया रोकेकाले सुरुवाती चौथो तहबाट सेवा थालेकाहरु बिचल्लीमा परेको उनीहरुको तर्क छ ।
उनीहरुको सो अवरोध संसोधनका लागि चारमन्त्रीहरु गृह सञ्चार तथा कानुन मन्त्री राजकुमार लेखीको नेतृतवमा मन्त्रीहरु रानी शर्मा तिवारी, शेषनारायण यादव र त्रिभुवन साह सम्मिलत परामर्श समिति समेत बनेको तर काम अगाडि नबढाएपछि उनीहरु शसंकित हुदै आन्दोलनमा जान लागेको समितिका सद्स्य कौस्तुभमणी साहलेबताए ।
प्रेमचन्द्र झा,राैतहट,फाल्गुन १६ गते
राैतहट । भाैतिक पुर्वाधार तथा यातायात मन्त्रालय काठमाण्डाैको आर्थिक सहयोग तथा नेपाल निर्माण व्यवसायी महासंघद्वाराआयोजित
कन्ट्रक्सन मैनेजमेन्ट सम्बन्धि दुई दिने तालिम शुक्रबार सिया पैलेस होटेल गाैरमा सम्पन्न भएकाे छ। तालिम समापनको अवसरमा सहभागीलाई प्रमाणपत्र हस्तान्तरण गर्न आयोजित कार्यक्रममा प्रमुख अतिथिको रुपमा बाेल्दै महासंघका केन्द्रीय सह कोषाध्यक्ष सन्तोष साहले सिकेका कुरा व्यहारमा उतार्न अनुराेध गरेका थिए ।
नेपाल निर्मांण व्यवसायी संघ राैतहटका अध्यक्ष कृष्णदेव यादवकाे अध्यक्षतामा भएको कार्यक्रममा
बारा जिल्ला अध्यक्ष सुरेन्द्र जयसवाल ,
प्रदेस सदस्य विकास विक्रम नेपाल ,उपाध्यक्ष उपेन्द्र यादव ,प्रमोद कुसवाहा ,विक्रान्त नेपाल, अरविन्द जयसवाल, प्रमाेद यादव, सराेज यादव,राजेश झा ,ईन्जिनियर आशुतोष कुमार सिह,निर्मल अर्याल सहितका वक्ताले राष्ट्र निर्माण का अभिभारा बाेकेका सम्पुर्ण निर्माण व्यवसायीका हितमा यस्ता कार्यक्रम गरि राख्न सुझाव दिएका छन । तालिमका प्रशिक्षक प्राध्यापक राजेन्द्रप्रसाद अधिकारीले भेरीएसन,ठेक्का अन्त,भ्याट ,टिडिएस, बैक ग्यारेन्टी, मेजरमेन्ट, ठेक्का राखि राख्ने औचित्य लगायत विषयमा प्रशिक्षण दिएका थिए । उक्त तालिममा राैतहटका सतरी जना निर्माण व्यवसायीको सहभागीता रहेको थियो।
मुकेश कुमार साह,रौतहट,१५ गते फाल्गुण ।
रौतहटको चन्द्रपुर नगरपालिका-४ मा रहेको चन्द्रोदय बचत तथा ऋण सहकारी संस्था लि. को १७ औं स्थापना दिवस सम्पन्न भएको छ । सहकारीका अध्यक्ष बसन्त कुमार आचार्यको अध्यक्षतामा आयोजित स्थापना दिवस कार्यक्रमको उद्घाटन नेफस्कुन मधेस प्रदेशकी संचालक सदस्य शोभा राउतले गर्नुभएको थियो । कार्यक्रमलाई सम्बोधन गर्नुहुदै प्रमुख अतिथि राउतले
सहकारी संस्थाहरू समाजको आर्थिक तथा सामाजिक विकासमा महत्वपूर्ण भूमिका खेलिरहेको बताउनुभयो । चन्द्रोदय साकोसले १७ वर्षको यात्रामा बचत तथा ऋण व्यवस्थापन मात्रै नभई समुदायको सशक्तीकरण र सामाजिक उत्तरदायित्वमा पनि उल्लेखनीय योगदान पुर्याएको उहाँले बताउनुभयो । सहकारी अभियानलाई अझ सशक्त बनाउन आगामी दिनमा नयाँ र प्रभावकारी कार्यक्रमहरू ल्याउनेमा आफु विश्वास्त रहेको राउतको भनाई रहेको थियो । कार्यक्रममा सहकारीका अध्यक्ष आचार्यले चन्द्रोदय साकोसको १७ वर्षे यात्राबारे प्रकाश पार्दै आगामी दिनहरूमा मानव सेवा तथा सदस्यहरूको आत्मनिर्भरतातर्फ कटिबद्ध भएर अघि बढ्ने प्रतिबद्धता व्यक्त गर्नुभएको थियो । कार्यक्रममा सहभागी अतिथिहरूले सहकारी क्षेत्रको महत्व र चन्द्रोदय साकोसको योगदानको चर्चा गर्दै शुभकामना मन्तव्य व्यक्त गरेका थिए । कार्यक्रमको अवसरमा सहकारी अभियान,शिक्षा,स्वास्थ्य,खेलकुद,कोरियोग्राफी तथा अन्य क्षेत्रहरूमा योगदान दिने विभिन्न व्यक्तित्वहरूलाई सम्मान गरिएको थियो । रौतहट बचत तथा ऋण सहकारी संघका अध्यक्ष बिभु पोखरेल,चन्द्रपुर नगरपालिकाका सहकारी शाखा प्रमुख नसरे शेख आलम, श्री जनजागृति माध्यमिक बिद्यालयका प्रधानाध्यापक शत्रुधन प्रसाद साह, चन्द्रपुर अस्पताल प्रा लि का संचालक डा. सुवास चौधरी, चन्द्रपुर अस्पतालका चिकित्सक डा.रामजि राम, तेक्वान्दो खेलाडी केनिस खड्का,कोरियोग्राफर आशिष लामा, चन्द्रोदय साकोसका कर्मचारी शुभ नारायण चौधरी लगायतलाई प्रशंसा पत्र तथा सम्मान प्रदान गरिएको थियो । कार्यक्रममा रौतहट बचत तथा ऋण सहकारी संघका अध्यक्ष बिभु पोखरेल,नेफस्कुन सदस्य सेवा कार्यालय हरिवन सर्लाही उपसमिति सदस्य देव बहादुर सापकोटा,चन्द्रपुर नगरपालिका वडा नं. ५ का अध्यक्ष निलहरी कोइराला, चन्द्रपुर वडा नं. ६ का वडा अध्यक्ष सहदेब केसी,राष्ट्रिय सहकारी बैंक चन्द्रपुर शाखा प्रमुख रुपा थापा,नेपाल पत्रकार महासंघ रौतहटका अध्यक्ष संजय कार्की,बिन्दबासिनी साकोसका अध्यक्ष गोबिन्द कोइराला,सृष्टि साकोसका अध्यक्ष राम विश्वास पासवान,नव विकास साकोसका अध्यक्ष राजेन्द्र तिवारी,बागमती साकोसका अध्यक्ष समीर बाबु कार्की,संकल्प साकोसका अध्यक्ष गणेश पौडेल लगायत विभिन्न सहकारी संस्थाका अध्यक्ष तथा प्रतिनिधिहरूको सहभागिता रहेको थियो । कार्यक्रममा संस्थाका वरिष्ठ उपाध्यक्ष बासुदेव अधिकारीले स्वागत मन्तव्य दिनुभएको थियो भने संस्थाका प्रमुख व्यवस्थापक कृष्ण लाल थापाले कार्यक्रम संचालन गर्नुभएको थियो ।
रौतहट । रौतहटको मौलापुर नगरपालिका स्थित पतौराधाममा आयोजित मधानी महायज्ञको अन्तिम दिन प्राचिन खेल दंगल (कुस्ती) कार्यक्रमसंगै सम्पन्न भएको छ । दंगल कार्यक्रममा नेपाल र भारतका पुरुष र महिला चर्चित पहलवानहरुको विशेष सहभागिता रहेको छ ।
नेपालको बिभिन्न ठाउँका पहलवानहरु त्रिलोकी यादव, बाब हरिओम, नमर्ता, मोकतार अली अनुठा साह पतौराधामको दंगल कार्यक्रममा सहभागि छन् । यस्तै भारतको केरलाबाट कटपा पहलवान, हलचल पहलवान, उतराखण्डबाट मेन्टल पहलवान, अजगर पहलवान, भुकम्प पहलवान, जम्मु कश्मीरबाट जावेद अली, यामिन पहलवान सहभागि छन् ।
यसैगरी झारखण्डबाट एप्पल पहलवान, गोरखपुरबाट खुशी पहलवान, गोपलगंज बिहारबाट पायल पहलवान, हरियाणाबाट काजल पहलवान, बंगालबाट हुकुम सिंह, धमाका पहलवान, बनारसबाट प्रिन्स पहलवान सहित स्थानीय पहलवानको समेत सहभागिता रहेको छ ।
मौलापुर नगरपालिकाका उपमेयर नागेन्द्र यादवको अध्यक्षता र मेयर रिनाकुमारी साहको प्रमुख आतिथित्यमा भएको दंगल कार्यक्रम हेर्न हजारौंको सहभागिता रहेको छ ।
मौलापुर नगरपालिका पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित सुरु भएको मधानी महायज्ञ पाँच दिनसम्म बिभिन्न कार्यक्रम सहित सम्पन्न भएको छ ।
मौलापुर नगरपालिकाको आयोजना भएको मधानी महायज्ञ पाँच दिनसम्म बिभिन्न कार्यक्रम भएको थियो । ११ फागुनमा बिभिन्न विद्यालयका विद्यार्थीहरुले शिक्षा÷साक्षारत केन्द्रीत सांस्कृतिक कार्यक्रम प्रस्तुत गरेका थिए । १२ गते भगवान शिवको बरात यात्रा निष्केको थियो भने १३ गते शिवमन्दिरमा विशेष पुजा भएको थियो र शिवमण्डलीका बीचमा नै प्रतिस्पर्धा भएको थियो । यस्तै १४ गते मधानी विशेष सांस्कृतिक कार्यक्रम भएको थियो । जसपामा नेपाल र भारतका चर्चित कलाकारहरुले आफ्नो प्रस्तुती राखेका थिए । १५ गते मधानी विशेष दंगल कार्यक्रमसंगै महाधानी महोत्सव सम्पन्न भएको हो ।
मधानी महायज्ञमा नेपाल र भारतका लाखौं दर्शनार्थीहरुको सहभागिता भएको थियो । पतौराधाममा थामिनसक्नु भिड देखिन्थ्यो । यसले व्यापारका साथै नेपाल–भारतको सम्बन्ध समेत बलियो बनाउँने विश्वास मेयर साहले व्यक्त गरेकी छन् ।
‘मधानी महायज्ञमा नेपाल सहित भारतका दर्शनार्थीहरुको भिड लागेको छ । यसले दुबै देशको सम्बन्ध अझै बलियो बनाउँने विश्वास छ । मधानी महायज्ञ नेपाल–भारत सम्बन्धको सेतु बनेको छ’, मौलापुर नगरपालिकाका मेयर साहले भनिन् ।
प्रत्येक बर्ष भगवान शिव पार्वतीकोको विवाह उत्सवको रुपमा मनाईने मधानी महायज्ञले धर्म, संस्कृतिको संरक्षण समेत हुने गरेको मेयर साहले जनाएकी छन् । नेपाल र भारतका लाखौं दर्शनार्थीहरु दर्शन गर्न यहाँ आउँने भएकाले त्यसले दुई देशको सम्बन्ध अझै बलियो बनाउँने विश्वास उनले व्यक्त गरिन् ।
मधानी महायज्ञमा निष्केको भगवान शिवको बरात यात्रालाई आम जनता पार्टी (आजपा)का अध्यक्ष एवं पूर्वमन्त्री प्रभु साहले स्वागत गरेका थिए । कार्यक्रममा भोजपुरी सिने जगतका लेखक, निर्माता तथा पूर्वमन्त्री बिनय बिहारी, ‘डायरी अफ मणिपुर’ फिल्मका निर्देशक सनोज मिश्र, भोजपुरीका चर्चित गायक एवं अभिनेता रितेश पाण्डेको मधानी विशेष सांस्कृतिक कार्यक्रममा विशेष प्रस्तुती रहेको आयोजकले जनाएको छ ।
यसैगरी मधानी महोत्सवमा महाकुम्भ मेलाका भाईरल गर्ल मोनालिसा सहित भोजपुरी कलाकारहरु मिंटुवा, गायक सुनील पंडित, नेपाली गायक गौरभनारायण राई, भोजपुरीका कलाकार, प्रिया सुहानी सहित स्थानीय कलाकारको समेत विशेष प्रस्तुती रहेको थियो ।
आरके श्रीवास्तव,गरुडा,१५ गते फागुन ।
रौतहट । डिभिजन वन कार्यालय रौतहटले सूचना दिन आनाकानी गरेपछि चुरे अभियानीहरुले आक्रोशित व्यक्त गरेका छन् । उनीहरुले आज वन कार्यालय अगाडी पत्रकार सम्मेलन गरी आफूहरुले माग गरेको सूचना समयमा उपलब्ध नगराए कडा रुपमा प्रस्तुत हुने चेतावनी समेत दिएका छन् ।
सूचना माग गरेको तिन हप्ता वित्नै लाग्दा समेत उपलब्ध नगराएको उनीहरुले गुणासो गरेका छन् । जनतालाइ सहुलियत दरमा दिने भनिएको काठ वितरण भएको सम्बन्धमा नै आफूले विवरण माग गरेको चुरे तथा वन जंगल संरक्षण अभियान नेपालका अभियन्ता नन्दकिशोर रामले बताएका हुन् । काठहरु कसलाइ कुन प्रक्रियाले वितरण गरिएको यो सम्बन्धि बुुझनका लागि लागि आफूहरुले निवेदन दिएको उनको भनाइ छ ।
डिभिजन वन कार्यालय बाट उपभोक्तालाइ काठ दिन आपूर्ती नखुलाए पनि काठ गायब हुन थालेपछि दिनहुु काठ कहाँ गइरहेको छ भने जानकारी लिन लाइ निवेदन दिएको रामको भनाइ छ । समयमा सूचना उपलब्ध नगराए आफूहरुले कार्यालयको मूलगेटमा धर्नामा बस्ने चेतावनी समेत अभियानी रामले दिएका छन् ।
सूचनाको बारेमा डिभिजनल वन अधिकृतलाइ सम्पर्क गर्दा फोन नउठाइ दिने कुनै जवाफै नदिने जस्ता गतिवीधिहरु गर्न थालेपछि आफूहरुलाइ बाध्य भएर पत्रकार सम्मेलन गर्नुपरेको उनले बताए ।
व्यक्तिगत अध्यन प्रयोजनको लागि सूचना माग गरिएको छ । त्यो दिन आनाकानी गर्नु कारण केही नकेही कमजोरी त्यस भित्र रहेको उनको आरोप छ । यस विषयमा बुुझन डिभिजन वन कार्यालय रौतहटका डिभिजनल वन अधिकृत हेमन्त प्रसाद साहलाइ सम्पर्क गर्दा फोन उठाउनु भएन् ।
मुकेश कुमार साह,रौतहट १४ फाल्गुन ।
रौतहट जिल्लामा बिना अनुमति सञ्चालन भइरहेका औषधी पसलहरू विरुद्ध औषधी व्यवस्था विभाग शाखा कार्यालय वीरगंजको टोलीले कडा कारबाही थालेको छ। अनुगमनका क्रममा चन्द्रपुर क्षेत्रमा मात्र आधा दर्जनभन्दा बढी औषधी पसलमा तालाबन्दी गरिएको छ भने अनुगमन टोली आइपुग्नासाथ कैयौं व्यवसायी पसल छाडेर भागेका छन् ।
औषधी व्यवस्था विभाग शाखा कार्यालय वीरगंजका प्रमुख अरविन्द बानियाको नेतृत्वमा आएको टोलीले चपुर सिटी अस्पतालको औषधी पसल, डल्फिन फार्मेसी, आयु मेडिकल हल लगायतका पसलमा ताला लगाएको हो। बिना दर्ता सञ्चालन भइरहेका यी पसलहरूलाई पटक–पटक आग्रह गर्दा पनि कानुनी प्रक्रिया पूरा नगरेकाले बाध्य भएर कारबाही गरिएको अनुगमन टोलीले जनाएको छ।
अनुगमनका क्रममा हाईवे ट्रमा सेन्टरभित्र सञ्चालित औषधी पसलसमेत बिना दर्ता भेटिएको छ। सो पसललाई ७ दिनभित्र दर्ता गर्न चेतावनी दिइएको छ। त्यस्तै, हिमालय मेडिकल हल लगायत अन्य औषधी पसललाई पनि कानुनी कागजात नवीकरण गर्न सात दिनको समयसीमा तोकिएको छ।
सरकारको छड्के अनुगमनपछि स्थानीयबासीले अब स्वास्थ्य सुरक्षामा खेलबाड नगर्न सम्बन्धित निकायलाई चेतावनी दिएका छन्। चन्द्रपुरका समाजसेवी नविन चौरसिया भन्छन्, “अस्पतालको नाममा अवैध औषधी बेचेर जनताको स्वास्थ्य जोखिममा पार्नेहरूलाई उन्मुक्ति दिनुहुँदैन, सरकारले अझै कडा कारबाही गर्नुपर्छ।”
त्यस्तै, स्थानीय व्यवसायी डा. सुभाष चौधरी भन्छन्, “हामी कानुनी रूपमा पसल सञ्चालन गरिरहेका छौं, तर केही अवैध औषधी पसलेहरूले हाम्रो व्यवसायलाई नै बदनाम गरिरहेका छन्, यस्ता पसललाई तत्कालै बन्द गरिनुपर्छ।”
मौलापुरस्थित पटेल मेडिकल हलका सञ्चालक ओमप्रकाश पटेलविरुद्ध जिल्ला अदालत गौरमा मुद्दा दर्ता गरिएको छ। पटेलले बिना दर्ता औषधी पसल सञ्चालन गर्नुका साथै गैरकानुनी औषधी बिक्री वितरण गरेको पुष्टि भएपछि औषधी ऐन २०३५ अनुसार कारबाही अघि बढाइएको अनुगमन टोलीले जनाएको छ।
तीन दिनभित्र मात्र रौतहटका २ दर्जनभन्दा बढी औषधी पसलको अनुगमन गरिएको छ। अनुगमन टोलीले बौधीमाइ नगरपालिका, कोपवा स्थित २ वटा औषधी पसलमा सिलबन्दी गरेको छ।
औषधी व्यवस्था विभागका प्रमुख बानियाले स्वास्थ्य सुरक्षालाई गम्भीर रूपमा असर पुर्याउने अवैध औषधी पसलहरूलाई कुनै पनि हालतमा उन्मुक्ति नदिइने बताउँदै, औषधी ऐन २०३५ अनुसार कडा कारबाही गरिने स्पष्ट गरेका छन्।
मधेस प्रदेश सरकारले अवैध औषधी कारोबार नियन्त्रणका लागि थप कडा नीति लिने तयारी गरिरहेको छ भने यो अभियानलाई निरन्तरता दिइने अनुगमन टोलीले जनाएको छ।
आरके श्रीवास्तव,गरुडा, १४ गते फागुन ।
रौतहट । रौतहट जिल्लाको प्रसिद्ध शिवनगर महादेव मन्दिरमा आज महाशिवरात्रीको दिन दर्शनार्थीको अत्यधीक घुुँईचो लागेको देखिएको छ । जिल्लाको गरुडा नगरपालिका वडा नम्बर ५ मा अवस्थित भोलेबाबाको मन्दिरमा दर्शनार्थीहरुको भिड लागेको हो ।
महाशिवरात्रीको अवसर पारेर यति ठुलो संख्यामा मानिसहरुको भिडभाड देखिएको हो ।
धार्मिक तथा ऐतिहासिक स्थलको रुपमा रहेको शिवनगर महादेव मन्दिरमा थेग्न नसक्नेगरी दर्शनार्थीको घुुँईचो लागेको थियो । लाखौंको संख्यामा आएका दर्शनार्थीको सुरक्षाको मध्य नजरगरी बाक्लो संख्यामा जनपद प्रहरी,सशस्त्र प्रहरी र नगर प्रहरी खटाइएको गरुडा नगरपालिका वडा नम्बर ५ का वडा अध्यक्ष रामबिनोद जयसवालले जानकारी गराएका हुन् । सिसिटिभि केमरा बाट निगरानी गरिएको गरिएको जयसवाल बताउँछन् ।
प्रचारप्रसार विना नै यति धेरै संख्यामा मानिसहरु भिडको मुख्य कारण भगवान भोलेनाथ प्रतिको आस्था र विश्वास रहेको उनले बताएका हुन् । उनी भन्छन् परम्परादेखि नै शिवनगर महादेव मन्दिर आम नागरिकको आस्थाको केन्द्रविन्दुु रहेका छ । आस्थाले नै मान्छेको मन जित्ने भएकोले नै यति ठूलो संख्यामा दर्शनार्थीहरु यहाँ आउने गर्दछन् ।
बुधवार लागेको मेलामा कुनै किसिमको अप्रिय घटना नभएको र शान्तिपूर्ण तरिकाले मेला सम्पन्न भएको जयसवालले बताएका छन् ।
महाशिवरात्री पर्वको अवसरमा शिवनगरमा लागेको मेलामा रौतहट,सर्लाही,पर्सा,बारा सहित मधेश प्रदेश भरिका साथै सीमावर्ती भारत बाट भक्तजनहरु आएका थिए ।
शिवनगर मन्दिरमा प्रत्येक आईतवार नियमित जल चढाउन दर्शनार्थीहरु त्यहाँ पुग्ने गर्दछन् । दिउँसो सम्म महादेव मन्दिर शिवनगरमा ७० हजार भन्दा बढी भक्तजनले दर्शन गरेको ईलाका प्रहरी कार्यालय गरुडाका डिएसपी राजन कार्कीले जानकारी गराएका हुन् ।
मेला सुुरक्षार्थ जिल्लाभरबाट १ सय २० जना भन्दा नेपाल प्रहरी जनशक्ति परिचालन गरीएको उनले बताएका हुन् ।
