काठमाडौँ ।
नेपाल ए र आयरल्याण्ड वोल्भ्सबीचको टी-२० सिरिजको पहिलो खेल आज हुने भएको छ ।
यसअघि विहिबार हुने तालिका भएपनि बर्षाका कारण खेल हुन नसकेपछि नेपाल क्रिकेट संघ (क्यान) ले नयाँ तालिका सार्बजनिक गरेको थियो ।
जस अनुसार टी- २० सिरिजको पहिलो खेल आज हुने भएको छ । यो खेल टियु मैदानमा अपराहन्न १ बजेदेखि हुने क्यानले जानकारी दिएको छ ।
नयाँ तालिका अनुसार अब नेपाल ए आयरल्याण्ड वोल्भ्ससँग आज पहिलो ३० मार्चमा दोस्रो र अप्रिल १ मा तेस्रो टी-२० खेल खेल्ने छ । त्यसैगरी अप्रिल ३, ५ र ७ मा एकदिवसीय सिरिजका खेल्ने तालिका रहेको छ ।
न्युज कारखाना
काठमाडौँ ।
इण्डियन प्रिमियर लिग (आइपिएल) अन्तर्गत राजस्थान रोयल्सले दिल्ली क्यापिटल्सलाई पराजित गरेको छ ।
गएराती सम्पन्न खेलमा राजस्थान रोयल्सले दिल्ली क्यापिटल्सलाई १२ रनले पराजित गरेको हो ।
राजस्थानले दिएको १८६ रनको लक्ष्य पछाएको दिल्लीले २० ओभरमा ५ विकेट फुमाउदै १७३ रन मात्र बनाएको थियो ।
दिल्लीका लागि डेभिड वार्नरले सर्बाधिक ४९ रन बनाए भने ट्रीस्टान स्टब्सले अविजित ४४ रन बनाएका थिए ।
त्यसैगरी राजस्थानका बलर नान्द्रे बर्गर र युजवेन्द्र चहलले २-२ तथा आभेस खानले एक विकेट लिएका थिए ।
यसअघि टस हारेर पहिला ब्याटिंग गरेको राजस्थानले रियान परागको ४५ बलमा ८४ रनको इनिंगको मद्धतले २० ओभरमा ५ विकेट गुमाउदै १८५ रन बनाएको थियो ।
यो जितपछि राजस्थानले लगातार दोस्रो जित हासिल गरेको छ भने दिल्लीले यस सिजनमा लगातार दोस्रो हार बेहोरेको छ । न्युज कारखाना
काठमाडौं ।
प्रोफेसनल गल्फर भुवन नगरकोटीलाई सात स्ट्रोकको फराकिलो अन्तरमा हराउँदै एमेच्योर सदभाव आचार्यले सूर्य नेपाल गल्फ टुर २०२३-२४ अन्तर्गत छैटौं प्रतियोगिता, सूर्य नेपाल एनपीजीए टुर च्याम्पियनसीपको उपाधि जितेका छन।
अन्तिम दिन ३-अन्डर ६९ को स्कोर सहित समग्रमा १४-अन्डर २ सय ७४ सहित सदभावले तेस्रो पटक टुरको प्रो र एमेच्योर दुवैतर्फको उपाधि आफ्नो नाममा लेखाए। यो सिजन उनले जितेको यो दोस्रो उपाधि हो। जारी सिजन दुई उपाधि जित्ने उनी मात्रै हुन। यसअघि उनले यो सिजन सूर्य नेपाल सेन्ट्रल ओपन र गत सिजन सूर्य नेपाल च्यालेन्जको उपाधि जितेका थिए।
अन्तिम १८ होलको सुरूवातमा प्रो भुवन र सदभावबीच कडा प्रतिस्पर्धा हुने अनुमान गरिएपनि भुवनले ३-ओभर ७५ को खराब प्रदर्शन गरे। समग्रमा ७-अन्डर २ सय ८१ सहित दोस्रो भए। प्रोतर्फ भने उनी पहिलो हुँदै १ लाख ४० हजार हात पार्न सफल भए।
एमेच्योर खेलाडीहरूको दबदबा रहँदा अर्का एमेच्योर विजय श्रेष्ठ आइन्हाउस र प्रो निरज तामाङले संयुक्तरुपमा तेस्रो स्थान बाँडे। उनीहरूले समग्रमा ४-अन्डर २ सय ८४ मा खेल सकाए। आज विजयले १-अन्डर ७१ र निरजले २-अन्डर ७० को प्रदर्शन गरे। प्रोतर्फ दोस्रो भएका निरजले ९६ हजार प्राप्त गरे।
समग्रमा इभन-पार २ सय ८८ मा खेल सकाएका दिनेश प्रजापति प्रोतर्फ तेस्रो भए। उनले आज ३-ओभर ७५ मा खेल सकाए। तेस्रो भएका उनले ७२ हजार नगद हात पारे। यसैगरी समग्रमा ४-ओभर २ सय ९२ सहित सञ्जय लामा र धन बहादुर थापाले प्रोतर्फ संयुक्तरुपमा चौथो स्थान बाँडे। सञ्जयले २-ओभर ७४ र धनले १-अन्डर ७१ को स्कोर निकाले। उनीहरूले जनही ५४ हजार ५ सय नगद पुरस्कार प्राप्त गरे।
रवि खड्काले आज २-ओभर ७४ को स्कोर सहित समग्रमा ५-ओभर २ सय ९३ सहित छैटौं स्थानमा प्रतियोगिता सकाए। छैटौं भएका उनले ४२ हजार ५ सय नगद पुरस्कार प्राप्त गरे। यसैगरी समग्रमा ७-ओभर २ सय ९४ सहित रामे मगर र भुवन कुमार रोक्काले संयुक्तरुपमा सातौं स्थान बाँडे। दुवैले आज २-ओभर ७४ मा खेल सकाए। उनीहरूले जनही ३७ हजार २ सय ५० नगद हात पारे।
धरानका दुई प्रो युवराज भुजेल र बलभद्र राईले समग्रमा ११-ओभर २ सय ९९ सहित नवौ स्थान बाँड्दा जनही ३२ हजार नगद हात पारे। युवराजले आज ८-ओभर ८० र बलभद्रले ४-ओभर ७६ मा खेल सकाए।
प्रो भुवन र सदभावबीच आज खेलको सुरुवात गर्दा सदभावसँग मात्र एक स्ट्रोकको अग्रता रहेको थियो। तेस्रो होलमा भुवनले बर्डी प्रहार गर्दै खेल बराबरीमा ल्याएका थिए। तर छैटौं होलमा भुवनले बोगी प्रहार गर्दा सदभावले एक सट बचाए। छैटौं होलको समाप्तीमा सदभावले दुई स्ट्रोकको अग्रता बनाए। टर्निङ प्वाइन्ट भने सातौं होल बन्यो।
भुवनले दोस्रो सट पोखरीमा खस्यो। त्यहाँबाट हानेको प्रहार पुनः पानीमै पुग्यो। र उनले यो होलमा डबल बोगी खेप्दा सदभावले चार स्ट्रोकको अग्रता बनाए। यसपछि आठौं र नवौं होलमा फेरि एक-एक सट गुमाउँदा भुवनले फ्रन्ट नाइन ४-ओभर ४० मा सकाए। सदभावले १-अन्डर ३५ मा फ्रन्ट नाइन पुरा गरे। फ्रन्ट नाइन सकिंदा सदभावले भुवनलाई ६ स्ट्रोकले पछि पारिसकेका थिए।
बोगी रहित खेलेका सदभावले १२औं र १७औं होलमा बर्डी प्रहार गरे र ब्याक नाइन २-अन्डर ३४ मा सकाए। यसरी सहजै सदभाव च्याम्पियन बन्दै फेरि एक पटक प्रो गल्फरहरूलाई माथ दिन सफल रहे।
लगातार तीन दिनका लिडर भुवनले अन्तिम दिन संघर्ष गरे र ब्याक नाइन १-अन्डर ३५ मा सकाए। १३औं, १४औं र १८औं होलमा बर्डी प्रहार गरे भने १५औं र १६औं होलमा एक-एक सट बचाए। यसरी भुवनले समग्रमा दोस्रो र प्रोतर्फ पहिलो स्थान प्राप्त गरे।
एमेच्योर विजयले टुरमा करियरकै उत्कृष्ट प्रदर्शन गरे। उनले फ्रन्ट नाइन इभन-पार ३६ मा सकाए। पहिलो र पाँचौं होलको बोगी विरूद्ध तेस्रो र सातौं होलमा एक-एक सट बचाए। यसपछि ११औं होलको बर्डीले ब्याक नाइन १-अन्डर ३५ मा सकाए। सूर्य नेपाल गल्फ टुरमा उनी पहिलोपट एमेच्योरतर्फ दोस्रो भए।
धरानका निरजले चौथो होलमा बोगी प्रहार गरे भने पहिलो, तेस्रो र नवौं होलमा बर्डी प्रहार गर्दै फ्रन्ट नाइन २-अन्डर ३४ मा पुरा गरे। यसपछि १४औं र १५औं होलमा एक-एक सट बचाए भने १६औं र १८औं होलमा बोगीको सामना गर्दै ब्याक नाइन इभन-पार ३६ मा सकाए।
कुल ८ लाख ४० हजार नगद पुरस्कार राशी रहेको प्रतियोगितामा कट बनाएका २३ प्रो गल्फर मध्ये उत्कृष्ट २१ गल्फरले नगद पुरस्कार प्राप्त गरे। विजयी खेलाडीहरुलाई सूर्य नेपाल प्रालिका भाइस प्रेसिडेन्ट (मार्केटिङ) दीप्रा लाहीरी र नेपाल गल्फ संघका अध्यक्ष टासी घलेले पुरस्कार वितरण गरे ।न्युज कारखाना
काठमाडौं ।
भारतमा हुने बरोडा र गुजरातसँगको फ्रेन्डसिप सिरिज तथा एसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ गरिएको छ ।
विहिबार एक कार्यक्रमबीच युवा तथा खेलकुदमन्त्री विराजभक्त श्रेष्ठ र नेपाल क्रिकेट संघ क्यानका पदाधिकारीले राष्ट्रिय क्रिकेट टिमको बिदाइ गरेका हुन् ।
नेपाली टोली आजै भारत प्रस्थान गरेको छ । नेपाली क्रिकेट टिमले भारतको गुजरात र बरोडासँग भारतको गुजरातको भापीमा टी-२० फ्रेन्डसिप कप खेल्दै छ । मार्च ३१ देखि अप्रिल ७ सम्म हुने यस टी-२० कप त्रिकोणीय सिरिज हुने छ । नेपालले आगामी टी-२० क्रिकेट विश्वकपको तयारी स्वरूप यो फ्रेन्डसिप कप खेल लागेको हो ।
भारतबाटै नेपाल ओमानमा अप्रिल १२ देखि २१ सम्म हुने एसीसी प्रिमियर कप खेल्न जादै छ । न्युज कारखाना
काठमाडौँ ।
नेपाल क्रिकेट संघ (क्यान) ले नेपाल ए र आयरल्याण्ड वोल्भ्सबीचको टी-२० सिरिजको नयाँ तालिका सार्बजनिक गरेको छ ।
आजको लागि तोकिएको टी-२० सिरिजको पहिलो खेल बर्षाले हुननसकेपछि क्यानले नयाँ तालिका सार्बजनिक गरेको हो ।
नयाँ तालिका अनुसार अब नेपाल ए ले मार्च २९, ३० र अप्रिल १ मा आयरल्याण्ड वोल्भ्ससँग टी-२० सिरिज र अप्रिल ३, ५ र ७ मा एकदिवसीय सिरिजका खेल्ने तालिका रहेको छ ।
टी-२० सिरिज खेल्ने नेपाली ए टिम :
विनोद भण्डारी (कप्तान), लोकेस बम, देव खनाल, पवन सराफ, किरण ठगुन्ना, आरिफ सेख, अर्जुन घर्ति, नारायण जोशी, बशीर अहमद, रसिद खान, सागर ढकाल, विपिन खत्री, कमल सिंह ऐरी, हेमन्त धामी र विकास आग्री रहेका छन् । न्युज कारखाना
काठमाडौँ ।
नेपाली राष्ट्रिय क्रिकेट टिमका कप्तान रोहित पौडेलले सरकारले घोषणा गरेको पुरस्कार राशी ५० प्रतिशत अझै नपाएको गुनासो गरेका छन् ।
भारतमा मैत्रीपूर्ण टी-२० खेल्न जानु अघि गरिएको बिदाई समारोहमा कप्तान पौडेलले खेलकुदमन्त्री विराजभक्त श्रेष्ठलाई सरकारले यस अघि घोषणा गरेको पुरस्कार राशि अहिलेसम्म ५० प्रतिशत नपाएको गुनासो गर्दै छिट्टै पाउने आशा व्यक्त गरे ।
रोहितले मन्त्री श्रेष्ठलाई भने- ‘हामी सबै सरकारले हामि सबैलाई रिवार्डको रुपमा रकम दिने तोक्नु भएको थियो । तर अहिलेसम्म ५०-६० प्रतिशत मात्र पाएका छौं । त्यस्तै टी-२० विश्वकपमा छनौट भएको पनि सरकारले पुरस्कार रकम घोषणा गरेको छैन, अझै विश्वकप आउन एक महिना बाँकी छ । तपाइँले यो विषयमा हेर्नु हुने छ भन्ने हामीलाई विश्वास छ ।’
नेपाली क्रिकेट टिमले भारतको गुजरात र बरोडासँग भारतको गुजरातको भापीमा टी-२० फ्रेन्डसिप कप खेल्दै छ । मार्च ३१ देखि अप्रिल ७ सम्म हुने यस टी-२० कप त्रिकोणीय सिरिज हुने छ ।
नेपालले आगामी टी-२० क्रिकेट विश्वकपको तयारी स्वरूप यो फ्रेन्डसिप कप खेल लागेको हो ।
नेपाली क्रिकेट टिम भारतबाटै ओमानमा अप्रिल १२ देखि २१ सम्म हुने एसीसी प्रिमियर कप खेल्न जादै छ । न्युज कारखाना
काठमाडौँ ।
नेपाल ए र आयरल्याण्ड वोल्भ्सबीचको टी-२० सिरिजको पहिलो खेल रद्ध भएको छ ।
लगातारको बर्षाका कारण मैदान खेल्न योग्य नभएपछि आजको खेल रद्ध भएको नेपाल क्रिकेट संघ (क्यान) ले जानकारी दिएको हो ।
टियु मैदानमा हुने यो खेल अपराहन्न एक बजेदेखि शुरु हुने तालिका रहेको थियो ।
नेपाल ए ले मार्च २८ , २९ र ३१ मा आयरल्याण्ड वोल्भ्ससँग टी-२० सिरिज र अप्रिल ३, ५ र ७ मा एकदिवसीय सिरिजका खेल्ने तालिका रहेको छ ।
त्यसअघि नेपालको राष्ट्रिय टिमले आयरल्याण्ड ए सँग दुई टी-२० खेल खेलेको थियो, जसमा दुवै खेल नेपालले जितेको थियो ।
टी-२० सिरिज खेल्ने नेपाली ए टिम :
विनोद भण्डारी (कप्तान), लोकेस बम, देव खनाल, पवन सराफ, किरण ठगुन्ना, आरिफ सेख, अर्जुन घर्ति, नारायण जोशी, बशीर अहमद, रसिद खान, सागर ढकाल, विपिन खत्री, कमल सिंह ऐरी, हेमन्त धामी र विकास आग्री रहेका छन् । न्युज कारखाना
काठमाडौँ ।
बुधबार सनराइजर्स हैदरावाद र मुम्बई इन्डियन्सबीच रोमाञ्चक खेल भएको थियो । हाई भोल्टेज यस खेलमा हार्दिक पाण्ड्याको टोली ३१ रनले हार बेहोरेको थियो ।
यस खेलमा धेरै कीर्तिमान बनेका छन् । प्याट कमिन्सको नेतृत्वमा रहेको टोलीले आईपीएलको इतिहासमा सर्वाधिक रन बनाएको थियो । टोलीले २० ओभरमा तीन विकेट गुमाएर २७७ रन बनाएको थियो । सनराइजर्सले रोयल च्यालेन्जर्स बैंगलोरको ११ वर्ष पुरानो कीर्तिमान तोडेको छ । यो लक्ष्य पछ्याउन मुम्बई इन्डियन्स असफल भयो । पाण्डेयको कप्तानीमा टोलीले २० ओभरमा पाँच विकेट गुमाएर २४६ रन बनाएको थियो ।
आईपीएलमा टिमको सर्वाधिक स्कोरको रेकर्ड
२७७/३ – सनराइजर्स हैदराबाद विरुद्ध मुम्बई इन्डियन्स, हैदरावाद, २०२४
२६३/५ – रोयल च्यालेन्जर्स बैंगलोर विरुद्ध पुणे वारियर्स, बेंगलुरु, २०१३
२५७/५ – लखनऊ सुपर जायन्ट्स विरुद्ध पञ्जाब किंग्स, मोहाली, २०२३
२४८/३ – रोयल च्यालेन्जर्स बैंगलोर विरुद्ध गुजरात लायन्स, बेंगलुरु, २०१६
२४६/५ - चेन्नई सुपर किंग्स विरुद्ध राजस्थान रोयल्स, चेन्नई, २०१०
२४६/५ – मुम्बई इन्डियन्स विरुद्ध सनराइजर्स हैदरावाद, हैदरावाद, २०२४
आईपीएल २०२४ अन्तर्गत खेलिएको यो खेलमा चौका र छक्काको वर्षा भएको थियो । दुवै इनिङ्समा कुल ६९ चौका प्रहार गरिएको थियो । यसअघि चेन्नई सुपर किंग्स र राजस्थान रोयल्सबीचको खेलमा पनि सोही संख्यामा बाउन्ड्री प्रहार भएको थियो । यो खेल सन् २०१० मा चेन्नईमा खेलिएको थियो ।
आइपिएल खेलमा सबैभन्दा धेरै चौका
६९ – चेन्नई सुपर किंग्स विरुद्ध राजस्थान रोयल्स, चेन्नई, २०१०
६९ – सनराइजर्स हैदराबाद विरुद्ध मुम्बई इन्डियन्स, हैदरावाद, २०२४
६७ – पञ्जाब किंग्स विरुद्ध लखनऊ सुपर जायन्ट्स, लखनऊ, २०२३
६७ – पञ्जाब किंग्स विरुद्ध कोलकाता नाइट राइडर्स, इन्दोर, २०१८
६५ – डेक्कन चार्जर्स विरुद्ध राजस्थान रोयल्स, हैदराबाद, २००८
सनराइजर्स हैदरावाद विरुद्ध मुम्बई इन्डियन्सको खेलमा हार्दिक पाण्ड्याको टोलीले लज्जास्पद हार बेहोरे पनि हैदरावादको तुलनामा एक पारीमा बढी छक्का प्रहार गर्ने कीर्तिमान बनाएको थियो । वास्तवमा हैदराबादको इनिङ्समा कुल १८ छक्का प्रहार भएको थियो भने मुम्बईका ब्याट्सम्यानले २० छक्का प्रहार गरेका थिए ।
यसमा रोयल च्यालेन्जर्स बैंगलोरको नाम शीर्षमा छ, जसले सन् २०१३ मा पुणे वारियर्सविरुद्ध २१ छक्का प्रहार गरेको थियो ।
आईपीएलमा टिमको इनिङ्समा सबैभन्दा धेरै छक्का
२१ – रोयल च्यालेन्जर्स बैंगलोर विरुद्ध पुणे वारियर्स, बेंगलुरु, २०१३
२० – रोयल च्यालेन्जर्स बैंगलोर विरुद्ध गुजरात लायन्स, बेंगलुरु, २०१६
२० – दिल्ली क्यापिटल्स विरुद्ध गुजरात लायन्स, दिल्ली, २०१७
२० – मुम्बई इन्डियन्स विरुद्ध सनराइजर्स हैदरावाद, हैदरावाद, २०२४
१८ – रोयल च्यालेन्जर्स बैंगलोर विरुद्ध पञ्जाब किंग्स, बेंगलुरु, २०१५
१८ – राजस्थान रोयल्स विरुद्ध पञ्जाब किंग्स, शारजाह, २०२०
१८ – चेन्नई सुपर किंग्स विरुद्ध कोलकाता नाइट राइडर्स, कोलकाता, २०२३
१८ – सनराइजर्स हैदराबाद विरुद्ध मुम्बई इन्डियन्स, हैदरावाद, २०२४
सनराइजर्स हैदरावाद र मुम्बई इन्डियन्सबीचको खेलमा दुवै टोलीले आ–आफ्नो इनिङ्समा छक्का प्रहार गरेका थिए । यो खेलमा ३८ छक्का प्रहार गरिएको थियो, जुन आईपीएलको इतिहासमा सर्वाधिक हो । यसअघि २०१८ मा आरसीबी र सीएसकेबीच भएको खेलमा ३३ छक्का प्रहार भएको थियो। यो खेल बैंगलोरमा भएको थियो ।
आईपीएल खेलमा सर्वाधिक छक्का
३८ – सनराइजर्स हैदराबाद विरुद्ध मुम्बई इन्डियन्स, हैदरावाद, २०२४
३३ – रोयल च्यालेन्जर्स बैंगलोर विरुद्ध चेन्नई सुपर किंग्स, बेंगलुरु, २०१८
३३ – राजस्थान रोयल्स विरुद्ध चेन्नई सुपर किंग्स, शारजाह, २०२०
३३ – राजस्थान रोयल्स विरुद्ध चेन्नई सुपर किंग्स, बेंगलुरु, २०२३
पहिले ब्याटिङ गरेको सनराइजर्स हैदरावादले २० ओभरमा २७७ रन बनाएको थियो । जवाफमा मुम्बईले २० ओभरमा २४६ रन बनाएको थियो । आईपीएलको आठौं खेलमा दुवै इनिङ्समा अधिकतम रन बनाएका थिए । दुवै इनिङ्सको रन जोडिएमा ५२३ रन बन्यो । यसअघि चेन्नई र राजस्थान रोयल्सबीचको खेलमा ४६९ रन बनेको थियो । यो खेल सन् २०१० मा चेन्नईमा खेलिएको थियो ।
आईपीएलको एक खेलमा सबैभन्दा बढी योगफल
५२३ – सनराइजर्स हैदराबाद विरुद्ध मुम्बई इन्डियन्स, हैदरावाद, २०२४
४६९- चेन्नई सुपर किंग्स विरुद्ध राजस्थान रोयल्स, चेन्नई, २०१०
४५९ – पञ्जाब किंग्स विरुद्ध कोलकाता नाइट राइडर्स, इन्दोर, २०१८
४५८ – पञ्जाब किंग्स बनाम लखनऊ सुपर जायन्ट्स, मोहाली, २०२३
४५३- मुम्बई इन्डियन्स विरुद्ध पञ्जाब किंग्स, मुम्बई, २०१७
यस खेलमा हार्दिक पाण्ड्याको नेतृत्वमा रहेको टोलीले हार बेहोरे पनि आइपिएलको दोस्रो इनिङ्समा सर्वाधिक रनको कीर्तिमान टोलीको नाममा दर्ता भएको छ । २७८ रनको लक्ष्य पछ्याएको मुम्बई इन्डियन्सले दोस्रो इनिङ्समा हैदरावादविरुद्ध पाँच विकेट गुमाएर २४६ रन बनायो।
आईपीएलमा दोस्रो इनिङ्समा सर्वाधिक स्कोर
२४६/५ – मुम्बई इन्डियन्स विरुद्ध सनराइजर्स हैदरावाद, हैदरावाद, २०२४ (हार)
२२६/६ – राजस्थान रोयल्स विरुद्ध पञ्जाब किंग्स, शारजाह, २०२० (जित)
२२३/५- राजस्थान रोयल्स विरुद्ध चेन्नई सुपर किंग्स, चेन्नई, २०१० (हार)२२३/५ – मुम्बई इन्डियन्स विरुद्ध पञ्जाब किंग्स, मुम्बई, २०१७ (हार)
२१९/६ – मुम्बई इन्डियन्स विरुद्ध चेन्नई सुपर किंग्स, दिल्ली, २०२१ (जित)
न्युज कारखाना
काठमाडौँ ।
इण्डियन प्रिमियर लिग (आइपिएल) अन्तर्गत सनराइजर्स हैदरावादले मुम्बई इण्डियन्सलाई पराजित गरेको छ । गएराती सम्पन्न खेलमा सनराइजर्सले मुम्बईलाई ३१ रनले पराजित गरेको हो ।
सनराइजर्सले दिएको २७८ रनको विशाल लक्ष्य पछाएको मुम्बईले २० ओभरमा ५ विकेट गुमाउदै २४६ रन बनाएको थियो ।
मुम्बईका लागि तिलक बर्माले सर्बाधिक ६४ रन बनाएका थिए भने टिम डेभिडले ४२, इशान किशनले ३४,, रोहित शर्माले २६ तथा हार्दिक पाण्डेयले २४ रन बनाएका थिए ।
यसअघि टस हारेर पहिला ब्याटिंग गरेको सनराइजर्स हैदरावादले २० ओभरमा ३ विकेट गुमाउदै २७७ रन बनाएको थियो ।
सनराइजर्सका लागि हेइनरिक क्लासेनले सर्बाधिक ३४ बलमा ८० रन अविजित बनाएका थिए । त्यसैगरी अभिषेक शर्माले २३ बलमा ६३ र ट्राभिस हेडले २४ बलमा ६२ रन बनाएका थिए । त्यसैगरी एडन मार्क्रमले २८ बलमा अविजित ४२ रन बनाएका थिए ।
मुम्बईका लागि हार्दिक पाण्डेय, गेराल्ड कोत्जे र पियुष चावलाले एक एक विकेट लिएका थिए ।
सनराइजर्सले आइपिएलको इतिहासमा अहिलेसम्मको सर्बाधिक टोटल बनाएको छ । यस अघि आइपिएलमा २०१३ मा रोयल च्यालेन्जर्स बैंगलुरुले पुने वारियर्सविरुद्ध २६३ रन बनाएको थियो ।
यो जितपछि सनराइजर्स हैदरावादले दोस्रो खेलमा पहिलो जित हासिल गरेको छ भने मुम्बई इण्डियन्सले भने लगातार दोस्रो हार बेहोरेको छ ।न्युज कारखाना
काठमाडौं ।
एमेच्योर गल्फर सदभाव आचार्यले सूर्य नेपाल गल्फ टुर २०२३-२४ अन्तर्गत छैटौं प्रतियोगिता, सूर्य नेपाल एनपीजीए टुर च्याम्पियनसीपको तेस्रो दिन समग्रमा ११-अन्डर २ सय ५ को उत्कृष्ट स्कोरमा शीर्षस्थानमा रहन सफल भएका छन् । आज २-अन्डर ७० खेलेका सदभावले प्रो भुवन नगरकोटीलाई एक स्ट्रोकले पछि पारेका छन ।
भुवनले आज १-अन्डर ७१ मा खेल सकाउँदा समग्रमा १०-अन्डर २ सय ६ सहित दोस्रो स्थानमा रहेका छन। अन्तिम १८ होलको खेल बाँकी रहँदा उपाधि होडमा सदभाव र भुवनबीच कडा प्रतिस्पर्धा हुने भएको छ ।
समग्रमा ३-अन्डर २ सय १३ को नतिजामा दिनेश प्रजापति र विजय श्रेष्ठ आइन्हाउस संयुक्तरुपमा तेस्रो स्थानमा रहेका छन। आज दिनकै उत्कृष्ट ४-अन्डर ६८ स्कोर कार्ड बनाएका दिनेश नवौं स्थानबाट तेस्रो स्थानमा उक्लिएका हुन। विजयले आज १-ओभर ७३ मा खेल सकाए।
आज १-अन्डर ७१ स्कोर बनाउँदा समग्रमा २-अन्डर २ सय १४ सहित निरज तामाङ पाँचौं स्थानमा छन। एमेच्योर राहुल विश्वकर्मा समग्रमा १-ओभर २ सय १७ सहित छैटौं स्थानमा उक्लिएका छन। उनले आज ३-अण्डर ६९ को कार्ड तयार पारे।
यसैगरी एमेच्योर टासी छिरिङ र प्रो सञ्जय लामाले समग्रमा २-ओभर २ सय १८ सहित सातौं स्थान बाँडे। टासीले १-अण्डर ७१ र सञ्जयले इभन-पार ७२ मा आजको खेल पुरा गरे। समग्रमा ३-ओभर २ सय १९ सहित युवराज भुजेल र रवि खड्का संयुक्तरुपमा नवौं स्थानमा छन। दुवैले आज ४-ओभर ७६ मा खेल पुरा गरे।
लगातार दुई दिनको संयुक्त लिडर भुवनलाई पछि पार्दै एकल अग्रता बनाउने क्रममा सदभावले फ्रन्ट नाइन २-अन्डर ३४ मा सकाए। तेस्रो र छैंटौं होलमा बर्डी प्रहार गर्दै फ्रन्ट नाइन बोगी रहित खेले। यसपछि १४औं होलमा एक सट बचाए पनि १७औं होलको बोगीले ब्याक नाइन इभन-पार ३६ मा सकाए।
भुवनले राम्रो सुरुवात गर्दै फ्रन्ट नाइन ३-अन्डर ३३ मा पुरा गरे। दोस्रो होलमा एक सट खेर फाले। तर यसपछि चौथो, छैटौं, सातौं र नवौं होलमा बर्डी प्रहार गरे। तर यो लयलाई भुवनले निरन्तरता दिन सकेनन। १५औं र १७औं होलमा बोगी खेप्दै ब्याक नाइन २-ओभर ३८ मा सकाए।
दिनेशले फ्रन्ट र ब्याक नाइन दुवै २-अन्डर ३४ मा पुरा गरे। चौथो होलको बोगीका विरूद्ध तेस्रो, सातौं र आठौं होलमा बर्डी प्रहार गरे। यसपछि १०औं र ११औं होलमा पनि एक-एक सट बचाए।
विजयले फ्रन्ट नाइन इभन-पार ३६ मा सकाउने क्रममा तेस्रो र सातौं होलमा एक-एक सट बचाए भने पाँचौ र छैटौं होलमा बोगी खेपे। ब्याक नाइन भने १-ओभर ३७ मा पुरा गरे। विजयले दशौं देखि १२औं होलमा लगातार तीन बर्डीको सफलता प्राप्त गरिसकेका थिए। तर ४-पारको १४औं होलमा ट्रीपल बोगीको समाना गर्न बाध्य हुँदा १७औं होलमा एक सट खेर फाले।
कुल ८ लाख ४० हजार नगद पुरस्कार राशी रहेको प्रतियोगिताको विजेताले १ लाख ४० हजार नगद पुरस्कार प्राप्त गर्नेछन। दोस्रो र तेस्रो हुने गल्फरले क्रमश ९६ हजार र ७२ हजार नगद हात पार्नेछन। कट बनाएका २३ प्रो गल्फर मध्ये उत्कृष्ट २१ गल्फरले नगद पुरस्कार प्राप्त गर्नेछन । न्युज कारखाना
