काठमाडौँ । जारी आइसीसी पुरुष क्रिकेट विश्वकप डिभिजन लिग- २ को सिरिज अन्तर्गत आज नेपाल र ओमानबीच खेल हुदैछ ।
टियु क्रिकेट मैदानमा हुने यस खेलमा नेपालले टस जितेर पहिला ब्याटिंग गर्ने भएको छ । नेपालका कप्तान रोहित पौडेलले टस जितेर पहिला ब्याटिंग गर्ने निर्णय गरेका छन् । योसँगै ओमानले पहिला बलिङ गर्ने भएको छ ।
जारी सिरिजमा नेपालले युएईविरुद्धका दुवै खेलमा जित हासिल गरेको छ भने यसअघिको ओमानविरुद्धको खेलमा हार बेहोरेको थियो । त्यस्तै ओमानले युएईविरुद्धका दुवै खेलमा हार बेहोरेको थियो भने नेपाललाई पहिलो खेलमा पराजित गरेको थियो ।
लिग-२ मा भने ओमान २७ खेलमा ३१ अंकसहित तेस्रो स्थानमा छ । त्यस्तै नेपाल भने २३ खेलमा १६ अंक रहेको छ र सातौं स्थानमा रहेको छ ।
त्यस्तै एकदिवसीय खेलमा नेपाल र ओमान अहिलेसम्म ८ पटक आमने सामने भएका छन् । जसमा ओमानले ५ खेल जितेको छ भने नेपालले ३ खेल जितेको छ ।
आज टिममा दुई परिवर्तन गरिएको छ । आज भीम सार्की र सोमपाल कामीको स्थानमा आसिफ सेख र करण केसीलाई खेलाइएको छ ।
यस खेलमा नेपाली टिममा रोहित पौडेल (कप्तान), दीपेन्द्र सिंह ऐरी (उप-कप्तान), आसिफ सेख, आरिफ सेख, गुलशन झा, करण केसी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल खेल्दैछन् ।एभरेष्ट न्यूज एजेन्सी
काठमाडौँ । कोलकोता नाइट राइडर्सले जारी आइपिएलमा सनराइजर्स हैदरावादलाई पराजित गरेको छ । आइतबार सम्पन्न खेलमा कोलकोताले सनराइजर्सलाई ७ विकेटले पराजित गरेको हो ।
सनराइजर्सले दिएको १६६ रनको लक्ष्य पछाएको कोलकोताले १८.२ ओभरमा ३ विकेट गुमाउदै लक्ष्य पुरा गरेको थियो । कोलकोताको जितमा अंगक्रिस रघुबंशीले सर्बाधिक ५९ रन बनाएका थिए भने कप्तान आजिख्य रहानेले ४३, फिन एलेनले २९ र रिंकु सिंहले अविजित २२ रन बनाएका थिए ।
यसअघि टस जितेर पहिला ब्याटिंग गरेको सनराइजर्सले १९ ओभरमा अलआउट हुदै १६५ रन बनाएको थियो । सनराइजर्सका लागि ट्राभिस हेडले सर्बाधिक ६१ रन बनाएका थिए भने इशान किशनले ४२ रन बनाएका थिएत्यस्तै कोलकोताका बलर वरुण चक्रवर्तीले ३ विकेट लिएका थिए भने सुनिल नारन र कार्तिक त्यागिले २-२ विकेट लिएका थिए ।
यो जितपछि कोलकोताको ९ खेलमा ७ अंक भएको छ र आठौँ स्थानमा रहेको छ । त्यस्तै सनराइजर्सको भने १० खेलमा १२ अंक रहेको छ र तेस्रो स्थानमा रहेको छ । एभरेष्ट न्यूज एजेन्सी
काठमाडौं । जारी आईसीसी वुमेन्स च्यालेन्ज ट्रफीमा आज नेपालले आज भानुआटुसँग खेल्दैछ । आज यो खेल नेपाली समय अनुसार अपराहन्न ४: ४५ बजेदेखि शुरु हुदैछ ।
यसअघि खेलेका ६ खेलमा नेपालले ३ जित र ३ हार बेहोरेको छ । नेपालले अमेरिकासँगका दुवै खेल र भानुआटुसँग हार बेहोरेको थियो भने रुवाण्डालाई दुवै खेलमा र इटालीलाई पराजित गरेको थियो । त्यस्तै भानुआटुले भने ७ खेलमा एक जित र ६ हार बेहोरेको छ । भानुआटुले नेपाललाई मात्र पराजित गरेको थियो ।
यो प्रतियोगिता खेल्ने नेपाली टिममा इन्दु बर्मा (कप्तान), पुजा महतो (उपकप्तान), रुबिना क्षेत्री, बिन्दु रावल, मनिषा उपाध्याय, सम्झना खड्का, रुवि पोद्दार, कविता जोशी, कविता कुँवर, रिया शर्मा, रोमा थापा, सुमन विष्ट, अनु कडायत र रचना चौधरी रहेका छन् । त्यस्तै नेपाली टिमको मुख्य प्रशिक्षक हर्षल पाठक रहेका छन् ।
रुवाण्डा क्रिकेट संघले आयोजना गर्ने पहिलो आइसीसी महिला च्यालेन्ज ट्रफी अप्रिल १८ देखि मे २ सम्म हुदैछ । यस प्रतियोगितामा प्रतिस्पर्धा गर्ने टोलीहरूमा अमेरिका क्षेत्रबाट संयुक्त राज्य अमेरिका, एसियाबाट नेपाल, युरोपेली क्षेत्रबाट इटाली, पूर्वी एसिया-प्रशान्त क्षेत्रबाट भानुआटु र अफ्रिकाबाट आयोजक रुवान्डा रहेका छन् । नेपालले अर्को खेल मे १ मा इटालीसँग खेल्ने तालिका रहेको छ ।एभरेष्ट न्यूज एजेन्सी
काठमाडौँ । सनराइजर्स हैदरावादले जारी आइपिएलमा मुम्बई इण्डियन्सलाई पराजित गरेको छ । गएराती सम्पन्न खेलमा सनराइजर्सले मुम्बईलाई ६ विकेटले पराजित गरेको हो ।
मुम्बईले दिएको २४४ रनको लक्ष्य पछाएको सनराइजर्सले १८.४ ओभरमा ४ विकेट गुमाउदै लक्ष्य पुरा गरेको थियो ।
सनराइजर्सका लागि ट्राभिस हेडले सर्बाधिक ७६ रन बनाएका थिए भने हेइनरिच क्लासेनले अविजित ६५ रन बनाएका थिए । त्यस्तै अभिषेक शर्माले ४५, सालिल अरोराले अविजित ३० तथा नितिश कुमार रेड्डीले २१ रन बनाएका थिए ।
यस अघि टस जितेर पहिला ब्याटिंग गरेको मुम्बईले २० ओभरमा ५ विकेट गुमाएर २४३ रन बनाएको थियो । मुम्बईका लागि रयान रिकेलटनले अविजित १२३ रनको शतकीय पारी खेलेका थिए । त्यस्तै विल ज्याकले ४६ र कप्तान हार्दिक पाण्डेयले ३१ रन बनाएका थिए ।
यो जितपछि सनराइजर्स हैदरावादको ९ खेलमा १२ अंक भएको छ र तेस्रो स्थानमा उक्लिएको छ । त्यस्तै मुम्बईको भने यस सिजनमा यो छैटौं हार हो । मुम्बईको ८ खेलमा ४ अंक रहेको छ र हाक नवौं स्थानमा रहेको छ । आइपिएल अन्तर्गत आज गुजरात टाइटन्स र रोयल च्यालेन्जर्स बैंगलुरुबीच खेल हुदैछ ।एभरेष्ट न्यूज एजेन्सी
काठमाडौँ । नेपाल ओमानसँग फर्किलो अन्तरले पराजित भएको छ । आइसीसी क्रिकेट विश्वकप डिभिजन लिग- २ अन्तर्गतको खेलमा ओमान १०२ रनले विजयी भएको हो ।
ओमानले दिएको ३०६ रनको लक्ष्य पछाएको नेपालले ३६.५ ओभरमा ७ विकेट गुमाएर १५५ रन बनाउदा खेल बर्षाले अवरुद्ध भएपछि खेलको निर्णय डिएलएस मेथडबाट लिइएको थियो ।
नेपालका लागि दिपेन्द्र सिंह ऐरीले सर्बाधिक ६० रन बनाएका थिए भने भिम सार्कीले २८ र आसिफ सेखले १९ रन बनाएका थिए ।
त्यस्तै ओमानका बलर नदीम खानले ३ विकेट लिएका थिए भने शकील अहमदले २ विकेट लिएका थिए ।
यसअघि टस जितेर पहिला ब्याटिंग गरेको ओमानले ५० ओभरमा ८ विकेट गुमाउदै ३०५ रन बनाएको थियो । ओमानका लागि कप्तान जतिन्दर सिंहले सर्बाधिक १३० रन बनाए भने जितेन रमानन्दीले ४३, आर्यन विष्टले ३५ र हमाद मिर्जाले ३० रन बनाएका थिए । त्यस्तै नेपाली बलर सोमपाल कामीले ४ विकेट लिए भने सन्दीप लामिछाने र दिपेन्द्र सिंह ऐरीले २-२ विकेट लिएका थिए ।
यो जितपछि ओमानको २६ खेलमा ३१ अंक भएको छ र हाल तेस्रो स्थानमा रहेको छ । त्यस्तै नेपालको भने लिग- २ मा खेलेका २२ खेलमा १४औं हार हो । नेपालको २२ खेलमा १४ अंक रहेको छ र हाल सातौं स्थानमा रहेको छ ।एभरेष्ट न्यूज एजेन्सी
काठमाडौँ । राजस्थान रोयल्सले जारी आइपिएलमा पञ्जाव किंग्सलाई पराजित गरेको छ । गएराती सम्पन्न खेलमा राजस्थानले पञ्जावलाई ६ विकेटले पराजित गरेको हो ।
पञ्जावले दिएको २२३ रनको लक्ष्य पछाएको राजस्थानले १९.२ ओभरमा ४ विकेट गुमाएर लक्ष्य पुरा गरेको थियो ।
राजस्थानको जितमा डोनोभान फेरेइराले ५२, यशस्वी जैसवालले ५१, वैभव सुर्यबंशीले ४३ रन बनाएका थिए । त्यस्तै पञ्जावका बलर युजवेंद्र चहलले ३ विकेट लिएका थिए ।
यसअघि टस हारेर पहिला ब्याटिंग गरेको पञ्जावले२० ओभरमा ४ विकेट गुमाएर २२२ रन बनाएको थियो । पञ्जावका लागि मार्कस स्टोइनिसले सर्बाधिक ६२ र प्रभसिमरन सिंहले ५९ रन बनाएका थिए ।
यो जितपछि राजस्थानको ९ खेलमा १२ अंक भएको छ र तेस्रो स्थानमा उक्लिएको छ । त्यस्तै पञ्जावको भने यो यस सिजनमा पहिलो हार हो । पञ्जावको ८ खेलमा १३ अंक रहेको छ र शिर्ष स्थानमा कायम छ ।
आइपिएलमा आज मुम्बई इण्डियन्स र सनराइजर्स हैदरावादबीच खेल हुदैछ ।एभरेष्ट न्यूज एजेन्सी
काठमाडौँ । त्रिवि क्रिकेट मैदानको संरचना नभत्किने सरकारले स्पष्ट गरेको छ । सोमबार मन्त्रिपरिषद् बैठकपछि सरकारका प्रवक्ता समेत रहेका शिक्षामन्त्री सस्मित पोखरेलले त्रिवि क्रिकेट मैदानको संरचना नभत्किने स्पष्ट गरेका हुन् ।
उनले लिग एग्रिमेन्ट फेरी हुने बताउदै नभ्त्किने बताएका छन् । उनले भनेका छन्- ‘आज बिहान मेरो त्रिविको उपकुलपतिसहितका पदाधिकारीसँग बैठक बसेको थियो । खाली गराउने उद्देश्य होइन, लिज सकिएकाले नयाँ एग्रिमेन्ट हुन्छ । त्यसमा कुनै समस्या छैन ।’
यसअघि त्रिवि प्रशासनले ३५ दिनभित्र क्रिकेट मैदानका संरचना हटाउन सूचना निकाले पछि यस विषयमा चासो बढेको छ ।एभरेष्ट न्यूज एजेन्सी
काठमाडौँ । जारी आइपिएलमा दिल्ली क्यापिटल्सबाट खेलिरहेका दक्षिण अफ्रिकाका तीव्र गतिका बलर लुंगी एन्गिडी पञ्जाब किंग्सविरुद्धको खेलका क्रममा टाउकोमा चोट लागेपछि एम्बुलेन्समार्फत अस्पताल लगिएको छ ।
शनिबार अरुण जेटली रंगशालामा भएको खेलमा पञ्जाबका ओपनर प्रियान्श आर्याको क्याच लिन प्रयास गर्दा एन्गिडी लडेर टाउको भुइँमा जोडले ठोक्किएको थियो र उनले क्याच पनि छुटाएका थिए ।
घटनालगत्तै उनले टाउकोको पछाडिको भाग समातेर पीडामा देखिएका थिए र मैदानमै लडेका थिए । त्यसपछि खेल केही समय रोकिएको थियो । फिजियो र चिकित्सकको टोली मैदानमा पुगेर उनको उपचार गरेको थियो । पछि घाँटी र टाउकोलाई विशेष सहारासहित स्ट्रेचरमा राखेर एम्बुलेन्समार्फत अस्पताल पठाइएको थियो । एन्गिडीलाई कोटला मैदानबाट राजेन्द्र नगरस्थित म्याक्स अस्पतालसम्म हरित करिडोर सिर्जना गरेर ११ मिनेटमै पुर्याइएको थियो ।
घटनाको करिब एक घण्टापछि दिल्ली क्यापिटल्सले एन्गिडीको अवस्था स्थिर रहेको र छिट्टै अस्पतालबाट डिस्चार्ज गरिने जनाएको छ ।
उनको स्थानमा दिल्लीले कन्कसन विकल्पका रूपमा लेग स्पिनर विप्रज निगमलाई टोलीमा समावेश गरेको थियो । चोट तेस्रो ओभरमै लागेकाले एन्गिडीले बलिङ गर्न पाएका थिएनन्, त्यसैले निगमले पूरा चार ओभर बलिङ गर्न पाउने भएका थिए ।
पहिले ब्याटिङ गरेको दिल्लीले केएल राहुलको अविजित १५२ रनको मद्दतमा २६४ रन बनाएको थियो। तर पञ्जाबले ७ बल बाँकी रहँदै लक्ष्य पूरा गर्दै इन्डियन प्रिमियर लिग इतिहासकै सबैभन्दा ठूलो सफल लक्ष्य पछ्याउने कीर्तिमान बनायो । एभरेष्ट न्यूज एजेन्सी
काठमाडौँ । आइसीसी क्रिकेट विश्वकप डिभिजन लिग- २ अन्तर्गत आजदेखि नेपाल, युएई र ओमानबीचको सिरिज शुरु हुदैछ ।
सिरिजको पहिलो खेलमा नेपाल र युएई आमने सामने हुदैछन् । यस खेलमा युएईले टस जितेर पहिला फिल्डिङ रोजेको छ । जस अनुसार नेपालले पहिला ब्याटिंग गर्ने भएको छ ।
यस खेलमा नेपालको प्लेइङ ११ मा रोहित पौडेल (कप्तान), आशिफ शेख (विकेटकिपर), कुशल भुर्तेल, भिम सार्की , आरिफ शेख, दिपेन्द्रसिह ऐरी, सोमपाल कामी, करण केसी, सन्दिप लामिछाने, बसिर अहमद र ललित राजवंशी रहेका छन् ।एभरेष्ट न्यूज एजेन्सी
वीरगञ्ज । नेपाली राष्ट्रिय क्रिकेट टिमका खेल्दि आदिल आलम बारामा भएको मोटरसाइकल दुर्घटनामा परी घाइते भएका छन् ।
बाराको बम नहर रोड अन्तर्गत थलही पुलमा शुक्रबार उनी सवार मोटरसाइकल अनियन्त्रित भई दुर्घटना भएको हो । दुर्घटनालगत्तै मधेश प्रदेशका पूर्वमुख्यमन्त्री सरोज कुमार यादव घटनास्थल पुगेर घाइते अन्सारीको उद्धारमा सहयोग गरेका थिए ।
अन्सारीलाई तत्कालै उद्धार गरी उपचारका लागि वीरगञ्जस्थित न्युरो अस्पताल पुर्याइएको थियो । अस्पताल भर्ना गरिएका अन्सारीको स्वास्थ्य अवस्था अहिले सामान्य रहेको पारिवारले जानकारी दिएको छ ।एभरेष्ट न्यूज एजेन्सी
