काबुल, २१ असोज ।

इरानको सीमा नजिकै रहेको पश्चिमी अफगानिस्तानमा गएको शक्तिशाली भूकम्पमा परी सयौंको ज्यान गएको र कम्तीमा १ हजार घाइते भएको आशंका गरिएको छ ।

६.३ म्याग्निच्युडको भूकम्प स्थानीय समय अनुसार बिहान ११ बजे पश्चिमी सहर हेरातबाट ४० किलोमिटर टाढा गएको थियो।

धेरै भवनहरू क्षतिग्रस्त भएका छन्, मानिसहरूलाई भग्नावशेषमा फसेका छन् र त्यहाँ कम्तिमा तीनवटा शक्तिशाली अफ्टर शक्सहरू महशुश गरिएको थियो ।

अफिसका भवनहरू पहिले हल्लिए र त्यसपछि तिनीहरूको वरिपरि ढलेका थिए । उनीहरुले त्यो अवस्था आतंकबादी आक्रामण झै महशुश गरेको बताएका छन ।

‘हामी आफ्नो कार्यालयमा थियौं र अचानक भवन हल्लियो। पर्खालको प्लास्टर खस्न थाल्यो र पर्खालमा चर्कियो, केही पर्खाल र भवनको केही भाग भत्कियो,’ हेरात निवासी बशीर अहमदले भने, ‘म मेरो परिवारलाई सम्पर्क गर्न सक्दिन, नेटवर्क जडानहरू विच्छेद भएको छ। म धेरै चिन्तित र डराएको छु, यो डरलाग्दो थियो,’ उनले थपे।

प्रान्तका प्रकोप व्यवस्थापन प्रमुख मोसा अशारीले पत्रकारहरूलाई भने, ‘अहिलेसम्म हाम्रो रेकर्डमा १,००० भन्दा बढी घाइते महिला, बालबालिका र वृद्ध नागरिकहरू समावेश भएका छन् र करिब १२० जनाले ज्यान गुमाएका छन्।’

सो भुकम्पले पुरयाएको क्षतिका बारेमा विस्तृत बिबरण आउन बाँकी रहेको छ ।

युएई, २१ असोज ।

युरोपको भ्रमण पछि आफ्नो कर्मभूमि मध्यपूर्व आइपुगेका गैरआवासीय नेपाली संघ (एनआरएनए) का अध्यक्ष प्रत्याशी राजेन्द्रकुमार (आरके) शर्माले दुबईमा एनआरएनए अभियन्ताहरुलाई सम्वोधन गरेका छन् ।

बिगत सत्र बर्षदेखि आफु बिदेशमा रहेर बिशेष गरेर मध्यपूर्वमा रहँदै गर्दा आफुले पनि बिभिन्न समयमा चाडपर्व मनाउन नपाएको पिडाको महशुस आफुले पनि गरेको शर्माले बताए । ‘म यो अभियानमा हिडदै गर्दा ममतामयी आमा बिरामी पर्दापनि समयमा घर जान सकिन, तपाईहरु पनि यस्तो परिस्थितीबाट गुज्रिनु भएको होला’ भन्दै शर्मा आफ्नो सम्वोधनको क्रममा भावुक रुपमा प्रस्तुत भएका थिए ।

अवको नेतृत्व मध्यपूर्वमा आयो भने मात्र श्रमिकको हक, हितका निम्ति धेरै कार्य गर्न सकिने कुरामा शर्माले जोड दिएका थिए ।

सम्वोधनको क्रममा आफ्ना २४ प्रतिवद्धताहरु दोहोर्याउदै आफु बिजयी भएमा ति प्रतिवद्धताहरु इमान्दारीताका साथ पूरा गर्ने बाचा गर्न आफु दुबईलगाएतका ४० देशको भ्रमणमा पुगी डेलिगेट्स र एनआरएनए  अभियन्तालाई आफ्नो बाचाहरु प्रस्तुत गरेको शर्माले बताए ।

कार्यक्रममा गैरआवासीय नेपाली संघ, अन्तर्राष्ट्रिय समन्वय परिषदका उपाध्यक्ष पदका उम्मेदवारहरु धर्मराज अधिकारी, रोबिन प्रसाद शेरचन, हालका मध्यपूर्व संयोजक एवं आइसीसी सचिव पदका उम्मेदवार मनोज कुमार श्रेष्ठ (गोर्खाली), कोषाध्यक्ष पदका उम्मेदवार ठाकुर प्रसाद ढुंगाना, मध्यपूर्व उपसंयोजक राजु केसी, आइसीसी सदस्य पुष्कर सापकोटा, आइसीसी सदस्य मणी प्रसाद भुर्तेल, एनआरएनए यूएईका अध्यक्ष बिकास शाही, जनप्रगतिशिल मञ्च युएईका अध्यक्ष बाबुराम बिश्वकर्मा, प्रवासी नेपाली मञ्च युएईका महासचिव बाबुराम सापकोटा, नेपाली बिजनेश काउन्सिल कोषाध्यक्ष एकेन्द्र बहादुर थापालगायत बैचारिक संघ संस्थाका प्रतिनिधिहरुले सम्वोधन गर्दै अध्यक्षका प्रत्याशी शर्मा र सम्पूर्ण उम्मेदवारहरुलाई बिजयको शुभकामना दिएका थिए  ।

गत हप्ता बुधवार आफ्नो कर्मभूमि कतारको दोहामा अध्यक्षको उम्मेदवारी दिएपछि शर्मा साउदी अरब हुँदै बहराइन पुगेर युरोप भ्रमणमा निस्केका थिए । युरोपको करिब एक साता लामो भ्रमण सकेर शर्मा शनिवार बिहान दुबई आइपुगेका हुन ।

अध्यक्षको उम्मेदवारीमा आफ्नो समर्थन जुटाउन तथा विश्वका गैरआवासीय नेपाली अभियन्तासँग छलफल र सुझावको लागि शर्माले ४० वटा देशको भ्रमण गरेका छन । असोजको ३० देखि कात्तिक २ सम्म एनआरएनएको विश्व सम्मेलन काठमाडौंमा हुँदै छ । काठमाडौंमा आउनु अगाडि शर्माले आफ्नो कर्मभूमि मध्यपूर्वका अभियन्तासँग छलफल गर्नेछन ।

दुबईमा शर्मालाई गैरआवासीय नेपाली संघ, अन्तर्राष्ट्रिय समन्वय परिषद सदस्य पुष्कर सापकोटा युएईका अध्यक्ष विकास शाही, निवर्तमान अध्यक्ष तथा आइसीसी कोषाध्यक्षका प्रत्याशी ठाकुर ढुंगाना लगायतका अभियन्ताहरूले भब्य स्वागत गरेका थिए । शर्माले पछिल्लो ३ महिनामा ४० देशमा पुगेर आफ्नो पक्षमा समर्थन बटुलिसकेको जनाएका छन् ।

एनआरएनएको आगामी कार्यकालका लागि अध्यक्षमा उम्मेदवारी घोषणा गरेका शर्मा विश्वभरका नेपालीहरुले आफ्नो पक्षमा देखाएको साथ र समर्थनले उत्साहित भएर चुनावी मैदानमा उत्रिएका छन् । आफ्नो उम्मेदवारी, एजेण्डा र प्रतिवद्धता बोकेर तीन महिनादेखि समर्थन जुटाउन विश्व भ्रमणमा निस्किएका शर्मा सबैको सकारात्मक प्रतिक्रिया बोकेर फर्किएका दावी गरेका छन । अध्यक्षमा उम्मेदवारी दिएका अन्य प्रतिष्पर्धी भन्दा धेरै मेहनेत गरेका शर्मा मध्य पुर्वको अधिकांश समर्थन साथमा लिएर अन्य देशमा पुगेका हुन ।

शर्माले अध्यक्ष पद मात्रै प्राप्त गर्ने आफ्नो अभिलाषा नभई योजनाबद्ध रूपमा कार्य गर्ने लक्ष्य सहित आफू संघको नेतृत्व गर्ने अभियानमा लागेको बताएका छन ।

शर्माले आफू अध्यक्षमा निर्वाचित भएपछि २४ वटा बुँदामा मात्रै नभएर त्यसमा आधारित रहेर धेरै काम गर्ने योजना बनाएका छन् । “गैरआवासीय नेपालीको अभियानः स्वदेशमा लगानी, प्रवासमा सम्मान” भन्ने मुल नारा बोकी शर्मा यतिखेर समर्थन जुटाउन चुनावी अभियानमा छन् । विश्व भ्रमणका बेला शर्माले गैरआवासीय नेपालीहरुका समस्यालाई नजिकबाट बुझेको बताएको छन् ।

८६ देशमा फैलिसकेको गैरआवासीय नेपाली संघको महाधिबेशनमा ५८ देशका प्रतिनिधिले सहभागिता जनाउन पाउने भएका छन ।

मध्यपुर्व, मलेसिया, कोरिया  र श्रमिक मैत्री मुलुकको एक मात्र  साझा अध्यक्षका उम्मेदवार रहेका शर्मालाई अधिकांश क्षेत्रका प्रतिनिधिहरुले साथ दिने र सहयोग गर्ने प्रतिवद्धता जनाएका छन् । उनीहरुले ३० लाख श्रमिक रहेको मध्यपुर्व र मलेसियाले एनआरएनए स्थापना भएको २० वर्षमा पनि नेतृत्व नपाउनु दुखद भएको जनाउदै यसपटक शर्मालाई नेतृत्व दिन एनआरएनए डेलिगेटस र अभियन्तालाई आग्रह गरेका छन ।

शर्मा गैरआवासीय नेपाली अभियानमा सन २००५ देखि सक्रिय छन । उनले गैरआवासीय नेपाली संघ, राष्ट्रिय समन्वय परिषद कतारको सल्लाहकारदेखि आइसीसी सदस्य, मध्यपूर्व संयोजक र आइसीसी सचिव भएर काम गरेका छन । हाल उनी संघको आइसीसी उपाध्यक्ष हुन ।

नेपालको बाग्लुङ जिल्लामा मध्यम परिवारमा जन्मिएका शर्मा २० वर्षअघि सन २००३ मा कतार पुगेका थिए । हाल उनी कतार तथा नेपालमा एक सफल नेपाली व्यवसायी र समाजसेवीका रुपमा चिनिन्छन् ।

२० वर्षमा पुगेको गैरआवासीय नेपाली संघले मानवीय कार्यलाई निरन्तरता दिंदै आर्थिक मुद्दामा यो अभियानलाई केन्द्रित गराउनुपर्ने योजना शर्माको छ । यसका लागि शर्माले रेमिट्यान्सको रकम देशको विकासमा लगाउन प्राधिकरणको योजना अगाडि सारेका छन् । जसलाई विश्वभरमा रहेका गैरआवासीय नेपालीको साथ र सहयोग मिलेको छ ।

‘विश्वमा जुनसुकै कुनामा पुगेपनि नेपालीहरुको चाहना र इच्छा एउटै छ’ शर्माले भने, “नेपाललाई छिट्टै समृद्द र विकसित बनाएर फर्कने, यही उद्देश्यको लागि अब हामीहरुले काम गर्नु पर्नेछ ।”

त्रिभुवन अन्तर्राष्ट्रिय विमास्थलमा देश छोड्नेहरुको दृष्य हेर्दा देश नै खाली होला भन्ने चिन्ता बोकेको जनाउँदै शर्माले भने, “यो अवस्था आउन नदिन अब एनआरएनएको नेतृत्वले विशेष कार्य योजना ल्याउनु पर्दछ । म त्यही अभियानमा होमिएको छु ।”

स्थलगत भ्रमणमा पुग्दा त्यहाँका समस्या र समाधानका विषयमा धेरै जानकार भएको शर्माको भनाई छ । श्रमिकका मुद्धा मात्र होइन, नागरिकताका विषय, युवापुस्ता तथा खेलाडीका मुद्धा, महिला तथा लगानीका विषय अनि संस्थाको समग्रका विकासका लागि मार्गचित्र बनेको शर्माको भनाई छ ।

युरोपमा अहिले सिजनल कामदारको अभाव रहेकोले युरोपमा नेपाली कामदार पठाउन सकिने विषय पनि युरोप भ्रमणका क्रममा उठेको छ । युरोपका देशहरुसँग श्रम सम्झौता गर्न नेपाल सरकारलाई आग्रह गर्नुपर्ने विषय पनि उठेको छ ।

विश्वयुद्धको बेला मलेसिया, थाइल्याण्ड, म्यानमारमा पुगेर र उतै बसेका नेपालीहरुलाई पनि गैरआवासीय अभियानमा जोड्नुपर्ने आवाज उठेको छ । त्यस्तै जापान, कोरिया, युरोप, अष्टे«लिया र क्यानडामा नेपाली विद्यार्थीहरुको समयस्यालाई सम्बोधन गर्न एनआरएनएले भूमिका खेल्नुपर्ने एनआरएनहरुले माग गरेका छन् ।

शिक्षाकाठमाडौं, ३ असोज ।

बिधालय शिक्षा बिधेयकको बिरोधमा काठमाडौं केन्द्रित आन्दोलन सुरु भएको छ ।

 मञ्जय राम,रौतहट,भदौ ०८ गते ।

रौतहटको गढिमाइ स्थित रहेको बागमती खोलामा पहिचान नखुलेको एक जना महिलाको शव फेला परेको छ । गढिमाइ नगरपालिका वडा नम्बर १ स्थित समनपुर पुल नजिक बागमती खोला किनारमा करिब ५०÷५५ वर्षको महिलाको शव फेला परेको इलाका प्रहरी कार्यालय गरुडाका डिएसपी ओमप्रकाश खनालले जानकारी गराउनु भयो ।

शवको पहिचान नभएकोले आफन्तलाई सम्पर्क गर्न प्रहरीले अनुरोध गरेको छ । आज शुक्रवार साँझ बाढीले बगाएर ल्याएको अवस्थामा शव फेला परेको प्रहरीको भनाइ छ । घटना स्थलमा प्रहरी पुगेर मुचुल्का उठाउने काम गरिरहेको खनाले बताए । घटनाको सम्बन्धमा थप अनुसंधान भइरहेको जिल्ला प्रहरी कार्यालय रौतहटले जनाएको छ

मञ्जय राम,कटहरिया,साउन २२ गते ।

आज बिहानै देखि रौतहट सहित देशको विभिन्न स्थानमा पार्नी परिरहेको छ । धेरै दिन पछि वर्षा हुँदा राहत महसुस भएको छ । किसानहरूले राहत पाएका छन् । पानी नपर्दा किसानहरू लाई समस्या उत्पन्न भएको थियो । नेपालमा मनसुनी वायुको साथै भारतको बिहार आसपास रहेको न्यून चापीय प्रणालीको प्रभाव रहेको छ। मनसुनको न्यून चापीय रेखा सरदर स्थान भन्दा उत्तरतिर अवस्थित रहेको छ।

जल तथामौसम विज्ञान विभाग, मौसम पूर्वानुमान महाशाखाका अनुसार देशभर सामान्य देखि पूर्ण बदली रही बागमती, गण्डकी र लुम्बिनी प्रदेशका केही र कोशी, कर्णाली र सुदूरपश्चिम प्रदेशका थोरै स्थानहरूमा हल्का देखि मध्यम वर्षा भइरहेको छ । दिउँसो देशभर सामान्य देखि पूर्ण बदली रहनेछ।

सबै प्रदेशका केही स्थानहरूमा हल्का देखि मध्यम वर्षाको सम्भावना रहेको छ। कोशी, मधेश, बागमती, गण्डकी र लुम्बिनी प्रदेशका एक९दुई स्थानमा मेघ गर्जन र चट्याङ्गसहित भारी वर्षाको समेत सम्भावना रहेको छ। राती भने देशभर सामान्य देखि पूर्ण बदली रहनेछ। कोशी, मधेश, बागमती, गण्डकी र लुम्बिनी प्रदेशका केही र बाँकी प्रदेशको थोरै स्थानहरूमा हल्का देखि मध्यम वर्षाको सम्भावना रहेको छ।

कोशी, मधेश, बागमती, गण्डकी र लुम्बिनी प्रदेशका एक दुई स्थानमा मेघगर्जन र चट्याङ्गसहित भारी वर्षाको समेत सम्भावना रहेको छ। कोशी प्रदेशका थोरै स्थानहरूमा हावा हुरीको पनि सम्भावना रहेको छ। सबै प्रदेशका केही स्थानहरूमा हल्का देखि मध्यम वर्षाको सम्भावना रहेको छ। कोशी, मधेश, बागमती, गण्डकी र लुम्बिनी प्रदेशका एक दुई स्थानमा मेघ गर्जन र चट्याङ्गसहित भारी वर्षाको सम्भावना रहेको छ।

यसका कारण नदीको जल सतह बढ्ने, गेग्रान बहाव, बाढी, पहिरो, भू९क्षय तथा हावाहुरी जस्ता प्रकोप हुन सक्ने भएकोले जन स्वास्थ्य, कृषि, दैनिक जनजीवन, सडक तथा हवाई यातायातमा हुन सक्ने असुविधा, जोखिम वा क्षतिबाट बच्न आवश्यक सतर्कता अपनाउन महाशाखाले अनुरोध गरेको छ ।

आरके श्रीवास्तव,राैतहट,साउन २० गते

श्री माध्यमिक बिधालय बैरियाकाे नव निर्मित भवन भब्य समारोहका विच उद्घाटन गरिएको छ । साे नगरपालिकाकाे वडा नम्बर ९ काे नव निर्मित भवनको शनिबार एक भब्य समारोहका बिच उद्घाटन भएको छ । बिधालयका प्रधानाध्यापक हृदयनारायण साहकाे अध्यक्षतामा भएको कार्यक्रमकाे प्रमुख अतिथिकाे रूपमा नगरप्रमुख माे.डा.राजिक आलम रह्नु भएको थियाे । नगरपालिकाको बैरिया टोलमा रहेको बिधालयमा नयाँ भवन निर्माण पश्चात उदघाटन गरिएको हो । आज एक कार्यक्रमका बिच नगर प्रमुख माे. डा.राजिक आलमले समुदघाटन गर्नु भएको थियो ।

राजपुर नगरपालिकाकाे आर्थिक सहयोग बाट करिब २ कराेड ३० लाखको लागतमा १२ कोठे भवन निर्माण भएको राजपुर नगरपालिकाका नि.प्रमुख प्रशासकीय अधिकृत बैजु ठाकुरले जानकारी गराउनु भयो । सो नगरपालिकाको आर्थिक वर्ष २०७९/८० को बजेठ बाट उक्त भवन निर्माण भएको हो । कराेडाैंकाे लागतमा निर्माण सम्पन्न भएको साे भवन तीन तल्ले १२ काेठे भवन रहेकाे छ ।

शिक्षाको उज्यालो घामबाट काेही बालबालिका बञ्चित नहाेस् भन्ने उदेश्यका साथ भवन निर्माण गरिएको राजपुर नगरपालिकाका नगरप्रमुख माे.डा.राजिक आलमले बताउनु भयाे ।

शिक्षालाई विशेष प्राथमिकता राखेर काम गरि रहेको र आगामी वर्ष कृषि विशेष प्राथमिकतामा राखेर काम गर्ने प्रतिबद्धता जनाउनु भयाे । कार्यक्रमलाई सम्बाेधन गर्दै अधिकृत ठाकुरले यति छिटाे नगरकाे विकासकाे लागि सबैले हातेमालो गरि सहयोग गरेर निर्माण कार्य सफल बनाउनु भएकोमा हृदयदेखि धन्यवाद ज्ञापन गर्नु भयाे ।

साे बिधालयमा बालविकास देखि कक्षा १० सम्म बिधार्थी संख्या १३ सय ६५ रहेकाे शिक्षा संयाेजक खुर्सैद आलमले बताउनु भयाे । साे अवसरमा वडा नम्बर ३ हसिन अख्तर ,वडा नम्बर ४ शेख अन्सारूल ,वडा नम्बर ९ का वडा अध्यक्ष नसरूल हक,वडा नम्बर ५ वडा अध्यक्ष कृष्नन्दन राम ,

वडा नम्बर ७ का वडा अध्यक्ष शेख ईन्ताज,माे.ईसलाम कन्स्ट्रक्सनका सञ्चालक माे.जियाउल हक र शेख मसिर लगायत शिक्षक,शिक्षिका,बिधालय व्यवस्थापन समितिका पदाधिकारीहरू,जग्गादाताहरू शेख सताउल रहमान,शेख सहवान मास्टर,शेख निसार अहम,शेख समसुदिन,शेख सफिर अहमद,रामविलास राय यादव लगायत स्थानीय भद्रभलादमीहरूकाे उपस्थिति रहेको नगरपालिकाका राजस्व शाखा प्रमुख हरेन्द्र साहले जानकारी गराउनु भयाे ।

हनुमत कुमार यादव,रौतहट,गते १४ साउन ।

राैतहट जिल्लाको मौलापुर नगरपालिकाको पतौराका आमा र दुई वर्षको बच्चा लाई हत्या गरेको आरोपमा पक्राउ परेका तिन जना पुर्पक्षका लागि गौर कारागार चलान गरिएको छ । शुक्रबार जिल्ला अदालत रौतहटले पुर्पक्षका लागि गौर कारागार चलान गर्ने आदेश दिएको प्रहरी प्रवक्ता डिएसपी उमाशंकर यादवले बताएका छन । मौलापुर नगरपालिका वडा नम्वर ४ पतौरा गाउँका २४ वर्षीया कविता देवी र उनकी २ वर्षीया छोरी आरुही कुमारीलाई गत असार १५ गते बिहान घरमा हत्या गरेर आत्महत्या गरेको देखाउन झुण्डयाएको आरोपमा जिल्ला अदालत रौतहटले पक्राउ परेका तिन जनालाई पुर्पक्षका लागि गौर कारागार चलान गरेका छन् । बालिका आरुहीको शव पंखामा झुन्डिएको अवस्थामा र कविताको शव घरको सिँढीमुनि शंकास्पद अवस्थामा फेला पारे पछी प्रहरीले हत्याको आंशकामा अनुसन्धान अघि बढाएको थियो । घटनापछि मृतक कविताका श्रीमान् धीरेन्द्र साह, सासु मैनादेवी साह र जेठानी निशा देवीलाई प्रहरीले पक्राउ गरी अनुसन्धान गरेकोे थियो । ससुरा नागेन्द्र साह अझै पनि फरार रहेको प्रहरीले बताएका छन । प्रहरीले चारैजना विरुद्ध कर्तव्य ज्यान मुद्दामा अनुसन्धान सकेर अदालतमा पेस गर्दा न्यायाधीश तेजबहादुर खड्काको एकल इजलासले पक्राउ परेकाहरु निर्दोष छन् भन्ने तत्काल आधार नदेखिएकाले पुर्पक्षका लागि कारागार चलान गरिएको छ । मृतक कविताका बुवा रौतहट जिल्ला माधवनारायण नगरपालिका वडा नम्वर ५ मिठुअवाका विजयशंकर साहले ज्वाइँ धिरेन्द्र साह लगायत ४ जनाले हत्या गरेको भन्दै उनीहरु विरुद्ध कर्तव्य ज्यानसम्बन्धी किटानी जाहेरी दिएका थिए । २०७७ मंसिरमा छोरीको विवाह गर्दा उनले ज्वाइँलाई दाइजोमा मोटरसाइकल दिएका थिए । विवाहमा मागे जति सरसामान दाईजो दिए पनि दुई वर्षपछि छोरी मार्फत सुनको सिक्री, औठी र पलङ मागेको र नदिएपछि हत्या गरेको विजय शंकरको आरोप रहेको छ ।

आरके श्रीवास्तव,रौतहट,१४ गते साउन
रौतहट । जिल्लामा आर्थिक वर्ष २०७९/८० मा ८७५ साना उद्योग दर्ता भएका छन् । एक वर्षको अवधिमा घरेलु तथा साना उधोग कार्यालय गौर रौतहटमा ८७५ नयाँ साना उद्योग दर्ता भएका हुन् ।

यस अवधिमा ७५९ घरेलु उद्योगको नवीकरण भएको कार्यालय प्रमुख जयकान्त झाले जानकारी गराए । उनका अनुसार सोही अवधिमा वाणिज्यतर्फ ९४७ नयाँ दर्ता भएका छन् भने १ हजार २ सय ७१ वटाको नवीकरण भएको छ ।

गत आव २०७८÷७९ मा १६९७ साना उद्योग दर्ता भएका थिए । कार्यालय प्रमुख जयकान्त झाका अनुसार सो अवधिमा ५ सय १३ साना घरेलु उद्योगको नवीकरण भएका थिए । वाणिज्यतर्फ १ हजार ६ सय ९२ नयाँ दर्ता भएका थिए भने ८ सय ८५ नवीकरण भएका घरेलु तथा साना उधोग कार्यालय गौर रौतहटले जनाएको छ ।
गत आवको तुलनामा यस आवमा ८२२ साना उधोग दर्ता कम भएको कार्यालय प्रमुख झाले बताउनु भयो । यसको प्रमुख कारण बैंकले ऋण प्रवाह बन्द गर्नु रहेको उनको भनाइ छ । गत आव २०७८÷७९ मा बैंकले ऋण प्रवाह गरिरहेको कारण उधोग दर्तामा बृद्धि भएको थियो ।
कार्यालयका अनुसार आव २०७७÷७८ मा १७२८ साना उधोग र वाणिज्य तर्फ २१४७ दर्ता भएको थियो । सो आर्थिक वर्षमा २ करोड ४८ लाख ६० हजार १ सय राजश्व संकलन भएको थियो ।

कार्यालयले आव २०७९/८० उधोग तर्फ बाट ६७ लाख ५८ हजार २०० र वाणिज्य तर्फ १ करोड २ लाख ७७ हजार ८ सय ५० राजश्व संकलन गरेको छ । यसरी कार्यालयले आव २०७९/८० मा कुल १ करोड ७० लाख ३६ हजार ५० रुपैयाँ राजश्व संकलन गरेको छ ।

कार्यालयले गत आव २०७८÷७९ मा उधोग तर्फ बाट ९८ लाख ९ हजार १५० र वाणिज्य तर्फ १ करोड १३ लाख ५२ हजार २ सय राजश्व संकलन भएको थियो । यसरी कार्यालयले आव २०७८/७९ मा कुल २ करोड १४ लाख ४३ हजार ६ सय राजश्व संकलन गरेको थियो । यस हिसाबले राजश्व संकलन पनि घटेको छ ।

चन्द्रपुर,गुजरा,वृनदावन,कटहरिया र गढिमाइ नगरपालिकामा लगायत स्थानमा साना उद्योग÷व्यवसाय तथा पसल गर्नेको सङ्ख्या बढि रहेको कार्यालय प्रमुख झाले बताउनु भयो ।

उनका अनुसार दर्ता भएकामध्ये उधोग मध्ये अधिकांश कृषि फर्म रहेको बताए । कृषि फर्म मात्रै ७५ प्रतिशत दर्ता भएको उनको भनाइ छ । त्यस्तै २५ प्रतिशतमा फर्निचर,पार्लर ,मोटरसाइकिल मर्मत लगायतका व्यवसायहरु रहेका छन् ।
घरेलु तथा साना उधोग कार्यालयले उधमशिलता कार्यक्रममा २ सय ४,सिपमूलक तालिम एडभान्स तर्फ १ सय ५,भगतसर्वजित तर्फ सिलाइ,कटाइ,कम्प्यूटर तालिम १२३ र नियमित तर्फ ३ सय १ जनालाइ तालिम प्रदान गरेको छ ।
आ.व.२०७९÷८० मा एडभान्स तर्फ गरुडा,कटहरिया,गौर नगरपालिका, भगतसर्वजित तर्फ गौर ,चन्द्रपुर,कटहरिया र दुर्गाभगवती गापामा, नियमित तर्फ गौर,चन्द्रपुर नपा र उधमशिलता गौर,चन्द्रपुर नपा र दुर्गाभगवती गापामा तालिम संचालन भएका छन् ।

कार्यालयको आव २०७८÷७९ मा बेरुजू नरहेको र आव २०७९/८० आलेप र मलेप हुन बाँकी रहेको जानकारी गराइएको छ । कार्यालयमा स्विकृत दरबन्दी ९ जना रहेकोमा पदपूर्ति संख्या ४ रहेको र रिक्त पद संख्या ५ रहेको जनाइएको छ ।
आव २०७९÷८० मा चालु तर्फ अन्तिम २ करोड ३७ लाख ६२ हजार ४ सय बजेट रहेकोमा २ करोड १९ लाख २ हजार ८१४ बजेट निकास भइ ९२.१७ प्रतिशत बजेट खर्च भएको छ । जबकी पूँजिगत तर्फ ३ करोड १ लाख ८७ हजार ४ अन्तिम बजेट रहेकोमा २ करोड ४७ लाख १६ हजार १५० निकासा भइ ८१.८८ प्रतिशत बजेट खर्च भएको हो ।

रौतहट जिल्लामा हालसम्म ११ हजार ३ सय ४३ साना घरेलु उद्योग दर्ता भएको छ भने १३ हजार ९ सय ९६ वाणिज्य दर्ता भएको उक्त कार्यालयले जनाएको छ ।

आरके श्रीवास्तव,रौतहट,१४ गते साउन

रौतहट । जिल्लाका निर्माण व्यवसायीहरुले आज एक घण्टा धर्ना दिएका छन् । केन्द्रिय सर्कुलर अनुसार निर्माण व्यवसायी संघ रौतहटमा आबद्ध व्यवासायीहरुले धर्नामा बसेका थिए ।
आइतवार जिल्ला प्रशासन कार्यालय रौतहट अगाडि निर्माण व्यवसायीको प्रतिनिधिहरुले बिहान १० बजे देखि ११ बजे सम्म धर्नामा बसेका थिए । देशभरिको ७७ वटै जिल्ला प्रशासन कार्यालय अगाडी बस्ने क्रममा रौतहटमा पनि उनीहरु बसेका थिए ।
उनीहरुले निर्माण कार्याको काँकी भुक्तानी,म्याद थप,मूल्य समायोजन,उपभोक्ता समिति खारेजी,अव्यवहारिक माइलस्टोन खारेज,बीमा निर्देशिका २०७८ खारेज,सार्वजनिक खरिद एन तथा नियमावली तुरुन्त संशोधन ,खरिद नियमावली नियम ६ लाइ कडाइका साथ लागू लगायतका ९ बुँदे माग राखेर प्रशासन कार्यालयमा धर्ना दिएका हुन् ।

केन्द्रीय कार्यक्रम अनुसारनै देशैभरीका जिल्ला प्रशासन कार्यालयहरुमा धर्ना दिएको निर्माण व्यवसायी संघ रौतहटका महासचिव श्रीकान्त यादवले बताएका छन् ।
केहि दिन अघि निर्माण व्यवसायी संघ रौतहटले सबै आयोजनाहरुको एकमुष्ट म्याद थप गर्न र योजनाको भुक्तानी माग गर्दै प्रमुख जिल्ला अधिकारी धर्मेन्द्र कुमार मिश्र मार्फत प्रधानमन्त्री तथा मन्त्रिपरिषद्को कार्यालयलाई ज्ञापनपत्र बुझाएको थियो ।
स्मरणियहोस् रौतहट र सर्लाहीमा विभिन्न पुल, सडक लगायतका निर्माणको काम गरेबापतको भुक्तानी नपाएको भन्दै निर्माण व्यवसायी संघ रौतहटको अगुवाइमा असार ३१ गते कार्यालयको मूलगेटमा तालाबन्दी गरिएको थियो । सडक डिभिजन कार्यालयले एक महिनाभित्र व्यवसायीहरूको रकम भुक्तानी दिने प्रतिबद्धतापछि ताला खोलिएको निर्माण व्यवसायी संघ रौतहटले जनाएको थियो ।

आरके श्रीवास्तव,रौतहट,साउन १४ गते ।
रौतहट । गौर हत्याकण्डका अपराधीलाई कारबाहीको माग सहित मोटरसाइकल र्याली निकालिएको छ । बीभत्स गौर हत्याकाण्डका पिडीतहरुलाई न्याय दिलाउन अनिश्चितकालीन धर्नामा बसेका शहीद परिवारको समर्थनमा रौतहटमा आज विशाल मोटरसाइकल र्याली निकालिएको छ ।
गौर हत्याकाण्डका पिडित संघर्ष समितिको आयोजना र आम जनता पार्टीको सहयोगमा बृहत् मोटरसाइकल र्याली निकालिएको हो । जिल्ला सदरमूकाम गौर बाट सुरु भएको र्यालीमा गाउँगाउँ बाट हजÞारौंको संख्यामा मानिसहरु सहभागि रहेको गौर हत्याकाण्डका पिडित संघर्ष समितिको संयोजक रुपसागर उपाध्यायले जानकारी गराउनु भयो ।
गौरबाट सुरु भएको र्याली चन्द्रपुरमा पुगेर कोण सभामा परिणत भएको थियो । कोणसभालाइ सम्बोधन गर्दै आजपाका केन्द्रिय उपाध्यक्ष बद्रि न्यौपाने लगायतका वक्ताहरु गौर हत्याकाण्डका पिडितले न्याय पाउनु पर्ने र पिडकलाइ कानुनको दायरामा ल्याउन एक स्वरमा माग गरेको आजपाको भातृसंगठन आइटि आर्मीका महासचिव सुमन यादवले बताएकी हुन् ।

हत्याकाण्डमा मुछिएका दोषिहरुलाई कारवाही गराउनका निमित्त भोली सोमबारदेखि आजपाले अनिश्चितकालिन रौतहट बन्दको घोषणा पनि गरेको उनले बताइन् । यता आजपाका राष्ट्रिय अध्यक्ष एवम् रौतहट निर्वाचन क्षेत्र नम्बर ३ का सांसद प्रभु साहले ऐतिहासिक र्यालीमा हजÞारौंका संख्यामा सहभागी हुने न्यायप्रेमी छविलाई माथि उठाउन सक्रिय साथ, सहयोग र सहभागिता जनाउनु हुने सबै सबैप्रति हार्दिक आभार सहित विशेष धन्यवाद व्यक्त गर्नु भएको छ ।
गौर हत्याकाण्डका पिडित संघर्ष समितिले साउन १ गते प्रमुख जिल्ला अधिकारी धर्मेन्द्र कुमार मिश्रलाई ज्ञापन पत्र बुझाउदै गौर हत्याकाण्डमा तत्कालिन समयमा परेको किटानी जाहेरीको आधारमा पिडकहरु विरुद्ध कारवाही सुरु नगरिएमा चरणबद्ध रुपमा आन्दोलनमा जाने जानकारी स्थानीय प्रशासनलाई गराएको थियो ।

गौर हत्याकाण्डको छानविनको माग गर्दै पिडित परिवारले शनिवार देखि धर्ना सुरु गरेका छन् । गौर हत्याकाण्ड पिडित संघर्ष समितिको आयोजनामा जिल्लाको चन्द्रनिगाहपुरमा आज दोस्रो दिन आइतवार जारी रहेको छ । उनीहरुले अनिश्चतकालीन धर्ना दिएका हुन् ।
रौहतटमा जसपा सहितका सताधारी दल र आजपा पार्टी यतिखेर आमनेसामने भएका छन् । आजपाले साउन १५ गते देखि रौतहट बन्दको घोषणा गरेको छ भने सर्वदलिय संघर्ष समितिले कुनै पनि हालतमा रौतहट बन्द हुन नदिने चेतावनी पनि दिइरहेका छन् । भोली रौतहटमा के हुने हो त्यो हेर्न बाँकी नै छ ।