भक्तपुर, २ साउन ।

मध्यपुरठिमी नगरपालिका-९ गाँखु बस्ने ७० वर्षीय बलराम खड्काको घरमा जुवातास खेलिरहेको अवस्थामा खड्का समेत ७ जनालाई  प्रहरीले पक्राउ गरेको छ ।

खड्काको घरमा जुवातास खेलिरहेको भन्ने खबर प्राप्त हुनासाथ प्रहरी वृत्त  ठिमीबाट खटिएको प्रहरीले उनीहरूलाई नगद ८६ हजार २५ रुपैंया र ३ बुक ताससहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएकाे छ ।

इन्दीप कोइराला,बारा, २ साउन ।

सिम्रौनगढ नगर अस्पतालका स्वास्थ्यकर्मी र कर्मचारीहरू आन्दोलित हुँदा  सोमबारदेखि स्वास्थ्य सेवा ठप्प भएको छ ।

अस्पतालमा  कार्यरत करार र ज्यालादारीमा भर्ना गरिएका स्वास्थ्यकर्मी र कर्मचारीहरुले तलबसहित विभिन्न माग राखेर नगर अस्पतालको मुख्य गेटमा  तालाबन्दी गरी धर्नामा बसेका छन् ।

सिम्रौनगढ नगर अस्पताल प्रमुख डा. जितेन्द्र यादव, श्यामसुन्दर कुशवाहा, रविन हुसेन, पवन पटेल, अयुब मिया अन्सारी, ललिता यादव, नितु गुप्ता, रन्जु कुशवाहा, सन्तोषकुमार कुशवाहा लगायतका २४ जना कर्मचारीहरुले सोमबार बिहान ११ः४५ बजे अस्पतालको मुल ढोकामा ताला लगाएका हुन् ।

तलब, भत्ता, अतिरिक्त काममा थप भत्ता, चाड पर्वभत्ता र सेवा अवधि थप लगायतका मागहरु यथाशीघ्र पूरा गर्नुपर्ने मागसहित कर्मचारीहरूले अस्पतालमा तालाबन्दी गरेका हुन् ।

आफ्ना माग पूरा नभए थप आन्दोलनको कार्यक्रम घोषणा गर्ने उनीहरुले चेतावनी दिएका छन् । यसअघि नगरपालिकाका वडा कार्यालयमा कार्यरत करार सेवाका कर्मचारीहरुले आइतबारबाट वडा कार्यालयमा तालाबन्दी गरेर सेवा ठप्प पार्दै आएका छन् ।

विशाल बस्नेत,महोत्तरी, २ साउन ।

बर्दिबास नगरपालिकाले नगरवासीलाई निःशुल्क रगत प्रदान गर्ने नीति तथा कार्यक्रम पारित गरेको छ । तर, यसको कार्यान्वयनको पक्षलाई लिएर आशंका उब्जिएको थियो । नगपालिकाको उक्त नीतिले कोही रगतको अभावमा मर्ने त कोही रगत भए पनि पैसाको अभावमा मर्नुपर्ने अवस्था अन्त्य हुने अपेक्षा बर्दिबास रेडक्रस सोसाईटीका पूर्वसभापति मुकुन्द पौडेलको छ । कार्यान्वयनको पक्षलाई लिएर भने उनी सशंकित थिए ।

गत सोमबार बेलुका नगरप्रमुख प्रल्हादकुमार क्षेत्रीले  बर्दिबास–४ स्थित वरडाडा बस्ने बिरामी कृष्णबहादुर माझीलाई रेडक्रसमा पुगेर रगत हस्तान्तरण गरेपछि पौडेल ढुक्क भए कि अब पैसा नभएर कोही पनि नगरवासीहरु रगत नपाएर मर्नुपर्दैन ।

निःशुल्क रगत प्रदान गर्ने नगरको नीतिलाई औपचारिक रुपमा कार्यान्वयन गरेको नगरप्रमुख क्षेत्रीले बताए । रेडक्रस सोसाईटीका सभापति सुदिप कार्कीको अनुसार बर्दिबासमा मात्र अहिले मासिक दुई सयभन्दा बढी बिरामीहरुलाई रगतको अभाव हुने गरेको छ । ‘संस्थागत हो सहयोग गर्न पनि नसकिने रहेछ । व्यक्तिगत सहयोग त गर्छौं, तर त्यो पनि सधैभरि सम्भव नहुने रहेछ,’ उनले भने ।

रेडक्रस सोसाईटीका अर्का सदस्य गोपाल बरालले भन्छन्, ‘रगत सहज ढंगले पाए पनि पैसाको अभावमा रगत किन्न नसक्ने धेरै नगरवासीहरुको नगरप्रमुखले ज्यान बचाएका छन् ।’

कतिपय बिरामीलाइ महिनामा चारपटकसम्म रगत लिन रेडक्रस आउनुपर्ने हुन्छ । एक युनिट रगतको १४ सय रुपैयाँ तिर्नुपर्ने हुँदा विपन्न र गरिब समुदायको लागि मासिक ५ हजार रगतमा नै खर्च गर्नुपर्ने बाध्यात्मक अवस्था छ ।

यस्तै कठिन अवस्थाको अनुभव गरेकी छन बर्दिबास–८ खजुरियाकी अर्पणा लुङगेलीले । बर्दिबासस्थित डिएनवी अस्पतालका डा. प्रविन मिश्रसँग उपचार गराउँदा उनको आन्द्रा फुटेको र मुखवाट अत्याधिक रगत बगेको हुनाले पटक–पटक रगत चाहिराख्ने चिकित्सकले सुझाएका थिए ।

आर्थिक स्थिति कमजोर भएकी लुङ्गेलीले जेनतेन उपचार गराइरहे पनि रगत कसरी ल्याउने होला भन्ने पिरलो थियो । लुङ्गेलीले रेडक्रसवाट विपन्न राहत कोषका माध्यमबाट रगत दिइरहेको त थाहा पाइँन, तर प्रक्रियाको झन्झटिलोले उनलाई थप तनाव सृजना भयो ।

सम्बन्धित् वडावाट आर्थिक स्थिती कमजोर भएको प्रमाणित गराउनुदेखि रेडक्रसलाई रगत प्रदान गर्न दिने सिफारिस लिन नै उनले दिनहुँ समस्या झेलिन् । तर, नगरपालिकाले पास गरेको नीति तथा कार्यक्रमले भने अब त्यो झन्झटबाट मुक्त भएको महसुस गराएको छ ।

नगरवासी भएको प्रमाण मात्र पेस गरेपछि रगत पाउने नगरले नीति बनाएको सुनेपछी लुङ्गेली निकै खुसी भएकी छन्। ‘अब मजस्ता गरिब कागज बनाउन अल्मल्लिनुनपर्ने रहेछ खुसी लाग्यो,’ उनले भनिन् ।
 

सप्तरी, २ साउन ।

सप्तरीको कञ्चनरुप नगरपालिकाकी १७ वर्षीया किशोरीमाथि सामूहिक बलात्कार गरेको आरोपमा चारजना पक्राउ परेका छन् ।

पीडितको जाहेरीपछि दिपेश सुवेदी, सुदीप भुजेल, मनोज विक र कैलाश भनिने टेकराज पोखरेललाई पक्राउ गरेको प्रहरीले जनाएको छ ।

पक्राउ परेकाहरुले गत २९ असारको राति पुरानो घरमा लगेर सामूहिक बलात्कार गरेको आरोप छ । उनीहरूले घटना सार्वजनिक गरे ज्यान मार्ने धम्कीसमेत दिएका थिए । सोमबार  किशोरीले इलाका प्रहरी कार्यालय कञ्चनपुरमा जाहेरी दिएकी थिइन् ।

काठमाडौं, २ साउन।

नेपाली कांग्रेस केन्द्रीय कार्यसमिति बैठक सुरु भएको छ ।

सानेपास्थित पार्टी केन्द्रीय कार्यालयमा बैठक सुरु भएको छ । बैठकको फेसबुकबाट लाइभ गरिएको छ । बैठक सुरुमै महामन्त्री विश्वप्रकाश शर्माले नेपाली राजनीतिक इतिहासमा पहिलोपटक पार्टीको बैठक लाइभ गरिएको बताए ।

इथोपिया, २ असार ।

आजको जमानामा धेरै प्रकारका फेसन ट्रेन्डहरू देखिन्छन् । फेसन परिवर्तन गरिरहन्छ। कहिलेकाहीँ पुराना चलनहरू फेरि सदाबहार बन्छन् र कहिलेकाहीँ नयाँ डिजाइन मानिसहरूमा देखा पर्दछ।

यदि तपाईंलाई फेसन भनेको शहरवासीहरूले मात्र थाहा पाउने कुरा हो भन्ने सोच्नुहुन्छ भने, पर्खनुहोस्। इथियोपियाको मुर्सी जनजाति सहरको चमकबाट टाढा छन्। तर तिनीहरूको फेसन सबैभन्दा फरक छ। यहाँ मानिसहरूको झुन्डिएको ओठले तिनीहरूलाई सुन्दर बनाउँछ ।

हो, जहाँ सहरका केटीहरूले लिपस्टिक लगाएर आफ्नो ओठलाई सुन्दर बनाउँछन् तर मुर्सी जनजातिका केटीहरूले ओठ झुण्डाएर सुन्दर बनाउँछन्। हो यो जनजातिमा जति धेरै ओठ झुण्डिन्छ, त्यति नै सुन्दर मानिन्छ । केटी मात्र होइन, केटाहरूले पनि यहाँ ओठ झुण्ड्याउँछन्। तर, यसको विधि निकै पीडादायी छ । यति हुँदाहुँदै पनि आफ्नो जनजातिको परम्पराका लागि यी मानिसहरू यो पीडा सहन तयार हुन्छन्।

मुर्सी जनजातिलाई निकै डरलाग्दो मानिन्छ । तिनीहरूको जनसंख्या करिब दस हजार छ। यस जनजातिका मानिसहरू आफ्नो परम्परामा धेरै बाँधिएका छन्। तिनीहरूले आफ्नो उपेक्षा सहन गर्दैनन्। प्रथाको नाममा गाईको रगत पिउने गर्छन् । यसबाहेक ओठ झुन्ड्याउन, यसको भित्र एक ठूलो डिस्क राखिएको छ।

यहाँ विवाहका लागि झगडा पनि हुन्छ । दुईजना मानिसले बिबाहका लागि लाठी लिएर एक आपसमा लड्छन्। यो युद्धमा जसले जित्छ, उसैले बिहे गर्दछ । उसले सुन्दर श्रीमती पनि पाउँछ।

मुर्सी जनजातिका तस्बिरहरू अहिले सामाजिक सञ्जालमा उपलब्ध छन् तर पहिले यस्तो भएको थिएन । यो जनजातिले बाहिरीलाई प्रवेश दिदैनन । विना अनुमति कोही गएमा उसको ज्यान पनि लिन्छन। तर, अहिले यो जनजाति बाहिरी संसारसँग क्रमश घुलमिल हुदैँ गएको छ । जसकाकारण यसका तस्बिर र जनजातिको जानकारी प्राप्त भइरहेको छ ।

न्युर्योक, २ साउन ।

संसार सबै प्रकारका अनौठो मानिसहरूले भरिएको छ। इतिहास मानिसको नराम्रो र राम्रो कर्मले भरिएको छ।

मानव अंगको तस्करी सुन्नु भएको होला तर मानव अवशेषको तस्करी विरलै सुनिन्छ। अमेरिकामा मानव कंकालको कालो व्यापारको चकित पार्ने घटना सार्वजनिक भएको छ । एफबीआईले एक व्यक्तिको घरबाट एक दुई होइन, ४० वटा मानव कंकाल बरामद गरेको छ । आउनुहोस् हामी तपाईंलाई यी अनौठो अभियुक्त व्यक्तिको डरलाग्दो कथाको बारेमा बताउँछौं।

अमेरिकाको केन्टकी राज्यको लुइसभिलमा बस्ने ३९ वर्षीय

ले एफबीआईलाई निद्रा नलागेको बयान दिएका छन् । अभियुक्तबारे सूचना पाएपछि एजेन्सीले उनको घरमा छापा मारेको थियो । छापा मारेर अभियुक्तको घरबाट ४० वटा मानव कंकाल बरामद भएको छ । पक्राउ परेसँगै उसले ओछ्यानमा कंकाल राखेर सुत्ने गरेको खुलेको छ ।

थप कारबाहीमा अभियुक्त अवैध रूपमा मानव कंकाल किनबेच गर्ने असुरक्षित भूमिगत समूहसँग आवद्ध रहेको पाइएको छ । मानव कंकाल चर्को मुल्य तिरेर कालोबजारीमा किनिन्छ । मानिसहरूले सजावटका लागि यी कंकालहरू प्रयोग गर्छन्। अभियुक्त नटलाई पक्राउ गरी उनको घर सिल गरिएको छ ।

यो भूमिगत समूहको बारेमा भनिएको छ कि यसका सदस्यहरूले हार्वर्डको प्रतिष्ठित मेडिकल स्कूलहरूबाट मानव मस्तिष्क, मुटु, छाला र भ्रूणहरू चोर्छन् र तिनीहरूसँग कारोबारको व्यवहार गर्छन्। उनको घर नजिकैबाट दर्जनौं मानव खप्पर, कम्मर र मेरुदण्डका कर्डहरू बरामद भएका छन् ।

यसअघि पनि जेरेमी पाउली नामक समूहका एक सदस्यलाई पक्राउ गरिएको एफबीआई अधिकारीले बताए । नटले यी मानव कंकालहरू जेरेमीबाट किनेका थिए।

बेइजिङ, २ साउन ।

चीनका विदेशमन्त्री किन ग्याङ ९५७० तीन सातादेखि सार्वजनिक रूपमा देखिएका छैनन् ।

जसका कारण चीनमा अनुमानको सिलसिला तीव्र भएको छ । मिडिया रिपोर्टका अनुसार संयुक्त राज्य अमेरिकाका लागि राजदूतको रूपमा छोटो कार्यकाल पछि डिसेम्बरमा विदेश मन्त्रीमा बढुवा भएको थि
यो।

ग्याङ एक पेशेवर कूटनीतिज्ञ हुन् र उनलाई चिनियाँ नेता सी जिनपिङको भरपर्दो सहयोगी मानिन्छ। विदेश मन्त्रीको रूपमा किनले अमेरिकामा प्रक्षेपण गरिएको संदिग्ध चिनियाँ जासूस बेलुनको मुद्दामा वाशिंगटनलाई गाली गरेका थिए । त्यसपछि दुई देशबीचको सम्बन्ध निकै चिसिएको थियो ।

तर, बिग्रिएको सम्बन्धलाई पुनःस्थापना र दुई पक्षबीचको वार्तालाई पुनःस्थापना गराउने प्रयासमा पनि उनले महत्वपूर्ण भूमिका खेलेका थिए ।  मध्य जुनमा बेइजिङको भ्रमणका क्रममा अमेरिकी विदेशमन्त्री एन्टोनी ब्लिन्केनसँगको भेटघाट पनि यसमा समावेश छ।

काठमाडौं, २ साउन ।

नेकपा एमालेका महासचिव शंकर पोखरेलले देश फर्काउने अभियान चलाउँछु भन्नेहरु राष्ट्रिय पार्टीको रुपमा उदय भए पछि बिदेशिनेको संख्या बढेको आरोप लगाएका छन् ।

नेकपा एमालेको सरकार हुदाँ बिदेशिनेको संख्यामा कमी आएको दावी गर्दै महासचिव पोखरेलले पुराना पार्टी भनेर एमाले नजोडन आग्रहसमेत गरेका छन ।

‘नेकपा एमाले सरकारमा आउदा रोजगारीका लागि विदेशमा जाने घट्ने र सरकारवाट हट्दा बढ्ने तथ्यले देश बनाउन सक्ने पार्टी नेकपा एमाले हो भन्ने जनविश्वासलाई उजागर गर्दछ,’ पोखरेलले भने, ‘तर, तथ्यहिन रुपमा पुराना पार्टीका कारणले विदेशीने बढे भनेर नेकपा (एमाले) लाई समेत जोड्ने प्रयास गर्नु कु–प्रचार हो।

उनले बिदेशमा रहेकालाई फर्काउँछु भन्नेहरुले राष्ट्रिय मान्यता पाएको पार्टी आए पछि थप समस्या भएको बताएका छन । ‘विदेशमा गएकाहरुलाई देश फर्काउछौ भन्नेहरुलाई गएको निर्वाचनमा जनताले लोकपृय मत दिए तर उनीहरु राष्ट्रिय पार्टीका रुपमा नेपाली राजनीतिमा उदयभएपछि नै विदेशीनेको संख्या झनै वढ्यो,’ उनले भनेका छन, ‘के यसको जिम्मेवारी नेकपा (एमाले) ले नै लिनुपर्ने हो र ? त्यसैले नयाँ र पुरानाका नाममा पक्ष र विपक्षमा बाडिनुभन्दा एजेण्डाका आधारमा ठिक र वेठिक छुट्याउनेगरी समस्याको समाधानका लागि छलफल र बहसमा जोडिनु जनता र राष्ट्रको हितमा हुनेछ ।’

काठमाडाैं, २ साउन ।

बहुचर्चित कमेडी शाे ‘कमेडी क्लब  विथ च्याम्पियन’ बन्द हुने भएकाे छ ।

साे च्याम्पियनका प्रमुख  बिशाल भण्डारीले त्यसबारेमा जानकारी दिएका छन । साे कमेडी शाे ६९ श्रृखंलाहरू प्रसारण भइसकेकाे छ ।

उनले सामाजिक सञ्जालमा लेखेका छनः

यो १६ महिनाको हाम्रो यात्रा निकै रोमांचक थियो । कतिपय एपिसोडमा हामी हसाउन सफल भयौं भने कतिमा भएनौपनी तर दर्शकको मायामा कहिले कमी आएन ।

यही उर्जाले काम गर्दा गर्दै सुरुवातको वर्षनै Best Popular Tv Show को Award जित्न पनी सफल भयौं । यस्को श्रेय कलाकार, लेखक,क्रियटिम टिम, Three Production team, Key advertising, Key Entertainment team र मुख्य गरेर दर्शकको माया लाई जान्छ ।

६९ Episode को यो यात्राले थकित हाम्रो टिमलाई केही समयको लागी छोटो Break लिन आवश्यक देखेर Team Comedy Club With Champions तपाईको TV SCREEN मा देखिने छैनौं।

तर हामी चॉडै छोटो विश्राम पछि Recharge भई सुरुवाती उर्जामै फर्केर यहाहरुलाई हासोको फोहरा छुटाउन अवश्य आउने छौं ।

तव सम्मलाई हाम्रो टिम Comedy Champion season 3 लिएर चॉडै ऑउदै छौं। माया र साथ कायम रहोस् । हास्ने र हसाउने क्रम जारी रहने छ ।
धन्यबाद ।