काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा ९ जनाको मृत्यु भएको छ भने ९६ जना घाइते भएका छन् ।

नेपाल प्रहरीले दिएको जानकारी अनुसार दुर्घटनामा मधेश र गण्डकी प्रदेशमा ३-३ जनाको मृत्यु भएको छ भने कोशी, बागमती प्रदेश र काठमाडौँ उपत्यकामा एक एक जनाको मृत्यु भएको छ ।

त्यस्तै देशभर भएका दुर्घटनामा ९६ जना घाइते भएका छन् । जस अनुसार मधेश प्रदेशमा ३२ जना घाइते भएका छन् भने कोशीमा २१ जना, काठमाडौँ उपत्यकामा १४ जना, सुदूरपश्चिममा ६ जना, बागमतीमा २ जना घाइते भएका छन् भने लुम्बिनीमा १७ जना, कर्णालीमा २ जना र गण्डकीमा १ जना घाइते भएका छन् । एभरेष्ट न्यूज एजेन्सी

काठमाडौँ । नेपाली काँग्रेसका सभापति गगन थापाले पार्टीको १५औं महाधिवेशनको मिति नसर्ने स्पष्ट गरेका छन् ।

गिरिजाप्रसाद कोइराला फाउन्डेसनको कार्यक्रममा बोल्दै सभापति थापाले महाधिवेशनको मिति नसर्ने स्पष्ट गरेका छन् ।

उनले भने- महाधिवेशनका बारेमा तिथिमिति केहि सर्छकी फेरी तलमाथि पर्छ की भनेर केहि साथीहरु अल्मलिएको पाए, हामी संबिधानले पनि बाधिएका छौं, पार्टीको विधानले पनि बाधिएका छौं, अहिलेको सम्मानित अदालतको फैसलाले पनि बाधिएका छौं । एक दिन पनि एक घण्टा पनि यसको तिथि मिति तलमाथि सर्दैन ।’
सभापति थापाले कार्यक्रममा वरिष्ठ नेताहरुले युवाहरु पार्टीको नेतृत्व आएपछि सहयोगी हुनुपर्ने बताउदै सुजाता कोइरालाले त्यो भूमिका निभाइरहेको बताए ।

सभापति थापाले २०४८ सालमा गिरिजाप्रसाद कोइरालाले लिएको खुला र उदार अर्थतन्त्रको नीति लिएका कारण अहिले नेपाल यतिको स्थानमा आएको बताउदै त्यस बारेमा फाउन्डेसनले अध्ययन गरेर अगाडी ल्याउनुपर्ने बताए । गिरिजाप्रसाद कोइराला फाउन्डेसनको नेतृत्व सुजाता कोइरालाले डा. सुनिल शर्मालाई हस्तान्तरण गरेकी छन् । एभरेष्ट न्यूज एजेन्सी

काठमाडौँ । नेपाली काँग्रेसका सभापति गगन थापाले पार्टीको १५औं महाधिवेशनको मिति नसर्ने स्पष्ट गरेका छन् ।

गिरिजाप्रसाद कोइराला फाउन्डेसनको कार्यक्रममा बोल्दै सभापति थापाले महाधिवेशनको मिति नसर्ने स्पष्ट गरेका छन् ।

उनले भने- महाधिवेशनका बारेमा तिथिमिति केहि सर्छकी फेरी तलमाथि पर्छ की भनेर केहि साथीहरु अल्मलिएको पाए, हामी संबिधानले पनि बाधिएका छौं, पार्टीको विधानले पनि बाधिएका छौं, अहिलेको सम्मानित अदालतको फैसलाले पनि बाधिएका छौं । एक दिन पनि एक घण्टा पनि यसको तिथि मिति तलमाथि सर्दैन ।’
सभापति थापाले कार्यक्रममा वरिष्ठ नेताहरुले युवाहरु पार्टीको नेतृत्व आएपछि सहयोगी हुनुपर्ने बताउदै सुजाता कोइरालाले त्यो भूमिका निभाइरहेको बताए ।

सभापति थापाले २०४८ सालमा गिरिजाप्रसाद कोइरालाले लिएको खुला र उदार अर्थतन्त्रको नीति लिएका कारण अहिले नेपाल यतिको स्थानमा आएको बताउदै त्यस बारेमा फाउन्डेसनले अध्ययन गरेर अगाडी ल्याउनुपर्ने बताए । गिरिजाप्रसाद कोइराला फाउन्डेसनको नेतृत्व सुजाता कोइरालाले डा. सुनिल शर्मालाई हस्तान्तरण गरेकी छन् ।एभरेष्ट न्यूज एजेन्सी

काठमाडौं । सप्तरीको राजविराजमा सडकमै महिलाले बच्चा जन्माएको विषयमा सांसदहरुले सरकारको ध्यानाकर्षण गराएका छन् ।

राष्ट्रिय स्वतन्त्र पार्टीकी (रास्वपा) का सांसद खगेन्द्र कर्णले राजविराजस्थित गजेन्द्रनारायण सिंह सगरमाथा अस्पतालले भर्ना नलिएपछि स्थानीय एक महिलाले फुटपाथमै बच्चा जन्माएको घटनामा सरकारको ध्यानाकर्षण गराउदै स्वास्थ्यमन्त्रीको जवाफ मागेका हुन् ।

उनले राजविराज नगरपालिका–१४ पर्साही बस्ने हरेराम पासवानकी श्रीमती बबिता पासवानले पैसा नभएका कारण फुटपाथमै बच्चा जन्माएको जानकारी दिदै सुत्केरी व्यथा लागेपछि अस्पताल गएकी महिलाले पैसा नभएका कारण अस्पतालले भर्ना नलिएको र त्यसपछि महिलासँग २५ सय मात्रै रहेकोले भर्ना गर्न नपाएको बताएका छन्  ।एभरेष्ट न्यूज एजेन्सी

काठमाडौं । जापानिज इन्सेफ्लाइटिस (जेई) संक्रमणका कारण बिरामी तथा मृत्यु बढ्दै गएपछि स्वास्थ्य तथा खाद्य स्वच्छता मन्त्रालयले झापा जिल्ला र कैलालीका तीन स्थानीय तहमा जेई विरुद्धको खोप अभियान सञ्चालन गर्ने भएको छ । कैलालीमा असोज १ गतेदेखि र झापामा असोज ५ गतेदेखि अभियान सञ्चालन गरिने भएको हो ।

स्वास्थ्य सेवा विभाग, परिवार कल्याण महाशाखाअन्तर्गत बाल स्वास्थ्य तथा खोप सेवा शाखाका प्रमुख डा. अभियान गौतमका अनुसार जेई संक्रमणको जोखिमलाई ध्यानमा राख्दै पहिलो चरणमा यी क्षेत्रमा खोप अभियान सञ्चालन गर्न लागिएको हो ।

पहिलो चरणअन्तर्गत झापा जिल्लाका सबै स्थानीय तह तथा कैलालीका धनगढी उपमहानगरपालिका, लम्किचुहा नगरपालिका र घोडाघोडी नगरपालिकामा खोप अभियान सञ्चालन हुनेछ । अभियानमा ३० वर्ष वा सोभन्दा माथिका व्यक्तिलाई जेई विरुद्धको खोप लगाइने जनाइएको छ ।

अभियानका लागि आवश्यक जेई खोप काठमाडौंस्थित केन्द्रिय खोप भण्डारण केन्द्रबाट सम्बन्धित जिल्लामा पठाउने तयारी भइरहेको छ । खोप उपलब्ध भएपछि स्थानीय तह र स्वास्थ्य संस्थामार्फत अभियान सञ्चालन गरिनेछ । एभरेष्ट न्यूज एजेन्सी

काठमाडौँ । नेप्सेमा आज गिरावट आएको छ । आज बुधबार नेप्से १५.४३ अंकले घटेर २५४५.४० विन्दुमा पुगेर रोकिएको छ ।

आज ३५२ कम्पनिका एक करोड ९ लाख ६५ हजार ५४२ कित्ता शेयर ४ अर्ब १९ करोड ८९ लाख २१ हजार ३९ मा कारोबार भएको थियो । आज सबै क्षेत्रको शेयर मुल्य घटेको छ ।

आज, सबैभन्दा बढी अपरा लाहोर खोला हाइड्रोको शेयरमा सकारात्मक सर्किट लागेको छ भने शुभम पावरको शेयर ६.४० प्रतिशतले बढेको छ ।  त्यस्तै आज सबै भन्दा बढी इमर्जिङ नेपालको शेयर १४.९९ प्रतिशतले घटेको छ ।

त्यस्तै आज सबै भन्दा बढी रिलायन्स स्पिनिंग मिल्सको ४२ करोड ७६ लाख बराबरको कारोबार भएको छ भने सेन्ट्रल फाइनान्सको १७ करोड ११ लाख बराबरको कारोबार भएको छ । एभरेष्ट न्यूज एजेन्सी