बज्जिकाञ्चल संवाददाता,बारा,२३ गते साउन ।
कलैया । आम जनता पार्टी (आजपा)का अध्यक्ष एवं पूर्वमन्त्री प्रभु साहले सिचाई सम्झौता अनुसार भारतसंग पानी नमाग्नु प्रधानमन्त्री केपी शर्मा ओलीको राष्ट्रघाती कार्य भएको टिप्पणी गरेका छन् ।
बाराको कलैयामा आज आयोजित कार्यक्रमलाई सम्बोधन गर्दै आजपा अध्यक्ष साहले नेपाल–भारत बीचको सम्झौता अनुसार नेपालले पानी नपाउदा समेत प्रधानमन्त्री ओली मौन बस्नु राष्ट्रघाती काम भएको बताए ।
मधेसमा पानीको हाहाकार हुँदा किसानले समयमै धानखेती गर्न नपाउदा मर्कामा परिरहेका बेला नारायणी सिचाई आयोजना, कोशी सिचाई आयोजनामा आउनुपर्ने पानी नआउदा समेत प्रधानमन्त्री ओलीले चुपी साध्नु राष्ट्रवादी नभई राष्ट्रघाती काम भएको उनले बताए ।
‘यही नारायणी नहर बारा जिल्लाको बीच भएर जान्छ, तर पानी छैन् । नेपाल र भारतको सम्झौता अनुसार जति दिनुपर्ने हो त्यसको १० प्रतिशत पनि पानी नेपालले पाएको छैन् । आफ्नो हक अनुसार भारतसंग पानी माग्ने काम प्रधानमन्त्री केपी शर्मा ओलीको हो कि होइन ? यो सरकार किन बनेको हो ? खाली सम्झौता गर्न, बेच्नका लागि बनेको हो ? कि आफ्नो हक खोज्नका लागि पनि बनेको हो ?,’ आजपा अध्यक्ष साहले भने, ‘केपी ओलीजी तपाई राष्ट्रवादी हो भने किन आफ्नो हक खोज्नुभएन ? किसानले किन नारायणी सिचाईबाट आफ्नो भागको पानी पाएन ? किन गण्डक नहरमा पानी आएन ? यसको जवाफ हामीलाई चाहिएको छ । केपी ओलीजी तपाई राष्ट्रघात गर्ने । हाम्रो सिचाई बेचेर अनि मालपानी जोड्ने ?’
नेपाल–भारतको सम्झौता अनुसार गण्डक नहरमा पानी नआउँदा समेत प्रधानमन्त्री ओली भारतसंग पानी नमागेर राष्ट्रघाती काम गरेको बताउदै उनले आक्रोश पोखका छन् । भारतले दिनुपर्ने पानी किन नदिएको प्रश्न गर्दै उनले यसबारेमा भारतसंग किन सम्बाद नगरेको भन्दै आलोचना समेत गरे ।
‘सम्झौता अनुसार पानी पाउनु किसानको हकअधिकार हो । तर तपाईले किन पानी नपाउदा कुरा गर्नुभएन ? आफ्नो हकअधिकार पनि छोडने सरकारलाई राष्ट्रवादी भन्ने कि राष्ट्रघाती भन्ने ? हामी त्यसलाई देशभक्त भन्ने कि दलाल भन्ने ? केपी ओलीजी यो राष्ट्रघाती काम चल्दैन । तपाई (ओली)को राष्ट्रघाती कार्य हामीलाई स्वीकार्य छैन् । तपाईको शरिरमा थोरै पनि नेपालको दानापानी छ भने नेपालको हकको बारेमा बोल्नुस् । नेपालीको भाग खोज्नुस्,’ आजपा अध्यक्ष साहले भने ।
अहिले एमाले–कांग्रेस सहितको दुई तिहाईको शक्तिशाली सरकार छ । तर दुई तिहाई शक्तिशाली सरकारको काम ‘एक पैसा’को पनि नभएको टिप्पणी साहले गरेका छन् । सर्वसधारण जनता, किसान, मजदुरको पक्षमा वर्तमान सरकार काम नगरेर ‘मृत्यु शैया’मा पुगे जस्तै अनुभुती भईरहेको उनले बताए ।
‘मधेसमा पानीको हाहाकार छ । पानी नपाएर सर्वसधारणदेखी किसानहरु पीडामा छन् । अहिले नारायणी सिचाई आयोजना, कोशी सिचाई आयोजनामा आउनुपर्ने पानी एक चौथाई समेत आएको छैन,’ आजपा अध्यक्ष साहले भने, ‘आफ्नो हक अनुसारको पानी दावी गर्नु र ल्याउनुको साटो प्रधानमन्त्री केपी ओलीजी चुपकी साधेर बस्नुभएको छ, मौन बस्नुभएको छ । चुपकी साधेर भारतको गुलामी गरेर सम्झौता अनुसार पानी आउदै । म सोध्न चाहन्छु यस्तो अवस्थामा प्रधानमन्त्रीजी चुपकी किन साधेको ? सम्झौता अनुसार पानी किन ल्याएको ?’
सरकारले मधेसलाई विपद संकटग्रस्त क्षेत्र घोषणा गर्ने तर राहत प्याकेजको कुनै योजना नल्याउनु सरकारको नालायकीपन भएको समेत उनले बताए । आजपा अध्यक्ष साहले राहत प्याकेज बिना सुख्खाक्षेत्र घोषणाले पीडितलाई झन पीडित बनाएको बताए । मधेसमा जलसंकट देखिएपछि सरकारले मधेसका आठ जिल्लालाई विपद् संकटग्रस्त क्षेत्र घोषणा गरेको थियो । तर सरकारले अहिलेसम्म राहतको कुनै प्याकेज ल्याउन सकेको छैन् ।
काठमाडौं, २३ गते साउन ।
लोकतान्त्रिक पत्रकार संघको केन्द्रीय बैठक पार्टी कार्यालय बबरमहलमा सम्पन्न भएको छ । संघका अध्यक्ष कामरेन्द्र वर्माका अनुसार बैठकमा संघको प्रथम भेला तथा प्रशिक्षण कार्यक्रम, तयारी विधान बारे छलफल ,पार्टीको मुखपत्र ‘स्मारिका’ प्रकाशन लगायतका विषयमा गम्भीर छलफल भएको छ ।
अध्यक्ष वर्माले बैठकमा संघको भावी रणनीति र सांगठनिक संरचना थप प्रभावकारी बनाउने निर्णयसमेत गरिएको जानकारी दिए । उनका अनुसार, यी प्रस्तावहरू पार्टी अध्यक्षसँग छलफल गरी अघि बढाइने छ । उनले भने, “संघको भूमिका केवल पत्रकार हितका लागि होइन, लोकतान्त्रिक मूल्यको सशक्त पक्षधरका रूपमा प्रस्तुत गर्ने तयारी छ ।”
बैठकमा संघका केन्द्रीय सदस्यहरू विजेता चौधरी, सुस्मिता लाल, संजिव कुमार झा, चन्द्रमोहन चौधरी, शिवम् मिश्रा, रानी पाल, मुकेश कुमार झा, सुरेन्द्र कुमार सिंह ,सलाहकार अभिषेख अर्याल लगायतको उपस्थिति थियो ।
बैठकपश्चात संघको टोलीले लोकतान्त्रिक समाजवादी पार्टी (लोसपा) नेपालका महासचिव मनिष मिश्रसँग भेटघाट गरी संघका क्रियाकलापबारे जानकारी गराएको थियो ।
संघले निकट भविष्यमा राष्ट्रियस्तरको प्रशिक्षण कार्यक्रम आयोजना गर्ने तयारी समेत बैठकमा गरेको जनाएको छ ।
तर बीडीएसको उक्त लिखित प्रतिक्रिया झनै गम्भीर प्रश्नहरूको जन्म दिने खालको भएको भन्दै चञ्चलाले संस्थाको आन्तरिक संरचना, जबाफदेहिता, पारदर्शिता र लोकतान्त्रिक अभ्यासप्रति गहिरो चिन्ता व्यक्त गरेकी छन्। बीडीएसले समुदायका सदस्यहरूसँग प्रतिवेदनहरू साझा नगर्ने कुरालाई आफूले आपत्तिपूर्वक लिएको बताउँदै उनले नेपालको सूचना अधिकार ऐन, २०६४ अनुसार गैरसरकारी संस्था (NGO) हरू सार्वजनिक निकायसरह परिभाषित भएको स्मरण गराएकी छन्।
उनका अनुसार दातृ निकाय वा सरकारी स्रोतबाट आर्थिक सहायता लिने संस्थाहरूले लेखा परीक्षण, खर्च विवरण, तलब संरचना, र बैठक निर्णयहरू सार्वजनिक गर्न कानुनी रूपमा बाध्य छन्। समुदायकै सदस्यको हैसियतले उनले बीडीएससँग वार्षिक लेखा परीक्षण, दातृ संस्थाबाट आएको रकमको उपयोग विवरण, पारिश्रमिक र निर्णयसम्बन्धी सूचना सार्वजनिक गर्न माग गरेकी छन्। बीडीएसको अहिलेको व्यवहार उनले गैरकानुनी, अपारदर्शी र जबाफदेहिता–विहीन भएको आरोप लगाएकी छन्।
नेतृत्व परिवर्तन लुकाउने प्रयास
साथै, लिम्बुले संस्थाभित्रको नेतृत्व परिवर्तन समेत लामो समय लुकाइएको गम्भीर उदाहरण प्रस्तुत गरेकी छन्। उनका अनुसार, दातृ संस्थाहरूको दबाबपछि तत्कालीन अध्यक्ष पिंकी गुरुङले राजीनामा दिएकी थिइन्, र त्यसपछि उपाध्यक्ष उमिशा पाण्डे अध्यक्ष बनेकी थिइन्। तर बीडीएसले यो नेतृत्व परिवर्तन करिब १० महिना गोप्य राखेको लिम्बुको आरोप छ।
यो विषय संस्थापक अध्यक्ष सुनिल बाबु पन्तको त्रिभुवन विमानस्थलमा उमिशा पाण्डेसँग संयोगवश भेट हुँदा मात्रै खुलासा भएको दाबी गरिएको छ। थप रूपमा, पिंकी गुरुङले राजीनामा दिएपछि आफैँलाई ‘वरिष्ठ सल्लाहकार’ नियुक्त गरी उच्च पारिश्रमिक लिएको र यो नियुक्ति कुनै खुला प्रतिस्पर्धा वा पारदर्शी प्रक्रिया विना गरिएको स्पष्ट सङ्केत भएको लिम्बुको भनाइ छ। उनले यसलाई कृपावाद, तथ्य लुकाउने प्रवृत्ति र आचारसंहिताको उल्लङ्घन भनेकी छन्।
सदस्यता घटाउने, आलोचक हटाउने
सदस्यताको सन्दर्भमा समेत बीडीएसमा आलोचनालाई दबाउने प्रवृत्ति रहेको आरोप लगाउँदै उनले पहिले ६० भन्दा बढी रहेको साधारणसभा सदस्य सङ्ख्या घटाएर हाल ३२ मा सीमित पारिएको, अनि क्रियाशील र सम्मानित सदस्यहरूलाई बिना कारण हटाइएको उल्लेख गरेकी छन्। “संस्थाले धेरै वर्षदेखि नयाँ सदस्यता आह्वान नै गरेको छैन, जसले प्रश्न गर्छ, उसलाई हटाइन्छ,” उनले भनिन्।
चञ्चलाको माग: आपत्कालीन साधारणसभा र छानबिन
यी सबै घटनाहरूलाई मध्यनजर गर्दै उनले आपत्कालीन साधारणसभा आह्वान, पूर्वसदस्यहरूको समावेशी सहभागिता, नयाँ सदस्यता खुला आह्वान र पछिल्ला तीन वर्षका लेखा परीक्षण र आर्थिक विवरण सार्वजनिक गर्नेलगायत मागहरू अघि सारेकी छन्। साथै, दातृ परियोजनाहरूको बजेट, खर्च विवरण, कर्मचारी र परामर्शदाताको तलब संरचना, कार्यसमिति निर्णयहरू, नेतृत्व हस्तान्तरण र सल्लाहकार नियुक्तिको स्वतन्त्र छानबिनको मागसमेत गरेकी छन्।
कार्यक्रमहरूको प्राथमिकता फेरि परिभाषित गरी सबैभन्दा सीमान्तकृत यौनिक तथा लैङ्गिक अल्पसङ्ख्यक समुदायलाई केन्द्रमा राख्नुपर्ने उनको जोड छ। “यो केवल प्रशासनिक मामिला होइन, यो पारदर्शिता, नैतिकता र विश्वासको सङ्कट हो,” उनले भनिन्, “प्रतीकात्मक मान्यता वा प्रक्रियागत बहानाहरू अब स्वीकार्य छैनन्। हामी संरचनात्मक जबाफदेहिता र वास्तविक समावेशिता माग गर्दछौँ।”
ब्लु डायमन्ड सोसाइटीको अनियमितता र प्रशासनको बारम्बारको बोलावट अवज्ञा
ब्लु डायमन्ड सोसाइटीभित्र देखिएको अत्यधिक तथ्य लुकाउने प्रवृत्ति, अपारदर्शिता र नेतृत्व तहको जबाफदेहिता अभावका सन्दर्भमा जिल्ला प्रशासन कार्यालय, काठमाडौँले पटक–पटक छलफलमा बोलाउँदा पनि संस्थाको नेतृत्वले अटेरी गरेको खुलेको छ।
प्रशासन कार्यालयले पछिल्लो पटक शुक्रवार छलफलका लागि बीडीएसलाई बोलाएको थियो। प्रारम्भमा छलफलमा सहभागी हुने सहमति जनाए पनि अन्तिम समयमा “नभ्याउने” भन्दै गैरजिम्मेवार प्रतिक्रिया मात्र पठाइएको जिल्ला प्रशासनका एक अधिकृतले बताए।
“संस्थागत पारदर्शिता र उत्तरदायित्वप्रति निरन्तर भाग्ने प्रवृत्ति अब स्वीकार्य हुँदैन,” प्रशासनको भनाइ छ।
चक्र प्रसाद पोख्रेल काठमाडौं
नेपाल सांस्कृतिक महासंघ ललितपुरको प्रस्तुति तथा यल इन्टरटेन्टमेन्ट प्रा।लि। को निर्माणमा तयार पारिएको तीज विशेष गीत ‘चेलीको चाड, नाच्ने हो गाउने हो तिजमा बरिलै’ सोमबार एक भव्य समारोहका बीच सार्वजनिक गरिएको छ।
ललितपुरको कार्यविनायक पार्टी प्यालेस, सैवुमा आयोजित कार्यक्रममा गीत सार्वजनिक गरिएको हो। सामाजिक सन्देशसहित तयार पारिएको यस गीतले बुहारीलाई पनि छोरीसरह सम्मान र स्वतन्त्रता दिनुपर्छ भन्ने विषयलाई प्रमुख रूपमा उठान गरेको छ।
बुहारी छोरीकै दर्जामा — गीतको मूल सन्देश
गीतले विशेषगरी विवाहपछि छोरीको रूपमा गएकी बुहारीलाई पुरानै घर फर्कँदा पनि सासू–ससुरा र श्रीमान्ले छोरीसरह व्यवहार गर्नुपर्ने सामाजिक सन्देश दिन खोजेको छ। नेपाली समाजमा प्रचलित “जे भन्यो त्यही मान्नुपर्ने” सोच हटाएर समता, सम्मान र आत्मीयताको भावना उजागर गर्ने उद्देश्यले गीत तयार पारिएको निर्माण पक्षले जनाएको छ।
गीतमा स्वर सुरज अधिकारी, अधिवक्ता अनिल श्रेष्ठ ९निर्जन०, मधु रेग्मी, शशि पुन, शर्मिला ब्रह्मचार्य, र श्रद्धा बज्राचार्यले दिएका छन्।गीतरसंगीतस् सुरज अधिकारी,संगीत संयोजनस् मदन प्रत्यय,रेकर्डिङस् कारण स्टुडियो, सातदोबाटो मिक्स तथा मास्टरिग् स् अनिल नकर्मी,पोस्ट प्रोडक्सनस् याला मनोरञ्जनले गरेको छ भने गीतको निर्देशन, सम्पादन तथा कोरियोग्राफीको जिम्मेवारी गौतम तण्डुकारले सम्हालेका छन्।
छायांकनस् लोकचन्द्र थापा
सहायक कोरियोग्राफरस् एन्जिला तामाङ
कभर डिजाइनस् द ब्रिगेड इन्टरप्राइजेज
पोशाकस् बेनाज ड्रेस हायर सेन्टर एण्ड बुटिक, हडिगाउँ
यस गीतको म्युजिक भिडियोमा राजेन्द्र केसी ९राजु०, पवन खतिवडा, रेश्मा तिमिल्सिना ९बुनुमैचा०, अधिवक्ता अनिल श्रेष्ठ ९निर्जन०, शशि पुन, शर्मिला ब्रह्मचार्य, श्रद्धा बज्राचार्य, श्यामसुन्दर तिमिल्सिना, मधु रेग्मी, रुपा थापा, निरञ्जन महर्जन, मीना खड्का के।सी, विजय के।सी, संगिता के।सी, कृतिन के।सी, गर्विशा थापा, अनिशा रिसाल, अनिता साउद लगायतका कलाकारहरू अभिनय देख्न सकिन्छ ।
उत्पादन व्यवस्थापकस् बृहस्पति थापा
उत्पादन प्रबन्धकस् राम महर्जन, अनिल नकर्मी
सामाजिक जागरणसहितको सांगीतिक उपहार
“चेलीको चाड” गीतले तीजलाई केवल नाचगानको पर्व मात्र नभई, सामाजिक सचेतना फैलाउने सशक्त माध्यमको रूपमा प्रस्तुत गरेको छ। यसले परम्परागत सोचमा परिवर्तन ल्याउन सक्ने सम्भावना बोकेको विश्लेषकहरूको भनाइ छ।
वीरगञ्ज ।
नेपालकै एकमात्र भोजपुरी भाषाको पत्रिका भोजपुरी टाइम्स दैनिक ले आफ्नो बार्हौँ वार्षिकोत्सवको अवसरमा खाद्यान्न तथा शैक्षिक सामग्री वितरण कार्यक्रम सम्पन्न गरेको छ।
कार्यक्रम शुक्रबार वीरगञ्ज आदर्शनगरस्थित आमाको माया छात्रावासमा आयोजना गरिएको थियो। प्रकाशक अजय चौरसियाको अध्यक्षतामा सम्पन्न कार्यक्रममा प्रमुख अतिथि नेपाल पत्रकार महासंघ मधेस प्रदेशका अध्यक्ष श्याम बन्जारा रहेका थिए।
कार्यक्रमका विशिष्ट अतिथिमा नेपाल पत्रकार महासंघ पर्सा शाखाका अध्यक्ष ओमप्रकाश खनाल र महासंघका केन्द्रीय सदस्य राधव साह र प्रेस सेन्टर मधेस प्रदेशका अध्यक्ष निरज पिठाकोटेको समेत उपस्थिति रहेको थियो।
स्वागत मन्तव्य कार्यकारी सम्पादक श्रवण साहले प्रस्तुत गर्दै पत्रिकाले सुरुदेखि नै जनताको आवाज, स्थानीय भाषा, संस्कृति र कलाको संरक्षण तथा प्रवर्द्धनका लागि गरेको निरन्तर परिश्रमको दाबी गरे। उनले संस्थापक समूहको अथक मिहिनेतले पत्रिकालाई यो स्तरसम्म पुर्याएको उल्लेख गर्दै आगामी दिनमा पनि जनहितमुखी पत्रकारितामा पत्रिका प्रतिबद्ध रहने बताए।
कार्यक्रमअन्तर्गत छात्रावासमा चामल, दाल, तेल, चाउचाउ, बिस्कुटजस्ता खाद्यान्न र कपी, पेन्सिल लगायतका शैक्षिक सामग्री प्रदान गरिएको थियो।
वक्ताहरुले आफ्नो मन्तव्यमा भोजपुरी टाइम्स दैनिक ले पत्रकारिता क्षेत्रमा देखाएको प्रतिबद्धता, मधेसको सांस्कृतिक पहिचानको संरक्षणमा पुर्याएको योगदान तथा सामाजिक उत्तरदायित्वप्रति देखाएको संवेदनशीलताको प्रशंसा गरे।
समापन मन्तव्य राख्दै प्रकाशक चौरसियाले महँगो होटलमा फजुल खर्च गरेर वार्षिकोत्सव मनाउनुको सट्टा विगतका केही वर्षदेखि सहयोगको आवश्यकता रहेका स्थानमा सकेसम्म सहयोग गर्दै वार्षिकोत्सव मनाइरहेको बताए। उनले यो अभ्यासले पत्रिकाको सामाजिक जिम्मेवारीलाई अझ सुदृढ बनाएको उल्लेख गर्दै आगामी दिनमा पनि सहयोग र सेवा भावलाई निरन्तरता दिने प्रतिबद्धता व्यक्त गरे। रातो पाना
काठमाडौं ।
नेपाल इन्जिनियरिङ कलेज (नेक)की प्राध्यापक सावित्री त्रिपाठीले इम्पेरियल कलेज लण्डनको ग्लोवल कनेक्ट फण्ड अन्तरगतको एक परियोजनामा छनौट हुन सफल हुनुभएको छ ।
कलेज सञ्चालक समिति सदस्य समेत रहनु भएकी प्राध्यापक त्रिपाठी ‘भारत र नेपालमा बजारको तत्परता र ठूलो परिमाणमा कार्यान्वयनका लागि वास प्रविधिहरूको मूल्यांकनको लागि क्षेत्रीय प्लेटफर्म निर्माण’ परियोजनामा छनौट हुनु भएको हो ।
यस परियोजनामा इम्पेरियल कलेज लण्डनका प्रमुख अनुसन्धानकर्ता प्राध्यापक माइकल टेम्पलेटनले नेतृत्व गर्नेछन् भने, प्राध्यापक त्रिपाठी तथा भारतको मणिपाल युनिभर्सिटीका प्राध्यापक युनिका सोगानीले सह अनुसन्धानकर्ताको रुपमा काम गर्नेछन् ।
एक वर्षे यो परियोजनामा प्राध्यापक त्रिपाठी नेपालमा सरसफाई प्रविधिहरुको अन्वेषण, अध्ययन र भविष्यमा तिनीहरुको व्यवसाय विस्तारमा नेतृत्व गर्नुहुनेछ । परियोजनाले सरसफाई प्रविधिहरुको विस्तृत रुपमा योजनाबद्ध रिपोर्ट तयार गर्ने र तिनीहरुको बजारीकरण विस्तारको रणनीति बनाउने छ ।
यस परियोजनाले विद्यार्थीहरू र सरसफाई क्षेत्रमा काम गर्ने अनुसन्धानकर्ताहरूको विकासमा महत्वपूर्ण योगदान पुर्याउने विश्वास गरिएको छ । प्राध्यापक त्रिपाठी कलेजको विज्ञान तथा मानविकी संकायमा कार्यरत हुनुहुन्छ ।
बज्जिकाञ्चल संवाददाता,पर्सा,२२ गते साउन ।
पर्सा — नेपाल किसान महासंघ मधेश प्रदेशको प्रथम अधिवेशन शुक्रबार वीरगन्जस्थित टाउन हलमा सम्पन्न भएको छ । “आफ्नो देशको उत्पादन हाम्रो शान, कृषिमा उन्नति हाम्रो अभियान” भन्ने मूल नारासहितको कार्यक्रमको उद्घाटन नेपाली काँग्रेस मधेश प्रदेश सभापति कृष्णप्रसाद यादवको प्रमुख आतिथ्यतामा भएको हो ।
कार्यक्रममा बोल्दै मधेश प्रदेश सरकारका अर्थमन्त्री सुनिलकुमार यादव (जितेन्द्र)ले मधेशको कृषि समस्या समाधानका लागि केवल डिप बोरिङमा निर्भर रहन नहुने स्पष्ट गरेका छन् । उनले चुरे क्षेत्रको विनाशलाई गम्भीर चुनौतीका रूपमा औंल्याउँदै भने,”चुरेको विनाश रोक्न नसके मानव सभ्यतामै संकट आउँछ । यसलाई व्यवस्थापन नगरी किसानको समस्या दीर्घकालीन रूपमा हल हुँदैन।”
उनले थपे, “मधेशमा सिंचाइको लागि मरीन डाइभर्सनलगायतका आयोजनाहरू समयमै सम्पन्न नगरी पूर्ण सिंचित प्रदेशको लक्ष्य पुरा हुँदैन । प्रदेश सरकारसँग स्रोत सीमित भएकाले संघ सरकारमा पनि निर्भर रहनुपर्छ, तर किसानको समस्यामा हामी सधैं साथमा छौं ।”
अधिवेशनमा महासंघका मधेश प्रदेश अध्यक्ष सन्तलाल साहको अध्यक्षतामा ८ वटै जिल्लाका किसान संघका अध्यक्ष, केन्द्रीय सदस्य, मेयर–उपमेयर, कृषिमन्त्री जनार्दन शर्मा क्षेत्री, तथा विभिन्न स्थानीय नेताहरूको उपस्थिति थियो ।
कार्यक्रममा रौतहट बाट अर्थमन्त्रीका स्वकीय सचिव गणिलाल प्रसाद यादव,नेता बालमिकी यादव,कटहरिया ४ का वडा प्रत्यासी हरिन्द्र राय यादव,पूर्व वडा अधयक्ष शम्भु यादव,वडा प्रत्यासी दिपलाल यादव लगायतका नेताहरु सहभागि थिए ।
काठमाडौं, साउन २१ — पूर्व उपप्रधानमन्त्री तथा नेकपा (माओवादी केन्द्र) का वरिष्ठ उपाध्यक्ष नारायणकाजी श्रेष्ठले बहुविवाहलाई कानुनी मान्यता दिनेसम्बन्धी कुनै पनि प्रयास पूर्णतः अस्वीकार्य हुने स्पष्ट गरेका छन्।
श्रेष्ठले सामाजिक सञ्जालमार्फत प्रतिक्रिया दिँदै भने, “कुनै पनि कोण वा बहानामा बहुविवाहलाई कानुनी मान्यता दिने कुनै पनि कार्य स्वीकार्य हुन सक्दैन।”
उनले सरकारको सम्बन्धित मन्त्रालयबाट यस्तो प्रकारको विधेयक मस्यौदाको तयारी भइरहेको भन्ने जानकारीले नेपाली समाजमा गम्भीर तरंग र असन्तोष उत्पन्न भएको उल्लेख गरे।
श्रेष्ठले यस्तो कदम समाजिक न्याय, समानता र मानवअधिकारको मूल्य विपरीत हुने भन्दै सरकारलाई यस्ता कार्य तत्काल रोक्न आग्रह गरेका छन्।
आरके श्रीवास्तव,राैतहट,२२ गते साउन ।
राैतहटकाे फतुवा विजयपुर नगरपालिकाले नगर कार्यपालिकाको कार्यालयमा आयोजित एक विशेष समारोहका बीच प्रमुख प्रशासकिय अधिकृत श्री भरत प्रसाद यादवलाई कदर-पत्र प्रदान गरेको छ ।
२०८१ पुस २३ गते देखि सेवा दिइरहनुभएका यादवले आ.व. २०८१/८२ मा आर्थिक, प्रशासनिक तथा सेवा प्रवाहको क्षेत्रमा उल्लेखनीय सुधार गर्नुभएको योगदानको कदर स्वरूप यो सम्मान प्रदान गरिएको हो ।
कार्यक्रममा कार्यवाहक नगर प्रमुख अम्बेया खातुनले यादवलाई सम्मान पत्र प्रदान गर्दै उहाँले देखाएको प्रतिबद्धता, पारदर्शिता र सुशासनप्रति धन्यवाद व्यक्त गर्नुभयो । “उहाँको नेतृत्वमा नगरपालिकाको सेवा प्रवाह अझ प्रभावकारी र जनमुखी बनेको छ,” खातुनले भनिन्।
सम्मान समारोहमा प्रमुख समाजसेवी अच्युत मैनाली, प्रदेश सांसद प्रत्यासी शेख सेराज, शिक्षा संयोजक सुबोध प्रसाद यादव, पूर्व वडा अध्यक्ष तथा कार्यपालिका सदस्य उमाशंकर साह, कलवार, परमेश्वर यादवसहित थुप्रै स्थानीय नागरिकहरूको उपस्थिति रहेको थियो ।
समारोहमा वक्ताहरूले यादवको इमान्दारिता, कुशल प्रशासनिक क्षमता र नागरिक–मैत्री सेवा प्रवाहको प्रशंसा गर्दै उहाँको कार्यशैलीलाई उदाहरणीय भन्दै आगामी दिनमा पनि यस्तै सकारात्मक सुधार कार्य निरन्तर रहोस् भन्ने शुभकामना व्यक्त गरेका थिए ।
नगरपालिकाले आगामी दिनहरूमा पनि दक्ष र समर्पित कर्मचारीहरूलाई प्रोत्साहन गर्दै जाने प्रतिबद्धता जनाएको छ ।
आरके श्रीवास्तव,राैतहट,२१ गते साउन ।
फतुवा विजयपुर नगरपालिकाको स्वास्थ्य क्षेत्रका भौतिक संरचनामा महत्वपूर्ण योगदान पुर्याउने कार्यमा कार्यवाहक नगर प्रमुख अमबेया खातुनलाई आम नागरिकहरूले सम्मान पत्र प्रदान गरेका छन् । यस नगरपालिकाका नागरिकहरूले समाजसेवी अच्युत मैनालीको नेतृत्वमा उक्त अभिनन्दन समारोह आयोजना गरेका थिए । बुधबार फतुवा बिजयपुर ११ मा आधारभूत स्वास्थ्य सेवा केन्द्र समुदघाटनकाे अवसर साे नागरिक अभिनन्दन गरिएको हाे ।
कार्यवाहक नगर प्रमुख खातुनको नेतृत्वमा नगरपालिकामा पाँच वटा स्वास्थ्य क्षेत्रका भौतिक संरचनाहरूलाई सुधार गरी ती क्षेत्रहरूलाई ठोस र उपयोगी बनाइने काममा सफलता प्राप्त भएको छ । यो कार्य नगरपालिकाका नागरिकहरूको स्वास्थ्य सेवामा सुधार ल्याउने दिशा थियो, जसको कदर गर्दै उनले यो सम्मान प्राप्त गरेकी छिन् ।
सम्मान पत्रमा नगरपालिकाका नागरिकहरूको तर्फबाट “श्री अमबेया खातुनलाई स-सम्मान अभिनन्दन गरिएको छ।” उल्लेख गरिएको छ र अगामी दिनहरूमा पनि नगरपालिकाका अन्य क्षेत्रमा यस्तै सुधारात्मक पहल र गुणस्तरीय कामको अपेक्षा गरिएको छ ।
सम्मान समारोहमा प्रमुख समाजसेवी अच्युत मैनाली,प्रमुख प्रशासकीय अधिकृत भरत प्रसाद यादव,प्रदेश सांसद प्रत्यासी शेख सेराज,शिक्षा संयाेजक सुबाेध प्रसाद यादव,पूर्व वडा अध्यक्ष एवम् कार्यपालिका सदस्य उमाशंकर साह कलवार,परमेश्वर यादव र अन्य स्थानीय नागरिकहरू उपस्थित थिए । कार्यवाहक नगर प्रमुख अमबेया खातुनले, “यो सम्मान मैले मात्र प्राप्त गरेको होइन, यो नगरपालिकाका सबै नागरिकहरूको साझा सफलता हो,” भनिन् ।
समारोहको दौरान नागरिकहरूले नगरपालिकाको अन्य क्षेत्रहरूमा पनि सुधार र विकासका लागि कार्यवाहक प्रमुखको निरन्तर पहलको अपेक्षासमेत व्यक्त गरेका छन् ।
