आरके श्रीवास्तव,रौतहट,२२ गते जेठ ।
रौतहटको फतुवा विजयपुर–२ सितलपुरमा वर्षौंदेखि अलपत्र अवस्थामा रहेको खानेपानी आयोजनाको निर्माण कार्य अहिले तीव्र गतिमा अघि बढिरहेको छ । आयोजना सम्पन्न भएपछि ५ हजारभन्दा बढी स्थानीय बासिन्दाले शुद्ध तथा सुरक्षित खानेपानीको सुविधा प्राप्त गर्ने अपेक्षा गरिएको छ ।
खानेपानी उपभोक्ता समितिका अध्यक्ष हरिकिशोर राय यादव (परमानन्द) का अनुसार मधेश प्रदेश सरकार अन्तर्गत खानेपानी तथा सरसफाइ डिभिजन कार्यालय रौतहटको ९० लाख रुपैयाँ बजेटमा ठेक्का प्रक्रियामार्फत सुमित आरपी जेबीले निर्माण कार्य गरिरहेको छ । हालसम्म खानेपानी ट्यांकीका लागि आवश्यक पिलर निर्माण सम्पन्न भइसकेको छ भने अब ओभरहेड ट्यांकी निर्माणको काम सुरु गरिने तयारी गरिएको उनले जानकारी दिए ।
हालसम्म अधिकांश स्थानीयवासी ह्याण्डपाइपको भरमा खानेपानी उपभोग गर्न बाध्य रहेका छन् । आयोजना सम्पन्न भएपछि घरघरमा शुद्ध खानेपानी पुग्ने भएकाले स्थानीयको जीवनस्तरमा सकारात्मक परिवर्तन आउने विश्वास गरिएको छ । यसैबीच, वडा नं. २ का वडा अध्यक्ष अनिरुद्ध प्रसाद यादव (संजय) ले आफू निर्वाचित भएदेखि नै वडाको समग्र विकासलाई प्राथमिकतामा राखेर काम गर्दै आएको बताए । उनले खानेपानी आयोजना वर्षौंदेखि अलपत्र परेकाले यसलाई सम्पन्न गराउन सम्बन्धित निकायसँग निरन्तर पहल र समन्वय गरेको उल्लेख गरे ।
वडा अध्यक्ष यादवले भने, “स्थानीय नागरिकको आधारभूत आवश्यकता पूरा गर्नु हाम्रो पहिलो दायित्व हो । खानेपानी आयोजना सम्पन्न भएपछि हजारौं नागरिक प्रत्यक्ष लाभान्वित हुनेछन् । यसले जनस्वास्थ्य सुधारका साथै दैनिक जीवनलाई सहज बनाउनेछ ।” उनले आफ्नो कार्यकालमा खानेपानी मात्र नभई शिक्षा, स्वास्थ्य र कृषिका क्षेत्रमा समेत उल्लेखनीय काम भएको दाबी गरे।
विद्यालयको शैक्षिक वातावरण सुधार, स्वास्थ्य सेवाको पहुँच विस्तार तथा कृषकलाई आवश्यक सहयोग उपलब्ध गराउने विषयमा निरन्तर पहल भइरहेको उनले बताए । स्थानीयवासीले पनि लामो समयदेखि रोकिएको आयोजना पुनः निर्माण चरणमा प्रवेश गरेपछि खुसी व्यक्त गरेका छन् । निर्माण कार्य निर्धारित समयमै सम्पन्न भएमा सितलपुरका हजारौं नागरिकले पहिलो पटक व्यवस्थित खानेपानी सेवा प्राप्त गर्नेछन् ।
काठमाडौँ । जल तथा मौसम विज्ञान विभागले हाल नेपालमा उपल्लो वायुमण्डलमा रहेको पश्चिमी न्युन चापीय रेखा तथा स्थानीय वायूको आंशिक प्रभाव रहेको जानकारी दिएको छ ।
हाल कोशी, मधेश, बागमती र सुदुरपश्चिम प्रदेश लगायत बाँकी हिमाली तथा पहाडी भू-भागमा साधारणतया बादल र तराई भू-भागमा मुख्यतया सफा रहेको छ। कोशी, बागमती, गण्डकी, लुम्बिनी र कर्णालीका थोरै स्थानहरूमा तथा सुदुरपश्चिम प्रदेशका पहाडी भू-भागका एक-दुई स्थानमा हल्का देखि मध्यम वर्षा भइरहेको छ ।
आज दिउँसो कोशी प्रदेश लगायत देशको हिमाली र पहाडी भू-भागमा साधारणतया बादल लाग्नेछ तथा तराई भू-भागमा आंशिक बादल लाग्नेछ। लुम्बिनी, कर्णाली र सुदुरपश्चिम प्रदेश लगायत देशको हिमाली र पहाडी भू-भागका थोरै स्थानहरूमा, मधेश प्रदेश लगायत कोशी, बागमती र गण्डकी प्रदेशको तराई भू-भागका एक-दुई स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना रहेको छ । मधेश र लुम्बिनी प्रदेशका तराई भू-भागका थोरै स्थानहरूमा मध्यम तातो लहर हुनुका साथै कोशी, बागमती, गण्डकी र सुदूरपश्चिम प्रदेशका तराई भू-भागका केही स्थानहरूमा तातो दिन हुने सम्भावना रहेको छ ।
त्यस्तै आज राती कोशी प्रदेश लगायत देशको हिमाली भू-भागमा साधारणतया बादल, पहाडी भू-भाग तथा मधेश प्रदेशमा आंशिक बादल लाग्नेछ र बाँकी तराई भू-भागमा मुख्यतया सफा रहने छ। कोशी प्रदेशको थोरै स्थानहरूमा र मधेश प्रदेश लगायत बागमती, गण्डकी, लुम्बिनी र कर्णाली प्रदेशको हिमाली र पहाडी भू-भागमा भू-भागका एक-दुई स्थानमा हल्का वर्षा/हिमपातको सम्भावना रहेको छ । एभरेष्ट न्यूज एजेन्सी
आजको राशिफल बिस २०८३ जेठ २२ गते शुक्रबार ईस २०२६ जुन ५ नेपाल सम्बत ११४६ अनालागा पञ्चमी, रौद्र नाम संवत्सर सूर्य दक्षिणायनं, गृष्म ऋतु, जेठ कृष्ण पञ्चमी, चन्द्रमा मकर राशिमा, श्रवण नक्षत्र, ब्रह योग, कौलव करण । आज नेपालमा सुर्योदय बिहान ५ बजेर ७ मिनेटमा र सूर्यास्त साँझ ०६ बजेर ५६ मिनेटमा हुनेछ ।
आज जन्म लिने बच्चा मकर राशीको हुनेछ । आज कुनै महत्वपूर्ण कार्यका लागि बाहिर निस्कनु पर्दा जौ मुखमा राखेर जुनसुकै दिशाको यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान ६ बजेर ५१ मिनेट देखि ८ बजेर ३५ मिनेट सम्म रहेको छ । यो समय नेपालको राष्ट्रिय समयमा आधारित छ । आज विश्व वातावरण दिवस परेको छ ।
मेष
आजको दिन तपाईंका लागि उत्साहजनक र उपलब्धिमूलक रहने संकेत देखिन्छ। कार्यक्षेत्रमा लामो समयदेखि गरेको मेहनतको परिणाम प्राप्त हुन सक्छ। नयाँ जिम्मेवारी आउन सक्ने भएकाले आत्मविश्वासका साथ अघि बढ्नु राम्रो हुनेछ। व्यवसायमा नयाँ अवसर देखा पर्न सक्छन्। आर्थिक पक्षमा सुधारको संकेत भए पनि अनावश्यक खर्च नियन्त्रण गर्नुपर्ने देखिन्छ। परिवारका सदस्यहरूसँग सम्बन्ध थप प्रगाढ बन्नेछ। प्रेम सम्बन्धमा खुसी र विश्वास बढ्ने सम्भावना छ। स्वास्थ्य सामान्य रहनेछ, तर पर्याप्त आराम र नियमित खानपानमा ध्यान दिनु उचित हुनेछ।
वृष
आज धैर्य, संयम र व्यवहारिक सोचले तपाईंलाई सफलता दिलाउनेछ। कार्यक्षेत्रमा केही चुनौती आए पनि अनुभव र समझदारीले सजिलै समाधान निकाल्न सक्नुहुनेछ। आर्थिक पक्षमा स्थिरता कायम रहनेछ। रोकिएको रकम प्राप्त हुने वा पुरानो लगानीबाट लाभ मिल्ने सम्भावना छ। परिवारभित्र खुसीको वातावरण रहनेछ। आफन्त वा साथीभाइसँगको भेटघाटले मन प्रसन्न बनाउनेछ। स्वास्थ्य सामान्य रहनेछ। भविष्यका लागि महत्वपूर्ण योजना बनाउन र दीर्घकालीन लक्ष्य तय गर्न उपयुक्त दिन देखिन्छ।
मिथुन
आजको दिन व्यस्त भए पनि उपलब्धिमूलक रहनेछ। कार्यक्षेत्रमा नयाँ जिम्मेवारी आउन सक्छ, जसले तपाईंको क्षमता प्रमाणित गर्ने अवसर दिनेछ। सहकर्मी र वरिष्ठ व्यक्तिको सहयोग प्राप्त हुनेछ। आर्थिक पक्ष सामान्य रहनेछ, तर खर्चमा सावधानी अपनाउनु आवश्यक छ। पारिवारिक जीवन सुखद रहनेछ। नयाँ व्यक्तिसँगको परिचय लाभदायक बन्न सक्छ। प्रेम सम्बन्धमा समझदारी बढ्नेछ। स्वास्थ्य राम्रो रहनेछ र मानसिक रूपमा पनि सन्तुलित महसुस हुनेछ।
कर्कट
आज परिवार र व्यक्तिगत जीवनमा खुसीको वातावरण बन्ने सम्भावना छ। आफन्तजनसँगको भेटघाट वा शुभ समाचारले मन प्रसन्न बनाउन सक्छ। कार्यक्षेत्रमा तपाईंको मेहनतको कदर हुनेछ र नयाँ अवसर प्राप्त हुन सक्छ। आर्थिक पक्षमा सुधारका संकेत देखिन्छन्। रोकिएका कामहरू पूरा हुने सम्भावना छ। स्वास्थ्यमा सकारात्मक परिवर्तन देखिन सक्छ। मनमा नयाँ उत्साह, आशा र आत्मविश्वास जाग्ने दिन रहनेछ।
सिंह
आज नेतृत्व क्षमता र निर्णय शक्तिले विशेष महत्व राख्नेछ। कार्यक्षेत्रमा महत्वपूर्ण जिम्मेवारी प्राप्त हुन सक्छ। तपाईंका विचार र योजनाले राम्रो परिणाम दिने सम्भावना छ। आर्थिक रूपमा दिन लाभदायक देखिन्छ, तर ठूलो खर्च वा लगानी गर्दा सावधानी अपनाउनु आवश्यक छ। परिवारको सहयोगले मनोबल बढाउनेछ। सामाजिक क्षेत्रमा सम्मान र प्रतिष्ठा बढ्न सक्छ। प्रेम सम्बन्धमा मधुरता कायम रहनेछ। स्वास्थ्य राम्रो रहनेछ।
कन्या
आज अध्ययन, अनुसन्धान, लेखन वा बौद्धिक कार्यमा सफलता मिल्ने सम्भावना छ। नयाँ सीप सिक्ने वा ज्ञान बढाउने अवसर प्राप्त हुन सक्छ। कार्यक्षेत्रमा धैर्य र निरन्तरताले राम्रो परिणाम दिनेछ। आर्थिक अवस्था स्थिर रहनेछ। परिवारभित्र सहयोग र समझदारीको वातावरण रहनेछ। छोटो यात्रा वा बाहिरी कामबाट लाभ मिल्न सक्छ। स्वास्थ्यमा सामान्य सावधानी अपनाउनु राम्रो हुनेछ। भविष्यका योजना कार्यान्वयन गर्न दिन अनुकूल देखिन्छ।
तुला
आज आर्थिक पक्षमा सकारात्मक सुधार देखिन सक्छ। आम्दानीका नयाँ स्रोत फेला पर्न सक्छन् वा रोकिएको रकम प्राप्त हुन सक्छ। कार्यक्षेत्रमा सहकर्मी र साथीभाइको सहयोगले काम सहज बन्नेछ। व्यवसायमा विस्तारको अवसर प्राप्त हुन सक्छ। परिवारमा खुसी र सन्तोषको वातावरण कायम रहनेछ। सामाजिक गतिविधिमा सक्रियता बढ्न सक्छ। आत्मविश्वास बढ्ने भएकाले नयाँ योजना सुरु गर्न प्रेरणा मिल्नेछ।
वृश्चिक
आज मेहनत र लगनशीलताको प्रतिफल प्राप्त हुने दिन छ। कार्यक्षेत्रमा प्रतिस्पर्धा भए पनि तपाईंको क्षमता र अनुभवले सफलता दिलाउने सम्भावना छ। आर्थिक लाभका अवसरहरू प्राप्त हुन सक्छन्। परिवारमा शुभ समाचार आउने सम्भावना छ। सम्बन्धमा विश्वास र पारदर्शिता कायम राख्न सके सम्बन्ध अझ सुदृढ बन्नेछ। स्वास्थ्य सामान्य रहनेछ। मानसिक रूपमा पनि सन्तुलित र सकारात्मक महसुस हुनेछ।
धनु
आजको दिन उत्साह, उमंग र सकारात्मक ऊर्जाले भरिएको रहनेछ। कार्यक्षेत्रमा नयाँ अवसर प्राप्त हुन सक्छन्। तपाईंको सक्रियता र मेहनतले राम्रो परिणाम दिनेछ। यात्रा वा बाहिरी कामबाट लाभ मिल्न सक्ने सम्भावना छ। आर्थिक पक्षमा सुधार देखिनेछ। सामाजिक क्षेत्रमा सम्मान र लोकप्रियता बढ्न सक्छ। परिवारसँगको सम्बन्ध सुमधुर रहनेछ। नयाँ काम सुरु गर्न वा विस्तार गर्न अनुकूल समय रहेको छ।
मकर
आज जिम्मेवारी बढ्न सक्ने दिन हो। कार्यक्षेत्रमा अतिरिक्त कामको भार आउन सक्छ, तर योजनाबद्ध रूपमा अघि बढे सफलता प्राप्त हुनेछ। आर्थिक पक्ष सामान्य रहनेछ। खर्चमा नियन्त्रण राख्नु आवश्यक छ। परिवारको साथ र सहयोगले मानसिक बल प्रदान गर्नेछ। स्वास्थ्यमा थकान वा आलस्य महसुस हुन सक्ने भएकाले आराममा ध्यान दिनु राम्रो हुनेछ। दीर्घकालीन योजनामा प्रगति हुने संकेत देखिन्छ।
कुम्भ
आज नयाँ सोच, नयाँ योजना र नयाँ अवसरले भरिएको दिन रहनेछ। कार्यक्षेत्रमा प्रगति हुने सम्भावना छ। रोकिएका कामहरू पूरा हुन सक्छन्। साथीभाइ तथा सहकर्मीको सहयोगले महत्वपूर्ण काम सम्पन्न गर्न सहज हुनेछ। आर्थिक पक्षमा सुधार आउने संकेत छन्। परिवारभित्र खुसी र समझदारीको वातावरण रहनेछ। सामाजिक सम्बन्ध विस्तार हुन सक्छ। आत्मविश्वास बढ्ने भएकाले महत्वपूर्ण निर्णय लिन सक्नुहुनेछ।
मीन
आज मिश्रित परिणाम दिने दिन भए पनि धैर्य र सकारात्मक सोचले सफलता दिलाउन सक्छ। कार्यक्षेत्रमा केही चुनौती देखिए पनि समाधानका बाटाहरू खुल्दै जानेछन्। आर्थिक पक्षमा सावधानी अपनाउनु आवश्यक हुनेछ। परिवारको साथ र सहयोगले मानसिक शान्ति मिल्नेछ। पुराना कामहरू पूरा गर्ने अवसर प्राप्त हुन सक्छ। नयाँ योजना बनाउनुअघि सबै पक्षको राम्रोसँग मूल्यांकन गर्नु उचित हुनेछ। दिनको अन्त्यतिर सुखद समाचार प्राप्त हुन सक्छ, जसले आगामी दिनप्रति आशा र उत्साह बढाउनेछ।एभरेष्ट न्यूज एजेन्सी
शिवनाथ कुशवाहा ,रौतहट,२० गते जेठ ।
रौतहटको गरुडा नगरपालिका–२ स्थित श्री माध्यमिक विद्यालय गेडहीगुठीमा प्रधानाध्यापक मौजेलाल साह आएपछि विद्यालयको भौतिक तथा शैक्षिक विकासले तीव्र गति लिएको छ । विभिन्न निकायसँग समन्वय र पहल गर्दै उनले विद्यालयको समग्र अवस्था सुधार गर्न सक्रिय रूपमा काम गरिरहेका छन् ।
हाल विद्यालयमा चार कोठे भवन निर्माण कार्य जारी रहेको छ । शिक्षा तथा मानव स्रोत विकास केन्द्रको राष्ट्रिय शैक्षिक सुधार कार्यक्रम अन्तर्गत ७७ लाख रुपैयाँको लागतमा उक्त भवन निर्माण भइरहेको छ । निर्माण कार्य एसियन कन्स्ट्रक्सन, यमुनामाईले गरिरहेको विद्यालय प्रशासनले जनाएको छ । त्यसैगरी मधेश प्रदेश सरकार अन्तर्गतको भौतिक पूर्वाधार कार्यालय रौतहटको २२ लाख रुपैयाँको लागतमा दुई कोठे अर्को भवन पनि निर्माणाधीन अवस्थामा रहेको छ ।
प्रधानाध्यापक साहकै पहलमा विद्यालय परिसरमा माता सरस्वतीको मन्दिर निर्माण गरिएको छ भने विद्यालयको शैक्षिक वातावरण सुधारका लागि विभिन्न कार्यक्रम सञ्चालनमा ल्याइएको छ । उनले निकट भविष्यमै स्मार्ट बोर्ड सञ्चालनमा ल्याइने जानकारी दिएका छन् ।
विद्यालयमा विद्यार्थीका लागि ४० वटा नयाँ बेन्च निर्माण गरिएको छ भने बाल विकास कक्षामा बालमैत्री सिकाइ वातावरण तयार गरिएको प्रधानाध्यापक साहले बताए । स्थानीयका अनुसार केही वर्षअघिसम्म विद्यालयको अवस्था कमजोर देखिन्थ्यो । तर अहिले कम्पाउण्ड वाल निर्माण, नयाँ भवनहरूको निर्माण तथा शैक्षिक पूर्वाधार विस्तारसँगै विद्यालयको स्वरूपमा उल्लेखनीय परिवर्तन देखिएको छ ।
बिधालयमा १ हजार भन्दा बिधार्थी अध्यनरत्त छन् । यस अघि चार कोठो दुइ तले भवन निर्माण भइसकेको छ । त्यसमा पलास्टरको काम मात्र गर्न मात्र बाँकी छ । प्रधानाध्यापक साहले आगामी दुई वर्षभित्र विद्यालयलाई नमुना शैक्षिक संस्थाको रूपमा विकास गर्ने लक्ष्य रहेको बताए ।
“विद्यालयको भौतिक संरचना मात्र होइन, शिक्षण सिकाइको गुणस्तरमा समेत सुधार ल्याउने हाम्रो उद्देश्य हो,” उनले भने । विद्यालयमा भइरहेको विकास निर्माणका काम र शैक्षिक सुधारका प्रयासले अभिभावक तथा स्थानीय समुदायमा समेत सकारात्मक सन्देश प्रवाह गरेको छ ।
बज्जिकाञ्चल एफएम,रौतहट,जेठ २० गते ।
रौतहटको कटहरिया बजारस्थित पुरानो नेपाल बैंकको भवनमा सञ्चालनमा रहेको न्यूरो पोलिक्लिनिकले सर्वसाधारणका लागि विभिन्न स्वास्थ्य सेवा उपलब्ध गराउँदै आएको छ । क्लिनिकका सञ्चालक गोविन्द प्रसाद कुशवाहाका अनुसार क्लिनिकमा इमर्जेन्सी, फार्मेसी, एक्स–रे, अक्सिजन, बिरामी निगरानी (मोनिटर), भिडियो एक्स–रे तथा प्रयोगशाला (ल्याब) सेवाको सुविधा उपलब्ध छ ।
उनले विशेषगरी सामान्य रोगहरूको उपचार, ज्वरो, साना–ठूला चोटपटक तथा हड्डी भाँचिएको अवस्थामा प्लास्टर लगाउने सेवा यहीँबाट उपलब्ध हुने भएकाले सामान्य उपचारका लागि बाहिर जानुपर्ने बाध्यता कम हुने बताए । कुशवाहाका अनुसार आगामी दिनमा बाहिरी विशेषज्ञ चिकित्सकहरूलाई साप्ताहिक रूपमा क्लिनिकमा ल्याई थप विशेषज्ञ सेवा प्रदान गर्ने लक्ष्य राखिएको छ ।
साथै हरेक शनिबार गाउँ–गाउँमा पुगेर निःशुल्क स्वास्थ्य सेवा सञ्चालन गर्ने योजना समेत क्लिनिकले बनाएको छ । एक महिनाभन्दा बढी समयदेखि सञ्चालनमा रहेको उक्त स्वास्थ्य संस्थाले स्थानीय बासिन्दालाई सहज र गुणस्तरीय स्वास्थ्य सेवा प्रदान गरिरहेको दाबी गरेको छ । सञ्चालक कुशवाहाले आफ्नै क्षेत्रमा उपलब्ध यस्तो स्वास्थ्य संस्थाबाट लाभ लिन स्थानीयवासीलाई आग्रह गर्दै एकपटक सेवा लिने अवसर दिन अनुरोध गरेका छन् ।
आरके श्रीवास्तव,रौतहट,२० गते जेठ ।
रौतहटको कटहरिया नगरपालिका–४ स्थित श्री आधारभूत स्वास्थ्य केन्द्र कटहरियामा कडा शिघ्र कुपोषणबाट प्रभावित बालबालिकाका लागि खाद्य, पूरक पोषण तथा सरसफाइ सामग्री वितरण गरिएको छ । स्वास्थ्य केन्द्रका इन्चार्ज कृष्णनन्दन साहका अनुसार संरक्षण नेपाल रौतहटद्वारा सञ्चालित पोषण परियोजनाको सहयोग तथा रौतहटसँगको सहकार्यमा सञ्चालन भइरहेको पोषण अवस्था लेखाजोखा तथा व्यवस्थापन कार्यक्रम अन्तर्गत ४३ जना लाभग्राहीलाई सामग्री वितरण गरिएको हो ।
वितरण कार्यक्रममा रातो कार्ड र पहेँलो कार्डधारी कुपोषित बालबालिकाका परिवारलाई प्राथमिकतामा राखिएको थियो । प्रत्येक लाभग्राहीलाई करिब रु. ३,००० बराबरको पोषणयुक्त खाद्य सामग्री तथा सरसफाइ सामग्री८८ उपलब्ध गराइएको इन्चार्ज साहले जानकारी दिए । वितरण गरिएका सामग्रीमा अण्डा, सुपर सिरियल, चना, मुंग दाल लगायतका पोषणयुक्त खाद्य वस्तु समावेश रहेका थिए । साथै बालबालिकाको स्वास्थ्य तथा सरसफाइलाई ध्यानमा राख्दै आवश्यक सरसफाइ सामग्री समेत प्रदान गरिएको थियो । कार्यक्रममा संरक्षण नेपालका प्रतिनिधिहरू रेखा साह र धर्मेन्द्र महतोको सहभागिता रहेको थियो ।
उनीहरूले कुपोषण न्यूनीकरणका लागि समुदायस्तरमा सचेतना अभिवृद्धि तथा पोषण सुधारका कार्यक्रमहरूलाई निरन्तरता दिइने बताए । स्थानीय स्वास्थ्यकर्मीहरूले यस्ता कार्यक्रमले कुपोषणको जोखिममा रहेका बालबालिकाको स्वास्थ्य अवस्थामा सुधार ल्याउन सहयोग पुग्ने विश्वास व्यक्त गरेका छन् । कार्यक्रममार्फत कुपोषित बालबालिकाको नियमित अनुगमन तथा आवश्यक पोषण व्यवस्थापनलाई समेत प्राथमिकता दिइएको जनाइएको छ ।
आरके श्रीवास्तव,रौतहट,२१ गते जेठ । रौतहटको कटहरिया नगरपालिकाको कार्यालय तथा विभिन्न वडा कार्यालयमा लगाइएको तालाबन्दी आजदेखि खुलेको छ । कर्मचारीहरूको तलब भुक्तानीसम्बन्धी समस्या समाधान गर्ने सहमतिपछि तालाबन्दी खोलिएको नगरपालिकाले जनाएको छ ।
कटहरिया नगरपालिकाका कार्यपालिका सदस्य मनोज जयसवालका अनुसार कर्मचारीहरूको तलब जेठ मसान्तभित्र भुक्तानी गर्ने र क्यान्सरपीडित कर्मचारी श्रीराउत बरैलाई तलबको ५० प्रतिशत रकम तत्काल नगद उपलब्ध गराउने सहमति भएपछि तालाबन्दी अन्त्य गरिएको हो ।
उनले वडा अध्यक्षहरू, कार्यपालिका सदस्यहरू तथा सम्बन्धित पक्षबीच भएको छलफलबाट सहमति जुटेको जानकारी दिँदै बैंक खाता सञ्चालनमा आएलगत्तै कर्मचारीहरूको तलब भुक्तानी गरिने बताए । “हामी सबै वडा अध्यक्ष, कार्यपालिका सदस्य,कर्मचारीहरु र सरोकारवालाबीच भएको छलफलपछि कर्मचारीको तलब जेष्ठ मसान्तभित्र उपलब्ध गराउने सहमति भएको छ ।
सोही सहमतिअनुसार आजदेखि तालाबन्दी खुलेर कार्यालयको कामकाज सुचारु भएको हो,” जयसवालले भने । उनले नगरपालिकाभित्रकै परिवारबीच आपसी समझदारीबाट समस्या समाधान भएको उल्लेख गर्दै बाह्य दबाब वा कुनै राजनीतिक हस्तक्षेपका कारण तालाबन्दी खुलेको भन्ने दाबी गलत रहेको बताए ।
केही व्यक्तिले सस्तो लोकप्रयिता कमाउन यसको श्रेय लिन खोजे पनि वास्तविकता भने पालिकाभित्रकै सहमतिबाट समाधान भएको उनको भनाइ थियो । जयसवालले आफू सधैं कर्मचारीहरूको पक्षमा रहेको बताउँदै क्यान्सरपीडित कर्मचारी श्रीराउत बरैको उपचारका लागि व्यक्तिगत रूपमा सहयोग गर्ने प्रतिबद्धता जनाए । साथै अन्य सहयोगी मनका धनी व्यक्तिहरूलाई समेत सहयोग गर्न अपिल गरे ।
यस्तै, कटहरिया नगरपालिका वडा नं. ८ का वडा अध्यक्ष समिश विक्रम साहले सर्वसम्मत निर्णयका आधारमा तालाबन्दी खोलिएको जानकारी दिए । उनले यसपटक कर्मचारीहरूले निश्चित रूपमा तलब प्राप्त गर्ने विश्वास व्यक्त गरे । कटहरिया वडा नम्बर २ का वडा अध्यक्ष हरिन्द्र साह कलवारका अनुसार क्यान्सरपीडित कर्मचारी श्रीराउत बरैको उपचार सहयोगका लागि आफनो व्यक्तिगत खातामा १ लाख २५ हजार रुपैयाँ जम्मा भइसकेको छ ।
कर्मचारीको तलब निकासा भएपछि उक्त रकम सम्बन्धित सहयोगकर्तालाई फिर्ता गर्ने समझदारी भएको उनले बताए । वडा अध्यक्ष साहले कर्मचारीहरूले समयमै तलब किन प्राप्त गर्न सकेनन् भन्ने विषयमा आगामी कार्यपालिका बैठकमा गम्भीर समीक्षा हुनुपर्ने आवश्यकता औंल्याए । “तलब भुक्तानीमा ढिलाइ हुनुका कारण स्पष्ट हुनुपर्छ ।
यस विषयमा कार्यपालिका बैठकमा समिक्षा गरी वास्तविकता सार्वजनिक गरिनुपर्छ,” उनले भने । तालाबन्दीका कारण नगरपालिकाका सेवाग्राहीहरू लामो समयदेखि प्रभावित बनेका थिए । तालाबन्दी खुलेसँगै नगरपालिकाको सेवा प्रवाह पुनः नियमित हुने अपेक्षा गरिएको छ ।
काठमाडौँ । जल तथा मौसम विज्ञान विभागले हाल नेपालको पश्चिम भू-भाग आसपास उपल्लो वायुमण्डलमा रहेको न्युन चापीय प्रणाली तथा स्थानीय वायूको आंशिक प्रभाव रहेको जानकारी दिएको छ ।
हाल गण्डकी र कर्णाली प्रदेशका हिमाली तथा पहाडी भू-भागमा साधारणतया बादल, बाँकी पहाडी भू-भागमा आंशिक बादल र तराई भू-भागमा मुख्यतया सफा रहेको छ। कोशी, बागमती, गण्डकी, लुम्बिनी, कर्णाली र सुदुरपश्चिम प्रदेशका हिमाली तथा पहाडी भू-भागका एक-दुई स्थानमा हल्का वर्षा भइरहेको छ ।
आज दिउँसो देशको हिमाली र पहाडी भू-भागमा साधारणतया बादल लाग्नेछ तथा तराई भू-भागमा आंशिक बादल लाग्नेछ। लुम्बिनी र सुदुरपश्चिम प्रदेश लगायत देशको हिमाली र पहाडी भू-भागका थोरै स्थानहरूमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना रहेको छ । मधेश प्रदेशमा तथा कोशी, बागमती र गण्डकी प्रदेशको तराईमा तातो दिन हुने सम्भावना रहेको छ।
त्यस्तै आज राती कोशी र मधेश प्रदेश लगायत देशको हिमाली भू-भागमा साधारणतया बादल, पहाडी भू-भागमा आंशिक बादल लाग्नेछ र बाँकी तराई भू-भागमा मुख्यतया सफा रहने छ। कोशी र मधेश प्रदेश लगायत बागमती, गण्डकी, लुम्बिनी र कर्णाली प्रदेशको हिमाली र पहाडी भू-भागमा भू-भागका एक-दुई स्थानमा हल्का वर्षा/हिमपातको सम्भावना रहेको छ । एभरेष्ट न्यूज एजेन्सी
आजको राशिफल बिस २०८३ जेठ २१ गते बिहिबार ईस २०२६ जुन ०४ नेपाल सम्बत ११४६ अनालागा चतुर्थी, रौद्र नाम संवत्सर सूर्य उत्तरायण, गृष्म ऋतु, जेठ कृष्ण चतुर्थी, चन्द्रमा धनु राशिमा, उत्तरषाढा नक्षत्र, शुक्ल योग, बव करण । आज नेपालमा सुर्योदय बिहान ५ बजेर ९ मिनेटमा र सूर्यास्त साँझ ६ बजेर ५६ मिनेटमा हुनेछ ।
आज जन्म लिने बच्चा धनु राशीको हुनेछ । आज कुनै महत्वपूर्ण कार्यका लागि बाहिर निस्कनु पर्दा दहि खाएर जुनसुकै दिशाको यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान ५ बजेर ७ मिनेटदेखि ६ बजेर ५१ मिनेट सम्म रहेको छ । यो समय नेपालको राष्ट्रिय समयमा आधारित छ ।
आज निर्दोष बालबालिकामाथि अत्याचार विरुद्धको दिवस र जातीय भेदभाव तथा छुवाछुत उन्मुलन राष्ट्रिय दिवस परेको छ ।
मेष
आजको दिन ऊर्जा र नयाँ सम्भावनाले भरिएको रहनेछ। कार्यक्षेत्रमा तपाईंले गरेका पुराना प्रयासको सकारात्मक परिणाम देखिन थाल्न सक्छ। नयाँ जिम्मेवारी प्राप्त भए पनि त्यसलाई सफलतापूर्वक पूरा गर्ने क्षमता रहनेछ। व्यवसायमा विस्तारको सोच बनिरहेको छ भने त्यसका लागि आवश्यक तयारी गर्न उपयुक्त समय छ। आर्थिक पक्षमा आम्दानी र खर्चबीच सन्तुलन कायम रहने सम्भावना छ। परिवारका सदस्यहरूसँग सम्बन्ध थप आत्मीय बन्नेछ। प्रेम सम्बन्धमा विश्वास र समझदारी बढ्ने संकेत छन्। स्वास्थ्य सामान्य रहनेछ, तर अत्यधिक कामको चापले थकान महसुस हुन सक्छ।
वृष
आज धैर्य, संयम र व्यवहारिक सोचले सफलता दिलाउने दिन छ। कार्यक्षेत्रमा केही चुनौती आए पनि अनुभव र लगनशीलताले समाधान निकाल्न सक्नुहुनेछ। आर्थिक पक्षमा सन्तोषजनक सुधार देखिन सक्छ। रोकिएको रकम प्राप्त हुने वा पुरानो कारोबारबाट लाभ मिल्ने सम्भावना छ। परिवारभित्रको वातावरण शान्त र सहयोगी रहनेछ। आफन्तसँगको भेटघाटले मन प्रसन्न बनाउनेछ। स्वास्थ्यमा सामान्य सुधार देखिनेछ। भविष्यका योजना बनाउने र दीर्घकालीन निर्णय गर्ने दृष्टिले दिन उपयोगी रहनेछ।
मिथुन
आज तपाईंको दिन व्यस्त तर उपलब्धिमूलक रहने सम्भावना छ। विभिन्न काम र जिम्मेवारीले समय व्यस्त बनाए पनि अन्ततः सन्तोषजनक परिणाम प्राप्त हुनेछ। कार्यक्षेत्रमा सहकर्मी तथा वरिष्ठको सहयोग मिल्न सक्छ। आर्थिक पक्षमा सामान्य अवस्था रहनेछ, तर अनावश्यक खर्च नियन्त्रण गर्नुपर्ने देखिन्छ। नयाँ व्यक्तिसँग परिचय हुने सम्भावना छ, जसले भविष्यमा महत्वपूर्ण भूमिका खेल्न सक्छ। पारिवारिक सम्बन्ध राम्रो रहनेछ। स्वास्थ्य सामान्य भए पनि पर्याप्त आराम गर्न आवश्यक हुनेछ।
कर्कट
आज भावनात्मक रूपमा सन्तुलित र सकारात्मक दिन रहनेछ। परिवारका सदस्यहरूसँग समय बिताउने अवसर प्राप्त हुनेछ। घरपरिवारमा खुसीको वातावरण बन्न सक्छ। कार्यक्षेत्रमा तपाईंको मेहनत र लगनशीलताको कदर हुनेछ। रोकिएका कामहरू अघि बढ्न सक्छन्। आर्थिक पक्षमा सुधारका संकेत देखिन्छन्। पुरानो चिन्ता वा तनाव कम हुँदै जानेछ। स्वास्थ्यमा सुधार देखिनेछ। मनमा नयाँ आशा, उत्साह र आत्मविश्वास बढ्ने दिन रहनेछ।
सिंह
आज नेतृत्व क्षमता र निर्णय शक्तिले विशेष भूमिका खेल्नेछ। कार्यक्षेत्रमा महत्वपूर्ण जिम्मेवारी प्राप्त हुन सक्छ। तपाईंका विचार र योजनालाई अरूले समर्थन गर्ने सम्भावना छ। आर्थिक रूपमा दिन सकारात्मक देखिन्छ, तर ठूलो लगानी वा खर्च गर्नुअघि राम्रोसँग विचार गर्नु आवश्यक छ। सामाजिक क्षेत्रमा सम्मान र प्रतिष्ठा बढ्न सक्छ। परिवारको सहयोगले मनोबल बढाउनेछ। प्रेम सम्बन्धमा मधुरता कायम रहनेछ। स्वास्थ्य राम्रो रहनेछ र दिनभर ऊर्जा महसुस हुनेछ।
कन्या
आज अध्ययन, अनुसन्धान, लेखन तथा बौद्धिक कार्यमा सफलता मिल्ने सम्भावना छ। नयाँ ज्ञान हासिल गर्ने अवसर प्राप्त हुन सक्छ। कार्यक्षेत्रमा धैर्यका साथ अघि बढ्दा राम्रो परिणाम हात लाग्नेछ। आर्थिक अवस्था स्थिर रहनेछ। परिवारका सदस्यहरूसँग सम्बन्ध सुमधुर रहनेछ। यात्रा वा बाहिरी कामको सम्भावना बन्न सक्छ। स्वास्थ्यमा सामान्य सावधानी अपनाउनु राम्रो हुनेछ। आफूले बनाएको योजना कार्यान्वयन गर्न आजको दिन उपयोगी देखिन्छ।
तुला
आज आर्थिक पक्षमा विशेष सुधार देखिन सक्छ। रोकिएको रकम प्राप्त हुने वा आम्दानीका नयाँ स्रोत खुल्ने सम्भावना छ। कार्यक्षेत्रमा सहकर्मी र मित्रहरूको सहयोग मिल्नेछ। व्यवसायमा नयाँ अवसर प्राप्त हुन सक्छ। परिवारमा खुसी र सन्तोषको वातावरण रहनेछ। सामाजिक गतिविधिमा सहभागिता बढ्न सक्छ। आत्मविश्वास र उत्साहका कारण नयाँ काम सुरु गर्ने प्रेरणा प्राप्त हुनेछ। स्वास्थ्य सामान्य रहनेछ।
वृश्चिक
आज मेहनत र लगनशीलताको प्रतिफल प्राप्त हुने दिन छ। कार्यक्षेत्रमा प्रतिस्पर्धा भए पनि अन्ततः सफलता तपाईंको पक्षमा आउने सम्भावना छ। आर्थिक लाभका अवसरहरू देखा पर्न सक्छन्। परिवारमा शुभ समाचार प्राप्त हुन सक्छ। सम्बन्धमा विश्वास र पारदर्शिता कायम राख्न सके सम्बन्ध अझ प्रगाढ बन्नेछ। नयाँ योजना वा सोचले भविष्यका लागि महत्वपूर्ण आधार तयार गर्न सक्छ। स्वास्थ्य सामान्य रहनेछ र मानसिक रूपमा पनि सन्तुलित महसुस हुनेछ।
धनु
आजको दिन उत्साह, उमंग र सकारात्मक सोचले भरिएको रहनेछ। कार्यक्षेत्रमा नयाँ अवसरहरू प्राप्त हुन सक्छन्। तपाईंको सक्रियता र मेहनतले राम्रो परिणाम दिनेछ। यात्रा वा बाहिरी कामबाट लाभ मिल्न सक्ने सम्भावना छ। आर्थिक पक्षमा सुधार देखिनेछ। सामाजिक क्षेत्रमा सम्मान र लोकप्रियता बढ्न सक्छ। परिवारसँगको सम्बन्ध सुमधुर रहनेछ। नयाँ काम सुरु गर्न वा पुरानो काम विस्तार गर्न अनुकूल समय रहेको छ।
मकर
आज जिम्मेवारी बढ्न सक्ने दिन हो। कार्यक्षेत्रमा अतिरिक्त कामको भार आउन सक्छ, तर योजनाबद्ध रूपमा अघि बढे सफलता प्राप्त हुनेछ। आर्थिक पक्ष सामान्य रहनेछ, तर खर्चमा नियन्त्रण राख्नु आवश्यक छ। परिवारको साथ र सहयोगले मानसिक बल प्रदान गर्नेछ। स्वास्थ्यमा थकान वा आलस्य महसुस हुन सक्ने भएकाले आराममा ध्यान दिनु राम्रो हुनेछ। दीर्घकालीन योजनामा प्रगति हुने संकेत देखिन्छ। धैर्य र अनुशासनले तपाईंलाई लक्ष्यतर्फ अगाडि बढाउनेछ।
कुम्भ
आज नयाँ सोच, नयाँ योजना र नयाँ अवसरको दिन रहनेछ। कार्यक्षेत्रमा प्रगति हुने सम्भावना छ। रोकिएका कामहरू पूरा हुन सक्छन्। साथीभाइ तथा सहकर्मीको सहयोगले महत्वपूर्ण काम सम्पन्न गर्न सहज हुनेछ। आर्थिक पक्षमा सुधार आउने संकेत छन्। परिवारभित्र खुसी र समझदारीको वातावरण रहनेछ। सामाजिक सम्बन्ध विस्तार हुने सम्भावना छ। आत्मविश्वास बढ्ने भएकाले महत्वपूर्ण निर्णय लिन सक्नुहुनेछ। स्वास्थ्य सामान्य रहनेछ।
मीन
आज मिश्रित परिणाम दिने दिन भए पनि धैर्य र सकारात्मक सोचले सफलता दिलाउन सक्छ। कार्यक्षेत्रमा केही चुनौती देखिए पनि समाधानका बाटाहरू खुल्दै जानेछन्। आर्थिक पक्षमा सावधानी अपनाउनु आवश्यक हुनेछ। परिवारको साथ र सहयोगले मानसिक शान्ति मिल्नेछ। पुराना कामहरू पूरा गर्ने अवसर प्राप्त हुन सक्छ। नयाँ योजना बनाउनुअघि सबै पक्षको गहिरो मूल्यांकन गर्नु राम्रो हुनेछ। दिनको अन्त्यतिर कुनै सुखद समाचार वा सकारात्मक संकेत प्राप्त हुन सक्छ, जसले आगामी दिनप्रति आशावादी बनाउनेछ ।एभरेष्ट न्यूज एजेन्सी
