काठमाडौँ । आज राष्ट्रिय सभाको बैठक बस्दैछ । संघीय संसद सचिवालयका अनुसार आज दिउसो १: १५ बजेदेखि राष्ट्रिय सभाको बैठक शुरु हुदैछ ।

आजको बैठकमा परराष्ट्रमन्त्री शिशिर खनाल र संस्कृति, पर्यटन तथा नागरिक उड्डयनमन्त्री खडकराज पौडेलले आफ्नो मन्त्रालयसँग सांसदहरुले राखेका प्रश्नहरुको मौखिक उत्तर दिने कार्यसूची रहेको छ ।

त्यसैगरी आज सांसद रेनु चन्दले ‘प्रविधिको प्रयोग गरि हुने लैंगिक हिँसा रोकथाम नियन्त्रण एवं महिलाको हकको संरक्षण र न्यायमा पहुँच गर्न आवश्यक नीतिगत कानुनी तथा संस्थागत व्यवस्था गरी प्रभावकारी कार्यान्वयन गर्ने सम्बन्धी सङ्कल्प प्रस्ताव प्रस्तुत गर्ने कार्यसूची रहेको छ ।एभरेष्ट न्यूज एजेन्सी

काठमाडौं । नेपाल आयल निगमले पेट्रोलियम पदार्थको मूल्य घटाएको छ । निगमले आजदेखि लागु हुने गरि पेट्रोल, डिजेल मट्टितेल र एलपी ग्याँस तथा हवाई इन्धनको मुल्य घटाएको हो ।

निगमले पेट्रोलमा प्रतिलिटर २० रुपैयाँ, डिजल-मट्टीतेलमा प्रतिलिटर ३० रुपैयाँले घटाएको छ भने  आन्तरिक तर्फको हवाई इन्धनमा प्रति लिटर ४० रुपैयाँ र अन्तर्राष्ट्रिय तर्फको हवाई इन्धन काठमाडौँको लागि प्रति किलो लिटर २६५ डलरले घटाएको जानकारी दिएको छ । त्यस्तै खाना पकाउने एलपी ग्याँसमा प्रति सिलिन्डर १०० रुपैयाँले घटाएको निगमले जनाएको छ ।

यसपछि काठमाडौँ उपत्यकामा पेट्रोल प्रतिलिटर १९७, डिजल- मट्टीतेल प्रतिलिटर १९५  पर्ने भएको छ । त्यस्तै एलपी ग्याँसको मुल्य आधा सिलिन्डरको १०३० र पुरा सिलिन्डरको २०६० पर्ने निगमले जानकारी दिएको छ । भरेष्ट न्यूज एजेन्सी

काठमाडौँ । जल तथा मौसम विज्ञान विभागको मौसम पूर्वानुमान महाशाखाले हाल देशभर मनसुनी वायूको प्रभाव रहेको र आज गण्डकी र लुम्बिनी प्रदेशको बाँकी भू-भाग, कर्णाली र सुदुरपश्चिम प्रदेशका सम्पूर्ण भू-भागमा मनसुन बिस्तार भएको जानकारी दिएको छ ।

हाल लुम्बिनी, कर्णाली र सुदुरपश्चिम प्रदेशमा अधिकांश बादल लागेको छ । कोशी, मधेश, बागमती र गण्डकी प्रदेशमा साधारणतया बादल लागेको छ । बागमती, लुम्बिनी, कर्णाली र सुदुरपश्चिम प्रदेशका थोरै स्थानमा तथा कोशी प्रदेशको एक-दुई स्थानमा मेघगर्जन/चट्याङ्ग सहित मध्यमसम्मको वर्षा भईरहेको छ ।  ‌

आज दिउँसो देशभर पूर्णतया बादल लाग्नेछ। देशको हिमाली भू-भागको केही स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ । देशका पहाडी भू-भागका धेरै स्थानमा मेघगर्जन/चट्याङ्ग सहित मध्यमसम्म वर्षा/हिमपातको तथा तराई भू-भागका केही स्थानमा मेघगर्जन/चट्याङ्ग सहित मध्यमसम्म वर्षाको सम्भावना छ। कोशी, बागमती, गण्डकी, लुम्बिनी र कर्णाली प्रदेशका पहाडी भू-भागका एक-दुई स्थानमा भारी वर्षाको पनि सम्भावना रहेको छ ।

त्यस्तै आज राति देशभर पूर्णतया बादल लाग्नेछ । देशको हिमाली भू-भागको थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ । देशको पहाडी भू-भागको केही स्थानमा र देशको तराई भू-भागको थोरै स्थानमा मेघगर्जन/चट्याङ्ग सहित मध्यमसम्मको वर्षाको सम्भावना छ ।  कोशी, बागमती र लुम्बिनी प्रदेशको पहाडी भू-भाग एक-दुई स्थानमा भारी वर्षाको पनि सम्भावना रहेको छ । एभरेष्ट न्यूज एजेन्सी

आजको राशिफल बिस २०८३ असार १७ गते बुधबार ईस २०२६ जुलाई १ नेपाल सम्बत ११४६ तछलाथ्व पारु, रौद्र नाम संवत्सर सूर्य दक्षिणायनं, गृष्म ऋतु, असार कृष्ण प्रतिपदा, चन्द्रमा धनु राशिमा, पूर्वाषढा नक्षत्र, एन्द्र योग, कौलव करण । आज नेपालमा सुर्योदय बिहान ५ बजेर ११ मिनेटम र सूर्यास्त साँझ ७ बजेर ४ मिनेटमा हुनेछ । आज जन्म लिने बच्चा धनु राशीको हुनेछ ।

मेष (चु, चे, चो, ला, लि, लु, ले, लो, अ) –

आजको दिन आत्मविश्वास र उत्साहका साथ अगाडि बढ्ने संकेत देखिन्छ। लामो समयदेखि अधुरा रहेका काम पूरा गर्ने अवसर प्राप्त हुन सक्छ। कार्यक्षेत्रमा तपाईंको मेहनत, अनुशासन र निर्णय क्षमताले राम्रो परिणाम दिलाउनेछ। नयाँ जिम्मेवारी आउन सक्छ, जसले भविष्यमा प्रगतिको बाटो खोल्नेछ। आर्थिक पक्षमा आम्दानीका नयाँ सम्भावना देखिए पनि खर्च व्यवस्थापनमा ध्यान दिनु आवश्यक हुनेछ। परिवारका सदस्यहरूसँगको सम्बन्ध सुमधुर रहनेछ र घरमा खुसीको वातावरण बन्नेछ। स्वास्थ्य सामान्य रहनेछ, तर अत्यधिक कामका कारण थकान महसुस हुन सक्ने भएकाले आरामका लागि पनि समय छुट्याउनु उचित हुनेछ।

वृष (इ, उ, ए, ओ, वा, वि, वु, वे, वो) –

आज धैर्य, संयम र व्यवहारिक सोचले तपाईंलाई सही निर्णय लिन मद्दत गर्नेछ। कार्यक्षेत्रमा सानो प्रयासले पनि राम्रो उपलब्धि प्राप्त हुने सम्भावना छ। लामो समयदेखि रोकिएका योजना पुनः अघि बढ्न सक्छन्। आर्थिक अवस्था सन्तुलित रहनेछ र बचत गर्ने अवसर पनि प्राप्त हुनेछ। परिवारका सदस्यहरूसँग आत्मीयता बढ्नेछ र पुराना मतभेद हट्ने सम्भावना छ। साथीभाइसँगको भेटघाटले मन प्रसन्न बनाउनेछ। स्वास्थ्य सामान्य रहनेछ र मानसिक रूपमा पनि शान्त महसुस हुनेछ।

मिथुन (का, कि, कु, घ, ङ, छ, के, को, ह) –

आज दिनभरि व्यस्तता रहनेछ, तर मेहनतअनुसार उपलब्धि पनि प्राप्त हुनेछ। कार्यक्षेत्रमा नयाँ जिम्मेवारी आउन सक्छ, जसलाई सफलतापूर्वक पूरा गर्न सक्नुहुनेछ। सहकर्मी तथा साथीभाइको सहयोगले जटिल काम पनि सहज बन्नेछ। आर्थिक पक्षमा साना लाभका अवसर प्राप्त हुन सक्छन्। अध्ययन, लेखन, सञ्चार तथा सिर्जनात्मक क्षेत्रमा संलग्न व्यक्तिहरूका लागि दिन फलदायी रहनेछ। परिवारसँग समय बिताउँदा मानसिक शान्ति मिल्नेछ। स्वास्थ्य सामान्य रहनेछ।

कर्कट (हि, हु, हे, हो, डा, डि, डु, डे, डो) –

आज घरपरिवारको साथ र सहयोगले मनमा नयाँ उत्साह आउनेछ। पारिवारिक वातावरण शान्त र खुसीमय रहनेछ। कार्यक्षेत्रमा तपाईंको लगनशीलता र इमानदारीको प्रशंसा हुनेछ। रोकिएका काम बिस्तारै पूरा हुने सम्भावना छ। आर्थिक पक्षमा सामान्य सुधार देखिनेछ। नयाँ योजना बनाउने वा भविष्यका लागि तयारी गर्ने समय पनि अनुकूल रहनेछ। स्वास्थ्य राम्रो रहनेछ र मानसिक रूपमा सन्तुलन कायम रहनेछ।

सिंह (मा, मि, मु, मे, मो, टा, टि, टु, टे) –

आज नेतृत्व क्षमता र आत्मविश्वासले तपाईंलाई विशेष सफलता दिलाउन सक्छ। कार्यक्षेत्रमा वरिष्ठ व्यक्तिको विश्वास जित्ने अवसर प्राप्त हुनेछ। नयाँ जिम्मेवारी वा पदसँग सम्बन्धित विषयमा सकारात्मक संकेत देखिन सक्छ। आर्थिक रूपमा लाभका अवसर प्राप्त भए पनि लगानी गर्दा सोचविचार गर्नु आवश्यक हुनेछ। सामाजिक क्षेत्रमा प्रतिष्ठा र सम्मान बढ्ने सम्भावना छ। परिवारको साथले मनोबल थप बलियो बनाउनेछ। स्वास्थ्य पनि राम्रो रहनेछ।

कन्या (टो, प, पि, पु, ष, ण, ठ, पे, पो) –

आज अध्ययन, अनुसन्धान, लेखन वा नयाँ सीप सिक्ने काममा राम्रो प्रगति हुनेछ। कार्यक्षेत्रमा धैर्य र निरन्तरता कायम राखे उल्लेखनीय सफलता प्राप्त गर्न सकिनेछ। आर्थिक अवस्था सामान्य रहनेछ, तर खर्चमा अनुशासन आवश्यक हुनेछ। परिवारमा खुसीको वातावरण रहनेछ र आफन्तसँगको सम्बन्ध सुदृढ बन्नेछ। छोटो यात्रा लाभदायक हुन सक्छ। स्वास्थ्य सामान्य रहनेछ, तर पर्याप्त आराम गर्नु उपयुक्त हुनेछ।

तुला (रा, रि, रु, रे, रो, ता, ति, तु, ते) –

आज आर्थिक पक्षमा सकारात्मक परिवर्तन आउने सम्भावना बलियो छ। रोकिएको रकम प्राप्त हुने वा आम्दानीको नयाँ स्रोत फेला पर्ने संकेत देखिन्छ। कार्यक्षेत्रमा सहकार्य र समन्वय राम्रो रहनेछ। व्यापार वा व्यवसायमा विस्तार गर्ने सोच भए आजको दिन अनुकूल हुन सक्छ। परिवारमा खुसी र सन्तोषको वातावरण रहनेछ। सामाजिक क्षेत्रमा सक्रियता बढ्नेछ र नयाँ सम्बन्ध भविष्यका लागि लाभदायक बन्न सक्छ। आत्मविश्वास उल्लेखनीय रूपमा बढ्नेछ।

वृश्चिक (तो, ना, नि, नु, ने, नो, या, यि, यु) –

आज मेहनत र लगनशीलताको राम्रो प्रतिफल प्राप्त हुने सम्भावना छ। प्रतिस्पर्धात्मक क्षेत्रमा सफलता हात पर्न सक्छ। कार्यक्षेत्रमा तपाईंको अनुभव र क्षमताको सम्मान हुनेछ। आर्थिक रूपमा लाभका अवसर प्राप्त भए पनि हतारमा निर्णय गर्नु उचित हुनेछैन। परिवारमा खुसीको समाचार आउन सक्छ। सम्बन्धमा विश्वास र आत्मीयता बढ्नेछ। मानसिक रूपमा उत्साहित महसुस हुनेछ र स्वास्थ्य पनि सामान्य रहनेछ।

धनु (ये, यो, भ, भि, भु, ध, फा, ढ, भे) –

आज सकारात्मक सोच र उच्च मनोबलले तपाईंलाई अगाडि बढाउनेछ। व्यापार, अध्ययन वा यात्रासँग सम्बन्धित काममा राम्रो अवसर प्राप्त हुन सक्छ। सामाजिक क्षेत्रमा मान–सम्मान बढ्ने सम्भावना छ। आर्थिक अवस्थामा सुधार आउने संकेत देखिनेछन्। परिवारका सदस्यहरूसँगको सम्बन्ध थप सुमधुर बन्नेछ। नयाँ योजना सुरु गर्न वा दीर्घकालीन लक्ष्य निर्धारण गर्न दिन उपयुक्त रहनेछ। स्वास्थ्य पनि राम्रो रहनेछ।

मकर (भो, ज, जि, खि, खु, खे, खो, गा, गि) –

आज जिम्मेवारी बढे पनि धैर्य र अनुशासनका साथ अघि बढ्दा सबै काम सफलतापूर्वक सम्पन्न हुनेछन्। कार्यक्षेत्रमा वरिष्ठ व्यक्तिको सहयोग र विश्वास प्राप्त हुन सक्छ। आर्थिक रूपमा खर्चमा नियन्त्रण गर्नु आवश्यक हुनेछ। परिवारका सदस्यहरूको सुझाव उपयोगी बन्नेछ। स्वास्थ्यमा सामान्य थकान महसुस हुन सक्ने भएकाले विश्रामका लागि समय निकाल्नु उचित हुनेछ। दिनको अन्त्यमा कुनै उपलब्धिले मन सन्तुष्ट बनाउनेछ।

कुम्भ (गु, गे, गो, सा, सि, सु, से, सो, द) –

आज नयाँ सोच, सिर्जनशीलता र आत्मविश्वासले तपाईंलाई विशेष अवसर दिलाउन सक्छ। रोकिएका कामहरू अघि बढ्नेछन् र कार्यक्षेत्रमा उल्लेखनीय प्रगति हुने सम्भावना छ। साथीभाइ तथा सहकर्मीको सहयोगले कठिन काम पनि सहज बन्नेछ। आर्थिक पक्षमा सुधार आउने संकेत देखिन्छ। परिवारमा खुसी, मेलमिलाप र समझदारी कायम रहनेछ। सामाजिक सम्बन्ध विस्तार हुनेछ र भविष्यमा लाभ दिने नयाँ अवसर प्राप्त हुन सक्छ। स्वास्थ्य सामान्य रहनेछ।

मीन (दि, दु, थ, झ, ञ, दे, दो, च, ची) –

आज धैर्य, संयम र सकारात्मक सोचले तपाईंलाई सफलता दिलाउनेछ। केही काममा अपेक्षाभन्दा बढी समय लाग्न सक्छ, तर अन्ततः परिणाम तपाईंको पक्षमा रहने सम्भावना छ। आर्थिक रूपमा खर्च गर्दा योजना बनाएर अघि बढ्नु राम्रो हुनेछ। परिवारको साथ र सहयोगले मानसिक शान्ति मिल्नेछ। पुराना अधुरा काम पूरा गर्ने अवसर प्राप्त हुनेछ । दिनको उत्तरार्धमा सुखद समाचार प्राप्त हुने वा मन प्रसन्न बनाउने घटना घट्न सक्छ । स्वास्थ्य सामान्य रहनेछ र आत्मविश्वास क्रमशः बढ्दै जानेछ ।एभरेष्ट न्यूज एजेन्सी

काठमाडौँ । राहदानी छपाइको भ्रष्टाचार मुद्दामा आरोपी बनाइएका पाँच जनालाई विशेष अदालतले धरौटीमा छाड्न आदेश दिएको छ ।

विशेष अदालतका सदस्य न्यायाधीशहरू नारायणप्रसाद पौडेल, हेमन्त रावल र उमेश कोइरालाको इजलासले राहदानी विभागका महानिर्देशक तीर्थराज अर्यालसहित पाँच जनालाई धरौटीमा रिहा गर्न आदेश दिएको हो ।

विशेष अदालतले महानिर्देशक अर्यालसहित सूचना प्रविधि निर्देशक सुनिलकुमार केसी, सोमेश थापा, विपिन प्रसाईं र मणिन्द्रराज मल्ललाई धरौटीमा छोडेको छ भने तुलसीप्रसाद आचार्य र राजाराम दाहाललाई बिना धरौटी छोड्न आदेश दिएको छ।

अख्तियार दुरूपयोग अनुसन्धान आयोगले राहदानी प्रकरणमा ७ जनालाई नियन्त्रणमा लिएर मुद्दा दर्ता गरेको थियो ।एभरेष्ट न्यूज एजेन्सी

काठमाडौँ । आज जुन ३० अन्तर्राष्ट्रिय क्षुद्रग्रह दिवस विश्वभर विभिन्न जनचेतनामूलक कार्यक्रम गरी मनाइँदै छ । पृथ्वीमा क्षुद्रग्रह ठोक्किन सक्ने सम्भावित जोखिमबारे जनचेतना फैलाउने, वैज्ञानिक अनुसन्धानलाई प्रोत्साहन गर्ने तथा सम्भावित विपद्का लागि अन्तर्राष्ट्रिय सहकार्यलाई बलियो बनाउने उद्देश्यले यो दिवस मनाइन्छ ।

संयुक्त राष्ट्रसंघको महासभाले सन् २०१६ मा पारित गरेको प्रस्तावअनुसार हरेक वर्ष जुन ३० लाई अन्तर्राष्ट्रिय क्षुद्रग्रह दिवसका रूपमा मनाउन थालिएको हो । यो मिति सन् १९०८ मा रुसको साइबेरियास्थित तुङ्गुस्का क्षेत्रमा भएको इतिहासकै सबैभन्दा ठूलो क्षुद्रग्रह विस्फोटको सम्झनामा तय गरिएको हो । उक्त घटनाले करिब दुई हजार वर्ग किलोमिटर वन क्षेत्र ध्वस्त बनाएको थियो ।

वैज्ञानिकहरूका अनुसार पृथ्वी नजिक परिक्रमा गर्ने ३६ हजारभन्दा बढी क्षुद्रग्रह पत्ता लागिसकेका छन् । तीमध्ये केही क्षुद्रग्रह भविष्यमा पृथ्वीको नजिक आउन सक्ने भएकाले तिनको निरन्तर निगरानी गरिँदै आएको छ । पृथ्वीको कक्षाको धेरै नजिक आउने र ठूलो आकारका क्षुद्रग्रहलाई सम्भावित जोखिमयुक्त मानिन्छ ।

संयुक्त राष्ट्रसंघले सन् २०२९ लाई अन्तर्राष्ट्रिय क्षुद्रग्रह सचेतना तथा ग्रह सुरक्षा वर्ष घोषणा गरेको छ । सोही वर्ष ‘अपोफिस’ नामक विशाल क्षुद्रग्रह पृथ्वीबाट करिब ३२ हजार किलोमिटरको दूरीबाट सुरक्षित रूपमा गुज्रिनेछ । यसले पृथ्वीलाई कुनै खतरा नपुग्ने भए पनि यो घटना दुर्लभ मानिएको छ र संसारका धेरै स्थानबाट खुला आकाशमा नाङ्गो आँखाले समेत देख्न सकिने अपेक्षा गरिएको छ ।

क्षुद्रग्रहसम्बन्धी सम्भावित जोखिमको पहिचान, निगरानी र आवश्यक परे त्यसको प्रभाव कम गर्ने उपायबारे अन्तर्राष्ट्रिय स्तरमा सहकार्य भइरहेको छ । यसका लागि संयुक्त राष्ट्रसंघको पहलमा विभिन्न अन्तरिक्ष निकाय र वैज्ञानिक संस्थाहरूले सम्भावित जोखिमको मूल्याङ्कन तथा पूर्वतयारीका कार्यक्रम सञ्चालन गर्दै आएका छन् ।एभरेष्ट न्यूज एजेन्सी

काठमाडौँ । गाब्रिएल मार्टिनेलीले इन्जुरी समयको पाँचौँ मिनेटमा निर्णायक गोल गरेपछि ब्राजिलले पुनरागमन जित निकाल्दै जारी विश्वकपमा जापानलाई २-१ ले पराजित गरेको छ। यससँगै पाँच पटकको विश्व विजेता ब्राजिल फिफा विश्वकपको अन्तिम १६ मा प्रवेश गरेको छ । अब ब्राजिलले अन्तिम १६ मा नर्वे वा आइभोरी कोस्टमध्ये एक टोलीसँग प्रतिस्पर्धा गर्नेछ ।

खेलको निर्धारित समय सकिनै लाग्दा ब्राजिलले जापानको पेनाल्टी क्षेत्रनजिकै बल खोसेको थियो । ब्रुनो गिमाराइसले दिएको उत्कृष्ट पासलाई गाब्रिएल मार्टिनेलीले नियन्त्रण गर्दै पोस्टमा ठोक्काएर जाली चुमाएपछि ब्राजिलले रोमाञ्चक जित सुनिश्चित गर्‍यो ।

जापानले पहिलो हाफमा उत्कृष्ट प्रदर्शन गर्दै ब्राजिललाई दबाबमा राखेको थियो । खेलको अग्रता पनि जापानले नै लिएको थियो । दानिलोको कमजोर पासलाई काइसु सानोले बीचमै खोसेर कासेमिरोलाई छक्याउँदै तल्लो कुनामा शानदार प्रहार गरेका थिए ।

पहिलो हाफमा लय समात्न नसकेको ब्राजिल दोस्रो हाफमा भने आक्रामक रूपमा फर्कियो । खेल पुनः सुरु भएको १० मिनेटपछि गाब्रिएलको पछाडिबाट आएको क्रसलाई कासेमिरोले शक्तिशाली हेडमार्फत गोल गर्दै खेल १-१ को बराबरीमा ल्याए ।

बराबरी गोलपछि ब्राजिलले लगातार आक्रमण गरिरह्यो । भिनिसियस जुनियरले एकल प्रयासमा दुई रक्षकलाई छल्दै गरेको आकर्षक प्रहार जापानी गोलरक्षक जियोन सुजुकीले पोस्टतर्फ फर्काएपछि ब्राजिल अग्रता लिनबाट वञ्चित भएको थियो ।

त्यसपछि जापानले खेलमा पुनः सन्तुलन कायम गरे पनि अन्तिम क्षणमा आओ तनाकाले आफ्नै पेनाल्टी क्षेत्रको छेउमा बल गुमाए । त्यसैको फाइदा उठाउँदै मार्टिनेलीले निर्णायक गोल गरेपछि जापानको उत्कृष्ट संघर्ष निराशामा टुंगियो र ब्राजिलले अन्तिम १६ को यात्रा तय गर्‍यो । यो हारसँगै जापानको विश्वकप यात्रा टुंगिएको छ ।एभरेष्ट न्यूज एजेन्सी

काठमाडौँ । जल तथा मौसम विज्ञान विभाग अन्तर्गत मौसम पूर्वानुमान महाशाखाले हाल कोशी, मधेश र बागमती प्रदेशका सम्पुर्ण भू-भाग, गण्डकी प्रदेशको केही भू-भाग र लुम्बिनी प्रदेशको पूर्वी भू-भागको थोरै स्थानमा मनसुनी वायूको प्रभाव रहेको र अन्य भू-भागमा पश्चिमी वायू र स्थानीय वायूको आंशिक प्रभाव रहेको जानकारी दिएको छ । साथै गण्डकी र लुम्बिनी प्रदेशको बाँकी भू-भाग, कर्णाली र सुदुरपश्चिम प्रदेशका सम्पूर्ण भू-भागमा भोलीसम्म मनसुन बिस्तार हुने सम्भावना रहेको महाशाखाले जनाएको छ ।

हाल कोशी, मधेश र बागमती प्रदेशमा अधिकांश बादल लागेको छ। गण्डकी, लुम्बिनी, कर्णाली र सुदुरपश्चिम प्रदेशको पहाडी र हिमाली भू-भागमा साधारणतया बादल लागेको छ । गण्डकी, लुम्बिनी, कर्णाली र सुदुरपश्चिम प्रदेशको तराई भू-भागमा आंशिक बादल लागेको छ। कोशी र बागमती प्रदेशका केही स्थानमा साथै गण्डकी र कर्णाली प्रदेशका थोरै स्थानमा मेघगर्जन/चट्याङ्ग सहित मध्यमसम्मको वर्षा भईरहेको छ ।

आज दिउँसो देशभर  अधिकांश बादल लाग्नेछ। कोशी, बागमती, गण्डकी र लुम्बिनी प्रदेशका पहाडी र हिमाली भू-भागका धेरै स्थानमा, कर्णाली र सुदुरपश्चिमको पहाडी र हिमाली भू-भागका केही स्थानमा मेघगर्जन/चट्याङ्ग सहित मध्यमसम्म वर्षा/हिमपातको तथा देशका तराई भू-भागका केही स्थानमा मेघगर्जन/चट्याङ्ग सहित मध्यमसम्म वर्षाको सम्भावना छ। कोशी, बागमती र गण्डकी प्रदेशका पहाडी भू-भागका एक-दुई स्थानमा भारी वर्षाको समेत सम्भावना रहेको छ ।

त्यस्तै आज राति देशभर  अधिकांश बादल लाग्नेछ। कोशी, बागमती, गण्डकी र लुम्बिनी प्रदेशको हिमाली भू-भागको केही स्थानमा तथा कर्णाली सुदुरपश्चिम प्रदेशको हिमाली भू-भागको थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ । देशको पहाडी र तराई भू-भाग धेरै स्थान मेघगर्जन/चट्याङ्ग सहित मध्यमसम्मको वर्षाको सम्भावना छ । कोशी, गण्डकी र लुम्बिनी प्रदेशका पहाडी र तराई भू-भाग थोरै स्थानमा भारी देखि धेरै भारी वर्षाको सम्भावना रहेको छ। मधेश प्रदेश तथा बागमती, कर्णाली र सुदुरपश्चिम प्रदेशको पहाडी र तराई भू-भाग एक-दुई स्थानमा पनि भारी वर्षाको सम्भावना रहेको छ। कोशी, बागमती, गण्डकी र लुम्बिनी प्रदेशका तराई र मधेश प्रदेशको केही स्थानमा हावाहुरीको पनि सम्भावना रहेको छ ।एभरेष्ट न्यूज एजेन्सी

आजको राशिफल बिस २०८३ असार १६ गते मंगलबार ईस २०२६ जुन ३० नेपाल सम्बत ११४६ तछलाथ्व पुन्हि, रौद्र नाम संवत्सर सूर्य उत्तरायण, गृष्म ऋतु, जेठ शुक्ल पूर्णिमा, चन्द्रमा धनु राशिमा, पूर्वाषाढा नक्षत्र, ब्रम्हा योग, विष्टि करण । आज नेपालमा सुर्योदय बिहान ५ बजेर ११ मिनेटमा र सूर्यास्त साँझ ७ बजेर ४ मिनेटमा हुनेछ ।

आज जन्म लिने बच्चा धनु राशीको हुनेछ । आज अन्तर्राष्ट्रिय क्षुद्रग्रह दिवस परेको छ ।

मेष (चु, चे, चो, ला, लि, लु, ले, लो, अ) –

आज नयाँ अवसरलाई सही समयमा पहिचान गर्न सक्नुभयो भने राम्रो उपलब्धि हात पर्न सक्छ। कार्यक्षेत्रमा तपाईंको सक्रियता, आत्मविश्वास र स्पष्ट निर्णय क्षमताले सकारात्मक परिणाम ल्याउनेछ। रोकिएका कामहरू पूरा हुने सम्भावना छ भने नयाँ जिम्मेवारी पनि थपिन सक्छ। आर्थिक पक्षमा आम्दानी बढ्ने संकेत देखिए पनि अनावश्यक खर्चमा नियन्त्रण गर्नु आवश्यक हुनेछ। परिवारमा हाँसो–खुसीको वातावरण रहनेछ र प्रियजनको साथले मन प्रसन्न हुनेछ। स्वास्थ्य सामान्य रहनेछ, तर पर्याप्त आराम र नियमित खानपानमा ध्यान दिनु राम्रो हुनेछ।

वृष (इ, उ, ए, ओ, वा, वि, वु, वे, वो) –

आज संयम र धैर्यले तपाईंलाई धेरै क्षेत्रमा सफलता दिलाउनेछ। कार्यक्षेत्रमा हतार नगरी योजनाबद्ध रूपमा अघि बढे राम्रो परिणाम प्राप्त हुनेछ। पुराना प्रयासले फल दिन थालेको महसुस हुन सक्छ। आर्थिक अवस्था स्थिर रहनेछ र बचततर्फ ध्यान दिने अवसर प्राप्त हुनेछ। परिवारका सदस्यहरूसँगको सम्बन्ध अझ प्रगाढ बन्नेछ। आफन्तसँगको भेटघाट वा कुराकानीले मन हल्का बनाउनेछ। स्वास्थ्य सामान्य रहनेछ र मानसिक रूपमा पनि सन्तुलित महसुस हुनेछ।

मिथुन (का, कि, कु, घ, ङ, छ, के, को, ह) –

आज कामको व्यस्तता बढ्न सक्छ, तर त्यसको प्रतिफल पनि सन्तोषजनक रहनेछ। नयाँ योजना वा जिम्मेवारी प्राप्त हुने सम्भावना छ। सहकर्मी र साथीभाइको सहयोगले कठिन काम पनि सहज रूपमा सम्पन्न हुनेछ। आर्थिक रूपमा साना लाभका अवसर प्राप्त हुन सक्छन्। परिवारसँग समय बिताउँदा मन प्रसन्न हुनेछ। अध्ययन, लेखन, सञ्चार वा सिर्जनात्मक क्षेत्रमा लागेकाहरूका लागि दिन विशेष फलदायी रहनेछ। स्वास्थ्यमा सामान्य सावधानी अपनाउनु उचित हुनेछ।

कर्कट (हि, हु, हे, हो, डा, डि, डु, डे, डो) –

आज घरपरिवारसँग सम्बन्धित विषयमा सुखद परिवर्तन आउने संकेत छन्। परिवारका सदस्यहरूको साथ र सहयोगले आत्मबल बढ्नेछ। कार्यक्षेत्रमा तपाईंको मेहनत र इमानदारीको प्रशंसा हुनेछ। रोकिएका कामहरू क्रमशः पूरा हुँदै जानेछन्। आर्थिक पक्षमा सामान्य सुधार देखिनेछ। मानसिक रूपमा शान्त र सन्तुलित महसुस हुनेछ। कुनै शुभ समाचारले दिनलाई अझ रमाइलो बनाउन सक्छ। स्वास्थ्य पनि राम्रो रहने सम्भावना छ।

सिंह (मा, मि, मु, मे, मो, टा, टि, टु, टे) –

आज आफ्नो प्रतिभा र नेतृत्व क्षमता देखाउने अवसर प्राप्त हुनेछ। महत्त्वपूर्ण व्यक्तिसँग भेटघाट वा छलफल हुन सक्छ, जसबाट भविष्यका लागि राम्रो सम्भावना खुल्न सक्छ। कार्यक्षेत्रमा तपाईंका विचारको सम्मान हुनेछ। आर्थिक रूपमा लाभका संकेत देखिए पनि ठूलो लगानी गर्दा सोचविचार गर्नु आवश्यक हुनेछ। परिवारको साथ र विश्वासले मनोबल बढाउनेछ। सामाजिक क्षेत्रमा प्रतिष्ठा र सम्मान पनि वृद्धि हुन सक्छ।

कन्या (टो, प, पि, पु, ष, ण, ठ, पे, पो) –

आज नयाँ ज्ञान प्राप्त गर्ने र आफ्नो क्षमता विकास गर्ने दिन रहनेछ। अध्ययन, अनुसन्धान, लेखन वा तालिमसँग सम्बन्धित काममा राम्रो प्रगति देखिनेछ। कार्यक्षेत्रमा धैर्यका साथ अघि बढे अपेक्षाभन्दा राम्रो नतिजा प्राप्त हुनेछ। आर्थिक अवस्था सामान्य रहनेछ, तर खर्चलाई व्यवस्थित गर्नु आवश्यक हुनेछ। परिवारमा खुसी र सन्तोषको वातावरण रहनेछ। स्वास्थ्य राम्रो रहनेछ, तर पर्याप्त आराम गर्न नबिर्सनुहोस्।

तुला (रा, रि, रु, रे, रो, ता, ति, तु, ते) –

आज आर्थिक पक्षमा सकारात्मक परिवर्तन देखिन सक्छ। रोकिएको रकम प्राप्त हुने वा नयाँ आम्दानीको स्रोत फेला पर्ने सम्भावना छ। कार्यक्षेत्रमा सहकार्य र समन्वय राम्रो रहनेछ। व्यवसायमा नयाँ योजना सुरु गर्ने सोच भए आजको दिन अनुकूल रहन सक्छ। परिवारसँग रमाइलो समय बित्नेछ। सामाजिक क्षेत्रमा सक्रियता बढ्नेछ र नयाँ सम्बन्ध भविष्यका लागि लाभदायक बन्न सक्छ। आत्मविश्वास पनि उल्लेखनीय रूपमा बढ्नेछ।

वृश्चिक (तो, ना, नि, नु, ने, नो, या, यि, यु) –

आज मेहनतको उचित प्रतिफल प्राप्त हुने सम्भावना बलियो छ। प्रतिस्पर्धात्मक क्षेत्रमा सफलता मिल्न सक्छ। कार्यक्षेत्रमा तपाईंको अनुभव र क्षमताको कदर हुनेछ। आर्थिक रूपमा लाभका अवसर प्राप्त भए पनि सोचविचार गरेर निर्णय गर्नु उचित हुनेछ। परिवारमा खुसीको वातावरण बन्नेछ र प्रियजनसँगको सम्बन्ध अझ सुदृढ हुनेछ। मानसिक रूपमा उत्साहित महसुस हुनेछ। स्वास्थ्य सामान्य रहनेछ।

धनु (ये, यो, भ, भि, भु, ध, फा, ढ, भे) –

आज सकारात्मक सोच र आत्मविश्वासले धेरै काममा सफलता दिलाउनेछ। नयाँ अवसरहरू प्राप्त हुन सक्छन्, विशेष गरी व्यापार, अध्ययन वा यात्रासँग सम्बन्धित क्षेत्रमा। सामाजिक क्षेत्रमा मान–सम्मान बढ्ने सम्भावना छ। आर्थिक अवस्थामा सुधार आउने संकेत देखिनेछन्। परिवारका सदस्यहरूसँगको सम्बन्ध थप सुमधुर बन्नेछ। नयाँ योजना सुरु गर्न वा दीर्घकालीन लक्ष्य तय गर्न आजको दिन उपयुक्त रहनेछ। स्वास्थ्य पनि राम्रो रहनेछ।

मकर (भो, ज, जि, खि, खु, खे, खो, गा, गि) –

आज जिम्मेवारी केही बढ्न सक्छ, तर योजनाबद्ध रूपमा अघि बढ्दा सबै काम सफलतापूर्वक सम्पन्न हुनेछन्। कार्यक्षेत्रमा वरिष्ठ व्यक्तिको विश्वास जित्न सकिनेछ। आर्थिक रूपमा खर्च नियन्त्रण गर्नु आवश्यक हुनेछ। परिवारको साथ र सुझावले महत्वपूर्ण निर्णय लिन सहज बनाउनेछ। स्वास्थ्यमा सामान्य थकान महसुस हुन सक्ने भएकाले आरामका लागि समय निकाल्नु राम्रो हुनेछ। दिनको अन्त्यमा सन्तोषजनक उपलब्धि प्राप्त हुने सम्भावना छ।

कुम्भ (गु, गे, गो, सा, सि, सु, से, सो, द) –

आज सिर्जनात्मक सोच र नयाँ योजनाले तपाईंलाई अगाडि बढाउनेछ। रोकिएका कामले गति लिनेछन् र कार्यक्षेत्रमा प्रगतिको संकेत देखिनेछ। साथीभाइ तथा सहकर्मीको सहयोगले आत्मविश्वास बढ्नेछ। आर्थिक पक्षमा सुधार आउने सम्भावना छ। परिवारमा खुसी, मेलमिलाप र समझदारी कायम रहनेछ। सामाजिक सम्बन्ध विस्तार हुनेछ र भविष्यमा फाइदा पुग्ने नयाँ अवसर प्राप्त हुन सक्छ। स्वास्थ्य सामान्य रहनेछ।

मीन (दि, दु, थ, झ, ञ, दे, दो, च, ची) –

आज धैर्य र सकारात्मक सोचले तपाईंलाई सही निर्णय लिन सहयोग गर्नेछ। केही काम अपेक्षाभन्दा ढिलो भए पनि अन्ततः सफलतापूर्वक सम्पन्न हुनेछन्। आर्थिक पक्षमा सोचविचार गरेर खर्च गर्नु आवश्यक हुनेछ। परिवारको साथ र सहयोगले मानसिक शान्ति मिल्नेछ। पुराना अधुरा काम पूरा गर्ने अवसर प्राप्त हुन सक्छ। दिनको उत्तरार्धमा सुखद समाचार प्राप्त हुने वा मन खुसी बनाउने घटना घट्न सक्ने सम्भावना छ। स्वास्थ्य सामान्य रहनेछ र आत्मविश्वास पनि बढ्दै जानेछ।एभरेष्ट न्यूज एजेन्सी