काठमाडौँ । वैज्ञानिकहरूले प्रयोगशालामा कृत्रिम रूपमा मानव शुक्राणु विकास गर्ने दिशामा महत्वपूर्ण सफलता हासिल गरेका छन् । अनुसन्धानकर्ताले मानव स्टेम सेलबाट भविष्यमा परिपक्व शुक्राणु बन्न सक्ने प्रारम्भिक शुक्राणु कोशिका विकास गर्न सफल भएका हुन् । यो उपलब्धिले पुरुष बाँझोपनको कारण बुझ्न र भविष्यमा प्रजनन उपचारको नयाँ आधार तयार गर्न सहयोग पुग्ने अपेक्षा गरिएको छ ।

अमेरिकाको पेन्सिल्भेनिया विश्वविद्यालयका अनुसन्धानकर्ताले गरेको यो अध्ययन वैज्ञानिक पत्रिका सेल स्टेम सेलमा प्रकाशित भएको छ । अनुसन्धानका क्रममा वैज्ञानिकहरूले पहिलोपटक मानव स्टेम सेलबाट तयार गरिएका प्रारम्भिक शुक्राणु कोशिकालाई विशेष जैविक वातावरणमा जीवित मुसाको शरीरमा विकास गराएका हुन् । उनीहरूको मुख्य उद्देश्य अहिले परिपक्व शुक्राणु उत्पादन गर्नु नभई मानव शुक्राणु बन्ने प्रारम्भिक जैविक प्रक्रिया राम्रोसँग बुझ्नु रहेको बताइएको छ ।

अनुसन्धानकर्ताका अनुसार यस प्रविधिबाट पुरुष बाँझोपनसम्बन्धी अनुसन्धानमा ठूलो सहयोग पुग्नेछ। हाल पुरुष बाँझोपनका करिब ४० प्रतिशत घटनामा वास्तविक कारण पत्ता लाग्न सकेको छैन। प्रारम्भिक शुक्राणु विकासको प्रक्रिया स्पष्ट रूपमा बुझ्न सके आनुवंशिक तथा जैविक कारण पहिचान गर्न सहज हुने र भविष्यमा नयाँ उपचार विधि तथा औषधि विकासको बाटो खुल्ने विश्वास गरिएको छ। यद्यपि प्रयोगशालामा तयार गरिएका यी कोशिका पूर्ण रूपमा कार्यक्षम छन् वा छैनन् भन्ने कुरा आगामी अध्ययनबाट पुष्टि गर्नुपर्ने अनुसन्धानकर्ताको भनाइ छ।

यस अध्ययनमा वैज्ञानिकहरूले मानव कोशिकालाई पुनः कार्यक्रम गरी बहुक्षमता स्टेम सेलमा रूपान्तरण गरेका थिए । त्यसपछि विशेष जैविक संकेतको प्रयोग गरेर ती कोशिकालाई प्रारम्भिक प्रजनन कोशिकामा परिवर्तन गरिएको थियो। ती कोशिकालाई विकासशील मुसाको अण्डकोषका सहायक कोशिकासँग मिसाएर मुसाको मिर्गौलामाथि बनाइएको विशेष जैविक थैलीमा प्रत्यारोपण गरिएको थियो, जहाँ कोशिकाले अनुकूल वातावरण पाएर विकास गरेका थिए।

करिब छ महिनापछि ती कोशिकाले अण्डकोषजस्तै नलीयुक्त संरचना बनाउँदै स्पर्मेटोगोनिया अवस्थासम्म विकास गरेको अनुसन्धानमा उल्लेख गरिएको छ । यही प्रारम्भिक कोशिकाबाट पछि परिपक्व शुक्राणु बन्ने प्रक्रिया सुरु हुने भएकाले यसलाई मानव प्रजनन विज्ञानमा महत्वपूर्ण उपलब्धिका रूपमा हेरिएको छ। साथै, विकसित कोशिकामा सक्रिय भएका जीनहरू सामान्य मानव स्पर्मेटोगोनियासँग धेरै हदसम्म मिल्दोजुल्दो रहेको पनि अनुसन्धानले देखाएको छ ।एभरेष्ट न्यूज एजेन्सी

काठमाडौँ । जारी फिफा विश्वकप फुटबल अन्तर्गत पहिलो सेमिफाइनलमा आजराती फ्रान्स र स्पेन आमनेसामने हुँदैछन् । अमेरिकाको डलास रंगशालामा हुने यो खेल नेपाली समय अनुसार आजराती १२: ४५ बजेदेखि शुरु हुदैछ ।

प्रतियोगिताका दुई प्रमुख उपाधि दाबेदार मानिएका यी टोलीबीचको प्रतिस्पर्धालाई विश्वकपकै सबैभन्दा रोमाञ्चक खेलमध्ये एकका रूपमा हेरिएको छ । यस खेलको विजेताले उपाधिका लागि इङ्ग्ल्यान्ड वा अर्जेन्टिनासँग प्रतिस्पर्धा गर्नेछ ।

फ्रान्सले क्वार्टरफाइनलमा मोरक्कोलाई २-० ले हराउँदै यस विश्वकपमा लगातार छैटौं जित निकालेको थियो । अब स्पेनलाई पराजित गर्न सके फ्रान्स विश्वकप इतिहासमा लगातार सात खेल जित्ने दोस्रो युरोपेली टोली बन्नेछ । यसअघि इटालीले सन् १९३४ र १९३८ को विश्वकपमा लगातार सात जित हासिल गरेको थियो । विश्वकपको अन्तिम चारमा फ्रान्सको यो आठौं यात्रा हो । जर्मनीपछि सबैभन्दा धेरै पटक सेमिफाइनल पुगेको टोली पनि फ्रान्स नै हो । सन् १९९८, २००६, २०१८ र २०२२ मा फ्रान्सले लगातार चारपटक सेमिफाइनल जितेको छ । पछिल्ला तीन सेमिफाइनलमा उसले कुनै गोल पनि खाएको छैन । यदि फ्रान्स फाइनलमा पुग्न सफल भयो भने जर्मनी र ब्राजिलपछि लगातार तीन विश्वकप फाइनल खेल्ने तेस्रो राष्ट्र बन्नेछ । फ्रान्सका कप्तान किलियन एम्बाप्पे यस विश्वकपमा उत्कृष्ट प्रदर्शन गरिरहेका छन् । मोरक्कोविरुद्ध खेल्दा सामान्य समस्या देखिए पनि स्पेनविरुद्ध खेल्नेछन् ।

यस प्रतियोगितामा उनले आठ गोल गरिसकेका छन् । गोल्डेन बुटको दौडमा उनी लियोनेल मेसीसँग बराबरीमा छन् । विश्वकपका नकआउट चरणमा एम्बाप्पेको कुल गोल संख्या १२ पुगेको छ, जुन अहिलेसम्मकै सर्वाधिक हो । यद्यपि उनले यसअघि खेलेका दुवै सेमिफाइनलमा भने गोल गर्न सकेका छैनन् । एम्बाप्पे र उस्मान डेम्बेलेबीचको समझदारी पनि फ्रान्सका लागि बलियो पक्ष बनेको छ । उनीहरूले एकअर्काका लागि १९ अवसर सिर्जना गरिसकेका छन्, जुन विश्वकप इतिहासकै उत्कृष्ट साझेदारीमध्ये एक हो ।

अर्कोतर्फ स्पेनले यस विश्वकपमा उत्कृष्ट रक्षात्मक खेल प्रदर्शन गरेको छ । क्वार्टरफाइनलमा बेल्जियमलाई २-१ ले हराउदा चार्ल्स डे केटेलारेले गरेको हेडर नै प्रतियोगिताभर स्पेनले खाएको एकमात्र गोल हो । बेल्जियमविरुद्धको खेल अतिरिक्त समयमा जाने देखिएको अवस्थामा वैकल्पिक खेलाडी मिकेल मेरिनोले निर्णायक गोल गर्दै टोलीलाई सेमिफाइनल पुर्‍याएका थिए । उनी विश्वकप इतिहासमा नकआउट चरणका दुई खेलमा वैकल्पिक खेलाडीका रूपमा विजयी गोल गर्ने पहिलो खेलाडी बनेका छन् । सन् २०१८ विश्वकपयता स्पेनले प्रमुख अन्तर्राष्ट्रिय प्रतियोगितामा खेलेका २७ खेलमध्ये केवल एक खेल मात्र हारेको छ । सन् २०२२ को विश्वकपमा जापानसँग पराजित भएपछि स्पेन लगातार १४ खेलमा अपराजित छ । यस अवधिमा उसले केवल पाँच गोल मात्र खाएको छ र नौ खेलमा कुनै गोल खाएको छैन । स्पेन सन् २०१० पछि पहिलोपटक विश्वकपको सेमिफाइनलमा पुगेको हो ।

दुवै टोलीमा कुनै खेलाडी प्रतिबन्धमा छैनन् । फ्रान्सले विलियम सालिबा, दायो उपामेकानो र ओरेलिए चुआमेनीको शारीरिक अवस्थामाथि विशेष निगरानी राखेको छ । चुआमेनी मांसपेशीको समस्याका कारण पछिल्ला दुई खेल गुमाएका थिए । त्यस्तै स्पेनका निको विलियम्स चोटमुक्त भएपछि खेल्ने अपेक्षा गरिएको छ भने येरेमी पिनो पनि काँधको चोटबाट फर्किन सक्ने सम्भावना छ ।

विश्वकपमा फ्रान्स र स्पेनबीच यो दोस्रो भेट हुनेछ । यसअघि सन् २००६ को अन्तिम १६ को खेलमा फ्रान्सले ३-१ को जित निकालेको थियो । तर पछिल्ला १० अन्तर्राष्ट्रिय भेटमध्ये स्पेनले सात खेल जितेको छ भने फ्रान्सले केवल दुई खेलमा सफलता पाएको छ । स्पेनले पछिल्ला दुई भेटमा लगातार जित निकालेको छ ।

युरोकप २०२४ को सेमिफाइनलमा स्पेनले फ्रान्सलाई २-१ ले हराएको थियो । त्यसपछि गत वर्ष राष्ट्र लिगको अन्तिम चारको रोमाञ्चक खेलमा पनि स्पेनले फ्रान्सलाई ५-४ ले पराजित गरेको थियो ।

स्पेनका युवा स्टार लामिन यमालले सेमिफाइनलअघि भनेका छन्- ‘फ्रान्स लगातार तेस्रो विश्वकप फाइनलमा पुग्ने कि हामी उनीहरूलाई लगातार तेस्रो पटक हराउने भन्ने कुरा मैदानमै तय हुनेछ । जे भए पनि हामी फ्रान्ससँग डराएका छैनौँ ।’एभरेष्ट न्यूज एजेन्सी

चितवन । अविरल वर्षाका कारण नारायणगढ–मुग्लिन सडकखण्डका विभिन्न स्थानमा आइतबार साँझदेखि पहिरो र लेदो खस्दा सडक दुवैतर्फ अवरुद्ध भएको छ ।

सडक डिभिजन भरतपुरका अनुसार सडक अवरुद्ध हुँदा सडकखण्डको बीचमा अलपत्र परेका यात्रु तथा सवारीसाधनलाई आइतबार रातिसम्म पहिरो पन्छाएर सुरक्षित रूपमा गन्तव्यतर्फ पठाइएको थियो ।

तर लगातार वर्षा भइरहेका कारण यस क्षेत्रमा थप पहिरो जाने उच्च जोखिम रहेको भन्दै जिल्ला विपद् व्यवस्थापन समितिको आपत्कालीन बैठकको निर्णयअनुसार जिल्ला प्रशासन कार्यालय चितवनले अर्को सूचना जारी नभएसम्म नारायणगढ–मुग्लिन सडकखण्डमा सबै प्रकारका सवारीसाधन सञ्चालनमा रोक लगाएको जनाएको छ ।

हाल जलविरे नजिक पुनः पहिरो खसेको छ । अन्य स्थानमा खसेको पहिरो र लेदो हटाउन सम्बन्धित क्षेत्रमा आवश्यक उपकरण र मेसिन परिचालन गरिसकिएको सडक डिभिजनले जनाएको छ ।

यस सडकमार्ग हुँदै यात्रा गर्ने यात्रुलाई सडकको पछिल्लो अवस्था बुझेर मात्र यात्रा गर्न तथा सुरक्षाकर्मीको निर्देशन पालना गर्दै सुरक्षित रूपमा यात्रा गर्न सडक डिभिजन भरतपुरले अनुरोध गरेको छ ।एभरेष्ट न्यूज एजेन्सी

काठमाडौं । प्रतिनिधि सभाको बैठक आज बिहान ११ बजेदेखि बस्दैछ । बैठकमा विभिन्न वार्षिक प्रतिवेदन पेस, विधेयक प्रस्तुत तथा अन्तर्राष्ट्रिय सन्धिमाथि छलफल र अनुमोदनसम्बन्धी प्रस्तावहरू अघि बढाइने कार्यसूची रहेको छ ।

बैठकमा प्रधानमन्त्री वालेन्द्र शाहको तर्फबाट कानुन, न्याय तथा संसदीय मामिला मन्त्री सोबिता गौतमले विभिन्न वार्षिक प्रतिवेदन पेस गर्ने कार्यक्रम रहेको छ ।

मन्त्री गौतमले न्याय परिषद्को आर्थिक वर्ष २०८१/०८२ को वार्षिक प्रतिवेदन, न्याय सेवा आयोगको आर्थिक वर्ष २०८१/०८२ को वार्षिक प्रतिवेदन तथा लोक सेवा आयोगको छैसट्ठीऔँ वार्षिक प्रतिवेदन (२०८१ साउनदेखि २०८२ असारसम्म) सदनमा पेस गर्ने कार्यसूची रहेको छ ।

त्यसैगरी बैठकमा अर्थमन्त्री डा. स्वर्णिम वाग्लेले ‘अर्थसम्बन्धी केही नेपाल कानुनलाई संशोधन र खारेज गर्ने विधेयक, २०८३’ प्रस्तुत गर्न अनुमति माग्ने प्रस्ताव राख्नेछन् । त्यसपछि उक्त विधेयक सदनमा प्रस्तुत गर्ने कार्यसूची रहेको छ ।

यस्तै, प्रधानमन्त्री शाहको तर्फबाट मन्त्री गौतमले ‘नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३’ र ‘राष्ट्रिय सेवा दल विधेयक, २०८३’ लाई दफावार छलफलका लागि सम्बन्धित समितिमा पठाइयोस् भन्ने प्रस्ताव प्रस्तुत गर्नेछिन्।

त्यसैगरी बैठकमा अन्तर्राष्ट्रिय सन्धिमाथि पनि छलफल र अनुमोदनसम्बन्धी प्रक्रिया अघि बढाइनेछ । युवा, श्रम तथा रोजगारमन्त्री रामजी यादवले अन्तर्राष्ट्रिय श्रम संगठनको बाध्यकारी श्रम महासन्धि, १९३० सम्बन्धी सन् २०१४ को प्रोटोकल नं. २९ माथि छलफल गरियोस् भन्ने प्रस्ताव प्रस्तुत गर्नेछन्। साथै उक्त प्रोटोकल अनुमोदन गरियोस् भन्ने प्रस्ताव पनि राख्नेछन् ।

त्यसैगरी मन्त्री यादवले अन्तर्राष्ट्रिय श्रम संगठनको श्रम निरीक्षणसम्बन्धी महासन्धि, १९४७ (नम्बर ८१) माथि सामान्य छलफल गरियोस् र अनुमोदन गरियोस् भन्ने प्रस्ताव प्रस्तुत गर्ने कार्यसूची रहेको छ ।एभरेष्ट न्यूज एजेन्सी

काठमाडौँ । चालु आर्थिक वर्ष २०८२/८३ को ११ महिनामा नेपालको कुल वस्तु निर्यात १२.३ प्रतिशतले वृद्धि भई २ खर्ब ७७ अर्ब ९७ करोड रुपैयाँ पुगेको छ । अघिल्लो आर्थिक वर्षको सोही अवधिमा यस्तो निर्यात ७७.८ प्रतिशतले बढेको थियो ।

गन्तव्यका आधारमा भारततर्फको निर्यात १३.६ प्रतिशत र अन्य मुलुकतर्फको निर्यात ९.२ प्रतिशतले वृद्धि भएको छ। भने चीनतर्फको निर्यातमा ३५.८ प्रतिशतले कमी आएको छ ।

वस्तुगत आधारमा भटमासको तेल, पाम तेल, अलैंची, च्याउचाउ, ब्रान्डलगायतका वस्तुको निर्यात बढेको छ। तर जिंक सिट, पार्टिकल बोर्ड, चिया, ऊनी गलैंचा र हस्तकलाका सामग्रीलगायतका वस्तुको निर्यात घटेको छ । समीक्षा अवधिमा कुल वस्तु आयात १५.२ प्रतिशतले वृद्धि भई १८ खर्ब ९४ अर्ब १० करोड रुपैयाँ पुगेको छ। अघिल्लो वर्षको सोही अवधिमा वस्तु आयात १३.१ प्रतिशतले बढेको थियो ।

मुलुकगत आधारमा भारतबाट हुने आयात ११.८ प्रतिशत, चीनबाट हुने आयात २१.५ प्रतिशत र अन्य मुलुकबाट हुने आयात १८.९ प्रतिशतले वृद्धि भएको छ ।

वस्तुगत आधारमा पेट्रोलियम पदार्थ, चाँदी, यातायात उपकरण, सवारी साधन तथा स्पेयर पार्ट्स, रासायनिक मल, भटमासको कच्चा तेललगायतका वस्तुको आयात बढेको छ । त्यस्तै खाने तेल, हट रोल्ड सिट इन क्वायल, लसुन, एमएस तार, छड, बार, क्वायल, एमएस बिलेटलगायतका वस्तुको आयात घटेको छ ।

चालु आर्थिक वर्षको ११ महिनामा कुल वस्तु व्यापार घाटा १५.७ प्रतिशतले वृद्धि भई १६ खर्ब १६ अर्ब १३ करोड रुपैयाँ पुगेको छ । अघिल्लो वर्षको सोही अवधिमा व्यापार घाटा ६.३ प्रतिशतले बढेको थियो । समीक्षा अवधिमा निर्यात-आयात अनुपात १४.७ प्रतिशत पुगेको छ। अघिल्लो वर्षको सोही अवधिमा यस्तो अनुपात १५.१ प्रतिशत रहेको थियो ।

११ महिनामा भारतबाट परिवर्त्य विदेशी मुद्रामा भुक्तानी गरी १ खर्ब ८० अर्ब १० करोड रुपैयाँ बराबरको वस्तु आयात भएको छ । अघिल्लो वर्षको सोही अवधिमा यस्तो आयात १ खर्ब ६७ अर्ब ३० करोड रुपैयाँ बराबर रहेको थियो ।

बृहत् आर्थिक वर्गीकरणअनुसार समीक्षा अवधिमा कुल निर्यातमा अन्तिम उपभोग्य, मध्यवर्ती र पुँजीगत वस्तुको हिस्सा क्रमशः ६९.३ प्रतिशत, ३० प्रतिशत र ०.७ प्रतिशत रहेको छ । अघिल्लो वर्षको सोही अवधिमा यी वस्तुको हिस्सा क्रमशः ६७.३ प्रतिशत, ३१.७ प्रतिशत र १ प्रतिशत रहेको थियो ।

त्यस्तै, कुल आयातमा अन्तिम उपभोग्य, मध्यवर्ती र पुँजीगत वस्तुको हिस्सा क्रमशः ३८.८ प्रतिशत, ५१.८ प्रतिशत र ९.४ प्रतिशत रहेको छ। अघिल्लो वर्ष यी अनुपात क्रमशः ३९.४ प्रतिशत, ५१.६ प्रतिशत र ९ प्रतिशत रहेका थिए । वार्षिक बिन्दुगत आधारमा २०८३ जेठ महिनामा भन्सार तथ्यांकमा आधारित निर्यातको एकाइ मूल्य सूचकांक ४.२ प्रतिशतले वृद्धि भएको छ भने आयात मूल्य सूचकांक २१ प्रतिशतले बढेको छ ।

त्यस्तै, २०८३ जेठ महिनामा नेपालको व्यापारको सर्त (टर्म्स अफ ट्रेड) १३.९ प्रतिशतले घटेको छ ।एभरेष्ट न्यूज एजेन्सी

काठमाडौँ ।  जल तथा मौसम विज्ञान विभाग अन्तर्गतको मौसम पूर्वानुमान महाशाखाले हाल देशभर मनसुनी वायूको प्रभाव रहेको र हाल मनसुनको न्यून चापीय रेखा सरदर स्थानभन्दा उत्तरतर्फ नेपालको तराई भू-भाग नजिक रहेको जानकारी दिएको छ ।

हाल कोशी, मधेश, बागमती, गण्डकी प्रदेशमा अधिकांश बादल र लुम्बिनी, कर्णाली र सुदुरपश्चिम प्रदेशमा साधारणतया बादल लागेको छ भने कोशी, बागमती र गण्डकी प्रदेशका धैरै स्थानमा तथा लुम्बिनी र कर्णाली प्रदेशका एक-दुई स्थानमा हल्का देखि मध्यमसम्मको वर्षा भैरहेको छ ।

आज दिउँसो कोशी, मधेश, बागमती, गण्डकी र लुम्बिनी प्रदेशमा अधिकांश बादल लाग्नेछ र कर्णाली र सुदुरपश्चिम प्रदेशमा साधारणतया बादल लाग्नेछ। कोशी, बागमती र गण्डकी प्रदेशका हिमाली भू-भागका केही स्थान र  लुम्बिनी, कर्णाली र सुदूरपश्चिम प्रदेशका हिमाली भू-भागका थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ। कोशी, बागमती र गण्डकी प्रदेशका पहाडी र तराई  भू-भागका धेरै स्थानमा, मधेश प्रदेश तथा लुम्बिनी र सुदुरपश्चिम प्रदेशको पहाडी र तराई , कर्णाली प्रदेशको पहाडी भू-भागका केही स्थानमा मेघगर्जन/चट्याङ्ग सहित मध्यमसम्मको वर्षाको सम्भावना छ। कोशी, बागमती र गण्डकी प्रदेशको पहाडी भू-भागको थोरै स्थानमा, कोशी, बागमती र गण्डकी प्रदेशको तराई तथा लुम्बिनी प्रदेशको पहाडी भू-भागको एक-दुई स्थानमा भारी वर्षाको सम्भावना रहेको छ ।

त्यस्तै आज राति देशभर साधारणतया बादल लाग्नेछ। कोशी, बागमती र गण्डकी प्रदेशका हिमाली भू-भागका थोरै स्थानमा र  लुम्बिनी, कर्णाली र सुदूरपश्चिम प्रदेशका हिमाली भू-भागका एक-दुई स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ। मधेश प्रदेश तथा कोशी, बागमती, गण्डकी र लुम्बिनी प्रदेशका पहाडी र तराई  भू-भागका केहि स्थानमा तथा कर्णाली प्रदेशको पहाडी र सुदुरपश्चिम प्रदेशका पहाडी र तराई  भू-भागका थोरै मेघगर्जन/चट्याङ्ग सहित मध्यमसम्मको वर्षाको सम्भावना छ। कोशी प्रदेशको तराई र गण्डकी प्रदेशको पहाडी भू-भागको एक-दुई स्थानमा भारी वर्षाको सम्भावना रहेको छ । एभरेष्ट न्यूज एजेन्सी

आजको राशिफल बिस २०८३ असार ३० गते मंगलबार ईस २०२६ जुलाई १४ नेपाल सम्बत ११४६ तछलागा आमै, रौद्र नाम संवत्सर सूर्य उत्तरायण, गृष्म ऋतु, असार कृष्ण औंसी, चन्द्रमा मिथुन राशिमा, पुनर्वशु नक्षत्र, व्याघात योग, नाग करण । आज नेपालमा सुर्योदय बिहान ५ बजेर १७ मिनेटमा र सूर्यास्त साँझ ७ बजेर ३ मिनेटमा हुनेछ ।

मेष (चु, चे, चो, ला, लि, लु, ले, लो, अ) –

आजको दिन उत्साह, आत्मबल र नयाँ सोचका साथ अगाडि बढ्ने अवसर मिल्नेछ। बिहानदेखि नै अधुरा काम पूरा गर्ने इच्छा जाग्नेछ र त्यसका लागि आवश्यक सहयोग पनि प्राप्त हुन सक्छ। कार्यक्षेत्रमा तपाईंको लगनशीलता, निर्णय क्षमता र नेतृत्वदायी भूमिकाको प्रशंसा हुनेछ। नयाँ योजना सुरु गर्ने वा पुरानो योजनालाई विस्तार गर्ने अनुकूल समय रहनेछ। आर्थिक रूपमा आम्दानीका नयाँ सम्भावना देखिनेछन्, तर अनावश्यक खर्च नियन्त्रण गर्नु आवश्यक हुनेछ। परिवारमा सुख, शान्ति र सहयोगको वातावरण रहनेछ। प्रियजनसँगको आत्मीय संवादले मन प्रसन्न बनाउनेछ। स्वास्थ्य राम्रो रहनेछ, तर अत्यधिक कामका कारण थकान हुन सक्ने भएकाले पर्याप्त आराम गर्नुपर्छ।

वृष (इ, उ, ए, ओ, वा, वि, वु, वे, वो) –

आज धैर्य र व्यवहारिक सोचले तपाईंलाई धेरै क्षेत्रमा सफलता दिलाउनेछ। कार्यक्षेत्रमा पुराना प्रयासको सकारात्मक परिणाम प्राप्त हुन सक्छ। सहकर्मी र वरिष्ठ व्यक्तिसँगको सम्बन्ध अझ सुदृढ बन्नेछ। व्यापार–व्यवसायमा सामान्यभन्दा राम्रो लाभ मिल्ने सम्भावना छ। आर्थिक अवस्था सन्तुलित रहनेछ र भविष्यका लागि बचत गर्ने सोच बलियो बन्नेछ। परिवारका सदस्यहरूसँग समय बिताउने अवसर मिल्नेछ, जसले सम्बन्ध अझ आत्मीय बनाउनेछ। स्वास्थ्य सामान्य रहनेछ र मानसिक रूपमा पनि सन्तुलन कायम रहनेछ।

मिथुन (का, कि, कु, घ, ङ, छ, के, को, ह) –

आज तपाईंको सिर्जनशील क्षमता, बोल्ने शैली र चतुर निर्णयले नयाँ अवसर दिलाउन सक्छ। कार्यक्षेत्रमा नयाँ जिम्मेवारी आउन सक्छ, जसलाई सफलतापूर्वक पूरा गर्न सक्नुहुनेछ। अध्ययन, लेखन, सञ्चार तथा सिर्जनात्मक क्षेत्रमा उल्लेखनीय उपलब्धि हासिल हुने सम्भावना छ। साथीभाइ र सहकर्मीको सहयोगले कठिन काम पनि सहज रूपमा सम्पन्न हुनेछ। आर्थिक रूपमा सुधार आउने संकेत देखिन्छ। परिवारमा खुसीको वातावरण रहनेछ। स्वास्थ्य राम्रो रहनेछ र आत्मविश्वास पनि बढ्दै जानेछ।

कर्कट (हि, हु, हे, हो, डा, डि, डु, डे, डो) –

आज घरपरिवारसँग सम्बन्धित विषयले विशेष खुसी प्रदान गर्न सक्छ। परिवारका सदस्यहरूको सहयोग र विश्वासले मनोबल बढ्नेछ। कार्यक्षेत्रमा तपाईंको जिम्मेवारीबोध, इमानदारी र मेहनतको उचित मूल्यांकन हुनेछ। रोकिएका कामहरू क्रमशः पूरा हुने सम्भावना छ। आर्थिक पक्षमा सामान्य सुधार आउनेछ। भविष्यका योजना बनाउन वा महत्त्वपूर्ण निर्णय लिन अनुकूल समय रहनेछ। स्वास्थ्य राम्रो रहनेछ र मानसिक रूपमा पनि शान्ति महसुस हुनेछ।

सिंह (मा, मि, मु, मे, मो, टा, टि, टु, टे) –

आज आफ्नो नेतृत्व क्षमता र प्रतिभा प्रदर्शन गर्ने अवसर प्राप्त हुनेछ। कार्यक्षेत्रमा वरिष्ठ व्यक्तिको विश्वास जित्न सफल हुनुहुनेछ। नयाँ जिम्मेवारी वा अवसरले भविष्यमा राम्रो प्रगतिको आधार तयार गर्नेछ। आर्थिक रूपमा लाभका सम्भावना देखिए पनि सोचविचार गरेर मात्र लगानी गर्नु उपयुक्त हुनेछ। सामाजिक क्षेत्रमा सम्मान र प्रतिष्ठा बढ्ने सम्भावना छ। परिवारको साथ र प्रोत्साहनले आत्मविश्वास थप मजबुत बनाउनेछ। स्वास्थ्य राम्रो रहनेछ र ऊर्जा भरिपूर्ण महसुस हुनेछ।

कन्या (टो, प, पि, पु, ष, ण, ठ, पे, पो) –

आज अध्ययन, अनुसन्धान, तालिम तथा नयाँ सीप सिक्ने कार्यमा राम्रो सफलता प्राप्त हुनेछ। कार्यक्षेत्रमा अनुशासन, धैर्य र निरन्तर प्रयासले उत्कृष्ट परिणाम दिलाउनेछ। आर्थिक अवस्था सन्तुलित रहनेछ, तर खर्चमा सावधानी अपनाउनु उचित हुनेछ। परिवारमा सुखद वातावरण कायम रहनेछ। छोटो दूरीको यात्रा वा आवश्यक भेटघाट लाभदायक बन्न सक्छ। नयाँ अनुभवले भविष्यमा राम्रो अवसर सिर्जना गर्नेछ। स्वास्थ्य राम्रो रहनेछ र नियमित जीवनशैलीले थप स्फूर्ति दिनेछ।

तुला (रा, रि, रु, रे, रो, ता, ति, तु, ते) –

आज आर्थिक क्षेत्रमा सकारात्मक परिवर्तन आउने सम्भावना बलियो छ। रोकिएको रकम प्राप्त हुने वा नयाँ आम्दानीको स्रोत खुल्ने संकेत देखिन्छ। व्यापार–व्यवसायमा लाभ बढ्ने सम्भावना छ। कार्यक्षेत्रमा सहकार्य र समन्वय उत्कृष्ट रहनेछ। परिवारसँग खुसीका क्षण बित्नेछन् र घरमा सुखद वातावरण कायम रहनेछ। सामाजिक क्षेत्रमा नयाँ सम्बन्ध स्थापित हुनेछ, जसले भविष्यमा लाभदायक अवसर दिलाउन सक्छ। स्वास्थ्य राम्रो रहनेछ र आत्मविश्वास पनि उल्लेखनीय रूपमा बढ्नेछ।

वृश्चिक (तो, ना, नि, नु, ने, नो, या, यि, यु) –

आज मेहनत, धैर्य र अनुभवले उल्लेखनीय सफलता दिलाउने दिन रहनेछ। प्रतिस्पर्धात्मक क्षेत्रमा आफूलाई उत्कृष्ट रूपमा प्रस्तुत गर्ने अवसर मिल्नेछ। कार्यक्षेत्रमा तपाईंको कार्यदक्षताको प्रशंसा हुनेछ र नयाँ जिम्मेवारी प्राप्त हुन सक्छ। आर्थिक रूपमा लाभका संकेत देखिए पनि ठूलो निर्णय गर्दा पर्याप्त सोचविचार गर्नु आवश्यक हुनेछ। परिवारमा खुसी, विश्वास र आत्मीयताको वातावरण कायम रहनेछ। स्वास्थ्य राम्रो रहनेछ र मानसिक रूपमा पनि उत्साह कायम रहनेछ।

धनु (ये, यो, भ, भि, भु, ध, फा, ढ, भे) –

आज सकारात्मक सोच, ऊर्जा र आत्मविश्वासले तपाईंलाई नयाँ उपलब्धितर्फ डोर्‍याउनेछ। व्यापार, अध्ययन, यात्रा वा वैदेशिक क्षेत्रसँग सम्बन्धित काममा शुभ संकेत देखिन्छ। कार्यक्षेत्रमा तपाईंको मेहनतको उचित मूल्यांकन हुनेछ। आर्थिक अवस्थामा सुधार आउने सम्भावना बलियो छ। परिवारका सदस्यहरूसँगको सम्बन्ध थप सुमधुर बन्नेछ। सामाजिक क्षेत्रमा मान–सम्मान बढ्नेछ। दीर्घकालीन योजना बनाउन र भविष्यका लक्ष्य तय गर्न दिन अत्यन्त उपयुक्त रहनेछ। स्वास्थ्य राम्रो रहनेछ।

मकर (भो, ज, जि, खि, खु, खे, खो, गा, गि) –

आज जिम्मेवारी बढे पनि योजनाबद्ध रूपमा अघि बढ्दा सबै काम सहज रूपमा सम्पन्न हुनेछन्। कार्यक्षेत्रमा वरिष्ठ व्यक्तिको सहयोग र विश्वास प्राप्त हुनेछ। आर्थिक रूपमा खर्च नियन्त्रण गर्नु आवश्यक हुनेछ, साथै बचत गर्ने योजनाले राम्रो परिणाम दिनेछ। परिवारका सदस्यहरूको सुझावले महत्त्वपूर्ण निर्णय लिन सहयोग पुर्‍याउनेछ। स्वास्थ्यमा सामान्य थकान महसुस हुन सक्ने भएकाले पर्याप्त विश्राम लिनु आवश्यक हुनेछ। दिनको अन्त्यमा प्राप्त उपलब्धिले आत्मसन्तुष्टि बढाउनेछ।

कुम्भ (गु, गे, गो, सा, सि, सु, से, सो, द) –

आज सिर्जनशील सोच, नवीन योजना र सकारात्मक दृष्टिकोणले तपाईंलाई नयाँ सफलतातर्फ लैजान सक्छ। कार्यक्षेत्रमा रोकिएका काम अघि बढ्नेछन् र नयाँ अवसर प्राप्त हुनेछ। साथीभाइ तथा सहकर्मीको सहयोगले महत्त्वपूर्ण काम सहज रूपमा सम्पन्न हुनेछ। आर्थिक पक्षमा सुधार आउने सम्भावना बलियो छ। परिवारमा खुसी, मेलमिलाप र समझदारी कायम रहनेछ। सामाजिक सम्बन्ध विस्तार हुनेछ र नयाँ परिचय भविष्यमा उपयोगी बन्न सक्छ। स्वास्थ्य राम्रो रहनेछ र मानसिक रूपमा पनि उत्साह कायम रहनेछ।

मीन (दि, दु, थ, झ, ञ, दे, दो, च, ची) –

आज धैर्य, संयम र सकारात्मक सोचले दिनलाई उपलब्धिमूलक बनाउनेछ। केही काममा अपेक्षाभन्दा ढिलाइ भए पनि अन्तिम परिणाम सन्तोषजनक रहनेछ। कार्यक्षेत्रमा आफ्नो अनुभव र सीपको प्रभावकारी उपयोग गर्न सक्नुहुनेछ। आर्थिक रूपमा सोचविचार गरेर खर्च गर्नु आवश्यक हुनेछ, साथै बचत गर्ने अवसर पनि प्राप्त हुनेछ। परिवारको साथ र सहयोगले मानसिक शान्ति तथा आत्मबल बढाउनेछ। पुराना अधुरा काम पूरा हुने सम्भावना बलियो छ। साँझतिर कुनै सुखद समाचार प्राप्त हुन सक्छ, जसले मनमा नयाँ उत्साह र भविष्यप्रतिको आशा बढाउनेछ। स्वास्थ्य राम्रो रहनेछ र आत्मविश्वास पनि निरन्तर वृद्धि हुँदै जानेछ ।एभरेष्ट न्यूज एजेन्सी

अन्नपूर्ण पोष्ट दैनिकका रौतहट संवाददाता प्रिमेश शिवाकोटीको निधन भएको छ । नेपाल प्रेस युनियन रौतहटका अध्यक्ष समेत रहेका चन्द्रपुर नगरपालिका-७ निवासी ३६ वर्षीय सञ्चारकर्मी शिवाकोटीको उपचारको क्रममा सोमबार बिहान निधन भएको हो।

विगत केही समयदेखि मृगौलाको समस्याबाट ग्रसित शिवाकोटीको चितवन नेशनल मेडिकल कलेजमा भइरहेको थियो । उपचारकै क्रममा उनको बिहान निधन भएको हो। उनको परिवारमा श्रीमति र एक छोरी छन् । अन्नपूर्ण

काठमाडौँ । जल तथा मौसम विज्ञान विभाग अन्तर्गत मौसम पूर्वानुमान महाशाखाले हाल देशभर मनसुनी वायूको प्रभाव रहेको र हाल मनसुनको न्यून चापीय रेखा सरदर स्थानभन्दा केही माथि नेपालको तराई भू-भाग नजिक रहेको जानकारी दिएको छ ।

हाल देशभर अधिकांश बादल लागेको छ । कोशी, बागमती,गण्डकी, लुम्बिनी र कर्णाली प्रदेशको केही स्थानमा तथा मधेश र सुदूरपश्चिम प्रदेशको एक-दुई स्थानमा हल्का देखि मध्यम वर्षा भैरहेको छ ।

आज दिउँसो कोशी, मधेश, बागमती, गण्डकी र लुम्बिनी प्रदेशमा अधिकांश बादल लाग्नेछ र कर्णाली र सुदुरपश्चिम प्रदेशमा साधारणतया बादल लाग्नेछ। कोशी, बागमती र गण्डकी प्रदेशका हिमाली भू-भागका धेरै र  लुम्बिनी, कर्णाली र सुदूरपश्चिम प्रदेशका हिमाली भू-भागका थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ। कोशी, बागमती र गण्डकी प्रदेशका पहाडी र तराई  भू-भागका धेरै स्थानमा, मधेश प्रदेश तथा लुम्बिनी र सुदुरपश्चिम प्रदेशको पहाडी र तराई , कर्णाली प्रदेशको पहाडी भू-भागका केही स्थानमा मेघगर्जन/चट्याङ्ग सहित मध्यमसम्मको वर्षाको सम्भावना छ। कोशी, बागमती र गण्डकी प्रदेशको पहाडी भू-भागको थोरै स्थानमा  तथा मधेश प्रदेश लगायत कोशी, बागमती र गण्डकी प्रदेशको तराई भू-भागको एक-दुई स्थानमा भारी वर्षाको सम्भावना रहेको छ ।

त्यस्तै आज राति कोशी,मधेश, बागमती, गण्डकी र लुम्बिनी प्रदेशमा अधिकांश बादल लाग्नेछ र कर्णाली र सुदुरपश्चिम प्रदेशमा साधारणतया बादल लाग्नेछ। कोशी र बागमती प्रदेशका हिमाली भू-भागका धैरै स्थान, गण्डकी प्रदेशको हिमाली भू-भागको केही स्थान र लुम्बिनी, कर्णाली र सुदूरपश्चिम प्रदेशका हिमाली भू-भागका थोरै  स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ। मधेश प्रदेश तथा कोशी, बागमती र गण्डकी प्रदेशका पहाडी र तराई  भू-भागका धेरै स्थानमा, लुम्बिनी प्रदेशको पहाडी र तराई भू-भागका केही स्थानमा तथा कर्णाली प्रदेशको पहाडी र सुदुरपश्चिम प्रदेशका पहाडी र तराई  भू-भागका थोरै मेघगर्जन/चट्याङ्ग सहित मध्यमसम्मको वर्षाको सम्भावना छ। कोशी र बागमती प्रदेशको पहाडी र तराई भू-भाग तथा मधेश प्रदेशको थोरै स्थानमा भारी देखि धेरै भारी वर्षा साथै गण्डकी र लुम्बिनी प्रदेशको पहाडी र तराई भू-भागको एक-दुई स्थानमा भारी वर्षाको सम्भावना रहेको छ । कोशी र बागमती प्रदेशको पहाडी भू-भागको एक-दुई स्थानमा अति भारी वर्षाको पनि सम्भावना रहेको छ ।एभरेष्ट न्यूज एजेन्सी

आजको राशिफल बिस २०८३ असार २९ गते सोमबार ईस २०२६ जुलाई १३ नेपाल सम्बत ११४६ तछलागा चतुर्दशी. रौद्र नाम संवत्सर सूर्य उत्तरायण, गृष्म ऋतु, असार कृष्ण चतुर्दशी, चन्द्रमा मिथुन राशिमा, मृगशिरा नक्षत्र, ध्रुब योग, विष्टि करण । आज नेपालमा सुर्योदय बिहान ५ बजेर १७ मिनेटमा र सूर्यास्त साँझ ७ बजेर ३ मिनेटमा हुनेछ । आज आदिकवि भानुभक्तको जन्मजयन्ती परेको छ ।

मेष (चु, चे, चो, ला, लि, लु, ले, लो, अ) –

आजको दिन आत्मविश्वास र दृढ इच्छाशक्तिका साथ अघि बढ्ने अवसर मिल्नेछ। लामो समयदेखि रोकिएका काममा सकारात्मक प्रगति हुने संकेत देखिएको छ। कार्यक्षेत्रमा तपाईंको मेहनत, नेतृत्व क्षमता र निर्णय गर्ने शैलीको प्रशंसा हुनेछ। नयाँ जिम्मेवारी प्राप्त हुन सक्छ, जसले भविष्यमा प्रगतिको नयाँ ढोका खोल्नेछ। व्यापार–व्यवसायमा लाभको सम्भावना रहनेछ। आर्थिक पक्षमा आम्दानी बढ्ने संकेत देखिए पनि अनावश्यक खर्च नियन्त्रण गर्नु बुद्धिमानी हुनेछ। परिवारमा खुसी, मेलमिलाप र आत्मीयता कायम रहनेछ। प्रियजनसँगको साथले मन प्रसन्न रहनेछ। स्वास्थ्य राम्रो रहनेछ, तर पर्याप्त आराम र नियमित खानपानमा ध्यान दिनु आवश्यक हुनेछ।

वृष (इ, उ, ए, ओ, वा, वि, वु, वे, वो) –

आज धैर्य, संयम र व्यवहारिक सोचले तपाईंलाई सही निर्णय लिन सहयोग गर्नेछ। कार्यक्षेत्रमा विगतको मेहनतको सकारात्मक परिणाम देखिन थाल्नेछ। सहकर्मी र वरिष्ठ व्यक्तिसँगको सम्बन्ध सुदृढ बन्नेछ। आर्थिक अवस्था सन्तुलित रहनेछ र बचत गर्ने योजना सफल बन्नेछ। व्यापारमा साना लगानीबाट पनि राम्रो प्रतिफल प्राप्त हुन सक्छ। परिवारका सदस्यहरूसँगको सम्बन्ध अझ आत्मीय बन्नेछ। आफन्तसँगको भेटघाट वा शुभ समाचारले मनमा नयाँ उत्साह थप्नेछ। स्वास्थ्य सामान्य रहनेछ र मानसिक रूपमा पनि सन्तुलन कायम रहनेछ।

मिथुन (का, कि, कु, घ, ङ, छ, के, को, ह) –

आज सिर्जनशील सोच, प्रभावकारी संवाद शैली र आत्मविश्वासका कारण नयाँ अवसर प्राप्त हुने सम्भावना छ। कार्यक्षेत्रमा नयाँ योजना सफल बन्न सक्छ। अध्ययन, लेखन, सञ्चार तथा सिर्जनात्मक क्षेत्रमा उल्लेखनीय उपलब्धि हासिल हुनेछ। सहकर्मी तथा साथीभाइको सहयोगले चुनौतीपूर्ण काम सहज रूपमा सम्पन्न हुनेछ। आर्थिक रूपमा क्रमिक सुधार आउनेछ। परिवारसँग रमाइलो समय बित्नेछ र घरमा खुसीको वातावरण कायम रहनेछ। स्वास्थ्य राम्रो रहनेछ र मानसिक रूपमा पनि उत्साह कायम रहनेछ।

कर्कट (हि, हु, हे, हो, डा, डि, डु, डे, डो) –

आज परिवारसँगको सम्बन्ध थप प्रगाढ बन्नेछ। घरमा खुसी, सहयोग र समझदारीको वातावरण कायम रहनेछ। कार्यक्षेत्रमा तपाईंको इमानदारी, जिम्मेवारी र मेहनतको उचित मूल्यांकन हुनेछ। रोकिएका कामहरू पूरा हुने सम्भावना बलियो देखिन्छ। आर्थिक रूपमा सामान्य सुधार आउनेछ। भविष्यका योजना बनाउन वा नयाँ निर्णय लिन दिन अनुकूल रहनेछ। कुनै शुभ समाचारले मनलाई थप उत्साहित बनाउन सक्छ। स्वास्थ्य राम्रो रहनेछ र मानसिक रूपमा पनि सन्तुष्ट महसुस हुनेछ।

सिंह (मा, मि, मु, मे, मो, टा, टि, टु, टे) –

आज आफ्नो नेतृत्व क्षमता र प्रतिभा प्रदर्शन गर्ने उत्कृष्ट अवसर प्राप्त हुनेछ। कार्यक्षेत्रमा वरिष्ठ व्यक्तिको विश्वास जित्न सफल हुनुहुनेछ। नयाँ जिम्मेवारी वा अवसरले भविष्यमा राम्रो प्रगतिको आधार तयार गर्नेछ। आर्थिक रूपमा लाभका अवसर प्राप्त भए पनि सोचविचार गरेर लगानी गर्नु उचित हुनेछ। सामाजिक क्षेत्रमा सम्मान र प्रतिष्ठा बढ्ने सम्भावना छ। परिवारको साथ र प्रोत्साहनले मनोबल थप उच्च रहनेछ। स्वास्थ्य राम्रो रहनेछ।

कन्या (टो, प, पि, पु, ष, ण, ठ, पे, पो) –

आज अध्ययन, अनुसन्धान, तालिम तथा नयाँ ज्ञान हासिल गर्ने काममा उल्लेखनीय सफलता मिल्नेछ। कार्यक्षेत्रमा अनुशासन र निरन्तर प्रयासले राम्रो प्रतिफल दिलाउनेछ। आर्थिक अवस्था सन्तुलित रहनेछ, तर अनावश्यक खर्चमा नियन्त्रण गर्नु आवश्यक हुनेछ। परिवारमा सुखद वातावरण कायम रहनेछ। छोटो दूरीको यात्रा वा आवश्यक भेटघाट लाभदायक बन्न सक्छ। नयाँ अनुभवले भविष्यमा राम्रो अवसर सिर्जना गर्नेछ। स्वास्थ्य राम्रो रहनेछ र नियमित दिनचर्याले स्फूर्ति कायम राख्नेछ।

तुला (रा, रि, रु, रे, रो, ता, ति, तु, ते) –

आज आर्थिक क्षेत्रमा सकारात्मक परिवर्तन आउने सम्भावना बलियो देखिन्छ। रोकिएको रकम प्राप्त हुने, व्यापारमा लाभ बढ्ने वा नयाँ आम्दानीको स्रोत खुल्ने संकेत देखिन्छ। कार्यक्षेत्रमा सहकार्य र समन्वय उत्कृष्ट रहनेछ। व्यवसाय विस्तार गर्ने योजना सफल बन्न सक्छ। परिवारसँग खुसीका क्षण बित्नेछन् र घरमा सुखद वातावरण कायम रहनेछ। सामाजिक क्षेत्रमा नयाँ सम्बन्ध स्थापित हुनेछ, जसले भविष्यमा लाभदायक अवसर दिलाउन सक्छ। स्वास्थ्य राम्रो रहनेछ र आत्मविश्वास पनि बढ्नेछ।

वृश्चिक (तो, ना, नि, नु, ने, नो, या, यि, यु) –

आज मेहनत, धैर्य र अनुभवले उल्लेखनीय सफलता दिलाउने दिन रहनेछ। प्रतिस्पर्धात्मक क्षेत्रमा आफूलाई उत्कृष्ट रूपमा प्रस्तुत गर्ने अवसर मिल्नेछ। कार्यक्षेत्रमा तपाईंको कामको प्रशंसा हुनेछ र नयाँ अवसर प्राप्त हुन सक्छ। आर्थिक रूपमा लाभका संकेत देखिए पनि ठूलो निर्णय गर्दा सबै पक्षको राम्रोसँग मूल्याङ्कन गर्नु उचित हुनेछ। परिवारमा खुसी, विश्वास र आत्मीयताको वातावरण कायम रहनेछ। सम्बन्ध थप मजबुत बन्नेछ। स्वास्थ्य राम्रो रहनेछ र मानसिक ऊर्जा पनि उच्च रहनेछ।

धनु (ये, यो, भ, भि, भु, ध, फा, ढ, भे) –

आज सकारात्मक सोच, उत्साह र आत्मविश्वासले धेरै अवसरहरू तपाईंको पक्षमा ल्याउनेछ। व्यापार, अध्ययन, यात्रा वा वैदेशिक क्षेत्रसँग सम्बन्धित काममा शुभ संकेत देखिन्छ। कार्यक्षेत्रमा मेहनतको उचित मूल्याङ्कन हुनेछ। आर्थिक अवस्थामा सुधार आउने सम्भावना बलियो छ। परिवारका सदस्यहरूसँगको सम्बन्ध थप सुमधुर बन्नेछ। सामाजिक क्षेत्रमा प्रतिष्ठा र सम्मान बढ्नेछ। दीर्घकालीन योजना बनाउन र नयाँ लक्ष्य तय गर्न दिन निकै उपयुक्त रहनेछ। स्वास्थ्य राम्रो रहनेछ।

मकर (भो, ज, जि, खि, खु, खे, खो, गा, गि) –

आज जिम्मेवारी बढे पनि योजनाबद्ध रूपमा अघि बढ्दा सबै काम सफलतापूर्वक सम्पन्न हुनेछन्। कार्यक्षेत्रमा वरिष्ठ व्यक्तिको सहयोग र विश्वास प्राप्त हुनेछ। आर्थिक रूपमा खर्च नियन्त्रण गर्नु आवश्यक हुनेछ, साथै बचत गर्ने योजनाले राम्रो परिणाम दिनेछ। परिवारका सदस्यहरूको सुझावले महत्त्वपूर्ण निर्णय लिन सहयोग पुर्‍याउनेछ। स्वास्थ्यमा सामान्य थकान महसुस हुन सक्ने भएकाले विश्रामका लागि पर्याप्त समय छुट्याउनु उचित हुनेछ। दिनको अन्त्यमा प्राप्त उपलब्धिले मनमा सन्तुष्टि र आत्मविश्वास बढाउनेछ।

कुम्भ (गु, गे, गो, सा, सि, सु, से, सो, द) –

आज सिर्जनशील सोच, नवीन योजना र सकारात्मक दृष्टिकोणले तपाईंलाई सफलताको नयाँ उचाइतर्फ लैजान सक्छ। कार्यक्षेत्रमा रोकिएका कामले गति लिनेछन् र नयाँ अवसर प्राप्त हुनेछ। साथीभाइ तथा सहकर्मीको सहयोगले महत्त्वपूर्ण काम सहज रूपमा सम्पन्न हुनेछ। आर्थिक पक्षमा सुधार आउने सम्भावना बलियो छ। परिवारमा खुसी, मेलमिलाप र समझदारी कायम रहनेछ। सामाजिक सम्बन्ध विस्तार हुनेछ र नयाँ परिचय भविष्यका लागि उपयोगी बन्न सक्छ। स्वास्थ्य राम्रो रहनेछ र मानसिक रूपमा पनि स्फूर्ति कायम रहनेछ।

मीन (दि, दु, थ, झ, ञ, दे, दो, च, ची) –

आज धैर्य, संयम र सकारात्मक सोचले दिनलाई उपलब्धिमूलक बनाउनेछ। केही काममा ढिलाइ भए पनि अन्ततः परिणाम सन्तोषजनक रहनेछ। कार्यक्षेत्रमा आफ्नो अनुभव र सीपको प्रभावकारी उपयोग गर्न सक्नुहुनेछ। आर्थिक रूपमा सोचविचार गरेर खर्च गर्नु आवश्यक हुनेछ, साथै बचत गर्ने अवसर पनि प्राप्त हुनेछ। परिवारको साथ र सहयोगले मानसिक शान्ति तथा आत्मबल बढाउनेछ। पुराना अधुरा काम पूरा हुने सम्भावना बलियो छ। साँझतिर कुनै शुभ समाचार प्राप्त हुन सक्छ, जसले मनमा नयाँ आशा र उत्साह थप्नेछ। स्वास्थ्य राम्रो रहनेछ र आत्मविश्वास पनि निरन्तर मजबुत बन्दै जानेछ ।एभरेष्ट न्यूज एजेन्सी