बर्दिबास । मौसम पूर्वानुमान सूचनामा आधारित जोखिम न्यूनीकरण तथा सामुदायिक पूर्व सतर्कता प्रणाली सुदृढ गर्ने उद्देश्यसहित बर्दिबासमा दुईदिने तालिम सुरु भएको छ । ‘Strengthening Anticipatory Action in Nepal (SAAN)’ परियोजना अन्तर्गत सञ्चालन भइरहेको उक्त तालिममा मधेस प्रदेशका आठै जिल्लाबाट सहभागीहरूको उल्लेखनीय उपस्थिति रहेको छ ।
तालिमको उद्घाटन सत्र आसमान नेपालकी कोषाध्यक्ष रेखा यादवको अध्यक्षतामा मंगलबार सम्पन्न भएको हो । उद्घाटन सत्रमा नेपाल पत्रकार महासंघ मधेस प्रदेशका महासचिव शैलेन्द्र महतो ‘क्रान्ति’, मौसम पूर्वानुमान महाशाखाका पदाधिकारीहरू, आसमान नेपाल तथा सहयोगी संस्थाका प्रतिनिधिहरूले आ–आफ्ना धारणा राख्दै मौसम पूर्वानुमान सूचनाको प्रभावकारी उपयोगमार्फत विपद् जोखिम न्यूनीकरणमा जोड दिएका थिए ।
तालिममा मधेस प्रदेशका रौतहट, बारा, पर्सा सहित आठै जिल्लाबाट प्रत्येक जिल्लाबाट तीन/तीन जना गरी सहभागीता रहेको छ । सहभागीहरूलाई मौसम पूर्वानुमानको आधारमा पूर्व तयारी, जोखिम न्यूनीकरणका उपाय, सामुदायिक सतर्कता प्रणाली तथा सूचना प्रवाहको प्रभावकारी अभ्यासबारे ज्ञान र सीप प्रदान गरिने आयोजकले जनाएको छ ।
नेपाल पत्रकार महासंघ मधेस प्रदेश समिति, द कोका–कोला फाउन्डेसन, क्लाइमेट रेजिलिएन्स एलायन्स, मर्सी कोर्प्स तथा आसमान नेपालको सहकार्यमा सञ्चालन भइरहेको तालिमले स्थानीय तहमा पूर्वानुमानमा आधारित पूर्व कार्यलाई संस्थागत गर्दै समुदायलाई थप सुरक्षित बनाउने विश्वास लिइएको छ ।
दुई दिनसम्म चल्ने उक्त तालिमको बुधबार समापन हुने आयोजकले जानकारी दिएको छ ।
निगम सञ्चालक समितिले आज राति १२ बजेदेखि लागू हुने गरी साबिकको खुद्रा बिक्री मूल्यमा प्रति लिटर डिजेलरमट्टितेलमा प्रति लिटर ४ रुपैयाँले घटाएको छ । पेट्रोलमा प्रति लिटर २ रुपैयाँ मूल्य वृद्धि गरेको छ ।
डिजेलमा प्रतिलिटर ७ रुपैयाँ मूल्य घटेर आउँदा किन ४ रुपैयाँ मात्रै मूल्य घटेको हो भनेर निगमका प्रवक्ता मनोजकुमार ठाकुरलाई प्रश्न गर्दा उनले १ महिना पहिले डिजेलमा ७ रुपैयाँ मूल्य वृद्धि हुँदै ४ रुपैयाँ मात्रै वृद्धि गरेको बताए ।
उनले भने, ‘१ महिना पहिले डिजेलमा प्रतिलिटर ७ रुपैयाँ मूल्य वृद्धि भएर आएको बेला ४ रुपैयाँ मात्रै मूल्य वृद्धि भएको थियो । अहिले त्यहीँ मूल्य मिलाउन ७ रुपैयाँ घटेर आउँदा ४ रुपैयाँ मात्रै घटाएको हो ।’ सभार कलि्क माण्डु ।
आरएन पटेल,२९ गते मंसिर । रौतहट। जनता समाजवादी पार्टी (जसपा) नेपाल रौतहट प्रतिनिधि सभा निर्वाचन क्षेत्र नं.–२ को समन्वय समिति (क्षेत्रीय) भेला आज बौधीमाई नगरपालिका–४, इनरवारीमा विधिवत रूपमा सम्पन्न भएको छ ।
भेला जसपा नेपाल रौतहटका जिल्ला अध्यक्ष राजीव रन्जन यादवको अध्यक्षता तथा केन्द्रीय कार्यकारिणी समिति सदस्य एवं पूर्व प्रदेश सांसद रामकिशोर प्रसाद यादवको प्रमुख आतिथ्यमा सम्पन्न भएको हो ।
भेलामा वक्ताहरूले पार्टी संगठन सुदृढीकरण, आगामी राजनीतिक रणनीति, जनआधारित आन्दोलन तथा क्षेत्रीय गतिविधिबारे विस्तृत विचार–विमर्श गरेका थिए । साथै पार्टीलाई जनताको मुद्दासँग अझ नजिक लैजान कार्यकर्ताहरूले सक्रिय र जिम्मेवार भूमिका निर्वाह गर्नुपर्नेमा जोड दिइएको थियो ।
कार्यक्रममा पार्टीका नेता–कार्यकर्ता, जनप्रतिनिधि तथा स्थानीय कार्यकर्ताहरूको उल्लेखनीय उपस्थिति रहेको थियो । भेलाले संगठन विस्तार र जनसम्बन्ध सुदृढीकरणमा महत्वपूर्ण योगदान पुर्याउने अपेक्षा गरिएको छ ।
आरके श्रीवास्तव,२९ गते मंसिर ।
सर्लाही । राष्ट्रिय लोक सञ्चारकर्मी नेपालको मधेश प्रदेश समिति गठन भएको छ । मधेश प्रदेशका आठै जिल्लाबाट सहभागी सञ्चारकर्मीहरूको भेलाले क्षितिज विश्वकर्माको अध्यक्षतामा १७ सदस्यीय कार्यसमिति सर्वसम्मत रूपमा गठन गरेको हो ।
उद्योग वाणिज्य संघ सर्लाहीको सभाहल, लालबन्दीमा सम्पन्न कार्यक्रम राष्ट्रिय लोक सञ्चारकर्मी नेपालको केन्द्रीय कार्यसमितिको महिला विभाग प्रमुख सबिता पोखरेलको संयोजकत्व तथा प्रमुख आतिथ्यतामा सम्पन्न भएको थियो । कार्यक्रममा सहसंयोजक विनिता क्षेत्रीको विशिष्ट आतिथ्यता रहेको थियो ।
नवगठित कार्यसमितिमा वरिष्ठ उपाध्यक्षमा रमेश खत्री, उपाध्यक्षमा सुशीला पोखरेल चौलागाई, सचिवमा प्रफुल्ल मिश्र, सहसचिवमा विनोद ढुंगेल चयन भएका छन्। त्यस्तै कोषाध्यक्षमा श्रवण साह, सहकोषाध्यक्षमा मानिक चन्द चयन भएका छन् ।
सदस्यहरूमा कुलदीप दास (प्रचार–प्रसार विभाग), आरती सेन्चुरी (महिला विभाग प्रमुख), राजु कुमार श्रीवास्तव (प्रवक्ता), सरिता सापकोटा, प्रभु प्रसाद यादव, रामनाच राम, सन्तोष कर्ण, एस.एम. जगाहस्त ‘गुड्डु’, अस्मिता परियार र अनिल यादव चयन भएका छन् ।
कार्यक्रममा विशिष्ट अतिथिका रूपमा राष्ट्रिय लोक तथा दोहोरी गीत प्रतिष्ठान सर्लाहीका जिल्ला अध्यक्ष महेन्द्र महतो, समाजसेवी तथा उद्योग वाणिज्य संघ लालबन्दी सर्लाहीका अध्यक्ष महेश महतोको उपस्थिति रहेको थियो । साथै राष्ट्रिय लोक तथा दोहोरी गीत प्रतिष्ठान सर्लाहीका उपाध्यक्ष सन्तोष कर्ण, सहसचिव मदन नेपाललगायत विभिन्न संघ–संस्थाका प्रतिनिधि तथा सञ्चारकर्मीहरूको उल्लेखनीय सहभागिता थियो ।
कार्यक्रमको सञ्चालन नारायणी विश्वकर्मा (आरती विश्वकर्मा)ले गरेकी थिइन् । कार्यक्रममा वक्ताहरूले लोक सञ्चारकर्मीहरूको हकहित, क्षमता अभिवृद्धि तथा मधेश प्रदेशमा लोक सञ्चारको प्रवर्द्धनका लागि नवगठित समितिले महत्वपूर्ण भूमिका खेल्ने विश्वास व्यक्त गरेका थिए ।
आरके श्रीवास्तव,राैतहट,२९ गते मंसिर ।
रौतहट । सामुदायिक विद्यालयमा सञ्चालन हुने दिवा खाजा कार्यक्रमको गुणस्तरमाथि प्रश्न उठिरहेका बेला रौतहटको मौलापुर नगरपालिकाले शिक्षालाई पहिलो प्राथमिकतामा राख्दै उदाहरणीय अभ्यास प्रस्तुत गरिरहेको छ। नगरपालिकाको शिक्षा शाखाले तयार पारेको शेड्युलअनुसार नियमित र गुणस्तरीय दिवा खाजा सञ्चालन हुँदै आएको छ ।
आईतवार मौलापुर नगरपालिका वडा नम्बर ३ स्थित श्री माध्यमिक विद्यालयमा विद्यार्थीहरूलाई शुद्ध दुधबाट तयार गरिएको खिर खुवाइएको थियो । शेड्युलअनुसार कहिले खिर, कहिले चना–चिउरा, त कहिले मासु–चिउरा वा अण्डा खुवाइँदै आएको प्रधानाध्यापक चन्देश्वर साहले बताए । यसले विद्यार्थीको पोषण सुधारसँगै विद्यालयमा नियमित उपस्थिति बढाउन सहयोग पुगेको उनको भनाइ छ ।
नगरपालिकाका शिक्षा सह–संयोजक धर्मेन्द्र कुमार साहका अनुसार दिवा खाजा कार्यक्रम पारदर्शी र अनुशासित ढंगले सञ्चालन भइरहेको छ ।
“शिक्षा शाखाबाट जारी गरिएको तालिकाअनुसार नै दिवा खाजा सञ्चालन गरिरहेका छौं, गुणस्तरमा कुनै सम्झौता गरिएको छैन,” उनले भने।
दिवा खाजासँगै समग्र शिक्षामा गरिएको लगानी पनि उल्लेखनीय रहेको नगरप्रमुख रिना कुमारी साहले बताइन् । मौलापुर नगरपालिकाले कुल बजेटको करिब ४० प्रतिशत शिक्षा क्षेत्रमा खर्च गर्दै आएको उनले जानकारी दिइन् ।
“२०७४ सालमा निर्वाचित हुँदा नगरपालिकामा दुईवटा मात्र माध्यमिक विद्यालय थिए, अहिले ६ वटा माध्यमिक विद्यालय सञ्चालनमा छन्,” नगरप्रमुख साहले भनिन् ।
गुणस्तरीय शिक्षामा मौलापुर नगरपालिकाले मधेस प्रदेशमै उत्कृष्ट सम्मान प्राप्त गरिसकेको उनले उल्लेख गरिन् । शिक्षक अभावका विषयमा शिक्षा मन्त्रालयलाई पटक–पटक दरबन्दी अनुसार शिक्षक पठाइदिन आग्रह गरिए पनि पर्याप्त शिक्षक नआएपछि नगरपालिकाले आफ्नै स्रोतबाट एक सयभन्दा बढी नगर शिक्षक भर्ना गरी विद्यालय सञ्चालन गरिरहेको उनको भनाइ छ ।
भौतिक पूर्वाधारतर्फ मौलापुर नगरपालिकाले शिक्षा क्षेत्रमा उल्लेखनीय लगानी गरेको छ । हालसम्म १५० भन्दा बढी कक्षा कोठा निर्माण भइसकेका छन् । विद्यालयका लागि जग्गा खरिददेखि नमूना भवन निर्माणसम्मका काम सम्पन्न भई मौलापुरको शैक्षिक भौतिक पूर्वाधार देशमै नमूना बन्दै गएको नगरप्रमुखको दाबी छ ।
यसैबीच मौलापुर नगरपालिकाका प्रमुख प्रशासकीय अधिकृत रामबाबु साहले शिक्षामा पहुँच विस्तारका लागि प्राविधिक शिक्षालाई विशेष प्राथमिकता दिइएको बताए । उनका अनुसार सिभिल इन्जिनियरिङ र जियोमेट्रिक इन्जिनियरिङतर्फ डिप्लोमा तहको शिक्षा मौलापुर नगरपालिका अन्तर्गतका छोरी–बुहारीका लागि शतप्रतिशत निःशुल्क व्यवस्था गरिएको छ ।
“छात्रहरूका लागि भने २५ प्रतिशत छात्रवृत्ति प्रदान गरिरहेका छौं,” प्रमुख प्रशासकीय अधिकृत साहले बताए ।
उनले विगतमा माध्यमिक तहमा अध्ययनरत विद्यार्थीहरूका लागि ल्यापटप वितरण गरिएको जानकारी दिँदै डिजिटल शिक्षामा पनि नगरपालिकाले जोड दिएको स्पष्ट पारे ।
दिवा खाजा कार्यक्रमदेखि बजेट, छात्रवृत्ति, शिक्षक व्यवस्थापन र भौतिक पूर्वाधारसम्म शिक्षाको सबै पक्षमा गरिएको लगानीका कारण मौलापुर नगरपालिका सामुदायिक शिक्षाको क्षेत्रमा अन्य स्थानीय तहका लागि अनुकरणीय उदाहरण बन्दै गएको स्थानीयको भनाइ छ ।
आरके श्रीवास्तव,राैतहट,२९ गते मंसिर ।
रौतहट । रौतहटको राजपुर नगरपालिकाले सोमबारदेखि आफ्नै नवनिर्मित प्रशासकीय कार्यालय भवनबाट औपचारिक रूपमा सेवा प्रवाह सुरु गरेको छ । राजपुर नगरपालिका स्थित राजिक चोकमा निर्माण सम्पन्न भएको भवनको नगरप्रमुख डा. राजिक आलमले विशेष समारोहबीच विधिवत् उद्घाटन गरेपछि सेवा सञ्चालनमा आएको हो ।
उद्घाटन समारोहलाई सम्बोधन गर्दै नगरप्रमुख डा. आलमले नगरवासीको इच्छा, मेहनत र चाहनाअनुसार निर्धारित समयमै प्रशासकीय भवन निर्माण भई उद्घाटन गर्न पाउँदा खुशी व्यक्त गरेका छन् । विगतमा सानो र अस्थायी कोठाबाट जेनतेन सेवा दिनुपरेको अवस्थाको स्मरण गर्दै उनले अब आफ्नै भवनबाट सेवा सुरु हुनु राजपुर नगरपालिकाका लागि महत्वपूर्ण उपलब्धि भएको बताए ।
नगरको विकास क्रमशः अघि बढिरहेको उल्लेख गर्दै नगरप्रमुख आलमले शिक्षा, स्वास्थ्य, सडक तथा भौतिक पूर्वाधार क्षेत्रमा उल्लेखनीय सुधार हुँदै आएको जनाए । नगरवासीको निरन्तर साथ र सहयोग प्राप्त भएमा राजपुर नगरपालिकालाई नमूना नगरपालिकाका रूपमा विकास गर्ने प्रतिबद्धता पनि उनले व्यक्त गरे ।
कार्यक्रममा निमित्त प्रमुख प्रशासकीय अधिकृत बैजु ठाकुरले नयाँ भवनबाट सेवा सुचारु भएसँगै सेवा प्रवाहलाई थप व्यवस्थित, छिटो र पारदर्शी बनाइने बताए। प्रशासनिक कामकाजलाई एकीकृत संरचनाबाट सञ्चालन गर्दा सेवाग्राहीमैत्री वातावरण सिर्जना हुने र जनताको गुनासो तथा कामकारबाहीमा ढिलासुस्ती नहुने उनको भनाइ थियो ।
समारोहमा राैतहटका प्रमुख जिल्ला अधिकारी दिनेशसागर भुसालले नयाँ प्रशासकीय भवनबाट सेवा सुचारु भएकोमा राजपुरवासीलाई बधाई दिँदै जनताको कामकाजमा कुनै पनि ढिलासुस्ती नगर्न सुझाव दिए । पायक पर्ने स्थानमा भवन निर्माण भएकाले सेवाग्राहीका विगतका झन्झटहरू क्रमशः हट्दै जाने र सेवा प्रवाह थप प्रभावकारी हुने अपेक्षा उनले व्यक्त गरे ।
उद्घाटन समारोहमा नगर उपप्रमुख जमिला असगरी, नेपाल प्रहरीका एसपी रबिन कार्की, सशस्त्र प्रहरीका एसपी रामहरी अधिकारी, राष्ट्रिय अनुसन्धानका उपनिर्देशक कुमार बुढाथोकी, नेपाल पत्रकार महासंघका अध्यक्ष संजय कार्की, डा. कौशर आलम, वडा नं. १ देखि ९ सम्मका वडाध्यक्षहरू, जिल्ला समन्वय समितिका सदस्यहरू, नगर तथा वडा सदस्यहरू, विभिन्न क्षेत्रका व्यक्तित्वहरू र उल्लेख्य संख्यामा स्थानीय बासिन्दाहरूको उपस्थिति रहेको थियो ।
साथै, उद्घाटन अवसरमा नगरप्रमुख, उपप्रमुख, प्रमुख जिल्ला अधिकारी, प्रमुख प्रशासकीय अधिकृत, सुरक्षा निकायका प्रतिनिधि, वडाध्यक्षहरू, निर्माण व्यवसायी, सञ्चारकर्मी लगायत विभिन्न क्षेत्रका व्यक्तित्वहरूलाई सम्मान गरिएको नगरपालिकाले जनाएको छ ।
नगरपालिकाका लेखा अधिकृत मनोज कर्णका अनुसार करिब ५ करोड ७२ लाख रुपैयाँको लागतमा नयाँ प्रशासकीय भवन निर्माण सम्पन्न भएको हो ।
आरके श्रीवास्तव,राैतहट,मंसिर २८ गते ।
रौतहट । नेत्र ज्योती आँखा हस्पिटल प्रा. लि., गरुडा नगरपालिका–४, रौतहटको प्राविधिक सहयोगमा कटहरिया नगरपालिका–८ (पिप्रा पोखरीया) मा निःशुल्क आँखा शिविर सम्पन्न भएको छ । तिलगंगा आँखा हस्पिटल, काठमाडौंको आयोजनामा मिति २०८२।०८।२८ गते आइतवार बिहान ९ बजेदेखि दिउँसो ३ बजेसम्म शिविर सञ्चालन गरिएको थियो ।
शिविरमा आँखा परीक्षण गराउँदा ४२ जनामा मोतियाबिन्दु फेला परेको वडा कार्यालयका कर्मचारी मुकुन्द यादवले जानकारी दिएका छन् । उनका अनुसार अन्य दर्जनौँ सेवाग्राहीले सामान्य आँखा परीक्षण, औषधि तथा परामर्श सेवा लिएका थिए ।
स्थानीय आयोजक तथा कटहरिया नगरपालिका–८ का वडा अध्यक्ष समिश विक्रम शाहले ग्रामीण तथा विपन्न समुदायका नागरिकहरूका लागि आँखा शिविर अत्यन्त आवश्यक रहेको बताए । “आर्थिक अभाव र जानकारीको कमीका कारण धेरै नागरिक उपचारबाट वञ्चित हुने अवस्था छ,” उनले भने, “यस्ता शिविरले समयमै रोग पहिचान र उपचारमा सहयोग पुग्ने भएकाले आगामी दिनमा पनि निरन्तरता दिन पहल गरिनेछ।”
वडा अध्यक्ष शाहले शिविर सफल बनाउन सहयोग गर्ने तिलगंगा आँखा हस्पिटल, नेत्र ज्योती आँखा हस्पिटल, स्वास्थ्यकर्मी, स्वयंसेवक तथा स्थानीयवासीप्रति धन्यवाद व्यक्त गरे । उनले मोतियाबिन्दु पहिचान भएका बिरामीहरूको शल्यक्रियाका लागि आवश्यक समन्वय गरिने पनि जानकारी दिए ।
आरके श्रीवास्तव,राैतहट,२८ गते मंसिर ।
रौतहट । रौतहट जिल्लाको राजपुर नगरपालिकामा निर्माण सम्पन्न भएको प्रशासकीय कार्यालय भवनको औपचारिक समुद्घाटन कार्यक्रम मिति २०८२ साल मंसिर २९ गते बिहान ११ बजे नगर प्रमुख डा. मो. राजीक आलमको प्रमुख आतिथ्यतामा सम्पन्न हुने भएको छ ।
नगरपालिकाको सेवा प्रवाहलाई अझ प्रभावकारी, व्यवस्थित र जनमुखी बनाउने उद्देश्यले निर्माण गरिएको यस भवनले नगर प्रशासनलाई एउटै छानामुनि समेट्दै नागरिकलाई छिटोछरितो सेवा प्रदान गर्ने अपेक्षा गरिएको छ ।
नगर प्रमुख डा. मो. राजीक आलमले प्रशासकीय भवन नगरको दीर्घकालीन विकास यात्राको महत्वपूर्ण आधार भएको बताउँदै, “यो भवन केवल संरचना मात्र नभई सुशासन, पारदर्शिता र उत्तरदायित्व सुदृढ गर्ने माध्यम हो । अब नागरिकले एकै स्थानबाट गुणस्तरीय सेवा पाउने वातावरण बनेको छ,” भन्नुभयो ।
त्यस्तै, प्रमुख प्रशासकीय अधिकृत बैजु ठाकुरले भवन सञ्चालनसँगै प्रशासनिक कार्यसम्पादनमा उल्लेखनीय सुधार आउने विश्वास व्यक्त गर्दै, “नयाँ भवनले सेवा प्रवाहको समय घटाउने, कर्मचारीबीच समन्वय बढाउने र अभिलेख व्यवस्थापनलाई आधुनिक बनाउनेछ । यसले नागरिक सन्तुष्टि अभिवृद्धि गर्न महत्वपूर्ण भूमिका खेल्नेछ,” भन्नुभयो ।
नगरपालिकाले उक्त ऐतिहासिक तथा महत्वपूर्ण कार्यक्रममा आम जनसमुदाय, सञ्चारकर्मी तथा सरोकारवाला सबैलाई गरिमामय उपस्थितिका लागि हार्दिक अनुरोध गरेको छ । कार्यक्रमले राजपुर नगरपालिकाको प्रशासनिक सुदृढीकरण र विकास यात्रामा नयाँ आयाम थप्ने विश्वास लिइएको छ ।
बज्जिकाञ्चल संवाददाता,सर्लाही, २७ मंसिर ।
लोकतान्त्रिक समाजवादी पार्टी नेपाल (लोसपा) जिल्ला कार्यसमिति सर्लाहीले आसन्न प्रतिनिधिसभा सदस्य निर्वाचन २०८२ का लागि प्रत्यक्ष तथा समानुपातिक दुवै तर्फका उम्मेदवारहरूको नाम सर्वसम्मत रूपमा टुंगो लगाई पार्टी केन्द्रमा सिफारिस गरेको छ ।
पार्टी केन्द्रीय कार्यालय बबरमहलबाट जारी परिपत्रअनुसार शनिबार जिल्ला पार्टी कार्यालय मलंगवामा सम्पन्न जिल्ला कार्यसमितिको बैठकले उम्मेदवारहरूको छनोट गरेको हो । जिल्ला अध्यक्ष रामप्रसाद राय यादवको अध्यक्षतामा बसेको बैठकमा केन्द्रदेखि वडा तहसम्मका नेता तथा कार्यकर्ताहरूको सहभागिता रहेको थियो ।
प्रत्यक्षतर्फ सर्लाहीका चारवटै निर्वाचन क्षेत्रबाट केन्द्रीय पदाधिकारी तथा अनुभवी नेताहरूलाई उम्मेदवारका रूपमा सिफारिस गरिएको छ । निर्वाचन क्षेत्र नम्बर १ बाट केन्द्रीय उपाध्यक्ष रामप्रकाश चौधरी, क्षेत्र नम्बर २ बाट केन्द्रीय सदस्य भिनक लाल राय (सुजन) र रञ्जित कुमार ठाकुर (डा. बिरवंश बैठा), क्षेत्र नम्बर ३ बाट केन्द्रीय सचिव रामेश्वर राय तथा क्षेत्र नम्बर ४ बाट केन्द्रीय महासचिव मनिष कुमार मिश्रको नाम सिफारिस गरिएको छ ।
समानुपातिकतर्फ समावेशी सिद्धान्तलाई आधार मान्दै महिला, मधेसी, दलित तथा खुला समूहबाट उम्मेदवार छनोट गरिएको छ । सूचीमा अन्जु देवी बैठा, मिना देवी महतो कोइरी, सरिता देवी साह, सुनीता कुमारी देवी, कामरेन्द्र कुमार वर्मा र रेखा कुमारी साहलगायतका नेताहरूको नाम समावेश गरिएको छ ।
देश र मधेसको वर्तमान राजनीतिक परिवेशलाई ध्यानमा राख्दै यसपटक सर्लाहीका चारवटै निर्वाचन क्षेत्रमा युवा नेतृत्व अघि सार्ने उद्देश्यले उम्मेदवार छनोट गरिएको जिल्ला कार्यसमितिले जनाएको छ । साथै, पार्टीका केन्द्रीय अध्यक्ष महन्थ ठाकुरलाई समानुपातिकतर्फ उम्मेदवार बनाउने सुझावसहित सिफारिस गरिएको छ ।
पार्टीको नीति, सिद्धान्त र लोकतान्त्रिक समाजवादको मार्गदर्शनअनुसार योग्य, सक्षम तथा जनआधार भएका व्यक्तिहरूलाई उम्मेदवारका रूपमा छनोट गरिएको जिल्ला सचिव मिथलेश यादवले जानकारी दिनुभयो । सिफारिस गरिएका उम्मेदवारहरूको सूची पार्टी केन्द्रमा पठाइसकिएको छ ।
आरके श्रीवास्तव,राैतहट,२७ गते मंसिर ।
रौतहट जिल्लाको मध्य भाग सुकदेव चोकमा रहेको डा. मधुरेन्द्र यादवद्वारा सञ्चालित नेपाल तराई सिटी हस्पिटलले अत्याधुनिक सी–आर्म मेसिन जडान गरी औपचारिक रूपमा सेवा सुरु गरेको छ । यस प्रविधिबाट हड्डी–जोर्नी, शल्यक्रिया तथा ट्रमा केयरमा उपचार अझ सुरक्षित, छिटो र प्रभावकारी हुने अस्पतालले जनाएको छ ।
रियल–टाइम एक्स–रे सुविधायुक्त सी–आर्मले अपरेशनका क्रममा तुरुन्तै सही निर्णय लिन सहयोग पुर्याउने विश्वास व्यक्त गरिएको छ । आज सञ्चारकर्मीहरू सँग कुराकानी गर्दै अस्पतालका सञ्चालक डा. मधुरेन्द्र यादवले आधुनिक, विश्वसनीय र सुलभ उपचार समुदायसम्म पुर्याउनु हस्पिटलको प्राथमिकता रहेको बताए ।
यसैबीच, स्थानीय नागरिकको स्वास्थ्य सेवा सहज र किफायती बनाउने उद्देश्यले हस्पिटलले पुस १ गतेदेखि माघ १ गतेसम्म विशेष शल्यक्रिया सेवा सञ्चालनमा ल्याएको छ । यस अवधिमा बचेदानी, एपेन्डिक्स, हर्निया, हाइड्रोसिल, बावसीर/भगन्दर तथा सिजेरियन जस्ता अपरेसनहरू अत्यन्त न्यून शुल्कमा उपलब्ध गराइनेछन् ।
अनुभवी चिकित्सक टोली, आधुनिक अपरेसन थिएटर, डिजिटल तथा भिडियो एक्स–रे सुविधासहित नेपाल तराई सिटी हस्पिटलले आगामी दिनमा पनि नयाँ स्वास्थ्य प्रविधि र सेवा विस्तार गर्दै जाने प्रतिबद्धता जनाएको छ । सीमित समयका लागि लागू यो विशेष अफरको लाभ लिन इच्छुक बिरामीलाई समयमै सम्पर्क गर्न अस्पतालले अनुरोध गरेको छ ।
अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
