आजको राशिफल बिस २०८३ जेठ ५ गते मंगलवार ईस २०२६ मे १९ नेपाल सम्बत ११४६ अनालाथ्व तृतीया, रौद्र नाम संवत्सर सूर्य दक्षिणायनं, गृष्म ऋतु, जेठ शुक्ल तृतीया, चन्द्रमा मिथुन राशिमा, मृगशिरा नक्षत्र, धृति योग, गर करण । आज नेपालमा सुर्योदय बिहान ५ बजेर १४ मिनेट र सूर्यास्त साँझ ६ बजेर ४८ मिनेटमा हुनेछ ।

आज जन्म लिने बच्चा मिथुन राशीको हुनेछ । आज कुनै महत्वपूर्ण कार्यका लागि बाहिर निस्कनु पर्दा सखर वा गुण  खाएर जुनसुकै दिशाको यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान १० बजेर १८ मिनेट देखि १२ बजेर ०० मिनेट सम्म रहेको छ । यो समय नेपालको राष्ट्रिय समयमा आधारित छ ।

मेष राशि

आजको दिन कामकाजमा नयाँ उत्साह र ऊर्जा लिएर आउने देखिन्छ। विगतदेखि रोकिएका वा अधुरा रहेका कामहरू फेरि अघि बढ्ने सम्भावना बलियो छ। कार्यालय वा व्यवसायमा तपाईंको सक्रियता र मेहनतको प्रशंसा हुन सक्छ। आर्थिक रूपमा सामान्य सुधारको संकेत देखिए पनि खर्च बढ्न सक्ने भएकाले बजेट व्यवस्थापनमा ध्यान दिनु राम्रो हुनेछ। परिवारका सदस्यसँगको सम्बन्ध सकारात्मक रहनेछ र घरको वातावरण रमाइलो बन्न सक्छ। प्रेम सम्बन्धमा खुलेर संवाद गर्दा सम्बन्ध अझ मजबुत बन्नेछ। स्वास्थ्यतर्फ थकान, टाउको दुख्ने वा निद्राको कमीले असर गर्न सक्ने भएकाले आराम आवश्यक रहनेछ।

वृष राशि

आज धैर्य र समझदारीले मात्र राम्रो परिणाम दिलाउने दिन हो। काममा केही ढिलाइ वा अवरोध आए पनि अन्ततः परिस्थिति तपाईंको पक्षमा आउने सम्भावना छ। आर्थिक लेनदेन गर्दा विशेष सावधानी अपनाउनु आवश्यक हुनेछ। व्यापार गर्नेहरूले नयाँ लगानी वा ठूलो निर्णयमा हतार नगर्नु राम्रो हुन्छ। परिवारबाट साथ र समर्थन प्राप्त हुनेछ, जसले मानसिक रूपमा बलियो बनाउनेछ। प्रेम सम्बन्धमा भावनात्मक निकटता बढ्ने संकेत छ। स्वास्थ्य सामान्य रहे पनि खानपानमा ध्यान दिनु राम्रो हुनेछ।

मिथुन राशि

आज आत्मविश्वास उच्च रहनेछ। नयाँ योजना सुरु गर्न, पुराना योजना कार्यान्वयन गर्न वा महत्वपूर्ण निर्णय लिनका लागि दिन अनुकूल देखिन्छ। साथीभाइ तथा सहकर्मीको सहयोगले काम सहज बन्नेछ। आर्थिक रूपमा लाभको सम्भावना छ र रोकिएको रकम प्राप्त हुन सक्छ। अध्ययन, लेखन, सञ्चार वा सिर्जनात्मक क्षेत्रमा लागेकाहरूका लागि दिन विशेष उपलब्धिमूलक बन्न सक्छ। परिवारसँगको सम्बन्ध मधुर रहनेछ। यात्राको अवसर आउन सक्छ, जसबाट फाइदा हुने संकेत पनि देखिन्छ।

कर्कट राशि

आज मनमा केही चिन्ता वा तनाव बढ्न सक्छ। कामको चापका कारण थकान महसुस हुन सक्छ र निर्णय लिन कठिन हुने अवस्था बन्न सक्छ। यस्तो समयमा परिवार वा नजिकका व्यक्तिसँग समय बिताउँदा मानसिक राहत मिल्नेछ। आर्थिक रूपमा सामान्य अवस्था रहनेछ, तर अनावश्यक खर्च बढ्न सक्छ। स्वास्थ्यमा पेट, पाचन वा खानपानसम्बन्धी समस्या देखिन सक्ने भएकाले सावधानी आवश्यक छ। धैर्य राखेर अघि बढ्दा दिनको अन्त्यतिर स्थिति सहज बन्दै जानेछ।

सिंह राशि

आज प्रतिस्पर्धात्मक वातावरणमा आफूलाई प्रमाणित गर्ने अवसर प्राप्त हुनेछ। काममा तपाईंको क्षमता र नेतृत्व देखिने सम्भावना छ। मेहनतअनुसार उपलब्धि प्राप्त हुने संकेत बलियो छ। व्यवसायमा लाभको सम्भावना देखिन्छ भने जागिर गर्नेहरूका लागि नयाँ जिम्मेवारी आउन सक्छ। सामाजिक रूपमा सम्मान बढ्नेछ। परिवारको साथ र हौसलाले आत्मविश्वास थप मजबुत बन्नेछ। यात्राको सम्भावना पनि देखिन्छ। स्वास्थ्य सामान्य रहनेछ, तर अत्यधिक कामले थकान बढ्न सक्छ।

कन्या राशि

आज निर्णय गर्दा हतार नगर्नु राम्रो हुनेछ। काममा साना अवरोध आउन सक्छन्, तर धैर्य राखे समाधान भेटिनेछ। आर्थिक पक्षमा स्थिरता रहने संकेत छ, तर ठूलो लगानी गर्दा सावधानी आवश्यक हुनेछ। परिवारसँगको सम्बन्धमा समझदारी आवश्यक रहनेछ। कामको चापका कारण मानसिक थकान बढ्न सक्छ। स्वास्थ्य सामान्य रहे पनि पर्याप्त आराम र सन्तुलित खानपान उपयोगी हुनेछ।

तुला राशि

आजको दिन सकारात्मक र उत्साहजनक रहने देखिन्छ। नयाँ व्यक्तिसँग भेटघाट वा सहकार्यको अवसर प्राप्त हुन सक्छ। आर्थिक रूपमा सुधार आउने संकेत छ र नयाँ आम्दानीको बाटो खुल्न सक्छ। प्रेम सम्बन्धमा खुसीको वातावरण बन्नेछ। विद्यार्थी तथा सिर्जनात्मक क्षेत्रमा लागेकाहरूका लागि दिन उपलब्धिमूलक बन्न सक्छ। सामाजिक गतिविधिमा सक्रियता बढ्नेछ। परिवारसँगको सम्बन्ध पनि मधुर रहनेछ।

वृश्चिक राशि

आज जिम्मेवारी बढ्न सक्छ। काममा दबाब भए पनि तपाईंको मेहनत र लगनशीलताले राम्रो परिणाम ल्याउनेछ। आर्थिक लाभको संकेत भए पनि खर्च पनि बढ्न सक्छ, त्यसैले सन्तुलन आवश्यक हुनेछ। परिवारका सदस्यको सल्लाह उपयोगी बन्नेछ। पुरानो समस्या समाधानतर्फ जाने संकेत देखिन्छ। स्वास्थ्यतर्फ कमजोरी, थकान वा तनाव महसुस हुन सक्छ, त्यसैले आराममा ध्यान दिनु राम्रो हुनेछ।

धनु राशि

आज नयाँ अवसरहरू प्राप्त हुने सम्भावना बलियो छ। रोकिएका काम अघि बढ्नेछन् र नयाँ योजना सुरु गर्न आत्मविश्वास बढ्नेछ। यात्राबाट लाभ मिल्न सक्छ। आर्थिक रूपमा सुधारका संकेत छन्। परिवार र साथीभाइसँगको सम्बन्ध राम्रो रहनेछ। विद्यार्थीहरूका लागि अध्ययनमा प्रगति हुने समय हो। सकारात्मक सोच र सक्रियताले दिनलाई अझ सफल बनाउनेछ।

मकर राशि

आज काममा स्थिरता आउनेछ। जिम्मेवारी धेरै भए पनि धैर्य र निरन्तर प्रयासले सफलता दिलाउनेछ। आर्थिक रूपमा सन्तुलन कायम रहनेछ र सानो लाभ प्राप्त हुन सक्छ। परिवारबाट सहयोग प्राप्त हुनेछ। भविष्यका योजना, लगानी वा नयाँ कामको तयारीका लागि समय उपयोगी बन्न सक्छ। स्वास्थ्य सामान्य रहनेछ, तर पर्याप्त आराम लिनु राम्रो हुनेछ।

कुम्भ राशि

आज सोचविचार गरेर मात्र निर्णय लिनु राम्रो हुनेछ। खर्च बढ्ने सम्भावना भएकाले आर्थिक व्यवस्थापन आवश्यक छ। काममा सहकर्मी वा साथीभाइको सहयोगले सहजता आउनेछ। नयाँ अवसर प्राप्त भए पनि हतारमा अघि बढ्नु उचित हुँदैन। परिवारसँगको सम्बन्धमा धैर्य आवश्यक हुनेछ। स्वास्थ्यमा सामान्य थकान वा तनाव महसुस हुन सक्छ, त्यसैले आराम र मनोरञ्जनका लागि समय निकाल्नु राम्रो हुनेछ।

मीन राशि

आज मन शान्त र सकारात्मक रहनेछ। काममा क्रमिक प्रगति हुनेछ र मेहनतको परिणाम प्राप्त हुन थाल्नेछ। परिवारबाट साथ, सहयोग र हौसला प्राप्त हुनेछ। प्रेम सम्बन्धमा विश्वास र निकटता बढ्नेछ। अध्ययन, कला, लेखन वा सिर्जनात्मक क्षेत्रमा रुचि बढ्न सक्छ। आर्थिक अवस्था सामान्य रहनेछ, तर सानो लाभ प्राप्त हुने सम्भावना पनि छ। दिन समग्रमा सुखद, सन्तुलित र आशावादी रहने संकेत देखिन्छ।एभरेष्ट न्यूज एजेन्सी

काठमाडौँ । नेपाल राष्ट्र बैंकले सार्वजनिक गरेको चालु आर्थिक वर्ष २०८२ चैत मसान्तसम्मको तथ्यांकअनुसार बैंक तथा वित्तीय संस्थामा निक्षेप र कर्जाको आकार उल्लेख्य रूपमा बढेको छ ।

चैत्र मसान्तसम्मको तथ्यांकअनुसार कुल निक्षेप जीडीपी अनुपात १२९. ६५ प्रतिशत पुगेको छ भने कुल कर्जा जीडीपी अनुपात ९६.७३ प्रतिशत कायम भएको छ । कुल निक्षेपको तुलनामा कुल कर्जा अनुपात ७४. ६१ प्रतिशत रहेको छ ।

बैंकिङ प्रणालीमा खराब कर्जा अर्थात् निष्क्रिय कर्जा कुल कर्जाको ५. ६० प्रतिशत पुगेको छ । यस्तै कुल कर्जामा कर्जा नोक्सानी व्यवस्था अनुपात ५.९२ प्रतिशत रहेको राष्ट्र बैंकले जनाएको छ । तरलता अवस्थातर्फ हेर्दा कुल निक्षेपको तुलनामा तरल सम्पत्ति अनुपात ३५. ३७ प्रतिशत पुगेको छ । त्यस्तै सरकारी ऋणपत्रमा गरिएको लगानी कुल निक्षेपको १४. ८९ प्रतिशत रहेको छ । पूँजी पर्याप्तता सूचकमा कोर क्यापिटल अनुपात ९. ७२ प्रतिशत र कुल पूँजी पर्याप्तता अनुपात १२. ६२ प्रतिशत कायम रहेको देखिएको छ ।

राष्ट्र बैंकका अनुसार हाल देशभर ५४ वटा बैंक तथा वित्तीय संस्था सञ्चालनमा छन् । ती संस्थाका शाखा संख्या ६ हजार ४१९ पुगेका छन् । बैंकिङ पहुँच विस्तारसँगै निक्षेप खाताको संख्या ६ करोड २४ लाखभन्दा बढी पुगेको छ भने ऋण खाताको संख्या २० लाख ४४ हजारभन्दा धेरै रहेको छ ।

मोबाइल बैंकिङ प्रयोगकर्ता २ करोड ९७ लाख ७५ हजारभन्दा बढी पुगेका छन् । इन्टरनेट बैंकिङ प्रयोगकर्ता २४ लाखभन्दा बढी छन् । एटिएम मेसिन संख्या ५ हजार १७४ पुगेको छ । डेबिट कार्ड प्रयोगकर्ता १ करोड ३८ लाखभन्दा बढी रहेका छन् भने क्रेडिट कार्ड संख्या ३ लाख २९ हजारभन्दा बढी पुगेको छ ।

ब्याजदरतर्फ औसत निक्षेप ब्याजदर ३.४० प्रतिशत कायम भएको छ । बचत निक्षेपमा औसत ब्याजदर २.९० प्रतिशत, मुद्दती निक्षेपमा ५.०९ प्रतिशत र कल निक्षेपमा ०.६७ प्रतिशत रहेको छ । यस्तै औसत कर्जा ब्याजदर ६.७७ प्रतिशत कायम भएको राष्ट्र बैंकको तथ्यांकमा उल्लेख छ ।एभरेष्ट न्यूज एजेन्सी

काठमाडौं । नेपाली बजारमा आज सुनको मुल्य बढेको छ भने चाँदीको मुल्य घटेको छ ।

नेपाल सुनचाँदी व्यवसायी महासङ्घका अनुसार सोमबार सुनको मुल्य तोलाको ८ सयले बढेर तोलाको २ लाख ९४ हजार ८ सयमा कारोबार भइरहेको छ । यसअघि आइतबार सुन तोलाको २ लाख ९४ हजारमा कारोबार भएको थियो ।

यस्तै, आज चाँदीको मुल्य भने घटेको छ । महासङ्घका अनुसार आज चाँदी तोलाको २०  रुपैयाँले घटेर ५०४० मा कारोबार भइरहेको छ । यसअघि आइतबार चाँदी तोलाको ५०६०  मा कारोबार भएको थियो ।

काठमाडौँ । गत साताको नेपाली बक्स अफिसको रिपोर्ट सार्बजनिक भएको छ ।

चलचित्र विकास बोर्डले सार्वजनिक गरेको जेठ २ गते शनिबारसम्मको बक्स अफिस रिपोर्ट अनुसार परालको आगो, लालिबजार, मालती मंगले र गुरु आमाको बक्स अफिसको कमाई सार्बजनिक गरिएको छ ।

जस अनुसार बैशाख ११ गतेदेखि प्रदर्शनमा आएको फिल्म परालको आगोले बक्स अफिसमा दर्शकलाई आकर्षित गरेको देखिएको छ । यस फिल्मले अहिलेसम्म ४ करोड २२ लाख २३ हजार ४३५ कमाई गरेको छ । त्यस्तै यस फिल्मका एक लाख ५१ हजार ९२८ तिक्त बिक्रि भएका छन् ।

त्यस्तै बैशाख २५ गतेदेखि प्रदर्शन भएको लाली बजारले पनि बक्स अफिसमा शानदार कमाई गरेको छ । फिल्मले करोड ४२ लाख ६१ हजार ७७९ कमाई गरेको छ । त्यस्तै यस फिल्मले एक लाख १४ हजार ४८६ टिकट बिक्री गरेको छ ।

त्यसैगरी बैशाख २५ गते नै प्रदर्शनमा आएको रामकृष्ण ढकालले निर्माण गरेको फिउल्म मालती मंगलेले भने आशा गरे अनुसार दर्शकको मन जित्न सकेको देखिएको छैन । फिल्मले केवल ४४ लाख ७८ हजार ६०८ कमाई गरेको छ भने केवल १३ हजार ८९० टिकट बिक्री भएको छ ।

त्यस्तै बैशाख २५ गते बी रिलिज भएको फिल्म गुरु आमाले २८ लाख ४४ हजार ४५१ कमाइ गरेको छ । यस फिल्मले ८ हजार ९७४ टिकट बिक्री गरेको छ ।एभरेष्ट न्यूज एजेन्सी

काठमाडौँ । जल तथा मौसम विज्ञान विभागले हाल नेपालमा पश्चिमी वायू र स्थानीय वायूको प्रभाव रहेको जानकारी दिएको छ ।

हाल कोशी, बागमती र गण्डकी प्रदेशका थोरै स्थानहरूमा मेघगर्जन/चट्याङ् सहित हल्का देखि मध्यम पानी परिरहेको छ ।

आज दिउँसो कोशी प्रदेश लगायत बागमती र गण्डकी प्रदेशका हिमाली र पहाडी भू-भागमा साधारणतया बादल लाग्नेछ । मधेश प्रदेश तथा बाँकी प्रदेशका हिमाली र पहाडी भू-भागमा आंशिक बादल लाग्नेछ, बाँकी तराई भू-भागमा मुख्यतया सफा रहनेछ । कोशी प्रदेशका हिमाली र पहाडी भू-भागका केही स्थानहरूमा, बागमती र गण्डकी प्रदेशको हिमाली र पहाडी भू-भागका थोरै स्थानहरूमा मध्यमसम्म वर्षा/हिमपात तथा मधेश, कोशी, बागमती र गण्डकी प्रदेशको तराई तथा बाँकी पहाडी र हिमाली भू-भागका एक-दुई स्थानमा मेघगर्जन/चट्याङ्ग सहित हल्का वर्षा/हिमपातको सम्भावना रहेको छ। सुदूरपश्चिम र लुम्बिनी प्रदेशका  तराई  भू–भागमा तापक्रम बढ्ने सम्भावना रहेको छ।

त्यस्तै आज राती कोशी प्रदेश लगायत बागमती र गण्डकी प्रदेशका हिमाली र पहाडी भू-भागमा साधारणतया बादल लाग्नेछ, बाँकी पहाडी र हिमाली भू-भागमा आंशिक बादल लाग्नेछ । बाँकी तराई भू-भागमा मौसम मुख्यतया सफा रहनेछ । कोशी प्रदेश लगायत बागमती र गण्डकी प्रदेशका हिमाली र पहाडी भू-भागका एक-दुई स्थानमा मेघगर्जन/चट्याङ्ग सहित हल्का वर्षा/हिमपातको सम्भावना रहेको छ।एभरेष्ट न्यूज एजेन्सी

आजको राशिफल बिस २०८३ जेठ ४ गते सोमवार ईस २०२६ मे १८ नेपाल सम्बत ११४६ अनालाथ्व द्धितीया, रौद्र नाम संवत्सर सूर्य दक्षिणायनं, गृष्म ऋतु, जेठ शुक्ल द्धितीया , चन्द्रमा वृष राशिमा, रोहिणी नक्षत्र, सुकर्मा योग, बालव करण । आज नेपालमा सुर्योदय बिहान ५ बजेर १४ मिनेटमा र सूर्यास्त साँझ ६ बजेर ४८ मिनेटमा हुनेछ ।

आज जन्म लिने बच्चा वृष राशीको हुनेछ । आज कुनै महत्वपूर्ण कार्यका लागि बाहिर निस्कनु पर्दा आफ्नो पुरा शरिर ऐनामा हेरेर जुनसुकै दिशाको यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान ५ बजेर १३ मिनेट देखि ६ बजेर ५५ मिनेट सम्म रहेको छ । यो समय नेपालको राष्ट्रिय समयमा आधारित छ ।

मेष राशि

आजको दिन कामकाजमा निकै व्यस्तता ल्याउने खालको देखिन्छ। बिहानदेखि नै विभिन्न जिम्मेवारीहरू एकपछि अर्को आउन सक्छन्। अधुरा काम पूरा गर्न अतिरिक्त मेहनत गर्नुपर्ने अवस्था बन्न सक्छ। आर्थिक पक्ष सामान्य रहे पनि अनावश्यक खर्च बढ्ने सम्भावना भएकाले खर्च नियन्त्रणमा ध्यान दिनु राम्रो हुन्छ। पारिवारिक वातावरणमा सानो मतभेद देखिन सक्छ, त्यसैले बोलीमा संयम आवश्यक हुनेछ। साथीभाइ वा आफन्तको सल्लाहले रोकिएको काम अघि बढाउन सहयोग पुर्‍याउन सक्छ। स्वास्थ्यतर्फ थकान र निद्राको कमीले असर गर्न सक्छ ।

वृष राशि

आजको दिन सकारात्मक ऊर्जा र उत्साहले भरिएको रहने संकेत छ। काममा तपाईंले गरेको मेहनतको राम्रो परिणाम प्राप्त हुने सम्भावना बलियो छ। व्यापार गर्नेहरूका लागि नयाँ अवसर वा नयाँ व्यक्तिसँग सहकार्यको सम्भावना देखिन्छ। आर्थिक रूपमा सन्तुलन कायम रहनेछ। परिवारमा खुसीको वातावरण बन्नेछ र नजिकका व्यक्तिबाट साथ तथा समर्थन प्राप्त हुनेछ। प्रेम सम्बन्धमा विश्वास र समझदारी बढ्नेछ। अध्ययन र सिर्जनात्मक क्षेत्रमा लागेकाहरूका लागि दिन उपयोगी बन्न सक्छ।

मिथुन राशि

आज मन अलि चञ्चल र अस्थिर बन्न सक्छ। एकैपटक धेरै विषय सोच्दा निर्णय लिन कठिन हुन सक्छ। काममा ध्यान केन्द्रित गर्न सके राम्रो उपलब्धि प्राप्त हुनेछ, नत्र साना गल्तीले समस्या ल्याउन सक्छ। आर्थिक लेनदेन गर्दा विशेष सावधानी अपनाउनु राम्रो हुन्छ। पुरानो साथी वा आफन्तसँग भेटघाट हुन सक्छ जसले मन हलुका बनाउनेछ। परिवारभित्र साना कुरामा विवाद हुन सक्ने भएकाले धैर्य आवश्यक हुनेछ। स्वास्थ्यतर्फ टाउको दुख्ने वा थकान महसुस हुन सक्छ।

कर्कट राशि

आज आत्मविश्वास बढ्ने दिन छ। विगतदेखि रोकिएका कामहरू अघि बढ्ने सम्भावना बलियो देखिन्छ। परिवारको साथ र सहयोगले मन उत्साहित रहनेछ। शिक्षा, अध्ययन तथा नयाँ सीप सिक्ने क्षेत्रमा रुचि बढ्न सक्छ। आर्थिक रूपमा सामान्य सुधार देखिनेछ। यात्राको अवसर बन्न सक्छ र त्यसबाट लाभ पनि प्राप्त हुन सक्छ। प्रेम सम्बन्धमा निकटता बढ्ने संकेत छ। मानसिक रूपमा शान्ति महसुस हुने भएकाले नयाँ योजना बनाउन अनुकूल समय रहनेछ।

सिंह राशि

आज प्रतिस्पर्धा र चुनौती दुवै बढ्न सक्छन्। काममा थप मेहनत गर्नुपर्ने अवस्था आउनेछ, तर धैर्य र आत्मविश्वास कायम राखे सफलता मिल्नेछ। आर्थिक रूपमा लाभको संकेत देखिए पनि खर्च पनि बढ्न सक्छ। कार्यक्षेत्रमा तपाईंको क्षमता प्रमाणित गर्ने अवसर प्राप्त हुन सक्छ। परिवारसँग समय कम बित्दा केही असन्तुष्टि देखिन सक्छ। स्वास्थ्यमा थकान, तनाव वा निद्राको समस्या देखिन सक्ने भएकाले आराममा ध्यान दिनु राम्रो हुनेछ।

कन्या राशि

आज धैर्य र संयमले मात्र सफलता दिलाउने दिन हो। काममा केही ढिलाइ वा अवरोध आउन सक्छ, तर हतारमा निर्णय गर्दा झन् समस्या बढ्न सक्छ। व्यवसायमा सानो फाइदा भए पनि दीर्घकालीन सोच आवश्यक हुनेछ। परिवारका सदस्यसँग समय बिताउँदा मानसिक शान्ति मिल्नेछ। आर्थिक रूपमा सामान्य अवस्था रहनेछ। खानपानमा लापरवाही गर्दा स्वास्थ्यमा असर पर्न सक्छ, त्यसैले सावधानी अपनाउनु राम्रो हुनेछ।

तुला राशि

आज आर्थिक पक्ष बलियो बन्ने संकेत छ। रोकिएका रकम प्राप्त हुन सक्छन् वा नयाँ आम्दानीको बाटो खुल्न सक्छ। सामाजिक क्षेत्रमा मान-सम्मान बढ्नेछ। काममा नयाँ अवसर प्राप्त हुने सम्भावना छ। परिवारमा रमाइलो वातावरण बन्नेछ र नजिकका व्यक्तिसँग सम्बन्ध अझ मजबुत बन्नेछ। प्रेम जीवनमा मिठास कायम रहनेछ। पुरानो तनाव कम हुँदै जानेछ र मन हलुका महसुस हुनेछ।

वृश्चिक राशि

आज जिम्मेवारीहरू बढ्न सक्छन्। काममा दबाब भए पनि तपाईंको मेहनत र लगनशीलताले राम्रो नतिजा दिलाउनेछ। सहकर्मी वा साथीभाइबाट सहयोग प्राप्त हुनेछ। आर्थिक रूपमा सामान्य सुधार देखिए पनि ठूलो निर्णय गर्दा सोचविचार गर्नुपर्नेछ। परिवारसँग समय बिताउँदा मानसिक राहत मिल्नेछ। स्वास्थ्यतर्फ कमजोरी, थकान वा तनाव महसुस हुन सक्छ, त्यसैले आराम आवश्यक हुनेछ।

धनु राशि

आज नयाँ योजना सुरु गर्न उपयुक्त दिन देखिन्छ। आत्मविश्वास बढ्नेछ र रोकिएका कामहरू अघि बढ्ने सम्भावना बलियो छ। यात्राको अवसर बन्न सक्छ र त्यसबाट लाभ मिल्ने संकेत छ। आर्थिक पक्षमा सुधार आउने सम्भावना छ। परिवारसँगको सम्बन्ध अझ मजबुत बन्नेछ। विद्यार्थीहरूका लागि अध्ययनमा राम्रो प्रगति हुने समय हो। सकारात्मक सोचले आजको दिनलाई अझ सफल बनाउनेछ।

मकर राशि

आज कामकाजमा स्थिरता आउने संकेत छ। जिम्मेवारी धेरै भए पनि धैर्य र निरन्तर प्रयासले सफलता दिलाउनेछ। आर्थिक रूपमा सामान्य लाभ हुने सम्भावना छ। परिवारका सदस्यको साथ र सुझाव उपयोगी बन्न सक्छ। भविष्यका योजना वा लगानीबारे सोच्ने समय उपयुक्त देखिन्छ। स्वास्थ्य सामान्य रहनेछ, तर आरामलाई बेवास्ता नगर्नु राम्रो हुनेछ।

कुम्भ राशि

आज सोचविचार गरेर मात्र निर्णय लिनुपर्ने दिन हो। खर्च बढ्न सक्ने भएकाले आर्थिक व्यवस्थापनमा ध्यान दिनु आवश्यक छ। साथीभाइ वा सहकर्मीको सहयोगले काम सहज बन्न सक्छ। नयाँ अवसर प्राप्त भए पनि हतारमा निर्णय नगर्नु राम्रो हुनेछ। परिवारसँगको सम्बन्धमा समझदारी आवश्यक रहनेछ। मानसिक तनाव कम गर्न आराम र मनोरञ्जनमा समय दिनु उपयोगी हुनेछ।

मीन राशि

आज मन शान्त र सकारात्मक रहनेछ। काममा क्रमिक प्रगति हुने संकेत छ। परिवारबाट सहयोग र हौसला प्राप्त हुनेछ। अध्ययन, लेखन, कला वा सिर्जनात्मक क्षेत्रमा रुचि बढ्न सक्छ। आर्थिक अवस्था सामान्य रहनेछ, तर सानो लाभ प्राप्त हुने सम्भावना पनि छ। प्रेम सम्बन्धमा निकटता बढ्नेछ। स्वास्थ्य सामान्य रहनेछ र दिन समग्रमा सुखद तथा सन्तुलित बन्ने देखिन्छ ।एभरेष्ट न्यूज एजेन्सी

काठमाडौँ । रोयल च्यालेंजन्स बैंगलुरुले जारी आइपिएलमा पञ्जाव किंग्सलाई पराजित गरेको छ । आइतबार सम्पन्न खेलमा बैंगलुरुले पञ्जावलाई २३ रनले पराजित गर्दै प्लेअफमा आफ्नो स्थान सुरक्षित गरेको छ ।

बैंगलुरुले दिएको २२३ रनको लक्ष्य पछाएको पञ्जावले २० ओभरमा ८ विकेट गुमाउदै १९९ रन बनाएको थियो ।

पञ्जावका लागि शशांक सिंहले सर्बाधिक ५६ रन बनाए भने कूपर कोन्नोलीले ३७, मार्कस स्टोइनिसले ३७ र सुर्यांश शेडजेले ३५ रन बनाएका थिए ।

त्यस्तै बैंगलुरुका बलर रसिख सलामले ३ विकेट लिए भने भुवनेश्वर कुमारले २ विकेट लिएका थिए ।

यसअघि पहिला ब्याटिंग गरेको बैंगलुरुले वेंकटेस अय्यरको अविजित ७३, विराट कोहलीको ५८ र देवदत्त पाडिकलको ४५ रनको मद्धतले २० ओभरमा ४ विकेट गुमाएर २२२ रन बनाएको थियो ।

यो जितपछि रोयल च्यालेन्जर्स बैंगलुरुको १३ खेलमा १८ अंक भएको छ र प्लेअफमा आफ्नो स्थान सुरक्षित गरेको छ । त्यस्तै पञ्जावको भने १३ खेलमा १३ अंक रहेको छ र हाल चौथो स्थानमा रहेको छ ।एभरेष्ट न्यूज एजेन्सी

कञ्चनपुर  । ५४ वर्षीया महिलालाई जबरजस्ती करणी गरेको अभियोगमा बेलौरी नगरपालिका-४ बुटाबारी बस्ने ६० वर्षीय देव सिंह बोहरालाई प्रहरीले पक्राउ गरेको छ ।

देव सिंहले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय बेलौरीबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।एभरेष्ट न्यूज एजेन्सी

काठमाडौं । चन्द्रागिरी नगरपालिका-३ थानकोट खरीबोट डेरा गरी बस्ने महोत्तरी घर भएका २० वर्षीय जाकिर मन्सुरीको हत्या गरेको अभियोगमा चन्द्रागिरी नगरपालिका-३ खरिबोट बस्ने महोत्तरी घर भएका ३८ वर्षीय समि अहमदलाई प्रहरीले पक्राउ गरेको छ ।

समिले घरायसी विवादको क्रममा धारिलो हतियार चक्कु प्रहार गर्दा जाकिर गम्भीर घाइते भएका भन्ने खबर प्राप्त हुनासाथ प्रहरी वृत्त थानकोटबाट खटिएको प्रहरीले उनलाई पक्राउ गरेको हो । गम्भीर घाइते भएका जाकिरको मेडपोइन्ट अस्पतालमा उपचारको क्रममा मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ । एभरेष्ट न्यूज एजेन्सी