सागर संगम ठाकुर, रौतहट, चैत १६ गते । 
रौतहटको प्रेमपुर गाेनाहीमा साेमबार देखि श्री विष्णु महायज्ञ सुरु भएको छ । महायज्ञको मधेस प्रदेशका उधाेग वाणिज्य तथा पर्यटनमन्त्री कनिश पटेलले उदघाटन गर्नुभयो ।

देवाही गाेनाही नगरपालिकाकाे वडा नं.८ प्रेमपुर गाेनाही साेमबार देखि शुरु भएको महायज्ञमा मन्त्री पटेल र देवाही गाेनाही नगरपालिकाका नगर प्रमुख प्रेेमलाल साहले संयुक्तरूपमा उदघाटन गर्नु भयो । अचार्य श्री नन्दकिशोर भर्द्वाजकाे मुखार बिन्दुबाट मन्त्र उचारण गर्दै प्रमुख अतिथि पटेल र नगर प्रमुख साहले संयुक्तरूपमा उदघाटन गर्नु भयो ।

उदघाटन पश्चात् कार्यक्रमलाई सम्बाेधन गर्दै प्रमुख अतिथि पटेलले यस यज्ञले समाजमा एकता, धर्मप्रति आस्था, र सांस्कृतिक पहिचानको जगेर्ना गर्न मद्दत पुग्ने विश्वास ब्यक्त गर्नु भयो । मन्त्री पटेलले यज्ञस्थल लागेको ठाउँलाई पर्यटकीय स्थलको रुपमा विकास गर्न आफुले आफ्नो र प्रदेश सरकारकाे तर्फबाट विषेश पहल गर्न प्रतिवद्वता जनाउनु भयो । मेला अध्यक्ष एवं पुर्व वडाध्यक्ष श्री ब्रमदेव पटेलकाे अध्यक्षतामा भएको उदघाटन कार्यक्रममा स्वागत मन्तव्य स्थानीय समाजसेवी भरत पटेलले गरेको थियोे ।

कार्यक्रममा बिशिस्ट अतिथिको रुपमा जिल्ला समन्वय समितिका अध्यक्ष रामअयाेध्या राय यादव देवाही गाेनाही नगरपालिकाका नगर प्रमुख प्रेमलाल साह रहनु भयो । नौ दिन सम्म चल्ने याे महायज्ञमा रौतहट जिल्लाभरीका भक्तजनहरुको साथै छिमेकी जिल्लाबाट पनि समेत श्रद्धालुहरु यज्ञमा आउने दावी गरिएको छ । चैत १६ गते साेमबार देखि शुरु भएको यज्ञ चैत २४ गतेसम्म चलने आयाेजक समितिले जनाएको छ। नौ दिन सम्म चलने महायज्ञमा लाखौंकाे संख्यामा श्रद्धालुहरु सहभागी हुने अपेक्षा गरिएको छ । उदघाटन कार्यक्रममा देवाही नगरपालिकाका नगर उपप्रमुख परनिया देवी पटेल वडा नम्बर-८ का वडा बिजय पटेल वडा नम्बर -७ का वडा अध्यक्ष उपेन्द्र राय यादव, वडा नम्बर-५ उपेन्द्र साह वडा_३ का संजय पटेल वडा-६ का विष्णु दास,जसपाका मेयर प्रत्यासी एवं देवाहीका तत्कालीन गाबिस अध्यक्ष धर्मेन्द्र प्रसाद पटेल शिक्षक सुरेश यादव, अर्जुनकुमार यादव, सहित विभिन्न वडाका वडा अध्यक्ष,जनप्रतिनिधि ईलाका प्रहरी कार्यालय देवाही गाेनाहीका प्रहरी प्रमुख शस्त्र प्रहरीका प्रमुख पत्रकार सहित करिब हजारौंकाे संख्यामा भक्तजनहरुको सहभागिता रहेको थियोे ।

प्रदीप सम्राट,रौतहट,चैत १६ गते ।

संघीय मामिला तथा सामान्य प्रशासन मन्त्रालयले देशभरका विभिन्न स्थानीय तहमा उपसचिव वा सो सरहका कर्मचारीहरूको सरुवा तथा पदस्थापन गर्ने क्रममा रौतहटका नगरपालिकाहरूमा पनि नयाँ प्रमुख प्रशासकीय अधिकृतहरू खटाएको छ ।

मन्त्रालयले सार्वजनिक गरेको निर्णयअनुसार रौतहट जिल्लाका मौलापुर, गौर, राजपुर, परोहा, माधव नारायण, गुजरा, फतुवा विजयपुर र चन्द्रपुर नगरपालिकामा उपसचिव स्तरका कर्मचारीलाई प्रमुख प्रशासकीय अधिकृतको जिम्मेवारीसहित पठाइएको हो ।

जसअनुसार मौलापुर नगरपालिकामा सुरेश बाबु घिमिरे, गौर नगरपालिकामा विष्णु प्रसाद पौडेल, राजपुर नगरपालिकामा धिरेन्द्रराज पन्त, परोहा नगरपालिकामा विष्णु प्रसाद शर्मा, माधव नारायण नगरपालिकामा ऋषिकेश रेग्मी, गुजरा नगरपालिकामा डम्बरु दाहाल, फतुवा विजयपुर नगरपालिकामा कमल प्रसाद दाहाल तथा चन्द्रपुर नगरपालिकामा बद्रिराज ढकाललाई खटाइएको छ ।

यसैगरी जिल्ला समन्वय समिति रौतहट (गौर) मा लेखनाथ खतिवडालाई जिल्ला समन्वय अधिकृतको जिम्मेवारी दिइएको मन्त्रालयको सूचनामा उल्लेख गरिएको छ ।
मन्त्रालयका अनुसार देशभरका विभिन्न कार्यालयहरूमा गरी कुल ६३ जना उपसचिव वा सो सरहका कर्मचारीको सरुवा तथा कामकाजमा खटाउने निर्णय गरिएको हो ।

बज्जिकाञ्चल संवाददाता,राैतहट,१५ गते चैत । 
नेपाल पत्रकार महासंघ रौतहट शाखाले पत्रकारमाथि सामाजिक सञ्जालमार्फत गरिएको गालिगलौज र दुर्व्यवहारप्रति गम्भीर ध्यानाकर्षण भएको जनाएको छ । महासंघले आइतबार एक प्रेस विज्ञप्ति जारी गर्दै प्रभु साह को नाममा सञ्चालन गरिएको “I support prabhu” नामक फेसबुक आइडीमार्फत रातोपाटी डटकमका रौतहट संवाददाता पत्रकार संजय मिश्र लाई अपशब्द प्रयोग गर्दै गालिगलौज गरिएको घटनाप्रति आपत्ति जनाएको हो ।

महासंघका अनुसार आम जनता पार्टीका सचिवालय सदस्य राजन साहले पार्टी परित्याग गरेको विषयमा समाचार प्रकाशन भएपछि सोही विषयलाई लिएर पत्रकार मिश्रलाई लक्षित गर्दै सामाजिक सञ्जालमा अभद्र व्यवहार गरिएको हो । महासंघले यस्तो कार्यलाई निन्दनीय मात्रै नभई प्रेस स्वतन्त्रता र पत्रकारको पेशागत मर्यादामाथि गम्भीर आक्रमणका रूपमा व्याख्या गरेको छ ।

विज्ञप्तिमा सञ्चारकर्मीले लेखेको समाचारप्रति असहमति भए कानुनी प्रक्रिया अपनाउनुपर्ने उल्लेख गर्दै सामाजिक सञ्जालमार्फत मानमर्दन गर्ने प्रवृत्तिको अन्त्य हुनुपर्नेमा जोड दिइएको छ ।
साथै, महासंघले जिल्ला प्रशासन कार्यालय रौतहट र जिल्ला प्रहरी कार्यालय रौतहट लाई उक्त फेसबुक आइडीबारे छानबिन गरी दोषीलाई तत्काल कानुनी कारबाही गर्न माग गरेको छ । पटक–पटकको धम्की र त्रासबीच काम गर्न बाध्य पत्रकारहरूलाई सुरक्षा र कानुनी संरक्षणको अनुभूति गराउन पनि सम्बन्धित निकायसँग आग्रह गरिएको छ ।

महासंघका सचिव गौतम श्रेष्ठ ले यस्ता धम्कीपूर्ण गतिविधि तत्काल बन्द गर्न र नागरिकको सूचनाको हक सुनिश्चित गर्न सबै पक्षसँग अपिल गरेका छन् ।

सागर संगम ठाकुर,रौतहट,चैत १५ गते

रौतहटकाे देवाही गाेनाही नगरपालिका-८ प्रेमपुर गाेनाही बजारमा विष्णु महायज्ञकाे लागि कलश निकालिएको छ। साेमबार देखि शुरु हुने महायज्ञकाे आईतवार कलश यात्रा निकालिएको आयाेजक समितिले जनाएको छ। यज्ञ शुरु गर्नुअघि कुमारी कन्या द्वारा कलश यात्रा निकालिने गरिन्छ ।

यज्ञ स्थलबाट निकालिएको कलश यात्रा देवाही गाेनाही नगरपालिकाकाे वडा नम्बर ३,७,९ हुदै गरुडा नगरपालिकाकाे वडा नम्बर ६ हुँदै वडा नम्बर ५ शिवनगरधाममा पुगि जल भरेर पुण:यज्ञ स्थल पुगेर समापन भएको छ । कलश यात्रामा १५ सय ५१ कुमारी कन्या सहित करिब सात हजार श्रद्धालु भक्तजनहरु सहभागी भएका थिए । कलश यात्रामा सहभागी सम्पूर्ण श्रद्धालुलाई वडा नम्बर -९ धरहरीमा नगर प्रमुख प्रेमलाल साहले फ्रुटीकाे व्यवस्था मिलाईएकाे थियोे ।

नगर प्रमुख साह स्वयंम आफै वितरण कार्यमा टुटेको थियोे । श्री विष्णु महायज्ञ मुल आयोजक समितिका अध्यक्ष एवं पुर्ववडा अध्यक्ष ब्रमदेव पटेल र यज्ञ प्रधान वडा नम्बर-८ का वडा अध्यक्ष बिजय पटेलले पूजा गरेर कलश यात्रा शुभारम्भ गरिएको थियो ।महायज्ञका लागि पालिका भरिका करिब १० हजार भन्दा बढी व्यक्तिहरु यज्ञ स्थलमा पुगेका थिए ।

नौ दिन सम्म चल्ने याे महायज्ञमा रौतहट जिल्लाभरीका भक्तजनहरुको साथै छिमेकी जिल्लाबाट पनि समेत श्रद्धालुहरु यज्ञमा आउने दावी गरिएको छ । चैत १६ गते साेमबार देखि शुरु भएको यज्ञ चैत २४ गतेसम्म चलने आयाेजक समितिले जनाएको छ। नौ दिन सम्म चलने महायज्ञमा लाखौंकाे संख्यामा श्रद्धालुहरु सहभागी हुने अपेक्षा गरिएको छ । वडा नम्बर ८ काे वडा स्तरीय कुल सात लाखौंको लागतमा हुन लागिएको यज्ञमा वडा नम्बर-७ का वडा अध्यक्ष उपेन्द्र राय यादवले दुई लाख र वडा नम्बर-५ का वडा अध्यक्ष उपेन्द्र साहले ५० हजार सहयोग गरेका छन।

कलश यात्रमा देवाही नगरपालिकाका नगर प्रमुख प्रेमलाल साह, उपप्रमुख परनिया देवी पटेल वडा नम्बर-८ का वडा अध्यक्ष उपेन्द्र राय यादव, जसपाका मेयर प्रत्यासी एवं देवाहीका तत्कालीन गाबिस अध्यक्ष धर्मेन्द्र प्रसाद पटेल सहित विभिन्न वडाका वडा अध्यक्ष,जनप्रतिनिधि सहित करिब दस हजारकाे हाराहारीमा भक्तजनहरुको सहभागिता रहेको थियोे ।

सागर संगम ठाकुर,रौतहट, चैत १२ गते
रौतहटको देवाही गाेनाही नगरपालिकामा दाेस्राे मेयर कप प्रतियोगिता सुरु भएको छ । नगरपालिकाको वडा नं.९ धरहरीमा आयोजनामा विहिबारदेखि सुरु भएको कप प्रतियोगितामा १० टिमको सहभागिता रहेको छ । क्रिकेट प्रतियोगिता अन्तर्गत उदघाटन खेलमा आयाेजक देवाही गाेनाही नगरपालिकालाई वडा नम्बर ४ देवाहीले १२३ रनले पराजित गरेको छ।टस जितेर पहिलो बैटिङ्ग राेजेका आयाेजक टिमलले १२ ओभरमा अलआउट हुदै ११९ रन बनाएको थियोे । जवाफि बैटिङ्गमा उत्रेका वडा नम्बर ४ देवाही टेलीले १२ ओभरमा पाँच बिकेटकाे क्षतिमा १२३ रन बनाई बिजयी भएको छ। पहिल दिनको खेलमा  देवाहीका धर्मजित पटेल चार ओभरमा ७ रन लिएका थिए । अनिष पटेलकाे कप्तानीमा भएको खेलमा धर्मजित पटेलले दुई विकेट लिएर मैनअफदि मैच घाेषित भएको थियो ।

प्रतियोगितामा बेष्ट बाैलर र बैटष्मैन मैनमा अनिष पटेल घाेषित भएको आयाेजक खेलकुद शाखा प्रमुख एवं निमित्त प्रमुख प्रशासकीय अधिकृत राजदेव रामले जानकारी दिनुभयो । क्रिकेट प्रतियोगितामा विजेतालाई नगद दस हजार, मेडल, कफ र प्रमाणपत्र पुरस्कार प्रदान गरिनेछ । त्यस्तै उपविजेताले नगद १० हजार, मेडल उप कफ र प्रमाणपत्र पाउनेछ । दाेस्राे पटक प्रतियोगिता गरेको मेयर कप अन्तर्गत क्रिकेट प्रतियोगिताको देवाही गाेनाही नगरपालिकाका नगर प्रमुख प्रेमलाल साहले उद्घाटन गर्नुभयो । उहाँले खेलाडीलाई हौसला प्रदान गर्न र नयाँ खेलाडी उत्पादन गर्न मेयर कप प्रभावकारी बन्नुपर्ने बताउनुभयो ।
नगरभित्रका खेलाडीहरू मात्र सहभागी हुन पाएको यस प्रतियोगितामाले खेलाडीमा थप हौसला बढाउने र नयाँ खेलाडी उत्पादन हुने नगर प्रमुख साहले बताउनुभयो ।
प्रतियोगिताको व्यवस्थापन देवाही गाेनाही नगरपालिका खेलकुद शाखाले गरेको नगरपालिकाका निमित्त प्रमुख प्रशासकीय अधिकृत राजदेव रामले जानकारी दिनुभयो । नगर क्षेत्रमा क्रियाशील क्रिकेट खेलाडीहरूको अन्तर्निहित क्षमता र खेल क्षेत्रको विकासका लागि प्रतियोगिता गरिएकाे नगर प्रमुख साहले जानकारी दिनुभयो । देवाही गाेनाही नगरपालिका-९ धरहरीका वडा सदस्य श्री खसबलाल दासकाे अध्यक्षतामा शुरु भएको प्रतियोगितामा प्रमुख अतिथि देवाही गाेनाही नगरपालिकाका नगर प्रमुख प्रेमलाल साह रहनु भएको थियोे भने बिशिस्ट अतिथिको रुपमा उपप्रमुख परनिया देवी पटेल रहनु भएको थियोे । उदघाटन कार्यक्रममा वडा नम्बर ९ धरहरीका वडा अध्यक्ष वीर बहादुर साह वडा नम्बर -४ का वडा रामप्रवेश पटेल, वडा नम्बर-३ का संजय पटेल श्री जय किसान नमुना माबि धरहरीका बिद्यालय ब्यवस्थापन समितिका अध्यक्ष श्यामन्नद साह प्रधानाध्यापक संजय प्रसाद गुप्ता नगरपालिकाका विभिन्न शाखामा आवद्ध सम्पुर्ण कर्माचारी, सुरक्षाकर्मी पत्रकार लगाएत स्थानीयहरु विशेष उपस्थिति रहेको थियो । शुक्रबार दुईवटा टिम बिच खेल हुने आयाेजकले जनाएको छ। बिहान दस बजे देखि वडा नम्बर १ र वडा नम्बर ७ बिच हुने अर्को खेल दिउँसो दुई बजेदेखि वडा नम्बर २ र वडा नम्बर ५ बिचहुने युवा नेता कुन्दन साहले जानकारी दिनु भयो ।साहले चारैवटा टिमलाई अ-आफ्नो समयमा उपस्थित हुन समेत आग्रह गर्नु भयो ।

आरके श्रीवास्तव,राैतहट,१२ गते चैत । 

रौतहट जिल्लाको फतुवा विजयपुर वडा नम्बर १० मा आज एक दिने निशुल्क आखा शिविर सम्पन्न भएको छ। उक्त शिविरमा बिहान ९ बजे देखि ३ बजे सम्म १४२ जना आखा बिरामीहरूको स्वास्थ्य परीक्षण गरिएको थियो। शिविरको आयोजना वडा नम्बर १० का वडाध्यक्ष मन्जय चौधरीको पहलमा भएको हो।

कार्यक्रममा तिलगंगा सामुदायिक आखा अस्पताल, निजगढका अप्टोमेट्रिस्ट डा. दीपक सुबेदी, कृषि शाखा अधिकृत दीपक चौधरी, स्थानीय जनप्रतिनिधिहरु, भर्भालादामी, र विभिन्न सञ्चारकर्मीहरुको समेत उपस्थिती रहेको थियो।

वडाध्यक्ष मन्जय चौधरीका अनुसार, शिविरमा मोतिया बिन्दुका २५ जना बिरामीहरु छनोट भएका छन्। ती बिरामीहरुका लागि तिलगंगा सामुदायिक अस्पताल निजगढमा निशुल्क अप्रेशनको व्यवस्था गरिएको छ।

यस शिविरले स्थानीय समुदायलाई आंखाका समस्याहरुको समाधान दिन महत्त्वपूर्ण भूमिका खेलेको छ, र वडाध्यक्ष चौधरीले यस्तो प्रयासलाई निरन्तरता दिने बताएका छन्।

यस शिविरले स्थानीयहरूलाई आँखाका स्वास्थ्य सम्बन्धी महत्त्वपूर्ण जानकारी र उपचार सेवा प्रदान गरेको छ, जसले धेरैलाई लाभ पुर्याएको छ।

आरके श्रीवास्तव,रौतहट,१२ गते चैत ।
रौतहटको कटहरिया नगरपालिकामा पोषण प्रवद्र्धन तथा सामाजिक व्यवहार परिवर्तनलाई लक्षित गर्दै नगरपालिका स्तरीय संवाद कार्यक्रम सम्पन्न भएको छ । उक्त कार्यक्रम आज कटहरिया नगरपालिका समाहलमा आयोजना गरिएको हो ।

कार्यक्रममा परम्परागत उपचारकर्ता, धार्मिक अगुवा तथा समुदायका विभिन्न क्षेत्रमा नेतृत्व गरिरहेका व्यक्तिहरूको सक्रिय सहभागिता रहेको थियो । सहभागीहरूले समाजमा विद्यमान पोषणसम्बन्धी मान्यता, अभ्यास तथा सुधारका आवश्यकताबारे खुलेर छलफल गरेका थिए ।

। यस कार्यक्रममा यस नगरपालिकाका नगर प्रमुख अजय प्रकाश जयसवाल, उपप्रमुख रितादेवी यादव र वडा नम्बर १ का वडा अध्यक्ष भूपेन्द्र महतो र ९ का अध्यक्ष रुपेश यादवको सहभागिता थियो साथै यसै पालिकाका स्वास्थ्य शाखा, महिला बालबालिका शाखाका प्रमुख र यस नगरका पुरोहित, मोल्बी, पुजारी, बाल कल्बका सदस्यहरूको सहभागितामा प्रभावकारी तरिकाले संचालन भएको थियो । यस कार्यक्रमको उदेश्य परम्परागत उपचारकहरू र सामुदायिक नेताहरू द्वारा आमा र बच्चाको स्वास्थ्यमा बाधा पुर्याउने हानिकारक सामाजिक मान्यताहरू पहिचान गर्ने र त्यसलाई पालना गर्ने । हानिकारक सामाजिक मान्यताहरू र व्यवहारहरू जस्तै बालविवाह, खाद्य निषेध, लिङ्गमा–आधारित भेदभाव जसले आमा र बच्चाको स्वास्थ्य र पोषणलाई असर गर्छ, त्यसको नकारात्मक प्रभावहरू बारे सचेत गराउने र

हानिकारक सामाजिक–सांस्कृतिक मान्यताहरू र व्यवहारलाई सम्बोधन गर्न कार्य योजना विकास गर्ने रहेको थियो ।कार्यक्रमको मुख्य उद्देश्य कुपोषण न्यूनीकरण, विशेष गरी बालबालिका र गर्भवती महिलाको स्वास्थ्यमा सुधार ल्याउने रहेको आयोजकले जनाएको छ । सहभागीहरूलाई पोषणसम्बन्धी जानकारी प्रदान गर्दै सन्तुलित आहार, पोषणयुक्त खाद्य पदार्थ र गर्भवती महिलाको उचित हेरचाहका विषयमा जानकारी गराइएको थियो ।

कार्यक्रममा मनोज कुमार पण्डितले सबै सरोकारवालाले आ–आफ्नो ठाउँबाट सहयोग गर्नुपर्नेमा जोड दिनुभयो । उहाँले गर्भवती महिलाको हेरचाह र पोषणमा ध्यान दिनु अत्यन्त आवश्यक रहेको बताउनुभयो ।

स्वास्थ्य संयोजक दिनेश प्रसाद यादवले कार्यक्रमका मुख्य बुँदाहरू समेट्दै पोषणसम्बन्धी नीति तथा नियम निर्माणको आवश्यकता औंल्याउनुभयो । त्यस्तै, संरक्षण नेपालका जेसी अफिसर भाग्यनारायण महतोले संस्थाले सञ्चालन गर्दै आएका पोषणसम्बन्धी कार्यक्रमहरूको जानकारी गराउनुभयो । कार्यक्रममा श्रीभगवान जयसवालको समेत सहभागिता रहेको थियो ।

कटहरिया नगरपालिकाको समन्वयमा केयर आईडी र संरक्षण नेपालको संयुक्त साझेदारीमा सञ्चालन गरिएको उक्त कार्यक्रम विगत दुई वर्षदेखि निरन्तर रूपमा सञ्चालन हुँदै आएको छ । यस अवधिमा संस्थाहरूले आमा समूह परिचालन, पोषण बगैंचा स्थापना, सरसफाइ सामग्री वितरण, स्वच्छ खानेपानीका लागि फिल्टर सहयोग, पोषण लेखाजोखा तथा महिला सशक्तीकरण लगायतका विभिन्न कार्यक्रमहरू सञ्चालन गर्दै आएका छन् ।

कार्यक्रममा सहभागीहरूले कुपोषणबाट बालबालिकालाई जोगाउन सबैको संयुक्त प्रयास आवश्यक रहेकोमा जोड दिएका थिए ।

आरके श्रीवास्तव,रौतहट,१२ गते चैत ।
रौतहटको फतुवा विजयपुर नगरपालिकामा समुदाय स्तरमा देखिने नसर्ने रोग सम्बन्धी पालिका स्तरीय जनचेतनामूलक अभिमूखिकरण गोष्ठी सम्पन्न भएको छ ।
बिहीबारका दिन वडा नम्बर–८ स्थित माध्यमिक विद्यालय विजयपुरको सभाहलमा स्वास्थ्य शाखाको आयोजनामा कार्यक्रममा रक्तचाप (ब्लडप्रेसर), मधुमेह (चिनी रोग), दम, क्यान्सर लगायतका नसर्ने रोगबारे जानकारी प्रदान गरिएको थियो। कार्यक्रममा नगरपालिकाका स्वास्थ्य शाखा प्रमुख प्रमोद गुप्ताले नसर्ने रोगको कारण, लक्षण तथा यसबाट बच्ने उपायबारे सहभागीहरुलाई जानकारी गराउनु भएको थियो ।
उहाँले असन्तुलित खानपान, शारीरिक व्यायामको कमी, धूम्रपान तथा मदिरा सेवन जस्ता कारणले यस्ता रोगको जोखिम बढ्ने बताउँदै स्वस्थ जीवनशैली अपनाउन आग्रह गर्नुभयो ।
स्वास्थ्य सह– संयोजक रमेश यादवले यसले सामुदाय स्तरमा यस कार्यक्रम मार्फत राम्रो प्रभाव हुने र यसबाट जोगिन यसबारे सबैलाई जानकारी लिनुपर्ने र सचेत हुनु जरुरी रहेको देखिन्छ ।
उक्त कार्यक्रममा नगरका जनप्रतिनिधिहरु, स्वास्थ्यकर्मी, पालिकाका शाखा प्रमुखहरु , पत्रकारहरु लगाएत सरोकारवालाहरुको उल्लेखनीय सहभागीता रहेका थियोे ।
कार्यक्रममार्फत समुदायमा नसर्ने रोगबारे सचेतना अभिवृद्धि गर्ने उद्देश्य राखिएको स्वास्थ्य शाखाले जनाएको हो ।

आरके श्रीवास्तव,राैतहट,१० गते चैत । 

रौतहट । केही दिनयता परेको लगातार वर्षा, असिना र तीव्र हावाहुरीका कारण रौतहटका इँटा उद्योगहरू गम्भीर रूपमा प्रभावित भएका छन् । शुक्रबारदेखि आइतबारसम्मको मौसमीय विपत्तिले जिल्लाका करिब ५० वटा इँटा उद्योगमा ठूलो नोक्सानी पुर्‍याएको छ ।

रौतहट इँटा उद्योग व्यवसायी संघका अध्यक्ष रामबिनोद साहका अनुसार पोल्नका लागि तयार पारिएका काँचो इँटाहरू नष्ट हुँदा उद्योगीहरू आर्थिक संकटमा परेका छन् । प्रारम्भिक तथ्यांकअनुसार १० लाखभन्दा बढी काँचो इँटा बिग्रिएका छन्, जसको मूल्य करिब ४ करोड रुपैयाँ पुग्ने अनुमान गरिएको छ ।

उद्योगीहरूले खुला ठाउँमा सुकाउन राखिएका काँचो इँटाहरू अचानक आएको मुसलधारे वर्षा र असिनाले पूर्ण रूपमा बिगारेको बताएका छन् । तेज हावाहुरीले थप क्षति पुर्‍याउँदा उत्पादन नै प्रभावित भएको उनीहरूको भनाइ छ ।

बिके, बिर, पूजा, एमबिआई, सोना, रामजानकी, उदय र आजादलगायतका इँटा उद्योगहरूमा सबैभन्दा बढी असर परेको जनाइएको छ ।

यस प्राकृतिक प्रकोपले ठूलो आर्थिक भार थपिएपछि उद्योगीहरूले सम्बन्धित निकायसँग राहत तथा क्षतिपूर्तिको माग गरेका छन् । साथै, भविष्यमा यस्ता जोखिमबाट बच्न आवश्यक पूर्वतयारी र दीर्घकालीन उपाय अपनाउनुपर्ने आवश्यकता पनि औंल्याइएको छ ।

आरके श्रीवास्तव,रौतहट,१० गते चैत ।
रौतहट — रौतहटको कटहरियामा जनता समाजवादी पार्टी (जसपा) नेपाल, रौतहट क्षेत्र नम्बर ३ को हालै सम्पन्न प्रतिनिधि सभा सदस्य निर्वाचनको समिक्षा बैठक सम्पन्न भएको छ ।

उक्त बैठक जसपा नेपालका तर्फबाट उम्मेदवार रहनु भएका संविधान सभा सदस्य तथा पूर्व मन्त्री गोविन्द चौधरीको प्रमुख आतिथ्यतामा आयोजना गरिएको थियो । कार्यक्रममा निर्वाचन जनपरिचालन समितिका संयोजक रामप्रवेश दासको संयोजन रहेको थियो ।

समिक्षा बैठकमा पार्टीका विभिन्न नेताहरूले आ–आफ्नो वडास्तरको चुनावी गतिविधि र परिणामको समीक्षा प्रस्तुत गरेका थिए । जसअनुसार विजय चौधरी, अनिल यादव, रामअश्रे चौधरी, रामप्रवेश दास लगायतले आफ्नो वडाको अवस्थाबारे धारणा राखेका थिए । उक्त जानकारी जसपा नेपालका नेता राजाबाबु साहले दिएका हुन् ।

कार्यक्रमको अन्त्यमा प्रमुख अतिथि गोविन्द चौधरीले चुनावी परिणामलाई आत्मसात गर्दै अगाडि बढ्नुपर्नेमा जोड दिए । उनले केही कार्यकर्ताबाट कमजोरी भएको स्वीकार गर्दै त्यसलाई सुधार गर्नुपर्ने बताए । साथै, अब इमान्दार र प्रतिबद्ध कार्यकर्ताको बलियो संगठन निर्माण गर्न आवश्यक रहेको उनको भनाइ थियो ।

चौधरीले चुनावको नतिजाबाट निराश नहुन आग्रह गर्दै शून्यबाटै भए पनि नयाँ ऊर्जा र रणनीतिसहित अघि बढ्नुपर्नेमा जोड दिए । कार्यक्रममा सहभागी सम्पूर्ण कार्यकर्तालाई धन्यवाद दिँदै उनले आफूलाई विश्वास गरेर मत दिएका मतदाताप्रति पनि आभार व्यक्त गरे ।