त्यस्तै सोमबार दिउँसो प्रहरीको गस्ती टोलीले गौर नगरपालिका वडा नम्बर ८ हनुमान मंदिर अगाडी बाट म.प्र.०३००१ ह १९२० नम्बरको ई–रिक्सा भित्र अबैध रुपमा भारतबाट भन्सार छली चोरी पैठारी गरी ल्याउँदै गरेको अन्दाजी मुल्य रु. दस हजार दुई सय चालिस बराबरको ७ बोरा युरिया मल, ५० के.जि. चिनी र ४६ के.जि. मैदा बरामद भएको रायले बताए ।
त्यसैगरी ई–रिक्साको मुल्य रु.३ लाख फेला परेको हुँदा उक्त सामान र ई–रिक्सा सहितको मुल्य रु. ३ लाख दश हजार दुई सय चालिस समेत गरी कुल जम्मा रु.४ लाख १८ हजार १ सय चालिस बराबरको सर–सामानहरु नियन्त्रणमा लिएको प्रहरीको भनाइ छ । साथै चालक विधिचन सहनीलाइ समेतलाइ पक्राउ गरी आवश्यक कारवाहीको लागि गौर भन्सार कार्यालयमा बुझाईएको डिएसपी रायले बताए ।
जिल्ला प्रहरी प्रवक्ता एवम् प्रहरी नायव उपरिक्षक दिपक कुमार रायले दिएको जानकारी अनुसार आइतवार रातीको समयमा प्रहरीको गस्ती टोलीले जिल्लाको दक्षिणी भेग ईशनाथ नगरपालिका वडा नम्बर ६ स्थित बाँस घारिमा लुकाएर राखेको अन्दाजी मुल्य रु १ लाख ७ हजार ९ सय बराबरको चप्पल जुत्ता नियन्त्रणमा लिएको हो । 
त्यस्तै सोमबार दिउँसो प्रहरीको गस्ती टोलीले गौर नगरपालिका वडा नम्बर ८ हनुमान मंदिर अगाडी बाट म.प्र.०३००१ ह १९२० नम्बरको ई–रिक्सा भित्र अबैध रुपमा भारतबाट भन्सार छली चोरी पैठारी गरी ल्याउँदै गरेको अन्दाजी मुल्य रु. दस हजार दुई सय चालिस बराबरको ७ बोरा युरिया मल, ५० के.जि. चिनी र ४६ के.जि. मैदा बरामद भएको रायले बताए ।काठमाडौं,१४ गते पुस २०८१ ।
काठमाडौं : जीवन जिउने आधार प्रेम हो, प्रेम नै जीवन हो, जीवन र प्रेम विच अन्योन्याश्रित सम्वन्ध छ, जहाँ प्रेम छ त्यहाँ जीवन छ, प्रेम विनाको जीवन पलाँसको फूल जस्तै हो । प्रेम भए जीवन त्यसै सहज हुन्छ, त्यसै आनन्दित र उमंगमय बनिदिन्छ । प्रेममा धेरै ठुलो अपेक्षा पनि हुदैन, केवल उनको निःस्वार्थ साथ भए सबै कुरा प्राप्ति भएको अनुभूति प्रेममा संगाल्न सकिन्छ, जीवनभरको लागि उनको साथ भइदिए जीवन त्यसै फुल्छ, फक्रन्छ अनि सुवासित बनिदिन्छ । उनको हातको शिरानीमा निदाउन पाए ढुंगाको विछ्यौनामा पनि स्वर्गीय आनन्दको अनुभूति हुन्छ । स्वच्छ प्रेम आँखाको हेराईमा होइन मनको रोजाइमा हुने गर्छ, मनले रोजे पछि रोज्यो, रोज्यो । त्यहाँ न धन सम्पत्ति हेरिन्छ, न त रुपरुङ्ग नै, मनको गहिराईबाट पलाएको प्रेममा यी सबै कुरा गौण रहन्छन् मात्र आत्मिक सम्वन्ध विशेष हुन्छ, मन भित्रै मायाको फराकिलो संसार हुन्छ, मनको दुष्टि उघारेर हेर्दा उनलाई मन भित्रै देख्न पाए सारा संसार त्यहि भित्र भेटिन्छ, सारा खुसी र उमंग त्यहि प्राप्त हुन्छ ।
जव कोहि प्रति मनले यस्तो प्रेमिल भावहरु संगाल्छ उ नै उसको संसार हुन्छ, मुटु साटासाट हुन्छ, मुटुले नै प्रेमिल भाव उब्जाउँछ, मुटुले नै प्रेम या प्रीत महशुष गर्छ, सधै उनी मुटुमा भएको, मुटुको हर धड्कनमा उनी भएको महशुष हुन्छ अनि मुटुको कुनाकन्दरा सबै तिर उनको मायाले घेरेर मुटुका हर कुना कुनामा उनको नाम लेख्ने चाह मनले संगाल्ने गर्दछ, मुटु भरि उनको नाम लेखिसके पछि उनको खाली सिउँदोमा सिन्दुरले रंग्याएर जीवन भरिलाई उनलाई आफ्नो बनाउने प्रेमिल भाव मनले संगाल्छ उनी भइदिए जीवनमा अरु केहि अपेक्षा रहन्न, मात्र उनी भए जीवन पूर्ण हुन्छ ।
बबिना भट्टराईको अफिसियल युट्व च्यानल र इमेज एफ.एम. ९७.९ को प्रस्तुति ‘मेची देखि महाकाली सम्म’ बाट एक साथ सार्वजानिक भएको गीत ‘घामको झुल्को’ पछिल्लो समय विभिन्न सुमधुर गीत, गजल, भजन र नेपाली गीति क्षेत्रमा पहिलो चारु गाएर नेपाली सुगम संगीतमा छाइरहेकी चर्चित गायिका बविना भट्टराईको स्वर तथा संगीत एवं किरण उप्रेतीको शब्दमा सार्वजनिक भएको छ । उक्त गीतको एरेन्ज रुविन कुमार श्रेष्ठले गरेका छन् भने मिक्सिङ र मास्टरिङ प्रकाश मिश्रको रहेको छ । गीत अकष्टिक नेपालको स्टुडियो, नक्सालमा दिल समर्पण र राजाबाबु थारु ले रेकर्डिङ गरेका हुन् । गीतको भिडियोमा गायिका तथा संगीतकार बबिना भट्टराई लाई फरक भेषभूषा एवं गीतको भाव सुहाउँदो अभिनयमा देख्न पाइन्छ । भिडियो जस्केलो क्रियशनको परिकल्पना र निर्देशनमा तयार भएको हो । गीतको भिडियोमा बबिना संगै अञ्जना दुलाल, सानुमाया तामाङ, विन्दु तामाङ र सम्झना तामाङ लाई नृत्यमा देख्न सकिन्छ, कलाकारलाई कविता तोलाङ्गीले आफ्नो श्रृङ्गार कलाले सिंगारेकी छिन् ।
चर्चित गायिका शर्मिला बर्देवाले इमेज एफ.एम. ९७.९ मा प्रस्तोता हरिराम पौडेल संग ‘घामको झुल्को’ को विशेष चर्चामा गायिका तथा संगीतकार बबिना भट्टराई नेपाली संगीतको क्षेत्रमा एक क्षमतावान र मेहनती संगीतकर्मी भएको बताउँदै ‘घामको झुल्को’ बोलको प्रेमिल गीतमा उनको स्वर तथा संगीत बेजोड मिश्रणले गीतकार किरण उप्रेतीका प्रेमिल शब्दलहरलाई जीवन्त बनाएको बताएकी छिन्, बबिनाको संगीत यात्रालाई नियाल्दै उनले भनिन् ‘बबिना भट्टराई साधनामा तल्लिन, मेहनती, आफ्नो काममा अत्यन्त लगनशिल र भावमा डुवेर गाउन सक्न खुवी भएकी गायिका र संगीतकारका साथसाथै उनी बहुमुखी प्रतिभा कि धनी हुन् । उनको सांगितिक भविष्य उज्ज्वल रहेको छ, उनको संगीत यात्राको सफलताको लागि शुभकामना व्यक्त गर्दछु ।’
कवि, गीतकार तथा गजलकार उत्तम विचार ले हेमन्तको चिसोमा न्यानो ‘घामको झुल्को’ देख्न पाउनु नै अहोभाग्य भएको विम्वात्मक प्रतिक्रिया दिएका छन् । उनी लेख्छन् ‘सुन्दर गीत, सुमधुर संगीत, कालजयी स्वर लहरी, बेजोड अभिनय । मायामा समर्पित फूलको कोमल थुँङ्गाका लागि हार्दिक बधाई अनि शुभकामना सिङ्गो टिमलाई ।’
केहि समय अघि बबिना भट्टराईको स्वर तथा संगीतमा आफ्नै शब्दको यस्तै प्रेमिल भावको गीत ‘सपनीमा’ सार्वजनिक गरेका कवि एवं साहित्यकार रामबाबु दाहालले कर्णप्रिय स्वरलहरीमा भाव गाम्भीर्यता रहेको गीत ‘घामको झुल्को’को अपार सफलताको मंगल कामना गरेका छन् ।
गायिका तथा संगीतकार बबिना भट्टराईले ‘घामको झुल्को’ निकै नै प्रेमिल गीत भएको, यो गीतले सबै प्रेमिल मनहरुलाई समेट्ने विश्वास लिएको बताउँदै गीतलाई सबै प्रेमिल मनहरुले मन पराइ दिने अपेक्षा राखेकी छिन्, उनले गीत सुनेर तथा हेरेर गीतको बारेमा आफ्नो अमुल्य सल्लाह,सुझाव दिन पनि आफ्ना दर्शक तथा श्रोताहरुलाई अनुरोध गरेकी छिन् भने यस गीतको श्रृजनामा जोडिने सम्पूर्ण टिम प्रति आभार व्यक्त गरेकी छिन् ।
‘हसाउँछौ तिम्रै मर्जी, रुवाउँछौ तिम्रै मर्जी….’ बोलको अविनाश थापाको शब्द तथा दिपक शर्माको संगीतमा पहिलो गीत गाएकी बबिनाकोे १६ वर्ष भन्दा बढिको संगीत यात्रामा विभिन्न गीत तथा भजनहरुमा स्वर तथा संगीत दिएर उनले नेपाली श्रोता, दर्शकको अपार माया पाएकी छिन् । सुगम संगीत तथा भक्ति संगीत पारखी दर्शक तथा स्रोताको मुटुको ढुकढुकी बनेकी छिन् । संगीत क्षेत्रबाट चरमचुलीमा पुग्ने जीवनको अभिष्ट लिएर संगीतयात्रामा यात्रारत् बबिनाका भगवान श्री कृष्णका भजनहरु काले काले कृष्ण, मधुराष्टकम्, महामन्त्रको रुपमा जपिने हरे कृष्ण हरे कृष्ण कृष्ण कृष्ण हरे हरे ..हरे राम हरे राम राम राम हरे हरे, अच्युतम् केशवम् रामानारायणम्, श्री कृष्ण गोविन्द हरे मुरारे, अच्युताष्टकम लगायत भगवान श्री राम, महादेव, हनुमान चालिसा, दुर्गा भजन, गायत्री मन्त्र लगायतका विभिन्न भजनहरु बीणा भक्ति युट्व च्यानलमा संग्रहित रहेका छन् भने उनका व्यवसायिक गीतहरु उनको आफ्नै ‘बबिना भट्टराई’ युट्व च्यानल मार्फत सार्वजानिक हुदै आएका छन् । भर्खरै नेपाली संगीत क्षेत्रको इतिहासमा नै लमजुङका चारुकार लक्ष्मी प्रसाद मिश्रको शब्द रहेको पहिलो ‘चारु’ मा संगीत तथा स्वर दिएर उनले नेपाली चारु गायन तथा संगीतमा आँफूलाई पहिलो ‘चारु’ गायिका तथा संगीतकारको रुपमा स्थापित गरेकी छिन् ।
गीत
घामको झुल्को शितमा पर्दा, टल्किन्छ पातमा
चाहिदैन केहि जीवनभर तिमी भईदिए साथमा
शैयाको सुख चाहिदैन मलाई सपना देख्नलाई
सिरानी बनाई निदाउन पाउ त्यो तिम्रो हातमा ।
घाम र छाँया, सुख र दुःख जिन्दगी भोगाई हो
तिमी त मेरो आँखाको हैन, मनको रोजाई हो
धन र पैसा हेरिन्न रुप मायाको जातमा ।
चाहिदैन केहि जीवनभर तिमी, भईदिए साथमा ।
मनको दृष्टि उघारी हेर्दा तिमीलाई देख्न पाउ
यो मुटुभरि मायाले घेरी, तिम्रै नाम लेख्न पाउ
शीरको शोभा सिन्दुरको धर्को लगाई देउ माथमा
चाहिदैन केहि जीवनभर तिमी भईदिए साथमा ।
काठमाडौं,१४ गते पुस २०८१ ।
आम जनता पार्टी ९आजपा०ले सरकारको मनोमानी कर आतंकका बिरुद्ध आज काठमाडौंमा सरकार बिरुद्ध प्रदर्शन गरेको छ । काठमाडौंको कमलादी स्थित नेपाल प्रज्ञा प्रतिष्ठानबाट सुरु भएको विरोध प्रदर्शन रत्नपार्क हुदै पुन कमलादीमै पुगेर सम्पन्न भएको हो ।
कर आतंक बन्द गर, लुटेरा सरकार मुर्दाबाद, दलाल दलतन्त्र मुर्दाबाद, आम जनता जिन्दाबाद, तेस्रो जनआन्देलन सफल पारौं, जनता लुट्न पाईदैन, भ्रष्ट सरकार चाहिँदैन, राष्ट्रिय स्वाधिनताको रक्षा गर, भगौडा विदेशिको अवैध सम्पति जफ्त गर, ठग मेनपावरलाई कारबाही गर, अबैध ऐजेन्टलाई गिरफ्तार गर, लुटकारी भन्सार नीति खारेज गर जस्ता नारा प्रदर्शनकारीले लगाएका छन् ।
यस्तै शैक्षिक विभेद बन्द गर, लैङ्गिक हिंसा अन्त्य गर, बैङ्किङ् लुट बन्द गर, लघुवित्त तथा सहकारी पीडितलाई न्याय दे, कबाड व्यवसायीहरुको सुरक्षा गर, अदालतको आदेश पालना गर, कबाड आन्दोलन जिन्दाबाद, सुकुम्बासी तथा फुटपात व्यवसायीको रक्षा गर, हाम्रो संघर्ष जारी छ, धोखेबाज नेताहरु भोट फिर्ता गर, जनताको सर्वोच्चता स्थापित गर, आम जनता पार्टी जिन्दाबाद, दोस्रो स्थापना दिवस सफल पारौं लगायतका नारा लगाउँदै उनीहरुले प्रदर्शन गरेका हुन् ।
आजपाले पार्टीको दोस्रो स्थापना दिवसका साथै आन्दोलनको कार्यक्रम संगसंगै अगाडी बढाएको हो । दलाल दलतन्त्र बिरुद्ध तेस्रो जनआन्दोलनको संकल्प सहित आजपाले दोस्रो स्थापना दिवस काठमाडौं उपत्यका विशेष कमिटीको आयोजनामा भव्यरुपमा आज मनाउँदै छ ।
केन्द्र, प्रदेश र स्थानीय तहसहितका ७६१ सरकारले लिईरहेको मनोमानी कर अन्त्य गर्नुपर्ने माग गर्दै आजपाले काठमाडौंमा विरोध प्रदर्शन गरेको हो । सरकारको मनोमानी करले नेपालको उधोग, व्यवसाय धरासायी बन्दै गईरहेको निष्कर्ष निकाल्दै आजपाले कर आतंक बन्द गर्नुपर्ने माग गर्दै आएको छ । आजपा अध्यक्ष एवं पूर्वमन्त्री प्रभु साहले समृद्ध नेपाल निर्माण गर्नका लागि सरकारपिच्छे मनोमानी कर आतंक बन्द गर्नुपर्ने बताए ।
‘मुलुकको उधोग, व्यापार धरासायी बन्दै गईरहेको छ । सरकारले जसरी पनि कर असुल्ने नीति लिएको छ । उधोग व्यापार धवस्त हुदैगईरहेको भए पनि सरकारलाई केवल कर कसरी असुल्नेमा मात्रै ध्यान छ’, आजपा अध्यक्ष साहले भने, ‘सरकार पिच्छे पाईलापाईलामा कर लिने तर सेवा नदिने । कर लिने तर सोही अनुसारको सुविधान नदिने । केवल कर कसरी लिने भन्नेमा मात्रै सरकारको ध्यान छ ।’
नेपाल भन्दा ठुलो भुगोल, जनसंख्या भएको मुलुक भारत र चीनमा कर थोरै भएको र त्यहाँको सरकारले उधोगी व्यापारीलाई सेवा पनि बढी दिईरहेको उनले बताए । तर नेपालमा करमाथि कर लिने र उधोगी व्यापारीको ढाँड सेक्ने काम सरकारले गरिरहेको आरोप उनले लगाए ।
‘भारतमा १४ शिर्षमा कर लिईन्छ । तर नेपालमा ४० भन्दा बढी शिर्षकमा सरकारले कर लिईरहेको छ । अरु देशभन्दा नेपालमा करको दर, दायारा, शिर्षक, तह र सरकार बढी छ । नेपालमा ७६१ वटा सरकारले मनोमानी र पाईलापिच्छे कर असुली रहेको छ । त्यसको विरोधमा हामी सडकमा उत्रिनुपरेको छ’ आजपा अध्यक्ष साहले भने ।
सर्वसधारणदेखी उधोगी व्यापारीले जताततै पाईला पिच्छे नै कर तिर्दातिदै निराश भएको बताउदै उनले व्यवासाय गर्ने वातावरण सरकारले गिजोलिदिएको आरोप लगाए । मुलुकको ढुकुटी सिध्याएको सरकारले विदेशीबाट ऋण लिएर नेपाली जनताको टाउकोमा ऋणको भारी बोकाएको बताए ।
मुलुकमा भ्रष्टाचार, अनियमितत बढदै गईरहेको र बिकास कार्य अवरुद्ध भएको बताउँदै उनले दलाल दलतन्त्र, सरकारको मनोमानी कर आतंक बिरुद्ध आजपाले आन्दोलन गर्दै आएको छ । आजपाले विगतदेखी नै भ्रष्टाचार, अनियमितता, सरकारको मनोमानी कर आतंक, दलाल दलतन्त्र, वैदेशिक रोजगारमा देखिएको ठगीधन्दा, भन्सार कानूनमा भएको लुटतन्त्रको बिरुद्धमा आवाज उठाउँदै सडक संघर्ष गर्दै आएको छ ।
आईतबार नै कवाड व्यवासायीहरुले काठमाडौं महानगर कार्यालय समेत घेराउ गर्ने कार्यक्रम रहेको छ । काठमाडौं महानगरका मेयर बालेन शाहले कवाड व्यवासायीलाई कानून विपरित दुख दिईरहेकाले कवाड व्यवसायीले महानगर घेराउ गर्न लागेका हुन् ।
आरके श्रीवास्तव,राैतहट,१० गते पुस २०८१ ।
राैतहटकाे कटहरिया नगरपालिकामा दुई दिन देखि तालाबन्दी चलिरहेको छ । नगर प्रमुख अजय प्रकाश जयसवाल र प्रमुख प्रशासकीय अधिकृत रामजी जाेशीले एकलौटी गर्ने गरेकाे कारण त्यहाँका जनप्रतिनिधिहरूले नै कार्यालयमा तालाबन्दी गरिदिएका हुन् ।
कटहरिया नगरपालिकामा याे पहिलोचाेटी तालाबन्दी भने हाेईन् यस अघि पनि कति चाेटी तालाबन्दी भइसकेको हाे । कतिचाेटी तालाबन्दी भयाे र खुल्यो पनि । यसपालिकाे तालाबन्दी निर्णायक हुने जनप्रतिनिधिहरू नै बताउन थालेका छन् ।
मंगलबार दिउँसो उपप्रमुख रिता देवी यादव सहित कटहरिया वडा नम्बर १ का वडा अध्यक्ष भूपेन्द्र महतो, वडा नम्बर २ का वडा अध्यक्ष हरिन्द्र साह,वडा नम्बर ४ का वडा अध्यक्ष चन्दन कुशवाहा,वडा नम्बर ५ का वडा अध्यक्ष सर्फलाल गुप्ता, वडा नम्बर ६ का वडा अध्यक्ष जयराम चौधरी र वडा नम्बर ७ का वडा अध्यक्ष सहिद आलमले नगर प्रमुख सहित सबै शाखाहरूकाे मूल गेटमा ताल्चा लगाई दिएका हुन् ।
उनीहरूले नगरप्रमुख जयसवालकाे कार्य शैली प्रति असन्तुष्टि जनाएका छन् ।
कटहरिया–४ का वडाध्यक्ष चन्दनकुमार कुशवाहाले नगरप्रमुख र कार्यालय प्रमुखले नगरपालिकामा भ्रष्टाचारको साम्राज्य खडा गरेको र जनताप्रति अलिकति पनि उत्तरदायी नदेखिएको आरोप लगाएका छन् । नगरसभा बाट पारित भएको कागज हामीले हाथमा पाउँदा करोडौंकाे भ्रष्टाचार गर्ने याेजना बनाएको प्रष्ट देखिएपछि तालाबन्दी गर्न आफूहरू बाध्य भएको बताए ।
अर्का जनप्रतिनिधि कटहरिया वडा नम्बर ५ का वडाध्यक्ष सर्फलाल गुप्ताले नगर प्रमुख जयसवाल र प्रमुख प्रशासकीय अधिकृत जाेशीले बिना परामर्श दर्जनौँ निर्णय नगरपालिकाको रजिस्टरमा दर्ता गराएकाे खुलासा गरेका छन् । नगरपालिकामा तालाबन्दी हुँदा कामकाज ठप्प भएको छ । सेवाग्राही मर्कामा परेका छन् ।
नूर आलम बादशाह,बारा,पुस १० गते २०८१ ।
बाराको पाचरौता नगरपालिकाको सहयोगमा निःशुल्क आँखा शिविर सम्पन्न भएको छ। स्वास्थ्य शाखा पचरौता, लायन्स क्लब ऑफ बीरगंज र माट्रिक आई फाउण्डेशन बीरगंजको संयुक्त आयोजना तथा सहकार्यमा उक्त निःशुल्क आँखा शिविर सम्पन्न भएको हो।
बेनौली स्वास्थ्य चौकीमा सञ्चालन गरिएको शिविरमा महिला पुरुष गरी ५०१ जनाको निःशुल्क आँखा परीक्षण गरिएको थियो जसमध्ये २५२ जनाको आँखामा मोतिबिन्दु भेटिएको पचरौता स्वास्थ्य शाखा प्रमुख सुरेन्द्र साहले जानकारी दिए।
पचरौता नगरपालिकाको वडा नं ७ का स्थानीय बासिन्दालाई लक्षित गरी आयोजना गरिएको आँखा शिविरमा पचरौता नगरपालिकाको अन्य वडालगायत छिमेकी पालिकाहरु आदर्श कोतवाल गाउँपालिका, सिम्रौनगढ़ नगरपालिका, सुवर्ण गाउँपालिका र भारत बिहार राजयका पूर्वी चम्पारण जिल्लाका नेपाल सिमाना नजिकका गाउँबाट पनि सर्वसाधरणहरु आँखा परिक्षण गराउन आएका थिए।
मेतिबिन्दु रोग नेपालमा रहेको दृष्टिबिहिनताको सबैभन्दा प्रमुख कारण हो। जुनसुकै उमेरका मानिसमा पनि यो समस्या देखिन सक्छ तर, अधिकांशमा उमेर बढ्दै गएपछि मोतिबिन्दु हुने सम्भावना पनि बढ्दै गएको पाइन्छ।
मोतिबिन्दु भइसकेपछिको सबैभन्दा प्रभावकारी उपचार शल्यक्रिया नै हो। यो रोग औषधीले ठीक हुँदैन। शल्यक्रिया गर्न नपर्ने अवस्थामा चश्माको प्रयोगबाट पनि धरै हदसम्म सफा हेर्न मद्दत गर्दछ तर पूर्ण सफा हेर्नको लागि शल्यक्रिया नै गर्नु पर्ने हुन्छ। आजभोलि प्रविधिमा आएको विकासले मोतिबिन्दुको शल्यक्रिया गरेको केहि घण्टा मै बिरामी आफ्नो सामान्य दैनिकिमा फर्कन सक्छन्।
शिविरबाट छानिएका मोतिबिन्दुका बिरामीहरुको माट्रिक आई फाउण्डेशन बीरगंजमा बिशेषज्ञ टोलीद्वारा निःशुल्क शल्यक्रिया गरिने स्वास्थ्य शाखा प्रमुख साहले जानकारी दिए । मोतिबिन्दु भएका बिरामीलाई घरबाट बीरगंज लाने र शल्यक्रियापश्चात गाउँमा पुर्याई परिवारका सदस्यलाई जिम्मा लगाउने काम समेत नगरपालिकाले गर्ने छ।
पचरौता नगरपालिकाले पैसाको अभावका कारण पालिका भित्रका कोहि पनि नागरिक अन्धोपनमा जिवन विताउन नपरोस भन्ने उदेश्यले आँखा शिविर सञ्चालन गदै आएको छ।
आरके श्रीवास्तव,रौतहट,०७ गते पुस ।
रौतहट प्रहरीले आज घरेलु मदिरा नष्ट गरेको छ । शुक्रवार जिल्ला प्रहरी कार्यालय रौतहटबाट खटिएको प्रहरी गस्ती टोलीले गस्ती गर्दे जाने क्रम्मा सो घरेलु मदिरा फेला पारेको थियो ।
प्रहरीको गस्ती टोली जिल्लाको गौर नगरपालिका वाड नम्बर २ महादेवपट्टी स्थित पुग्दा अपरिचित व्यक्तिहरुले नेपालबाट अवैध घरेलु मदिरा (रक्सि) भारततर्फ लैजादै गरेको अवस्थामा प्रहरी गस्ती टोलीलाई देख्ना साथ उनीहरुले बोकी लैजाँदै गरेको ग्यालेन सहितको बोरा फाली भारत तर्फ भागी फरार भएका थिए ।
उक्त घरेलु मदिरा वेवारिसे अवस्थामा फेला पारी आइतवार स्थानिय भद्रभलादमी, जनप्रतिनिधि तथा संचारकर्मीहरु समेतको रोहबरमा जिल्ला प्रहरी कार्यालय रौतहटको परिसर भित्र खाल्टो खनि नष्ट गरिएको हो ।
उक्त खाल्टोमा अन्दाजी २ सय लिटर अवैध तयारी घरेलु मदिरा पोखी नष्ट गरीएको जिल्ला प्रहरी कार्यालय रौतहटले जनाएको छ । घरेलु मदिरा नियन्त्रण गर्न तर्फ प्रहरीले तदारुकता देखाएपनि यसको बिक्री वितरणमा भने लगाम लगाउन सकिएको छैन् । ग्रामीण भेगका दारु भठ्ठीहरुमा यसको खुलेआम बिक्री भइरहेको पाइएको छ । यसतर्फ प्रहरीको ध्यान जानुपर्ने देखिन्छ ।
काठमाडौँ, पुस ६ गते ।
अमेरिकी ब्याट्सम्यान लाहिरु मिलान्थाले अर्धसतकीय पारी खेलेपनि नेपाल प्रिमियर लिग ९एनपिएल० को उपाधि जनकपुर बोल्टसले जितेको छ ।
कीर्तिपुरस्थित त्रिवि मैदानमा शनिबार भएको फाइनल खेलमा जनकपुरले सुदुरपश्चिम बोल्ट्सलाई पाँच विकेटले हरायो । जितसँगै जनकपुरले एक करोड १० लाख रुपियाँ सुनिश्चित गरेको छ । उपविजेता सुदूरपश्चिमले ५१ लाख रुपियाँमा चित्त बुझाएको छ ।
जितका लागि ए कसय ८५ रनको लक्ष्य पछ्याएको जनकपुरले १९।२ ओभरमा पाँच विकेटको क्षतिमा लक्ष्य पूरा गरेको हो । जनकपुरका लागि सर्वाधिक ८७ रन बनाउनुभयो । कप्तान आरिफ शेखले ३३ र हर्ष थाकरले अविजित ३० रन बनाउनुभयो । गोरखापत्र
ओमप्रकाश यादव,माधवनारायण,०५ गते पुस २०८१ ।
माधव नारायण नगर प्रमुख बैजनाथ प्रसाद यादवले एमबिबिएस परीक्षामा देशमै दोस्रो स्थान प्राप्त गरेका माधव नारायण नगरपालिका -७ फूलवारियाका विधार्थी मधुसुधन प्रसाद साहलाई आज सम्मान गरेका छन्।
केहीदिन अघि भएको एमविविएस को परीक्षामा देशमै दोस्रो स्थान हासिल गरी नगरपालिका र रौतहटको गौरव बढाएको भन्दै नगर प्रमुख बैजनाथ प्रसाद यादवले आज आफ्नै कार्यकक्षमा विद्यार्थी साहलाई सम्मानित गर्दै शिक्षामा अझै प्रगति गर्न सुझाव सल्लाह सहित सफलताको शुभकामना दिएका छन्।
शिक्षा, साक्षरतामा देशको ७७औं स्थान अर्थात पुछारमा रहेका जिल्ला रौतहट जिल्ला त्यसमा पनि माधव नारायणका विधार्थी मधुसुधन साहले एमबिबिएसको परीक्षामा देशभरिमा दोस्रो स्थान ल्याउन सफल हुनु आफैंमा ठूलो सफलता हो ।
एमबिबिएस मेडिकलमा अध्ययनका लागि नेपाल सरकारले लिएको छनौट परिक्षामा रौतहटका दुईजना विद्यार्थी पहिलो र दोस्राे स्थान प्राप्त गरेर जिल्लाको सम्मान बढाएका छन् ।
