आरके श्रीवास्तव,राैतहट,२१ गते चैत । 

मधेस प्रदेशमा आज चैती छठ पर्व मनाइँदैछ । चैत नवरात्री पनि चलिरहेको छ । यसै अवसरमा जनता समाजवादी पार्टीले शुभकामना व्यक्त गरेको छ ।

आज जसपा नेपाल मधेस प्रदेशका अध्यक्ष बालकिशाेर प्रसाद यादवले एक शुभकामना संदेश जारी गर्दै लाेक आस्थाको महापर्व चैती छठ तथा चैत नवरात्री पर्वकाे सुखद उपलक्ष्यमा सम्पूर्ण मधेस तथा देशवासीहरूमा सुस्वास्थ्य,दिर्घायु एवम् उतराेतर प्रगतिकाे लागि शुभकामना व्यक्त गरिएकाे छ ।

चैती छठ पर्वकाे आज मुख्यदिन अस्तउँदाे सूर्यलाई अर्घ दिई मनाइदैछ । व्रतालुले आज षष्ठी तिथिका दिन निराहार व्रत शुरू गरेका छन् । पञ्चमीका दिन बुधबार राति खरना विधि गरेर सख्खरको खीर प्रसादस्वरुप खाएपछि निराहार व्रत शुरू भएको छ ।

आज साँझ नै व्रतालुले पवित्र जलाशयमा सजाइएको घाटमा मिष्टान्न परिकार राखिएका डालीहरू हातमा उठाएर अस्ताउँदो सूर्यलाई पहिलो अर्घ्य दिनेछन् ।

छठ पर्व कार्तिक षष्ठी तिथिमा मनाउने भव्य रूपमा मनाउने गरिन्छ ।

चन्दन यादव, रौतहट २१ गते चैत ।

रौतहटमा भन्सार छली गरी ल्याउँदै गरेको सामानहरु प्रहरीले बरामद गरेको हो । २०८१ चैत १९ गते करीब ७ बजेको समयमा कार्यालय तथा मातहत समेतबाट संयुक्त रुपमा खटिएको प्रहरी चेकिङ्ग टोलीले जिल्ला रौतहट गौर नगरपालिका वडा नम्बर ४ बसपार्क स्थितमा विभिन्न सवारी साधनहरुलाई चेकजाँच गर्ने क्रममा अबैध रुपमा भारतबाट भन्सार छली चोरी पैठारी गरी ल्याउँदै गरेको गरेको अवस्थामा बरामद भएको प्रहरीले जनाए ।

अन्दाजी मुल्य रु. ९९ हजार ९ सय ६० ०रुपैया बराबरको बिभिन्न किसिमको किराना सर सामानहरु फेला परेको प्रहरीले जानकारी गराएका हुन् । उक्त सर सामानहरु अन्दाजी मूल्य रु. ७ लाख रुपैया बरावरको प्र २ ०३ ००१ ज १३१ नम्बरको पिकअप गाडी १ थानगरि जम्मा अन्दाजी मुल्य रु.७ लाख ९९ हजार ९ सय ६० रुपैया बराबरको रहेको प्रहरीले जनाएका हुन् ।

बिभिन्न किराना सर सामानहरु, पिकअप गाडी १ थान र चालक जिल्ला रौतहट कटहरीया नगरपालिका वडा नंम्बर ५ मा बस्ने अन्दाजी २२ वर्षको निरज कुमार साह समेत लाई नियन्त्रणमा लिई आवश्यक कारवाहीको लागी गौर भन्सार कार्यालयमा बुझाईएको प्रवक्ता तथा सुचना अधिकारी प्रहरी नायवउपरीक्षक दिपक कुमार रायले जानकारी गराएका हुन् ।

राजेन्द्र महतो सिरहा ।

जनता समाजवादी पार्टी नेपाल सखुवान्नकारकट्टी गाउँपालिकाको प्रथम अधिवेशन बाट नागेन्द्र कुमार यादव सर्वसम्मत रूपमा अध्यक्ष पदमा निर्वाचित भएका छ्न।

बुधबार सखुवानन्कारकट्टी गाउँपालिकामा सते लाल यादवको अध्यक्षतामा आयोजित गाउँअधिवनेशनलेअध्यक्षमा नागेन्द्र कुमार यादव, उपाध्यक्षमा यदुनन्दन यादव, प्रमोद कुमार यादव,सचिव राम कुमार मण्डल,उपसचिवद्धवय अजय कुमार दास, राम नारायण यादव र कोषाध्यक्ष सिला देवी राम सहित ३७ सदस्यी नयाँ कार्यसमिति चयन भएको मतदान अधिकृत भोगेन्द्र प्रसाद यादवले जानकारी दिए।

कार्यक्रममाजसपा नेपालका केन्द्रीय कार्यकारणी समिति सदस्य तथा मधेश प्रदेश सभा सदस्य राजु गुप्ता, जसपा नेपालका युवा नेता दिपेश कुमार यादव लगायत स्थानीय जसपा नेपालका नेता कार्यकर्ताहरुको उपस्थिति रहेको थियो। नव निर्वाचित यादव यस अघि जसपा नेपालको गाउँ कमिटी उपाध्यक्ष तथा समाजवादी युवा संघको मधेश प्रदेश कमिटी सदस्य रहेका थिए ।

आरके श्रीवास्तव,राैतहट,२० गते चैत । 

राैतहटकाे गुजरा नगरपालिकामा जनता समाजवादी पार्टी नेपालकाे नगर अधिवेशन सम्पन्न भएको छ । बुधबार साे नगरपालिकाकाे वडा नम्बर १ मनहर्वा परसवामा प्रथम नगर अधिवेशन आयाेजन गरिएको थियो ।

जसकाे प्रमुख अतिथि जसपा नेपालका राष्ट्रिय उपाध्यक्ष गाेबिन्द चाैधरी रहनु भएको थियोे । कार्यक्रमलाई सम्बाेधन गर्दै प्रमुख अतिथि चाैधरीले जसपा नेपाल समाजवादमा विश्वास गर्ने पार्टी रहेकोले समानताको हकका सधैं हामी संघर्ष गर्दै आएको बताउनु भयाे ।

संघियताकाे मूल मुद्दा उठाएको जसपा नेपालले महिलाकाे अधिकार पनि दिलाउन सफल भएको दाबी गरेका छन् ।

त्यस्तै प्रदेश सांसद शेख अबुल कलाम आजाद उर्फ फुलबाबुले अहिले जुन राजतन्त्रवादीकाे हल्ला चलेको छ । यसकाे सम्पूर्ण जिम्मेवारी नेपाली काँग्रेस र नेकपा एमाले रहेकाे उनकाे आराेप रहेको थियोे । अहिलेसम्मकाे भ्रष्ट सरकार मैले आज सम्म पनि सुनेकाे थिएन् । जनताकाे कुरा नसुन्नुकाे नतिजा अहिलेकाे वर्तमान सृजना भएको छ । यसप्रति गम्भीर भएर साेच्नुपर्ने अहिलेकाे आवश्यकता रहेको उनकाे ठहर थियो ।

 त्यसैगरी विशिष्ट अतिथि जसपा नेपालका केन्द्रीय सदस्य एवम् गुजरा नगरपालिकाका नगर प्रमुख सन्तलाल चाैधरीले जसपा नेपालकै देन हाेकि हामीले आज संघियता पाएका छाैं । अधिकार पनि पाएका छाैं ।

कार्यक्रममा जसपा नेपालका जिल्ला अध्यक्ष श्याम बिहारी प्रसाद यादवले पार्टीको ६ महिने संगठन विस्तार कार्यक्रम अन्तर्गत अहिले धमाधममा नगर अधिवेशनकाे काम भइरहेको बताए । आगामी चैत २६ र २७ गते गरूडामा हुने जिल्ला अधिवेशनकाे तयारी पनि तिव्र रूपमा भइरहेको जानकारी समेत गराउनु भएकाे हाे ।

गुजरा नगरपालिकामा भएको जसपा नेपालकाे नगर अधिवेशनकाे उदघाटन सत्र सम्पन्न भएपनि बन्द सत्र स्थगित गरिएको जसपा मधेश प्रदेशका सचिव पुनित रामले जानकारी गराएका हुन्  । २२ गतेको भित्रमा नगर कमिटी गठन गरिने उनले बताएका हुन् ।  साे नगर अधिवेशनमा जसपा नेपाल नेता कार्यकर्ताहरूकाे उपस्थिति रहेको थियो ।

प्रेमचन्द्र झा,राैतहट,चैत्र २० गते

राैतहट । नेकपा एमालेका केन्द्रीय सदस्य तथा राैतहट जिल्ला ईन्चार्य अजय कुमार गुप्ताले आर्थिक, सामाजिक तथा शैक्षिक रुपले पछाडी परेका उत्पिडित समाजका जातजातिको विकास नभए सम्म नेपालको विकास सम्भव नरहेको बताएका छन ।
एमाले पार्टी कार्यालय गरुडामा उत्पिडित जातिय मुक्ति समाजको नवाै जिल्ला सम्मेलनको उदघाटन समारोहलाई बुधबार सम्बोधन गर्दै केन्द्रीय सदस्य गुप्ताले समाजका कथित सामन्त वर्गको भेदभाव र चरम शाेषणका शिकार भएका समुदायको उत्थानका लागि एमाले संगठित रुपमा लागि परेको बताए ।

गरिब दलितको सामाजिक शैक्षिक उत्थान र पहिचान तथा आर्थिक रुपान्तरण गर्ने एमालेकाे चाहना रहेको केन्द्रीय सदस्य गुप्ताले बताउदै दलित समुदायलाई राजनैतिक रुपमा चेतना जगाएर पहिचान दिलाउन नेपाल उत्पिडित जातिय मुक्ति समाज गठन गरेको बताए ।
एमाले दलितका लागि निरन्तर काम गरि रहेको बताउदै केन्द्रीय सदस्य गुप्ताले एमाले गरिब, निमुखा र पछाडि परेका समुदाय कै पार्टी रहेको दाबी समेत गरेका छन ।

समाजले निरन्तर रुपमा आफ्ना उदेश्य पुर्तिका निमित काम गरिरहेको उनले विश्वास व्यक्त गरेका छन ।

नेपाल उत्पिडित मुक्ति समाजका राैतहट जिल्ला अध्यक्ष भैरो महराको अध्यक्षतामा भएको साे समारोहमा एमालेका केन्द्रीय सदस्य उद्वव रेग्मी , जिल्ला अध्यक्ष सचितानन्द साह, सचिव बाबुराम दहाल सहितले बाेलेका थिए ।

बज्जिकाञ्चल संवाददाता,२० गते चैत ।

भक्तपुर । आम जनता पार्टी (आजपा) का अध्यक्ष तथा पूर्वमन्त्री प्रभु साहले मुलुकमा बढदै गईरहेको संकटको एक मात्र समाधान तेस्रो जनआन्दोलन भएको बताएका छन् । दलाल एवं लुटकारी दलतन्त्रले देशलाई दलदलमा फँसाएकाले तेस्रो जनआन्दोलनमा सहभागिताका लागि उनले आह्वान गरे ।

आजपाद्धारा भक्तपुर र काठमाडौंको बालाजुमा आज आयोजित छुटाछुटै कार्यक्रमलाई सम्बोधन गर्दै आजपा अध्यक्ष साहले दलाल एवं लुटकारी व्यवस्थाका कारण दलाल नेताहरुले देशलाई दलदलमा फाँसाएको आरोप लगाए ।

‘अहिले मुलुक गम्भिर संकटमा छ । लुटकारी एवं दलाल दलतन्त्रका कारण जताततै लुट मचिएको छ । भ्रष्टाचार, अनियमितता, कुशासन बढदै गएको छ । नेताहरु मालामाल भएका छन्, जनता लचार भएका छन्’, आजपा अध्यक्ष साहले भने, ‘अहिलेको संकटको एकमात्रै समाधान भनेको तेस्रो जनआन्दोलन हो । चैत २४ गते भृकुटीमण्डपमा जाऔं र यो दलाल दलतन्त्रको बिरुद्ध एकजुट होऔं ।’

वर्तमान असफल प्रधानमन्त्री केपी शर्मा ओलीको सरकारका कारण मुलुकको आर्थिक अवस्था संकटमा पुगेको उनले बताए । भ्रष्टाचार, लुट, मनोमानी कर आतंक बढेको बताउदै लुटकारी व्यवस्थालाई कहिलेसम्म बोक्ने भन्दै उनले प्रश्न गरे ।

सरकारमा सहभागि नेताहरु लुट, भ्रष्टाचार, अनियमिततामा लागेको गम्भिर आरोप लगाउदै साहले उनीहरुबाट केही आश गर्नु बेकार रहेको बताए । लुटकारी दलाल दलतन्त्रका कारण मुलुक बर्बाद भईरहेको बताउदै आजपा अध्यक्ष साहले नेताहरुको लुटतन्त्रकै कारण तेस्रो जनआन्दोलन आवश्यक भएको बताए । उनले आम जनताको शासन व्यवस्थाका लागि तेस्रो जनआन्दोलन सफल बनाउनुपर्ने बताए ।

लुटकारी दलतन्त्र बिरुद्ध २४ चैतमा काठमाडौंमा हुने तेस्रो जनआन्दोलनको तयारीका लागि भर्खरै रौतहट, बारा र पर्सामा आयोजित बिभिन्न कार्यक्रममा सहभागि भएर काठमाडौं आएका साह बालाजु, भक्तपुर, बुद्धनगर सहितका बिभिन्न ठाउँमा आयोजित कार्यक्रम सहभागि हुदै तेस्रो जनआन्दोलन सफल बनाउने रणनीति सहित सहभागि हुन आग्रह गरेका छन् ।

आजपा निकटको युवा, विद्यार्थी, महिला, मजदुर लगायतका बिभिन्न संगठनहरुको आन्तरिक बैठक बस्दै आन्दोलनको तयारीमा जुटेको विद्यार्थी मोर्चाका सचिव प्रिन्स साहले जनाएका छन् ।

आरके श्रीवास्तव,राैतहट,२० गते चैत । 

लोकतान्त्रिक समाजवादी पार्टी (लोसपा) नेपालले चैत मसान्तसम्म वडा सवै वडा र पालिका अधिवेशन गर्न परिपत्र गरेकाे छ ।

आज लाेसपा नेपालका केन्द्रीय अध्यक्ष महन्थ ठाकुरले परिपत्र जारी गर्दै चैत मसान्तसम्ममा अधिवेशन सक्न निर्देशन दिनु भएको हाे ।

लाेसपा नेपालकाे आसन्न महाधिवेशनलाई मध्यनजर गर्दै पार्टीको निर्वाचन निर्देशिका -२०८१ अनुसार धारा(१)(३) बमोजिम वडा र पालिका सम्बन्धित जिल्ला र सम्बन्धित निकायका सम्पूर्ण नेता,कार्यकर्ता तथा शुभचिन्तकहरू सामेल गराई अधिवेशन गर्न भनिएको हाे ।

लोकतान्त्रिक समाजवादी पार्टी (लोसपा) नेपालले यसअघि चैत ७ गतेभित्र सवै वडा र पालिका अधिवेशन गरिसक्न निर्देशन दिएको थियो । उक्त समयसिमालाई बढाएर चैत मसान्तसम्म गरिएको लाेसपाका महासचिव मनिष मिश्रले जानकारी गराएका हुन् ।

यता आजै लोसपा नेपालको सचिवालय बैठकमा लोकतान्त्रिक महिला संघको सांगठनिक गतिविधिमा तिव्रता ल्याउन महिला संघका अध्यक्ष लाई आमन्त्रित गरी सल्लाह सुझाव दिनुका साथै पार्टीका कार्यसञ्चालन एवं सांगठनिक सुदृढिकरण तथा केन्द्रीय महाधिवेशन तयारीका निम्ति छलफल गरिएकाे उनले बताएका छन् ।

काठमाडौँ, २० गते चैत २०८१ ।

भाटभटेनीका संचालक मीन बहादुर गुरुङले चैत्र १५ गतेको राजावादी आन्दोलनका क्रममा ज्यान गुमाएका पत्रकार सुरेश रजक र सविन महर्जनलाई आर्थिक सहयोगको घोषणा गरेका छन् ।

बुधबार चैत्र १५ गते भएको राजावादी आन्दोलनका क्रममा भएको लुटपाटको क्रममा साहसिक काम गर्ने सुरक्षा गार्ड तुलप्रसाद पराजुली लगायत सुरक्षा गार्ड र कर्मचारीलाई भाटभेटनी सुपरमार्केटले सम्मान गर्ने कार्यक्रममा गुरुङले पत्रकार रजकको परिवारलाई ५ लाख र महर्जनको परिवारलाई ३ लाख सहयोग गर्ने घोषणा गरेका छन् ।

भाटभटेनीले चैत्र १५ गते भएको राजावादी आन्दोलनका क्रममा भएको लुटपाटको क्रममा साहसिक काम गर्ने सुरक्षा गार्ड पराजुलीलाई ५ लाख नगद र पाँच ग्रेड बढुवा गरेको हो । त्यस्तै अन्य गार्ड र कर्मचारीहरुलाई २५ हजार नगद र एक ग्रेड प्रमोसन गरेको छ ।

सुपरमार्केटमा तोडफोड तथा लुटपाट गरिरहेको समयमा कर्तव्य निर्वाह गर्दै अग्रपंक्तिमा खटिएका कर्मचारी तथा व्यापारलाई निरन्तरता दिन रातभर मर्मत सम्भारमा लाग्न खटिएका कर्मचारीलाई सुपरमार्केटले सम्मान गरेको हो ।

लुटपाटको क्रममा पराजुलीले लुटपाटमा संलग्नमाथि गरेको कारबाही अहिले सामाजिक सञ्जालमा भाइरल छ । दर्जनौँ संख्यामा रहेका व्यक्तिहरूलाई उनले लिस्टीले कुट्दै भगाएको भिडियो देख्न सकिन्छ ।

उक्त घटनाका क्रममा करिब ८० लाख रुपैयाँ बराबरको क्षति भएको कम्पनीले जनाएको छ । त्यसमध्ये ६४ लाख ८८ हजार बराबरको सामान लुटिएको बताइएको छ । उक्त घटनापछि पनि शनिबार बिहानदेखि नै सुपरमार्केट सञ्चालनमा आएको थियो । खरीबोट

काठमाडौं, २० गते चैत २०८१ ।

चैत १५ गते कोटेश्वरस्थित भाटभटेनीलाई लुटपाट र तोडफोडबाट जोगाउने सुरक्षागार्डलाई सम्मान गरिएको छ ।

भाटभटेनीका सञ्चालक मीनबहादुर गुरुङले बुधबार सुरक्षागार्ड दुलप्रसाद पराजुलीलाई पाँच लाख एक हजार १११ रुपैयाँ नगद पुरस्कारसहित सम्मान गरेका हुन् । उनको पाँच ग्रेड बढुवा पनि गरिएको छ ।

चैत १५ गते काठमाडौंको तीनकुनेमा राजावादीले प्रदर्शन गरेका थिए । प्रदर्शनले उग्ररूप लिएपछि दुई जनाको ज्यान गएको थियो । प्रहरीले प्रदर्शनलाई तितरबितर पारेपछि एक समूहले कोटेश्वरस्थित भाटभटेनीमा गएर लुटपाट गरेको थियो ।

लुटपाट गर्ने समूहलाई सुरक्षागार्ड पराजुलीसहिको टोलीले प्रतिकार गरेको थियो । सुरक्षागार्डले लाठीचार्ज गरेको भिडियो फुटेज बाहिरिएपछि उनीहरूको प्रशंसा भएको थियो । बाह्रखरी

मुन्ना मिश्रा,१९ गते चैत । 

बर्दिया । महिला लघुवित्त वित्तिय संस्था लिमिटेड राजापुर शाखामा केन्द्र प्रमुख कार्यशाला गोष्ठी तथा वित्तिय साक्षरता कार्यक्रम आज सम्पन्न भएको छ ।

लुम्बिनी प्रदेश अन्तर्गतका शाखा कार्यालयहरुमा यही चैत्र १८ गते देखि दुधराँस शाखाबाट शूरु भएको सो कार्यक्रम आज दोस्रो दिन राजापुर र श्रीगाउँमा सम्पन्न भएको छ । उक्त कार्यक्रम निरन्तर रुपमा संचालन भइरहेको सुनिका नेपालगन्जका प्रमुख अम्मर बहादुर सिंह ले जानकारी दिनुभयो ।

राजापुरको कार्यक्रममा ३९ केन्द्रका केन्द्र प्रमुख,उपप्रमुख लाई वित्तिय साक्षरता तालिम दिएको थियो । साथै सुनिका नेपालगन्ज प्रमुख अम्मर बहादुर सिंहले समग्र महिला लघुवित्तको हालको अवस्था बारे जानकारी गराउँदै कर्जाको सदुपयोग कसरी गर्ने ,सफल ब्यबसायी कसरी बन्ने तथा धेरै संस्था बाट कर्जा कारोबार गर्दा ग्राहक लाई पर्ने नकारात्मक असर बारे प्रशिक्षण दिनुका साथै बचत गर्दा हुने फाईदाका बारेमा समेत सहभागीहरुलाई प्रशिक्षण दिनुभएको थियो ।

सो कार्यक्रममा उत्कृष्ट ऋणी, उत्कृष्ट बचत कर्ता,उत्कृष्ट केन्द्र प्रमुख,उपप्रमुख, उत्कृष्ट केन्द्रहरु लगायत ६ विधामा सहभागीलाई सम्मान तथा प्रमाणपत्र बितरण गरिएको थियो ।

आज राजापुरमा केन्द्र प्रमुख कार्यशाला गोष्ठी तथा वित्तिय साक्षरता कार्यक्रमको उदघाटन गर्दै ईलाका प्रहरी कार्यालय राजापुरका प्रहरी निरीक्षक नवीन थापा मगर ले यो संस्थाले महिलालाई स्वरोजगार उद्यमशिलतामा आत्मनिर्भर बन्न सहयोग पुर्याएको र वित्तीय संस्थाबाट कर्जा प्रयोग गर्दा हुने फाइदाबारे बताउनु भएको थियो ।

उक्त कार्यक्रममा लुम्बिनी प्रदेश अन्तर्गत सुनिका कार्यालय नेपालगन्जका प्रमुख अम्मर बहादुर सिंह, शाखा कार्यालय गुलरियाका प्रमुख आयुष न्यौपाने, शाखा कार्यालय राजापुरका प्रमुख बिष्णु प्रसाद चौधरी, कर्मचारी ईन्द्र प्रकाश चौधरी र रामी चौधरी को उपस्थिति रहेको थियो ।