आरके श्रीवास्तव,रौतहट,०८ गते असार ।

रौतहटको दक्षिणी भेगस्थित इशनाथ नगरपालिका को १३औँ नगरसभा सम्पन्न भएको छ । नगरसभामा आगामी आर्थिक वर्ष २०८३÷८४ का लागि ५२ करोड ३० लाख ७० हजार रुपैयाँको बजेट प्रस्तुत गरिएको छ । नगरसभामा नगरको समग्र विकास, आधारभूत सेवा प्रवाहको सुदृढीकरण, पूर्वाधार निर्माण, शिक्षा, स्वास्थ्य, कृषि तथा सामाजिक विकासलाई प्राथमिकतामा राख्दै बजेट प्रस्तुत गरिएको हो ।

नगरसभालाई सम्बोधन गर्दै नगरप्रमुख कौश्लया देवीले नगरवासीको आवश्यकता र अपेक्षालाई केन्द्रमा राखेर बजेट तथा कार्यक्रम तर्जुमा गरिएको बताइन् । उनले सीमित स्रोत–साधनका बाबजुद नगरको दिगो विकास, सुशासन र जनमैत्री सेवा प्रवाहलाई थप प्रभावकारी बनाउने प्रतिबद्धता व्यक्त गरिन् ।

नगरप्रमुख देवीले विकास निर्माणका कार्यलाई पारदर्शी र परिणाममुखी बनाउँदै नगरलाई समृद्धिको दिशामा अघि बढाइने बताइन् । त्यसैगरी उपप्रमुख मो.परवेजले प्रस्तुत बजेटले नगरका सबै वडालाई समेट्ने गरी सन्तुलित विकासको अवधारणालाई आत्मसात गरेको बताए । उनले शिक्षा, स्वास्थ्य, खानेपानी, कृषि तथा रोजगारी सिर्जनासँग सम्बन्धित कार्यक्रमलाई प्रभावकारी रूपमा कार्यान्वयन गरिने उल्लेख गरे ।

नगरसभामा बोल्दै प्रमुख प्रशासकिय अधिकृत महमद नावाज हुसेनले बजेट कार्यान्वयनलाई पारदर्शी, उत्तरदायी र प्रभावकारी बनाइने बताए । उनले नगरपालिकाको प्रशासनिक संयन्त्रलाई थप चुस्त बनाउँदै सेवा प्रवाहमा सुधार ल्याउने तथा विकास योजनाको समयमै सम्पन्नतामा विशेष ध्यान दिइने जानकारी दिए ।

नगरसभाबाट आगामी आर्थिक वर्षका नीति, कार्यक्रम तथा बजेटमाथि छलफल गरी आवश्यक निर्णयहरू समेत पारित गरिएको जनाइएको छ । नगरपालिकाले प्रस्तुत बजेटमार्फत पूर्वाधार विकास, सामाजिक क्षेत्रको सुदृढीकरण तथा आर्थिक गतिविधिको प्रवद्र्धनलाई प्राथमिकतामा राखेको जनाएको छ ।

बज्जिकाञ्चल संवाददाता÷रौतहट÷असार ८ गते ।

रौतहटको देवाही गोनाही नगरपालिकाको ११ औँ नगरसभा तथा आर्थिक वर्ष २०८३÷८४ को नीति, कार्यक्रम र बजेट सभा सोमबार सम्पन्न भएको छ । “समृद्ध देवाही गोनाही, सुशासन र दिगो विकास हाम्रो प्रतिबद्धता” भन्ने मूल नाराका साथ नगर कार्यपालिकाको कार्यालय प्रेमपुर गोनाहीमा आयोजित नगरसभामा आगामी आर्थिक वर्षका लागि ४४ करोड ६८ लाख ६५ हजार रुपैयाँ बराबरको बजेट प्रस्तुत गरिएको लेखाप्रमुख प्रदिप यादवले जानकारी गराउनु भएको हो । नगर प्रमुख प्रेमलाल साहको अध्यक्षतामा सम्पन्न नगरसभामा उपप्रमुख परनिया देवी पटेलको तर्फबाट वडा नं. ४ का वडा अध्यक्ष रामप्रवेश प्रसाद पटेलले नीति, कार्यक्रम तथा बजेट प्रस्तुत गर्नुभएको थियो। प्रस्तुत बजेटले नगरपालिकाको समग्र विकास, सुशासन प्रवद्र्धन तथा नागरिकको जीवनस्तर उकास्ने लक्ष्य लिएको जनाइएको छ ।

नगरपालिकाले आगामी आर्थिक वर्षका लागि शिक्षा, स्वास्थ्य, कृषि, खानेपानी, सरसफाइ, पूर्वाधार विकास, महिला तथा बालबालिका सशक्तीकरण, युवा स्वरोजगार, सामाजिक सुरक्षा तथा विपद् व्यवस्थापनका कार्यक्रमलाई प्राथमिकतामा राखेको देवाहीगोनाही नगरपालिकाका प्रमुख प्रशासकिय अधिकृत पवन कुमार केसरीले जानकारी गराउनु भयो । विशेषगरी कृषिलाई नगरको अर्थतन्त्रको मुख्य आधारका रूपमा विकास गर्दै उत्पादन वृद्धि, आधुनिक कृषि प्रविधिको प्रयोग तथा किसानलाई प्रोत्साहन गर्ने योजनाहरू बजेटमा समेटिएका छन्। त्यसैगरी गुणस्तरीय शिक्षाको पहुँच विस्तार, विद्यालयहरूको भौतिक पूर्वाधार सुधार, स्वास्थ्य संस्थाहरूको सेवा सुदृढीकरण तथा आधारभूत स्वास्थ्य सेवाको पहुँच सुनिश्चित गर्ने कार्यक्रमहरू पनि बजेटमा समावेश गरिएको छ । नगर क्षेत्रमा सडक, नाला, कल्भर्ट तथा अन्य भौतिक संरचनाको निर्माण र स्तरोन्नतिलाई समेत प्राथमिकतामा राखिएको छ। प्रस्तुत बजेटमा बेरोजगार युवाहरूका लागि सीपमूलक तालिम, उद्यमशीलता विकास तथा स्वरोजगार प्रवद्र्धनका कार्यक्रम सञ्चालन गरिने उल्लेख गरिएको छ ।

साथै महिला, दलित, जनजाति, पिछडिएका वर्ग तथा विपन्न समुदायको सामाजिक तथा आर्थिक सशक्तीकरणका लागि विभिन्न लक्षित कार्यक्रम सञ्चालन गरिने जनाइएको छ । नगरसभालाई सम्बोधन गर्दै नगर प्रमुख प्रेमलाल साहले नगरवासीको आवश्यकता र अपेक्षालाई केन्द्रमा राखेर नीति तथा कार्यक्रम तयार गरिएको बताउनुभयो। उहाँले सीमित स्रोत–साधनका बाबजुद नगरको समग्र विकास, सुशासन कायम गर्ने तथा जनतालाई प्रभावकारी सेवा प्रवाह गर्ने प्रतिबद्धता व्यक्त गर्नुभयो । विकास निर्माणका कामलाई पारदर्शी, उत्तरदायी र परिणाममुखी बनाइने उहाँको भनाइ थियो ।

सभामा सहभागी जनप्रतिनिधिहरूले प्रस्तुत नीति तथा कार्यक्रमले नगरको समग्र विकासमा टेवा पुग्ने विश्वास व्यक्त गरेका थिए। विभिन्न वडाका अध्यक्षहरूले आ–आफ्नो क्षेत्रका आवश्यकता र प्राथमिकताबारे सुझाव प्रस्तुत गर्दै विकास योजनाको प्रभावकारी कार्यान्वयनमा जोड दिएका थिए । नगरसभामा वडा नं. १ देखि ९ सम्मका वडा अध्यक्ष, कार्यपालिका सदस्य, वडा सदस्य, विभिन्न राजनीतिक दलका प्रतिनिधि, बुद्धिजीवी, समाजसेवी, शिक्षक, कर्मचारी, नेपाल प्रहरी, सशस्त्र प्रहरी बलका प्रतिनिधि तथा सञ्चारकर्मीहरूको उल्लेखनीय सहभागिता रहेको थियो । नगरसभाले प्रस्तुत नीति, कार्यक्रम तथा बजेटमाथि छलफल गरी पारित गरेको छ। सभाबाट नगरको दिगो विकास, सुशासन प्रवद्र्धन, सेवा प्रवाहमा सुधार तथा नागरिकको जीवनस्तर उकास्ने लक्ष्यसहित आगामी आर्थिक वर्षका कार्यक्रमहरू प्रभावकारी रूपमा कार्यान्वयन गर्ने प्रतिबद्धता व्यक्त गरिएको छ ।

शिवनाथ कुशवाहा ,रौतहट,०८ गते असार । रौतहट । गढीमाई नगरपालिकाको १३औँ नगरसभा सम्पन्न भएको छ । नगरसभामा आर्थिक वर्ष २०८३÷०८४ का लागि ५९ करोड २२ लाख ५५ हजार रुपैयाँ बराबरको अनुमानित आय–व्यय, नीति तथा कार्यक्रम नगर प्रमुख श्याम प्रसाद यादवले एक कार्यक्रमबीच प्रस्तुत गर्नुभएको छ । नगरसभाको उद्घाटन मधेश प्रदेशका मुख्यमन्त्री कृष्ण प्रसाद यादवले दीप प्रज्वलन गरी गर्नुभएको थियो ।

उद्घाटन समारोहलाई सम्बोधन गर्दै मुख्यमन्त्री यादवले गढीमाई नगरपालिकाको विकास तथा सञ्चालनका लागि चालु आर्थिक वर्षमा मधेश प्रदेश सरकारबाट ३० करोड रुपैयाँ बजेट विनियोजन गरिएको जानकारी दिनुभयो । उहाँले आफू मुख्यमन्त्री रहेसम्म नगरपालिकाभित्रका अधुरा विकास योजनाहरू सम्पन्न गर्ने प्रतिबद्धता व्यक्त गर्दै प्रतिनिधिसभा क्षेत्र नम्बर–४ अन्तर्गत पर्ने यस क्षेत्रलाई अन्य स्थानीय तहका लागि नमुना नगरका रूपमा स्थापित गरिने बताउनुभयो ।

मुख्यमन्त्री यादवले मधेश प्रदेशका किसानहरूलाई खेतीपातीका लागि पर्याप्त विद्युत् सुविधा उपलब्ध हुन नसकेको उल्लेख गर्दै सिँचाइ तथा कृषि कार्यलाई सहज बनाउन किसानहरूका लागि सोलार चार्जबाट सञ्चालन हुने बत्ती जडान गर्ने योजना रहेको समेत जानकारी दिनुभयो । कार्यक्रममा नगर उपप्रमुख स्मिता कुमारी यादव, प्रमुख प्रशासकीय अधिकृत इन्द्रदेव पाण्डेय, वडा नम्बर १ देखि ९ सम्मका निर्वाचित जनप्रतिनिधि, वडा अध्यक्षहरू, नगरपालिकाका कर्मचारी, महिला नगर प्रहरी, नेपाल प्रहरी तथा विभिन्न क्षेत्रका सयौँ सर्वसाधारणको उपस्थिति रहेको थियो ।

नगरसभामा प्रस्तुत बजेट तथा नीति–कार्यक्रममार्फत पूर्वाधार विकास, शिक्षा, स्वास्थ्य, कृषि तथा सामाजिक क्षेत्रलाई प्राथमिकतामा राख्दै समग्र नगरको दिगो विकासलाई अघि बढाउने लक्ष्य लिइएको नगरपालिकाले जनाएको छ । यद्यपि, सभामा बोल्ने अवसर नदिएको भन्दै वडा नम्बर १ का वडाध्यक्ष रामपुकार यादव ले असन्तुष्टि जनाउनुभएको छ । उहाँले नगरसभा औचित्यहीन बनेको आरोप समेत लगाउनुभएको छ ।

काठमाडौँ । जल तथा मौसम विज्ञान विभागले हाल कोशी, मधेश र बागमती प्रदेशका सम्पुर्ण भू-भाग, गण्डकी प्रदेशको केही भू-भाग र लुम्बिनी प्रदेशको पूर्वी भू-भागको थोरै स्थानमा मनसुनी वायूको प्रभाव रहेको छ र अन्य भू-भागमा पश्चिमी वायू र स्थानीय वायूको आंशिक प्रभाव रहेको जानकारी दिएको छ ।

हाल कोशी,मधेश, बागमती, गण्डकी र लुम्बिनी प्रदेशमा साधारणतया बादल लागेको छ । कर्णाली र सुदूरपश्चिम प्रदेशको पहाडी र हिमाली भू-भागमा साधारणतया बादल लागेको छ । सुदूरपश्चिम प्रदेशको तराई भू-भागमा मौसम मुख्यतया सफा रहेको छ । कोशी प्रदेशको थोरै स्थानमा तथा बागमती, गण्डकी, लुम्बिनी र कर्णाली प्रदेशका एक-दुई स्थानमा मेघगर्जन/चट्याङ्ग सहित मध्यमसम्मको वर्षा भइरहेको छ ।

आज दिउँसो देशका हिमाली र पहाडी भू-भाग साथै कोशी प्रदेशका तराई भू-भागमा साधारणतया बादल लाग्नेछ । मधेश प्रदेश तथा  बागमती र  गण्डकी प्रदेशको तराई भू-भागमा आंशिक बादल लाग्नेछ । लुम्बिनी र सुदूरपश्चिम प्रदेशको तराई भू-भागमा मौसम मूख्यतया सफा रहनेछ । कोशी, बागमती र गण्डकी प्रदेशका हिमाली र पहाडी भू-भागका थोरै स्थानमा तथा लुम्बिनी, कर्णाली र सुदूरपश्चिम प्रदेशका हिमाली र पहाडी भू-भागका एक-दुई स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ। कोशी प्रदेशका तराई भू-भागका थोरै स्थानमा र मधेश प्रदेश तथा बागमती र गण्डकी प्रदेशका तराईको एक-दुई स्थानमा मेघगर्जन/चट्याङ्ग सहित मध्यमसम्मको वर्षाको सम्भावना छ । लुम्बिनी र सुदूरपश्चिम प्रदेशका तराई भू-भागका केही स्थानहरूमा तातो लहर तथा बागमती र गण्डकी प्रदेशका तराई भू-भागका केही स्थानमा पनि  तातो दिन हुने सम्भावना छ ।

त्यस्तै राति कोशी, बागमती र गण्डकी प्रदेशका हिमाली र पहाडी भू-भाग  साथै कोशी प्रदेशका तराई भू-भागमा साधारणतया बादल लाग्नेछ । मधेश प्रदेश तथा लुम्बिनी, कर्णाली र सुदूरपश्चिम प्रदेशको हिमाली र पहाडी भू-भागमा र बागमती, गण्डकी प्रदेशको तराई भू-भागमा आंशिक बादल  लाग्नेछ । लुम्बिनी,र सुदूरपश्चिम प्रदेशको तराई भू-भागमा मौसम मूख्यतया सफा रहनेछ । कोशी प्रदेशको हिमाली र पहाडी भू-भागका केही स्थानमा तथा बागमती र गण्डकी प्रदेशका हिमाली र पहाडी  भू-भागका थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ । कोशी प्रदेशका तराई भू-भागका थोरै स्थानमा तथा मधेश प्रदेशको तराईका एक-दुई स्थानमा मेघगर्जन/चट्याङ्ग सहित मध्यमसम्मको वर्षाको सम्भावना छ ।एभरेष्ट न्यूज एजेन्सी

काठमाडौँ । चितवनमा जारी राष्ट्रिय स्वतन्त्र पार्टी (रास्वपा) को प्रथम महाधिवेशनको दोस्रो दिनको कार्यतालिका सार्बजनिक भएको छ ।

दोस्रो दिनको बन्दसत्र उद्योग सङ्घको प्रदर्शनी केन्द्रमा हुदैछ । महामन्त्री कविन्द्र बुर्लाकोटीका अनुसार आज दोस्रो सत्रको प्रारम्भ बिहान साढे ८ बजेदेखि हुनेछ । दोस्रो दिन अनुशासन आयोगले प्रतिवेदन प्रस्तुत गर्ने छ भने त्यसपछि कोषाध्यक्ष लिमा अधिकारीले आर्थिक प्रतिवेदन प्रस्तुत गर्ने छन् । त्यसपछि १० बजेदेखि १०: ४५ बजेसम्म महामन्त्री कविन्द्र बुर्लाकोटीले संगठनात्मक प्रतिवेदन प्रस्तुत गर्ने छन् र त्यसमा छलफल हुने छ ।

त्यस्तै आज ११: ४५ बजेदेखि सभापति रवि लामिछानेले राजनीतिक प्रतिवेदन पेश गर्ने छन् ।  प्रतिवेदन पारित गरेपछि पार्टीको अन्तरिम व्यवस्थापन समिति घोषणा गरेर आयोजक समितिले सम्पूर्ण जिम्मेवारी निर्वाचन आयोगलाई दिने महामन्त्री बुर्लाकोटीले जानकारी दिएका छन् ।

त्यसपछि रास्वपाको निर्वाचन आयोगले यस अघि सार्बजनिक गरेको कार्यतालिका अनुसारको निर्वाचनको प्रक्रिया शुरु हुने कार्यतालिका रहेको छ ।एभरेष्ट न्यूज एजेन्सी

काठमाडौँ । विश्वकपमा पहिलो पटक सहभागी बनेको केप भेर्डेको प्रभावशाली यात्रा जारी रहँदा उसले दुई पटकको च्याम्पियन उरुग्वेसँग २-२ गोलको रोमाञ्चक बराबरी खेलेको छ ।

समूह ‘एच’ अन्तर्गत भएको खेलमा केप भेर्डेले सुरुआती अग्रता लिए पनि उरुग्वेले पुनरागमन गर्दै खेलमा प्रतिस्पर्धात्मक प्रदर्शन गरेको थियो ।

स्पेनसँग गोलरहित बराबरी खेलेर सबैलाई चकित पारेको केप भेर्डेले २१औँ मिनेटमा केभिन पिनाको लामो दूरीको फ्रिकिकमार्फत अग्रता बनाएको थियो । उनको प्रहार रक्षापंक्तिको बीचबाट हुँदै जाली चुमेको थियो ।

अग्रता लिएपछि केप भेर्डे आक्रामक बनेको थियो । तर त्यसक्रममा रक्षापंक्तिमा खाली ठाउँ छाड्दा उरुग्वेले त्यसको फाइदा उठायो ।

माक्सी अराउजोले सिड्नी लोपेस काब्रालले आफ्नै पोस्टतर्फ फर्काएको बललाई हेडमार्फत गोल गर्दै खेल १-१ गोलको बराबरीमा ल्याएका थिए ।

त्यसपछि पहिलो हाफको इन्जुरी समयमा अगुस्टिन कानोबियोले अराउजोकै पासलाई नजिकबाट गोलमा परिणत गर्दै उरुग्वेलाई २-१ को अग्रता दिलाएका थिए । उरुग्वेको निरन्तर दबाबका कारण केप भेर्डेलाई आक्रमण निर्माण गर्न कठिनाइ भइरहेको थियो । तर उसले हार मानेन र खेलमा पुनरागमन गर्‍यो ।

उरुग्वेका रक्षक मथियास ओलिभेराले आफ्नै क्षेत्रमा बल पास गर्ने क्रममा हेलियो भारेलालाई नदेख्दा त्यसको महँगो मूल्य चुकाउनुपर्‍यो । भारेलाले बल नियन्त्रण गर्दै गोलरक्षकलाई छलाएर खाली पोस्टमा गोल गर्दै खेल २-२ को बराबरीमा ल्याए ।

उरुग्वेले अन्तिम समयमा विजयी गोल गर्ने अवसर पनि पाएको थियो । फेडेरिको भाल्भेर्डेले गरेको गोल अफसाइडका कारण मान्यता पाएन । इन्जुरी समयमा दुवै टोलीले थप अवसर सिर्जना गरे पनि निर्णायक तेस्रो गोल भने निस्कन सकेन ।

दुई खेलबाट समान दुई अंक जोडेको उरुग्वे दोस्रो तथा केप भेर्डे तेस्रो स्थानमा रहेका छन् । दुवै टोलीको अन्तिम ३२ मा पुग्ने सम्भावना अझै कायम रहेको छ ।एभरेष्ट न्यूज एजेन्सी

काठमाडौँ । जारी फिफा विश्वकपको समूह ‘जी’ को सुरुवाती खेलमा दुवै टोली बराबरीमा रोकिएपछि न्युजिल्यान्ड र इजिप्ट अब क्यानडामा हुने महत्वपूर्ण खेलमा आमनेसामने हुँदै छन् । यो खेल समूह चरणको समीकरण बदल्न सक्ने निर्णायक मानिएको छ ।

यो खेल नेपाली समय अनुसार आज बिहान ६: ४५ बजेदेखि शुरु हुदैछ ।

इजिप्टले सुरुवाती खेलमा बेल्जियमसँग बराबरी खेलेको थियो भने न्युजिल्यान्ड पनि इरानसँग दुई पटक अग्रता जोगाउन नसक्दा खेल बराबरीमै सकिएको थियो । यससँगै समूह ‘जी’ का चारै टोली एक-एक अंकमा छन् ।

न्युजिल्यान्डका लागि इलिजाह जस्ट उत्कृष्ट लयमा देखिएका छन् । उनले इरानविरुद्ध दुई गोल गर्दै विश्वकप खेलमा दुईभन्दा बढी गोल गर्ने पहिलो न्युजिल्यान्ड खेलाडी बनेका छन् । पहिले अर्ध-व्यवसायिक टोली मानिने न्युजिल्यान्ड पछिल्ला वर्षमा प्रतिस्पर्धी टोलीका रूपमा उदाएको छ । उनीहरूले पछिल्ला चार विश्वकप खेल लगातार बराबरी खेलेका छन्।

टोलीका कप्तान क्रिस उडले इरानविरुद्ध जस्टका दुवै गोलमा अवसर सिर्जना गरेका थिए । उनले आक्रामक दबाब पनि बनाउँदै टोलीलाई अग्रसर गराएका थिए ।

यता इजिप्टका लागि इतिहास अझै कठिन छ । सन् १९३४ देखि विश्वकप खेल्न थाले पनि उनीहरू अझै पहिलो जितको खोजीमा छन् ।

बेल्जियमविरुद्धको खेलमा इमाम आशुरले १९ मिनेटमै गोल गर्दै टोलीलाई अग्रता दिलाएका थिए, जुन इजिप्टको विश्वकपमा सबैभन्दा छिटो गोल हो। तर त्यो अग्रता टिकेन ।

पहिलो पटक विश्वकपमा इजिप्ट हाफ टाइमसम्म अग्रतामा भए पनि मोहम्मद हानीको आफ्नै गोलले बेल्जियमलाई खेलमा फर्कायो र इजिप्टको जितको अवसर गुम्यो ।

अफ्रिकाको सात पटकको च्याम्पियन इजिप्टका लागि अहिले पनि सबैभन्दा ठूलो आशा मोहम्मद सलाह हुन् । उनले छनोट चरणमा उत्कृष्ट प्रदर्शन गरेका थिए र बेल्जियमविरुद्ध पनि गोलमा भूमिका खेलेका थिए ।

१८ वर्षका युवा फरवार्ड हम्जा अब्देलकरीमले पनि डेब्यु गर्दै इजिप्टको नयाँ पुस्ताको संकेत दिएका छन् । तर प्रशिक्षक होसम हसनले फेरि सलाहसँग ओमर मरमौसलाई आक्रमणमा उतार्ने सम्भावना छ ।

न्युजिल्यान्ड र इजिप्टबीचको भेट अहिलेसम्म विश्वकपमा भएको छैन । न्युजिल्यान्डले कुनै पनि अफ्रिकी टोलीसँग विश्वकपमा खेलेको यो पहिलो अवसर हुनेछ । तर समग्रमा इजिप्ट न्युजिल्यान्डविरुद्ध अपराजित छ । उनीहरूले पहिले दुई जित र एक बराबरी निकालेका छन्। पछिल्लो भेट भने दुई वर्षअघि काइरोमा भएको मैत्रीपूर्ण खेलमा इजिप्टले १-० ले जितेको थियो ।एभरेष्ट न्यूज एजेन्सी

काठमाडौँ । जल तथा मौसम विज्ञान विभागले  हाल कोशी प्रदशको केहि स्थानमा मनसुनी वायूको प्रभाव रहेको छ र अन्य भू-भागमा पश्चिमी वायू, स्थानीय वायू प्रभाव रहेको जानकारी दिएको छ ।

हाल  कोशी प्रदेश सहित देशका हिमाली र पहाडी साधारणतया बादल लागेको छ । मधेश र बागमतीको तराईमा आंशिक बादल र लुम्बिनी र कर्णाली प्रदेशको तराई भू-भागमा मौसम मूख्यतया सफा रहेको छ। कोशी, बागमती,गण्डकी र सुदूरपश्चिम प्रदेशका थोरै स्थानमा स्थानमा हल्का वर्षा भइरहेको छ ।

आज दिउँसो देशका हिमाली र पहाडी भू-भाग साथै कोशी प्रदेशका तराई भू-भागमा साधारणतया बादल लाग्नेछ । मधेश, बागमती, गण्डकी प्रदेशमा आंशिक बादल लाग्नेछ । लुम्बिनी र सुदूरपश्चिम प्रदेशको तराई भू-भागमा मौसम मूख्यतया सफा रहनेछ । कोशी प्रदेशका हिमाली र पहाडी भू-भागका केही स्थानमा तथा बागमती र गण्डकी प्रदेशका हिमाली र पहाडी भू-भागका थोरै स्थानमा, लुम्बिनी, कर्णाली र सुदूरपश्चिम प्रदेशका हिमाली र पहाडी भू-भागका एक-दुई स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ। कोशी प्रदेशका तराई भू-भागका थोरै स्थानमा तथा मधेश प्रदेशको एक-दुई स्थानमा मेघगर्जन/चट्याङ्ग सहित मध्यमसम्मको वर्षाको सम्भावना छ । लुम्बिनी र सुदूरपश्चिम प्रदेशका तराई भू-भागका केही स्थानहरूमा तातो लहर तथा बागमती र गण्डकी प्रदेशका तराई भू-भागका केही स्थानमा पनि  तातो दिन हुने सम्भावना छ ।

त्यस्तै आज राति कोशी, बागमती र गण्डकी प्रदेशका हिमाली र पहाडी भू-भाग  साथै कोशी प्रदेशका तराई भू-भागमा साधारणतया बादल लाग्नेछ । मधेश प्रदेश र लुम्बिनी, कर्णाली र सुदूरपश्चिम प्रदेशको हिमाली र पहाडी भू-भागमा आंशिक बादल तथा बागमती, गण्डकी, लुम्बिनी,र सुदूरपश्चिम प्रदेशको तराई भू-भागमा मौसम मूख्यतया सफा रहनेछ । कोशी, बागमती र गण्डकी प्रदेशका हिमाली र पहाडी भू-भागका थोरै स्थानमा मेघगर्जन/चट्याङ्ग सहित मध्यमसम्मको वर्षा/हिमपातको सम्भावना छ । मधेश प्रदेशमा र कोशी प्रदेशको तराईका थोरै स्थानमा   मेघगर्जन/चट्याङ्ग सहित मध्यमसम्मको वर्षाको सम्भावना छ ।एभरेष्ट न्यूज एजेन्सी

आजको राशिफल बिस २०८३ असार ८ गते सोमबार ईस २०२६ जुन २२ नेपाल सम्बत ११४६ तछलाथ्व अष्टमी, रौद्र नाम संवत्सर सूर्य उत्तरायण, गृष्म ऋतु, जेठ शुक्ल अष्टमी, चन्द्रमा कन्या राशिमा, उत्तरफाल्गुनी नक्षत्र, व्यतिपात योग, बव करण । आज नेपालमा सुर्योदय बिहान ५ बजेर ९ मिनेटमा र सूर्यास्त साँझ ७ बजेर ३ मिनेटमा हुनेछ ।

आज जन्म लिने बच्चा कन्या राशीको हुनेछ ।

मेष (चु, चे, चो, ला, लि, लु, ले, लो, अ) –

आज आत्मविश्वास र ऊर्जा बढ्नेछ। काममा रोकिएका योजना अघि बढ्ने सम्भावना छ। नयाँ जिम्मेवारी आउन सक्छ र तपाईंले त्यसलाई राम्रोसँग सम्हाल्न सक्नुहुनेछ। आर्थिक पक्ष सामान्य सुधारतर्फ देखिए पनि खर्चमा नियन्त्रण गर्नु आवश्यक हुनेछ। परिवारमा खुसीको वातावरण बन्न सक्छ। साथीभाइसँगको सम्बन्ध सुमधुर रहनेछ। स्वास्थ्य सामान्य रहनेछ तर आराममा ध्यान दिनु राम्रो हुन्छ।

वृष (इ, उ, ए, ओ, वा, वि, वु, वे, वो) –

आज धैर्य र व्यवहारिक सोचले राम्रो परिणाम दिलाउनेछ। कार्यक्षेत्रमा साना समस्या आए पनि समाधान सम्भव हुनेछ। पुराना प्रयासबाट लाभ मिल्ने संकेत छन्। आर्थिक अवस्था स्थिर रहनेछ। परिवारमा आपसी समझदारी बढ्नेछ र सम्बन्ध अझ मजबुत बन्नेछ। अनावश्यक विवादबाट टाढा रहनु राम्रो हुनेछ। मानसिक शान्तिले दिन सहज बनाउनेछ।

मिथुन (का, कि, कु, घ, ङ, छ, के, को, ह) –

आज व्यस्तता बढ्नेछ तर उपलब्धिमूलक रहनेछ। धेरै जिम्मेवारी एकैपटक सम्हाल्नुपर्ने हुन सक्छ। सहकर्मीको सहयोग मिल्नेछ। आर्थिक पक्ष सामान्य रहनेछ तर खर्च बढ्न सक्छ, त्यसैले योजना बनाएर चल्नु राम्रो हुन्छ। परिवारसँग समय बिताउँदा मन हल्का हुनेछ। नयाँ परिचय भविष्यका लागि उपयोगी बन्न सक्छ।

कर्कट (हि, हु, हे, हो, डा, डि, डु, डे, डो) –

आज परिवारसँग समय बिताउने अवसर मिल्नेछ। घरमा खुसी र शान्त वातावरण बन्न सक्छ। पुराना तनाव कम हुँदै जानेछन्। कार्यक्षेत्रमा मेहनतको कदर हुनेछ। आर्थिक पक्षमा सुधार देखिन सक्छ। स्वास्थ्य सामान्य रहनेछ र मानसिक शान्ति प्राप्त हुनेछ। आत्मविश्वास बढ्ने दिन हो।

सिंह (मा, मि, मु, मे, मो, टा, टि, टु, टे) –

आज नेतृत्व क्षमता देखाउने राम्रो अवसर मिल्नेछ। तपाईंका विचारलाई महत्व दिइनेछ। आर्थिक रूपमा दिन राम्रो देखिए पनि ठूला निर्णय गर्दा सावधानी आवश्यक छ। सामाजिक क्षेत्रमा सम्मान बढ्न सक्छ। परिवारको सहयोगले आत्मबल बढ्नेछ। ऊर्जा उच्च रहनेछ र काममा उत्साह बढ्नेछ।

कन्या (टो, प, पि, पु, ष, ण, ठ, पे, पो) –

आज अध्ययन र सिकाइका लागि राम्रो दिन हो। नयाँ ज्ञान प्राप्त हुने सम्भावना छ। काममा सुधार देखिए पनि धैर्य आवश्यक हुनेछ। आर्थिक अवस्था सामान्य रहनेछ। परिवारमा सानो खुसीको वातावरण बन्न सक्छ। यात्रा वा बाहिरी कामबाट लाभ मिल्ने सम्भावना छ। स्वास्थ्यमा सामान्य ध्यान दिनु राम्रो हुन्छ।

तुला (रा, रि, रु, रे, रो, ता, ति, तु, ते) –

आज आर्थिक पक्षमा सुधारका संकेत देखिन्छन्। रोकिएको रकम फिर्ता हुन सक्छ वा नयाँ आम्दानीका बाटो खुल्न सक्छन्। काममा सहकर्मीको सहयोग मिल्नेछ। परिवारमा खुसीको वातावरण रहनेछ। सामाजिक सक्रियता बढ्नेछ। आत्मविश्वास बढ्ने भएकाले नयाँ योजना सुरु गर्न उपयुक्त दिन हो।

वृश्चिक (तो, ना, नि, नु, ने, नो, या, यि, यु) –

आज मेहनतको राम्रो फल प्राप्त हुने दिन हो। प्रतिस्पर्धामा सफलता मिल्ने सम्भावना छ। आर्थिक लाभका अवसर देखिन सक्छन्। परिवारमा खुसीको समाचार आउन सक्छ। सम्बन्धमा विश्वास बढ्नेछ। नयाँ योजना भविष्यका लागि उपयोगी बन्न सक्छ। स्वास्थ्य सामान्य रहनेछ।

धनु (ये, यो, भ, भि, भु, ध, फा, ढ, भे) –

आज उत्साह र ऊर्जा उच्च रहनेछ। नयाँ अवसरहरू प्राप्त हुन सक्छन्। काममा प्रगति देखिनेछ। यात्रा वा बाहिरी कामबाट लाभ मिल्न सक्छ। सामाजिक क्षेत्रमा सम्मान बढ्नेछ। परिवारसँग सम्बन्ध राम्रो रहनेछ। आत्मविश्वासले दिनलाई सफल बनाउनेछ।

मकर (भो, ज, जि, खि, खु, खे, खो, गा, गि) –

आज जिम्मेवारी बढ्न सक्छ तर धैर्यले काम सहज बनाउनेछ। खर्चमा ध्यान दिनु आवश्यक छ। परिवारको सहयोगले मनोबल बढ्नेछ। काममा दबाब आउन सक्छ। स्वास्थ्यमा थकान हुन सक्छ, आराम आवश्यक छ। दिनको अन्त्यतिर सन्तोष मिल्नेछ।

कुम्भ (गु, गे, गो, सा, सि, सु, से, सो, द) –

आज नयाँ योजना सुरु गर्न उपयुक्त दिन हो। काममा प्रगति देखिनेछ। साथीभाइको सहयोग मिल्नेछ। आर्थिक पक्षमा सुधार आउने संकेत छन्। परिवारमा खुसीको वातावरण रहनेछ। सामाजिक सम्बन्ध विस्तार हुनेछ। आत्मविश्वास बढ्ने दिन हो।

मीन (दि, दु, थ, झ, ञ, दे, दो, च, ची) –

आज मिश्रित दिन रहनेछ। केही काम सहज बन्नेछन् भने केहीमा धैर्य आवश्यक हुनेछ। आर्थिक पक्षमा सावधानी अपनाउनु राम्रो हुन्छ। परिवारको साथले मन शान्त रहनेछ। निर्णय गर्दा हतार नगर्नु राम्रो हुन्छ। अन्त्यतिर राम्रो संकेत वा समाचार प्राप्त हुन सक्छ।एभरेष्ट न्यूज एजेन्सी