आरके श्रीवास्तव,रौतहट,भदौ १० गते ।
गरुडा नगर उधोग वाणिज्य संघका अध्यक्ष पदका उम्मेदवार संतोष कुमार चौधरीले बहुमत आफनो पक्षमा रहेको भन्दै जित सुनिश्चित रहेको दाबी गरेका छन् । आफनो पक्षमा अपार बहुमत रहेकोले आफनो जित कसैले रोक्न नसक्ने अध्यक्षका उम्मेदवार चौधरीको दावी छ ।
चौधरीले पत्रकारहरुसंग कुरागर्दै अघि भने, मेरो जितको अवस्था सुनिश्चित छ । मलाई जिताउनका लागि सबै व्यापारी एकढिक्का भएर लागेका छन् । त्यसकारण म जित्छु भन्ने भान भएको छ । मलाई आर्थिक समृद्धिका बारेमा निकै अनुभव पनि छ । मेरो पक्षमा विगतका दिनदेखि महासंघलाई बुझेका निकै लामो समयदेखि जिम्मेवारीमा बसेका व्यक्तिहरू रहेका छन् ।
उनले अघि भने, ‘म व्यापारीको मर्म, भावना र समस्याहरू राम्रोसंग बुझेको छु । त्यसैले व्यापारीहरु मलाई अवश्य बहुमत दिएर विजयी गराउँछन, उनले भने, ।’
त्यस्तै अर्का उम्मेदवार सतिश साहले पत्रकारहरुसंगको कुराकानीमा भने, ‘यो चुनावमा मेरो जित निश्चित छ, किनभने विगत १२ वर्षदेखि मैले यस संस्थामा कार्यरत रही व्यापारीहरुको समस्या सुल्झाउँदै आएको छु । व्यापारीको पीडाहरूलाई कम गर्न लागि पनि मेरो उम्मेदवारी महत्वपूर्ण रहेको बताउँदै साहले आफु चुनाव जिते गरुडा नगरको समृद्धिमा कायापलट नै गर्ने बताए ।
साथै उनले आफू कुनै पार्टीको उम्मेदवार नभइ व्यपारीहरुको पार्टी रहेको बताएका छन् ।
एक अध्यक्ष र १३ जना सदस्य पदका लागि हुने निर्वाचनमा कुल ३३ जनाले चुनावी मैदानमा उत्रिएका छन् । भदौ १८ गते हुने संघको निर्वाचनमा कुल ९ सय ५२ जना मतदाता मतदान गर्न पाउने छन ।

रौतहट ०९,भाद्र
गरुडा नगरपालिकाका नगरप्रमुख कन्थमणी प्रसाद कलवार विरुद्ध झुटो प्रचारवाजी भएको बताएका छन । गरुडा नगरपालिका केहि वडाका अध्यक्षहरुले बिभिन्न मिडियामा गएर गलत प्रचारवाजी गरेको मेयर कलवारले बताएका हुन् । मेयर कलवारले आफै उपभोक्ता समिती बनेर पैसा निकालेको लगायतका बिषयमा वडा अध्यक्षहरुले झुटो मिडियावाजी गरेको उनको भनाई छ ।
उनले वडा अध्यक्षहरुले निकालिएको भनिएको रकम आ.व २०७७÷०७८ को भएको बताएका छ्न । तत्कालीन मेयर इनु राय यादवको पालामा दुर्गा मंदिर निर्माण गर्न २२ लाख रकम छुट्याईएको थियो । त्यस समय अहिलेका मेयर जयसवाल दुर्गा मन्दिर समितीका अध्यक्ष थिए । तत्कालीन मेयर यादवकै पालामा हालका मेयर कन्थमुनि प्रसाद कलवारको अध्यक्षतामा दुर्गा मंदिर उपभोक्ता समिति बनी निर्माणधीन कार्य भएको थियो । जसको भुक्तानी २०७९ मा भएको थियो । यस्तै मेयर कलवारलाई मोबाइल खरिदमा लगाईएको आरोपको समेत खण्डन गरेका छन । उनले नगरपालिकाबाट वडा अध्यक्षहरुले मोवाईल खरिदमा मेयरले एकलौटी निर्णय गरेको भनिएको कुरामा समेत कुनै सत्यता नरहेको बताएका छन । उनले नगरकार्यपालिकाको बैठक बसी गरिएको निर्णयलाई मेरो एकलौटी भनी गरिएको प्रचारले आफु अचम्मित भएको सुनाए । उनले वडाअध्यक्षहरुले कुनै जनताको लागी नभई आफ्नो स्वार्थको निमित्त बिरोध गरिरहेको समेत आरोप लगाए । अहिलेको बिरोधको जड बजेट रहेको समेत उनले बताए । मेयर कलवारका अनुसार वडाअध्यक्षहरुले आफ्नो खुसी बजेट मागेको र आफुले जनताको अति आवश्यकको कुराको लागी बजेट निर्धारण गर्ने बताएपछी बिरोध गरेका हुन । जनता भन्दा पनि वडाअध्यक्षको बिरोध आफ्नो स्वार्थको निमित्त रहेको बताएका छन । चर्चामा आउन र आफ्नो स्वार्थ पुरा गर्न बदनाम गर्ने षड्यन्त्र धेरै दिन र धेरै बेर नटिक्ने समेत मेयर कलवारको भनाई छ । उनले आफु सधै जनताको मुल समस्याको जड पता लगाई समाधान गर्नेमा कृयाशिल रहेकोले भ्रामक कुराको पछाडि नलाग्न समेत अनुरोध गरेका छन ।

आरके श्रीवास्तव,रौतहट,भदौ ०९ गते ।
गरुडा नगर उधोग वाणिज्य संघको भदौ १८ गते हुन लागेको चुनावमा शान्तिपूर्वक चुनावमा सहभागी हुन सम्पूर्ण व्यापारीहरुलाइ निर्वतमान अध्यक्ष हरेन्द्र प्रसाद चौधरीले अपिल गरेका छन् । आज पत्रकारहरु सँग कुराकानी गर्नु हुँदै वहाँले यस्तो अनुरोध गर्नु भएको हो ।
आज मनोनयन दर्ता गराएकाहरु मध्ये उम्मेदवारले फिर्ता लिने समय रहेको थियो । मनोनयन फिर्ता पश्चात् अध्यक्ष पदमा दुइ जना संतोष कुमार चौधरी र सतिश साह बिच प्रतिस्पर्धा हुने जानकारी गराउनु भयो । संघको १४ पदाधिकारीका लागि ३३ जना प्रतिस्पर्धामा रहेको उनले बताए ।
गरुडा नगर उधोग वाणिज्य संघमा ९ सय ५२ जना मतदाता रहेको उनले बताएका छन् । संघको कार्य क्षेत्र अन्तर्गत गरुडा नगरपालिका,कटहरिया नगरपालिका,बृन्दावन नगरपालिका,गढिमाइ नगरपालिका,देवाहीगोनाही नगरपालिका र फतुवा बिजयपुर नगरपालिका पर्दछ । संघको निर्वाचनमा यस भेगका व्यापारीहरु सहभागि हुन पाउने छन् ।
उनले भने चुनावको लागि निर्वाचन समिति संयोजकमा उधोग वाणिज्य संघ रौतहटका अध्यक्ष पंडित प्रसाद जैसवाललाइ तोकिएको छ । निर्वाचन मण्डलमा निर्वाचन आयोगको प्रतिनिधि,एकजना अधिवक्ता शान्ति सुवेदी र प्रशासन कार्यालयको प्रतिनिधी रहेको जानकारी गराउनु भयो । चुनावको लागि सम्पूर्ण तयारी पूरा भएको बताए ।
व्यापारीहरुको संस्था गरुडा नगर उधोग वाणिज्य संघ भएकोले सर्वसहमती बाट पदाधिकारीहरु चुनिनुपर्ने हो । तर यस्तो हुन सकेन यो दुःखद हो । निर्विरोध हुनुपर्ने मेरो धारणा रहेको थियो । म आफै प्रयास पनि गरे । सर्वदलिय बैठक पनि डाँकेको थिए । त्यसमा जग्गादाताको नाम अध्क्षमा सर्वसहमती बाट चयन गर्ने कुरो आयो । विभिन्न प्रयासका वाबजुद्ध सर्वसहमती हुन नसकेन् यसमा म खेद प्रकट गर्न चाहन्छु । अन्त्यमा संघको पदाधिकारी चयन गर्नका लागि चुनावी हुने भएपछि यसलाइ सफल पार्न सम्पूर्ण व्यापारी वर्गमा आग्रह गर्नु भयो ।

आरके श्रीवास्तव,रौतहट,भदौ ०९ गते ।
गरुडा नगर उधोग वाणिज्य संघको अध्यक्ष पदमा दुइ जनाबिच कडा प्रतिस्पर्धा हुने भएको छ । संघको निर्वाचनको कार्यक्रम सार्वजनिक भएसँगै शुक्रवार उम्मेदवारको मनोनयन दर्ता गरिएको थियो । संघको भदौ १८ गते हुने निर्वाचनको लागि उम्मेदवारी मनोनयन दर्ता गरिएको थियो ।
निर्वाचन समिति संयोजक पंडित प्रसाद जैसवालका अनुसार शुक्रवार ५ जना अध्यक्ष पदमा र ३६ जना सदस्याको लागि उम्मेदवारी मनोनयन दर्ता गराएका थिए ।
अध्यक्ष पदमा मनोनयन दर्ता गराएकाहरु मध्ये संतोष कुमार चौधरी, ,सतिश साहले उम्मेदवारी कायम राखेका छन् । भने चुनचुन प्रसाद साह,राधेश्याम साह कलवार,राजेश कुमार साहले उम्मेदवारी फिर्ता लिएका छन् ।
त्यस्तै सदस्यहरुमा छठु प्रसाद तेली,महाशक्ति साह निराला,हरिकिशोर प्रसाद साह,अनिता कर्ण,शिवम् कुमार सोनी,हेमलाल साह सोनार लगायतका व्यक्तीहरु सदस्य पदका लागि प्रतिस्पर्धामा छन् ।
गरुडा नगर उधोग वाणिज्य संघको विधान २०७३ को परिचछेद ७ को दफा ४५ बमोजिम अगामी ३ वर्ष कार्याकालको लागि आगामी भदौ १८ गते अध्यक्ष १ र सदस्य १३ पदका लागि निर्वाचन हुन लागेको हो । जसमा ३३ जना प्रतिस्पर्धीहरु छन् ।
निर्वाचनको कार्यक्रम अनुसार आज भदौ ०९ गते बिहान १० बजे देखि २ बजे सम्म उम्मेदवारको नाम फिर्ता लिन पाउने समय रहेको थियो । यस्तै आजै दिउँसो २ बजे देखि ३ बजे सम्म उम्मेदवारको अन्तिम नामावली प्रकाशन भएको छ ।
मतदान कार्यक्रम भने भदौ १८ गते बिहान ८ बजे देखि ४ बजे सम्म राखिएको छ । अध्यक्ष चयन भएपछि बहुमतको आधारमा अन्य पदाधिकारी चयन गर्ने गरेको छ । जसमा प्रथम उपाध्यक्ष,कोषाध्यक्ष लगायतका पदाधिकारीहरु चुनिन्छन् । यस अघिका गरुडा नगर उधोग वाणिज्य संघका अध्यक्ष हरेन्द्र चौधरीको कार्यकाल सकेपछि चुनाव हुन लागेको हो । दुवै जना बिच कडा प्रतिस्पर्धा हुने भएको छ ।

 संजय सहनी,गाैर,भदौ ०८ गते ।

रौतहटको गौर नगरपालिकाको मेयर शम्भु साहले गौर नगरपालिका वडा न. ४ स्थित लालबकैया खोलाको बाढीबाट भईरहेको कटान प्रभावित स्थानहरुको शुक्रबार प्रत्यक्षरुपमा निरिक्षण गर्नु भएको छ । केहि दिन अगाडि सोबर्नामाई मन्दिर अगाडि लालबकैया नदिले आफ्नो धार परिवर्तन गरि टिकुलिया गाउँ तर्फ अत्याधिक कटान गर्न थालेपछि मानब बस्ति र स्थानीयको खेत बाली नाली रक्षाका लागि मेयर साहले उक्त स्थानमा बास पाईलिङ्ग सहित स्पर बनाउने कामको थालनी गर्न निर्देशन दिनु भएको थियो ।

उक्त स्थानमा काम जारी रहदा पुनः बाढी आएर बनाएको संरचना भत्काउन थालेको तथा र पुनः कटान कार्य गरिरहेको र मानव बस्ति उच्च जोखिममा रहेको खबर पाउन साथ मेयर साहले सो कटान प्रभावित क्षेत्रको निरीक्षण गर्नु भएको हो। अवलोकनकै क्रममा मेयर साहले लालबकैयाले जारी राखेको कटान कार्यलाई रोक्न आफ्नो पालिकाको स्रोत साधन र बजेटले भ्याए अनुसारको काम गरेको बताउनु भएका छन् ।

स्थानीय संग कुरा गर्दै मेयर साहले”-बाढि र कटानले बस्ति उच्च जोखिममा छ ,काम धेरै छ हामी सङ्ग स्रोत ,साधनको अभाव र कमी छ तर आतिनु पर्दैन समस्या सामाधानको लागि प्रदेश र संघ सरकार गम्भीर हुने आफ्नो बिश्वास रहेको बताउनु भयो। मेयर साहले खासमा भन्नु पर्दा यो नदि नियन्त्रणको मुख्य जिम्मेवारी नदि नियन्त्रण कार्यालय परवानीपुर बारा र सिचाई डिभिजन कार्यालय रौतहट गौरको भएको भन्दै यस बिपद प्रति गम्भिर भई आफुलाई सघाउन आग्रह गरे।

मेयर साहले अब आउने दिन बाढि प्रभावित टिकुलिया बाँधलाई थप मर्मत गर्ने ,बाँध वरिपरि बृक्षारोपन गर्ने ,बैकल्पिक उपाय अपनाई नदिको धार परिवर्तन गर्ने र बाढिले कृषकहरुको धानबाली तथा कृषि उत्पादनमा परेको क्षतिलाई मध्यनजर गर्दै कृषकहरुलाई समेत उचित राहतको व्यवस्थापन गर्न पहल गर्ने प्रतिबद्धता जनाउनु भएको छ ।

आरके श्रीवास्तव,रौतहट,भदौ ०८ गते ।

रौतहट जिल्लाको फतुवा बिजयपुर नगरपालिकामा रहेको एक बिधालयमा अभिभावक भेला सम्पन्न भएको छ । सो नगरपालिकाको वडा नम्बर २ शितलपुरमा रहेको श्री माध्यमिक बिधालयमा आज अभिभावक भेला बोलाइएको थियो । सो वडाका वडा अध्यक्ष अनिरुद्ध प्रसाद यादव उर्फ संजयको अध्यक्षतामा अभिभावक भेला बसेको थियो । भेला बाट नयाँ बिधालय व्यवस्थापन समिति चयनका लागि चार जना सदस्यहरु चयन गर्ने निर्णय गरेको छ ।

जसको अन्तिम निर्णय अगामी सोमबार हुने प्रधानाध्यापक बुनिलाल यादवले जानकारी गराउनु भयो । बैठक शान्तिपूर्वक सम्पन्न भएको र विधालय व्यवस्थापन समितिको लागि एसएलसी पास भएका व्यक्तीहरु छनौट भएको वडा अध्यक्ष यादवले जानकारी गराउनु भयो ।

सदस्यमा छनौट हुनेहरुमा प्रमानन्द यादव,रामअयोध्या यादव, सो अवसरमा फतुवा बिजयपुर नगरपालिकाका शिक्षा संयोजक तेजनारायण यादव,इलाका प्रहरी कार्यालय बिजयपुरका प्रहरी निरिक्षक विजय कार्की,शिक्षक संघका नगर अध्यक्ष राधेश्याम यादव,पूर्व वार्ड अध्यक्ष भविक्षण राय यादव,श्री आबि मेवाका प्रधानाध्यापक प्रमोद साह,श्री मावि बैरगनियाका प्रअ रामनाथ प्रसाद यादव लगायत स्थानिय भद्रभलादमी,अभिभावकहरुको उपस्थिती रहेको थियो ।

रामप्रवेश बैठा,मौलापुर,भदौ ०८ गते ।

रौतहटको मौलापुर नगरपालिकामा लालबकैया नदी कटानको निरीक्षण गरिएको छ । आज लालबकैया नदीमा आएको बाढीले मौलापुर वडा नम्बर १ मर्यादपुरमा गरिरहेकेको कटानलाई रोकथाम र नियन्त्रणको लागि निरीक्षण अनुगमन गरिएको नगर प्रमुख रिना कुमारी साहले जानकारी गराएकी हुन् ।

नदी कटानले बांधको छेउमा पुगीसकेको र पुरै बस्ती नै जोखिममा देखिएकोले तुरन्त रोकथामको लागि पहल लिन सम्बन्धित निकायलाई विशेष आग्रह गरेकी हुन् ।

साथै उनले कटान नियन्त्रणको लागि नगरपालिकाले आफÞनो तर्फबाट सम्पूर्ण पहल लिने बिश्वास सहित चिन्ता न लिन प्रभावित क्षेत्रको जनसमुदायलाई विशेष आग्रह गर्नु भएको छ । सो अवसरमा नगरप्रमुख साह सँगै उपप्रमुख नागेन्द्र राय यादव,विभिन्न वडाका वडा अध्यक्ष,स्थानियवासीको उपस्थिती रहेको थियो ।

आरके श्रीवास्तव,रौतहट,भदौ ०८ गते ।
गरुडा नगर उधोग वाणिज्य संघको निर्वाचनको कार्यक्रम सार्वजनिक भएसँगै शुक्रवार उम्मेदवारको मनोनयन दर्ता भएको छ । संघको भदौ १८ गते हुने निर्वाचनको लागि उम्मेदवारी मनोनयन दर्ता गरिएको हो ।
निर्वाचन समिति संयोजक पंडित प्रसाद जैसवालका अनुसार अन्तिम समय शुक्रवार ४ बजेसम्म ५ जना अध्यक्ष पदमा र ३६ जना सदस्याको लागि उम्मेदवारी मनोनयन दर्ता भएको छ ।

अध्यक्ष पदमा मनोनयन दर्ता गराउनेहरुमा संतोष कुमार चौधरी, चुनचुन प्रसाद साह,सतिश साह,राधेश्याम साह कलवार,राजेश कुमार साह रहेका छन् ।

त्यस्तै सदस्यहरुमा छठु प्रसाद तेली,महाशक्ति साह निराला,राकेश कुमार साह,हरिकिशोर प्रसाद साह,अनिता कर्ण,शिवम् कुमार सोनी,हेमलाल साह सोनार लगायतका व्यक्तीहर सदस्य पदका लागि मनोनय दर्ता गराएका हुन् ।
गरुडा नगर उधोग वाणिज्य संघको विधान २०७३ को परिचछेद ७ को दफा ४५ बमोजिम अगामी ३ वर्ष कार्याकालको लागि आगामी भदौ १८ गते अध्यक्ष १ र सदस्य १३ पदका लागि निर्वाचन हुन लागेको हो ।

निर्वाचनको कार्यक्रम अनुसार भदौ ०९ गते बिहान १० बजे देखि २ बजे सम्म उम्मेदवारको नाम फिर्ता लिन पाउने समय रहेको छ । यस्तै सोही दिन दिउँसो २ बजे देखि ३ बजे सम्म उम्मेदवारको अन्तिम नामावली प्रकाशन हुने जनाइएको छ ।
मतदान कार्यक्रम भने भदौ १८ गते बिहान ८ बजे देखि ४ बजे सम्म राखिएको छ । अध्यक्ष चयन भएपछि बहुमतको आधारमा अन्य पदाधिकारी चयन गर्ने गरेको छ । जसमा प्रथम उपाध्यक्ष,कोषाध्यक्ष लगायतका पदाधिकारीहरु चुनिन्छन् । यस अघिका गरुडा नगर उधोग वाणिज्य संघका अध्यक्ष हरेन्द्र चौधरीको कार्यकाल सकेपछि चुनाव हुन लागेको हो ।

बज्जिकाञ्चल,रौतहट,भदौ ०६ गते ।
रौतहट जिल्लाको फतुवा बिजयपुरमा रहेको ईलाका प्रहरी कार्यालय बिजयपुरमा आज परित्यात्मक कार्यक्रम सम्पन्न भएको छ । नयाँ कार्यालय प्रमुखको रुपमा आउनु भएका बिजय कार्कीको अध्यक्षतामा सो कार्यक्रम गरिएको थियो ।
उनले इप्रकाको जिम्मेवारी सम्हाले पछि परिचयपात्र गर्न र सल्लाह सुझाव लिनको लागि कार्यक्रम आयोजन गरेका थिए । सो कार्यक्रममा बोल्दै उनले आफनो क्षेत्रभित्रको शान्ति सुरक्षा कायम गर्न दिनरात खट्ने प्रतिबद्धता जनाउनु भयो ।
कार्यक्रममा सहभागीहरुले आआफनो तर्फ अमूल्य सल्लाह सुझाव समेत दिएका थिए । सो अवसरमा इप्रका बिजयपुर एरिया अन्तर्गतका सरकारी,गैरसरकारी संघ संस्थाका प्रमुख,स्थानिय,भद्रभलादमी,राजनितीकर्मी,स्थानिय सर्वसाधारण लगायतका व्यक्तीहरुको उपस्थिती रहेको थियो ।

बज्जिकाञ्चल,रौतहट,भदौ ०७ गते ।
केही दिनदेखी जग्गाको विषयलाइ लिएर आफनो विरुद्ध राजनितीकरण गरी अफवाह फैलाउने काम गरिरहेको कटहरिया वडा नम्बर १ का वडा अध्यक्ष भूपेन्द्र महतो कोइरीले आरोप लगाएका छन् । पत्रकारहरु सँग कुराकानी गर्नु हुँदै उनले भने,मुख्य कुरा के हो भने? २०८० जेठ २६ गते का दिन गुजरा नगरपालिकाको कनपुर निवासी शेख मेराजुल भन्ने व्यक्तीले नगरपालिका बाट मालपोत रसिद तिरी लगेको ल्याएर वडामा निवेदन पेश गर्यो की यसको चारकिला प्रमाणीत हामीलाइ चाहियो । दुइ दिन अघि जेठ २४ गते निवेदन पेश गरेकोमा आफूले जेठ २६ गते मात्रै आफूले सिफारिस गरेको बताए ।
बिचमा केही मानिसहरु सँग आफूले जग्गाको बारेमा सोधेको बताए । उनले मैले पता लगाउँदा त्यो नदीको बगरमा रहेको बुझिन आयो । केही वृद्ध मानिसहरु सँग आफूले सोध्दा धेरै वर्ष अघि त्यो ठाउँमा गाउँ थियो । अहिले त्यो ठाउँ बाट बस्ती सरेर अन्य ठाउँमा बसी सकेको छ । यो सब कुरा थाहा पाएपछि मैले जिल्ला प्रशासन कार्यालयमा प्रमुख जिल्ला अधिकारी सँग सम्पर्क गर्न खोजे । वहाँ सँग सम्पर्क भएन । पछि मैले त्यहाँको कर्मचारी सुब्बा रामनरेश साह सँग सोधे कि यस्तो कुरा छ । यसमा मलाइ चार किला प्रमाणित गर्न मिल्छ कि मिल्दैन् ?
वहाँले भन्नु भयो की जब तपाइ लाइ जब सम्बन्धित व्यक्तीले मालपोत रसिद छ,कागजातहरु पेश गरेका छन् भने प्रमाणित गर्न मिल्छ । त्यो आधारमा मैले केही व्यक्तीहरु सँग पता लगाइ सिफारिस गरि दिए । सिफारिस गरेपनि सम्बन्धित व्यक्तीहरुलाइ त्यो जमिन बारे पता लगाउन जानकारी पनि गराए ।
चार दिन अघि यस विषयमा वडामा बैठक बसेको थियो । त्यसमा म सँग यस विषमा सोधियो मैले विस्तृत रुपमा जानकारी गराए । वहाँहरुले नक्कसाको सिफारि गरि दिन कुरो गर्न भयो । मैले त्यो पनि गरि दिए कि तपाइहरु गएर उसको लालपुर्जा सहि हो कि के हो? पता लगाउनुस् । केही व्यक्तीहरुले आफूले जग्गा बिक्री गरेको भनि आरोप पनि लगाए ।
यस विषयमा आज बिहान गाउँमा पञ्चायती बसेको थियो । आफू सँग कागजात माग गरियो । त्यसपछि मैले कर्मचारी पठाइ आफूले त्यो जग्गा सम्बन्धि कागजात देखाउन खोज्दा रामअज्ञा भन्ने व्यक्तीले हात बाट कागजात खोसी च्याती दिए । तत्पश्चात हल्ला बबाल भयो प्रहरी प्रशासनको आग्रह पति म त्यहाँ बाट निस्कीहाले ।
त्यतीकै केही व्यक्तीस्हरुलाइ बोलाइ वडा कार्यालयमा तालाबन्दी गरिदिएको जानकारी गराए । मैले प्रमाणित गरेको जग्गा नदीको डैम भित्र रहेको बताए । यदी मैले बसोबास या नमरीमा सिफारिस गरेको छु भने म माथी प्रश्न उठथ्यो । मैले त्यसो गरेकै छैन् ।
मेरो भूमाफिया सँग कुनै किसिमको सम्बन्ध नरहेको प्रष्ट पारे । मैलै ऐलानी जग्गाहरुलाइ बेच्ने खेलमा लागेको छैन् । यसमा मेरो कुनै किसिमको संल्गनता छैन् । मैले कसैलाइ उठिवास लगाएको छैन् । बरु आफनो वडामा भएका सुकुम्वासीहरुलाइ निस्सा प्रमाणपत्र पनि गरेको छु । अव्यवस्थित भएका व्यत्तीहरुलाइ निस्सा वितरण गर्ने पक्षमा हामी छौं । फाइल पनि तयारी छ । ऐलानी जग्गाहरु लाइ नै वितरण गरिनेछ । यदी त्यस्तो खेलमा लागेको भएको भए सुकुम्वासीहरुलाइ जग्गा कहाँ बाट उपलब्ध गराउने भन्दै प्रश्न गरे ।
यो घटना राजनितीक माहौल खडा वडा अध्यक्षलाइ विवादमा तान्ने खेल भएको वडा अध्यक्ष महतोको भनाइ छ । यो विपक्षीहरुको षडयन्त्र रहेको उनको भनाइ छ । यस विषयमा मेरो भनाइ यो छ की जुन मानिसले जग्गा खिचोला गरेको छ । जाली रजिष्ट्री गराएको छ भने त्यसको छानबिन गरी त्यसलाइ कानुनी दायरामा ल्याउनु पर्दछ । त्यसमा आफूले पनि साथ दिन तयार रहेको उनको भनाइ छ । वडा बाट हुन सक्ने सहयोग आफू स्वंयम् सहयोग गर्न तयार रहेको बताउनु भयो ।