हनुमत कमार यादव,गाैर, १८ गते भदौ ।
रौतहट सदरमुकाम गौरमा जनमत पार्टीका बृहत पार्टीमा प्रवेश कार्यक्रम भव्यता साथ सम्पन्न भएको छ ।
गौर स्थित जानकी धर्मशालामा सोमबार आयोजित पार्टी प्रवेश कार्यक्रममा लोकतान्त्रिक समाजबादी पार्टीका मो. शेख जमसेद सहित विभिन्न पार्टी परित्याग गरि देवेन्द्र मिश्र, डा. रामाशंकर ठाकुर, श्री व्रजभूषण सिंह सहित सैकडौंको संख्यामा जनमत पार्टीमा प्रवेश गरेका छन् ।
कार्यक्रममा पार्टीका केन्द्रिय अध्यक्ष डा.सि.के राउत अध्यक्षको आसनमा, श्रम तथा यतायात मन्त्रि चन्दन सिंह विशिष्ठको आसनमा बस्नु भएको थियो । पार्टीको केन्द्रिय अध्यक्ष डा.सि.के राउतको हातबाट टिकामाला लगाएर उहाँहरुले जनमत पार्टी आवद्ध भएका हुन् । कार्यक्रममा लाई सम्बोधन गर्दै अध्यक्ष राउतले मधेश हित तथा यहाँका जनताको लागि हरदम लडेको, निरन्तर लड्ने वहाँको भनाई रहेको थियो ।
देशको सबैभन्दा बढी बालिहुने, कृषि योग जमिन मधेशमा रहेको तर सरकार द्वारा कुनै खास व्यवस्था नदेखिएको प्रति दु:ख समेत पोखेका छन् । उक्त कार्यक्रममा पार्टीको केन्द्रिय अध्यक्ष डा.सि.के राउत,श्रम तथा यतायात मन्त्रि चन्दन सिंह, पुर्व कृषि मन्त्रि बसन्त कुसवाहा, सैकडौं नेता कार्यकर्ता, सुरक्षाकर्मी, संचारकर्मी लगायत भद्रभलादमीहरूकाे उपस्थिति रहेको थियो ।
आरके श्रीवास्तव,राैतहट,भदौ १८ गते ।
कटहरिया नगरपालिका–५, कटहरिया बजारस्थित रहेकाे श्री जनता नमूना माध्यामिक विद्यालयको व्यवस्थापन समिति गठन भएको छ ।
कटहरिया नगरपालिकाले नेकपा माओवादी केन्द्रका यूवा नेता एवम् नगर प्रमुख प्रत्यासी नसरूदिन अन्सारीलाई अध्यक्ष पदमा मनाेनयन गरेको हाे । नगर प्रमुख अजय प्रकाश जसवालले अन्सारीलाई अध्यक्ष पदमा चयन गरेका हुन् । समितिका सदस्यहरुमा सिकिन्द्र साह,मन्जु देवी,शारदा देवी लगायत चयन भएको प्रधानाध्यापक सचिन्द्र प्रसाद यादवले जनाए । नव नियुक्त अन्सारी विद्यालयको विकासका लागि योगदान गर्न सफल हुने अभिभावकहरूले विश्वास लिएका छन् । अध्यक्ष पदमा चयन भए लगत्तै उनले बिधालयकाे सर्वाङ्गीन विकासमा टेवा पुर्याउने प्रतिबद्धता जनाएका छन् ।
साथै उनले बिधालय बाहिर रहेका बालबालिकाहरू लाई बिधालयमा फर्काउन एउटा छुट्टै टिम परिचालन गराउने बताए । शिक्षाकाे मूलधार बाट बञ्चित रहेका बालबालिकाहरू लाई बिधालयमा फर्काउन विशेष पहल गर्ने उनकाे भनाइ छ । साेमबार एक कार्यक्रममा बिच कटहरिया नगरप्रमुख अजय प्रकाश जयसवालले टिका,माला लगाइ बिधालयमा स्वागत गर्नु भएको थियो । साथै उनले अध्यक्षकाे जिम्मेवारी पाउने हुने अन्सारीले बिधालयकाे विकासमा महत्त्वपूर्ण भूमिका निर्वाह गर्नेमा विश्वास व्यक्त गर्नु भयाे ।
साे अवसरमा अभिभावक,शिक्षक,शिक्षिका,बिद्यार्थी र स्थानीय भद्रभलादमीहरूकाे उपस्थिति रहेकाे थियाे ।
सागर संगम ठाकुर ,रौतहट, भदौ १७ गते
रौतहटमा भएको सवारी दुर्घटनामा एक जनाएको मृत्यु भएको छ। चपुर देखि गौर तर्फ जादै गरेको बसले साईकल यात्रीलाई ठक्कर दिदा साईकलमा सवार ब्यक्तिको मृत्यु भएको जिल्ला प्रहरी कार्यलय रौतहटले जनाएको छ। मृत्युु हुनेमा जिल्लाको वृन्दावन नगरपालिका ७ का अन्दाजी ७० वर्षिय शेख नन्क मंसुर मिया रहेको प्रहरीले जनाएको छ ।
ना ४ ख २७९७ नम्बरको बसले हर्षाहाबाट आउदै गरेको साईकल यात्रीलाई मियाँलाई ठक्कर दिएको थियोे । बसको ठक्करबाट गम्भीर घाइते भएको मियाँलाई उपचारका लागि गरुडा स्थित रहेको हेल्थलैयाण्ड होस्पिटल लगिरहदा बिच बाटोमा नै मृत्यु भएको प्रहरीले बताए । मृतक मियाँको शव पोसमार्टमको लागि प्रादेशिक अस्पताल गौरमा पठाईएको ईलाका प्रहरी कार्यलय गरुडाका डिएसपी ओमप्रकाश खनालले जानकारी दिनु भयो ।
मृतक मियालाई ठक्कर दिने बसका चालक चन्द्रपुर नगरपालिका (४ बस्ने अरुण कुमार चौधरी प्रहरीको नियन्त्रणमा रहेको र घटना बारे थप अनुसन्धान भई रहेको ईलाका प्रहरी कार्यलय गरुडाले जनाएको छ ।
मेवालाल यादव,गाैर,भादाे १७ गते ।
जनता समाजवादी पार्टी नेपाल रौतहटको बिस्तारि बैठक कर्मचारी मिलन केन्द्रको सभाहलमा सम्पन्न भएको छ । जसपा नेपाल जिल्ला कार्यसमिति रौतहटको आयोजनामा बिस्तारि बैठक आज सम्पन्न भएकाे हाे । जिल्ला अध्यक्ष श्याम विहारी यादवको सभापतित्वमा भएको बिस्तारि बैठकले ५ बुन्दे प्रस्ताव समेत पारित गरेको छ ।
गौरमा सुनियोजित रुपमा घटाइएका घटनाका नाइकेलाई तत्कालै कारवाही प्रक्रिया अघि बढाउनुपर्ने माग राखे । गौर घटना एउटा राजनीति तवरबाट घटाइएको अत्यन्तै दुखद घटना भएको रौतहट जिल्ला अध्यक्ष श्याम बिहारी यादवले बताए । शिक्षक सुनिल यादव, अन्तरराष्ट्रिय कुस्ति खेलाडि उपेन्द्र दास वैरागी, स्वास्थ्यकर्मी शुरेश यादव र हिन्दुवादी नेता पर्साका काशीनाथ तिवारीकोे हत्या गराउने व्यक्ति आजपाका अध्यक्ष प्रभु साह माथि कारवाही हुदैन भने जसपा पार्टीका कार्याकर्ताहरु तथा नेताले पालिका स्तर देखी लिएर केन्द्रको सिंहदरबार घेराउ गर्ने जसपा नेपालको रौतहट जिल्ला इन्चार्ज रामआशिष राय यादवले नेपाल सरकार लाई चेतावनी समेत दिएका छन् ।
पार्टीको संगठन विस्तार तथा गौर घटनाको विस्तृत रुपमा जानकारी गराउने उदेश्यले कर्मचारी मिलन केन्द्रको सभाहालमा विस्तारित बैठकको आयोजना गरिएको थियो । जनता समाजवादी पार्टी नेपालको मधेश प्रदेश अध्यक्ष रामबाबू यादवको प्रमुख आतिथ्यमा भएको विस्तारित बैठकमा गौर ह्त्याकाण्डको बारेमा बिस्तृत रुपमा छलफल भएको छ । तत्कालीन मधेशी जनाधिकार फोरम नेपालले पूर्व निर्धारित समय अनुसार आम सभा आयोजना गरेको ठाउ गौर राइस मिलको मैदानमा तत्कालीन नेकपा माओवादीका नेता कार्यकर्त्ताले फोरमले आयोजना गरेको आम सभालाइ विथोल्न खोजे पछि भएको झड़पमा हथियार सहित आएका माओवादी कार्यकर्त्ताको मृत्यु भएकोले दोषी माओवादीका कार्यकर्त्ता नै रहेको ठहर बैठकले गरेको छ ।
बैठकमा सहभागी भएका जसपाका नेताहरुले सडयंत्र पूर्वक १७ बर्ष अघि भएको घटनाको पुनः उजागर गरेर पार्टी अध्यक्ष उपेन्द्र यादवलाई फसाउन खोजेको दावी प्रमुख अतिथि प्रदेश अध्यक्ष यादवले गरेका छन । गौर घटनालाइ विउत्याउनु २२ बुन्दे र ८ बुन्दे विस्तृत शान्ति समझौताको विपरीत भएकोले राजनितिक घटनालाइ हत्याकाण्डको रूप दिनु गलत रहेको बताए । पार्टीले संगठन विस्तार गरी पार्टीलाइ बलियो बनाउने उदेश्य लिएर अघि बढिरहेको बताउँदै अध्यक्ष यादवले प्रदेशले संचालन गर्न लागेको संगठन विस्तार अभियानलाइ सफल बनाउन आग्रह समेत गरे ।
पार्टी विस्तार तथा सुदृढीकरण अभियानबारे निर्णय गर्न बैठक आह्वान गरेको मधेस प्रदेश कार्यकारिणी समितिको बैठकले प्रदेशका सबै जिल्लामा आज विस्तारित बैठक सम्पन्न भएको छ । विस्तारित बैठकको सहजीकरणका लागि प्रदेश अध्यक्ष रामबाबुको जिम्मेवारी तोकेको थियो । लामो समयदेखि संगठन बाहिर रहेकाहरुलाई संगठनमा आबद्ध गर्न छलफल र अन्तरक्रिया चलाउने बैठकले निर्णय गरेको छ ।
टोल कमिटिलाई पार्टीको राजनीतिक कार्यदिशा, सांगठिन र बैचारिक बिषयमा प्रशिक्षणका लागि कार्यक्रम गर्ने निर्णय गरेको छ ।बिस्तारित बैठकमा पार्टीले नगरपालिका भित्र सञ्चालन गर्ने विभिन्न कार्यक्रम गर्ने योजना तथा नगर कमिटी लगायत टोल कमिटिलाई तत्काल पूर्णता दिने बैठकले निर्णय गरेको प्रदेश अध्यक्ष रामबाबु यादवले बताए । बैठकमा मधेश प्रदेश सरकार ऊर्जा सिचाई तथा खानेपानी राज्यमंत्री अब्बुल कलम आजाद , पूर्व प्रदेश सांसद राम किशोर यादव ,पूर्व राज्य मंत्री योगेंद्र यादव, पूर्व नगर उपप्रमुख किरण ठाकुर , प्रदेश सांसद शोभा देवी साह लगायत पार्टीका संघीय परिषद् , प्रदेश समिति, केन्द्रिय सदस्य बिवेक यादव ,प्रदेशको कोषा अध्यक्ष रेनु यादव जिल्ला सचिव जयराम महतो, महिला नेत्री रेनु यादव , युवा नेता राजकुमार दास , ललन यादव , प्रादेशिक अस्पताल गौरका ब्यवस्थापन समिति अध्यक्ष मो. अनवर हासमी , चुलाही राय यादव लगायत बैठकमा जिल्लाबाट प्रतिनिधित्व गर्ने केन्द्रीय नेता, प्रदेश समितिका नेता, जिल्ला समितिका पदाधिकारी तथा सदस्य, पालिका समितिका पदाधिकारी, निर्वाचित जनप्रतिनिधि, भातृ सङ्गठनका केन्द्रीय तथा जिल्ला समितिका पदाधिकारीहरुले पार्टीको गतिविधि ,कार्यशैली , विस्तारको बारेमा आ आफ्नो धरना प्रस्तुत गरेका थिए ।
राजेन्द्र महतो सिरहा ,१६ भदौ।
सिरहामा स्रोत नखुलेको ४४ लाख रुपैयाँसहित दुइजना लाई प्रहरीले पक्राउ गरेका छ्न् । पक्राउ पर्नेहरुमा सिरहा नगरपालिका वडा न-१७ माडरका ५२ बर्शिय प्रेम कुमार यादब र सोही ठाउँ वडा न-७ का ४२ बर्शिय सन्जय कुमार साह रहेका छन् ।
भारतको जयनगरबाट नेपालतर्फ आउँदै गरेको भारतीय नम्बरप्लेट बि.आर ७ सि ४२२४ नम्बरको कारलाइ चेकजाँच गर्ने क्रममा कार अगाडिको सिट मुनि राखेर लुकाइ छिपाइ ल्याएको अवस्थामा रकमसहित उनिहरुलाई सिरहा प्रहरीले पक्राउ गरेको हो । पक्राउ परेका दुबै जनालाई थप अनुसन्धान तथा कार्वाहीका लागि राजस्व अनुसन्धान कार्यालय इटहरी पठाइएको जिल्ला प्रहरी कार्यलाय सिरहाले जनाएको छ।
आरके श्रीवास्तव,रौतहट,भदौ १६ गते ।
वन जोगाउन दिनरात खटिरहेपनि केही व्यक्तीहरुले आफूलाइ बदनाम गराउन खोजेको पौराही सब–डिभिजन वन कार्यालयका प्रमुख सहायक वन अधिकृत सुरेश कुमार महतोले बताउनु भएको छ । पत्रकारहरु सँग कुराकानी गर्दैै वहाँले यस्तो बताउनु भएको हो ।
नदी किनारमा वृक्षारोपण गरेर लाखौं बजेट हिनामिना गर्नु भएको हो रु भनि पत्रकारले सोधेको प्रश्नको जवाफ दिनु हुँदै उहाँले भन्नु भयो, आफूले वृक्षारोपणमा कुनै हिनामिना नगरेको दाबी गर्नु भएको छ । जुन वृक्षारोपण गरिएको हो । त्यो कार्यक्रमको नाम नदी खोला किनारमा उकास भएको जग्गामा वृक्षारोपण गर्ने त्यसकारण हामीले नदी उकास भएको ठाउँमा नै वृक्षारोपण गरेका हौं ।
त्यस्तो ठाउँमा वृक्षारोपण गरेपछि त्यस ठाउँको वातावरण देखि आर्थिक रुपमा पनि फाइदा पुग्छ । पछि त्यहाँ गरिएको वृक्षारोपणलाइ हामी स्थानिय समुदायलाइ हामी हस्तान्तरण गर्छौं । त्यहाँ बाट उनीहरुपछि करोडौं रुपैयाँ फाइदा लिन सक्ने छन् । त्यसै लक्ष्य अनुरुप हामीले आर्थिक वर्ष २०७९।८० मा जिल्लाको चन्द्रपुर नगरपालिकाको वडा नम्बर १ स्थित बागमती नदी किनारमा दोभान टोल देखि पूर्व क्षेत्रमा हामीले वृक्षारोपण गरेका छौं । सो ठाउँमा रहेको नदी किनारमा खैर,सिसौ,टिक,अमला र जामुन सहित विभिन्न जातको विरुवा करिब २८ हेक्टर क्षेत्रफलमा रोपेका छौं ।
खोला किनारमा हुने विरुवा नै हामीले रोपेका छौं । सरकारको निति अनुसार हामीले काम गरेका हौं । तर केही व्यक्तीहरुले भ्रामक,कपोल्कल्पीत कुराहरु गरिरहेका छन् । त्यस्तो आरोपको म खण्डन गर्नु भयो । स्थलगत अनुगमन गर्दा पनि हुन्छ । वृक्षारोपण भएपछि स्थानियहरु लाइ धेरै फाइदा पुग्ने उनी बताउँछन् । चरीचरण बन्द र आगलागी भएन भने स्वतः त्यहाँ अन्य विरुवा पनि उम्रने छन् । पछि स्थानियहरुले दाउराको रुपमा पनि प्रयोग गर्न पाउने छन् । साथै वृक्षारोपण गरिएको खैरको विरुवा लाइ जोगायौं,हुर्कायौं भने धेरै आम्दानी लिन सकिने उनको भनाइ छ ।
बगरमा विरुवा नलाइ लाखौं रकम अनियमितता भएका भनी आफू माथि लगाइएको अरोप गलत रहेको महतोले बताएका छन् । त्यहाँ गएर हेर्नु भयो भने वास्तवीक वृक्षारोपण भएको छ । ती अरोपहरु गलत हुन् ।
वनजंगल सरक्षण गर्न हामी दिनरात गस्तीमा जाने गरेका छौं । गस्ती गर्नै क्रमममा आफनो कार्यकालमा ४ वटा गाडीमा करिब १० लाख बराबरको काठ बरामद गरि वन कार्यालयमा बुझाएको जानकारी गराउनु भयो । त्यसबाहेक हामीले मोटरसाइकिल,ट्रैक्टरमा लगिरहेको काठहरु पनि पक्राउ गरि बुझाएका छौं । हामी सँग साधन स्रोत र मैनपावरको अभावका वाबजुद्ध पनि विभिन्न निकायहरुको सहयोगले वन संरक्षणको काम हामीले गरिरहेको छौं । यो निकै ठूलो चुनौतीको रुपमा रहेको छ ।
स्थानिय समुदाय बाहिरी तस्करहरु पनि वन सरकारको सम्पक्ती हो । यसमाथि हाबि हुन चाहन्छन् । तस्कारहरुले विभिन्न व्यत्तीहरु सँग मिलि बदनाम गराउन लागे पनि कम जनशक्तीका बाबजुद्ध हामीले कर्तव्य पालनको क्रममा ज्यानको बाजी लगाएर वन संरक्षणमा जुटेको बताउनु भएको छ ।
रौतहट, १२ गते भदौ ।
आज आफ्नो जन्मदिनको अवसरमा रौतहट जिल्लाको गरुडा नपा ४ स्थित रहेको बंशिराम जयसवाल अनाथालयमा २६ जना टुहुरा बालबालिका जसको आमाबाबु यो संसारमा अनाथालय बाहेक अरू कोही नभएको स(साना बाबुहरूसँग बिहानै एकछिन भएपनि खुशी सट्टासट्टा गर्न सौभाग्य प्राप्त भएको परोहा नपा वडा नं ८ मोतिपुर नरकटिया टोल निवासी तथा मधेश मिडिया प्रालि द्वारा संचालित मधेश प्रदेश अनलाइन संचालक र रिपोर्टर्स क्लब नेपाल मधेश प्रदेश कोषाध्यक्ष प्रख्यात समाजसेवी पत्रकार आफ्नो छुट्टै पहिचान थोरै दिनमा स्थापित गरेका अभिमनु कुमार पटेलले बताएका छन् ।
उहाँहरूको लागि केही गर्न त सकेको छैन, मात्र एकछिन सबैलाई खुशी पार्न सानो प्रयास स्वरूप चामल, दाल, आलु, प्याज, खानेतेल, सोहबिन, नुन, चकलेट, चोकोपन, सर्फ, कपडा धुने साबुन, नुहाउने साबुन, बिस्कुट लगायत खाद्यान्न सामाग्री टुहुरा बालबालिकाहरूको जीवनमा केही पल राम्रोसँग खाना खान पाइयो भने उदेश्य साथ ठूलठूला महँगो होटेलमा केक काटेर लाखौं रुपैया खर्च नगरि अनाथालयमा पुगेर टुहुरा बाबुहरूको अनुहारमा अलिकति भएपनि खुशी ल्याउने प्रयासको साथ युवा पत्रकार पटेलले ती सामाग्रीहरू आफै पुगेर अनाथालय प्रमुख बंशीराम जयसवाल ज्यूलाई हस्तान्तरण गरेका हुन ।
पत्रकार पटेलले आफ्नो आँखाबाट देखेको प्रत्यक्ष आश्रमको बारेमा भन्दै यस श्री बंशीराम अनाथालय गरूडामा देश विदेशको विभिन्न स्थानबाट कुनै न कुनै संयोगबस यहाँ पुगिसकेका टुहुरा बालबालिकाका कसैको आमा छैन, कसैको बुवा छैन त्यस्ता साना साना बालबालिकालाई आफ्नो सन्तान जस्तो हेरचाह गर्न कति कठिनाई भइरहेको होला भने म कल्पना पनि गर्न सक्दिन । एक वा दुई आफ्नो सन्तान हुदा जस्तोसुकै आमाबाबुलाई पनि अलिकति स्वास्थ अवस्था खराब हुदा तनाव बनाइदिन्छ, खाना खान नमान्ने, एक आपसमा लडाइँ गर्ने तर यो २६ जना बालबालिकालाई बस्न, खाना, सुत्न, शिक्षा हासिल गराउन र एक ठाउँमा मिलाएर बसाउन साह्रै गाह्रो पक्कै भइरहेको होला जुन कार्य दिनरात यस आश्रमका संस्थापक श्री बंशीराम जयसवाल ज्यूले गर्दै हुनुहुन्छ यो आफैमा धेरै चुनौतीपूर्ण बिषय उनले बताए ।
आफै लगभग उहाँ ७५ बर्षभन्दा बढी उमेरमा पुगिसकेका छन् तैपनि आफ्नो घर परिवार सबै त्याग गरि समाजसेवाको भावनाले लामो समय देखि संचालन गर्दै आएको अनाथालय आश्रयमा अहिले महंगो हरेक सामान खरिद गर्दा संचालनमा राख्न धेरै कठिनाइ भइरहेको त्यहाँका बालबालिकाहरूले पत्रकार पटेललाई दुखहरू व्यक्त गरेका छन् ।
बंशीराम अनाथालय गरूडाको दुख दायि अवस्था हेर्दा तपाईहरूले आफ्नो, छोराछोरी, दाईभाई, दिदीबहिनी, वा कुनै साथी भाईको जन्मदिन, शादी सालगृह लगायतको सुखद् अवसरमा ठूलठूला महंगो होटल वा घरमा केक काटेर अनुहार भरि दलेर बिना कुनै कामको मासु, रक्सी, खाना, खाजा र मनोरञ्जनको नाममा लाखौंलाख खर्च गर्नुभन्दा यस्तो यस्तो असहाय जसको यो संसारमा अनाथालय बाहेक अरू कहिकतै बस्ने, हेर्ने र शिक्षा दिने नभएकोले यो पवित्र मन्दिर जस्तो ठाउँमा आएर आफ्नो खुशी सट्टासट्टा गर्नु किन कि धेरै नभएपनि थोरै किन नहोस् ती बावुनानीहरूको अनुहारमा खुशी ल्याउने प्रयास गर्नु भनेर युवा पत्रकार समाजसेवी अभिमनु कुमार पटेलले सबैसँग आग्रह समेत गरेका छन् ।
आरके श्रीवास्तव,रौतहट,भदौ १२ गते ।
श्रीराम सुगर मिलले ऋण नतिरेपछि लिलामी प्रक्रिया अघि बढाएको नेपाल बैंक लिमिटेडका कर्मचारीहरु आज उँखु किसान बाट लखेटीएका छन् । बैंकका कर्मचारीहरु मिल अनुगमन गर्न आउँदा उँखु उत्पादक संघ सहित स्थानीयहरुले बैंकका कर्मचारीहरु भगाएका छन् ।
बैंकको प्रबन्धक सहितको टिम मंगलवार मिलमा पुगेको थियो । विशाल ग्रुपको स्वामित्वमा रहेको श्रीराम सुगर मिलले ऋण नतिरेपछि नेपाल बैंक लिमिटेडले उद्योग लिलामी प्रक्रिया अघि बढाएको थियो । शिवशक्ति ग्रुपले सो लिलामी साकार गरेको हो ।
बैंकले लिलामी सकार गरेको शिवशक्ति ग्रुपलाइ मिलको सामानहरु उठानको सहज बनाउने उदेश्यले बैंकका कर्मचारीहरु आएको बुझिएको हो । चोरबाटो भएर बैंकका कर्मचारीहरु मिलमा प्रवेश गरेको भन्दै किसानहरु आक्रोशित बनेका थिए । खबर पाउने बितिकै इलाका प्रहरी कार्यालय गरुडा बाट डिएसपी ओमप्रकाश खनालको नेतृत्वमा गएको टोलीले बैंक बैंकका कर्मचारी र उँखु किसानहरुलाइ बसेर छलफल गराएका थिए ।
छलफल पश्चात् उनीहरु फर्केका छन् । मिल उठाने प्रयास गरे आफूहरुले प्रतिकार गर्ने उनीहरुले चेतावनी समेत दिदै आएका छन् । तैपनि मिल सञ्चालक र बैंकका कर्मचारीहरु बारम्बार मिल उठाउनका लागि आउने गरेका छन् ।
यस अघि श्रीराम सुगर मिलको लिलामी सकार गरेका शिवशक्ति ग्रुपले मिल अनुगमन गर्न आउँदा उँखु उत्पादक संघका सहित स्थानीयहरुले शिवशक्ति ग्रुपका पदाधिकारीलाई लखेटेका थिए । साथै स्थानीयले शिवशक्ति ग्रुपके मिल परिसर भित्र प्रवेश समेत गर्न दिएका थिएन्न् ।
हजारौको संख्यामा रोजगारी दिएको श्रीराम सुगर मिल अहिले विलयको बाटोमा गइसके पछि उँखु उत्पादक संघको नेतृत्वमा चिनी मिल बचाउन अन्तिम कसरत गरिरहेका छन् । केही दिन अघि विशाल आम सभाको आयोजन पनि गरिएको थियो । एक स्वरमा सतापक्ष र प्रतिपक्षका नेताहरुले मिल बचाउन एकजुट भएर लाग्ने प्रतिबद्धता जनाएका थिए ।
२०४९ साउन १३ गते तत्कालीन गोल्छा अर्गनाइजेसनले स्थापना गरेको श्रीराम सुगर मिल्स २०७७ साउन १२ देखि पूर्णरूपमा बन्द छ । उद्योग जिल्लाको गरुडा नगरपालिका–६ महम्मदपुरमा रहेको छ । उद्योगको नाममा ८० बिघा जग्गा रहेको छ ।
सागर संगम ठाकुर ,रौतहट ,भदौ ११ गते
रौतहटको प्रसिद्ध एवं धार्मिक स्थल शिवनगरधाममा सावन सोमवारी महोत्सव २०८० संम्पन भएको छ । जिल्लाको चर्चित एवं पर्यटकीय स्थलको रुपमा रहेको शिवनगरधाममा पहिलोपटक सावन सोमवारी महोत्सव २०८० आयोजना गरिएको थियो । गरुडा नगरपालिकाको आर्थिक सहयोग तथा समाज बिकास केन्द्र गरुडा नगरपालिका वडा नं.१ को आयोजना र निराला जेनरल स्टोरको सह–आयोजनामा शिवनगरमा महोत्सव संम्पन भएको हो ।
सावन महिनाको सोमबारी शुरु भए संगै टिकटक कलाकारहरुले साँस्कृतिक कार्यक्रम मार्फत आफनो प्रस्तुति प्रस्तुत गरिदै आएका थिए । रौतहट जिल्लाका शुःप्रसिद्ध टिकटक कलाकार राजकुमार साह र एमएल पटेलको मुख्य भुमिकामा देशका ख्यातिप्राप्त टिकटक कलाकारहरुले प्रत्येक सोमवारको दिन साँस्कृतिक कार्यक्रम मार्फत आफ्नो प्रस्तुतिहरु प्रस्तुत गर्दै आएको थियो । महोतस्वमा आयोजकले गएको भदौ ४ गते गरुडा नगरपालिकाका नगर प्रमुख कन्थमणी प्रसाद जयसवाललाई प्रमुख अतिथिको रुपमा आमन्त्रित गरेको थियो भने बिशिष्ट अतिथीको रुपमा भोजपुरी फिल्म कब होई मिलनवा हमारको निर्माता एव निर्देशक नन्दु श्रीवास्तवलाई आमन्त्रण गरेको थियोे । कार्यक्रममा प्रमुख अतिथि जयसवाल र बिशिष्ट अतिथि श्रीवास्तवले बिभिन्न कलाकारहरुलाई गम्छा ओढाई प्रशंसा पत्रले संम्मान गरेको थियो । त्यस्तै बिभिन्न राजनितिक दलका नेताहरुलाई पनि प्रमुख अतिथी र बिशिष्ट अतिथिले संयुक्त रुपमा सम्मान पत्रले सम्मान गरिएको थियो ।
सम्मानित हुनेमा युवा नेता राजकुमार दास,कौशल खान मिथिला सोभी सहनी, गरुडा नगरपालिका वडा नं. १ जयनगरका पुर्व वडा अध्यक्ष सरोज यादव लगाएत अन्य नेताहरु थियो । टिकटकका प्रसिद्ध कलाकार सोमिया पोखरेल, रचना सिवाकोटी, राजकुमार साह र अन्य कलाकारहरुले अ–आफ्नो प्रस्तुति प्रस्तुत गरेकोे थियोे । भदौ ११ गते भएको अन्तिम सोमबारी महोतस्वमा स्थानिय कलाकारहरुले झाकीं प्रर्दशन गरेको थियो भने बिरगंज,काठमाण्डौं,जनकपुर,सिरहा लगाएतका ठाउँबाट कलाकारहरु आफनो प्रस्तुति दिन शिवनगरधाम आएका थिए ।
कलाकारहरुले झाकी मार्फत शिव लिला,कमेडी चुटकुला,धार्मिक गितको साथै मधेशबाट लोप हुन लागेको धेरै पर्वहरुको बारेमा प्रस्तुति प्रस्तुत गर्नु भएको थियो । समापन कार्यक्रममा समाजसेवी चर्चित युवा प्रवेज आलमलाई सम्मानपत्र र मौलापुर एफएमका समाचार प्रमुख सागर संगम ठाकुर, संस्कार एफएम कलैया बाराका स्टेशन मैनेज राधेश्याम पाण्डेलाई गम्छा र मयाँको चिन्होले सम्मान गरेका थियो ।
ओम प्रकाश यादव गरुडा, भदौ ११ गते, रौतहट ।
रौतहटको गरुडा नगर उद्योग वाणिज्य संघको अध्यक्ष पदका उम्मेदवार सतिश साहले आफनो जित कसैले रोक्न नसक्ने दावी गरेका छन् । आफु सम्पूर्ण उद्योगी एवं व्यापारीको इच्छा र चाहना अनुसार नै उम्मेदवारी दिएकोले आफनो विजयी चाहेर पनि कसैले रोक्न नसक्ने साहले बताएका छन् । गरुडा स्थित आफनै निवासमा सोमवार पत्रकारहरुसंग कुरागर्दै अध्यक्षका उम्मेदवार सतिश साहले व्यापारीको राय, सुझाव र सल्लाहकै आधारमा आफु गरुडा नगर उद्योग वाणिज्य संघको अध्यक्ष पदमा उम्मेदवारी दिएको बताए । आफु सहित आफना पुरै प्यानललाई नै विजयी गराउन व्यापारीहरु निकै आतुर रहेकोले आफनो जित सुनिश्चित रहेको उनले बताए ।
उद्योगी, व्यापारीको अपार साथ तथा सहयोग रहेकोले आफु बहुमत सहित निर्वाचित हुने उनले दावी गरे । गरुडा नगरका ७० प्रतिशत उद्योगी व्यापारी आफनो पक्षमा रहेको दावी गर्दै उनले निर्वाचनमा आफु सहित आफना पुरै प्यानल नै दुई तिहाई भन्दा बढी मतले निर्वाचित हुने साहको दावी छ । आफना पक्षमा व्यापक जनलहर रहेकोले जस्तो सुकै निती अपनाएर भएपनि निर्वाचन आफनो पोल्टामा पार्न सक्षम हुने उनले बताए । पत्रकारहरुसंगको कुराकानीमा उनले अघि भने, ‘यो चुनावमा मेरो जित निश्चित छ, किनभने विगत १२ वर्षदेखि मैले यस संस्थामा कार्यरत रही व्यापारीहरुको समस्या सुल्झाउँदै आएको छु । व्यापारीको पीडाहरूलाई कम गर्न लागि पनि मेरो उम्मेदवारी महत्वपूर्ण रहेको बताउँदै साहले आफु चुनाव जिते गरुडा नगरको समृद्धिमा कायापलट नै गर्ने बताए ।
गरुडा नगर उद्योग वाणिज्य संघको नयाँ नेतृत्व चएनका लागि यहि भदौ १८ गते निर्वाचन हुँदै छन् । संघका निवर्तमान अध्यक्ष हरेन्द्र चौधरीले आफना कार्यकालमा लाखौं लाख रकम आर्थिक अनियमितता गरेकोले उनको व्यवहारबाट आजित भएका व्यापारीहरु अध्यक्ष हरेन्द्र चौधरीले समर्थन गर्ने उम्मेदवारलाई कुनै हालतमा मत नदिने पक्षमा रहेकोले आफनो जित निकै सहज हुने उनको ठम्याई छ । एक पटक गरुडा नगर उद्योग वाणिज्य संघको नेतृत्व आफना बुवा योगेन्द्र साहले सम्हालिसकेको उदाहरण दिदै सतिश साहले आफना बुवाले उद्योगी व्यापारीहरुको पक्षमा गरेको राम्रा कामको आधारमा अध्यक्षमा एक पटक आफुलाई पनि साथ दिनेमा विश्वस्त रहेको उनले बताए । आफना पक्षमा व्यापक जनसमर्थन रहेकोले आफनो जित चाहेर पनि कसैले रोक्न नसक्ने उनले बताए ।
