काठमाडौं । नेपाली कांग्रेसका सभापति शेरबहादुर देउवाले विपक्षी दलहरूको बैठक बोलाएका छन् । आज बिहान १० बजे बानेश्वरस्थित प्रमुख प्रतिपक्षी दलको कार्यकक्षमा बस्ने गरि सभापति देउवाले प्रतिपक्षी दलहरुको बैठक बोलाएका हुन् ।

आज अपराहन्न १ बजे आगामी आर्थिक वर्षको बजेट ल्याउने कार्यसूची रहेकोले विपक्षी दलहरुको रणनीति तय गर्न बैठक बोलाइएको बताइएको छ ।  संबिधानमा नै हरेक बर्ष जेठ १५ गते बजेट ल्याउने प्रावधान राखिएको छ ।

सहकारी ठगि प्रकरणको छानबिनको विषयमा सहमति हुन नसकेपछि संसदको अवरोध कायम रहेको छ । यस बैठकमा विपक्षी दलहरुले बजेटको दिन कसरी प्रस्तुत हुने भन्ने विषयमा छलफल गर्ने बताइएको छ ।न्युज कारखाना

राैतहट,१३ गते जेठ । राैतहटकाे देवाही गाेनाही वडा नम्बर ७ मा आज आम जनता पार्टीकाे वडा कमिटी गठन गरिएको छ । आजपाका जिल्ला अध्यक्ष पूर्व मेयर धर्मेन्द्र प्र.पटेलको विशेष अतिथ्यता तथा पुर्व वडा अध्यक्ष जगरनाथ यादवको अध्यक्षता मा पार्टी सङ्गठन सुदृढीकरण अभियान अन्तर्गत गठन गरिएको छ । साे वडाकाे मलङ्ग चौकको धार्मिक स्थल मठ्को प्राङ्गणमा बैठक बसी सर्वसहमतिबाट वडा कमिटी गठन गरिएको हाे । कमिटीकाे अध्यक्षमा विरेन्द्र साह,उपाध्यक्षमा सुरेन्द्र प्र. कुशवाहा, सरोज साह,सचिवमा राकेश कुशवाहा चयन भएका छन् । त्यस्तै सहसचिवमा रामबाबु बैठा,अमिरी साह (भौउच) र काेषाध्यक्षमा नवल किशोर कुशवाहा लगायत ७५ सदस्यीय समिती गठन गरिएको देवाही गाेनाही नगरपालिकाका पूर्व नगर प्रमुख धर्मेन्द्र पटेलले जानकारी गराएका हुन् ।

काठमाडौँ । नेपाली कांग्रेसले एमाले अध्यक्ष केपी शर्माले पहिला कांग्रेसलाई आरोप लगाएको टिप्पणी गरेको छ ।

कांग्रेस महामन्त्री विश्वप्रकाश शर्माले अध्यक्ष ओलीले नै पहिला कांग्रेसले गिरीबन्धुको ५१ बिघा बेचेको भनेर आक्रमण शुरु गरेको बताउदै आफुहरुले त्यसको प्रतिवाद गरेको टिप्पणी गरेका छन् ।

एमालेले अध्यक्ष ओलीमाथि कांग्रेसले आधारहीन आरोप लगाएको भन्दै माफी माग्नुपर्ने बताए पछि कांग्रेसले यस्तो टिप्पणी गरेको हो ।

महामन्त्री शर्माले भने- सर्वोच्च अदालतले गिरीबन्धु प्रकरणमा पूर्ण फैसला दिएपछि कांग्रेस चुप नै थियो । तर यसको पहिलो प्रतिक्रिया, दमदार प्रतिक्रिया, आक्रामक प्रतिक्रिया अध्यक्ष ओलीकै थियो । उहाँले कांग्रेसले ५१ बिघा बेचेर कमिसन खायो भन्नुभयो । उहाँले आरोप लगाउन संबिधानले छुट दिने, प्रतिवाद गर्न उहाँलाई सोध्नुपर्ने ?’

महामन्त्री शर्माले ओलीजीले कांग्रेसमाथि आरोप लगाएपछि आफुहरुले त्यसको प्रतिवाद गरेको स्पष्ट गरे । उनले कांग्रेसलाई आरोपित गरेपछि आफुहरु मौन धारण नगर्ने बताए । न्युज कारखाना

काठमाडौँ । राप्रपाले मध्यावधि निर्वाचनको आशंका गरेको छ ।

राप्रपाको केन्द्रीय समितिको बैठकका निर्णय सार्बजनिक गर्दै अध्यक्ष राजेन्द्र लिङदेनले मध्यावधि निर्वाचन हुनसक्ने भन्दै त्यसका लागि कार्यकर्तालाई तयारी अवस्थामा रहन निर्देशन दिएका छन् ।

राप्रपाले यस अघि शुरु गरेको भूगोल केन्द्रित आन्दोलनलाई निरन्तरता दिने निर्णय गरेको अध्यक्ष लिङदेनले बताए । साथै उनले आन्दोलनमा सहभागी नहुने नेता कार्यकर्तालाई पदबाट निकाल्नेसम्मको निर्णय बैठकले निर्णय गरेको बताए ।

साथै राप्रपाले सहकारी ठगि प्रकरणमा सरकारले प्रभावकारी काम गर्न नसकेको ठहर गर्दै संसदीय छानबिन समिति गठन गर्नुपर्ने माग गरेको छ । साथै राप्रपाले प्रतिपक्षको अवरोधका बीचमा संसद संचालन गरेकोप्रति भर्त्सना गरेको छ ।

साथै राप्रपाले आफ्नो संसद गीता बस्नेतलाई सहकारी ठगि प्रकरणमा कानुन अनुसार उपस्थित भएर सामना गर्न निर्देशन दिने निर्णय गरको छ भने त्यस्तै प्रकृतिका विषयमा मुछिएका सबैलाई कारवाहीको माग समेत गरेको अध्यक्ष लिङदेनले जानकारी दिएका छन् ।

त्यस्तै राप्रपाले गिरीबन्धु टी-स्टेट प्रकरणमा भएको नीतिगत भ्रष्टाचारलाई छानबिनको दायरामा ल्याउन माग गरेको छ ।न्युज कारखाना

काठमाडौं । पार्टी विभाजन र विभाजित सांसदलाई प्रधानमन्त्री पुष्पकमल दाहाल प्रचण्डले लिएको विश्वासको मतमा संलग्न गरिएको भन्दै जनता समाजवादी पार्टी नेपालका अध्यक्ष उपेन्द्र यादवले दायर गरेको रिट आज हेर्न नभ्याइनेमा परेको छ ।

प्रधानन्यायाधीश विश्वम्भरप्रसाद श्रेष्ठ र न्यायाधीश अब्दुल अजिम मुसलमानको संयुक्त इजलासमा परेको पेशीमा हेर्न नभ्याइनेमा परेको हो ।

उपेन्द्र यादवले जसपा नेपालको बिभाजन संबिधान विपरित गरेको भन्दै निर्वाचन आयोगविरुद्ध रिट दायर गरेका थिए ।न्युज कारखाना

काठमाडौं । उपप्रधान तथा गृहमन्त्री रवि लामिछानेलाई पदबाट हटाउन माग गर्दै सर्वोच्च अदालतमा मुद्दा दायर भएको छ । सोमबार अनुपम भट्टराईले रास्वपाका सभापतिसमेत रहेका लामिछानेलाई पदबाट हटाउन माग गर्दै रिट दायर गरेका हुन् ।

गृहमन्त्रीलाई पदबाट हटाउन र महान्यायाधिवक्ता कार्यालयको पत्र खारेजलगायतका मागसहित परेको रिट सर्वोच्च अदालतका रजिष्ट्रार विमल पौडेलले दरपीठ गरिदएपछि त्यसविरुद्ध परेको रिटमा गत बधुबार सर्वोच्च अदालतका न्यायाधीश टेकप्रसाद ढुंगानाको इजलासले रिट दर्ताको आदेश दिएको थियो ।

उक्त आदेशपछि अधिवक्ता अनुपम भट्टराईले दायर गरेको महान्यायाधिवक्ता कार्यालय, उपप्रधान तथा गृहमन्त्री रवि लामिछाने र महान्यायाधिवक्ता दीनमणि पोखरेलविरुद्धको रिट निवेदन दर्ता भएको हो ।

सर्वोच्चमा दायर सो रिटमाथि प्रारम्भिक सुनुवाईका लागि आगामी बुधबारका लागि पेशी तोकिएको छ ।

उपप्रधान तथा गृहमन्त्री लामिछाने सहकारी ठगीमा जोडिएको र उनलाई कारबाही गर्नुपर्ने माग उठ्दै आएको बेला महान्यायाधिवक्ताको कार्यालयले भने उनलाई क्लिनचिट दिएको थियो ।न्युज कारखाना

काठमाडौं । नेकपा एमालेका उपाध्यक्ष विष्णु पौडेलले आफ्ना अध्यक्ष केपी शर्मा ओलीविरुद्ध आधारहीन आरोप लगाएको बताएका छन् ।

प्रधानमन्त्री निवास बालुवाटारमा कांग्रेससँगको छलफलपछि उनले कांग्रेस सहमतिको पक्षमा नरहेको टिप्पणी गर्दै अध्यक्ष ओलीमाथि आधारहीन आरोप लगाएको विषयमा माफी माग्नुपर्ने बताए ।

उनले भने, ‘नेपाली कांग्रेस कुनै सहमतिको पक्षमा छैन भन्ने कुरा पछिल्ला घटनाक्रमहरूले संकेत गरिरहेका छन्। अनुचित र पूर्वाग्रह आरोप लगाउँदै राष्ट्रिय राजनीति बिथोल्न लागेको छ । एमालेका विरुद्ध प्रतिशोधपूर्ण आधारहीन आरोप लगाउँदै हिँडेको छ । यस्तो लाञ्छनाबाट पछि हट्न आवश्यक छ । कांग्रेसले आफ्नो अभिव्यक्ति फिर्ता लिँदैन भने हामी प्रतिवादमा उत्रिन्छौँ ।’

उनले कांग्रेसले एमालेका विरुद्ध गरेको अराजनीतिक आरोपको लिखित रूपमा सार्वजनिक रूपमा माफी माग्नुपर्ने बताए ।

कांग्रेसले गिरीवन्धु टी स्टेट प्रकरणमा ओलीले नीतिगत भ्रष्टाचार गरेको आरोप लगाउदै आएको छ ।न्युज कारखाना

काठमाडौँ । नेपाली कांग्रेसका सभापति शेरबहादुर देउवाले रंगमती शाही प्रमुख रहेको कांग्रेसको पिछडिएको क्षेत्र समन्वय विभागमा १० सदस्य मनोनित गरेका छन् ।

सभापति देउवाले कांग्रेसको विधान, २०१७  (संशोधन सहित) को धारा २५ (९) बमोजिम सदस्य मनोनित गरेको मुख्य सचित कृष्णप्रसाद पौडेलले जानकारी दिएका छन् ।

मनोनयन भएका सदस्य :

१. दुधकुमारी हमाल, डोल्पा
२. डा. साझना खातुन, रौतहट
३. स्मारिका विष्ट, काठमाण्डौ
४. उत्तम सिंखडा, धादिङ्ग
५. रामकुमार राई, भोजपुर
६. ऐनबहादुर मल्ल, बाजुरा
७. अर्जुनप्रसाद रेग्मी, पाल्पा
८. नरबहादुर रोकाया, हुम्ला
९. हरिशंकर तिमिल्सेना, दैलेख
१०.हिराप्रकाश गौचन, बाग्लुङ्ग
न्युज कारखाना

पुजा पाठक,चन्द्रपुर,१४ जेठ, चन्द्रपुर – अखिल नेपाल राष्ट्रिय स्वतन्त्र बिधार्थी युनियन जन ज्योति बहुमुखि क्याम्पस चन्द्रपुर रौतहटले उठाइएको माग सम्बोधन नभए देशब्यापी रुपमा आन्दोलन गर्ने चेतावनी दिएका छन्। जन ज्योति बहुमुखि क्याम्पस नगरकमिटि अध्यक्ष दामोदर उप्रेतीले स्वतन्त्र बिधार्थी युनियनले गरेको आर्थिक अनियमिताको बिषयमा क्याम्पस प्रशासनले सात दिन भित्र मा जवाब दिएन भने कडा संघर्षमा उत्रिने धम्कि समेत दिएका हुन। ४ बुन्दे माग राख्दै क्याम्पस प्रमुखलाइ बुझाइएको पत्रमा स्वतन्त्र बिधार्थी युनियनले कोषमा रहेको रकम के कुन शिर्षकमा खर्च गरेको, के कुन प्रक्रिया बाट म्याद थप गरिएको जानकारी दिन माग गरिएको छ। अखिल नेपाल राष्ट्रिय स्वतन्त्र बिधार्थी युनियनले उठाएको माग जायज रहेकोले क्याम्पस प्रमुखले समय मै सम्बोधन गर्नु पर्ने गरिएन भने आन्दोलनमा उत्रिने पत्र मार्फत जानकारी गराइएको छ। राष्ट्र, राष्ट्रिय्ता, न्याय र सामन्ताको बिषयमा आवाज उठाउदै आएका अनेरास्वबियुले क्याम्पसको विकास र शैक्षिक विकासमा समेत सहयोग पुर्याउदै आएको भन्दै स्वबियुले गरेको अनियमित्ता भ्रस्टाचार लुकाउने क्याम्पस प्रमुखले प्रयास गरे कुनै पनि हालतमा सहन गर्न नसकिने चेतावनी दिइएको छ। क्याम्पस प्रमुखलाइ बुझाइएको माग पत्रमा २०७९ साउन १ गते देखी २०८० अशाढ़ ३१ सम्म कोषमा रहेको ७ लाख ५७ हजार ७सय ६६ रुपैया कहाँ कहाँ खर्च गरिएको सो को बिल भर्पाई सहितको विवरण उपलब्ध गराउन माग गरिएको छ। स्वबियु सभापति संगम श्रेष्ठले आर्थिक बर्ष २०७६/२०७७ देखी २०७९/२०८०सम्मको हिसाब किताब फर्छौट भै सकेको र सिधै बिधार्थी संग कुनै किसिमको शुल्क नलिने गरेको र सम्पूर्ण जिम्मेवारी क्याम्पस प्रमुखलाइ दिइएको जवाब फर्काएकोले क्याम्पस प्रमुखले गरिएको माग सम्बोधन गर्नु पर्ने एक मात्र बिकल्प देखिएको अध्यक्ष उप्रेतीले बताएका छन्।

पुजा पाठक, चन्द्रपुर,१४ जेठ, चन्द्रपुर – अखिल नेपाल राष्ट्रिय स्वतन्त्र बिधार्थी युनियन जन ज्योति बहुमुखि क्याम्पस चन्द्रपुर रौतहटले उठाइएको माग सम्बोधन नभए देशब्यापी रुपमा आन्दोलन गर्ने चेतावनी दिएका छन्। जन ज्योति बहुमुखि क्याम्पस नगरकमिटि अध्यक्ष दामोदर उप्रेतीले स्वतन्त्र बिधार्थी युनियनले गरेको आर्थिक अनियमिताको बिषयमा क्याम्पस प्रशासनले सात दिन भित्र मा जवाब दिएन भने कडा संघर्षमा उत्रिने धम्कि समेत दिएका हुन। ४ बुन्दे माग राख्दै क्याम्पस प्रमुखलाइ बुझाइएको पत्रमा स्वतन्त्र बिधार्थी युनियनले कोषमा रहेको रकम के कुन शिर्षकमा खर्च गरेको, के कुन प्रक्रिया बाट म्याद थप गरिएको जानकारी दिन माग गरिएको छ। अखिल नेपाल राष्ट्रिय स्वतन्त्र बिधार्थी युनियनले उठाएको माग जायज रहेकोले क्याम्पस प्रमुखले समय मै सम्बोधन गर्नु पर्ने गरिएन भने आन्दोलनमा उत्रिने पत्र मार्फत जानकारी गराइएको छ। राष्ट्र, राष्ट्रिय्ता, न्याय र सामन्ताको बिषयमा आवाज उठाउदै आएका अनेरास्वबियुले क्याम्पसको विकास र शैक्षिक विकासमा समेत सहयोग पुर्याउदै आएको भन्दै स्वबियुले गरेको अनियमित्ता भ्रस्टाचार लुकाउने क्याम्पस प्रमुखले प्रयास गरे कुनै पनि हालतमा सहन गर्न नसकिने चेतावनी दिइएको छ। क्याम्पस प्रमुखलाइ बुझाइएको माग पत्रमा २०७९ साउन १ गते देखी २०८० अशाढ़ ३१ सम्म कोषमा रहेको ७ लाख ५७ हजार ७सय ६६ रुपैया कहाँ कहाँ खर्च गरिएको सो को बिल भर्पाई सहितको विवरण उपलब्ध गराउन माग गरिएको छ। स्वबियु सभापति संगम श्रेष्ठले आर्थिक बर्ष २०७६/२०७७ देखी २०७९/२०८०सम्मको हिसाब किताब फर्छौट भै सकेको र सिधै बिधार्थी संग कुनै किसिमको शुल्क नलिने गरेको र सम्पूर्ण जिम्मेवारी क्याम्पस प्रमुखलाइ दिइएको जवाब फर्काएकोले क्याम्पस प्रमुखले गरिएको माग सम्बोधन गर्नु पर्ने एक मात्र बिकल्प देखिएको अध्यक्ष उप्रेतीले बताएका छन्।