चन्दन यादव,राैतहट,२९ गते कार्तिक । 

आफूले दलितहरू माथि कुनै दुर्ववहार,छुवाछूत,भेदभाव नगरेको फतुवा बिजयपुर वडा नम्बर ३ मेवा का वडा अध्यक्ष रामईश्वर राय यादवले बताएका छन् । आज पत्रकारहरू सँग कुराकानी गर्दै उनले यस्तो बताएका हुन् ।

गत कार्तिक २२ गते छठ पुजा गर्ने विषयलाई लिएर मेवा गाउँमा विवाद सिर्जना भएको थियोे । साेही विषयलाई वडा अध्यक्ष माथि दलितलाई दुर्ववहार गरेकाे आराेप लागिरहेको बेला उनले साे कुरा लाई खण्डन गर्दै सामाजिक संजालमा आएका कुराहरू कुनै सत्यता नरहेको बताएका छन् ।

मैले आफनाे सम्पूर्ण वडावासीलाई एक समान मान्ने गरेकाे छु । काहिँ कतै भेदभाव गरेको छैन् । यदि मैले कुनै गल्ती गरेकाे छु भने मलाई भन्नुस म सच्याउन तयार छु ।

छठ पुजा गर्नका लागि एउटै पण्डाल हामीले बनाई पुजा गर्ने व्यवस्था मिलाएका थियौं । चार ठाउँमा श्रीसप्ता बनाई पुजा गर्ने आफूले आग्रह गरेकाे बताए । हुलदंगा नगर्न अनुराेध पनि गरे । तर उल्टै म माथि दलितलाई दुर्ववहार गर्याे भने आराेपहरू आईरहेकाे छ । जुन सरासर गलत हाे ।

मैले असंतुष्ट पक्षसँग धेरै पैरवी गरे तर वहाँहरू तयार हुनु भएन । मुखियाजिले बनाएको पण्डालमा आफूहरू नबस्ने भनिरहेका थिए । कुनै किसिमको मारपिट,झैझगडा त्यहाँ मैले गरेको छैन् ।

आफूलाई बदनाम गर्ने परपंच हाे । अरू केही हाेईन् । अझै पनि म के आग्रह गर्न चाहन्छु भने वार्ता समझदारी बाट समस्या सामाधान गराैं । यसरी आराेपप्रत्याराेप नगर्न हुन म अनुराेध गर्न चाहन्छु ।

आरके श्रीवास्तव,राैतहट,२७ गते कार्तिक । 

राैतहटकाे गुजरा नगरपालिकामा जनता समाजवादी पार्टीको नेपालकाे जनसभा तथा पार्टी प्रवेश कार्यक्रम सम्पन्न भएको छ । जिल्ला अध्यक्ष श्यामबिहारी प्रसाद यादवकाे अध्यक्षतामा भएको कार्यक्रममा प्रमुख अतिथिकाे रूपमा जसपाका राष्ट्रिय अध्यक्ष उपेन्द्र यादव रहनु भएको थियाे ।

गुजरा नगरपालिकाकाे परसवामा भएको कार्यक्रममा विभिन्न पार्टी परित्याग गरि १ सय ३३ जना जनता समाजवादी पार्टी प्रवेश गरेकाे जसपाका नेता विजय चाैधरीले जानकारी गराउनु भएको हाे । कार्यक्रममा प्रमुख अतिथि यादवले नव आगन्तुकहरूलाई टिकामाला लगाई पार्टीमा स्वागत गरेका थिए ।

जनता सँग जसपा नेपाल आधारभूत संगठन निर्माण अभियान अन्तर्गत साे कार्यक्रम गरिएको हाे । साे कार्यक्रममा राष्ट्रिय अध्यक्ष उपेन्द्र यादव सँगै पार्टीका उपाध्यक्ष गाेबिन्द चाैधरी, मधेस प्रदेशका पूर्व मुख्यमन्त्री लालबाबु राउत गदि,प्रदेश शेख फुलबाबु,किशोरी यादव,मधेस प्रदेश अध्यक्ष बालकिशाेर यादव,गुजराका मेयर सन्तलाल चाैधरी लगायतका नेताहरूले कार्यक्रमलाई सम्बाेधन गरेकाे जसपा नेपाल राैतहट अध्यक्ष श्यामबिहारी यादवले बताउनु भएको हाे ।

कार्यक्रममा वक्ताहरूले देशमा संघियता समाप्त पार्ने कुनै किसिमकाे गतिविधि भएमा आफूहरू चुप लागेर नबस्ने चेतावनीसमेत दिएका छन् । कार्यक्रममा जसपा नेपाल सयौं नेता कार्यकर्ताहरूकाे सहभागीता रहेको थियाे ।

कार्यक्रममा सञ्चालककाे भूमिका विजय चाैधरीले गर्नु भएको थियोे भने स्वागत मन्तव्य राष्ट्रिय सभा सदस्य पुजा चाैधरीले राखेकी थिइन् ।

oplus_0

आरके श्रीवास्तव,राैतहट,२६ गते कार्तिक । 

मधेसी जनतालाई सधैं अवसरबाट बञ्चित गरिएकाे आराेप जनता समाजवादी पार्टी नेपालका राष्ट्रिय अध्यक्ष उपेन्द्र यादवले लगाएका छन् । राैतहटकाे गढिमाई नगरपालिका वडा नम्बर ८ विरनगरामा आयाेजित जनसभालाई समबाेधन गर्दै उनले यस्ताे आराेप लगाएका हुन् ।

उनले भने-आफूलाई ठुला दल भन्नेहरूले सधैं मधेस लाई उपनिवेश समझे । हरेक क्षेत्रमा प्रचुर सम्भावना भएको मधेसलाई काँग्रेस कम्युनिस्टले हेपेरै राखे ।

संविधान जारी भएको नाै वर्षमा सुशासन आउन सकेन यसकाे जिम्मेवारी कसले लिने भन्दै प्रश्न गरे ? हामीले याे संविधानकाे विराेध गर्दै आएका छाैं । तर याे संविधानलाई जारी गराउने काँग्रेस कम्युनिस्टले सुशासन कायम गराउनु सक्नुपर्छ कि पर्दैन ? भन्ने प्रश्न गरे ।

मधेसमा मधेसीकाे शासन हुनुपर्नेमा उनले जाेडदिए । मधेसलाई १२ प्रतिशत हाेईन् अब ५२ प्रतिशत बजेट चाहिएकाे छ । देशमा जनसंख्याकाे आधारमा भागिदारी हुनुपर्छ । मधेसीले जनसंख्याकाे आधारमा भागीदारी पाउनुपर्छ ।

त्यसैले उनले भने-हामीलाई यदि अधिकार बाट बञ्चित गरियो भने सबै ठाउँमा पराजित गराैं, आफनाे अधिकार प्राप्त गराैं ।

उनले एक अर्को प्रसंगमा भने-लाेकतन्त्रकाे नाउँमा भईरहेकाे लुटतन्त्रलाई अन्तय गर्न लडनुपर्ने अहिलेकाे आवश्यकता हाे । ३७ वर्षकाे लामाे लाेकतन्त्रमा देश कंगाल भयाे । अब कंगाल बनाउनेहरू विरूद्व लडनु पर्छ ।

कार्यक्रममा मधेस प्रदेशका पूर्व मुख्यमन्त्री लालबाबु राउत गदिले जसपा नेपाल तमाम उत्पिडनमा परेका व्यक्तिहरूकाे  आवाज उठाउने एक मात्र पार्टी रहेकाे दाबी गरे ।

त्यस्तै मधेस अर्का पूर्व मुख्यमन्त्री सराेजकुमार यादवले जसपा पार्टी रहेसम्म कसैले संघियतालाई हल्लाउन नसक्ने ठाेकुवा गरे ।

कार्यक्रमलाई समापन गर्दै जनता समाजवादी पार्टी नेपालका राैतहटका अध्यक्ष श्यामबिहारी प्रसाद यादवले आगामी मंसिर १६ गते हुने उपनिर्वाचनमा जसपा नेपालकाे तर्फबाट राैतहटकाे गढिमाई नगरपालिका वडा नम्बर ८ मा आफनाे पार्टीकाे तर्फबाट वडा अध्यक्ष उम्मेदवारकाे रूपमा संदेश यादव रहेकाे घाेषणा गरे । उपनिर्वाचनमा जसपाकाे जित सुनिश्चित रहेको समेत दाबी गरे ।

जनसभामा जसपाका नेताहरू गाेविन्द चाैधरी, पूर्व कृषि राज्यमन्त्री याेगेन्द्र यादव,प्रदेश सांसद शाेभा देवी,किशाेरी यादव,राजकुमार दास लगायतका नेताहरूकाे सहभागीता रहेको थियो ।

राैतहट,२५ गते कार्तिक । 

सरकारको मनोमानी कर र भ्रष्टाचारको विरोधमा आजपाद्धारा एकै दिन मधेसमा जागरण अभियान र काठमाडौंमा विरोध प्रदर्शन

“सरकारको अनावश्यक कर हटाउ, देशको व्यापार ब्यवसाय बचाउ” भन्दै आजपाद्धारा काठमाडौंमा विरोध प्रदर्शनसंगै मधेसमा भ्रष्टाचार विरोधी जागरण अभियान

भ्रष्टाचार र सरकारको मनोमानी करका विरुद्धमा सडक संघर्षमा उत्रेको आजपाद्धारा काठमाडौं र मधेसमा एकै दिन अभियान

काठमाडौं ।
पूर्वमन्त्री प्रभु साह नेतृत्वको आम जनता पार्टी (आजपा)ले आउदो १ मंसिरमा एकै दिन काठमाडौंमा विरोध प्रदर्शनका साथै मधेसमा भ्रष्टाचार बिरोधी विशेष जागरण अभियान सुरु गर्दैछ ।

मुलुकमा बढदै गईरहेको भ्रष्टाचार, अनियमितता, कुशासनका साथै सरकारको अनावश्यक कर एवं महंगी विरुद्ध आजपाले आन्दोलन गर्दै आएको छ । सोही बिषयलाई लिएर आजपाले काठमाडौंमा विरोध प्रदर्शन गर्नुका साथै मधेस प्रदेशमा विशेष जागरण अभियान सञ्चालन गर्न लागेको हो ।

आजपाका वरिष्ठ उपाध्यक्ष तिलक थापामगरले सरकार कुम्भकरण जस्तै सुतिरहेको अवस्थामा आम जनताको समस्याको बारेमा जानकारी गराउनका लागि पार्टीले काठमाडौं सहित मधेसमा एकै दिन विरोध प्रदर्शनका साथै विशेष अभियान सञ्चालन गर्न लागेको बताए ।

‘सरकारलाई आम जनताको समस्या, चाहना के हो भन्ने बारेमा कनै चासो देखिएन् । कुम्भकरण जस्तो सुतेको सरकारलाई आम जनताको समस्या र सरकारको मनपरी कार्यशैलीका विरोधमा अब जनता सडकमा आउँन बाध्य भएका छन्’ आजपा वरिष्ठ उपाध्यक्ष थापाले भने, ‘मुलुकमा भ्रष्टाचार बढदै गईरहेको छ, कुशासन, अनियमितता बढदैछ । सोझासाझा जनतामाथि अनावश्यक करमाथि कर थुपार्ने काम सरकारले गरेको छ । यस्तो अवस्थामा सरकारलाई सचेत गराउन सडक संघर्षको बिकल्प नै भएन् ।’

आईतबार काठमाडौं स्थित आजपाको केन्द्रीय कार्यालयमा बसेको पार्टीको काठमाडौं उपत्यका बिशेष कमिटीको बैठकले देशको अर्थतन्त्र बचाउन यही १ मंसिरमा “सरकारको अनावश्यक कर हटाउ, देशको व्यापार ब्यवसाय बचाउ” भन्ने मुल नाराका साथ विरोध प्रदर्शन गर्ने निर्णय गरेको छ ।

काठमाडौंको शान्तिवाटिकामा बृहत् प्रदर्शन गर्ने निर्णय गरेको आजपाले सरकार पिच्छे सरकारको अनावश्यक करले देशको व्यापार ब्यवसाय बर्वाद भईरहेको, देशको अर्थतन्त्र बचाउन युवाहरु उठन आवश्यक रहेको आजपा सचिव नारायण पाण्डेले जनाकारी दिए ।

‘हामीले मंसिर १ गते काठमाडौंको शान्तिवाटिमा बृहत विरोध प्रदर्शन गर्ने निर्णय गरेका छौं । सरकारको मनपरी करमाथिको कर हटाउनुपर्ने, युवालाई रोजगार दिनुपर्ने, भ्रष्टाचार, कुशासन, अनियमितता लगायतको विरोधमा हामी शान्तिपूर्ण प्रदर्शन गर्न लागेको हो’ आजपा सचिव पाण्डेले भने ।

यस्तै छठपर्व अघि वीरगंजमा बसेको आजपाको प्रदेश कमिटीको पदाधिकारी बैठकले भ्रष्टाचारको विरोधमा मधेसमा विशेष जागरण अभियान सञ्चालन गर्ने निर्णय गरेको थियो । आजपा मधेस प्रदेशका प्रवक्ता एवं केन्द्रीय सदस्य डा. हेमप्रसाद साहले यो अभियान मधेस प्रदेशका आठवटै जिल्लामा हुने बताए ।

मधेस प्रदेशको सप्तरी, सिरहा, धनुषा, महोत्तरी, सर्लाही, रौतहट, बारा र पर्सा जिल्लामा सञ्चालन हुने जागरण अभियान एक हप्तासम्म चल्ने उनले बताए । पार्टीका अध्यक्ष एवं पूर्वमन्त्री प्रभु साह सहित पार्टीका नेताकार्यकर्ताहरुको विशेष सहभागिता अभियानमा हुने प्रवक्ता साहले जनाएका छन् ।

सप्तरीबाट सुरु हुने सो अभियान पर्सामा आएर सम्पन्न हुनेछ । मधेसका प्रमुख शहरहरुमा सभा, प्रदर्शन, बैठक, भेला लगायतका गतिविधि हुने अभियानले पार्टीले पहिलो चोटी गर्न लागेको छ । यस अघि आजपाले काठमाडौं सहित बिभिन्न शहर एवं जिल्लाहरुमा बिशेष प्रदर्शन गर्दै आएको छ । भ्रष्टाचार, अनियमितता, कुशासन, मनपरी कर, महंगी, बेरोजगारी, बैदेशिक रोजगारको ठगी, भन्सारको मनोमानी कर लगायतका बिषयमा आजपाले आवाज उठाउदै आएको छ ।

‘हाम्रो महान तथा गौरवशाली पार्टी आम जनता पार्टी, मधेस प्रदेश कमिटीको विशेष संयोजनमा यही मंसिर १ गतेदेखी देशमा बढदो लुट आतंक, भ्रष्टाचार एवं विभेद विरुद्ध मधेस जागरण अभियान संचालन गर्ने तथा देशमा तीन तहका सरकारहरुले सरकार पिच्छे मनपरी रुपमा कर आतंक खडा गरी आम नेपाली जनतालाई दुख दिईरहेको स्थितीलाई बदल्न एवं देशभर शून्य कर नीतिलाई प्रोत्साहन गर्ने गराउने पुनित उदेश्यका साथ मंसिर १ गते नै उपत्यका विशेष कमिटीको आयोजनामा संघीय राजधानी काठमाडौंमा विशेष प्रदर्शन गर्ने निर्णय समेत गरिएको छ’ आजपा प्रवक्ता चन्द्रभुषण साहले जारी गरेको बिज्ञप्तीमा उल्लेख गरिएको छ ।

आरके श्रीवास्तव,बारा,१९ गते कार्तिक । 
बाराको पचरौता नगरपालिकामा परम्परादेखि लाग्दै आएको महाबिरी झन्डा मेलाको विवाद चर्कदैँ गएको छ । पचरौता नगरपालिका ७ बेनौली गाउँमा परम्परादेखि लाग्दै आएको महाबिरी झन्डाको लागि तिन ओटा मेला समिति गठन भएपछि मेलापूर्व नै विवाद चर्केको हो ।
पचरौता नगर प्रमुख जलन्धर सिंह जैसवारले मेला लगाउने नाममा विभिन्न समूहहरुले बलजफ्ती चन्दा उठाउने काम गरिरहेकाले तत्काल रोक्न र चन्दा उठाउनेमाथि कारबाहीको लागि माग गरेका छन् ।
हरेक वर्ष छठ पर्वको समापनसँगै सुरु हुने मेलामा गत वर्ष निकै विवाद भएको थियो । प्रहरीले दर्जनौँ राउन्ड गोली चलाउनु परेको थियो । विगतदेखि मेला लाग्दै आएको भए पनि केही वर्षदेखि मेलामा विवाद हुँदै आएको छ । मेलामा हुने विवादलाई रोक्न वडा कार्यालयको पहलमा नगरपालिकाले मेला समिति निर्माण गरेपछि झन् विवाद चर्किएको हो ।
मेलाको लागि नगरपालिकाको नगरसभा तथा बोर्ड बैठकले पाँच लाख रुपैया छुट्याएर मेला लगाउनको लागि समितिलाई कार्यादेश दिइसकेको छ । केही मानिसले आफ्नो स्वार्थ पूरा नहुने देखेपछि अदालतबाट मेला लगाउन नै रोक लगाउनु पर्ने माग गर्दै मुद्दा दायर गरेका थिए । अदालतले तत्कालको लागि मेला लगाउन रोक लगाउन मिल्ने कारण नदेखिएको आदेश दिइसकेको छ ।

परम्परादेखि लाग्दै आएको मेलाको स्थानको विषयमा पनि विवाद उठेको छ । नगरपालिकाले महाबिरी झन्डा तथा ब्रह्मबाबा पुजन कार्य मेला स्थानीय विद्यालयमा हुँदै आएकोमा नगरपालिकाले नजिकै रहेको पोखरीको ठुलो डिललाई स्थान तोकेको छ । पोखरीको डिलमा मेला सारिएपछि कतिपयले पहिले लाग्दै आएको विद्यालयमा नै मेला लाग्नुपर्ने भन्दै मेला समिति गठन गरेका छन् । विद्यालयको चौरमा मेला लगाउन उचित नहुने भन्दै अर्को समूहले विद्यालय बाहिर मेला लगाउने भन्दै तेस्रो मेला समिति पनि गठन गरेका छन् । विद्यालयभित्र र विद्यालय बाहिर मेला लगाउने भन्दै आफूखुसी मेला समिति गठन गरेका समूहहरुले स्थानीयसित चन्दा असुल गरिरहेको नगर प्रमुख जैसवारको भनाइ छ ।
मेला लगाउन, नाच, जात्रा गराउन तथा मदिराको बिक्रीका साथै जुवाबाट रकम असुल गर्न केही मानिसले महाबिरी मेलालाई बदनाम गराउन चाहेको नगर प्रमुख जैसवारको भनाइ छ ।
नगर प्रमुख जैसवारले सोमवार पत्रकार सम्मेलन गरी मेलालाई सभ्य र भव्यतापूर्वक लगाउन स्थानीयलाई सहयोगको लागि आग्रह गरेका छन् । मेलामा कुनै किसिमको विकृति हुन नदिनको लागि र नगरपालिकाले तोकेको ठाउँसँगै अन्यत्र सोही मितिमा मेला लगाउन दिँदा झैँझगडा हुने भएकोले अन्यत्र मेला लाग्न नदिन नगर प्रमुखले माग गरेका छन् ।
नगर प्रमुख जैसवारले शान्ति सुरक्षाको लागि जिल्ला प्रशासन कार्यालय बारा र जिल्ला प्रहरी कार्यालय बारासित तिन सय प्रहरीको माग गरिएको बताउँदै नगर प्रहरी तथा स्वयंसेवकहरु पनि मेलाको व्यवस्थापन तथा शान्ति सुरक्षाको लागि परिचालन गरिने बताएका छन् ।
नगरपालिकाले तोकेको ठाउँभन्दा अन्यत्र मेला लाग्न नहुने र सम्बन्धित निकायले पनि ध्यान दिनुपर्ने जैसवारको तर्क रहेको छ ।
यता साेही नगरपालिका वडा नम्बर ४ का वडा अध्यक्ष एवम् नगर प्रवक्ता लक्ष्मी यादवले पनि ई सबै कुराहरूलाई गराउँदै प्रेस रिलिज पढेर सुनाएका थिए । उनले पनि वडाकाे विना अनुमती कुनै किसिमको मेला,नाटक, झाँकी,नाच गर्न नहुनेमा जाेड दिए । साे अवसरमा मेला आयाेजन भईरहेकाे वडा नम्बर ७ का वडा अध्यक्ष बनारसी बिन,शिक्षा सहायक प्रमुख मुकेश कुमार सिंह,भैयाराम यादवकाे पनि उपस्थिति रहेको थियो ।

आरके श्रीवास्तव,रौतहट,०३ गते कार्तिक ।
रौतहटमा अहिले जनता समाजवादी पार्टी नेपालले आफनो संगठन विस्तारको कामलाइ तिव्रता दिएको छ । जिल्लाको चर्चित बजार कटहरियामा आज जसपाको नगर कमिटि गठन गरिएको छ ।
जसपा नेपालले आधारभूत संगठन निर्माण कार्यक्रम अन्तर्गत शुभकामना आदानप्रदान कार्यक्रम सम्पन्न गरेको हो । शनिबार आयोजित विस्तारित बैठक, शुभकामना आदानप्रदान तथा नगर कमिटि गठन कार्यक्रम भव्यतापूर्वक सम्पन्न भएको जनता समाजवादी पार्टी नेपालका केन्द्रिय सदस्य चुल्हाइ राय यादवले जानकारी गराएका हुन् ।
कार्यक्रमको प्रमुख अतिथीको रुपमा जसपा नेपालका केन्द्रिय उपाध्यक्ष गोविन्द चौधरी रहनु भएको थियो । शनिवार भएको कार्यक्रममा रामसेवक राय यादवको अध्यक्षतामा ३१ सदसीय नगर कमिटि नगठ गरिएको हो ।

कार्यक्रममा वक्ताहरुले भेलालाई सम्बोधन गर्दे अव युवाहरुको समस्या र आवश्यकता जनता समाजवादीले पुरा गर्ने बताए । जनता समाजवादी पार्टीले सबै लाई एकतावद्ध बनाएर बढेको बताएका छन् ।
त्यस्तै उनीहरुले जनताको साझा चौतारीको रुपमा जसपा नेपालको रहेको भन्दै यसमा कोही छुट्न नहुने उल्लेख समेत गरेका छन् ।
सो अवसरमा जसपाका केन्द्रिय सदस्य एवम् गुजरा नगरपालिकाका नगर प्रमुख सन्तलाल चौधरी,रामाअश्रेय चौधरी लगायत प्रदेश एवम् जिल्ला कार्य समितिका नेता कार्यकर्ताहरुको उपस्थिती रहेको यियो ।

जनकपुरधाम,०१ गते कार्तिक ।

मधेश प्रदेशका माननीय मुख्यमन्त्री सतिशकुमार सिँहज्यू मैथिली विकास काेषकाे जनकपुरधाम उपमहानगरपालिका-८ स्थित निर्माणाधीन भवनकाे बिहीबार भ्रमण अवलाेकन गर्नुभएकाे छ ।

मुख्यमन्त्री सिँहलाई काेषका अध्यक्ष जीवनाथ चाैधरी, नेपाली काँग्रेसका नेता एवम् पूर्वमन्त्री रामसराेज यादव, नेपाली काँग्रेस धनुषाका उपसभापति गणेश झा, प्रमाेद चाैधरी, श्याम शशिलगायतले स्वागत गर्नुभयाे ।

प्रदेश सरकारकाे सात कराेड रूपैयाँकाे लगानीमा पाँच कट्ठा क्षेत्रफलभित्र निर्माण भइरहेकाे काेषकाे भवनमा साँस्कृतिक सङ्ग्रहालय, पुस्तकालय, मिथिला लाेकचित्रकला प्रशिक्षण केन्द्र, कला प्रदर्शनी कक्ष, श्रव्यदृश्य कार्यसम्पादन कक्ष, सेमिनार हल लगायत रहनेछन् ।

तत्कालीन जिल्ला विकास समिति धनुषाले गत २०५८ सालमा स्थापना गरेकाे काेषले दुई वर्षकाे अन्तरालमा जनकपुर साहित्य महाेत्सव तथा अन्तर्राष्ट्रिय नाट्य महाेत्सवकाे आयोजना गर्दैआएकाे छ ।

काेषले गत तीन वर्षयता मासिक कथा एवम् कवि गाेष्ठी आयोजना गरिरहेकाे छ । मैथिली भाषा एवम् साहित्यसँग सम्बन्धित एक दर्जनभन्दा बढी पुस्तक प्रकाशन गरिसकेकाे काेषले ५१-५१ हजार राशिकाे पुरस्कारसमेत स्थापना गरेकाे छ ।