बज्जिकाञ्चल संवाददाता,राैतहट,०८ गते मंसिर ।
राैतहट । राष्ट्रिय मातृभूमि पार्टीका केन्द्रीय बरिस्ठ उपाध्यक्ष राेमलाल गिरीले नेपालमा रहेका प्रमुख राजनैतिक दलका नेताहरुले देशमा गरिबी बढाएको आराेप लगाएका छन् । राैतहटको गढिमाई नगरपालिकाको वडा नम्बर ८ स्थित बिरनगरामा आयोजित सभामा बोल्दै बरिस्ठ उपाध्यक्ष गिरीले देशमा बैदेशिक ऋुण थप्दै गएको तर प्रमुख राजनैतिक दलका नेताहरुको दरिद्र मानसिकताका कारणले दिन प्रतिदिन जनता झन गरिब हुदै गएको बताए ।
नेपालको यो भुमि धर्तिको स्वर्ग भएर पनि यहाँ गरिबी र अशिक्षा छ अहिले सम्मकाे राजनीतिकाे उपज हो । देव भुमि,प्राण भुमि र मृतसंजिवनी भुमिकाे रुपमा रहेकाे सुन्दर देश नबन्नुमा प्रमुख राजनैतिक दलका नेताले लिनु पर्दछ ।
पुराना दलका नेताहरुका कारण देशका माटोमा जनताले गरि खाने बातावरण बनाउन नसकेको आरोप लगाउदै नेता गिरीले पुराना पार्टी संग जनतालाई सचेत रहन अनुराेध गरे । उनले सभालाई सम्बाेधन गर्ने क्रममा हाम्रेा पार्टी देशमा सुशासन र समृद्वीका लागि काम गरि रहेको दाबी गर्दै विना उपचारको जनता मरि रहने तथा भोक रोगबाट जनतालाई जाेगाउने कार्यलाई आफुहरुले अभियानका रुपमा आगाडी बढाउने प्रतिवद्वता समे गरेका छन । मानवता- मानवियता तथा शुद्ववायु -शुद्व खानेपानीको समुचित व्यवस्थापन गरि जनताको भोक रोग मेटाउने अभियानमा बरिस्ठ उपाध्यक्ष गिरीले साथ दिन अनुराेध गर्दै नेपालमा जन्मिएका सबै नागरिकलाई समान अधिकार दिनु पर्नेमा जाेड दिएका छन । नागरिकको अधिकार प्राप्तिको पहिलाे ईकाईको रुपमा रहेको वडामा खास गरेर गढिमाई नपाको वडा नम्बर ८ को बच्चा काखमा राखेकी आमा चुनाव चिन्ह धारक उमेदवार साहेबलाल कुर्मी निर्वाचित भए यो वडा देश कै नमुना वडा बनाउने उनले घाेषणा समेत गरेका छन । पार्टीका जिल्ला अध्यक्ष रन्जित पटेलकाे अध्यक्षतामा भएको साे कार्यक्रममा केन्द्रीय महासचिव गाेविन्द गिरी , कोषाध्यक्ष
केशव भट्टाराई ,केन्द्रीय सदस्य सविता झा, गढिमाई नगरप्रमुख प्रत्यासी शम्भु साह ,कटहरिया नगर प्रमुख प्रत्यासी हरी विनय साह निराला सहितले वडा अध्यक्ष उमेदवार साहेबलाल राउत कुर्मीलाई विजय गराउन जनसमुदायसंग अनुराेध गरेका थिए ।
आरके श्रीवास्तव,राैतहट,०८ गते मंसिर ।
देशभर कार्यरत कायस्थ जातिका पत्रकारहरुको प्रारम्भिक राष्ट्रिय सम्मेलनले आज कायस्थ पत्रकार समाज केन्द्रीय समितिको गठन गरेको छ । ११ सदस्यीय केन्द्रीय समितिको अध्यक्षमा प्रवीणकुमार चौधरी कायस्थ चुनिएका छन् । समाजको उपाध्यक्षमा रौतहटका जितेन्द्र श्रीवास्तव, महासचिवमा सर्लाहीकी शिल्पा कर्ण, सचिवमा पर्साका अशोक श्रीवास्तव र कोषाध्यक्षमा काठमाडौँकी सुस्मिता कर्ण चयन भएका छन् ।
समितिको केन्द्रीय सदस्यमा रौतहटकी सरिताकुमारी श्रीवास्तव, बाराका अनिल कर्ण, धनुषाका संतोषलाल कर्ण, सर्लाहीका संतोष कुमार र रौतहटका राजभूषण श्रीवास्तव चयन भएका छन् ।
कायस्थ/चित्रान्शहरूकाे सामूहिक हित एवम् आपसी सदभाव बढाउने उदेश्यले देशैभरिका कायस्थहरूकाे साझा मञ्चकाे रूपमा कायस्थ पत्रकार समाज निर्माण गरिएको हाे । जसमा कायस्थ पत्रकारहरू मात्र आबद्ध छन् । राष्ट्रिय सम्मेलनमा नै कायस्थ पत्रकार समाजलाई पूर्णता दिएकाे छ ।
काठमाडौंकाे कार्निभल रेस्टुरेन्ट थापा गाउँ बिजुली बजारमा शनिबार भएको राष्ट्रिय सम्मेलनकाे अध्यक्षता पत्रकार धर्मेन्द्र कुमार कर्णले गर्नु भएको थियोे भने प्रमुख अतिथिकाे रूपमा डा.गाैरीशंकर लाल दास रहनु भएको थियो । कार्यक्रम सञ्चालन प्रवीणकुमार चौधरी कायस्थले गर्नु भएको थियोे ।
साे अवसरमा अखिल भारतीय कायस्थ महासभाका राष्ट्रिय अध्यक्ष डा.अनुप श्रीवास्तव,अखिल भारतीय कायस्थ महासभा मिसन २ के का चित्रांश अन्तर्राष्ट्रिय संयाेजक अनिल कर्ण कायस्थ,नेपाल पत्रकार महासंघ मधेस प्रदेश अध्यक्ष राजेश कर्ण,मधेस प्रदेशका मुख्यमन्त्री सतिश कुमार सिंहका प्रेस सल्लाहकार अनिल कुमार कर्ण लगायत देश विदेशका आउनु भएका कायस्थ समुदायका सयौंको संख्यामा मानिसहरूकाे सहभागिता रहेको थियोे ।
सम्मेलनमा बाट समाजकाे अवधारणा पत्र समेत पारित गरिएको नव निर्वाचित अध्यक्ष कायस्थले जानकारी गराउनु भएको हाे । साथै बिधान समिति समेत गठन गरिएको उनले जानकारी गराउनु भएको हाे ।
सम्मेलनमा वर्षाैदेखि पत्रकारिता गरिरहनु भएका पत्रकारहरू अनिल कुमार कर्ण,जितेन्द्र लाल श्रीवास्तव लगायतका पत्रकारहरू लाई पनि सम्मान गरिएको थियोे । साथै प्रमुख अतिथि डा.गाैरीशंकर लाल दासलाई पनि सम्मान गरिएको थियोे ।
आरके श्रीवास्तव,राैतहट,०२ गते मंसिर ।
राैतहटकाे गढिमाई नगरपालिका वडा नम्बर ८ कांग्रेसका तर्फबाट सुबाेध प्रसाद यादवले उमेदवारी दर्ता गराएका छन् । गढिमाइ-८ को वडाध्यक्ष पदका निम्ति कांग्रेसका तर्फबाट यादवले उमेदवारी दिएका छन् ।
मनाेनयन दर्ता वडा अध्यक्ष उम्मेदवार यादवले जनताकाे साथ सहयाेग रहेकोले आफनाे जित सुनिश्चित रहेकाे दाबी गरेका छन् । आफूलाई जनताले भारी बहुमतका साथ जिताउने विश्वस्त रहेकाे बताएका छन् ।
उपनिर्वाचनका निम्ति आईतवार बिहान १० देखि अपराह्न ५ बजेसम्म उमेदवारको मनोनयनपत्र दर्ताकाे समय ताेकेकाे थियो । स्थानीय तहका रिक्त ४२ पदका निम्ति यही मंसिर १६ गते मतदान हुँदै छ ।
आरके श्रीवास्तव,राैतहट,०२ गते मंसिर ।
राैतहट-उपनिर्वाचन अन्तर्गत राैतहटकाे तिनवटै नगरपालिकाकाे वडाहरूमा वडा अध्यक्ष पदका उम्मेदवारहरूले मनाेनय दर्ता गराएका छन् । जिल्लाकाे गढिमाई ८,राजपुर ६ र ईशनाथ ७ मा वडा अध्यक्ष पदका उपनिर्वाचन भइरहेको छ ।
सबै उम्मेदवारहरूले आ-आफ्नाे वडामा स्थापित निर्वाचन अधिकृतको कार्यालयमा आइतबार पुगेर मनोनयनपत्र दर्ता गराएका हुन् ।
गढिमाई-८ को वडाध्यक्ष पदका निम्ति निकै प्रतिस्पर्धा हुने।देखिएकाे छ । नेपाली काँग्रेस मधेस प्रदेशका सभापति एवम् पूर्व मन्त्री कृष्णा यादवकाे गृह गाउँ विरनगरा भएकोले पनि राजनीतिक दलहरूकाे कडा टक्कर हुने देखिएकाे छ ।
गढिमाइ-८ काे वडा अध्यक्षकाे लागि नेकपा एमालेकाे तर्फ बाट वडा अध्यक्ष पदका उम्मेदवार जिउती देवी यादव आज मनाेनय दर्ता गराएकी हुन् । त्यस्तै जसपा नेपालकाे तर्फ बाट वडा अध्यक्ष पदका उम्मेदवार संदेश प्रसाद यादवकाे उम्मेदवारी परेको हाे ।
त्यस्तै नेपाली काँग्रेसकाे तर्फ बाट वडा अध्यक्ष पदका उम्मेदवार सुबाेध प्रसाद यादवले पनि मनाेनय दर्ता गराएका हुन् ।
एकिकृत समाजवादीकाे तर्फ बाट वडा अध्यक्ष पदका उम्मेदवार प्रमाेद यादव मनाेनय दर्ता गराएका हुन् । त्यसैगरी
गढिमाई ८ मै जनमत पार्टीका वडा अध्यक्ष उम्मेदवार सुरेन्द्र राउत कुर्मीले आफ्नो उम्मेदवारी दर्ता गराएका हुन् ।
त्यसैगरी राैतहटकाे राजपुर ६ र ईशनाथ ७ मा पनि वडा अध्यक्ष उम्मेदवारहरूले मनाेनयन दर्ता गराएका हुन् ।
उपनिर्वाचनका निम्ति आईतवार बिहान १० देखि अपराह्न ५ बजेसम्म उमेदवारको मनोनयनपत्र दर्ता गराएका छन् । स्थानीय तहका रिक्त ४२ पदका निम्ति यही १६ गते मतदान हुँदै छ ।
बज्जिकाञ्चल संवाददाता,राैतहट,०१ गते मंसिर ।
बज्जिका साहीत्य समाज सर्लाही छ्ठ पर्वकाे अवसरमा आयोजना गरेको राष्ट्रिय बज्जिका कविता प्रतियोगिता सम्पन्न भएकाे छ ।
प्रतियोगितामा प्रथम पुरस्कार गरुडा रौतहटकी ममता यादव कविताकाे शिर्षक चिरहरण, दितिय पुरस्कार बलरा सर्लाहीका मनमोहन सिंह मनोहर कविताकाे शिर्षक जलेश्वर नाथकाे महिमा त्यस्तै तृतीय पुरस्कार मौलापुर रौतहटका सरोज कुमार पटेल कविताके शिर्षक बलवान समय रहेको थियो । प्रतियोगितामा प्रथम भएका कविलाई रु११,०००/- प्रमाणपत्र गमछा, दिवाल घडि पुरस्कार बाट सम्मानित गरिएको छ । द्वितीय भएका कविलाई रु. ७०००/-प्रमाणपत्र गमछा,दिवाल घडीबाट समानित गरिएको हाे । र तृतीय भएका कविलाई रु. ४१००/- प्रमाणपत्र गमछा,दिवाल घडि बाट सम्मनित गरिएको हाे ।
विजेताहरूलाई बज्जिका समाज सर्लाही अध्यक्ष रामचन्द्र कुशवाहा पुरस्कार हस्तान्तरण गर्नु भएको थियो । प्रमुख अतिथि मलगंवाका नगर प्रमुख नागेन्द्र प्रसाद यादव रहनु भएको थियोे भने साहित्यकार अजय कुमार झा, बज्जिका सेवक संजय साह मित्र, बज्जिका साहित्यि संगमका अध्यक्ष किसुनदयाल यादव कृष्ण ,जिल्ला प्रशासन कार्यालय सर्लाहीका प्रमुख जिल्ला अधिकारी सिडियो गोपाल कुमार अधिकारी ,बज्जिका अभियन्ता डा. कमलेश्वर सिन्हा ,उदघोषक मुकेश कुमार मिश्र ,अभजित कुमार अभि लगायतका सयाैं जनाकाे सहभागितामा कार्यक्रम सम्पन्न भएको बज्जिका साहित्य समाजका अध्यक्ष रामचन्द्र कुशवाहा जानकारी गराएका हुन् ।
आरके श्रीवास्तव,रौतहट,०१ ग्ते मंसिर ।
रौतहटको गुजरा नगरपालिका भित्र रहेका इट्टा भट्ठाहरुमा बालश्रमीकहरुको आज संयुक्त अनुगमन गरिएको छ । सो नगरपालिकामा बालश्रम न्यूनिकरण परियोजना सञ्चालनमा रहेको छ । उक्त परियोजना अन्तर्गत नै अनुगमन गरिएको हो ।
ग्रामीण विकास केन्द्र नेपाल,केएनएच,किनडर नट हिल्पको आर्थिक सहयोग र गुजरा नगरपालिकाको समन्वयमा सो परियोजना चलिरहेको परियोजना संयोजक शेष अर्सदले जानकारी गराएका हुन् । परियोजनाले बालश्रम न्यूनिकरणका लागि कार्यविधि बनाउने,निति नियम बनाउने काम गर्ने देखि लिएर सरोकारबालाहरुको क्षमता अभिवृद्धि गर्ने कार्य गर्ने गर्दछ ।
शनिवार गुजरा नगरपालिकाकी उपपमेयर रत्ना लामाको नेतृत्वमा अनुगमन टोली इट्टा भट्ठाहरुमा पुगेको थियो । सो नगरपालिका भित्र रहेको रामजनकी इट्टा उधोग,रोयल इट्टा उधोग लगायतका दर्जनौं इट्टा भट्ठाहरुमा अनुगमनको गरिएको छ ।
अनुगमनको क्रममा सर्लाही,मकवानपुर लगायतका जिल्लाहरु बाट पुरै परिवार सहितनै इट्टा भट्ठाहरुमा काम गर्न आउने गरेको पाइएको छ । जसमा ५ वर्ष देखि १५ वर्ष मुनिका बालबालिका सँगै आउने गरेको र बालश्रम गरिरहेको पाइएको छ ।
उनीहरु करिब ६ महिना सम्म यही काम गर्ने गर्दछन् । जसकारण बालबालिकाहरुको पढाइ अवरुद्ध हुने गर्दछ । बालबालिकाहरुको पढाइलाइ कसरी निरन्तरता दिन सकिन्छ भन्ने बारेमा अनुगमनको क्रममा विचारविमर्श गरिएको छ । अनुगमन पछि उक्त ठाउँहरुमा त्रैमासिक रुपमा अनुगमन गर्ने,बालबालिकाहरु बिधालय गए नगएको सुनिश्चित गर्ने जस्ता सुझावहरु आएको थियो । यसै विषयमा नगरपालिकामा बैठक बसी ठोस् निर्णय गरिने भएको छ ।
अनुगमनको क्रममा गुजरा नगरपालिकाका शिक्षा शाखा प्रमुख शिवमंगल साह,आरडिसि नेपालका कर्मचारी,नगरपालिकाको कर्मचारी लगायत पत्रकारहरुको उपस्थिती रहेको थियो ।
आरके श्रीवास्तव,राैतहट,०१ गते मंसिर ।
राैतहटमा कायस्थ पत्रकारहरूकाे भेला सम्पन्न भएको छ । जिल्ला सदरमुकाम गाैरमा जिल्लाभरीका कायस्थ पत्रकारहरू जम्मा भएका थिए । मधेसभूमि दैनिक पत्रिकाकाे कार्यालयमा भएको साे कार्यक्रममा कायस्थ पत्रकार समाजकाे काठमाडौंमा हुन गईरहेकाे प्रथम राष्ट्रिय सम्मेलनमा सहभागीता बारे छलफल गरिएको पत्रकार जितेन्द्र श्रीवास्तवले जानकारी गराउनु भएको हाे ।
यही आउँदाे मंसिर ०८ गते राष्ट्रिय सम्मेलनका लागि काठमाडौंमा देशैभरिका कायस्थ पत्रकारहरू जम्मा हुँदैछन् । जसमा राैतहटका कायस्थ पत्रकारहरू पनि सहभागी हुने भएका छन् । राैतहटमा करिब १ दर्जन भन्दा बढी कायस्थ पत्रकारहरू विभिन्न मिडियामा आबद्ध छन् भने धेरैकाे आफनाे मिडिया सञ्चालनमा रहेका छन् । ती मध्ये आधा दर्जनभन्दा बढी राैतहटका कायस्थ पत्रकारहरू काठमाडौंमा हुने राष्ट्रिय सम्मेलनमा सहभागी हुने भएका छन् ।
कायस्थ/चित्रान्शहरूकाे सामूहिक हित एवम् आपसी सदभाव बढाउने उदेश्यले देशैभरिका कायस्थहरूकाे साझा मञ्चकाे रूपमा कायस्थ पत्रकार समाज निर्माण गरिएको हाे । जसमा कायस्थ पत्रकारहरू मात्र आबद्ध छन् । राष्ट्रिय सम्मेलनमा नै कायस्थ पत्रकार समाजलाई पूर्णता दिइने बुझिएको छ । गाैरमा भएको भेलामा बरिस्ठ पत्रकार विनयलाल कर्ण,मधेस भूमि दैनिकका मनाेज निधि,पत्रकारहरू अजित कर्ण, नन्दभूषण श्रीवास्तव,राजभूषण श्रीवास्तव, राजन कुमार श्रीवास्तव, विणा श्रीवास्तव लगायतका कायस्थ पत्रकारहरूकाे सहभागीता रहेको थियो ।
बज्जिकाञ्चल संवाददाता,राैतहट,३० गते कार्तिक ।
राैतहट । मधेस प्रदेस सरकारका उधोग वाणिज्य तथा पर्यटन मन्त्री सकिल अलि मियाले गाैरमा पर्यटन विकास कार्यालयको एक समारोह बिच शुक्रबार उदघाटन गरेका छन । प्रमुख अतिथिको आसनबाट समारोहलाई सम्बोधन गर्दै प्रदेस सरकारले मधेसका पर्यटन क्षेत्रको बिकासका लागि कुनै कसर बाकि नराख्ने दाबि गरे ।
मधेस प्रदेसको दुई वटा जिल्लालाई जोडेर पर्यटन सर्किट बनाउनलागेको बताए। उदघाटन भएको कार्यालय बाट राैतहट र सर्लाही जिल्लाको पर्यटन क्षेत्रको विकास तथा प्रचारप्रसार हुने विश्वास व्यक्त मन्त्री अलिले गरेका छन ।
पर्यटन विकास कार्यालय गाैर राैतहटका पर्यटन विकास अधिकृत संजय कुमार मिश्रको अध्यक्षतामा भएको साे उदधाटन समारोहमा वन तथा वातावरण मन्त्री त्रिभुवन साह,प्रदेस सभासदस्य ईन्दु साह, जिल्ला समन्वय समिति राैतहटका प्रमुख रामअयाेध्या राय यादव, गाैर नगर प्रमुख शम्भु साह ,उधोग वाणिज्य तथा पर्यटन मन्त्रालयका सचिव सुशील साह ,राैतहट उधाेग वाणिज्य संघका अध्यक्ष पण्डित प्रसाद जयसवाल सहितले कार्यालय स्थापना भएकोमा शुभकामना व्यक्त गरेका छन् ।
आरके श्रीवास्तव,राैतहट,३० गते कार्तिक ।
यति कठिन जाडोमा आस्थामा हजारौं मानिसले नदीमा डुबुल्की लगाएका छन् । राैतहटकाे लालबकैया नदी सहित विभिन्न नदिहरूमा स्नान गरेका छन् ।
उता हजारौँ मानिसले बागमती नदीमा पनि स्नान गरेका छन् । कात्तिक पूर्णिमाको दिन गंगास्नान गर्ने चलन अनुसार बागमती नदीसहित विभिन्न जलाशयमा हजारौँले स्नान गरेका हुन् ।
कात्तिक पुर्निमाको दिन गंगास्नान गरेमा पापबाट मुक्ति प्राप्त भई पुण्य प्राप्त हुने विश्वास रहेको छ ।
रौतहट र सर्लाहीको बिचमा बग्ने बागमती नदीमा हजारौँले स्नान गरेका हुन् । नदीको दुवैतिरको घाटमा सर्वसाधारणले स्नान गरी पूजाआजा समेत गरेका हुन् ।
बागमती नदीको नुनथर, विश्रामपुर, समनपुर, लक्ष्मीपुर, धरमपुर, रजबाडा, भलोहिया, पिपरा, बडहर्वासहित दर्जनभन्दा बढी घाटमा रौतहटतिर र उत्तिकै घाटमा सर्लाहीतिर गरी हजारौँले स्नान गरेका हुन् । यसै गरी बकैया नदीको पनि दर्जनौँ घाटमा हजारौँले स्नान गरेका छन् ।
बागमती नदीमा स्नान गर्नका लागि सर्वसाधारण ट्रयाक्टर तथा अन्य साधनमा नदीको किनारसम्म पुगेका थिए । नदीको किनारमा रातभर जाग्राम बस्ने प्रचलन अनुसार हजारौँ मानिसले नदीको घाटमै रात बिताएका छन् । बागमती नदीको नुनथर घाटमा गंगा सेवन गर्न बारा र पर्सा जिल्लाबाट समेत श्रद्धालुहरु पुगेको पाइएको छ । बागमतीमा नदीमा स्नान गरी नुनथरमा रहेको महादेव मन्दिरमा हजारौँले दर्शन गरेका छन् ।
कात्तिक पूर्निमाको अवसरमा बागमती नुनधरमा मेला लाग्दै आएको छ । मेला भर्न रौतहट, सर्लाही, बारा, पर्सा, मकवानपुर तथा सिन्धुली जिल्लाबाट श्रद्धालुहरु पुग्ने गरेका छन् । रौतहट र सर्लाहीका अन्य केही ठाउँमा पनि कात्तिक स्नान मेला लाग्दै आएको छ ।
केही दिनदेखि रौतहट र सर्लाहीमा अत्यधिक चिसो बढेको भए पनि नदीमा नुहाउने श्रद्धालुहरुको संख्यामा कुनै कमी देखिएको छैन । सबारी साधनमा सर्वसाधारणको पहुँच विस्तार भएसँगै मेला भर्न जाने श्रद्धालुको संख्यामा हरेक वर्ष वृद्धि हुँदै गएको गढीमाई नगरपालिका २ का वडाध्यक्ष दीपेन्द्र श्रेष्ठको भनाइ छ ।
आरके श्रीवास्तव,रौतहट,३० गते कार्तिक ।
छठ घाटमा भएको विवादलाई लिएर अहिले राैतहटकाे फतुवा बिजयपुर नगरपालिका वडा नम्बर ३ मेवा गाउँ अहिले तातेकाे छ । दुईतर्फि पत्रकार सम्मेलन आयाेजन भईरहेकाे छ । बिहीबार वडा अध्यक्ष पक्षले पत्रकार सम्मेलन गरेका थिए भने शुक्रबार दलित समुदायका मानिसहरूले पत्रकार सम्मेलन गरेका छन् ।
मेवाका दलित समुदायले साे वडाका वडा अध्यक्ष रामईश्वर राय यादवले आफुहरुमाथि जातीय विभेद भएको आराेप लगाएका छन् ।
पिडितका अनुसार गत कार्तिक २२ गतेका दिन सम्पन्न भएको छठ पर्वका दिन आफूहरुले छठपर्वको लागि बनाइरहेको छठ पण्डाल लाई नेपाली काँग्रेस पार्टीबाट निर्वाचित वडा अध्यक्ष रामईश्वर राय यादवले अछुत जातको पण्डाल हाम्रो पण्डाल संग टाँसिएर बनाउन मिल्दैन भन्दै, यादवको स्वयं संलग्नतामा सयौं व्यक्ति मिलेर आफुहरुको पण्डाल तोडफोड गरि घाट सजाउने सामानहरु समेत जलाइदिए पछि आफुहरुले त्यसको प्रतिकार गर्न खोज्दा वडा अध्यक्ष यादवले आफूहरुको जाति स्तर देखाएर नाना थरीको गाली बेइज्जती तथा मार पिटगर्दै मोटर बाट पानी चलाएर पानीको प्रेसरले मारेर आफुहरलाई लखेट्दै भगाएको आरोप लगाएका छन् ।
दलित समुदायका पिडितहरुले आज मेवा गाउँकै दलित बस्तीमा पत्रकार सम्मेलनको आयोजना गरि उक्त घटना बारे जानकारी गराएका गराएका हुन् । वडा अध्यक्ष यादव स्थानीय सरकारको अंग र एउटा जिम्मेवार व्यक्ति भएर पनि महान आस्थाको पर्व छठको बेलामा आफुहरु माथि गरेको जातिय विभेदको घोर भर्त्सना गर्दै वडा अध्यक्ष यादव लगायत घटनामा संलग्न सम्पूर्णमाथि कडाभन्दा कडा कारबाहीको लागि जोडदार माग गरेका छन् ।
उक्त पत्रकार सम्मेलनमा त्यहाँ दलित समुदायका दर्जनौं दलितले आ-आफ्नो कुरा राख्दै उक्त घटनाको मुख्य दोषी वडा अध्यक्ष यादव नै रहेकोले दोषीउपर कडाभन्दा कडा कारबाही गराउनका निम्ति दलित आयोग लगायत सम्पूर्ण दलित अधिकार कर्मी,मानव अधिकार कर्मी,सुरक्षा कर्मी,केन्द्रीय सरकार,प्रदेश सरकार र स्थानीय सरकारको साथै सम्बन्धित निकाय संग जोडदार माग गरेका छन्।
त्यसैगरी दलित सामाजिक अभियन्ता राजेश पासवान निर्माणीले संविधानले वर्ण,लिंग,जाति र धर्मको हिसाबले कुनै पनि व्यक्तिसंग विभेद न गर्न कानुन समेत बनाइ सके ता पनि वडा अध्यक्ष यादवले कानुन उलंघन गर्दै जातिय भेदभाव गरेको र जातीय भेदभाव तथा छुवाछूत (कसूर र सजाय) ऐन, २०६८ र नेपालको संविधानको उलंघन गर्दै,दडण्डित कार्य गरेको भन्दै उहाँले वडा अध्यक्ष यादवको कारबाहीको लागि संबंधित निकाय संग जोडदार माग गरेका छन् ।
पासवानले प्रहरी प्रशासनले अटेरी गरि पडितलाई बेवास्ता गरेमा आफुहरु कडाभन्दा कडा आन्दोलन गर्ने चेतावनी समेत दिएका छन्। उक्त पत्रकार सम्मेलनमा दर्जनौं पत्रकारहरुको साथै मेवाका दलित समुदाय तथा जिल्लाका दर्जनौं दलित अगुवाहरुको उपस्थिति रहेको थियो ।
यता साे वडाका वडा अध्यक्ष रामईश्वर यादवले आफू दलितहरू माथि कुनै दुर्ववहार,छुवाछूत,भेदभाव नगरेको यसअघि नै पत्रकार सम्मेलन गरि बताईसकेका छन् ।
