काठमाडौं, पुस २४ गते २०८१ ।
मधेशी एकता समाज, यूएईले दुबईको जाबिल पार्कमा नयाँ वर्ष २०२५ को शुभ अवसरमा दुई दिनअघि भव्य कार्यक्रम आयोजना गरेको छ । कार्यक्रमले मधेशी समुदायको एकता, सांस्कृतिक पहिचान र समग्र प्रगतिका लागि नयाँ ऊर्जा थपेको छ ।
श्रमिक, व्यवसायी, विद्यार्थी, आगन्तुक र बौद्धिक क्षेत्रका विशिष्ट अतिथिहरूको उल्लेखनीय सहभागिताले कार्यक्रमलाई अझ विशेष बनाएको थियो ।
मधेशी एकता समाजले सन् २०२१ मा स्थापनापछि हरेक वर्ष नयाँ कार्यसमितिको चयन गर्दै आएको परम्परालाई निरन्तरता दिएको छ । कार्यक्रमले रोशन मार्र्कसिस्टको नेतृत्वमा समाजको युएई च्याप्टरको नयाँ कार्यसमिति चयन गरेको छ ।
नयाँ कार्यसमितिको महासचिवमा एस के यादव, सहअध्यक्ष एवं प्रवक्तामा शैलेन्द्र राय, अर्का सहअध्यक्षमा राम साह चयन गरिएका छन् ।
यस्तै एकता समाजको मधेशी व्यवसायी परिषद्को संयोजकमा कविन्द्र यादव र युवा संयोजकमा आदित्य अटललाई चयन गरिएको छ ।
त्यस अवसरमा एकता समाजका संस्थापक डाक्टर रविन्द्र कुमार यादव र अफजल हुसैन (गुलजार)लाई मधेशी समुदायमा उल्लेखनीय योगदान दिएकोमा विशेष सम्मान गरिएको थियो ।
त्यस्तै, व्यवसायीहरु कविन्द्र यादव, बिनेश यादव र गणेश पुर्बे तथा प्रमुख सल्लाहकार र संस्थापक सदस्यहरू मुकेश झा र तनवीर आलमलाई गम्छा ओढाएर सम्मान गरिएको थियो । यस्तै, निवर्तमान अध्यक्ष धर्मेन्द्र गोहिबार यादवलाई सफल नेतृत्वका लागि धन्यवाद दिइएको थियो ।
आफ्नो मन्तव्य राख्दै संस्थापक डाक्टर रविन्द्र यादवले मधेशी एकता समाजको स्थापना, उद्देश्य र विगतका सफलताबारे प्रकाश पार्दै मधेशी समुदायलाई एकता र सामूहिक प्रगतिका लागि माथि उठ्न आह्वान गगर्नुभयो ।
डाक्टर यादवले संयुक्त राष्ट्र संघको अल्पसंख्यक मञ्चमा हालैको आफ्नो सहभागिता र काठमाडौंमा भएको एकता समाजको अन्तरक्रिया कार्यक्रमका बारेमा जानकारी गराउनुभयो ।
उहाँले मधेशी समुदायको सांस्कृतिक पहिचानको संरक्षण र सुन्दर भविष्यका लागि मधेशी एकता समाजको सन्देश नयाँ पुस्तामा पुर्याउन जोड दिनुभयो ।
मधेशी एकता समाजले आफ्नो स्थापना कालदेखि नै नेपाली मधेशी समुदायका लागि छाता संगठनको रूपमा कार्य गर्दै आएको छ र यसको गतिविधि हालसम्म विश्वका प्रायः सबै देशमा फैलिएको छ ।
आरएन पटेल,रौतहट,पुस २३ गते ।
चिसो बढेपछि राैतहटका बिधालयहरू धमाधम बन्द हुन थालेका छन् । बढ्दो चिसोले रौतहटका पालिकाहरुद्वारा ३ दिन विद्यालय बन्द गर्ने निर्णय गरिएको छ। शितलहरका कारण चिसो अत्याधिक बढेकाले रौतहटका विभिन्न पालिकाहरुले आगामी ३ दिनका लागि विद्यालय बन्द गर्ने निर्णय गरेको हो। शीतलहरका कारण जाडो बढेपछि पठनपाठनमा समस्या आएपछि विद्यालयमा जाडो बिदा दिईएको हो।
जिल्लाका विभिन्न पालिकाहरुले मंगलवार सूचना जारी गर्दै पौष २४ गते देखी २६ गते सम्मका लागि ३ दिन पालिका अन्तर्गत रहेका सबै सरकारी र निजी विद्यालयहरु बन्द गर्ने निर्णय गरेका छन। जिल्लाको सबैभन्दा पुरानो पालिका गौर नगरपालिका, ईशनाथ नगरपालिका, बौधिमाई नगरपालिका तथा फतुवा विजयपुर नगरपालिकाले आज एकै साथ सूचना जारी गर्दै बढ्दो जाडोको कारणवाट विधार्थीहरुको स्वास्थ्यमा पर्न सक्ने प्रतिकुल असरलाई मध्यनजर गर्दै उक्त तीन दिनको बिदा वर्षे विदावाट कट्टा हुने गरी सम्बन्धित पालिका अर्न्तगतका सम्पुर्ण सामुदायिक तथा संस्थागत विद्यालय सबैको पठनपाठन बन्द गर्न गराउनु सबै सरोकारवालालाई जानकारी गराइएको सूचनामा उल्लेख गरिएको छ।
जाडोले गर्दा प्राबिमा पढ्ने स–साना विद्यार्थीहरु बढी प्रभावित बनेका थिए। जाडोले गर्दा विद्यार्थीहरुको न्युन उपस्थितिले गर्दा पठनपाठन समेत प्रभावकारी हुन नसकेको विद्यालयका शिक्षकहरुले बताउँछन्। ‘स–साना विद्यार्थी लुगलुग काम्ने, रुघाखाकी र ज्वरोले प्रभावित हुन सक्ने सम्भावनालाई निर्मूल पार्न तथा बालबालिकाहरुको स्वास्थ्य अवस्थाको ख्याल गरि उक्त जाड़ो बिदा नगरपालिका भित्र रहेका सबै विद्यालय बन्द गरिएको बौधिमाई नगरपालिकाका निमित्त प्रमुख प्रशासकीय अधिकृत तारकेश्वर प्रसाद पटेलले बताए। पौषको अन्तिम हप्ता रौतहटमा पश्चिमेली हावासंगै बाक्लो हुस्सु र शीतलहरले जनजीवन प्रभावित हुँदै आएको छ।
बज्जिकाञ्चल संवाददाता,२३ गते पुस २०८१ । काठमाडौं । काठमाडौंमा आज भूकम्पको धक्का महसुस भएको छ । भूकम्प ७ म्याग्निच्युडको रहेको राष्ट्रिय भूकम्प मापन तथा अनुसन्धान केन्द्रले जनाएको छ । बाह्रखरीमा खबर छ ।
बज्जिकाञ्चल संवाददाता,राैतहट,२३ गते पुस २०८१ ।
राैतहट-राैतहटमा भूकम्पको धक्का महसुस गरिएको छ । मंगलबार बिहान ६ बजेर ५२ मिनेटमा भूकम्पको धक्का महसुस गरिएको हो ।
राैतहट लगायत बारा,पर्सा,महाेतरी,धनुषा लगायतका जिल्लाहरूमा भूकम्पकाे धक्का महसुस गरिएको छ ।
काठमाडौंमा भने ठूलै भूकम्पकाे धक्का महसुस गरिएको प्रारम्भिक खबर छ । भूकम्प गएको बारे सामाजिक संजाल मार्फत पनि विभिन्न ठाउँबाट खबरमा जनाइएको छ ।
भूइंचालो जाँदा मानिसहरु घर बाहिर निस्किएका थिए । भूकम्प गएपछि भागाभाग भएको छ । काठमाडौंमा भने सडकमा सवारी साधन केहि समय रोकिएका अन्नपूर्णमा खबर छ । वितस्तृत विवरण आउन बाँकि रहेकाे छ ।
सञ्जय सहनी,राैतहट, २२ पुस २०८१ ।
रौतहट । रौतहटको परोहा नगरपालिकाको स्थानीयहरुलाई नि:शुल्क एल.पि.जी ग्यास सलिन्डिर र चुल्हो सेट बितरण कार्यक्रमले गर्दा स्थानीय खुसि भएका छन् ।
विकास र पुर्वाधारमा द्रुत गतिमा अगाडी बढाइरहेको परोहाले धुवाँमुक्त नगर अभियान अन्तर्गत सोमबार ग्यास चुल्हो सहित ग्यास सलिन्डिर वितरण अभियानलाई अगाडि बढाएपछि नगर बासिको मुहारमा खुसि छाएको हो ।
परोहा नगरपालिका- ४ मा रहेको प्रहरी चौकीको प्रांगणमा आइतबार र सोमबार गरि वडा ४,५ र ६ का २७ सय जनालाई नगरप्रमुख शेख वकिलले चुल्होसहतिको सिलिन्डिर बितरण गरेपछि उहाँको जयजयकार हुन थालेको हो ।
नगर सभा बाट पारित नीति कार्यक्रम अनुसार नगरको प्रत्येक घर परिवारलाई पुग्ने गरी लगभग ८ हजार ग्यास चुल्हो सेट बितरण गर्ने योजना र कार्यक्रमअन्तर्गत चुल्हो सहितको सिलिन्डिर बितरण गर्न लागिएको मेयर शेख वकिलले बताउनु भएकाे छ ।
मेयर वकिलले भने -`भोट माग्न जादा महिला दिदि बहिनिको एउटै माग थियो हामीलाई ग्यास चुल्हो सिलिन्डर चाहिन्छ ,मैले पनि चुनावमा प्रतिबद्धता गरेको थिए ,त्यहि प्रतिबद्धता पुरा गर्न लागि परेको छु ।
दाउरा, कोइला, गुइँठा जस्ता परम्परागत इन्धनमा आत्मनिर्भर ग्रामीण क्षेत्रका घर परीवार सम्म एल.पी जी ग्यास जस्ता सफा खाना पकाउने इन्धनको पहुँच बिस्तार गर्ने उद्देश्यले यो कार्यक्रम ल्याइएको मेयर शेख वकलिले बताउनु भएकाे छ ।
ग्यास सिलिन्डिर बितरणबाट आर्थिक रुपमा बिपन्न परिवार लाभान्बित हुने बिश्वास ब्यक्त गर्दै माटोको चुल्हो र दाउराले खाना पकाउने खासगरी महिला दिदि-बहिनीहरुको स्वास्थमा हुने खराबी रोक्न ग्यास चुल्होबाट सहयोग हुने , समयको बचत हुने, महिलाको आत्मसम्मान बढ्ने र विभिन्न स्वास्थ्य समस्याबाट बचाउने हुनाले आफूले आवश्यक ठानी यो अभियान सञ्चालनमा ल्याएको मेयर वकिलको भनाई छ।
नपाकै बरिस्ठ ईन्जिनियर दिपेन्द्र यादवले यस अभियानबाट नगरमा आगलागी न्यूनीकरण , वनविनाश रोक्न सक्ने हाम्रो बिश्वास रहेको धारणा व्यक्त गरेका छन् ।
पालिकाले दिएको ग्यास सिलिन्डिर लिदै स्थानीय नागेन्द्र पटेले यहाँका स्थानीय वर्षौदेखि दाउरा र रुखको पात उपयोग गर्दै खाना र खाजा बनाउन बिबस थिए।जसका धुवाँ- धुलोले गर्दा विभिन्न रोगबाट ग्रसित भई पीडित छन् । जनताको पिडालाई सम्बोधन गर्न मेयर शेख वकिलले स्थानीय प्रती देखाएको हार्दिकताको जति सराहना गरेपनि कम हुने प्रतक्रिया दिए।
नगर कै अर्का समाजसेबी जोगी सहनीले महिला दिदि बहिनिको स्वास्थ्य रक्षाको लागी ,समय बचतको लागि साथै आ – आफ्नो जीवन रुपान्तरण गर्न ग्यास चुल्हो बितरण कार्यले महत्त्वपूर्ण भुमिका खेल्ने बताउदै मेयर शेख वकिल र नगरपालिका परिवार प्रति आभार व्यक्त गरेका छन् ।
मेयर वकिलको प्रयासले धुवाँधुलो रहित ईन्धनमा खाना पकाउने सौभाग्य पाएपछि आफुहरु निकै हर्सित भएको स्थानीय हेमनती देबीले बताइन् ।
ग्यास चुल्हो वतिरण कार्यक्रममा विभिन्न वडाका वडाध्यक्ष, नगर पालिकाको कर्मचारी, स्थानीय भलादमीहरु,सुरक्षा निकाय र विभिन्न सञ्चार माध्यमको प्रतिनिधिहिरु सहभागिता रहेको थियो।
मुन्ना मिश्र,राैतहट,२२ गते पुस २०८१ ।
रौतहट जिल्लाको कटहरिया नगरपालिका वडा नम्बर ८ बलुवामा भईरहेको श्रीमद् भागवत महापुराण कथा र नवाह यज्ञको आज पांचौं दिन हो । गत पुस १८ गते देखी २७ गते सम्म चल्ने श्रीमद् भागवत महापुराण कथा र नवाह यज्ञको प्रथम दिन १ हजार ८ कुमारी कन्याद्वारा कलश यात्रा निकालिएको थियो । कलश यात्रामा विभिन्न बाजागाजा सहित हजारौ हजार भक्तजनहरुले सोभा बढाएका थिए ।
बलुवा टाेलबाट निकालिएको कलश यात्रा कटहरिया बजार परिक्रमा गर्दै लालबकैया नदिमा पुगेको थियो । कलश यात्रमा स्थानीयहरुले अ-आफ्ना सवारी साधन समेत लिएर सहभागी भएका थिए । भारतको श्री धाम बृन्दावन मथुरा बाट कथा व्यास श्री रामगोपाल जी महाराज लाई श्रीमद् भागवत महापुराण कथा वाचन गर्न बोलाइएकोले श्रीमद् भागवत महापुराण कथा र नवाह यज्ञमा दैनिक हजारौंको संख्यामा श्रद्धालु भक्तजनहरू पुजा गर्न तथा श्रीमद् भागवत महापुराण कथा सुन्न आउने गरेकाे आयोजक समितिका अध्यक्ष वीरेन्द्र यादव जानकारी गराएका हुन् ।
नौ दिनसम्म चल्ने यस नवाह यज्ञ तथा मेलामा आउने भक्तजनहरूको मनोरञ्जन को लागि बिभिन्न किसिमका खेल तमासा , झुलुवा, सर्कसको व्यवस्था रहेको मेला आयोजकले जानकारी दिएको छ। प्रत्येक दिन दिउँसो १ बजे देखि साँझ ५ बजेसम्म र साँझ ७ बजे देखि राति १२ बजेसम्म श्रीमद् भागवत महापुराण कथाको साथै झाँकि कार्यक्रम समेत आयोजना गरिएकोले आगन्तुक श्रद्धालु भक्तजनहरूलाई आकर्षित गरिरहेको देखिन्छ ।
सार्वजनिक धार्मिक कार्यक्रम तथा यज्ञ गर्नमा कटहरिया नगरपालिका वडा नम्बर ८ बलुवा गाउँ जिल्लामै अगाडि रहेको दाबी गरिएको छ । यसमा समितिका कोषाध्यक्ष सिकेन्द्र यादव,सचिव अनिल कुमार यादव,वडा प्रत्यासी भिखारी पण्डित लगायतका स्थानीय भद्रभलादमीहरूकाे सक्रियता त्यतिकै देखिएको छ ।
बज्जिकाञ्चल संवाददाता,पर्सा,२२ गते पुस ।
बिरगंज । आम जनता पार्टी (आजपा)का अध्यक्ष एंव पुर्वमन्त्री प्रभु साहले मुलुकमा बढदै गईरहेको भ्रष्टाचार विरुद्ध खबरदारी गर्ने उदेश्यले बिरगंजमा भ्रष्टाचारको बिरुद्धमा खबरदारी सभा गर्न लागेको बताएका छन् ।
सरकारका मान्छेहरु भ्रष्टाचारमा चुर्लुम्म डुबेको आरोप उनले लगाए ।भ्रष्टाचार नियन्त्रण गर्नेहरूकै मिलेमतोमा खुलमखुल्ला भ्रष्टाचार भैइरहेको अध्यक्ष साहले आरोप लगाए ।
आजपा पर्सा जिल्ला कमिटीको आज ( सोमबार ) बिरगंजमा सम्पन्न बैठकलाई सम्बोधन गर्दै अध्यक्ष साहले बिरगंजलाई आर्थिक राजधानीका साथै भ्रष्टाचार विरुद्ध हुने खबरदारी सभाका कारण शासकबर्ग त्रसित भएको बताए ।
हालै भ्रष्टाचार बिरुद्ध मधेसमा जागरण अभियान गरेको आजपाले बिरगंजमा भ्रष्टाचार बिरुद्ध खबरदारी सभा गर्न लागेको हो । साथै बिरगंजलाई मुलुकको आर्थिक राजधानी घोषणा गर्नुपर्ने माग समेत आजपाले गरेको छ ।
‘मुलुकमा भ्रष्टाचार बढदै गईरहेको छ तर सरकार मुकर्दशक बनेको छ । सरकारकै संरक्षणमा भ्रष्टाचार बढदै गईरहेको छ । हरेक काण्डमा सरकारका मान्छेहरु संलग्न रहेका छन् । मुलुक लुटिरहेको सरकारले भ्रष्टाचारीलाई संरक्षण गरिरहेको छ,’ आजपा अध्यक्ष साहले भने, ‘भ्रष्टाचार नियन्त्रण गर्ने सरकारी निकायहरुकै संलग्नतामा हरेक क्षेत्रमा भ्रष्टाचार बढदै गईरहेको छ । भ्रष्टाचार बिरुद्ध आवाज उठाउँने उदेश्यले हामीले खबरदारी सभा गर्न लागेका छौं ।’
बिरगंजलाई देशको आर्थिक राजधानी घोषणा गराउँन र भ्रष्टाचार बिरुद्ध जागरण गर्ने उदेश्यले पुस २७ गते बिरगंजमा हुने खबरदारी सभालाई आजपा अध्यक्ष साहका साथै शिर्ष नेताहरूले विशेष सम्बोधन गर्ने कार्यक्रम रहेको छ ।
बैठकलाई सम्बोधन गर्दै साहले संघिय संरचना आउँनुभन्दा अघि बिरगंजलाई राजधानी बनाउँने भनिए पनि बिरगंजसंग धोका भएको बताए । प्रदेशको राजधानी बिरगंजलाई बनाउँन भनिए पनि षडयन्त्र गरिएको बताउदै उनले बिरगंजलाई आर्थिक राजधानी घोषणा गर्नमा पनि षडयन्त्र भईरहेको आरोप लगाए ।
‘काठमाडौं प्रशासनिक राजधानी हुने, पोखरा पर्यटकीय राजधानी हुने तर बिरगंज आर्थिक राजधानी किन नहुने ? हामीले बिरगंजलाई जसरी पनि आर्थिक राजधानी घोषणा गराएरै छाड्ने छौं,’ उनले भने, ‘यदी बिरगंजलाई आर्थिक राजधानी घोषणा गरिएन भने हामी चुप लागेर बस्दैनौं । अहिले खबरदारी सभा गरिरहेका छ, सरकारले हाम्रो माग सम्बोधनमा ढिलाई गरे यो भन्दा कडा आन्दोलन गर्न हामी बाध्य हुन्छौं ।’
साथै उनले सरकारले हरेक बस्तु र क्षेत्रमा मनोमानी कर लगाएर मुलुकलाई धरासायी बनाउदै गरिरहेको आरोप लगाए । भ्रष्टाचार बिरुद्ध जागरण गर्ने, सरकारको मनोमानी कर आतंकको अन्त्य र बिरगंजलाई आर्थिक राजधानी घोषणा गराउँन दबाब दिने उदेश्यले बिरगंजमा खबरदारी सभा गर्न लागेको आजपाले जनाएको छ ।
आजपाले भ्रष्टाचार, सरकारको मनोमानी कर आतंक, बैदेशिक रोजगारमा भईरहेको ठगी, भन्सार कानूनमा रहेको लुटकारी व्यवस्था, एवं दलाल दलतन्त्र बिरुद्ध आवाज उठाउदै आएको छ ।
प्रेमचन्द्र झा,राैतहट,२२ गते पुस ।
रौतहट। इशनाथ नगरपालिकाका नगर प्रमुख काैशल्या देवी सिन्हाले भारतीय सिमानाकाबाट सवारी साधनको आवागमन अवरुद्व नै रहेकमा दुख: व्यक्त गरेका छन । नगरप्रमुख सिन्हाले सोमबार आफनो कार्यकक्षमा पत्रकारहरुसंग कुरागर्दै हाम्रो नगर क्षेत्रमा सिमानाकाबाट सवारी साधन आवागमन बन्द रहेका कारण ठुलो समस्या भोग्नु परेको बताए ।
सिमानाकाबाट रोकिएको सबारी आवागमन बारे फेसबुकमा जसरी प्रचार प्रसार आए त्यो कुरा संग मेल खाने काम बोडरमा नभएको नगर प्रमुख सिन्हाले बताए ।आफनै नगरबाट सिधै भारत जान आउन सहज थियो तर कसले कुन नियतले गाैर भएर मात्र गाडी जान्छ भने प्रवधान ल्याएर किन जनतालाई दुख दिदै छन आफु बुझन नसकेको नगर प्रमुख सिन्हाले भने । सवारी साधन बन्द भएका कारण स्थानीय प्रशासन प्रति जनता आक्रोशित हुँदै गएको ईसनाथ नगरपालिका वडा नम्बर ४ लतमरीका समाजसेवी किशोरी साहले बताए ।
जब जब नेपालमा केपी शर्मा ओली प्रधानमन्त्री हुन्छ सो बखत कुनै न कुनै बखेडा खाडा गरि मधेशका जनता खास गरेर बोडरका जनता समस्या भोग्नु परेको समाजसेवी साहले आरोप समेत लगाएका छन । यसरी सवारी साधन नेपालका तर्फबाट रोकिएकोमा नेकपा एमालेका जिल्ला ईन्चार्य अजय गुप्ताले दुख व्यक्त गरेका छन । समाधान भई सकेको समस्या पुन: के कति कारणले शुरु भएको हा आफु यसमा लागेर सामाधान गराउने कुारामा आश्वासत रहन ईन्चार्ज गुप्ताले भने । नेकपा एकीकृत समाजवादीका नेता रेवन्त झाले पुर्ववत भारतीय सिमानामा आवागमन सुचारु नगरिए सरकारको बिरुद्व आन्दोलनको आंधीबेरी ल्याउने चेताबनी दिएका छन ।
साथै नेता झाले गाैर भन्सार कार्यालय र सशस्त्र प्रहरी कार्यालयलाई जनतालाई दुख नदिन आग्रह समेत गरेका छन । सिमाक्षेत्रमा भारतबाट आउने तथा नेपालबाट भारत जाने सवारीको आवागमनमा भएको समस्या समाधानका लागि स्थानिय जनप्रतिनिधि तथा नागरिक समाजले स्थानीय प्रशासन संग पटक पटक छलफल र ज्ञापन पत्र बझाए पनि उपलब्धि जिरो रहेकाेमा सो निर्णय तत्काल फिर्ता गराउन इशनाथ नगरपालिकाका पूर्व मेयर संतोष मेहताले समेत माग गरेका छन ।
जिल्ला प्रशासन कार्यालय रौतहटको प्रमुख जिल्ला अधिकारी हिरालाल रेग्मीले आवागमन सहज तुल्याउने विषयलाई लिएर जिल्ला स्थित सुरक्षा समितिमा छलफल भएको बताए । सशस्त्र प्रहरी गण राैतहटका प्रमुख बिक्रम हुमागाईले माथिल्लो निकायबाट स्पष्ट निर्देशन आउन नसकेकोमा पुर्ववत आवागमन सुचारु गराउन नसकिएको बताए ।
यश घटनाले जिल्लाका नेताहरुले यसविषयमा पटक पटक गरेको सर्व पक्षिय बैठक तथा स्थानीय प्रशासन मार्फत सम्बन्धित निकायलाई गराएको ध्यानाकार्षण निशप्रभाव सावित भएका छन । राजनितिक दलका नेताले यश विषयमा जसरी एक अर्का काे प्रयासबाट भारतीय सिमानाकामा सवारीसाधन आवागमन गराएको फेसबुकमा बढाई चढाई पोष्ट गरेर जस लिए जस्तो नाका सुचारु नबएको स्थानिय सर्ब साधारण जनताको भनाई रहेका छन ।
पुन: सहजताका लागि सहयोग गर्न सरोकारवाला निकाय तथा जिल्ला स्थित विभित्र राजनैतिक दलका नेताहरुसंग आग्रह गरेका छन ।
राजेश निर्माणी,राैतहट,२२ गते पुस २०८१ ।
रौतहट। रौतहट जिल्लाको वृन्दावन नगरपालिका वडा नं.-९ भुषहा गाउँमा आधारभुत स्वास्थ्य सेवा केन्द्रको नवनिर्मित भवनको उद्घाटन कार्यक्रम सम्पन्न भएको छ । सोमबार आधारभूत स्वास्थ्य चौकी भुषाहाको प्राङ्गणमा आयोजित एक विशेष समारोहका बीच नगर प्रमुख कुर्मीले सो नवनिर्मित भवनको उद्घाटन गरेका हुन्।
२०७६ सालदेखि सो वडामा आधारभूत स्वास्थ्य सेवा केन्द्र सञ्चालनमा आए पनि स्वास्थ्य चौकीको आफ्नै भवन नहुँदा भुषाहा निवासी शेख सौकत अलीको घर भाडामा लिएर सेवा प्रवाह हुँदै आएको थियो। तर २०७७ मा पुर्व वडा अध्यक्ष नाजिर हुसैनले आफ्नो निजी जग्गा दिएर प्रदेश सरकारबाट ७० लाखको लागतमा निर्माण गरेको सो भवनको आधाअधुरा कामहरु वर्तमानका वडा अध्यक्ष प्रवेज आलमले निर्वाचित भए लगत्तै आफ्नो योजनाको २० लाख रकम पहिलो पटक र ६ लाख रकम दोश्रो पटक छुट्टयाइएर काम पूरा गरे पश्चात् सो स्वास्थ्य सेवा केन्द्र अब आफ्नै भवनबाट सञ्चालनहुने भएको छ।
करिब ९६ लाखको लागतमा निर्माण भएको सो स्वास्थ्य चौकी भवन सौचालय र सभाहल बाहेक दुई तले ८ कोठे निर्माण गरिएको हो।
कार्यक्रमलाई सम्बोधन गर्दै नगर प्रमुख कुर्मीले नगरले शिक्षा र स्वास्थ्यलाई पहिलो प्राथमिकतामा राखेर काम गरिरहेको बताए । उनले सेवा केन्द्रबाट ज्येष्ठ नागरिक सहित गर्भवती, असक्त नागरिकहरुलाई सहज रुपमा सेवा प्रवाह हुने बताए ।नगर प्रमुख कुर्मीले नगरको हरेक वडामा अब आफ्नै स्वास्थ्य चौकी र दुई ठाउँमा सुबिधा सम्पन्न नि:शुल्क एम्बुलेन्स सहित प्रसुति गृह सञ्चालनमा समेत रहेको सुनाए ।
नगर प्रमुख कुर्मीले विगतका जनप्रतिनिधिले विगत पाँच वर्षमा पनि गर्न न सकेको काम आफु निर्वाचित भएको २ वर्षमै गरेर देखाएको बताउदै,आफुले आफ्नो पालिकाको वडा नम्बर १ देखि ९ सम्मको हरेक ठाउँमा गरेको विकास निर्माण कार्यको चर्चा गरेका थिए। उनले सडक ढलान कार्य देखि शिक्षा, स्वास्थ्य, खानेपानी, सिंचाई तथा पूर्वाधार क्षेत्रमा निकै ठूला परिर्वतनहरु भएको बताए ।
कार्यक्रममा उपमेयर संगिता कुमारी रामले हरेक वडामा ल्याबसहितको स्वास्थ्य सेवा दिनेगरी नगरले कार्य गरिरहेको बताइन् । उनले आगामी आर्थिक वर्षको बजेटमा ८० वर्षभन्दा माथि उमेर भएका ज्येष्ठ नागरिकहरुलाई सम्पूर्ण सेवा निःशुल्क प्रवाह गर्ने तयारी भइरहेको जानकारी दिइन् ।
कार्यक्रममा नगरका प्रमुख प्रशासकीय अधिकृत खिम बहादुर भुजेलले वृन्दावन नगरपालिकाबाट प्रवाहहुने मुख्यतया तीनओटा मुलभुत सेवाहरु मध्ये पहिलो वडा कार्यालयबाट हुने जन्म दर्ता देखि लिएर मृत्यु दर्ता लगायत अन्य विभिन्न कार्यहरुको सेवालिने मुख्य केन्द्र त्यसैगरी दोश्रोमा जन स्वास्थ्यको हिसाबले सेवा लिने ठाउँ अर्थात स्वास्थ्य चौकी,बर्थिङ सेन्टर र आधारभुत अस्पतालहरु र तेस्रोमा नगरका जनतालाई अगाडि बढाउने मुख्य क्षेत्र अर्थात शिक्षा क्षेत्र रहेकोले यी तिनटै कुरामा ध्यान दिएर नगरपालिका अगाडि बढिरहेको बताए।
कार्यक्रमको अध्यक्षता सोहि वडाका वडा अध्यक्ष प्रवेज आलमले गरेका थिए भने प्रमुख अथितिमा नगर प्रमुख विनोद प्रसाद कुर्मी,विशिष्ट अथितिहरुमा उपप्रमुख संगिता कुमारी राम र प्रमुख प्रशासकीय अधिकृत खिमबहादुर भुजेल रहेका थिए,त्यसैगरी अथितिहरुमा वडा नम्बर-१ का वडा अध्यक्ष रामनाथ सहनी वडा नम्बर -७ का वडा अध्यक्ष जगरनाथ प्रसाद भेडियर,वडा नम्बर-६ का वडा अध्यक्ष मजहर मनसुर,कार्यपालिका सदस्य राजेश पासवान(निर्माणी),रहना खातुन,मुस्लिम इतेहाद संगठन नेपाल मधेस प्रदेशका अध्यक्ष सलामोदिन दर्जी, पुर्व विधायक हसिमा खातुन र विधायक प्रत्यासी शेख सतार अहमद लगायत कर्मचारी तथा स्थानीय नागरिकको उपस्थिति समेत रहेको थियोे ।।
रविन्द्र साह,राैतहट,२१ गते पुस २०८१ ।
उच्च अदालत जनकपुर , अस्थाई बिरगंज अदालतले केन्द्र प्रदेश र जिल्ला शाखाको निर्वाचन हुदा मतपत्रमा सांकेतिक चिन्ह जस्ता केरकार संवैधानिक व्यवस्थाअनुसार व्यक्तिका लागि अनुसूचीको व्यवस्था नगरिएको विषयमा कारण देखाउ आदेश जारी गरेको जनाएको छ ।
न्यायाधीश एकल इजलासले आज जिल्ला प्रसाशन कार्यालय रौतहट गौर समेत गरि ६ जनाको नाउँमा कारण देखाउ आदेश जारी गर्दै कारण देखाउ आदेश दिएको हो ।
मौलिक अधिकार र गोपनियता भंग भएकोमा नेपाल पत्रकार महासंघ केन्द्रिय समिति , रौतहट शाखा निर्वाचन समिती , जिल्ला प्रशासन कार्यालय रौतहट गौर , जिल्ला हुलाक कार्यालय गौर , नेपाल पत्रकार महासंघ रौतहट शाखा केन्द्रिय निर्वाचन समिति समेत गरि ६ जना उपर यही पौष १९ गते संविधानको व्यवस्थाअनुसार अनुसूचीमा निर्वाचन रद्द गर्नुपर्ने मागसहित रिट निवेदन दायर गरेका थिए ।
यहि मंसिर २८ गते सम्पन्न निर्वाचनमा पुर्ण रूपमा धाधली भएको भएको भनेर सम्बन्धि निकायमा उजुरी गरे पनि कतै सुनुवाइ नभएपछि पत्रकार राकेश यादव , किशोरी राय यादव र बिकास अग्रवालले अदालतको बाटो रोज्नु परेको बताउनु भएको छ।
