बज्जिकाञ्चल संवाददाता, जनकपुर १७ गते जेठ ।
मधेशका पाँच जिल्लामा ‘रेन’ परियोजना सञ्चालन हुने भएको छ ।संयुक्त अधिराज्य सरकारको सहयोगमा, पिपुल इन निड र डेनचर्च एडसँगको साझेदारीमा ली बर्ड सञ्चालन हुन लागेको यो परियोजना विक्रम संवत २०८२ देखि २०८७ सम्म सञ्चालन हुने यस परियोजनाका विषयमा मधेश प्रदेशका मुख्यमन्त्री सतिशकुमार सिंह र ‘रेन’ परियोजनाका वरिष्ठ अनुकूलन अधिकृत सन्तोष कुमार मोरबैता यादवबीच छलफल भएको छ ।शुक्रबार जनकपुरधाममा भएको छलफलमा ‘रेन : लचिलोपन, अनुकूलन र
समावेशीतामा रूपान्तमक प्रभावका लागि नेपालमा समुदाय नेतृत्वमा आधारित समग्र पहल’ परियोजनाको उद्देश्य, कार्यक्षेत्र र प्रभावबारे विस्तृत चर्चा गरिएको हो ।छलफल कार्यक्रममा प्रदेश सरकारका उच्च अधिकारीहरू तथा सरोकारवाला निकायका प्रतिनिधिहरूको सहभागिता रहेको थियो । परियोजना मधेश प्रदेशका पाँच जिल्लाका १४ वटा पालिकामा सञ्चालन हुने बताइएको छ ।कार्यक्रममा वन निर्देशनालय मधेश प्रदेशका
निर्देशक जगरनाथ जसवाल, प्रदेश नीति तथा योजना आयोगका उपाध्यक्ष डा. सोहन प्रसाद साह, समृद्धिका लागि वन परियोजनाका प्रमुख सुजित कुमार झा, मुख्यमन्त्रीका राजनीतिक सल्लाहकार सञ्जय कुमार यादव, साथै सिरहा नगरपालिका र दुर्गाभगवती गाउँपालिकाका प्रतिनिधिहरूको उपस्थिति थियो ।परियोजनाबारे जानकारी दिँदै वरिष्ठ अनुकूलन अधिकृत सन्तोष कुमार मोरबैता यादवले यसले मधेश र लुम्बिनी प्रदेशमा जलवायु परिवर्तनसँग सम्बन्धित जोखिम न्यूनीकरण, प्रकृतिमा आधारित समाधान,
पूर्वतयारी तथा अनुकूलन रणनीति, समुदायमा आधारित सुरक्षित आवास तथा समावेशी कार्यक्रमहरू सञ्चालन गर्ने जानकारी दिएका थिए ।छलफलमा मुख्यमन्त्री सिंहले जलवायु परिवर्तनको प्रतिकूल असरले मधेश प्रदेश बढी प्रभावित भएको उल्लेख गर्दै यस्तो परियोजनाबाट स्थानीय तहमा लचिलोपन र प्रतिरोधात्मक क्षमता अभिवृद्धि हुने विश्वास व्यक्त गरे। उनले परियोजनाको सफल कार्यान्वयनका लागि प्रदेश सरकारबाट आवश्यक सहयोग प्रदान गरिने प्रतिबद्धता जनाए।परियोजनाले समावेशी, दीर्घकालीन र दिगो विकासमा योगदान पुर्याउने लक्ष्यसहित अघि बढाइने ली बर्ड जनाएको छ।एभरेष्ट न्यूज एजेन्सी,
बज्जिकाञ्चल संवाददाता, जनकपुर १७ गते जेठ ।
मधेश प्रदेश सरकारले कृषि क्षेत्रमा महिलाको सक्रिय सहभागिता सुनिश्चित गर्ने उद्देश्यसहित १४ सय महिला कृषक स्वयंसेविका परिचालन गर्ने तयारी गरेको छ।मधेश प्रदेश सरकारका मुख्यमन्त्री सतिशकुमार सिंहले ‘महिला कृषक स्वयंसेविका कार्यक्रम’ अन्तर्गत प्रत्येक वडामा एक–एक जना महिला स्वयंसेविका खटाइने जानकारी दिएका छन् ।
उनले भने- ‘स्वास्थ्य क्षेत्रमा जस्तै कृषि क्षेत्रमा पनि सेवा प्रवाह गर्ने उद्देश्यले यो कार्यक्रम ल्याइएको हो । महिला स्वास्थ्य स्वयंसेविकाले जसरी गाउँ–गाउँमा सेवा पुर्याउँदै आउनुभएको छ, त्यसरी नै कृषकसँग प्रत्यक्ष सम्पर्कमा रही कृषि सेवा दिने व्यवस्था मिलाइएको छ ।’उनका अनुसार यो कार्यक्रमले कृषि उत्पादनमा ठूलो फड्को मार्नुका साथै रोजगारी सिर्जना र आत्मनिर्भर मधेश निर्माणमा टेवा पुर्याउनेछ ।
;मुख्यमन्त्री सिंहले भने- ‘मधेश भनेको श्रमको प्रदेश हो। वैदेशिक रोजगारीमा जानेको सङ्ख्यामा पनि यो प्रदेश अगाडि छ । अब कृषि क्षेत्रमा रोजगारी सिर्जना गर्दै युवालाई यतै श्रम खर्चिने वातावरण बनाउँदैछौं ।’सरकारले स्वयंसेविकालाई आवश्यक तालिम प्रदान गरी कृषि प्रवर्द्धन, बिउ उत्पादन, किरा नियन्त्रण, मल व्यवस्थापनलगायतका विषयमा कृषकलाई सेवा दिने जिम्मेवारी दिनेछ ।
मुख्यमन्त्री सिंहका अनुसार, यो कार्यक्रमले महिलालाई रोजगारीसँगै आर्थिक रूपमा सक्षम बनाउने लक्ष्य लिएको छ। भूमि व्यवस्था, कृषि तथा सहकारी मन्त्रालयले जेठ १५ गते सूचना प्रकाशित गर्दै स्वयंसेविकाका लागि दरखास्त आह्वान गरिसकेको छ। इच्छुक महिलाले १५ दिनभित्र कृषि ज्ञान केन्द्रमा दरखास्त दिन सक्ने बताइएको छ ।एभरेष्ट न्यूज एजेन्सी,
कामरेन्द्र वर्मा,काठमाडौं,२०८१ जेठ १७ गते ।
बाजुराकाे स्वामीकार्तिक खापर गाउँपालिकाको मुक्तिकोटमा खाद्यान्न सङ्कलन तथा वितरण केन्द्रको रुपमा सञ्चालन गरिने कृषि प्रवर्द्धन केन्द्रको भवन निर्माण कार्य सुरु भएको छ । गत बुधबार एक कार्यक्रमका बीच स्वामीकार्तिक खापर गाउँपालिकाका अध्यक्ष भरत बहादुर रोकाया र नेपालस्थित भारतीय राजदूतावासका काउन्सिलर अविनाश कुमार सिंहले संयुक्त रुपमा भवन निर्माणको शिलान्यास गर्नुभयो ।
उक्त शिलान्यास कार्यक्रममा राजनीतिक प्रतिनिधि, सरकारी अधिकारी, समाजसेवी तथा स्थानीय समुदायका सदस्यहरूको उपस्थिति रहेको थियो । भारत सरकारको ‘नेपाल–भारत विकास सहकार्य’ अन्तर्गत ३ करोड १४ लाख १० हजार नेपाली रुपैयाँ बराबरको अनुदान सहयोगमा भवन निर्माण हुँदैछ ।
यस केन्द्रमा खाद्यान्नको सङ्कलन, भण्डारण तथा वितरणका लागि आवश्यक पर्ने वितरण डेस्क, रेकर्ड कक्ष र अन्य सहायक संरचनाहरु निर्माण गरिनेछ । परियोजना स्वामीकार्तिक खापर गाउँपालिकामार्फत कार्यान्वयन गरिनेछ । कार्यक्रममा सहभागी स्थानीय प्रतिनिधिहरुले भारत सरकारको सहयोगप्रति आभार व्यक्त गर्दै सो पूर्वाधारले हिमाली क्षेत्रका कृषकहरूलाई उत्पादन भण्डारण र वितरणमा महत्वपूर्ण सहयोग पुर्याउने विश्वास व्यक्त गरेका छन् ।
साथै, यसले खाद्य सुरक्षामा पनि उल्लेखनीय योगदान पुर्याउने उनीहरूको भनाइ थियो । सन् २००३ यता भारत सरकारले नेपालमा ५७३ भन्दा बढी उच्च प्रभाव सामुदायिक विकास परियोजना अघि बढाइसकेको र तीमध्ये ४९५ परियोजना पूरा भइसकेका छन् । सुदूरपश्चिम प्रदेशमा मात्रै ४३ वटा परियोजना सञ्चालनमा छन्, जसमा बाजुराका २ परियोजनासमेत छन् । त्यस्तै, भारतले नेपालका अस्पताल र शैक्षिक संस्थालाई १००९ एम्बुलेन्स र ३०० स्कुल बस उपहारस्वरूप प्रदान गरेको छ। सुदूरपश्चिम प्रदेशमा ७० एम्बुलेन्स र २७ स्कुल बस, बाजुरामा मात्र ३ एम्बुलेन्स र १ स्कुल बस सहयोगस्वरूप दिइएको छ ।
कार्यक्रममा भारत–नेपाल सम्बन्धलाई अझ सुदृढ बनाउने उद्देश्यले अघि सारिएको यस्तो प्रकारको सहयोगले द्विपक्षीय सम्बन्धलाई अझ गहिरो बनाउने विश्वास व्यक्त गरिएको थियो ।
कामरेन्द्र वर्मा,काठमाडौं,२०८२ जेठ १७ गते ।
बबरमहल – लोकतान्त्रिक समाजवादी पार्टी (लोसपा) नेपालको केन्द्रीय कार्यालय, बबरमहलमा आज लोकतान्त्रिक पत्रकार संघका प्रतिनिधिहरू र लोसपाबीच समसामयिक विषयहरू तथा पत्रकारिता क्षेत्रको विकासबारे छलफल सम्पन्न भएको छ ।
कार्यक्रममा लोकतान्त्रिक पत्रकार संघका केन्द्रीय अध्यक्ष कामरेन्द्र बर्मा, पर्सा जिल्ला अध्यक्ष समसुदीन मिया, केन्द्रीय सदस्य बिजेन्द्र चौधरी, मुकेश साह तथा लोकतान्त्रिक युवा संघका केन्द्रीय अध्यक्ष सुजन यादवको सहभागिता रहेको थियो ।
बैठकमा पत्रकारिता क्षेत्रका वर्तमान चुनौतीहरू, प्रेस स्वतन्त्रता, सूचना प्रवाहको विश्वसनीयता, पत्रकारहरूको क्षमता अभिवृद्धि तथा सञ्चार क्षेत्रको समग्र विकासका लागि आवश्यक रणनीतिहरूका बारेमा सुझाव र सल्लाह आदानप्रदान गरिएको थियो । छलफलको क्रममा लोसपाका नेताहरूले प्रेस तथा अभिव्यक्ति स्वतन्त्रताको संरक्षण र
पत्रकारिताको मर्यादा कायम राख्दै समाजको परिवर्तनमा सञ्चारकर्मीहरूको भूमिकाको उच्च मूल्याङ्कन गरेका थिए । दुबै पक्षले आगामी दिनमा समेत सहकार्यलाई मजबुत बनाउँदै साझा एजेन्डामा काम गर्ने प्रतिबद्धता जनाएका छन् ।
बज्जिकाञ्चल संवाददाता,सर्लाही,२०८२ जेष्ठ १७ गते ।
हरिवन नगरपालिका–३, धारटोलमा समाजसेवी तथा नेकपा माओवादी केन्द्रका जिल्ला सदस्य स्वर्गीय रामचन्द्र कुशवाहाको चौथो स्मृति दिवसको अवसरमा एक भव्य श्रद्धाञ्जली कार्यक्रम सम्पन्न भएको छ ।
नेपाल कुशवाहा कल्याण समाजका केन्द्रीय सदस्य समेत रहनुभएका स्व. कुशवाहाको सम्झनामा आयोजित उक्त कार्यक्रम श्री जगन कुशवाहाको अध्यक्षतामा सम्पन्न भएको हो । धारटोलस्थित कुशवाहा धर्मशालामा आयोजना गरिएको कार्यक्रममा नगर प्रमुखदेखि समाजसेवी, बुद्धिजीवी र स्थानीयवासीहरू समेतको उल्लेखनीय उपस्थिति रहेको थियो । समाजसेवी तथा कुशवाहा बुद्धिजीवी समाज सर्लाहीका अध्यक्ष रामविश्वास कुशवाहाले कार्यक्रम सञ्चालन गर्नुभएको थियो ।
कार्यक्रममा प्रमुख अतिथिका रूपमा हरिवन नगरपालिकाका नगर प्रमुख कमल बुढाथोकीको उपस्थिति रहेको थियो । विशिष्ट अतिथिमा वडा नं. ३ का वडाध्यक्ष दिपमन लोपचन, नेकपा माओवादी केन्द्र हरिवन नगर अध्यक्ष अर्जुन पन्त, अखिल महिला सञ्जाल नगर अध्यक्ष पदमा मोक्तान, नगर कोषाध्यक्ष जगदेव कुशवाहा, समाजसेवी जोगेन्द्र महतो, धर्मनाथ महतो, निजामती कर्मचारी सुरेन्द्र महतो, माओवादी मधेसी मुक्तिमोर्चा सर्लाहीका जिल्ला सदस्य राम एकबाल महतो, समाजसेवी प्रेमकुमार महतो, बुद्धिजीवी नगर सचिव वीरेन्द्र कुशवाहा, विष्णु दयाल महतो, विजयकुमार महतो लगायतको उपस्थिति रहेको थियो ।
वक्ताहरूले स्व. रामचन्द्र कुशवाहाको समाजसेवामा पुर्याएको योगदानको चर्चा गर्दै उहाँको आदर्श, त्याग र समर्पण भावनाले नयाँ पुस्तालाई प्रेरणा दिने उल्लेख गरेका छन् । चार वर्षअघि कोरोना संक्रमणका कारण सामाजिक कार्यमा सक्रिय रहँदै उहाँको असामयिक निधन भएको थियो । समाजप्रतिको समर्पण भाव,
नेतृत्व क्षमता र जनसेवामा अग्रसर स्व. कुशवाहाको योगदानलाई स्मरण गर्दै कार्यक्रम सभ्य र भव्य रूपमा सम्पन्न भएको आयोजक समितिले जानकारी दिएको छ । धारटोलवासी तथा समाजसेवीहरूको सक्रिय सहभागिता कार्यक्रमको विशेषता रहेको थियो ।
बज्जिकाञ्चल संवाददाता,जनकपुर ।
आम जनता पार्टी (आजपा) का अध्यक्ष तथा पूर्वमन्त्री प्रभु साहले मुलुकमा बढदो बेथिति, ब्रह्मलुट, विभेद एवं दलाल दलतन्त्रका कारण मुलुक धरासायी बन्दै गईरहेको बताएका छन् । ‘दलतन्त्रको भण्डाफोर गरौं, गणतन्त्रको दिशामा अघि बढौं’ आजपाद्धारा आज (शनिबार) मधेस प्रदेशको राजधानी जनकपुरधाममा आयोजित बृहत अन्तरक्रिया कार्यक्रमलाई सम्बोधन गर्दै मुलुकलाई जोगाउँनका लागि प्रधानमन्त्री केपी शर्मा ओलीले राजीनामा गरेर अन्तरिम सरकार गठन गर्नुपर्ने बताए ।
‘मुलुकमा भ्रष्टाचार, लुट, बेथिति बढदो छ । दलाल दलतन्त्रले गणतन्त्र बदनाम भएको छ । मुलुक धरासायी बन्दै गईरहेकाले प्रधानमन्त्रीले राजीनामा गरेर अन्तरिम सरकार गठन गर्नुको विकल्प छैन्,’ आजपा अध्यक्ष साहले भने, ‘मुलुक गम्भिर संकट उन्मुख छ । आर्थिक अवस्था धरासायी हुँदै गईरहेको छ भने नेताहरुको मनोमानी, लुट, बेथितिले जनता निरास भएका छन् ।’ प्रधानमन्त्री एवं एमाले अध्यक्ष ओली र नेपाली कांग्रेसका सभापति शेरबहादुर देउवाको दुई तिहाईको गठबन्धन सरकारले आम जनतामा असन्तुष्टि एवं निरासा बढदैगईरहेको छ ।
त्यसलाई सम्बोधन गर्ने गरी सरकारले बजेट ल्याउँन नसकेको उनले बताए । अहिलेको बजेटले मुलुकको समस्या सम्बोधन गर्ने गरी आउन नसकेको बताउदै उनले भने, ‘बैदेशिक ऋण बढदैगईरहेको छ । यहाँको व्यापार व्यवसाय धरासायी हुँदै गईरहेको छ । तर सरकारले नेपालको पूँजी विदेश लैजाने बाटो खोलेर नेपालको अर्थतन्त्रलाई डुबाउने काम गरेको छ । जनताको चाहना, आवश्यक्ता अनुसार सरकारले बजेट ल्याउन सकेको छैन् ।
मानव विकास सूचांकमा पछाडी परेको मधेस, कर्णालीसंग सरकारको बजेटमा विभेद गरेको छ ।’ सरकारको बजेटले नेपाललाई उजाड एवं जनतालाई निराश बनाउने किसिमको रहेको उनले बताए । ‘हाल मुलुकमा देखिएको समस्यालाई सम्बोधन गर्ने कुनै कार्यक्रम देखिएन । नेताहरूको भुडी भर्ने खालको छ, वितरण पुरै असमान छ । सरकारले नेपालको पूँजी खुलेयाम विदेश लान पाउने व्यवस्था भयो । सरकारले २५ प्रतिशत विदेश लान पाउँने गरी व्यवस्था गर्नु भनेको सरकारले मुलुकको अर्थतन्त्र ध्वस्त बनाउन खोजेको प्रस्ट हुन्छ । सरकारले बजेट बनाउदा बिचौलियालाई गुण तिरेको छ,’ उनले भने ।
यस्तै उनले सिमावती क्षेत्रमा रहेका प्रहरीले नेपाली जनताको निजिसम्पती लुट्ने काम गरिरहेको बताए । भन्सारको नाममा आम जनताको निजि सम्पती लुट्न नपाउने बताउदै सरकारले नक्कली भिजिट भिसाको नाममा मानव तस्करी गरिरहेको बताए ।
मानव तस्करी गरिरहेको सरकारले मधेसमा भन्सारको नाममा निजि सम्पती लुट्ने काम आफूहरुलाई स्वीकार नभएको उनले बताए । अहिलेको सरकार र गठबन्धनले नेपालमा लुटेर विदेशमा नेपालको पूँजी लैजाने बर्गको संरक्षक भएको बताउदै उनले सरकारले पनि त्यही बर्गको पक्षपोषणमा जुटेको बताए ।
आजपा मधेश अध्यक्ष उमेश कुशवाहाको अध्यक्षतामा भएको कार्यक्रममा आजपाका नेताहरु रीता देवी साह, अशोक लामा, बिल्टू यादव, श्रीचन मुखिया, राधेश्याम साह लगायतको विशेष सहभागिता रहेको थियो ।
आरके श्रीवास्तव,गरूडा,१७ गते जेठ ।
रौतहटमा पछिल्लो समय मोटरसाइकल चोरीका घटनामा उल्लेख्य वृद्धि भएपछि स्थानीयवासी चिन्तित बनेका छन् । शुक्रबार राति कटहरिया नगरपालिका–१ निवासी विवेक सिंह (कुणाल कुशवाहा) को म.प्र.-०३ -०३१ प-९७६६ नम्बरको माेटरसाईकिल एफजेड एक्स यामाहा चोरी भएको छ ।
उक्त मोटरसाइकल उनी वैवाहिक कार्यक्रममा सहभागी हुन गरूडा नगरपालिका वडा नम्बर ९ धमाैरामा गएका बेला हराएको हो । मोटरसाइकल चोरी भएपछि कुशवाहाले नजिकैको इलाका प्रहरी कार्यालय (ईप्रका) गरुडामा जानकारी गराएका थिए । घटनाबारे प्रतिक्रिया दिँदै ईप्रका गरुडाका डिएसपी राजन कार्कीले खोजतलास जारी रहेको बताए ।
उनले मोटरसाइकल चोरी न्यूनीकरण गर्न सवारी साधनधनीहरूलाई ट्र्याकिङ प्रणाली जडान गर्न सुझाव दिएका छन् । “मोटरसाइकलमा ट्र्याकिङ सिस्टम राख्दा चोरी भएको अवस्थामा तत्काल पत्ता लगाउन सजिलो हुन्छ,” डिएसपी कार्कीले बताए ।
यसअघि पनि जिल्लाका विभिन्न स्थानबाट मोटरसाइकल हराउने घटनाहरू प्रहरीमा दर्ता भएका छन् । स्थानीयवासीले सुरक्षा व्यवस्था कडा पार्न प्रहरी प्रशासनसँग माग गरेका छन् । प्रहरीले मोटरसाइकल चोरी नियन्त्रणका लागि सचेतना अभियान सँगै गस्ती पनि बढाउने जनाएको छ ।
बज्जिकाञ्चल संवाददाता काठमाडौ,२१ गते वैशाख । २०८२
प्रधानमन्त्रीका आर्थिक तथा विकास सल्लाहकार डा. युवराज खतिवडाले मुलुक आर्थिक लयमा फर्किएको भन्दै यही गतिमा अगाडि बढेमा आगामी बर्षमा विकासोन्मुख राष्ट्रबाट नेपाल विकाससिल राष्ट्रमा स्तरोन्नती हुने विश्वास व्यक्त गरेका छन् ।
आइविएन मिडिया एण्ड रिसर्च प्रा.लिले नेपाल टेलिभिजनबाट प्रशारण गरिरहेको साप्ताहिक आर्थिक कार्यक्रम अर्थको अर्थ ३१ औं वर्ष पुरा गरी ३२ औं वर्षमा प्रवेश अवसरमा आयोजित “पूर्व बजेट अन्र्तक्रिया” कार्यक्रममा प्रमु्ख अतिथिको रुपमा सम्बोधन गर्दै प्रधानमन्त्रीका सल्लाहकार डा. खतिवडाले वर्तमान अवस्थामा मुलुकका सवै आर्थिक सूचकहरु सकारात्मक रहेको बताउँदै नेपालको आर्थिक वृद्धिको लक्ष्य हाँसिल गर्न आगामी बजेटमा ऋण लिएरै भए पनि अर्थतन्त्रलाई चलायमान बनाउनुपर्नेमा जोड दिए ।
पूर्व अर्थमन्त्री समेत रहेका डा. खतिवडाले देशमा ५ प्रतिशतभन्दा बढी आर्थिक वृद्धिदर हासिल गर्न आन्तरिक ऋण लिनु अपरिहार्य रहेको स्पष्ट पारे । उनले ६–७ प्रतिशतको आर्थिक वृद्धिदर हासिल गर्न ऋणको आकार बढाउनुपर्ने आवश्यकता औंल्याए ।
“मैले अर्थमन्त्री हुँदा आन्तरिक ऋणका लागि क्षेत्र निर्धारण गरेको थिएँ,” डा. खतिवडाले भने, “अब भने केवल क्षेत्र तोकेर मात्र पुग्दैन, ठोस परियोजना निर्धारण गरेर आन्तरिक ऋण लिनुपर्ने आवश्यकता छ ।”
डा. खतिवडाका अनुसार सरकारले हालै सार्वजनिक गरेको नीति तथा कार्यक्रममा सूचना प्रविधिलाई प्राथमिकता दिइएको छ । त्यसअनुसार ‘बिजनेस प्लान’ र ‘इकोसिस्टम’ निश्चित गरी ‘जेन्जी पुस्ता’ लक्षित ‘स्टार्टअप’ कार्यक्रम सञ्चालन गर्ने तयारी गरिएको छ । यसले युवालाई लक्षित गर्दै उद्यमशीलताको माध्यमबाट आन्तरिक रोजगारी सिर्जना र आयआर्जनको अवसर बढाउने डा.खतिवडाले विश्वास व्यक्त गरे ।
मितव्ययिताको चर्चा गर्दै प्रधानमन्त्रीका सल्लाहकार डा. खतिवडाले वैदेशिक भ्रमण भन्दा पनि सरकारी प्रणालीमा सफ्टवेयर खरिदमा बढी खर्च हुने गरेको उल्लेख गरे । “सार्वजनिक खरिद प्रक्रियामा अझै समस्याहरू छन्,” उनले भने, “त्यसका लागि सार्वजनिक खरिद ऐनमा संशोधन गरी आगामी संसद अधिवेशनमा प्रस्ताव पेश गरिने तयारी छ ।”
सरकारी आयोगहरूले दिएका प्रतिवेदनहरू कार्यान्वयन नभएकोप्रति उठेका प्रश्नहरूबारे जवाफ दिँदै डा. खतिवडाले ती प्रतिवेदनहरू पूर्ण नहुनु, अध्ययन आवश्यक देखिनु र चरणवद्ध रूपमा लागू गर्ने तयारीका कारण ढिलाइ भएको बताए ।
उनका अनुसार आर्थिक सुधार आयोग र खर्च पुनरावलोकन आयोगका सुझावहरूलाई क्रमिक रूपमा कार्यान्वयनमा ल्याउने सरकारको योजना रहेको छ । डा. खतिवडाले देशको आर्थिक उन्नतीका लागि सवै क्षेत्र थप जिम्मेवार भएर अगाडि बढ्नुपर्ने बताए ।
कार्यक्रममा त्रिभुवन विश्वविद्यालयका प्राध्यापक डा. रेशम थापाले आगामी आर्थिक वर्ष २०८२/ ८३ को लागि सम्भावित “पूर्व बजेट र यसले समेट्नुपर्ने विषय”का बारेमा कार्यपत्र प्रस्तुत गर्दै आगामी बजेटलाई लयमा फर्काउन अर्थतन्त्रका सवै क्षेत्रलाई चयलामान बनाउनुपर्नेमा जोड दिए । प्राध्यापक डा. थापाले सरकारले यथासक्य चाँडो नेपाल राष्ट्र बैंकको गभर्नर नियुक्त गर्नुपर्नेमा जोड दिए ।
प्राध्यापक डा. थापाद्धारा प्रस्तुत कार्यपत्रमा वर्तमान अवस्थामा बाहिर हेर्दा मुलुकको अर्थतन्त्र कम्जोर देखिए पनि तथ्याङ्कथगत रुपमा सुधारोन्मुख देखिएको तथ्य सार्वजनिक गरिएको थियो ।
कार्यक्रमम नेपाल उद्योग वाणिज्य महासंघका महानिर्देशक गोकर्ण अवस्थिले कार्यक्रम अर्थको अर्थले विगत ३१ वर्षदेखि मुलुकको आर्थिक क्षेत्रको विकास, आरोह, अवरोहको साक्षी हुँदै आर्थिक नीति तथा नियमनमा महत्वपूर्ण भूमिका निर्वाह गरेको भन्दै प्रशंसा गरे ।
पूर्व बजेट छलफल कार्यक्रममा सहभागि अर्थशास्त्री केशव आचार्य, साइबर सुरक्षा अनुसन्धान तथा नवप्रवर्तन केन्द्रका अध्यक्ष डा. शालिग्राम पराजुली, नेपाल खुला विश्वविद्यालयका प्राध्यापक डा.भोजराज घिमिरे, साइबर सुरक्षा अनुसन्धान तथा नवप्रवर्तन केन्द्रका संस्थापक अध्यक्ष चिरञ्जीवी अधिकारी लगायतले सरकारले प्रस्तुत गरेको नीति तथा कार्यक्रममाथी टिप्पणी गर्नुका साथै आगामी बजेटमा समावेश गर्नुपर्ने विषय, बजेट कार्यन्वयनका चूनौती, सुशासनमा रहेका समस्या तथा सुधार र समाधानका उपायहरुका बारेमा धारणा राखेका थिए ।
कार्यक्रमका सभापति एवं आइविएन मिडिया एण्ड रिसर्च प्रा.लि.का प्रवन्ध निर्देशक हृदयराज गौतमले विगतका वर्ष झै यस बर्ष पनि बजेट सम्बन्धी छलफल कार्यक्रमले सरकारलाई आगाी बजेट निर्माण एवं आर्थिक नीति निर्माणमा सहयोग पुग्ने अपेक्षा गरेको धारणा राखेका थिए । प्रवन्ध निर्देशक गौतमले आगामी दिनमा अर्थको अर्थ कार्यक्रमलाई अझ गुणस्तरीय बनाउने प्रतिबद्धता समेत व्यक्त गरे ।
उक्त अवसरमा अर्थको अर्थ कार्यक्रमको ३२ औं स्मारिका पुस्तक समेत विमोचन गरिएको थियो ।
बज्जिकाञ्चल संवाददाता काठमाडौ,२१ गते वैशाख । २०८२
कोशी प्रोजेक्ट शो केस प्रतियोगितामा १० टीम फाइनल चरणमा छनौट भएका छन् । शनिबार राजधानीमा आयोजित छनौट चरणबाट १० वटा उत्कृष्ट प्रोजेक्ट फाइनल चरणमा पुगेका हुन् ।
फाइनल चरणमा पुग्नेहरुमा नेपाल इन्जिनियरिङ कलेजको एग्रो भिलेज टीम, पुल्चोक कलेजको स्केट्च स्क्वायर, पुल्चोक कलेजकै केटुपिए, एक्मी इन्जिनियरिङ कलेजको एक्मी कोस्टर, पुल्चोक कलेजको पुल्चोक इयर फाइभ रहेका छन् । यस्तैगरी, पुल्चोक कलेजकै पाथफाइण्डर, ख्वपः इन्जिनियरिङ कलेजको बियोण्ड द ब्रिउ, पुल्चोक कलेजका विनर र टिम कोशी एक्सप्लोरल रहेका छन् । नेपाल इन्जिनियरिङ कलेजको रुरल रिड्ज विल्डर्स टीमपनि फाइनल चरणमा पुगेको छ ।
शनिबार नेपाल माउण्टेन एकेडेमीको हलमा प्रतिष्पर्धी समुहले प्रस्तुत गरेको अवधारणा अनुसार निर्णायक मण्डलले उत्कृष्ट १० टिमको छनौट गरेको हो । प्रतियोगिताको निर्णायकहरुमा नेपाल पर्यटन बोर्डका उपाध्यक्ष रामप्रसाद सापकोटा (कमल), नेपाल माउण्टेन एकेडेमीका प्राचार्य शिवप्रसाद जैसी खतिवडा, प्राइम कमर्सियल बैंक बागमती प्रदेश प्रमुख दिमन श्रेष्ठ, सोसाइटी अफ आर्किटेक्ट इन्जिनियर्स एशोशिएसनका पूर्व उपाध्यक्ष सुनिता सुवेदी तथा नेपाल इन्जिनियरिङ कलेजको सिभिल इन्जिनियरिङ विभागका सह–प्राध्यापक रमेश ज्ञवाली रहनु भएको थियो ।
निर्णायकहरुले प्रतिष्पर्धी टिमले प्रस्तुत गरेको अवधारणामा नवप्रर्वद्धन र सृजनशीलता, प्राविधिक संभाब्यता, आर्थिक एवम् वातावरणीय प्रभाव, प्रस्तुति, पर्यटनमैत्री योजनाका आधारमा अंकहरु प्रदान गरेका थिए । विद्यार्थीहरुको समुहले होम स्टे, कृषि पर्यटन, माउण्टेन पर्यटन, ट्रेकिङ, चिया, र्याफ्टिङ, बञ्जिजम्प, एडभेञ्जर जस्ता विषयहरुमा प्रस्तुति दिएका थिए ।
प्रतियोगिताको आयोजक एलिसन हस्पिटालिटीकी अध्यक्ष एलिना मगरका अनुसार उत्कृष्ट १० मा पर्न सफल टीमहरुलाई अब उनीहरुका अवधारणा अनुसार थप अध्ययनका लागि फिल्डमा पठाइन्छ । त्यसका लागि प्रत्येक टीमलाई एक जना मेन्टर (सल्लाहकार) समेत उपलब्ध गराईन्छ । ‘अब छनौट भएका प्रत्येक टीमलाई एकएक जना मेन्टर उपलब्ध गराइन्छ । त्यसपछि उहाँहरु थप अध्ययन र अनुसन्धानका लागि फिल्डमा जानुहुन्छ ।’ अध्यक्ष मगरले भनिन्,‘जेठ ९ गतेदेखि काठमाडौंमा उहाँहरुले तयार पारेको प्रोजेक्टको बृहद् प्रर्दशनीसँगै फाइनल प्रतिष्पर्धा हुन्छ ।’
ठमेलको जी रामायण होटलमा हुने प्रदर्शनी तथा फाइनल कार्यक्रममा पर्यटन व्यवसायी, होटल व्यवसायीसँगै ठूला लगानीकर्ता र सरकारी क्षेत्रबाट समेत प्रबुद्ध व्यक्तिहरुले अध्ययन अवलोकन गर्नेछन् । कोशी क्षेत्रको पर्यटन प्रवर्द्धन सँगै नयाँ पर्यटनका आयामहरुलाई उजागर गर्ने उद्देश्यले आयोजित प्रतियोगिताको छनौट चरणमा १९ वटा समुहको प्रोजेक्टको छनौट गरिएको थियो । जसमध्ये शनिबारको छनौट चरणबाट १० वटा उत्कृष्ट टिम फाइनल चरणमा पुगेका हुन् ।
प्रतियोगितामा पुल्चोक इन्जिनियरिङ कलेज, नेपाल इन्जिनियरिङ कलेज, ख्वप इन्जिनियरिङ कलेज, एक्मी इन्जिनियरिङ कलेज, पूर्वाञ्चल इन्जिनियरिङ कलेज लगायतबाट विद्यार्थीहरुको सहभागीता रहेको थियो ।
नेपालमै पहिलोपटक आयोजना भएको कोशी प्रोजेक्ट शो केसले कोशी प्रदेशमा नयाँ पर्यटकीय क्षेत्रको संभाव्यता अध्ययन गर्दै पर्यटनबाटै मुलुकको अर्थतन्त्रको विकास गर्न सकिन्छ भन्ने सन्देश प्रवाह गर्ने अपेक्षा लिइएको छ ।
प्रतियोगितामा प्रथम हुने टीमलाई नगद रु. १ लाख, द्वितिय हुने टीमलाई रु. ५० हजार तथा तृतिय हुने टीमलाई रु. २५ हजार नगद, मेडल, प्रमाणपत्र र विभिन्न गिफ्ट ह्याम्परहरु प्रदान गरिनेछ । प्रतियोगितालाई कोशी प्रदेश सरकार, नेपाल पर्यटन बोर्ड लगायतले सहयोग गरेका छन् ।
