काठमाडौँ । जारी टी- २० विश्वकपको सेमिफाइनलको समीकरण पुरा भएको छ । सेमिफाइनलमा भारत, अफगानिस्तान, दक्षिण अफ्रिका र इङल्याण्ड पुगेका छन् ।
सुपर आठको समुह एक बाट भारत र अफगानिस्तान सेमिफाइनलमा पुगेका छन् भने अस्ट्रेलिया र बंगलादेश बाहिरिएका छन् । त्यस्तै समुह २ बाट दक्षिण अफ्रिका र इङल्याण्ड सेमिफाइनलमा पुगेका छन् भने वेस्ट इन्डिज र अमेरिका बाहिरिएका छन् ।
अब सेमिफाइनलका दुवै खेल विहिबार हुने छन् । बिहिबार बिहान पहिलो सेमिफाइनल खेल दक्षिण अफ्रिका र अफगानिस्तानबीच हुने छ । ट्रीनाडस्थित ब्रायन लारा स्टेडियममा हुने पहिलो सेमिफाइनल खेल नेपाली समय अनुसार विहान ६: १५ बजेदेखि शुरु हुने छ ।
दक्षिण अफ्रिका सुपर आठमा तिनै खेल जितेर सेमिफाइनलमा पुगेको हो भने अफगानिस्तानले अस्ट्रेलिया र बंगलादेशलाई हराउदै सेमिफाइनलमा पुगेको हो । यस विश्वकपमा दुवै देशको यात्रा रोचक रहेको छ । दक्षिण अफ्रिकाले अहिलेसम्म अपराजित रहेपनि सबै खेलमा संघर्षपूर्ण जित हासिल गर्दै सेमिफाइनलसम्म पुगेको छ भने अर्को तर्फ अफगानिस्तानले समुह चरणमा न्यूजील्याण्ड र सुपर आठमा अस्ट्रेलियालाई पराजित गरेर सेमिफाइनलमा पुगेको छ ।
त्यस्तै दक्षिण अफ्रिका १० बर्षपछि विश्वकपको सेमिफाइनलमा पुगेको छ । यस आघ इ२०१४ को विश्वकपमा दक्षिण अफ्रीका सेमिफाइनलमा पुगेको थियो । त्यसअघि २००९ को विश्वकपमा सेमिफाइनलमा पुगेको थियो । दक्षिण अफ्रीका विश्वकपमा अहिलेसम्म सेमिफाइनलभन्दा अगाडी बढ्न सकेको छैन ।
त्यस्तै अफगानिस्तान भने इतिहास बनाउदै पहिलो पटक विश्वकपको सेमिफाइनलमा पुगेको छ ।
दक्षिण अफ्रिका र अफगानिस्तानबीच अहिलेसम्म २ टी -२० खेल भएका छन् । जसमा दुवै खेल दक्षिण अफ्रिकाले जितेको छ ।
त्यसैगरी दोस्रो सेमिफाइनल खेल भारत र इङल्याण्डबीच हुने भएको छ । गुयनास्थित प्रोभीडेन्स स्टेडियममा हुने यो खेल नेपाली समय अनुसार राति ८: १५ बजेदेखि शुरु हुने छ ।
भारत यस विश्वकपमा अपराजित हुदै सेमिफाइनलसम्म पुगेको छ भने इङल्याण्डले पनि अहिलेसम्म उत्कृष्ट खेल देखाउदै सेमिफाइनलमा पुगेको छ । इङल्याण्ड समुह चरणमा अस्ट्रेलियासँग र सुपर आठमा दक्षिण अफ्रिकासँग पराजित भएको थियो ।
भारतले २००७ को टी- २० विश्वकपको पहिलो संस्करण जितेपछि अहिलेसम्म विश्वकप जित्न सकेको छैन । २०१४ मा उपविजेता बनेको भारत पछिल्लो विश्वकपमा सेमिफाइनलबाट बाहिरिएको थियो । त्यस्तै इङल्याण्डले भने २०१० र २०२२ को विश्वकप जितेको थियो ।
भारत र इङल्याण्डबीच अहिलेसम्म २३ टी- २० खेल भएका छन् । जसमा भारतले १२ र इङल्याण्डले ११ खेल जितेका छन् ।
न्युज कारखाना
काठमाडौं । आम जनता पार्टी (आजपा) निकटको आईटी आर्मीले वैदेशिक रोजगारी क्षेत्रका पीडितहरुलाई न्याय दिलाउन माग गर्दै आज दशौ दिन पनि नाराजुलुश सहित काठमाडौंको ताहाचल स्थित वैदेशिक रोजगार विभाग घेराउ गरेको छ । 
नवौं दिनसम्म वैदेशिक रोजगार विभाग अगाडी धर्ना एवं घेराउ गर्दै आएका आन्दोलनकारीले सरकारले आफूहरुको माग सम्बोधन नगरेको भन्दै सरकारका बिरुद्धमा चर्को नारावाजी समेत गरेका छन् । वैदेशिक रोजगार विभागको कार्यालय अगाडी निरन्तर नाराजुलुश भईरहेको छ । सरकार र विभागको बिरुद्धमा नाराजुलुश गर्दै विभाग घेराउ गरिए पनि सरकारले नसुने जस्तै गरिरहेको छ ।
सरकारले आफूहरुको माग सम्बोधन नगरेसम्म आन्दोलन जारी रहने उनीहरुले जनाएका छन् । आईटी आर्मीका अध्यक्ष चन्द्रभुषण साहले सरकारले आफूहरुको माग सम्बोधनमा ढिलाई गरेकाले आन्दोलनलाई थप कडा बनाउँदै अगाडी बढने बताए । चर्कोगर्मीका बीचमा विगत नौं दिनदेखी वैदेशिक रोजगार क्षेत्रका पीडितलाई न्याय दिनुपर्ने माग सहित निरन्तर आन्दोलन भईरहेको भए पनि सरकारले कानमा तेल हालेर बसेको टिप्पणी उनले गरेका छन् ।
आईटी आर्मीले वैदेशिक रोजगारीमा जाने कामदारसँग लिएको अबैध रकम फिर्ता गराउन तथा यस क्षेत्रका विविध समस्याहरु समाधान गर्नुपर्ने माग गर्दै विभाग घेराउ एवं धर्ना दिइएको हो । 
आफूहरुको माग सम्बोधन नभएसम्म आन्दोलन जारी रहने चेतावनी आन्दोलनकारीको छ । आईटी आर्मीका अध्यक्ष साहका अनुसार विदेश जाने कामदारसँग अवैध ढंगले लिएको रकम फिर्ता गर्नुपर्ने, ठग मेनपावर र ऐजेंटलाई कारवाही गर्नुपर्ने, बेरोजगार युवाहरुलाई नेपालमै रोजगारी दिनुपर्ने, वैदेशिक रोजगार पीडितहरूलाई न्याय दिनुपर्ने, विदेशमा अल्पत्र परेकाहरुको उद्दार गर्नुपर्ने, असुरक्षित रोजगारीमा पठाउने अधिकारीलाई कारवाई गर्नुपर्ने, फ्री – भिसा फ्री – टिकट व्यवहारतः लागू गर्नुपर्ने, नीजी मेनपावरहरु खारेज गरी विदेशमा कामदार पठाउने जिम्मा राज्यले लिनुपर्ने लगायतका माग सरकारले सम्बोधन नगरेकाले आन्दोलन गर्नुपरेको बताए । 
यस अघि आईटी आर्मीले ११ बुँदे माग सहित प्रधानमन्त्री पुष्पकमल दाहाल प्रचण्डका साथै विभागलाई ज्ञापन पत्र समेत बुझाईसकेको छ ।
जनकपुर,११ गते असार । जनकपुरधाम । मधेश प्रदेश सरकारले आगामी आर्थिक वर्षमा प्रदेशका सबै सक्रिय पत्रकारहरुको बीमा गर्ने भएको छ । प्राधिकरणले मङ्गलबार नेपाल पत्रकार महासंघ धनुषा शाखाको शास्त्री सभाहलमा आयोजना गरिएको कार्यालयको गतिविधि सार्वजनिकीकरण कार्यक्रममा उक्त विषयमा जानकारी दिईएको हो । कार्यक्रममा बोल्दै प्राधिकरणका अध्यक्ष श्यामसुन्दर यादवले चालु आर्थिक वर्षमा बजेट अभावले गर्दा पत्रकार महिलाहरुको बीमा कार्यक्रम प्रभावित भए पनि आगामी आर्थिक वर्षका लागि प्रस्तुत गरिएको बजेटमा मधेश प्रदेशका सम्पूर्ण सक्रिय पत्रकारका लागि एक लाखको स्वास्थ्य बीमा र सात लाखको दुर्घटना बीमाका लागि पुग्ने गरी ३० लाख रुपैयाँ विनियोजन गरेको जानकारी दिए । आगामी आर्थिक वर्षको प्रारम्भदेखि नै प्रेस प्रतिनिधि परिचयपत्र, पत्रकारिता अध्ययन छात्रवृति, खोज पत्रकारिता सम्बन्धि अनुसन्धान, सञ्चार डायरी, अनलाइन मिडियाहरुलाई लोककल्याणकारी विज्ञापन, सञ्चारकर्मी तथा सञ्चारमाध्यमहरुको सबलिकरण सम्बन्धी कार्यक्रमहरु अगाडि बढाउने अध्यक्ष यादवले बताए । उनले सञ्चारमाध्यमहरुको अवस्था अत्यन्त कमजोर रहेको बताउँदै उनले लोककल्याणकारी विज्ञापनका लागि विनियोजित बजेट कम रहेको भनी गुनासो आएपछि मुख्यमन्त्री, गृह, सञ्चार तथा कानुन मन्त्री र अर्थमन्त्रीले बजेट थप्ने प्रतिवद्धता व्यक्त गरेको जानकारी दिए । कार्यक्रमका प्रमुख अतिथि गृह, सञ्चार तथा कानुन मन्त्रालयका सचिव वीरेन्द्र कुमार यादवले कानुनी जटिलता र कर्मचारी अभावले आमसञ्चार प्राधिकरण प्राधिकरणका कतिपय कामहरु प्रभावित हुँदैआएकोले अविलम्ब त्यसको समाधान गरिने प्रतिवद्धता व्यक्त गरे । उनले सञ्चार क्षेत्रमा परिणाममुखि र अनुभूती हुने गरी कामहरु अगाडि बढाउन प्राधिकरण र काउन्सिलले काम गर्नुपर्नेमा जोड दिए । कार्यक्रममा प्राधिकरणले हालसम्म गरेका गतिविधिहरुबारे प्रशासकीय प्रमुख जय कुमार राउतले चालु आर्थिक वर्षमा आमसञ्चार प्राधिकरणले प्रदेशका पत्रपत्रिका, टेलिभिजन, एफएम रेडियो गरी २४२ सञ्चारमाध्यमलाई लोककल्याणकारी विज्ञापन उपलब्ध गराउन लागेको जानकारी गराए । कार्यक्रममा मिडिया काउन्सिलका कार्यवाहक अध्यक्ष कैलाश दास, नेपाल पत्रकार महासंघका प्रदेश अध्यक्ष राजेश कर्ण, प्रेस स्वतन्त्रता सेनानी राम भरत साह, वरिष्ठ पत्रकार विश्वमणि खनाल, पत्रकार महासंघ धनुषाका उपाध्यक्ष अवधेश कामतले सुझाव सहित प्रस्ततिकरणमाथि टिप्पणी गरे । कार्यक्रममा अधिकृत सन्तोष कुमार साहले सञ्चालन तथा कम्प्युटर अधिकृत प्रसन्न राज कर्णले स्वागत मन्तब्य व्यक्त गरे ।
११ गते असार । रौतहट जिल्लाको चन्द्रपुर नगरपालिका वडा नम्बर १ पौराई स्थित सडक खण्डबाट प्रहरीले ६ लाख भन्दा बढी मुल्य बरावारको औषधि बारामद गरेको छ। प्रहरी चौकी पौराई बाट खटी गएको गस्ती टोलीले महोतरी बाट काठमाडौँ जादै गरेको मधेश प्रदेश ०३-००१ ख ७९९५ नम्बरको बस चेक जाच गर्ने क्रममा बसको डिकीमा राखेको ११ कार्टुन औषधि फेला पारेको जिल्ला प्रहरी कार्यालय रौतहटका प्रमुख प्रहरी उपरिक्षक दिलिप घिमिरेले जानकारी दिएका छन्। डिकीमा लुकाएर लैजादै गर्दा बारामद भएको ६ लाख ४ हजार ८ सय मुल्य बरावारको औषधि राजश्व कार्यालय पथलैया पठाइएको प्रहरीले जनाएको छ।
राैतहट,११ गते असार । रौतहटको फतुवा विजयपुर नगरपालिकाका प्रमुख प्रशासकीय अधिकृत र लेखा अधिकृत कार्यालय नगई चन्द्रनिगाहपुरमा बसेर चेक काट्ने गरेको भन्दै जनप्रतिनिधिहरुले विरोध गरेका छन् ।
प्रमुख प्रशासकीय अधिकृत सुरेन्द्रमान प्रधान फतुवा विजयपुर नगरपालिकाका नियमित रुपमा नबसी हप्ताको एक दुई दिन पुगेर चन्द्रपुरमा रहेको डेरामा बसी कार्यालय संचालन गर्ने गरेका छन् । पटक पटक फतुवा विजयपुर नपाको हाकिम बनेका प्रधानले नगरको बजेट अधिवेशन गराउन सकेका छैनन् । जनप्रतिनिधिबिच फुट ल्याएर पटक पटक हाकिम बनेका प्रधान कटहरिया नगरपालिकाका पनि हाकिम हुन् । दुई नगरपालिका सम्हाले पनि कुनै नगरपालिकाको कार्यालयमा नबसी प्रधान चपुर डेराबाटै दुई नगरपालिका हाकिरहेका छन् । कटहरिया नगरपालिकाको कार्यालयमा पनि प्रधान नआउँदा स्थानीयमा असन्तुष्टि बढेको छ । कटहरिया नगरपालिकाको पनि सबै काम प्रधानले चपुरबाटै गर्दै आएका छन् ।
काम गराउन हाकिम प्रधानले चन्द्रपुरमा राखेको कोठासम्म नै नगर प्रमुखहरु पुग्ने गरेका छन् । फतुवा विजयपुर नगरपालिका ९ का वडाध्यक्ष राकेश यादवले कार्यवाहक नगर प्रमुख अम्बेया खातुनसित मिलेर सम्पन्न नभएको कामको पनि बिल र भरपाई मिलाएर चेक काट्ने काम गरिरहेको आरोप लगाएका छन् । कावा नगर प्रमुख, हाकिम र लेखापाल मिलेर कामै नगरी गुपचुपमै कैयौ योजनाको बजेट सिध्याइसकेको आरोप वडाध्यक्ष यादवले लगाएका छन् । वडाध्यक्ष यादवले नगरबासीले कावा नगर प्रमुख खातुन र हाकिम प्रधानको कामको भन्डाफोर गरी आन्दोलन गर्नुपर्ने जरुरी भएको बताएका छन् ।
राैतहट,११ गते असार । जनता आवास कार्यक्रमअन्तर्गत निर्माणाधीन घर तथा पुलको भुक्तानीका लागि पीडितहरु धरनामा बसेका छन् । रौतहटको मौलापुर नगरपालिकाका पीडितहरुले रकमको माग गर्दै धरनामा बसेका हुन् ।
मौलापुर नगरपालिका ६ का लखिन्द्र यादवले प्रदेश सरकारको लापरवाहीका कारण निकै समस्या भएको बताएका छन् । प्रदेश सरकारले जनता आवास कार्यक्रमअन्तर्गत घर निर्माण कार्य अधुरा राखी निर्माण कार्य बन्द गरेको तथा स्थानीय भकुवा खोलामा पुल निर्माण कार्यलाई वर्षौँदेखि रोकेको बताएका छन् । प्रदेश सरकारको कामले सयौँलाई घरमा बस्न समस्या भएको तथा दुई गाउँलाई आवतजावतमा पनि कठिनाइ भएको स्थानीयको भनाइ छ । स्थानीय संघर्ष समिति गठन गरी प्रदेश सरकारविरुद्ध धरना दिन सुरु गरेका छन् । अधुरा घरहरु निर्माण हुनुपर्ने, घरको भुक्तानी हुनुपर्ने तथा भकुवा खोलामा निर्माण अलपत्र पारिएको पुलको पनि निर्माण सम्पन्न गर्नुपर्ने माग राखी स्थानीयहरु आन्दोलनमा उत्रिएका हुन् ।
स्थानीयवासीको माग जायज भएकोले आफूहरुले ऐक्यबद्धता जनाउँदै धरनालाई समर्थन गरेको आम जनता पार्टी (आजपा) का महासचिव अमर साहले बताएका छन् । गरिबहरुको घरमा बस्न पाउनुपर्ने अधिकारलाई प्रदेश सरकारले कुन्ठित पारेको आरोप आजपा महासचिव साहको रहेको छ । भकुवा नदीमा करिब दश वर्ष पहिले निर्माण सुरु भएको तर आधा निर्माण भएपछि रोकिएको बताउँदै लखिन्द्र यादवले पुलको निर्माणको लागि विभिन्न कार्यालयमा पटक पटक धाएको भए पनि कतैबाट कुनै सुनुवाई नभएको बताउँछन् ।
पूर्वाधार कार्यालय, जिल्ला समन्वय समिति लगायत विभिन्न कार्यालयहरुमा बारम्बार धाएर पनि कुनै प्रगति नभएको, पहिले नै पटक पटक काम सम्पन्न गर्न ज्ञापनपत्र बुझाइसकेको भए पनि कुनै प्रगति नहुँदा बाध्य भएर आन्दोलन गर्नु परेको यादव बताउँछन् ।
रौतहट,११ गते असार । रौतहटको पिप्रा पोखरियामा बर्थिङ्ग सेन्टर निर्माण हुने निश्चित् भएको छ । कटहरिया नगरपालिका वडा नम्बर ८ कम्पाउण्ड वाल निर्माणका कार्य सुुरु भएसँगै बर्थिङ्ग सेन्टर निर्माण हुने पक्का भएको हो ।
सो वडाको पिप्रा पोखरिया र बलुआ टोलको ठिक बिचमा पर्ने उक्त ठाउँमा पर्खाल निर्माणको लागि आज देखि बिधिवत् रुपमा सुुरु गरिएको हो । उक्त ठाउँमा बर्थिङ्ग सेन्टर निर्माणका लागि पहिले कम्पाउण्ड वाल बन्न लागेको वडा अध्यक्ष समिश बिक्रम शाहले जानकारी गराएका हुन् । त्यसको लागि स्थानिय समाजसेवी जोतनारायण यादवले हिन्दू धर्मशास्त्र अनुसार पूजापाठ गरि काम सुुचारु गराएका हुन् । 
उक्त ठाउँमा बन्ने बर्थिङ्ग सेन्टरको घेराबेराका लागी पर्खाल निर्माण सुरु भएको छ । चारैतीरबाट पर्खाल निर्माण हुनेछ । दुुइ वटा गेट सहितको १३० मिटर लम्बाई,६ फिट उचाई र १० इञ्च चौडाई रहेको पर्खाल निर्माणको काम उपभोक्ता समितिले सुरु गरेको हो । कटहरिया नगरपालिकाको नगर स्तरीय योजना बाट नगर प्रमुख अजय प्रकाश जयसवालले उपलब्ध गराएको ४५ लाख बजेटमा निर्माण हुन लागेको हो ।
सो कम्पाण्ड वालको २०८१ असार मसान्त सम्म निर्माण सम्पन्न गर्ने लक्ष्य लिईएको वडा अध्यक्ष शाहले जानकारी दिनुभयो । शाहका अनुसार कम्पाण्ड वाल निर्माण हुने चरणमै बर्थिङ्ग सेन्टर निर्माणका लागि शिलान्यासको काम हुने बताए । सो वडामा बर्थिङ्ग सेन्टर नहुँदा स्थानियहरुलाइ सास्ती खेप्नुु परेको थियो । अब उपरान्त उक्त समस्या हटने भएको छ । बर्थिङ्ग सेन्टर निर्माण हुने भएपछि स्थानियहरु हर्षित भइ वडा अध्यक्ष शाहलाइ धन्यवाद ज्ञापन गरेका छन् ।
११ असार, महोत्तरी
सडक मानवहरुको आश्रयको लागि महोत्तरीमा हाम्रो माया घर भवन निर्माण प्रक्रिया अगाडी बढाईएको छ ।
भवन निर्माणार्थ पारम्भिक चरणमा शिव पुराण माहा
यज्ञको आयोजना गरिएको माहायज्ञ मुल समितिका संयोजक हिरालाल गौतमले जानकारी दिए ।
दाताहरुले प्रदान गरेको ५ कठ्ठा जग्गा समेत भवन निर्माणार्थ घेरावार भैइसकेको छ । भवन निर्माणको आधारहरु तयार भएसगैँ २१ साउनदेखि २९ साउनसम्म माहायज्ञ पुराण आयोजना गरिएको आयोजक पक्षले जनाएको छ ।
पुराणको माध्यमवाट आयोजकले १ करोड ५० लाख भन्दा बढी चन्दा संकलन गर्ने लक्ष्य लिएका छन । व्यवस्थापकिय पाटोवाट झण्डै २५ लाख खर्च हुने अनुमान गरिएको उक्त माहायज्ञ मानव सेवासगँ जोडिएको अभियान भएको हुनाले यथेष्ट मानिसहरु सहभागी हुने बिस्वास लिईएको छ ।
माहायज्ञलाई सफल वनाउन विभिन्न उपसमिति समेत वनाईएको छ । भवन निर्माण सम्पन्न हुँदासम्म ११ करोड लागत अनुमान गरिएको छ भने वजेटको सुनिश्चितताको लागि स्थानिय, प्रदेश र संघ सरकारलाई अनुरोध गरिने संयोजक गौतमले जानकारी दिए ।
देशैभरीका सडक वालवालिका, सडक मानव र सहाराविहिनहरुको लागि महत्वपूर्ण कोशेढुंगा सावित हुने स्थानियहरुले बिस्वास लिएका छन ।
न्युज कारखाना
रौतहट । रौतहटको कटहरिया नगरपालिका स्थित लालबकैया नदी बाट अबैध रुपमा उत्खनन गरी बालुवा ल्याउँदै गरेको अवस्थामा प्रहरीले तीनवटा ट्याक्टर लाई चालक सहित नियन्त्रणमा लिएको छ।
ईलाका प्रहरी कार्यालय कटहरियाका प्रमुख सई शिवशंकर शर्माको कमाण्डमा अस्थाई प्रहरी चौकी छेदी चौक समेतको टोलीले अबैध बालुवा ल्याइरहेको तीनवटा ट्याक्टर र चालकहरु लाई नियन्त्रणमा लिएको हो। ना७ त ३३८० ,ना७ त ५६६३ ना७ त ९४१९ नम्बरको ट्याक्टर र चालकहरु गुजरा नगरपालिका ४ पाेखरभिन्डाका सकलु माझी, वडा ६ बेदौलिका दिपेश कुमार यादव र कटहरिया १ भासेढवाका सुकेश यादव लाई नियन्त्रणमा लिएको सई शर्माले बताएका छन।
बरामद गरिएको तीनवटै ट्याक्टर ईलाका प्रहरी कार्यालय कटहरियाको नियन्त्रणमा रहेको तथा चालक तीनैजना लाई आवश्यक कारवाहीको लागि जिल्ला प्रहरी कार्यालय गौर पठाईएको उनले जानकारी दिएका छन।
उता रौतहट प्रहरी प्रमुख एस्पी दिलीप घिमिरेले घटनाको पुष्टि गर्दै असार लागेपछि नदी खोला उत्खननमा प्रतिबन्ध भएको जानीजानी अटेरी गरेका तीनैजना चालक माथि केही अभद्र ब्यवहार सम्बन्धी मुद्दा दर्ता गरी थप अनुसन्धान भइरहेको जानकारी दिएका छन ।
न्युज कारखाना
आजमिति २०८१ साल असार १२ गते बुधवार तदअनुसार जुन २६ तारिख, नेपाल संवत ११४४ (चिल्लागा) उत्तरायणं ग्रिष्म ऋतु कृष्ण पक्षको पञ्चमी तिथी, धनिष्ठा नक्षत्र, । विष्कुम्भ योग । चन्द्र राशि कुम्भ । यो अशुभ योग हो ।
अभिजित् मुहूर्त: बिहान ११:४० देखि १२:३५ सम्म,
• काठमाण्डौंमा सुर्योदय: बिहान ०५:११
• सुर्यास्त: बेलुका ०७: ०३ बजे
मेष (चु, चे, चो, ला, लि, लु, ले, लो, अ)आज समय राम्रो छ । पराक्रम बढ्नेछ । श्रमको उचित मूल्याङ्कन हुनेछ । पढाइमा प्रगति हुनेछ । मिष्ठान्न भोजनको अवसर प्राप्त हुने योग छ । प्रेममा सफलता हुनेछ । समग्रमा दिन राम्रो छ ।
शुभ रगं ः सुन्तला
शुभ अंक ः ७
बृष (इ, उ, ए, ओ, बा, बि, बु, बे, बो) समय मध्यम छ । धन वचत गर्नुहोस् र आर्थिक स्थिति सुधार गर्नुहोस्। पठनपाठनमा ध्यान बिग्रनसक्छ । साथीसँग सम्बन्ध बलियो बनाउनुहोस् र आत्मीयता देखि संबंध विकसित गर्नुहोस्। परिवारसँग समय बिताउनुहोस् र उनीहरूको समर्थन गर्नुहोस्। घर झगडाबाट बच्नुहोला ।
शुभ रगं ः निलो
शुभ अंक ः ३
मिथुन (का, कि, कु, घ, ङ, छ, के, को, ह) आज समय मध्यम छ । परिवारिक माहोल राम्रो रहनेछ । प्रेममा अनावश्यक झगडा हुनसक्छ । शिक्षामा मन नजान सक्छ । स्वास्थ्यमा ध्यान दिनुहोला ।
शुभ रगं ः चाँदी
शुभ अंक ः ७
कर्कट (हि, हु, हे, हो, डा, डि, डु, डे, डो) आज समय राम्रो छ । मिहेनतको फल मिल्नेछ । पारिवारिक सुख मिल्नेछ । प्रेम तथा साथिभाईबाट सहयोग मिल्न सक्छ । स्वास्थ सुधार हुने छ ।
शुभ रगं ः रातो
शुभ अंक ः १
सिंह (मा, मि, मु, मे, मो, टा, टि, टु, टे)
आज समय ठीकै छ । मनमा उत्साह र उमङ्गको कमी देखिन सक्छ । सवारी चलाउँदा ध्यान दिनुहोला । अ राज्यपक्ष र सरकारी काममा विलम्ब हुनेछ । सामाजिक प्रतिष्ठा कायम राख्न थोरै बोलेको राम्रो हुन्छ । प्रेम तथा परिवारमा विवादबाट बच्नुहोला ।
शुभ रगं ः रातो
शुभ अंक ः ७
कन्या (टो, प, पि, पु, ष, ण, ठ, पे, पो) समय राम्रो छ । स्वास्थ्य सबल रहनेछ । वित्तीय योजना बनाउनुहोस्। माया, प्रेममा आत्मीयता र सहजताको साथमा संबंध अघि बढ्नेछ। परिवारसँग समय बिताउनुहोस् , काममा ध्यान दिनुहोस् र आराम गर्नुहोस्।
• शुभ रंग: रातो
• शुभ अंक – ८
तुला (र, रि, रु, रे, रो, ता, ति, तु, ते) समय ठिकै छ । ध्यान र आराम लिनुहोस्। योग र मेडिटेशन गर्नुहोस्।आर्थिक संगठन र वित्तीय योजना बनाउनुहोस्। प्रेम आत्मीयता र सहजताको साथमा संबंध विकसित गर्नुहोस्। परिवारसँग समय बिताउनुहोस् , विवादबाट वच्नुहोस।
शुभ रंग: सेतो
• शुभ अंक – २
वृश्चिक (तो, ना, नि, नु, ने, नो, या, यि, यु) आज समय शुभ छ । पारिवारिक सम्बन्ध सुदृढ बन्नेछ । व्यापार र व्यवसायका क्षेत्रमा उन्नति प्रगतिको वातावरण बन्नेछ । जग्गा जमिनको कारोबार गर्दा राम्रो प्रतिफल आउन सक्छ । सामाजिक क्षेत्र र नोकरीबाट मानसम्मान मिल्नेछ । विदेशको काममा सफलता मिल्नसक्छ । खर्च भने बढ्न सक्छ ।समय शुभ छ उपयोग गर्नुहोला ।
शुभ रगं ः रातो
शुभ अंक ः ४
धनु (ये, यो, भ, भि, भु, ध, फा, ढ, भे) आज समय ठिकै छ । शरिरमा आलस्यता आउनसक्छ । सङ्कटको सामना गर्दै उपलब्धी हासिल गर्नु पर्नेछ । कडा मिहिनेतपछि गरिएको कामबाट लाभ हुने सम्भावना छ । शत्रुपक्ष सकृय हुनेछन् । प्रेम तथा परिवारमा अनावश्यक जिद्धी नगर्नुहोला ।
शुभ रगं ः पहेलो
शुभ अंक ः ७
मकर (भो, ज, जि, खि, खु, खे, खो, गा, गि) आज समय मध्यम छ । स्वास्थ्यमा सामान्य समस्या आउन सक्छ । बोल्दा विचार पुर्याउनुहोला । मनमा चिन्ता रहनेछ । प्रेम तथा परिवारमा विवाद हुन सक्छ, सतर्क हुनुहोला ।
शुभ रगं ः खैरो
शुभ अंक ः १
कुम्भ (गु, गे, गो, सा, सि, सु, से, सो, द) आज समय राम्रो छ । मनमा सामान्य चिन्ता भएतापनि दाम्पत्य जीवन सुखद् तथा समृद्ध बन्ने देखिन्छ । आम्दानी प्रशस्तै बढ्नसक्छ । सन्तानबाट सुख प्राप्त हुनसक्छ । विपरीत लिङ्गी मित्रसँग मन फुकाएर आफ्ना कुरा राख्न सकिने समय छ ।
शुभ रगं ः कालो
शुभ अंक ः ३
मीन (दि, दु, थ, झ, ञ, दे, दो, च, चि) आज समय शुभ छ । परिवारजनको साथले नयाँ आशा पलाउनेछ । प्रेम तथा दाम्पत्य सुखमा रमाउने समय छ । रमाइलो यात्रा गर्ने अवसर प्राप्त हुनेछ । एउटै कामबाट दोहोरो लाभ मिल्नसक्छ । खुशि मिल्नसक्ने समय छ ।
शुभ रगं ः वैजनी
शुभ अंक ः ५
राशिफलमा राम्रो नराम्रो जे लेखेको भएका पनि तपाई आफ्नो नियमित कार्यबाट विचलित नहुनुहोला । राशिफल भनेको तपाईँको जन्मकुण्डलीमा रहेको चन्द्रमाको राशिलाई लिएर हाल भएका ग्रहहरूको अबस्थालाई हेरेर तयार गरीएको हुन्छ । जन्मकुण्डलीको अन्य आठ ग्रहको अवस्था युती, दृष्टि, भाव, उच्च, नीच, आदि कुराहरूले फरक पर्न सक्छ । निर्णय गर्दा तपाईंको आफ्नै अन्तर्ज्ञान र निर्णय प्रयोग गर्न सधैं महत्त्वपूर्ण छ।
राशिफल लेखक युवा ज्योतिष जनक खड्का, ज्योतिष परामर्श केन्द्रको सञ्चालक समेत हुन्। उनि वैदिक ज्योतिषका विज्ञ मानिन्छन् ।
न्युज कारखाना
